"Qarabağ Futbol Klubu" MMC-nin (VÖEN- 9900020601) təsisçisi dəyişir..

DİA.AZ-ın məlumatına görə, Yeniavaz.com açıqlanan rəsmi məlumatlara istinadən bildirir ki, 13 oktyabr 2022-ci il tarixində, saat 15:00-da Bakı şəhəri, Nizami rayonu, Heydər Əliyev prospekti 94 ünvanında “Qarabağ Futbol Klubu” MMC-nin iştirakçılarının növbədənkənar ümumi yığıncağı keçiriləcək. İştirakçıların növbədənkənar ümumi yığıncağında aşağıdakı məsələlər müzakirə olunacaq:

1. “Qarabağ Futbol Klubu” MMC-də təsisçi dəyişikliyi ilə bağlı cəmiyyətin nizamnaməsinə müvafiq dəyişikliklərin edilməsi;

2. “Qarabağ Futbol Klubu” MMC-nin nizamnaməsinin altıncı redaksiyada təsdiq edilməsi;

3. “Qarabağ Futbol Klubu” MMC-nin dövlət qeydiyyatı məlumatlarındakı dəyişikliklərin qeydə alınması üçün qeydiyyat orqanına müraciətlə bağlı məsələlər.

Məlumat üçün bildirək ki, hazırda "Qarabağ Futbol Klubu" MMC ölkənin aparıcı şirkətlərindən olan “Azərsun Holdinq” MMC (VÖEN – 9900020991) ilə eyni hüquqi ünvanda (Heydər Əliyev pr. ev 90) yerləşir. "Qarabağ Futbol Klubu"nun prezidenti olan Tahir Gözəl həm də “Azəsun Holdinq”in vitse-prezidenti vəzifəsini icra edir.

UEFA Avropa Liqasının rəsmi səhifəsi Qurban Qurbanovun oğlu Musa Qurbanlının fotosunu paylaşıb.

Nüfuzlu futbol təşkilatı “Qarabağ”ın oyunçusunun “Zirə” ilə qarşılaşmada vurduğu qoldan sonra etdiyi hərəkəti paylaşaraq bunları yazıb:

“Qarabağ” = beynəlxalq fasilədə liqanın zirvəsi”.

Qeyd edək ki, "Qarabağ"ın futbolçusu Musa Qurbanlı "Zirə"ni 7:1 hesabı ilə məğlub etdikləri görüşdə 4 qola imza atıb. Bununla da Qurban Qurbanovun oğlu Azərbaycan çempionatlarında 38-ci pokerin müəllifi olub.

Avropa Futbol Assosiasiyaları İttifaqının (UEFA) İcraiyyə Komitəsi sentyabrın 20-də keçiriləcək iclasında 2024-cü il Avropa çempionatının seçmə turnirinin püşkatma prosedurunu müzakirə edəcək.

Bu barədə çərşənbə axşamı UEFA-nın mətbuat xidməti məlumat yayıb.

Görüş Xorvatiyanın Hvar adasında baş tutacaq.

İcraiyyə komitəsinin gündəmində həmçinin 19 yaşadək futbolçular arasında futzal üzrə Avropa çempionatının ev sahiblərinin müəyyənləşdirilməsi də var.

Bundan əlavə, UEFA-nın müxtəlif komitələrinin müraciətlərinə baxılacaq.

Qeyd edək ki, Rusiya komandasının püşkatma mərasiminə buraxılması ilə bağlı yekun qərar hələ verilməyib. Ümumiyyətlə, AVRO 2024-ün seçmə turniri Rusiya komandasının kənarlaşdırıldığı yarışların siyahısında yoxdur.

Mənbə: TASS

“Qarabağ” Avropa Liqasının G qrupunun ilk turunda “Frayburq”la qarşılaşacaq.

Hər iki komandanın start heyəti açıqlanıb:

“Frayburq”: 26. Mark Flekken, 3. Filip Linhardt 8. Maksimilian Eggeştayn, 18. Nils Petersen 25. Kiliann Sildillia, 27. Nikolas Höfler 28. Mattias Ginter 29. Çon U Yon, 30. Kristian Günter (k), 32. Vinçentso Qrifo, 42. Ritsu Doan

“Qarabağ”: 1. Şahruddin Məhəmmədəliyev (GK) 2. Qara Qarayev (k) 8. Marko Yankoviç, 10. Abdullah Zubir, 11. Kvabena Ovusu, 13. Bəhlul Mustafazadə, 20. Kadi Borges. 27. Toral Bayramov, 29. Marko Veşoviç, 55. Bədavi Hüseynov, 77. Ramil Şeydayev

"Qarabağ"ın baş məşqçisi Qurban Qurbanov Avropa Liqasının püşkü barədə fikirlərini bölüşüb.

Mütəxəssis G qrupundakı rəqibləri "Olimpiakos" (Yunanıstan), "Frayburq" (Almaniya) və "Nant"ın (Fransa) güclü komandalar olduqlarını bildirib:

"İddialı bir qrupa düşdük. Görünür ki, hər bir komandanı çox böyük şansı olacaq. "Frayburq", "Nant" "Böyük 5-lik" ölkələrinin komandalarıdır. "Olimpiakos" isə bütün illər boyu həmişə iddialı olub. Rəqiblərlə qısa müddət ərzində yaxından tanış olacağıq. Çalışacağıq ki, onları maksimum yaxından tanıyaq. Rəqiblərə qarşı düzgün hazırlaşmağa çalışacağıq. Həmişə dediyim kimi, əgər yaxşı nəticə qazanmaq şansımız varsa, bundan maksimum yararlanacağıq. Bizi maraqlı oyunlar gözləyir. Çünki hər bir rəqibin öz oyun üslubu var. Futbolçularımla birlikdə onlara qarşı yaxşı oyun göstərmək üçün əlimizdən gələni edəcəyik".

