[rating-type-4]
{likes}
{dislikes}
[/rating-type-4]
Azərbaycan Ağırlıqqaldırma Federasiyasının rəhbərliyi milli üzvləri ilə görüşüb


Azərbaycan Ağırlıqqaldırma Federasiyanın (AAF) rəhbərliyi beynəlxalq yarışlara hazırlaşan yığma komandaların üzvləri ilə görüş keçirib.

AAF-dan verilən məlumata görə, "ASK Arena"da yerləşən təlim-məşq bazasında baş tutan tədbirdə qurumun vitse-prezidenti Firdovsi Umudov iştirak edib.

Umudov atletlərə Olimpiya Oyunlarına lisenziya xarakteri daşıyan Avropa çempionatı və Dünya Kuboku, həmçinin digər beynəlxalq yarışlarda uğurlar arzulayıb, onlara inamlarını ifadə edib. Vitse-prezident qeyd edib ki, ölkəmizdə idmana dövlət səviyyəsində diqqət və qayğı nümayiş etdirilir, AAF da öz növbəsində bu idman siyasəti çərçivəsində atletlərin şəraitinin daima yaxşılaşdırılması istiqamətində işlər görür, hər bir idmançını diqqət mərkəzində saxlayır.

Komanda üzvləri rəhbərliyə təşəkkür edib, bu görüşlərin onlar üçün əlavə motivasiya olduğunu, ruh yüksəkliyi verdiyini, yarışlar zamanı böyük dəstək olacağını bildiriblər.
[rating-type-4]
{likes}
{dislikes}
[/rating-type-4]
Məşhur idmançılar bu şəxsin şikayəti əsasında həbs olunub - TƏFƏRRÜAT


Bakıda MMA döyüşçülərinə cinayət işinin açılması və onlardan dördünün həbsi ilə nəticələnən hadisənin bəzi detalları üzə çıxıb.

Azərbaycan MMA və Qrapplinq Federasiyasının qarışıq döyüş növləri üzrə baş məşqçisi Ruslan Əfəndiyev və 3 tələbəsinin digər MMA döyüşçüsü Həsən Əzizovun şikayəti əsasında açılmış cinayət işi üzrə həbs edilməsi məlum olub.
Belə ki, ilkin məlumata görə, bir neçə ay əvvəl Dənizkənarı Bulvar Ərazisindəki ticarət-əyləncə mərkəzlərindən birində MMA döyüş növü üzrə yarış keçirilib. Lakin Həsən Əzizov yarışın keçirildiyi zala buraxılmayıb. O, zala daxil olmaq istəyərkən münaqişə baş verib və Ruslan Əfəndiyevlə tələbələri idmançını kütləvi şəkildə döyərək xəsarətlər yetiriblər. Bundan sonra H.Əzizov tibb müəssisəsinə və polisə müraciət edib. Hadisə ilə bağlı Bakı Şəhər Baş Polis İdarəsində Cinayət Məcəlləsinin 221-ci (Xuliqanlıq) maddəsi ilə cinayət işi açılıb.

Məsələ ilə əlaqədar Azərbaycan Pankration, Qrapplinq və MMA Federasiyasının prezidenti Azad Əsgərovla əlaqə saxlayıb. Federasiya rəhbəri açıqlamasında adıçəkilən idmançılarla digər MMA döyüşçüsü Həsən Əzizov arasında kiçik münaqişə yaşandığını bildirib. O, hadisənin noyabrın 4-də Bakıda keçirilən "Rizin” turnirindən bir gün əvvəl baş verdiyini əlavə edib: "İnsanlar arasında gərginliklər baş verir. Bu, normal haldır. Amma hadisə barədə ətraflı məlumata malik deyiləm”.

O, idmançılar arasında dava düşmədiyini, hadisənin çox böyüdüldüyünü də sözlərinə əlavə edib: "Mən elə şahidlərdən, idmançılardan soruşuram. Orada yazılıb ki, 4 nəfər bir nəfəri döydü, belə şey olmur. Çünki idmançı üçün döyüşməyə zal var, rinq var. Gedib niyə kənarda dava etsin ki? Həsən Əzizovla da bu barədə söhbətimiz olub. Hamısı da bizim idmançılardır. Soruşa bilərsiniz ki, niyə şikayət olub? Yəqin ki, o da inciyib, arada anlaşılmazlıq olub. Mən federasiya rəhbəri kimi hamısını yaxşı tanıyıram. Hamı da yazır, üstünə qoyub yazır. Elə vəziyyət yaranıb ki, biz özümüz də bilmirik nə deyək. İnanın ki, paylaşılanda vurandan da, vurulandan da soruşmur. Hadisənin nə olduğunu öyrənmirlər. İndi qorxu yaradırlar. Araşdırmaq lazımdır məsələni. Bu idmançılar bayrağımızı qaldıran idmançılardır, onlar küçədə döyüşən deyillər. Hamımız iş yerində kimləsə mübahisə edərik. Düzdür, deyərsiz ki, necə olub bu xırda şey həbsə gətirib çıxarıb, onu araşdırıram. Xırdalıqlar var və müzakirə edirik. Kimin nə səhvi var, araşdırıb tapacağıq”.

