Bakıda hava şəraiti ilə əlaqədar küləyin fəsadlarından 6 nəfər (qadın) müxtəlif dərəcəli bədən xəsarətləri alıb.

Bu barədə Zamantv.az Səhiyyə Nazirliyindən xəbər verilib. Qeyd edilib ki, yaralananlar müxtəlif xəsarətlərlə Təcili və Təxirəsalınmaz Tibbi Yardım Stansiyasının briqadaları tərəfindən xəstəxanaya çatdırılıblar.

Bakıda "Location" adlı gecə klubunda güclü partlayışda müğənni Nicat Məhərrəmov da xəsarət alıb.

Zamantv.az-ın məlumatına görə, ifaçı bu barədə socsal şəbəkədəki səhifəsində paylaşım edib:

"Baş verən partlayış sadəcə bir kabus idi. İnsanların çarəsizliyi, o partlayışın səsi, ümumilikdə yaşanan bu faciə heç bir zaman gözümdən və ağlımdan getməyəcək. Bütün yaralı olan dostlarıma Allahdan şəfa diləyirəm. Məni yığıb soruşan, axtaran, arxamca xəstəxanaya gəlib, yanımda olan doğmalarıma, dostlarıma, əzizlərimə təşəkkür edirəm. Allah sizi sevdiklərinizə bağışlasın".
Qeyd edək ki, aprelin 3-də baş vermiş hadisə nəticəsində 1 nəfər həyatını itirib (gecə klubunun əməkdaşı, 1979-cu il təvəllüdlü Maya Axundova), 37 nəfər müxtəlif dərəcəli bədən xəsarətləri alıb. Həmçinin 14 avtomobil, 1 mənzil və 2 qeyri-yaşayış obyektinə də ziyan dəyib.

Göygöldə 39 yaşlı kişi ürəktutmasında vəfat edib.

Zamantv.az[b][/b] APA-nın yerli bürsona istinadən xəbər verir ki, hadisə Göygöl Su Kanal idarəsində qeydə alınıb.

Qurumun əməkdaşı 1983-cü il təvəllüdlü S.Hüseynovun səhhəti qəfil pişləşib yıxılıb.
Dərhal təcili yardım çağırılıb. Müayinə zamanı həkimlər onun öldüyünü müəyyən edib.

Məlumata görə, 39 yaşlı S.Hüseynov ürək xəstəliyindən əziyyət çəkirmiş.

Hadisə yerinə hüquq mühafizə orqanlarının əməkdaşları cəlb olunub.

Faktla bağlı araşdırma aparılır.

Cinayət yolu ilə əldə olunan pul vəsaitləri və digər əmlakı leqallaşdırmaqda təqsirli bilinən Sədi Nəcmətdinovun cinayət işi üzrə ibtidai istintaq başa çatıb.

Zamantv.az-ın məlumatına görə, cinayət işi üzrə toplanan materiallar baxılması üçün Bakı Ağır Cinayətlər Məhkəməsinə göndərilib. İş hakim Azər Paşayevin icrattına verilib.

O, Cinayət Məcəlləsinin 193-1.3.2-ci (Cinayət yolu ilə əldə olunan pul vəsaitləri və digər əmlakı leqallaşdırma, külli miqdarda törədildikdə) maddəsilə ittiham olunub.
Qeyd edək ki, Nəcmətdinov Sədi Həsən oğlu Cinayət Məcəlləsinin 178.3.2 (dələduzluq külli miqdarda ziyan vurmaqla törədildikdə) maddəsi ilə təqsirləndirilən şəxs qismində cəlb olunması haqqında qərar qəbul edilib, cinayət təqibi orqanından gizləndiyinə görə barəsində beynəlxalq axtarış elan edilib.

Sədi Nəcimətdinov Rusiya ərazisində müəyyən edilərək 2021-ci ilin mart ayında barəsində həbs qətimkan tədbiri seçilib.

