Astarada 57 yaşlı kişinin meyiti meşədən tapılıb.

Zamantv.az-ın APA-ya istinadən verdiyi məlumata görə, rayonun Maşxan kəndində yerləşən meşəlik ərazidə 1965-ci il təvəllüdlü Natiq Mirzəhəsən oğlu Qasımovun meyiti ağacdan asılmış vəziyyətdə tapılıb.

Meyit müayinə olunmaqdan ötrü aidiyyəti üzrə təhvil verilib.
Kənd sakinlərinin bildirdiyinə görə, mərhum əsəb xəstəliyindən əziyyət çəkirmiş.

Faktla bağlı araşdırma aparılır.

Bəzi ölkələr Rusiya ilə müharibənin aylar və ya illərlə davam edə biləcəyi perspektivini nəzərə alaraq, Ukraynaya sovet dövründən qalma silahlardan daha müasir NATO avadanlıqlarına keçməyə kömək etməyə hazırdırlar.

Zamantv.az bildirir ki, bu barədə “Bloomberg“ məlumat yayıb.

Qeyd olunur ki, bundan əvvəl ölkələr müasir silahlarla Ukrayna hərbçilərinin tanış olmaması səbəbindən onu tədarük etməkdən çəkinirdilər və təlim üçün vaxt tələb olunurdu. Ona görə də sovet dövründən qalma silahlar Ukraynaya verilib, lakin onların ehtiyatı müharibə bitməmiş tükənə bilər.

“Bəzi müttəfiqlər Ukrayna qoşunlarına daha müasir silahlardan istifadə etmək üçün ölkədən kənarda təlim keçirə bilər”, - bu barədə “Bloomberg“ G7 və NATO üzvləri arasında aparılan müzakirələrdən xəbərdar olan mənbələrə istinadən xəbər verir.

Bu mənbələrdən birinin sözlərinə görə, məqsəd Ukraynaya tədricən NATO tipli standartlara doğru irəliləməyə kömək etmək olacaq.

Türkiyə hakimiyyəti ölkənin kurortlarına yalnız rusiyalı turistləri daşıyacaq yeni aviaşirkət yaratmağı planlaşdırır.

Zamantv.az-ın xarici mediaya istinadla xəbərinə görə, aviaşirkət Antalya hava limanında yerləşəcək və onun sərəncamında sığorta riskləri ilə yanaşı, ikinci dərəcəli sanksiyalara düşmə riski olmayan təyyarələr də olacaq. Bundan əlavə, ölkə hakimiyyəti hava sanksiyaları səbəbindən Rusiyadan gələn turistləri itirmiş böyük ev sahibi şirkətlərə dəstək üçün dövlət zəmanəti ilə kreditlər verməyi də planlaşdırır.

“Turkish Airlines”in reyslərində xüsusi olaraq “paket” turistlərin daşınması üçün artıq 1,5 milyon yer ayrılıb. Bildirilir ki, bu tədbirlər Türkiyəyə Rusiyadan turist axınına imkan verəcək.

Yaşı 50-dən aşağı olan qadınların 25 faizi məişət zorakılığının qurbanıdır.

Zamantv.az-ın xarici mediaya istinadla məlumatına görə, bu qənaətə Ümumdünya Səhiyyə Təşkilatının araşdırmaçıları gəlib.

Dünyada qadınların 25 faizdən çoxu 50 yaşından əvvəl məişət zorakılığına məruz qalır. Bu zorakılığa son qoymaq üçün təcili tədbirlərin görülməsini zəruri edir.
Məlumata görə, 2 milyondan çox qadını əhatə edən 366 araşdırmanın meta-analizi aparılıb. O göstərib ki, 15-49 yaş arası qadınların təxminən 27 faizi həyatları boyu kişi tərəfdaşları tərəfindən fiziki və cinsi istismara məruz qalıb.

Planetimizdə təxminən 500 milyon insanı təmsil edən qadınların 13 faizi tədqiqatın aparıldığı son bir il ərzində məişət zorakılığı ilə üzləşib.

Bu sorğular 2000-2018-ci illər arasında aparıldığından və onların əhatə etdiyi çox həssas mövzunu nəzərə alaraq, məişət zorakılığının yayılmasının daha da yüksək ola biləcəyini güman etmək olar. Genişmiqyaslı karantinlərə səbəb olan koronavirus pandemiyası isə yalnız yeni bir artımla nəticələnib.

Kişi zorakılığı milyonlarla qadının, uşağın və onların ailələrinin və bütövlükdə cəmiyyətin həyatına təsir göstərir. Bu araşdırma pandemiyanın başlamazdan əvvəl aparılsa da, rəqəmlər artıq həyəcan vericidir və son araşdırmalar bu iki ildə məişət zorakılığının artdığını göstərib.

Təcridolma, depressiya və narahatlıq pozğunluqları kişilərin psixikasına mənfi təsir göstərir, spirtli içkilərdən sui-istifadə isə vəziyyəti daha da ağırlaşdırır.

Krasnoyarsk diyarında 11 yaşlı məktəbli qızın hamiləliyi ilə bağlı cinayət işi açılıb.

Zamantv.az Rusiya mediasına istinadla bildirir ki, məktəbli qızın qarnında kəskin ağrılardan şikayət etməsindən sonra hamilə qaldığı məlum olub. Həkimlər qızın hamiləliyin 30-cu həftəsində olduğunu müəyyən ediblər.

Məktəbli qız uşaq gözlədiyini başa düşübmü, yoxsa qəsdən "maraqlı" vəziyyətini böyüklərdən gizlədib? İndi hüquq-mühafizə orqanlarının əməkdaşları bu suala cavab tapmalı olacaqlar.
Artıq “zorlama” maddəsi ilə cinayət işi açılıb, uşağın atası tez bir zamanda müəyyən edilib. Məktəbli qızın 15 yaşlı oğlan dostu olduğu ortaya çıxıb, yeniyetmələr bir müddət görüşüblər.