A.Əsgərov hadisənin necə baş verməsi ilə bağlı sualı isə belə cavablandırıb: "Bu hadisə yarış zamanı baş verib və idmançılar mübahisə ediblər. Sonra bir-birini itələyiblər, necə olub tam dəqiq məlumatlı deyiləm. Orada adam da çox olub və davam ediblər. Həsən Əzizov Kiyevdə yaşayır və gedib ora. Təzədən bura qayıdanda hadisə açılıb. Yəni məsələnin indi açılmasının səbəbi Həsən Əzizovun Kiyevdə yaşamasıdır”.

Qeyd edək ki, cinayət işi üzrə 6 nəfər saxlanılıb. Onlardan federasiyanın baş məşqçisi Ruslan Əfəndiyev və tələbələri R.Əsədov, X.Rüstəmov, Vüqar Kərəmov barəsində həbs-qətimkan tədbiri seçilib. Tofiq Musayev və Mehman Məmmədov barəsində isə digər qətimkan tədbiri seçilib və onlar sərbəst buraxılıb.

Ötən gün xuliqanlığa görə həbs edilən MMA məşqçisi Ruslan Əfəndiyevin adı daha əvvəllər də dava-dalaş və digər qalmaqallarda hallanıb. Belə ki, o, 2015-ci il aprelin 22-də "Avropa” hotelində məşq edən Azər Məmmədovun qətli ilə nəticələnən hadisənin iştirakçısı olub. Həmin vaxt Ruslan Əfəndiyev də bıçaqlanmışdı. "Zaminbank”ın Nəsimi şöbəsinin müdiri olan A.Məmmədovun ölümü ilə bitən davada R.Əfəndiyev nisbətən yüngül xəsarətlər alaraq sağ qalmışdı. Bu hadisədən bir müddət sonra "Avropa” hotelindəki idman zalı ləğv edilmişdi.

Məlumata görə, Ruslan Əfəndiyev uzun illər Azərbaycan Beynəlxalq Bankının mühafizə xidmətinin rəisi olub. O, hazırda həbsdə olan bankın keçmiş rəhbəri Cahangir Hacıyevə yaxınlığı ilə tanınıb. Bankın ovaxtkı rəhbəri tutulduqdan sonra isə MMA məşqçisi işdən çıxarılıb. Nəticədə o, aktiv idman fəaliyyətinə başlayıb.

Həmin ərəfədə Azər Məmmədovun ölümündə təqsirləndirilən Sənan Quliyev məhkəmədəki çıxışında Ruslan Əfəndiyevlə aralarında yaşanan mübahisədən sonra bıçağa əl atdığını bildirmişdi. Onun ifadəsinə əsasən, həmin vaxt A.Məmmədov aranı sakitləşdirməyə çalışarkən bıçaq xəsarətləri alaraq vəfat edib. (Qafqazinfo)
[rating-type-4]
{likes}
{dislikes}
[/rating-type-4]
Səudiyyə Ərəbistanı şahzadəsi Mbappe ilə maraqlanır

Səudiyyə Ərəbistanının Kral ailəsinin üzvü, şahzadə Abdullah Saad Əbdüləziz Əl Səud PSJ-nin hücumçusu Kilian Mbappenin liqaya mümkün transferindən danışıb.

Bu barədə “Report” “RMC Sport”a istinadən xəbər verir.

“Əlbəttə ki, onu bəyənirik. Kilian Mbappe yaxşı oyunçudur, güclüdür və ümid edirəm ki, onu Səudiyyə Ərəbistanında, çempionatımızda istənilən komandada görəcəyəm”, - o deyib.

Xatırladaq ki, daha əvvəl Mbappenin yay transfer pəncərəsində PSJ-dən ayrılaraq karyerasını “Real Madrid”də davam etdirə biləcəyi barədə xəbərlər yayılıb.

