"Azərbaycan Dəmir Yolları" QSC-də daşınmalar sahəsində hədəflənən logistika xidməti istənilən səviyyədə qurulmayıb.

Bu məsələ ilə bağlı bəzi problemlər hələ də həll olunmamış qalır. Belə ki, "Azərbaycan Dəmir Yolları" QSC-nin müstəqil logistik xidmətləri həyata keçirə bilməməsi səbəbindən, bəzi firmalar üzərindən daşınmanın əlaqələndirilməsi həyata keçirilib. Xidmət haqqı kimi "Azərbaycan Dəmir Yolları" QSC-nin yük daşınmalarından əldə etdiyi gəlirlərin 25-30 faizi logistik firmaların hesabına köçürülüb.

DİA.AZ Faktinfo.az saytına istinadla bildirir ki, Avropa və Asiya banklarından kreditlər hesabına vaqonlar alınıb, dəmir yolları çəkilib. Digər bir sıra istiqamətlər üzrə də vəsaitlər xərclənib. Hazırda vəsaitlərin köçürülmə və xərclənmə istiqamətləri, o cümlədən "Azərbaycan Dəmir Yolları" QSC-nin maliyyə imkanları müstəqil audit korpusu tərəfindən yoxlanılır. Təftişin yekun qərarından sonra Azərbaycan Dəmir Yolları" QSC ilə bağlı bir sıra qərarlar qəbul edilə bilər. Çünki, böyük dövlətlər dəmir yollarının imkanlarını nəzərdən keçirdiyi, dünyadakı daşınmaların 60-70 faizinin nəqliyyat - tranzit xətti üzərindən yürüldüyü önə çəkilərkən, Azərbaycan dəmir yollarının rentabelliyinə laqeyd qala bilməz.

Gözlənilir ki, "Azərbaycan Dəmir Yolları" QSC-yə dəmir yollarını bilən,marketoloq təyin edilsin,zamanla sistemdən kənarlaşdırılan Qurban Nəzirov və hərəkətin idarə olunmsı qrafikini mükəmməl bilən digər savadlı mütəxəssislər geriyə qaytarılsın, sədrin 1-ci müavini Əlirza Süleymanov istisna olmaqla, oradakı müavinlər vəzifələrindən uzaqlaşdırılsın.

Hərçənd, orada islahatların aparılmasını, tenderləri maneəsiz udan podratçı təşkilat rəhbərlərinin sıradan çıxarılmasını bir neçə sədr müavini başda olmaqla, istəməyən qüvvələr ola bilər. Amma görünən odur ki, tenderlərin qalibi olmuş 5 Saylı "İxtisaslaşmış Dəmir Yolu Müəsissəsi" MMC-nin direktoru Rizvan Rzayev, "ADY"-nin tikinti sektoruna rəhbərlik edən, keçmiş sədrin həmyerlisi Xəqani Kazımov, dəmir yollarında tikinti işləri aparmış "Körpü-Bina-Tikinti "MMC-nin sədri Xəlil Göyüşov və digər şəxslərlə yeni düzəndə işlənilməyəcək. Hətta bu və ya digər şəkildə vəsaitlərin köçürülməsində və mədaxilində iştirakçı - maliyyə, mühasibatlıq şöbələrinə "əl gəzdiriləcək."

Faktinfo.az saytı onu da bildirir ki, "ADY"-nin düçar olduğu ağır maliyyə vəziyyəti əhatəli öyrənildikdən sonra nəqliyyat infrastrukturunun inkişaf etdirilməsində yeni dönəm başlayacaq. Bu qaçılmazdır. Çünki, nəqliyyat-tranzit sahəsində Çin, Qırğızıstan, Özbəkistan yeni dəmir yolunun çəkilişini müzakirə etdiyi zamanda,Ələt Ticarət zonasının önəm daşıdığı bir vaxtda Azərbaycan ölkə nəqliyyatının "qan damarı" hesab edilən dəmir yolları infrastrukturuna, bu sahənin inkişafına, logistik imkanların genişləndirilməsinə və dünya üzrə yük daşınmalarındakı payının hazırkı vəziyyətinə biganə qala bilməz.

Mövzuya qayıdacağıq.

Oktyabrın 19-da Azərbaycan Respublikasının Prezidenti İlham Əliyev Cəbrayılda "Azərişıq" ASC-nin 35 kilovoltluq yarımstansiyasının və Rəqəmsal İdarəetmə Mərkəzinin təməlqoyma mərasimində iştirak edib.

Dövlətimizin başçısı yarımstansiya və idarəetmə mərkəzinin təməlini qoydu.

