[rating-type-4]
{likes}
{dislikes}
[/rating-type-4]
Bakıda xilasetmə əməliyyatı...


Bakı Olimpiya Stadionunda nə məğlubiyyətə üzülən oldu, nə də qələbəyə sevinən...

Bu, zəlzələnin 47-ci gününə təsadüf edən matç idi, daha doğrusu, xilasetmə əməliyyatı. Ölkə Prezidentindən tutmuş, futbolçuların, azarkeşlərin iştirakı ilə keçirilən əməliyyat...

6 fevralda baş verən zəlzələnin episentri təkcə Kahramanmaraş deyildi, həm də Bakıydı, Gəncə idi, Naxçıvanıydı...

Biz də silkələnmişdik, silkələnib nəyimiz var, nəyimiz yox idi tökmüşdük ortaya, yığmışdık Sərvər Bəşirlinin timsalında köhnə maşınımızın yük yerinə, yardıma koşmuşduq...

Bir sözlə, Qulu Ağsəsin də, dediyi kimi, Azərbaycan özünü dağıntılar altına atmışdı.

Fiziki olaraq, xilasetmə əməliyyatı başa çatıb, amma mənəvi olaraq davam edir. Və dünənki “Qarabağ” - “Qalatasaray” xeyriyyə matçı da bu mənəviyyatın bir parçası idi.

Şuşada keçirilən Xarıbülbül festivalından sonra, Azərbaycanda təşkil olunan ən anlamlı və duyğulu orqazinasyonlardan idi dünənki matç...

Bu, həm də Vətən müharibəsi qazisi Muradın iki muradına birdən çatması idi. Şükür ki, hər iki arzusuna canlı şahidlik edərək...

Qızğın döyüşlərin ortasında Türkiyə telekanlının mikrofonuna “Qarabağ azad olunsun, Xankəndidə bir “Qarabağ” - “Qalatasaray” matçı izləyək” demişdi bizim Murad.

İki muradın bir reallaşdığı dövrdə hesab da iki bir oldu. İki dövlətin bir millət olduğu kimi...

Amma kaş, nə zəlzələ olardı, nə də bu matç... Bu matçı elə biz Xankəndinə saxlayardıq...

Deməli, futbol təkcə 22 nəfərin bir top arxasınca qaçması deyil. Futbol - yeri gələndə iki qardaş ölkənin uğruna qanlar tökülən şanlı bayrağını bir formanın üzərinə həkk etdirməkdir.

Futbol - zəlzələnin ilk günündən olduğu kimi, ay yarım sonra da “Səsimi duyan varmı” sualına Azərbaycandan “Buradayam!” cavabının gəlməsidir.

Futbol həm də, Azərbaycan Prezidenti İlham Əliyevin “Qarabağ”ın qoluna sevinib, “Qalatasaray”ın qoluna isə əl çalmasıdır.

Respect, cənab Prezident!

Respect, “Qarabağ”, respect “Qalatasaray”!

Emin Səfərov

[rating-type-4]
{likes}
{dislikes}
[/rating-type-4]
İki güləşçimiz Avropa çempionu oldu - YENİLƏNİB


Azərbaycanın daha bir yunan-Roma güləşçisi Rumıniyanın paytaxtı Buxarestdə keçirilən U-23 Avropa çempionatında qızıl medal qazanıb.

72 kq-da çıxış edən Qurban Qurbanov finalda ukraynalı İrfan Mirzoyevə 8:0 hesabı ilə qalib gələrək fəxri kürsünün ən yüksək pilləsinə qalxıb.

67 kq-da yer alan Həsən Məmmədli isə 3-cü yer uğrunda qarşılaşmada bolqarıstanlı İvo İliyevə 8:10 hesabı ilə uduzaraq medalsız qalıb.

xxx

21:10

Azərbaycanın yunan-Roma güləşçisi Elmir Əliyev Rumıniyanın paytaxtı Buxarestdə keçirilən U-23 Avropa çempionatında final görüşünə çıxıb.

60 kq-da mübarizə aparan idmançı həlledici qarşılaşmada israilli Melkamu Fetene ilə üz-üzə gəlib.