Mbappe 2018-ci ildən PSJ-də çıxış edir. Futbolçunun klubla müqaviləsi 2024-cü ilin sonuna qədərdir. Hazırda futbolçunun transfer dəyəri 180 milyon avro qiymətləndirilir. Mbappe bu mövsüm PSJ-nin heyətində bütün turnirlərdə 26 oyun keçirib, 28 qol vurub və 6 məhsuldar ötürmə edib.
[rating-type-4]
{likes}
{dislikes}
[/rating-type-4]
Güləş üzrə U-20 Azərbaycan çempionatı keçiriləcək

Yanvarın 29-dan fevralın 1-dək sərbəst və Yunan-Roma güləşi üzrə U-20 Azərbaycan çempionatı keçiriləcək.

Azərbaycan Güləş Federasiyasının Gənclər və İdman Nazirliyi ilə birgə təşkil edəcəyi yarışı beynəlxalq və milli dərəcəli hakimlər idarə edəcəklər.

Bakı İdman Sarayında baş tutacaq çempionatın ilk iki günündə sərbəst, növbəti iki gündə isə Yunan-Roma güləşi üzrə qaliblər müəyyənləşəcək.
Gənclərdən (U-20) ibarət milli komandalara seçim xarakteri daşıyan yarışın görüşləri hər gün saat 10:00-da başlayacaq.
[rating-type-4]
{likes}
{dislikes}
[/rating-type-4]
Dünya çempionu 29 yaşında öldü

Kanadalı atlet, dünya çempionu Şon Barber 29 yaşında vəfat edib.

Bu barədə ABŞ-ın Akron Universitetinin atletika fakültəsinin mətbuat xidməti məlumat yayıb.

Bildirilib ki, idmançı uzun sürən xəstəlikdən sonra Kinqsvuddakı evində dünyasını dəyişib.

Qeyd edək ki, Şon Barber 2015-ci ildə şüvüllə tullanma üzrə dünya çempionu olub. 2016-cı ilin yanvarında isə qapalı yarışda 6 m nəticə göstərərək, Kanada rekordunu yeniləyib.
[rating-type-4]
{likes}
{dislikes}
[/rating-type-4]
Babayevlə Qayıbovun "yarışı" başladı - bu yarışdır, yoxsa sifarişli BÖLGÜ proqramı?

Uzun illərdir Azərbaycanın idman sahəsində, əsasən də idmanın boks növündə özübaşınalıq davam edir. Gənc və yeniyetmə idmançılara edilən haqsızlıqlar onların gələcək həyatlarına və kariyeralarına ciddi təsir göstərir.

Çox acınacaqlı haldır ki, hər il böyük potensialı olan uşaqlar Boks Federasiyasındakı monopolist şəxslərin, şəxsən Federasiya prezidentinin (Sahil Babayev), eləcə də, Gənclər və İdman nazirinin, (Fərid Qayıbov) bu qurumdakı aidiyyatı şəxs və şəxslərin yarıtmaz fəaliyyətinin qurbanı olur.

Statistik rəqəmlər göstərir ki, hər il ölkəmizdə yüzlərlə gənc və yeniyetmə boksçu bu yarışlar zamanı üzləşdikləri haqsızlıqlar üzündən boksla vidalaşır. Bu isə Boks Federasiyasındakı işbazlarla əlbir olan "məşqçi"lərin karına çatır. Bu barədə daha ətraflı məlumat verəcəyik, bu məşqçilərin adını, onların fəaliyyətini tək-təık göstərəcəyik.

Qısacası ötən ilin son günlərinə kimi gizlətdikləri yeniyetmələr arasında keçiriləcək Boks üzrə Azərbaycan Birinciliyi bu gün başlayıb. Bizimxeber.az əməkdaşları yarışın keçirildiyi zalda - Boks Federasiyasında olaraq, müşahidələr aparıb, yeniyetmələrlə danışıb, yarışı işləyib.

İlkin müşahidələr götərir ki, nazir Fərid Qayıbovla, Sahil Babayevin təşkil etdiyi Respublika Birinciliyi adlı bu nəsə yarışdan çox şou proqrama oxşayır.

Bəli, yarışa rəhbərlik edən şəxs sözün əsl mənasında yenə köhnə ampulasındadır. İstədiyi qərarları verir, istədiyini qalib edir, istəmədiyini uzaqlaşdırır... Kimdir bu şəxs? Bu barədə də ətraflı məlumat sabah verəcəyik...