Qeyd edək ki, inşa olunacaq Rəqəmsal İdarəetmə Mərkəzi 110/35/10 kilovoltluq “Cəbrayıl” yarımstansiyasından qidalanacaq. Mərkəz Cəbrayıl şəhərinin elektrik enerjisinə olan tələbatının bir hissəsini təmin etməklə yanaşı, tikintisi nəzərdə tutulan digər güc mərkəzlərinin rəqəmsal platforma üzərindən idarəetməsini həyata keçirməyə imkan verəcək. Rəqəmsal İdarəetmə Mərkəzində tətbiq olunacaq müasir dispetçer idarəetmə sistemi elektrik enerjisinin real vaxt rejimində istehlakçıya çatdırılmasında abonent məmnunluğunu təmin edəcək.

"Cəbrayıl şəhər" 35/0,4 kilovoltluq yarımstansiya və Rəqəmsal İdarəetmə Mərkəzi ilə “Hadrut” qovşaq yarımstansiyası arasında əlaqələndirmə xətləri çəkilməklə dairəvi təchizat sxemi yaradılacaq. Eyni zamanda, “Qubadlı şəhər” 35/0,4 kilovoltluq yarımstansiyanı Mərkəzlə birləşdirəcək ikidövrəli kabel xəttinin çəkilməsi Cəbrayıl və Qubadlı şəhərlərinin qarşılıqlı enerji mübadiləsinə imkan verəcək.

Cəbrayıl Rəqəmsal İdarəetmə Mərkəzinin dispetçer idarəetmə sistemi həm mərkəzləşdirilmiş, həm də müstəqil funksional rejimlərdə istismar imkanına malik olacaq.

İflas etməsi haqda iddialar yayılan türkiyəli iş adamı Kamil Ekim Alptekin barəsində maraqlı detallar üzə çıxıb.

Türk-Amerika İş Adamları Dərnəyinin (TABA) sabiq başqanı, daha sonra isə Türkiyə-ABŞ Biznes Şurasının (DEİK/TAİK) başqanı olmuş Kamil Ekim Alptekin daha çox 2017-ci ildə gerçəkləşdirdiyi bir təşkilatçılıqla diqqət mərkəzinə düşmüşdü.

ABŞ-nin nüfuzlu nəşrlərindən olan “Wall Street Journal” qəzeti ölkədə 2016-cı il prezident seçkiləri ərəfəsində Türkiyədən bir qrup nazirin FETÖ terror şəbəkəsinin rəhbəri Fətullah Gülənin təhvil verilməsini müzakirə etmək üçün Amerikanın milli təhlükəsizlik üzrə keçmiş müşaviri Maykl Flinlə görüşünə dair material yayımlamışdı.

Xəbərin əsas detalı bundan ibarət idi ki, haqqında danışılan görüşün məhz Kamil Ekim Alptekin tərəfindən təşkil edildiyi bildirilirdi. İş adamının özü də “Asssociated Pfress” agentliyinə açıqlamasında bunu təsdiqləmişdi. Xatırladaq ki, təhsilini Niderlandda alan Alptekin 2002-ci ildə universitetdəki müəllimlərindən birinin dəstəyi ilə ABŞ Konqresi Nümayəndələr Palatasının Xarici Əlaqələr Komitəsində işə düzəlib.

Komitənin sədri ilə Ağ Evi tez-tez ziyarət edən Alptəkin ABŞ-nin eks-prezidenti Corc Buşun iti Barni ilə də dostlaşır və rəsmi iclaslar yekunlaşana qədər vaxtını onunla keçirir. Hətta Corc Buş 2005-ci ildə gerçəkləşdirdiyi Niderland səfərinə Alptekini də aparmışdı və səfərdən sonra ona xüsusi təşəkkür məktubu ünvanlamışdı.

Hazırda keçmiş model, Türkiyədə uğurlu karyera qurmağı bacaran Nigar Talıbzadə ilə evli olan Alptekin ilk dəfə 2007-ci ildə jurnalist Asslı Aydıntaşbaş ilə nikaha girmişdi. O zaman Alptekinin nikah şahidləri sabiq enerji və təbii sərvəttlər naziri Hilmi Güler və AKP Sakarya millət vəkili Şaban Dişli olmuşdu. Lakin cəmi bir il sonra cütlük boşanmışdı. Yeri gəlmişkən, barəsində ciddi rüşvət ittihamları səsləndirilən Dişlinin qardaşı FETÖ-nün çevriliş cəhdindən sonra həbs edilmişdi.

Dişlinin özü isə “Akademi Ofset A.Ş.” şirkəti adından Mehmet Karasu ilə 31 avqust 2006-cı ildə imzaladığı bir sənədin ortaya çıxmasının ardından başlayan müzakirələr zamanı rüşvət ittihamını qəbul etməsə də, 2008-ci il sentyabrın 2-də istefa verməyə məcbur olmuşdu.

