Səbail rayonu ərazisində yerləşən obyektdə baş vermiş partlayış zamanı ümumilikdə 31 nəfər müxtəlif dərəcəli xəsarət almış, 1 nəfər vəfat edib.

Zamantv.az bildirir ki, bu barədə Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyinin birgə məlumat yayıb.

Xəsarət alaaraq reanimasiyada olan 7 nəfərdən 3-nün vəziyyəti kritik, 10-nun vəziyyəti orta ağır, 6 nəfərin isə stabil olaraq qiymətləndirilir.
Xəsarət alan digər şəxslər ambulator yardım alaraq buraxılıblar.

Son məlumata görə, xəsarət alan şəxslərdən Nərimanov Tibb Mərkəzində müalicə alan 2 nəfəri həkimlər müayinə edib, ilkin tibbi müdaxilədən sonra vəziyyətləri qiymətləndirilərək evə buraxılmalarına icazə verilib.

Baş vermiş partlayış zamanı xəsarət alanlardan 2 nəfər xarici ölkə vətəndaşıdır.

İtaliya vətəndaşı üz çənə zədələnməsi diaqnozu ilə Respublika Klinik Xəstəxanasına yatırılıb, vəziyyəti stabildir.

Seneqal vətəndaşı Nərimanov Tibb Mərkəzinə yerləşdirilib və vəziyyəti ağır olaraq dəyərləndirilir.

Fövqəladə Hallar Nazirliyi Bakıda gecə klubunda baş verən partlayışda zərər çəkənlər barədə məlumat yayıb.

Nazirlikdən Zamantv.az-a daxil olan məlumatda deyilir:

“Bakı şəhəri, Səbail rayonu, Tərlan Əliyarbəyov küçəsində yerləşən gecə klubunda yanğın və dağıntı ilə nəticələnmiş partlayışla əlaqədar Fövqəladə Hallar Nazirliyinin qüvvələri tərəfindən həyata keçirilən axtarış-xilasetmə əməliyyatı başa çatıb. Hadisə yerində həyata keçirilən kəşfiyyat tədbirləri nəticəsində dağıntılar altında aşkar olunmuş 1 nəfərin cəsədi çıxarılaraq aidiyyəti üzrə təhvil verilib.
Axtarış-xilasetmə əməliyyatına FHN-in Xüsusi Riskli Xilasetmə Xidmətinin xüsusi təlim keçmiş axtarış itləri də cəlb olunub”.

Partlayış zamanı həlak olan 1979-cu il təvəllüdlü Maya Axundova klubda xadimə kimi çalışıb.

Onu tanıyanların Zamantv.az-a dediklərinə görə, Maya Axundova maddi vəziyyəti ilə bağlı gündüzlər rayon ərazisindəki yollarda süpürgəçi, gecələr isə klubda qab yuyan kimi işləyib.
Baş Prokurorluq: Gecə klubunda partlayışda 1 nəfər ölüb, 37 nəfər yaralanıb

Bakıda gecə klubunda partlayış nəticəsində hazırda ölənlərin sayı 1 nəfərdir.

Zamantv.az xəbər verir ki, bu barədə Baş Prokurorluğun yaydığı məlumatda bildirilir.

Hadisə zamanı həyatını itirən şəxs gecə klubunun əməkdaşı, 1979-cu il təvəllüdlü Maya Axundovadır.

"37 nəfər müxtəlif dərəcəli bədən xəsarətləri alıb, onlardan dördünün vəziyyəti çox ağır qiymətləndirilir. Həmçinin 14 avtomobil, 1 mənzil və 2 qeyri yaşayış obyektinə də ziyan dəyib", - qeyd olunub.

Bu gecə partlayışın baş verdiyi Səbail rayonu, Tərlan Əliyarbəyov küçəsi 9 ünvanında yerləşən gecə klubunun kimə məxsus olduğu məlum olub.

“ Zamantv.az” xəbər verir ki, gecə klubunun yerləşdiyi mülkiyyət Xətai rayon sakini, 1979-cu il təvəllüdlü Umbayev Ağa Tofiq oğluna məxsusdur.

Lakin ümumi sahəsi 170 kv.metr olan mülkiyyəti Rəsul Rəsulov icarəyə götürərək gecə klubu kimi işlədib.

Qeyd edək ki, hadisə ilkin ehtimala görə qaz sızmasına görə baş verib. Partlayış nəticəsində 1 nəfər ölüb, 30-dan çox şəxs isə xəsarət alıb. Yaralılardan bir neçəsinin vəziyyətinin kritik olduğu bildirilib.

İlkin məlumata görə, partlayış qaz sızmasından baş verib. Hadisə nəticəsində klubun üstündə yerləşən mənzillər də zərər görüb.