Hələlik, ondan başlayaq ki, yarışın təşkilatçılığı olduqca aşağı, sistemsiz, nizamsızdır. Federasiyanın giriş qapısında quraşdırılan təhlükəsizlik aparatı işləmir. Yoldan keçən şəxs yoxlanmadan içəri rahatlıqla girə və istədiyini edə bilər. Nəzərə alsaq ki, bu yarışda 400-dən çox yeniyetmə iştirak edir və bunların təhlükəsizliyi öndə dayanmalıdır. Bu hal Sahil Babayevi narahat etmir.
Babayevlə Qayıbovun "yarışı" başladı - bu yarışdır, yoxsa sifarişli BÖLGÜ proqramı?

Daha bir məqam yarış iştirakçıları və müəllimlər üçün hazırlanan vəsəqələrin sistemsiz və nizamsız, hara gəldi tökülməsidir. Stolun üzərinə tökülən bu vəsiqələri kim istəyir götürə bilər. Azyaşlı uşaqlar saatlarla öz adına olan vəsiqəni axtarır, hələ vəsiqələri boyundan asmaq üçün olan bağlar isə yerdə, antisanitariya şəraitində təpiklər altında qalır.
Babayevlə Qayıbovun "yarışı" başladı - bu yarışdır, yoxsa sifarişli BÖLGÜ proqramı?

Bundan başqa ilkin müşahidələr zamanı olduqca maraqlı faktlar toplamaq mümkün olub.

Əldə etdiyimiz məlumata görə, yarışın qalibləri demək olar ki, müəyyənləşib. Bu aparılan bölgüdən aşkar görünür.

Məlumata görə, yarış iştirakçılarının bölgüsü xüsusi olaraq, məqsədli şəkildə aparılıb. Sahil Babayevin və ya ABF-in İdarə Heyətinin üzvü Rövşən Hüseynovun və ona yaxın məşqçilərin qalib etmək istədikləri idmançılar başqa bir qrupa salınıb. Sahibsiz, kasıb, adamsız boksçülar isə qarışıq dedilən qruplarda yer alır. Bu nə deməkdir?
Babayevlə Qayıbovun "yarışı" başladı - bu yarışdır, yoxsa sifarişli BÖLGÜ proqramı?

Araşdırmalar zamanı bəlli olub ki, bu işlərə ABF-in İdarə Heyətinin üzvü Rövşən Hüseynov, Gənclərdən ibarət yığmada baş məşqçi olan Elbrus Rzayev, Federasiyada vəzifə tutan və yarışın əsas təşkilatçılarından olan bir xanım rəhbərlik edir. Bu arada qeyd edək ki, Boks Federasiyası iddia edir ki, bölgü kompyuter tərəfindən aparılıb və tam ədalətlidir.

Elə isə onu bölən ədalətli kompyuter və ya proqrama diqqət edin, necə olur ki, bir idmançı 5 dəfə rinqə çıxır, başqa bir idmançı 3 dəfə. Bu necə bölgüdür? Bu hansı ədalətdir, hansı proqramdır? Yaxud bir idmançı 2 döyüşlə yarımfinala çıxır, başqa bir idmançı 5 döyüşlə...? Budurmu sizin ədalətli bölgünüz, yoldaş Qayıbovla, Babayev? Sizin ədalətli kompyuteriniz də elə sizin "ədadlət"iniz kimi işləyir? Bu uşaqların niyə gələcəyi ilə oynayırsız?

Budurmu sizin təşkil etdiyiniz yarışın məqsədi və məramı? Yeniyetmələri idmandan iyrəndirmək, məhv etmək, yoxsa yaxşı döyüşçü üzə çıxartmaq?

Daha ətraflı foto, video görüntülər sabahkı geniş reportajda!!! Bizi izləyin!

Bizixmeber.az
[rating-type-4]
{likes}
{dislikes}
[/rating-type-4]
Türkiyə Superkuboku: "Qalatasaray" - "Fənərbağça" matçı ləğv edilib

Türkiyə Superkubokunda keçirilməli olan “Fənərbaxça” - “Qalatasaray” superkubok matçı təxirə salına bilər.

Buna səbəb matçın keçiriləcəyi Səudiyyə Ərəbistanında hökumətin meydana komandaların “Atatürk” yazılı köynəklərlə çıxmasına icazə verməməsidir.