Lakin başlayan qalmaqal bununla yekunlaşmadı. Yuxarıda adı çəkilən, “EA İnşaat” şirkətinin layihə danışmanı kimi təqdim olunan Mehmet Karasunun Alptekinlə bağlılığı haqda məlumatlar yayıldı. Məlum oldu ki, Alptekinə məxsus yüngül təyyarə istehsalı üzrə ixtisaslaşan “Eclipse Aerospace” şirkəti həm də “EA İnşaat”ın qurucu ortağıdır. Məlumata əsasən, “EA İnşaat” “Eclipse 500” təyyarələrinin Avropa və Yaxın Şərq ölkələri, həmçinin Türkiyə ilə Rusiya üzrə satış təmsilçisi olub.

Alptekini diqqət mərkəzinə gətirən daha bir məqam onun ailə üzvləri ilə birlikdə Yunanıstanda istirahət edərkən doğmalarının istəyi ilə Türkiyədə təyyarə ilə onlara künəfə gətirtməsi olmuşdu. Bu detal Türkiyədə bir müddət müzakirə mövzusu kimi gündəmdə qalmışdı.

İş adamının şəcərəsində də maraqlı detallar yer alır. Onun atası, müəllim işləyən və fəaliyyəti dayandırılan Türk İşçi Partiyasının (TİP) üzvü olan Sevinç Alptekinin 1980-ci il 12 sentyabr hərbi çevrilişindən sonra Niderlanda köçdüyü bildirilir. Sevinç Alptekin həm də tanınmış vəkil Sami Alptekinin böyük qardaşıdır. Sami Alptekinin həm də 1978-ci il oktyabrın 8-də baş verən Bağçalıevlər qətliamında öldürülən 7 TİP üzvünün dostu olduğu deyilir.

www.yenicag.az

“Çin avtomobil istehsalçısı “Changan Auto”şirkətinin Azərbaycandakı filialı müştəriləri aldadır.”

DİA.AZ xəbər verir ki, bu iddia ilə 3 ay əvvəl sözügedən şirkətin Babək prospekti, 74 ünvanında yerləşən satış mərkəzindən “Changan
HUNTER Pickup” modelli avtomobil alan Tahir Mahir oğlu Dadaşov Bizim.Media-ya müraciət edib.

Tahir Dadaşov bildirib ki, 47 min manat dəyərində aldığı dizel mühərriki ilə təchiz edilmiş avtomobil cəmi bir ay sonra defekt çıxıb. Həmin avtomobilin yanacaq nasosu və yanacaq sisteminə aid digər bir neçə detalı xarab olub. 5 illik zəmanətin və kasko sığortanın olmasına baxmayaraq avtomobili satan şirkət təmirdən boyun qaçırır. Hətta nasazlığın müştəri tərəfindən yaradıldığını iddia edir.

Şikayətçi deyir ki, avtomobili satan şirkətin rəsmi servisi yaranan problemin aradan qaldırılması üçün ondan 8500 manata yaxın pul tələb edir:

“Avtomobili alanda şirkət nə problem olsa, özləri həll edəcəklərini bildirmişdi. Maşının cəmi 8000 km yürüşü oldu. Avtomobilə yanacaq vurandan sonra nasazlıq yarandı. Qeyd edim ki, yanacağı yalnız “Azpetrol” yanacaq məntəqəsindən vurmuşuq. Şirkətə avtomobilin işə düşmədiyini bildirdim. “Götürün gəlin” dedilər. Maşın Astarada olduğu üçün evakuatora qoyub gətirdik. Avtomobilə servisdə baxıldı və problemin tanış olduğunu dedilər. Maşının müayinəsi üçün 1 gün vaxt da istədilər. Müayinə olundu və təsdiq etdilər ki, avtomobilin yanacaq nasosunda problem var.

Yanacaqda su olduğuna görə guya sistemə su düşüb. Mən dedim ki, su problemi mənlik deyil. Ola bilsin ki, problem yanacaq məntəqəsinindir. Amma o da dəqiq deyil. Biz özümüz də şirkətik və bu avtomobildən başqa dizellə işləyən bir neçə nəqliyyat vasitələrimiz var. Əgər yanacaqdandırsa, bəs o maşınlarda niyə eyni problem olmur? Şirkət “Changan HUNTER Pickup”ın yanacaq nasoslarının həssas olduğunu əsas gətirir.

Əgər belə problem var idisə, müştərini niyə məlumatlandırmayıblar? Avtomobili təmir etmirlər. Üstəlik problemin aradan qaldırılmasına 8500 manata yaxın xərc tələb olunur. Yanacaq nasosusunun qiyməti isə 3500 manatdır. O da dekabr ayına qədər Çindən gətiriləcək. Bir sözlə yanacaq sistemi olan mator yenidən yığılmalıdır”.