İstintaqla müəyyən edilib ki, yeniyetmə evdə olarkən yaşına görə köməksiz vəziyyətdə olan və törətdiyi əməllərin mahiyyətini və əhəmiyyətini dərk etməyən 11 yaşlı qızla könüllü cinsi əlaqədə olub.

Müstəntiqlər hadisənin başvermə şəraitini müəyyənləşdirir, yeniyetmə artıq etirafedici ifadə verib.

Şəkinin kəndində geyim mağazası yanıb.

Zamantv.az-ın APA-ya istinadla məlumatına görə, hadisə bu gün günorta saatlarında rayonun İkinci Biləcik kəndində baş verib. Kənd sakini, Əbülfəz Süleyman oğlu Kərimova məxus, ümumi sahəsi 12 kv/m olan, hazırda istifadə edilməyən geyim mağazasında yanğın baş verib.

Yanğının söndürülməsi üçün əraziyə Fövqaladə Hallar Nazirliyinin (FHN) Qax və Şəki rayonlarının Dövlət Yanğından Mühafizə Hissələrinin yanğınsöndürən maşınları və şəxsi heyətləri cəlb edilib. Yanğın nəticəsində mağazanın yanar konstruksiyaları içərisində olan avadanlıqlarla birlikdə yanıb. Yanğın zamanı xəsarət alan olmayıb.
Faktla bağlı araşdırma aparılır.

Şəkidə üç minik avtomobilinin toqquşması nəticəsində bir nəfər ağır xəsarət alıb.

Zamantv.az-ın APA-ya istinadla məlumatına görə, hadisə günorta saatlarında Şəki şəhərinin Fuad Abdurəhmanov küçəsində baş verib.

Hərəkətdə olan, 1990-cı il təvəllüdlü Hafiz Əfəndizadənin idarə etdiyi "Niva" markalı 90 RY 039 dövlət nömrə nişanlı minik avtomobili 1995-ci il təvəllüdlü Sərxan Arif oğlu Xəlilovun idarə etdiyi "Mersedes" markalı 10 MN 810 dövlət nömrə nişanlı minik avtomobili ilə toqquşub. Qəzadan sonra avtomobillər yolun kənarında dayanan Vidadi Qeysər oğlu Əfəndiyevə məxsus "Hundai" markalı 55 CC 111 dövlət nömrə nişanlı minik avtomobilinə çırpılıb. Qəza nəticəsində “Niva”nın sükanı arxasında sıxılmış vəziyyətdə qalan sürücü Hafiz Əfəndizadə Fövqaladə Hallar Nazirliyinin (FHN) Şəki rayon Dövlət Yanğından Mühafizə Hissəsinin yanğınsöndürən-xilasediciləri tərəfindən çıxarılaraq Təcili Yardım Stansiyasının həkim briqadasına təhvil verilib. Hafiz Əfəndizadə Şəki Rayon Mərkəzi Xəstəxanasında əməliyyat edildikdən sonra reanimasiya şöbəsinə yerləşdirilib, vəziyyəti orta-ağır qiymətləndirilir.

Fransada keçirilən prezident seçkilərində “exit-poll”un nəticələri məlum olub.

Zamantv.az-ın Fransa televiziyasına istinadla xəbərinə görə, seçicilərin 28,1%-i hazırki prezident Emmanuel Makrona səs verib.

Onun əsas rəqibi Marin Le Pen 23,3% səs toplayıb.
Beləliklə, hər 2 namizəd ikinci turda mübarizə aparmalı olacaqlar.
Digər namizəd, Jan-Lük Melanşona seçicilərin 20,1%-i etimad göstərib.
Qeyd edək ki, Fransada prezident seçkilərinin ikinci turu aprelin 24-də keçiriləcək

Səbail rayonu, Dənizkənarı Milli Park ərazisində intihara cəhd olub.

Zamantv.az-ın APA-ya istinadla məlumatına görə, bir neçə dəqiqə əvvəl bir nəfər kişi özünü dənizə ataraq intihara cəhd edib.

Hadisə yerinə cəlb olunan Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidmətinin müvafiq xilasetmə qüvvələri vətəndaşı xilas edərək aidiyyəti üzrə təhvil veriblər.

Ukraynada həlak olan azərbaycanlı snayper Elnur Həsənov Goranboyda dəfn edilib.

Ukraynada həlak olan snayper Elnur Həsənovun nəşi ölkəmizə gətirilib, ailəsinə təhvil verilib.

Ukrayna-Rusiya müharibəsində iştirak edən 29 yaşlı Elnur Elşən oğlu Həsənov martın 27-də paytaxt Kiyev yaxınlığında öldürülüb.

O, Kəlbəcər rayon Cəmilli kənd qeydiyyatında olub, Goranboy rayonun Qarasüleymanlı kəndində müvəqqəti məskunlaşıb.

Zamantv.az-ın APA-ya istinadən məlumatına görə, mərhumun nəşi günorta saatlarında ölkəmizə gətirilib. Ukraynada mərhumla təntənəli vida mərasimi keçirilib, mərasimdə Ukrayna dilində Azərbaycan himni səsləndirilib. Elnur Həsənov İrpen istiqamətində “Karpat Seçi” könüllü batalyonunun tərkibində döyüşüb. O, “Alik” ləqəbi ilə tanınıb. Mərhum Goranboy rayonunda torpağa tapşırılacaq.

Qeyd edək ki, mərhum ikinci Qarabağ Müharibəsinin iştirakçısıdır, ailəli olub, iki övladı var.