21:45-də başlamalı olan matçın təxirə salınacağı gözlənilir. Hər iki komanda rəhbərliyi “Atatürk” yazılı köynəklərə icazə verilməyəcəyi halda meydana çıxmayacaqlarını bildirib.

***

"Fənərbaxça" - "Qalatasaray" matçı nəzərdə tutulduğu kimi 21:45-də başlamayıb. Türkiyə mətbuatının yazdığına görə, komandalar hələ ki, olduqları oteli tərk etməyib.

***

Oyunun başlanma saatından bir qədər sonra isə klublara matçın keçirilməyəcəyi bildirilib.
[rating-type-4]
{likes}
{dislikes}
[/rating-type-4]
Xankəndidəki oyunu idarə etmiş hakim: “Həyatımın ən vacib matçı idi”

“Bu, həyatımın ən vacib matçı idi”.

Bunu Xankəndi şəhər stadionunda “Qarabağ” və MOİK komandaları arasında keçirilmiş Azərbaycan Kubokunun 1/8 final mərhələsinin oyununu idarə etmiş baş hakim Əli Əliyev Peşəkar Futbol Liqasının mətbuat xidmətinə açıqlamasında deyib.

Referi işğaldan azad olunmuş torpaqlarda ilk qarşılaşmanın hakimi olduğu üçün qürur hissi keçirdiyini bildirib.

Vətən müharibəsi iştirakçısı həm döyüşlərdə ədaləti bərpa etməyə çalışdıqlarını, həm də yaşıl meydanlarda ədaləti qoruduqlarını söyləyib:

“Bununla fəxr edirəm. Dövlətimə və millətimə minnətdaram. Müharibədə də bizi çox dəstəklədilər. Təyinat gələndə çox qürurlandım. Atmosfer çox gözəl idi. İnsanlar da “şəhidlər ölməz, vətən bölünməz” şüarı səsləndirirdilər. Döyüşçü kimi orada hisslər tam başqa idi. Fikrimiz irəli getmək və torpaqlarımızı azad etmək idi. Hakim kimi də əziyyətimizin bəhrəsini gördük. Çox sevinirdik”.

Qeyd edək ki, Xankəndi şəhər stadionundakı qarşılaşma “Qarabağ”ın 1:0 hesablı qələbəsi ilə yekunlaşıb.
[rating-type-4]
{likes}
{dislikes}
[/rating-type-4]
Futbolçu huşunu itirdi, oyun dayandırıldı

İngiltərə Premyer Liqasının 17-ci turunun "Bornmut" - "Luton Taun" matçı ləğv edilib.

Görüşün 59-cu dəqiqəsində qonaqların müdafiəçisi və kapitanı Tom Lokyerin huşunu itirib.

Həkimlər dərhal onun köməyinə gəliblər və daha sonra futbolçu xərəkdə meydandan çıxarılıb.

Bundan sonra matç ləğv edilib. Qarşılaşma dayandırılan vaxtda hesab 1:1 olub.
[rating-type-4]
{likes}
{dislikes}
[/rating-type-4]
Azərbaycan çövkən liqası keçiriləcək

2024-cü ilin aprelində Azərbaycan çövkən liqası keçiriləcək.

Bunu Azərbaycan Respublikası Atçılıq Federasiyasının (ARAF) baş katibi Bəhruz Nəbiyev jurnalistlərə açıqlamasında deyib.

Onun sözlərinə görə, həmin tarixdə ölkə çempionatının təşkili planlaşdırılır:

“Digər idman növlərində olduğu kimi, burada da yerli klublar liqada bir-birlərinə qarşı oynayacaqlar”.

Baş katib 2024-cü ildə beynəlxalq turnirin təşkilinin nəzərdə tutulduğunu sözlərinə əlavə edib:
“Həmin turnirdə hazırkı klubların oyunçularından istifadə edərək, millinin tərkibini müəyyənləşdirəcəyik”.

Bəhruz Nəbiyev bu gün startı verilən çövkən üzrə sayca 10-cu Prezident Kubokunda isə səkkiz komandanın iki qrupda mübarizə apardığını sözlərinə əlavə edib:

“Bu gün, dekabrın 17-də və 19-da qrup matçları keçiriləcək. Qruplarda ilk iki yeri tutacaq komandalar yarımfinala yüksələcəklər. Dekabrın 21-də yarımfinal oyunları olacaq. Ayın 23-də üçüncülük uğrunda görüş, ertəsi gün isə final qarşılaşması keçiriləcək”.