Şikayətçinin sözlərinə görə şirkət özü etiraf etdi ki, bənzər problemlə bağlı servis mərkəzində daha 7 avtomobil sahibi gözləyir:

“Kameranı açıb, nasaz avtomobilləri göstərdilər. Hətta bir avtomobilə 8900 xərc çəkildiyini və yola salındığını dedilər. 10 gün gözlədəndən sonra təmir üçün müəyyənləşdirdikləri ödənişi tələb etdilər. Biz isə razlaşmadıq və məhkəməyə müraciət etdik. Məsələni biləndən sonra dedikləri məbləği də inkar etdilər. İlkin ödəniş üçün 5600 manat ödədik. İçərisində zəmanət, sığorta və nömrə təklif olunur. Şirkət maşınları bir qayda olaraq sırıyır. Bunlar bir növ dolandırıcılıqla məşğuldurlar. Bir ayın maşınında bu problem ola bilməz”.

“Changan Auto” şirkətinin rəsmisi Orxan Bayramov isə Bizim.Media- ya verdiyi açıqlamada sözügedən məsələdə nə sığorta, nə də zəmanət halının olduğunu vurğulayıb:
​​​​​​​
“Avtomobilin yanacaq çəninə su dolub. Su da hər halda hansısa yanacaq məntəqəsində yanacağa qarışıb. Ondan dolayı mühərrikdə problem yaranıb. Bu, birbaşa müştərinin üzərinə düşən bir öhdəlikdir. Təbii ki, müştərinin şikayət etmək hüququ var. Amma biz də şirkət olaraq hüquqi tədbirlərimizi görürük”.

Şirkət sözçüsü bənzər problemlə bağlı onlara müraciət olunmadığını xüsusilə qeyd edib. Mübahisə doğuran məsələyə hüquqşünas Əsabəli Mustafayev də münasibət bildirib.

O, deyib ki, şikayətçi rəsmi servisə müraciət etsə və nasazlığın səbəbi ilə bağlı arayış tərtib olunsa, daha yaxşı olar:

“Kiçik bir ekspertiza keçirmək lazımdır. Müştəri yanacaq nasosunun xarab olma səbəbinin qeyd olunduğu arayışla satış mərkəzinə qarşı iddia qaldıra, dəymiş maddi və mənəvi zərəri tələb edə bilər. Arayış olmadan məsələni mübahisələndirmək çətin olacaq.

“Ümumiyyətlə, mürəkkəb cihazlarda istənilən detala mütləq zəmanət verilməlidir. Çünki səbəb ya zavod defektindən, ya da yanacağın keyfiyyətsizliyindən ola bilər. Bənzər hallar başqa müştərilərin avtomobilində də baş veribsə, demək ki, zavod deffektidir. Yaxud avtomobilləri alıb satan satış mərkəzinin həmin nəqliyyat vasitələrini uyğun olmayan şəraitdə saxlaması səbəb olub. Məsələn, nəm və ya əksinə çox quru yerdə saxladığına görə detal xarab ola bilər. Əlbəttə ki, bu məsuliyyəti satış mərkəzi boynuna götürməyəcək. Adətən satış mərkəzləri müştərini məmnun etmək üçün çalışır. Görünür bu şirkət bir qədər cığallıq edəndir. Gələcəkdə hətta müəyyənləşsə ki, şirkətin məsuliyyətsizliyi ucbatından avtomobillərdə nasazlıq yaranıb, barəsində şikayət edib onları satış hüquqdan məhrum etmək də olar”, - deyə hüquqşünas əlavə edib.

Qeyd edək ki, “Changan Auto” şirkətinin servis xidməti alıcının müraciəti ilə avtomobilini müayinə etsə də, nasazlıqla bağlı müştəriyə heç bir rəsmi arayış təqdim etməyib.

Mövzunu diqqətdə saxlayacağıq...

“Yaşadığım ev neçə illərdir təmir edilmədiyindən qəzalı vəziyyətə düşüb. Həyat yoldaşım vəfat edib, kimsəsizəm. Evim elə vəziyyətdədir ki, bir gün başıma uçacağından qorxuram”.

DİA.AZ xəbər verir ki, bunu Meydan TV-yə İsmayıllı rayon, Mollaisaqlı kənd sakini, 67 yaşlı İzafət Qorxmaz qızı Bağıyeva bildirib.

Evin tavanı çöküb, döşəmənin taxtası çürüyüb, divarlarda dərin çatlar yaranıb. Yağan yağış, qar evin təkcə tavandan deyil, divarda açılan dəliklərdən içərisinə dolur. İzafət Bağıyeva deyir ki, dəfələrlə evinə ilanlar, zəhərli həşəratlar girib. Bəzən günlərlə qorxusundan qonşularda gecələməyə məcbur qalıb:

“Təbii fəlakətlərdən sonra çatlar yaranmışdı. Amma imkanım olmadığından təmir etdirə bilmədim. Sonradan daha da bərbad vəziyyətə düşdü. Yağış yağanda hər yana qablar düzürəm, elə vaxt olur ki, su basır evimə girə bilmirəm. Nə vaxta qədər qohum-qonşu evində gecələyəcəm? Utanıram”.

