Braziliyalı üçqat dünya çempionu Pele ilə vida mərasimi ona doğma olan “Santos” futbol klubunun San-Paulu ştatının eyniadlı şəhərindəki stadionunda keçiriləcək.

Mərasimin gün yarım davam edəcəyi gözlənilir. Pelenin cənazəsi olan tabutun 1956-cı ilin noyabrında “Santos” ilə debüt etdiyi meydanın ortasına qoyulması planlaşdırılır.

Onunla vidalaşmaq istəyənlər 1 və 2 nömrəli qapılardan stadiona buraxılacaq və 7 nömrəli qapıdan çıxacaqlar. Tabutun qarşısında dayanmaq qadağan olunacaq.

00:34

Futbol üzrə üçqat dünya çempionu braziliyalı Pelenin ölümünə səbəb daxili orqanların çoxsaylı çatışmazlığı olub.

Bu barədə onun vəfat etdiyi Albert Eynşteyn klinikasının rəsmi bülletenində məlumat verilib.

Bildirilib ki, orqanların çatışmazlığı bağırsaq xərçənginin mənfi dinamikası nəticəsində yaranıb.

Klinikanın mətbuat xidməti keçmiş futbolçunun ailəsinə və sevimli Futbol Kralının itkisinə görə kədərlənənlərin hamısına başsağlığı verib.

23:05

Braziliyalı üçqat dünya çempionu Pele 82 yaşında vəfat edib.

Onun uzun müddət bağırsaq xərçəngindən müalicə olunduğu bildirilmişdi.

Son həftələrdə koronavirusa yoluxan futbolçunun səhhəti daha da ağırlaşmışdı.

Peşəkar karyerası ərzində Pele 1363 matçda 1281 qol vurub, o cümlədən "Santos"un heyətində 1116 oyunda 1091, millidə isə 92 oyunda 77 qol vurub ki, bu da dünya rekordudur.

Mənbə: TASS

Fransanın "L'Equipe" nəşri Qətərdə keçirilən dünya çempionatının ən pis futbolçularının reytinqini hazırlayıb.

Uelsli qapıçı Ueyn Hennessi ən pis qapıçı seçilib .

Müdafiəçilər: Metti Keş ( Polşa ), Məhəmmədhüseyn Kanaani ( İran ), Boualem Khouhi ( Qətər ), Yannik Ferreyra Karrasko ( Belçika ).

Yarımmüdafiəçilər: Andreas Skov Olsen ( Danimarka ), Kristyan Belik (Polşa), Piotr Zielinski (Polşa), Krepen Qyatta ( Seneqal ).

Hücumçular: Qaret Beyl (Uels), Entoni Kontreras ( Kosta Rika )

Xatırladaq ki, dünən Argentina millisi finalda Fransa yığmasını məğlub edərək yeni dünya çempionu olub.

Qətərdə keçirilən dünya çempionatında stadionların birində Azərbaycan bayrağı asılıb.

Az sonra ABŞ - İran oyununun keçiriləcəyi Qətərin "Əl Thumama" stadionuasılan bayrağımızın üstündə “O taylı - bu taylı Azərbaycan” yazıldığı görünür.

Bu gün DÇ-2022-nin G qrupunda II tura yekun vurulub.

Beşqat dünya çempionu Braziliya mundialda ikinci sınağına çıxıb.
Dörd gün öncə Serbiyanı iki qolla üstələyən Titenin yetirmələri İsveçrə ilə qarşılaşıb. Zədəli Neymarın yoxluğunda rəqibin müqaviməti ilə üzləşən Cənubi Amerika təmsilçisi sona yaxın vurduğu yeganə qol sayəsində aktivinə növbəti 3 xalı yazdırıb. Bununla ikinci qələbəsini qazanan Braziliya yığması Fransadan sonra 1/8 finala vəsiqəni rəsmiləşdirən ikinci komanda olub.

İsveçrə isə məğlubiyyətə baxmayaraq, son tura turnir cədvəlinin ikinci pilləsində girəcək.

Qeyd edək ki, qrupun son oyunları dekabrın 2-də keçiriləcək. Həmin gün İsveçrə Serbiyanı, Braziliya isə Kamerunu sınağa çəkəcək.

Futbol üzrə dünya çempionatında A qrupunda çıxış edən Qətər millisi ilk oyunda Ekvadora 2:0, ikinci görüşdə isə Seneqala 3:1 hesabı ilə məğlub olub.

Xalı olmayan və qrupda sonuncu yerdə qərarlaşan turnirin ev sahiblərinin yarışla vidalaşacağı dəqiqləşib.

İkinci oyunlardan sonra A qrupunda Niderland və Ekvadorun 4 xalı, Seneqalın isə 3 xalı var.

Beləliklə də, Qətər seçməsi turnir tarixində iki qrup oyunundan sonra mübarizədən kənarlaşdırılan ilk ev sahibi ölkə olub.

Qeyd edək ki, DÇ-2010-a ev sahibliyi edən Cənubi Afrika da vaxtilə qrupdan çıxa bilməyib.

Danimarka Futbol Assosiasiyası dünya çempionatında LGBT nümayəndələrinə dəstək məqsədilə kapitan sarğılarının qadağan edilməsi ilə bağlı qalmaqal fonunda FİFA-dan çıxmaq imkanını müzakirə etməyə hazırdır.

Bu barədə qurumun rəhbəri Yesper Meller bildirib.

O, FİFA-nın Qətərdə keçirilən turnirlərdə “One Love” yazısı olan kapitan sarğılarını qadağan etməsinin Danimarka Futbol Assosiasiyasının “qəzəbinə səbəb olduğunu” deyib.