Rəqibini 5:3 hesabı ilə məğlub edən Əliyev qitə çempionu olub.
Qeyd edək ki, daha əvvəl yunan-Roma güləşçilərindən Xasay Həsənli (77 kq) gümüş medal qazanıb.
[rating-type-4]
{likes}
{dislikes}
[/rating-type-4]
"Qarabağ” darmadağın etdi, Musa liderliyə yüksəldi


Azərbaycan Premyer Liqasında XXVI turun daha bir oyunu keçirilib.

Çempionatın lideri "Qarabağ” turnir cədvəlinin sonuncu pilləsində qərarlaşan "Səbail”i sınağa çəkib.

Premyer Liqanın məğlubedilməz komandası "Qarabağ” uğurlu seriyasını bu matçda da davam etdirib. Ağdamlılar qarşılaşmanın taleyini birinci hissədə həll ediblər. 24-cü dəqiqədə Elvin Cəfərquliyev hesabı açıb. Bundan 10 dəqiqə sonra Musa Qurbanlı fərqlənərək, qollarının sayını 18-ə çatdırıb və bombardirlər yarışında birinci pilləyə yüksəlib.

Julio Romao 53-cü dəqiqədə cərimə meydanı həndəvərindən mükəmməl zərbə ilə toru silkələyib. Bu, həm də qarşılaşmada vurulan sonuncu qol olub və "Qarabağ” meydanı 3:0 hesablı qələbə ilə tərk edib.

Qalibiyyət sayəsində Qurban Qurbanovun kollektivi xal ehtiyatını 68-ə çatdırıb. Autsayder "Səbail” isə 17 xalda qalıb.

Qeyd edək ki, turun "Kəpəz” – "Zirə” və "Turan Tovuz” – "Qəbələ” görüşləri 1:1 hesablı heç-heçə ilə nəticələnib, "Sabah” "Sumqayıt”ı 4 cavabsız qolla üstələyib. Tura martın 12-də keçiriləcək "Şamaxı” – "Neftçi” matçı ilə yekun vurulacaq.

Qaynarinfo
[rating-type-4]
{likes}
{dislikes}
[/rating-type-4]
Bu azarkeşlər Ermənistan yığması ilə səfər oyununa buraxılmayacaqlar

Türkiyəli futbol azarkeşləri AVRO-2024-ün seçmə mərhələsində milli komandalarının Ermənistan yığması ilə səfərdə keçirəcəyi oyuna buraxılmayacaqlar.

Bu barədə Ermənistan Futbol Federasiyası məlumat yayıb.

Bildirilib ki, UEFA-nın xüsusi qərarına əsasən, martın 25-də I tur çərçivəsində “Vazqen Sarkisyan” stadionunda baş tutacaq qarşılaşmada qonaq komanda azarkeş dəstəyi olmadan çıxış edəcək.

Qeyd edək ki, bu komandalar arasında Türkiyədəki oyun sentyabrın 8-də olacaq.
[rating-type-4]
{likes}
{dislikes}
[/rating-type-4]
“CBC Sport”da nə baş verir? - Kütləvi ixtisarlar başladı


“CBC Sport” kanalında işçilər kütləvi şəkildə ixtisar edilib.

Bu barədə işdən çıxarılan əməkdaşlar məlumat veriblər. Qeyd edilib ki, ilkin olaraq kanalın əsas departamentlərindən biri olan “Program Production” ləğv edilib, 12 əməkdaş işsiz qalıb.

Əməkdaşlar qanunsuz formada vəzifədən azad edildiklərini iddia edirlər. Belə ki, əksər işçilərin xidməti müqaviləsinə vaxtından əvvəl, öz razılıqları olmadan, heç bir xəbərdarlıq edilmədən xitam verilib. Onlar işdən çıxarıldıqlarını yalnız bu gün ofisdə olanda biliblər.

Rəhbərlik işçilərlə görüşmədən, tələsik olaraq onlarla yollarını ayırıb. Əlavə edilib ki, bu, son deyil. Digər departamentlərdə də bənzər işdənçıxarılmaların olacağı anonsu verilib.

Məlumat üçün bildirək ki, son günlər “CBC Sport”un rəhbəri Volkan Üst və digər rəhbər şəxslərin kanaldan ayrılacağı ilə bağlı informasiya yayılmışdı. Bu xəbərdən sonra isə rəhbərlik tərəfindən sıravi əməkdaşların vəzifədən azad edilməyi xeyli suallar yaradıb.