Şikayətçi söyləyib ki, üç qız övladı var, ancaq onların da imkanı yoxdur.

“Olduqca bədbəxt anayam, bunu qonşularım da bilir. Dəfələrlə İsmayıllı Rayon İcra Hakimiyyətinə müraciət etmişəm. Hətta icra başçısı Nahid Bağırovun da qəbulunda olmuşam. Məsələ ilə əlaqədar ötən il Arxitektura və Memarlıq şöbəsindən gələrək video çəkilişlə evə baxış keçirdilər. Bunun da heç bir nəticəsi olmadı. Daha sonra Mehriban Əliyevaya da yazılı ərizə ünvanladım. Mehriban xanımdan gələn müəyyən göstəriş də İsmayıllı Rayon İcra Hakimiyyətində icra olunmadı. Olduqca çarəsiz durumdayam”,- Bağıyeva qeyd edib.

Şəkərli diabet, o cümlədən yüksək qan təzyiqindən əziyyət çəkdiyini deyən şikayətçi təqaüdünün yalnız gündəlik çörək puluna və dərmanlarına bəs etdiyini deyib.

Kənd icra nümayəndəsi Həşim Həşimov Meydan TV-yə bildirib ki, İzafət Bağıyevanın evinə baxış keçirilib.

Məlum olub ki, ev fiziki aşınmaya məruz qalıb. Bununla bağlı ona rəsmi cavab da göndərilib.

“Bizim kənd sürüşmə ərazisi deyil, zəlzələ də baş verməyib. Ev fiziki aşınmaya məruz qalıb. İcra nümayəndəliyinin isə təmir üçün vəsaiti yoxdur”,- Həşim Həşimov deyib. Bildirib ki, Bağıyevanın üç qız övladı və 2 oğulluğu var.

İsmayıllı Rayon İcra Hakimiyyətindən isə sualları cavablandırmaq istəməyiblər. Qurumdan deyiblər ki, sualı yalnız memar cavablandıra bilər. Lakin müvafiq şöbədən telefonlara cavab verilməyib.

Kadr seçimlərində, yeni təyinatlarda baş verən ilginc qanun pozuntuları…
Sərdar Nəbiyev – Şəki-Zaqatala Regional Təhsil İdarəsi Oğuz rayonu üzrə Təhsil Sektorunun müdir. İcrada işləyib. Dövlət qulluğu imtahanından keçməyib.

Kəmalə Əhmədova – Şəki-Zaqatala Regional Təhsil İdarəsi Zaqatala rayonu üzrə Təhsil Sektorunun müdiri məktəb direktoru olub. Dövlət qulluğu imtahanından keçməyib.

Bəhruz Nəbili – Şəki-Zaqatala Regional Təhsil İdarəsi Tədrisin Keyfiyyəti Sektorunun müdiri “MƏDƏT” kurslarında təlimçi olub, son iş yeri Biləsuvarda kənd məktəbində direktor işləyib. Dövlət qulluğu imtahanından keçməyib.

Cavad Cavadlı – Mərkəzi Aran Regional Təhsil İdarəsi Tədris Keyfiyəti sektorunun müdiri. Göyçay rayon Potu kənd məktəbinin direktoru olub. “MƏDƏT” kurslarında təlimçi olub. Dövlət qulluğu imtahanından keçməyib.

Leyla Bayramova – Mərkəzi Aran Regional Təhsil İdarəsi Ağdaş rayonu üzrə Təhsil Sektorunun müdiri. Təlimçi olub, Ağdaş rayon 7 saylı tam orta məktəbdə tarix müəllimi işləyib. Dövlət qulluğu imtahanından keçməyib.

Sevinc Həsənova – Mingəçevir şəhər 16 saylı tam orta məktəbin direktoru 24 balla məktəb direktoru olub, müsahibədən də Firudin Qurbanovun tapşırığı ilə keçib. Dövlət qulluğu imtahanından keçməyib.Mərkəzi Aran RTİ Mingəçevir şəhəri üzrə Təhsil Sektorunun müdiri təyin olunması Mingəçevirin təhsil ictimaiyyətini şoka salıb. Xanım Həsənova yeni təyinatını burununu kəsdirməklə qeyd edib və hazırda özündən razı şəkildə müəllimlərə yuxarıdan aşağı baxır, süründürməçiliyə yol verir. Demək olar ki, idarəetmədən və təhsil sənədlərindən, hüquqi normativ aktlardan xəbəri yoxdur.