“FIFA-dan mümkün çıxış ilə bağlı qərar indi verilməyib. Biz bunu avqust ayından Skandinaviya regionunda müzakirə edirik”, - Meller vurğulayıb.

Oun sözlərinə görə, Danimarka bu məsələdə özbaşına hərəkət etsə, problemlər yarana bilər.

“Gəlin görək dialoq qura bilərikmi? FİFA-ya inamı necə bərpa etmək barədə düşünməliyik. Biz nə baş verdiyini qiymətləndirməliyik və sonra strategiya hazırlamalıyıq, o cümlədən skandinaviyalı həmkarlarımızla birlikdə”, - Meller qed edib.

Futbol funksioneri bəyan edib ki, Danimarka qarşıdan gələn seçkilərdə FİFA-nın hazırkı prezidenti Canni İnfantinonu dəstəkləməyəcək.

Mənbə: sportrbc.ru

Xorvatiya çempionatının 17-ci turu çərçivəsində keçirilən “Dinamo” – “Riyeka” matçı zamanı meydançanın kənarında isinmə hərəkəti edən Mahir Emreli erməni təxribatı ilə üzləşib.

“Riyeka”nın azarkeşlərindən Emreliyə “Qarabağ Ermənistandır” deyərək təxribata əl atıb.

Mahir isə meydana girib qol vurduqdan sonra həmin azarkeşə tərəf qaçaraq ona hərbi salam verib. Bununla da Emreli azarkeşə cavab göndərib.

İngiltərənin "Mançester Yunayted" klubu futbolçusu Kriştianu Ronaldunun "The Sun" nəşrinə verdiyi qalmaqallı müsahibə ilə bağlı bəyanat yayıb.

Portuqaliyalı hücumçunun ittihamlarına bütün faktlar nəzərdən keçirildikdən sonra cavab veriləcəyi bildirilib.

"Hazırda əsas məqsədimiz mövsümün ikinci yarısına hazırlaşmaq, oyunçular, agentlər, heyət və azarkeşlər arasında qurulan inamı və birliyi qoruyub saxlamaqdır", - bəyanatda vurğulanıb.

Qeyd edək ki, 37 yaşlı forvard müsahibəsində "Mançester Yunayted"in ona xəyanət etdiyini söyləyib.

“Ölkə futbolunda “Xəzər Lənkəran” futbol klubu tarix olduqdan sonra bu adda klublar yenidən yaradıldı. Azərbaycanda futbol komandası yaratmaq asan məsələ olsa da, ayaqda tutmaq isə çox çətindir. Mübariz Mənsimov zamanında rəhbərlik etdiyi “Xəzər Lənkəran”dan sonra indi də “Xəzər Lənkəran 42” komandasını yaratdı. Mənsimov əvvəlkindən fərqli olaraq indi görünmək istəmir”.

Bu barədə Gələcək Azərbaycan Partiyasının sədr müavini Aslan Həmidli məlumat verib.

Mübariz Mənsimov yeni klub yaratdı – Fan klublara vəsait ayrıldı və tapşırıq verildi: Sərt olun

A.Həmidlinin sözlərinə görə, “Xəzər Lənkəran”ın keçmiş direktoru Höccət Hacıyev “Xəzər Lənkəranın 42”nin rəhbəri olduğunu bəyan edərək fan klublarla görüşlərə başlayıb: “Hər həftə restoranlarda azərkeşləri dəvət edib prosesə qoşmaq istəyirlər. Hər fan klubla görüşdə maliyyə dəstəyinin Mübariz Mənsimov olduğunu vurğulayan Höccət müəllim əsl başqanın Mübariz olduğunu hər görüşdə təkrar edir. Bununla iş bitirmi? Əlbəttə, xeyr. Mübariz müəllim fan klublara tapşırıq verib. Əvvəlkindən daha sərt olun. Açığı mən bunu başa düşmədim. Ağlıma isə “Xəzər Lənkəran” azərkeşlərinin polis əməkdaşlarına və Daxili Qoşunların əməkdaşlarına xəsarətləri yadıma düşdü. Artıq prosses başlayıb. Fan klublara vəsait ayrılıb. Onların hər birinin xərcləri qarşılanacağı sözü verilib. Araşdırılmalıdır bu pulun mənbəyi haradır. Axı illərdir digər şəxslər “Xəzər Lənkəran”ın adı altında yeni komanda qursa da, maliyyə səbəbindən ayaqda saxlaya bilməyiblər. Azərbaycanda futbolun inkişafının tərəfdarıyam. Amma kimlərsə öz şəxsi maraqları naminə istifadə edəcəksə, belə futbol olmaz olsun…Tanrı bizi qorusun”.

H.Hacıyevin də mövqeyini dərc etməyə hazırıq.Pravda.az

Azərbaycan Cüdo Federasiyasının (ACF) hakimlər komitəsinin üzvü Arzu Acalova A kateqoriyasına yüksəlib.

Federasiyadan verilən məlumata görə, referi buna Avstraliyanın Pert şəhərində Beynəlxalq Cüdo Federasiyasının (IOC) imtahanında nail olub.

Acalova 27-29 oktyabrda böyüklər arasında Açıq Okeaniya turnirində görüşləri idarə edib. O, həm nəzəri, həm də praktiki imtahanı yaxşı nəticə ilə başa vurub.

Qeyd edək ki, cari ildə ACF-in hakimlər üzrə meneceri Mətin Rəhimli və hakimlər heyətinin üzvü Nazim Umbayev A kateqoriyasına yüksəliblər, Bəhriyyə Hüseynova və Elşad Əsədov isə B kateqoriyalı hakim statusu qazanıblar.