Məsələ ilə bağlı Volkan Üstlə əlaqə saxladıq. O, kütləvi ixtisarlarla bağlı xəbəri təsdiq edib: “Strukturda bəzi dəyişikliklər etdik”.

Kanal rəhbəri digər iddialara şərh vermək istəməyib.

Xatırladaq ki, Volkan Üst “CBC Sport” kanalına 2016-cı ildən rəhbərlik edir.

“Qafqazinfo”
[rating-type-4]
{likes}
{dislikes}
[/rating-type-4]
Azərbaycan əsilli idmançı Rusiya çempionu oldu


Azərbaycan əsilli bədii gimnast Lala Kramarenko Rusiya çempionu olub.

18 yaşlı idmançı Moskvada keçirilən turnirdə halqa, top, gürz və lentlə hərəkətlərdə bütün rəqiblərini qabaqlayıb. Lala halqa ilə 40.45, topla 38.35, gürzlə 39.65, lentlə hərəkətlərdə isə 40.50 xalla birinci yeri tutub.

Gənc idmançı futbol üzrə Azərbaycan millisinin sabiq qapıçısı, yığmanın və Rusiyanın ÇSKA klubunun qapçılar üzrə məşqçisi Dmitri Kramarenkonun qızıdır.

18 yaşlı Lala komanda hesabında 2021-ci ilin Avropa çempionu olmaqla yanaşı, yeniyetmələr arasında üçqat dünya çempionudur.

[rating-type-4]
{likes}
{dislikes}
[/rating-type-4]
Klopp “100-lər klubu”na qoşuldu

“Liverpul”un baş məşqçisi Yurgen Klopp Çempionlar Liqasının “100-lər” klubuna qoşulub.

Turnirin 1/8 finalında Madrid “Real”ına qarşı 1/8 final matçı (2:5) onun üçün 100-cü olub. Klopp bu saya çatan 8-ci mütəxəssisdir. 55 yaşlı çalışdırıcı “Liverpul”u 64, Dortmund “Borussiya”sını 36 ÇL matçına çıxarıb.

Turnirin Çempionlar Liqası adlandırılmağa başlandığı 1992-ci ildən bu yana ən yüksək göstərici “Mançester Yunayted”in sabiq baş məşqçisi Ser Aleks Ferqyusona məxsusdur – 202 oyun. Hazırda “Real”ın “sükançı”sı olan Karlo Ançelotti 186 matçla ikinci, uzun illər “Arsenal”da işləmiş Arsen Venger 184 görüşlə üçüncüdür.

“100-lər klubu”nda Pep Qvardiola (155 oyun), Joze Mourinyo (145 oyun), Mirça Luçesku (115 oyun) və Massimiliano Alleqri (100 oyun) də var.

Mənbə: iffhs.com
[rating-type-4]
{likes}
{dislikes}
[/rating-type-4]
Ermənilər İsveç - Azərbaycan matçında təxribat törətməyi planlaşdırırlar


İsveçdəki erməni icmasının üzvləri martın 27-də futbol üzrə Avropa çempionatının seçmə mərhələsi çərçivəsində bu ölkənin Stokholm şəhərində keçiriləcək İsveç - Azərbaycan matçında təxribat törətməyi planlaşdırırlar.

Bu barədə “Report”a İsveç Azərbaycanlıları Konqresinin sədri Emil Mirzəyev məlumat verib.

Diaspor rəhbəri qeyd edib ki, bununla bağlı hazırda İsveçin hüquq-mühafizə orqanlarında işləyən, eyni zamanda Konqresin üzvləri olan dostları xəbərdarlıq ediblər:

“Bizə məlumat verdilər ki, Azərbaycanla oyuna bilet alıb təxribat törətmək, orada siyasi məsələləri qabartmaq istəyirlər. Bunların arasında azərbaycanlı ekofəalların Şuşadan keçən Xankəndi-Laçın yolunda keçirdikləri etiraz aksiyasını hədəf alan şüarlar da var. Həmçinin sosial şəbəkələrdə də yazırlar ki, ermənilər oyun üçün 100 bilet alıb separatçıların əsgi parçası ilə stadiona gəlmək, üzərində “Laçın yolu açılsın” yazılmış banner açmaq istəyirlər”.