Namidə Abbasova – Mərkəzi Aran Regional Təhsil İdarəsinin Yevlax rayonu üzrə Təhsil Sektorunun müdiri. Havarlı kənd məktəbində direktor əvəzi işləyən Namidə Abbasova hansısa gözəgörünməz əllərin sayəsində 1 ili tamam olmamış müqavilə ilə təhsil şöbəsinin müdiri təyin olunub. Daimi dövlət qulluqçusu olmamağına baxmayaraq hazırda Yevlax şəhər Təhsil sektorunun müdiridi. Adamın nə savadı, nə danışıq qabiliyyəti, nə də ünsiyyət qurmaq mədəniyyəti var.

Yevlaxdakı 1,2 və 7 №-li məktəblərin direktorları direktorların işə qəbulu imtahanlarında uğur qazanmayan “ələdüşməz” kadrlardandır. S.Əliyev adına 1 №-li tam məktəbin direktoru, ixtisasca ingilis dili müəllimi olan Əfsanə Səlimovanın nəinki ingilis dilində, heç Azərbaycan dlində tərcümeyi-halnı yazmağa savadı yoxdur. Hələ rəhbərlik etdiyi məktəbdə baş verən dindar müəllimin “Xomneyi sevgisi”, 12-ci imama həsr olunan mahnı qalmaqalı bir ayrı mövzudur. Onun necə və hansı meyarlarla direktor təyin olunması 21-ci əsrin möcüzələrindən hesab olunur. Onun rahatlıqla “Yevlax təhsilinin əfsanəsi” adlandırmaq olar.
Nizami adına 7 №-li tam orta məktəbin direktoru Üliviyyə Ağayeva da “ələdüşməz” kadrlardan hesab olunur. İşçilərinə yuxarıdan aşağı baxan, adı seçki saxtakarlıqlarında, müəllimlərdən dərs bölgüsünə görə pul yığmada hallanan bu xanım direktor da Yevlaxda çox məhşur rəhbərlərdəndir.
“Bollivud” aktirisalarından fərqlənməyən və təhsilə heç bir aidiyyatı olmayan Yevlax şəhər 2 №-li məktəbin direktoru Sədaqət Şükürova isə ayrı aləmdi. Bu adam Azərbaycan təhsilinin gələcək faciələrinin SOS siqnalıdır. Hələ bu azmış kimi rəhbərlik etdiyi məktəbdə baş verən biabırçı “xadimə əməliyyatları”, direktorun borclarının ödənilməsi üçün müavinlərinin az qala dilənçi kimi şıdırığı pul yığması, fiziki tərbiyə müəllimin “kino-filmi” və Sədaqət Şükürovanın baş verənləri gizləməsi…tükürpədən digər olaylar və daha nələr, nələr…
Bəs təhsil adamı olan Mərkəzi Aran Regional Təhsil İdarəsinin müdiri Elçin Kərimov nə düşünür? O, bu biabırçılıqların qarşısını alacaqmı?
Elnur Qasımov – Gəncə-Daşkəsən Regional Təhsil İdarəsi Göygöl rayonu üzrə Təhsil Sektorunun müdiri təlimçi olub. Gəncədə məktəb direktoru olub. Dövlət qulluğu imtahanından keçməyib.

Xəyal Məmmədov – Gəncə-Daşkəsən Regional Təhsil İdarəsi Naftalan-Goranboy rayonları üzrə Təhsil Sektorunun müdiri Goranboyda məktəb direktoru olub. Dövlət qulluğu imtahanından keçməyib.

Elmir Cəfərov – Gəncə-Daşkəsən Regional Təhsil İdarəsi Daşkəsən rayonu üzrə Təhsil Sektorunun müdiri. Məktəb direktoru və təlimçidir. Dövlət qulluğu imtahanından keçməyib.

Əksər idarələrdə məsləhətçilər çoxdu müsabiqəsiz və müsahibəsiz Dövlət Qulluğu haqqında Qanuna zidd olaraq götürülüblər.

Görəsən, bu qanunsuzluqlara görə kimlər məsuliyyət daşıyır? Niyə təhsil sahəsi üzrə dövlət qulluğundan keçmiş və idarəetmə təcrübəsi olanlar kənarda qalır?