03:53

Bakının mərkəzində güclü partlayış olub.

“Report”un hadisə yerində olan əməkdaşı xəbər verir ki, partlayış Səbail rayonu, Tərlan Əliyarbəyov 13a ünvanında fəaliyyət göstərən gecə klubunda qeydə alınıb.

Partlayış zamanı bir nəfər ölüb, daha bir neçə nəfər xəsarət alıb.

Hadisə dağıntılara səbəb olub, mülki obyektlərə və avtomobillərə ciddi ziyan dəyib. Partlayış yanğınla nəticələnib.

Hadisə yerinə hüquq-mühafizə orqanlarının, Fövqəladə Hallar Nazirliyinin əməkdaşları və təcili yardım cəlb edilib.
Bakının mərkəzində güclü partlayış olub.

Bu barədə “Report”a hadisə şahidləri xəbər verib.

İlkin məlumata görə, hadisə Nizami küçəsində qeydə alınıb. Partlayış zamanı xəsarət alanlar var. Eyni zamanda obyektlərə və avtomobillərə ciddi ziyan dəyib. Partlayış yanğına səbəb olub.

Hadisə yerinə hüquq-mühafizə orqanlarının əməkdaşları və təcili yardım cəlb edilib.

Bakıda yola yanacaq dağılıb.

Zamantv.az-ın Fövqəladə Hallar Nazirliyinin saytına istinadən xəbərinə görə, "112" qaynar telefon xəttinə Bakı şəhəri, Xətai rayonu, Süleyman Əhmədov küçəsində yanacaq daşıyan avtomobildən yolun hərəkət hissəsinə təqribən 250 metr məsafədə yanacaq (dizel) dağılması barədə məlumat daxil olub.
Hadisə yerinə cəlb olunan DYMX-nın yanğınsöndürmə qüvvələri tərəfindən yol yuyularaq müvafiq təhlükəsizlik tədbiri görülüb.

Avtomobildən oğurluq edən şəxslər saxlanılıb.

Daxili İşlər Nazirliyindən Zamantv.az-a verilən məlumata görə, Nizami RPİ 24-cü Polis Şöbəsi əməkdaşlarının keçirdikləri əməliyyat-axtarış tədbirləri nəticəsində rayon ərazisində “BMW” markalı bir avtomobildən 750 manat və 150 ABŞ dolları oğurlamaqda şübhəli bilinən əvvəllər məhkum olunmuşlar Yardımlı rayon sakini R.Alışanov və Gədəbəy rayon sakini B.Nağızadə saxlanılıblar.

Araşdırma aparılır.

Bank hesabından pul oğurlayan şəxs saxlanılıb.

Daxili İşlər Nazirliyindən Zamantv.az-a verilən məlumata görə, Sumqayıt ŞPİ-nin 2-ci Polis Bölməsinə martın 27-də şəhər sakini S.İbadovun bank hesabından 2010 manatının oğurlanması barədə müraciət daxil olub.

Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən H.Z.Tağıyev qəsəbə sakini E.Ağayev müəyyən edilərək saxlanılıb.

Gədəbəydə dava zamanı 2 nəfər xəsarət alıb.
Zamantv.az xəbər verir ki, hadisə rayonun Düzrəsullu kəndində qeydə alınıb.

Kənd sakinləri 1984-cü il təvəllüdlü Bayramov Zahir və 1982-ci il təvəllüdlü Rzayev Ədil otlaq sahəsi üstündə 1971-ci il təvəllüdlü Əhmədov Qurbanla mübahisə ediblər.
Bu zaman sonuncu Z.Bayramova və Ə.Qurbanova dəmir parçası ilə xəsarət yetirib.

Zahir Bayramov döş qəfəsinin kəsilmiş deşilmiş yarası və Ədil Rzayev yuxarı və aşağı ətraflarının açıq yarası xəsarətləri ilə xəstəxanaya yerləşdirilib. Yaralıların vəziyyətinin kafi olduğu bildirilir.

Hadisəni törədən Q.Əhmədov polis tərəfindən saxlanılıb.
Faktla bağlı araşdırma aparılır.

Fuad Nazimoğlu

İrəvan şəhərində atışma olub.

Zamantv.az xarici KİV-ə istinadən xəbər verir ki, hadisə bu gün İrəvanın mərkəzindəki evlərdən birinin həyətində baş verib.

Belə ki, hadisə nəticəsində güllə yarası almış 43 və 35 yaşlarında olan iki kişi xəstəxanaya yerləşdirilib.
Hazırda faktla bağlı araşdırma aparılır və insidenti törədən şəxs axtarılır.