Emil Mirzəyev vurğulayıb ki, artıq məsələ ilə bağlı aidiyyəti qurumlara müraciət ünvanlayıblar:

“Səfirimiz - cənab Zaur Əhmədov başda olmaqla, bu məsələni qaldırdıq. İsveç qanunlarına görə, futbolda heç bir siyasi şüar ola bilməz. Bizim azarkeşlərimiz üçün ayrılmış sektora başqa ölkənin vətəndaşları bilet ala bilməzlər. İstəyirik ki, hüquq-mühafizə orqanları məsələni diqqətdə saxlasınlar. Həmçinin oyuna bir neçə gün qalmış İsveç Futbol Federasiyasında bu məsələni qaldırmaq istəyirik. Bilirsiniz ki, “Sabah”ın idman direktoru İqor Ponomaryov İsveçdə yaşayır. Onunla da danışmışıq. Ponomaryov mümkün təxribat barədə AFFA-ya məlumat verib ki, təhlükəsizlik məsələlərinə ciddi yanaşsınlar”.

O bildirib ki, İsveç Azərbaycanlıları Konqresi olaraq sözügedən oyuna ciddi hazırlaşırlar:

“Səfirimizin dəstəyi ilə görüşə maksimum dərəcədə çox insan cəlb etməyə çalışırıq. Ona görə də 115-ci, 116-cı, 117-ci və 118-ci sektorları azərbaycanlı azarkeşlərlə dolduracağıq. Hamımız doğma komandamıza bayraqlarla dəstək olacağıq. İsveçin bir çox şəhərlərində nümayəndələrimiz, dərnəklərimiz var. Konqres üzvləri, dərnək sədrləri öz adamları ilə paytaxta gələcəklər”.

Emil Mirzəyev xatırladıb ki, bu, ermənilərin ilk belə təxribat cəhdi deyil:

“2016-cı ildə Aprel döyüşləri olanda burada erməni diasporu ilə toqquşmamız oldu. Etiraz mitinqləri, maşın yürüşü təşkil etmişdik. Ermənilər də yolu bağlamışdılar. Bəzi soydaşlarımızın maşınlarını sındırmışdılar”.

Qeyd edək ki, martın 27-də Stokholmun Solna bölgəsindəki “Friends Arena”da oynanılacaq qarşılaşma Bakı vaxtı ilə saat 22:45-də başlayacaq.
[rating-type-4]
{likes}
{dislikes}
[/rating-type-4]
Rusiyada dünya çempionu olmuş soydaşımız qətlə yetirilib - FOTO

Rusiya Federasiyasının Dərbənd şəhərində ciu-citsu döyüşü və kimano ilə qrapplinq yarışları üzrə dəfələrlə dünya çempionu olmuş soydaşımız Vidadi Mərdanov qətlə yetirilib.

Cinayət hadisəsi Dərbənd şəhərinin Qaqarin küçəsində baş verib.

Belə ki, Vidadi Mərdanov bir neçə şəxs tərəfindən söhbətə dəvət edilib.

Evindən küçəyə çıxan idmançıya odlu silahdan atəş açılıb.

Hüquq-mühafizə orqanları hücum edənlərin şəxsiyyətini müəyyən edə bilsələr də, onları saxlayıb istintaqa cəlb etmək hələlik mümkün olmayıb.

Axtarışlar davam etdirilir.
Rusiyada dünya çempionu olmuş soydaşımız qətlə yetirilib - FOTO

Mənbə: İzvestiya
[rating-type-4]
{likes}
{dislikes}
[/rating-type-4]
Rus və ukraynalı futbolçular arasında əlbəyaxa dava - Video


Rusiyanın “Şinnik” və Ukraynanın “Minaj” klubun futbolçuları əlbəyaxa davaya çıxıblar.

Hadisə Antalyada yerləşən hotellərin birində baş verib.

Məlumata görə, dava rus futbolçulardan birinin hotel əməkdaşına kobud davranması nəticəsində baş verib. Davada bir neçə futbolçuda sınıq əmələ gəldiyi bildirilib.

Hadisədən sonra hər iki komanda hoteli tərk edib.


XƏBƏR LENTİ

14:27

"ZAKİR HƏSƏNOV AİLƏ ÜZVLƏRİMƏ DEYİB Kİ, ONUN GÜNAHI YOXDUR..." - "General olduğum üçün məni qurban seçdilər..."