QEYD: Regional təhsil idarələrinin mövqeyini dərc edə bilərik…

Dunyaninsesi.Az

Hər kəsə məlumdur ki, ölkəmizin ərazisində yaşayan hər bir vətəndaşın hüququ ilə bağlı məsələlər Azərbaycan Respublikası Konstitusiyasının 52-ci maddəsində öz əksini tapıb. Yəni, bu maddədə göstərilir ki, Azərbaycan dövləti ilə siyasi-hüquqi bağlılığı, habelə qarşılıqlı hüquq və vəzifələri olan hər kəs Azərbaycan Respublikasının vətəndaşı hesab olunur və həmin şəxs dövlətə münasibətdə bir sıra hüquqlara malikdir. Belə ki, Azərbaycan Respublikasının vətəndaşı olan hər kəs dövlət qurumlarından ona aid hüquqların müdafiəsini, qorunmasını, təşkil olunmasını və s. tələb etmək hüquqlarına malik olur. Bütün bunlar Azərbaycan Respublikası Konstitusiyasının 52-ci maddəsində öz əksini tapsa da, haqqında bəhs etdiyimiz Şamaxı rayonu, Muğanlı kənd sakini mərhum Rəcəbov Yadigar Ağadadaş oğlu (Yadigar Rəcəbov 05 avqust 2022-ci il tarixdə dünyasını dəyişmişdir) və onun ailə üzvləri Azərbaycan Respublikası Konstitusiyasının onlara verdiyi hüquqlardan istifadə etmələrinə baxmayaraq, 2014-cü ildən pozulmuş hüquqlarının bərpasına heç cür nail ola bilməyiblər. Yəni, redaksiyamıza çatdırılan məlumatlarda bildirilir ki, 2012-ci ilin mart ayında rayonun Muğanlı kəndində torpaq sürüşməsi hadisəsi baş verir və 62 ailə torpaq sürüşməsi hadisəsinin fəsadları ilə üz-üzə qalsalar da, 47 ailənin fərdi yaşayış evi və həyətyanı torpaq sahəsi tam yarasız vəziyyətə düşür. Hadisədən dərhal sonra Azərbaycan Respublikasının Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin “Azərinşaatlayihə” İnstitunun və Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin mütəxəssisləri yerli icra hakimiyyəti orqanı nümayəndələrinin iştirakı ilə fərdi yaşayış evlərinə və həyətyanı torpaq sahələrinə birlikdə baxış keçirirlər. Həmin vaxt yarasız vəziyyətə düşmüş evlərlə bağlı bu dövlət qurumlarının əməkdaşları tərəfindən akt da tərtib olunur və 47 ailəyə daha təhlükəsiz ərazidə yeni fərdi yaşayış evlərinin tikilməsi və buna görə Tikintidə Təhlükəsizliyə Nəzarət Dövlət Agentliyinin “Azərinşaatlayihə” İnstituna layihə-smeta sənədlərinin hazırlanması barədə göstəriş də verilir.

Qeyd edək ki, torpaq sürüşməsi hadisəsindən sonra yerli icra hakimiyyəti orqanları nümayəndələrinin iştirakı ilə 47 ailədə yaşayan sakinlərin siyahısı dəqiqləşdirilir və onların sayı barədə toplanmış məlumatlar aidiyyatı üzrə dövlət qurumlarına təqdim olunur. Layihə-smeta sənədləri hazırlandıqdan sonra fərdi yaşayış evlərinin inşaasına başlanılır və 2014-cü ildə evlər zərərçəkən ailələrə təhfil verilir. Tərtib olunmuş siyahıda mərhum Yadigar Rəcəbov və onun ailə üzvləri (7 nəfərdən ibarət) 46-cı sırada olsalar da, inşa olunmuş evlər sakinlərə təhvil verilərkən bu ailəyə ev verilmir. Belə olan halda mərhum Yadigar Rəcəbov ailə üzvləri adından möhtərəm Prezidentə, FHN-nə, Şamaxı RİH Aparatına bir neçə şikayət ərizəsi göndərir və baş verən ədalətsizliklərlə bağlı aidiyyatı dövlət qurumlarını lazımınca da məlumatlandırır. Diqqəti cəlb edən hal o olur ki, evlər paylanılarkən Rəcəbovlar ailəsinə verilməli olan ev hansısa maraqlar əsasında başqa bir ailəyə verilir. Yadigar Rəcəbovun etdiyi şikayətlər əsasında isə, həmin evə yerləşdirilmiş ailə üç gündən sonra Şamaxı RİH əməkdaşlarının iştirakı ilə evdən çıxarılır və ev 8 il ərzində boş qalır. Bugünlərdə Rəcəbovlar ailəsindən redaksiyamıza çatdırılan məlumatlarda bildirilir ki, vaxtilə həmin evdən çıxarılmış ailə təqribən ayyarım bundan öncə Şamaxı RİH əməkdaşlarının himayədarlığı altında təkrar həmin evə yerləşdirilir. Bütün bunlar da onu sübut edir ki, Rəcəbovlar ailəsinə təhvil verilməli olan evlə bağlı yaşanan problemin kökündə, məhz Şamaxı RİH əməkdaşlarının oynadıqları “oyun qaydaları” durur.