XƏBƏR LENTİ

14:27

"ZAKİR HƏSƏNOV AİLƏ ÜZVLƏRİMƏ DEYİB Kİ, ONUN GÜNAHI YOXDUR..." - "General olduğum üçün məni qurban seçdilər..."

13:58

Naxçıvan Nazirlər Kabinetinə yeni Aparat rəhbəri təyin edilib - Ceyhun Cəlilovun İLK Sərəncamı

13:34

"43 sot pay torpağımız var, onu da əkib-becərə bilmirik..." - NARAZILIQ VAR...

12:30

FƏRİD ƏHMƏDOV BU PROBLEMİ YOLUNA QOYA BİLƏCƏKMİ? - Yeni nazirin etməli olduğu yenilik

12:03

Nərimanovda “zibil dağları” yaradılıb... - İH və “JEK” hara baxır?

11:25

Süfrəmiz ətdən düyüyə qədər xaricdən asılıdırsa.. - HƏQİQƏTƏN DƏ...

11:25

Süfrəmiz ətdən düyüyə qədər xaricdən asılıdırsa.. - HƏQİQƏTƏN DƏ...

10:51

Yeni Klinikada TƏFTİŞ: Saxlanılan var - DETALLAR

10:12

İmişlidə fermer başçıdan NARAZIDIR... - başçı isə...

10:12

İmişlidə fermer başçıdan NARAZIDIR... - başçı isə...

09:41

İki naziri yola salan Heydər Yaqubov... – Direktor öz gücünü kimdən alır?

09:15

Məmur ciblərinə SU KİMİ AXAN büdcə pulları... - Nə bir soran var... nə də soruşduran...

19:06

Türkiyə kəşfiyyatı Suriyada əməliyyat keçirib, PKK-nın iki rəhbər şəxsi tutulub

18:47

Siqaret və dərman oliqarxı: Cavanşir Feyziyev Londonda itirdiyini Gürcüstanda qazanır –VİDEO

16:32

Xətaidəki "xətalara göz yumanlar" - Qanunsuz tikintilərə qanunların "razılığı" hansı əsaslarla alınır? /VİDEO+FOTOLAR

15:59

İlham Əliyev və onun şərikləri ölkə mədəniyyətini tarmar edirlər - FOTO/VİDEO

15:18

“Azərşin” ASC rəhbərliyinin qanunsuzluğundan şikayət var -“Bizə güllə atırlar, başımıza oyun açırlar”

14:45

"LC Waikiki" və "Penti"yə qoyulan 3,8 milyonluq maya geri götürüldü - NƏ BAŞ VERİR?

14:17

Namiq Yusifov 6 saylı Ekologiya idarəsinin ərazilərində ekoloji terroru davam etdirir - ARAŞDIRMA

13:50

Rusiya XİN: Azərbaycan və Ermənistanın sərhədlərin delimitasiyası üzrə bütün səylərini dəstəkləyirik

12:22

Astara illərdir eyni problemləri yaşayır... - Başçı nə günə orda oturub ki?..

11:50

Məleykə Abbaszadə ilə Emin Əmirullayevin QOVĞASI - zərbə kimə dəyir?

10:58

Gəncə xəstəxanasında MÜBHƏM ÖLÜM... - niyə ört-basdır edilir?

10:21

Naxçıvan müəllimləri 3 ildə 2 dəfə imtahan verməyə məcbur edilir – BU AYRI-SEÇKİLİYİN SƏBƏBİ NƏDİR?

09:48

Neftçilərin xaotik yerdəyişməsi KİMİN MARAĞINDADIR? - BU NƏDİ BELƏ?!

09:25

Fransada içməli suda təhlükəli bakteriyalar aşkarlanıb

21:13

Bakıda çoxmərtəbəli yaşayış binasında yanğın olub

21:03

Prezident İlham Əliyevin adından Sadır Japarovun şərəfinə dövlət ziyafəti verilib - YENİLƏNİB

19:51

Azərbaycanda yeni kollec yaradıldı

19:00

Qırğızıstan Prezidenti Bakıda şəhidlərin xatirəsini andı

18:38

İraqın şimalında PKK-nın 6 terrorçusu zərərsizləşdirildi

16:46

Məşhur pediatrın intihar səbəbi bu imiş

16:21

Bayden növbəti dəfə “erməni soyqırımı” ifadəsini işlətdi

15:53

"Oğlum xəstə ola-ola əsgər aparıblar" - Cəlilabad sakinindən şikayət - FOTO