13:58

Naxçıvan Nazirlər Kabinetinə yeni Aparat rəhbəri təyin edilib - Ceyhun Cəlilovun İLK Sərəncamı

13:34

"43 sot pay torpağımız var, onu da əkib-becərə bilmirik..." - NARAZILIQ VAR...

12:30

FƏRİD ƏHMƏDOV BU PROBLEMİ YOLUNA QOYA BİLƏCƏKMİ? - Yeni nazirin etməli olduğu yenilik

12:03

Nərimanovda “zibil dağları” yaradılıb... - İH və “JEK” hara baxır?

11:25

Süfrəmiz ətdən düyüyə qədər xaricdən asılıdırsa.. - HƏQİQƏTƏN DƏ...

11:25

Süfrəmiz ətdən düyüyə qədər xaricdən asılıdırsa.. - HƏQİQƏTƏN DƏ...

10:51

Yeni Klinikada TƏFTİŞ: Saxlanılan var - DETALLAR

10:12

İmişlidə fermer başçıdan NARAZIDIR... - başçı isə...

10:12

İmişlidə fermer başçıdan NARAZIDIR... - başçı isə...

09:41

İki naziri yola salan Heydər Yaqubov... – Direktor öz gücünü kimdən alır?

09:15

Məmur ciblərinə SU KİMİ AXAN büdcə pulları... - Nə bir soran var... nə də soruşduran...

19:06

Türkiyə kəşfiyyatı Suriyada əməliyyat keçirib, PKK-nın iki rəhbər şəxsi tutulub

18:47

Siqaret və dərman oliqarxı: Cavanşir Feyziyev Londonda itirdiyini Gürcüstanda qazanır –VİDEO

16:32

Xətaidəki "xətalara göz yumanlar" - Qanunsuz tikintilərə qanunların "razılığı" hansı əsaslarla alınır? /VİDEO+FOTOLAR

15:59

İlham Əliyev və onun şərikləri ölkə mədəniyyətini tarmar edirlər - FOTO/VİDEO

15:18

“Azərşin” ASC rəhbərliyinin qanunsuzluğundan şikayət var -“Bizə güllə atırlar, başımıza oyun açırlar”

14:45

"LC Waikiki" və "Penti"yə qoyulan 3,8 milyonluq maya geri götürüldü - NƏ BAŞ VERİR?

14:17

Namiq Yusifov 6 saylı Ekologiya idarəsinin ərazilərində ekoloji terroru davam etdirir - ARAŞDIRMA

13:50

Rusiya XİN: Azərbaycan və Ermənistanın sərhədlərin delimitasiyası üzrə bütün səylərini dəstəkləyirik

12:22

Astara illərdir eyni problemləri yaşayır... - Başçı nə günə orda oturub ki?..

11:50

Məleykə Abbaszadə ilə Emin Əmirullayevin QOVĞASI - zərbə kimə dəyir?

10:58

Gəncə xəstəxanasında MÜBHƏM ÖLÜM... - niyə ört-basdır edilir?

10:21

Naxçıvan müəllimləri 3 ildə 2 dəfə imtahan verməyə məcbur edilir – BU AYRI-SEÇKİLİYİN SƏBƏBİ NƏDİR?

09:48

Neftçilərin xaotik yerdəyişməsi KİMİN MARAĞINDADIR? - BU NƏDİ BELƏ?!

09:25

Fransada içməli suda təhlükəli bakteriyalar aşkarlanıb

21:13

Bakıda çoxmərtəbəli yaşayış binasında yanğın olub

21:03

Prezident İlham Əliyevin adından Sadır Japarovun şərəfinə dövlət ziyafəti verilib - YENİLƏNİB

19:51

Azərbaycanda yeni kollec yaradıldı

19:00

Qırğızıstan Prezidenti Bakıda şəhidlərin xatirəsini andı

18:38

İraqın şimalında PKK-nın 6 terrorçusu zərərsizləşdirildi

16:46

Məşhur pediatrın intihar səbəbi bu imiş

16:21

Bayden növbəti dəfə “erməni soyqırımı” ifadəsini işlətdi

15:53

"Oğlum xəstə ola-ola əsgər aparıblar" - Cəlilabad sakinindən şikayət - FOTO