O, ötən il dekabrın 22-də Ədliyyə Nazirliyi Penitensiar Xidmətin xüsusi konvoyunun müşayiəti ilə S.Nəcimətdinov Rusiyadan Azərbaycana gətirilib.

Göyçay şəhəri ərazisində yerləşən mağazaların birindən oğurluq edilib.

Daxili İşlər Nazirliyinin mətbuat xidmətinin Şəki regional qrupundan Zamantv.az-a verilən məlumata görə, gecə saatlarında obyektə daxil olan naməlum şəxslər orada quraşdırılan “E-manat” ödəmə terminalının kassasını sındıraraq içərisində olan 32 000 manat pulu, eləcə də mağazadakı tütün məmulatlarını və pulu oğurlayaraq hadisə yerindən yayınıblar.

Rayon Polis Şöbəsi əməkdaşlarının keçirdikləri təxirəsalınmaz əməliyyat-axtarış tədbirləri nəticəsində cinayət əməlini törədən şəxslər,rayon sakinləri-Nizam Nuruyev,Süleyman Nuriyev və Kamran Hüseynli tutularaq istintaqa təqdim ediliblər. Saxlanılan şəxslər əməllərini etiraf edib və oğurladıqları pulun müəyyən hissəsi onlardan maddi sübut kimi götürülüb.
Araşdırma zamanı məlum olub ki, oğurluğu əvvəlcədən planlaşdıran gənclər niyyətlərini keçirdikdən sonra əldə etdikləri pulu öz aralarında bölüblər və daha sonra birlikdə Bakı şəhərinə gedərək orada özlərinə ev kirayələyiblər.Onlar əldə etdikləri pulun bir hissəsini paytaxtda əyləncələrinə xərcləyiblər, həmçinin saxlanılanlardan Nizam Nuruyev ona düşən pulun 4 min manatına özünə motosiklet də alıb.

Faktla bağlı cinayət işi başlanılıb, zəruri istintaq-əməliyyat tədbirləri davam etdirilir.

Respublikanın daxili işlər orqanları tərəfindən ötən iki gün ərzində törədilən 102 cinayətin üstü “isti izlər”lə açılıb.

Daxili İşlər Nazirliyindən Zamantv.az-a verilən məlumata görə, əvvəlki dövrlərdən bağlı qalan 17 cinayətin açılması təmin olunub.

Axtarışda olduğuna görə ümumilikdə 50 nəfər, o cümlədən borclu şəxs qismində axtarışda olan 39 nəfər saxlanılaraq aidiyyəti üzrə təhvil verilib.
Respublikanın avtomobil yollarında 4 yol-nəqliyyat hadisəsi baş verib, nəticədə 4 nəfər ölüb.

Əməliyyat-axtarış tədbirləri nəticəsində narkotiklərlə əlaqəli 52, qanunsuz saxlanılan silah-sursatın götürülməsi və aşkarlanması ilə bağlı 2 fakt müəyyən edilib.

Cinayət törətməkdə şübhəli bilinən 90 nəfər saxlanılıb.

Ağsu aşırımında yanğınla nəticələnən yol-nəqliyyat hadisəsi baş verib.

Zamantv.az APA-ya istinadən xəbər verir ki, Bakı-Şamaxı-Yevlax avtomobil yolunun Ağsu dolaylarından keçən hissəsində hərəkətdə olan “Mercedes” markalı minik avtomobili bu gün axşam saatlarında idarəetmənin itməsi nəticəsində yoldan çıxaraq dərəyə aşıb.

Ağaca çırpılan avtomobil zərbənin təsiri nəticəsində yaranan qısa qapanma zamanı yanmağa başlayıb.
Sürücü avtomobilin yoldan çıxdığı an özünü aşağı atıb, yüngül xəsarət alıb.

Hadisə yerinə Ağsu rayon təcili və təxirəsalınmaz tibbi yardım stansiyasının əməkdaşları və Ağsu Dövlət Yanğından Mühafizə Hissəsinin avtomobilləri və canlı qüvvəsi cəlb olunub.