Avropa Futbol Assosiasiyaları İttifaqı (UEFA) köhnə qitənin 10 böyük klubuna qarşı sanksiyalar paketi təqdim etməyə hazırlaşır.

Sanskiyalar maliyyə feyr-pleyinin pozulmasına görə cəza kimi nəzərdə tutulub.

Daha əvvəl Fransada PSJ və “Marsel”ə qarşı bu sanksiyaların tətbiq ediləcəyi bildirilib. Hazırda klubların siyahısı genişlənir. Belə ki, İspaniyanın “Barselona”, İtaliyanın “Yuventus”, “İnter” və “Roma”, həmçinin İngiltərənin “Arsenal” klubları da sanksiyalara məruz qala bilər.

Bildirildiyinə görə, bütün sanksiyalar maliyyə xarakterli olacaq və klublarla razılaşdırılacaq. Lakin klublardan biri razı olmasa, UEFA-nın birtərəfli qaydada qərar vermək hüququ olacaq.

Daha 10 klubun maliyyə feyr-pleyinə görə cəzalandırıla biləcəyi qeyd edilir. Lakin onlar hələ müşahidə altındadır və ötən mövsüm üçün yenilənmiş maliyyə hesabatlarını təqdim etməlidirlər.

Sablya üzrə qadınlardan ibarət Azərbaycan milli komandası Türkiyənin Konya şəhərində keçirilən V İslam Həmrəyliyi Oyunlarında final görüşünü keçirib.

Yığma qızıl medal uğrunda qarşılaşmada Özbəkistan seçməsi ilə qarşılaşıb. Rəqibinə 45:34 hesabı ilə qalib gələn Azərbaycan İslamiadanın qalibi olub.

UEFA Çempionlar Liqasının pley-off mərhələsinin ilk oyununda "Qarabağ"ın qonağı olacaq Çexiyanın "Viktoriya" Plzen komandasının Bakıya səfər planı bəlli olub.

"Unikal" klubun rəsmi saytına istinadən xəbər verir ki, Plzen təmsilçisi avqustun 16-sı səhər saatlarında Azərbaycan paytaxtına yola düşəcək.

Saat 19:45-də "Viktoriya"nın baş məşqçisi Mixal Bilekin mətbuat konfransı baş tutacaq. Ardınca isə Çexiya çempionu matçın oynanılacağı Tofiq Bəhramov adına Respublika stadionunda ilk 15 dəqiqəsi media nümayəndələri üçün açıq olan məşqə çıxacaq.

Qeyd edək ki, avqustun 17-də keçiriləcək "Qarabağ" - "Viktoriya" görüşü saat 20:45-də başlayacaq.

Azərbaycan taekvondoçuları V İslam Həmrəyliyi Oyunlarını 5 medalla başa vurublar.

Fəridə Əzizova (67 kq) qızıl, Minayə Əkbərova (46 kq), Cavad Ağayev (68 kq) gümüş, Patimat Abakarova (49 kq) və Həşim Məhəmmədov (58 kq) isə bürünc medallara yiyələniblər.

Qeyd edək ki, Azərbaycan təmsilçiləri İslamiadada 24 idman növündən 22-sində iştirak edir.

Azərbaycan Futbol Federasiyaları Assosiasiyası (AFFA) Ermənistanda "Pünik" və Serbiyanın "Srvena Zvezda" komandası arasında keçirilmiş UEFA Çempionlar Liqasının III təsnifat mərhələsinin cavab oyunu zamanı yerli azarkeşlərin təxribatı ilə əlaqədar UEFA-ya müraciət edib.

AFFA-nın Mətbuat xidmətindən verilən məlumata görə, Avropa futbol qurumunun Etika və Tənzimləmə üzrə icraçı-direktoru Ancelo Riqopulosa ünvanlanan məktubda Qarabağın Azərbaycanın ayrılmaz hissəsi olduğu vurğulanıb.

Bildirilib ki, təxribat xarakterli mesajlar olan bannerlərin nümayişi UEFA qaydalarının pozulmasıdır və qurumun nizamnaməsinin 16.2.e bəndinə əsasən, bütün assosiasiyalar və klublar bir və ya bir neçə tərəfdarın jestlərdən, sözlərdən, əşyalardan və ya hər hansı digər vasitələrdən istifadə edərək təxribat xarakterli mesaj ötürməsinə görə məsuliyyət daşıyırlar. Məktubda idmanda siyasi, ideoloji, dini və ya təhqiredici xarakter daşıyan təxribatlara yer olmadığı qeyd olunub.

AFFA sonda UEFA-dan məsələnin araşdırılmasını və müvafiq tədbir görülməsini xahiş edib.

Qeyd edək ki, "Pünik"in 0:2 hesablı məğlubiyyəti ilə başa çatan oyunda erməni millətçiləri tribuna üzərində ingilis dilində "Qarabağ Ermənistandır" və "Kosovo Serbiyadır" sözləri yazılmış pankart asıblar. Həmçinin, bir azarkeş meydana çıxaraq erməni dilində "Axavnonu (Laçının Zabux kəndi) vermərik" sözü yazılmış pankart açıb.