Avtomobil tamamilə yanaraq yararsız hala düşüb.

Yanğınsöndürənlər alovu tam söndürüb və meşə zolağına keçməsinin qarşısını alıb.

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparıl

İrpendə ölən mülki vətəndaşların sayı 200 nəfəri ötüb, lakin bu, yekun rəqəm deyil.

Zamantv.az Ukrayna mediasına istinadla bildirir ki, bu barədə şəhərin meri Aleksandr Markuşin məlumat verib

Onun sözlərinə görə, kommunal xidmətlər şəhəri dağıntılardan təmizləyir. Bu zaman küçələrin düz ortasında qalan ölülərin cəsədləri də yığılır və qeydə alınır.
"Hər gün sakinlərimizin cəsədlərini küçələrdən yığırıq. Dağıntılar altında ölənlərin də cəsədləri var, biz onları sökməyə başlayacağıq", - Markuşin bildirib.


Ukrayna Prezidenti Aparatı rəhbərinin müşaviri və Rusiya ilə danışıqlarda nümayəndə heyətinin üzvü Mixail Podolyak isə avropalı siyasətçilərin Moskvaya qarşı ehtiyatlı mövqeyini sərt tənqid edib.

Siyasətçi Buçada baş verənləri qətliam adlandırıb.

“Bizim avropalı tərəfdaşlarımızın fikrincə, əsas məsələ rusları təxribata çəkməməkdir... Əsas odur ki, ruslar inciməsinlər və istifadə etməsinlər..
Nə istifadə olunmayıb? Raketlər, aviabombalar, tanklar dinc əhalini qırmayıb? Yaşayış məntəqələri bombalanıb, həbs düşərgələrində olduğu kimi kütləvi edamlar edilib. Nəticədə dünya Buça, İrpen, Qostomeldə insanlığa qarşı tam təsvirolunmaz dəhşətlə üzləşib”, - Podolyak yazıb.
Artıq Böyük Britaniyanın Xarici İşlər Nazirliyi Kiyev vilayətinin Buça, Qostomel, İrpin və digər şəhər və kəndlərində baş verən hadisələrə münasibət bildirib. Diplomatların sözlərinə görə, onlar Rusiya ordusunun vəhşiliklərindən şoka düşüblər.

Bakı şəhəri Səbail rayonu, Əliyarbəyov küçəsində yerləşən “Location club”da baş verən partlayışla bağlı araşdırmalar davam edir.

Zamantv.az bildirir ki, APA-nın əməkdaşı partlayış baş vermiş gecə klubunun hazırkı vəziyyətini video lentə alıb.

Həmin videonu sizə təqdim edirik:

Krasnoyarsk diyarının Taseevski rayonunda məhkəmə 35 yaşlı arvadını öldürməkdə şübhəli bilinən 51 yaşlı kişini həbs edib.

Zamantv.az Rusiya mediasına istinadla bildirir ki, istintaqın versiyasına görə, martın 28-də axşam saatlarında ər-arvad Taseevo kəndində yaşadıqları evdə içki içərək mübahisə ediblər. Aleksandr Xakonov əvvəlcə əli ilə arvadını vurub, sonra isə sinəsindən iki bıçaq zərbəsi endirib. O, aldığı xəsarətlərdən yerindəcə keçinib. Şübhəli şəxs qətlə yetirilən Yelena Xakonovanın meyitini kəndin yaxınlığındakı meşəyə apararaq zibilliyin yanında basdırıb.

Hüquq-mühafizə orqanlarındakı mənbənin bildirdiyinə görə, şübhəli şəxs Taseevski rayon şurasının deputatı olub.

Həyat yoldaşının öldürülməsindən bir neçə saat sonra o, itkin düşməsi ilə bağlı ifadə verərək polisə müraciət etsə də, hadisə yerinə gələn polislər qadının itkin düşməsinin cinayət xarakterli olduğunu müəyyən ediblər.

Dəlilləri kişiyə təqdim edəndə o, əməlini etiraf edib.