Onu da bildirək ki, Muğanlı kəndində torpaq sürüşməsi hadisəsi 2012-ci ilin mart ayında baş verir və tərtib olunmuş siyahı əsasında inşa olunmuş fərdi yaşayış evləri 2014-cü ildə zərərçəkən ailələrə təhvil verilir. Həmin vaxtlar Yadigar Rəcəbovun ailəsinə ev verilmir. Səbəb də o qeyd olunur ki, guya evlər paylanana qədər Yadigar Rəcəbovun və onun ailə üzvlərinin yaşadıqları evlə bağlı nə Fövqəladə Hallar Nazirliyinin, nə də ki, Ekologiya və Təbii Sərvətlər Nazirliyinin mütəxəsisləri tərəfindən akt tərtib olunmamışdır. Bu yöndə akt tərtib olunmadığından ilkin siyahıda Yadigar Rəcəbovun və onun ailə üzvlərinin adları siyahıda olsa da, az sonra onların adlarının siyahıdan çıxarıldığı bildirilir. Digər səbəb də o göstərilir ki, Azərbaycan Respublikasının Fövqəladə Hallar Nazirliyinin, Ekologiya və Təbii Sərvətlər Nazirliyinin mütəxəssisləri yerli icra hakimiyyəti orqanı nümayəndələrinin iştirakı ilə 03 mart 2014-cü il tarixdə bu ailəyə məxsus fərdi yaşayış evinə viziual texniki baxış keçirilmiş və həmin vaxt müvafiq akt da tərtib olunmuşdur. Tərtib olunmuş aktda Yadigar Rəcəbovun ailəsinə məxsus fərdi yaşayış evinin qəzalı vəziyyətdə olması qeyd olunmuşdur. Yəni, verilən cavablarda bildirilir ki, yeni akt tərtib olunana qədər tikilmiş evlər vətəndaşlara paylanılmışdır. Əslində bu cür yanaşmalar, verilən belə bir cavablar baş aldatmaqdan başqa bir şey deyil. O halda ortaya belə bir sual çıxır ki, axı torpaq sürüşməsi hadisəsi 2012-ci ilin mart ayında baş verir? Nədən həmin vaxtlarda Yadigar Rəcəbovun və onun ailə üzvlərinin yaşadıqları evin sağ-sol hissəsində yaşayan qonşuların evlərinə baxış keçirilir və akt da tərtib olunur? Amma, Yadigar Rəcəbovun və onun ailə üzvlərinin yaşadıqları evə vizual baxış keçirib akt tərtib etmək 03 mart 2014-cü il tarixdə, yəni iki il sonra həyata keçirilir? Deməli, belə bir yanaşmaların, başaldadıcı cavabların verilməsinin arxasında hansısa maraqlar durur.

Hörmətli oxucular! Artıq bir neçə dəfədir ki, araz.az xəbər portalı olaraq yaşanan belə bir problemin varlığını geniş ictimaiyyətin diqqətinə çatdırırıq və problemin araşdırılması məqsədilə, hətta aidiyyatı dövlət qurumlarına məktublar da göndəririk. Düzdür, ilk vaxtlar elə düşünürdük ki, bu mövzu ilə bağlı məqalə yayımlanarkən cənab Kəmaləddin Heydərov Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyi əməkdaşlarının Şamaxı RİH Aparatında vəzifə sahibi olan bəzi vəzifə sahibləri ilə əlbir olub oynadıqları “oyun qaydaları”nı şəxsi nəzarətinə götürəcək və qısa zaman kəsiyində 7 nəfərdən ibarət Rəcəbovlar ailəsinin üz-üzə qaldıqları problem ədalətli həllini tapacaq. Təəssüflər olsun ki, bu heç də belə olmadı.

Qeyd edək ki, bugünə qədər verilən cavab məktublarında qeyd olunub ki, Yadigar Rəcəbovun və onun ailə üzvlərinin yaşadıqları evə 03 mart 2014-cü il tarixdə vizual baxış keçirimiş və bununla bağlı akt da tərtib olunmuşdur. Tikintidə Təhlükəsizliyə Nəzarət Dövlət Agentliyi və Şamaxı RİH Aparatı tərəfindən verilən başaldadıcı cavab məktublarına aydınlıq gətirilməsi məqsədilə, adı çəkilən bu dövlət qurumlarına ünvanladığımız məktublara yenə də oxşar cavablar verilir. Yəni, ünvanladığımız suallara Tikintidə Təhlükəsizliyə Nəzarət Dövlət Agentliyindən lazımi cavabı əldə edə bilmədiyimizdən, bir neçə gün bundan öncə cavab əldə etmək istədiyimiz suallara aydınlıq gətirilməsinə köməklik göstərilməsi üçün Azərbaycan Respublikasının Prezidenti cənab İlham Əliyevə, Azərbaycan Respublikasının Birinci vitse-prezidenti Mehriban xanım Əliyevaya, Baş Nazir cənab Əli Əsədova və Fövqəladə Hallar Naziri cənab Kəmaləddin Heydərova rəsmi qaydada məktubla müraciət etmək məcburiyyətində qaldıq. Düşünürük ki, ünvanlanan məktublar əsasında Tikintidə Təhlükəsizliyə Nəzarət Dövlət Agentliyindən lazımi cavabı əldə etməyi bacaracağıq. Biz hələ də belə bir düşüncəyə sahibik ki, bu məqalənin yayımlanmasından sonra ən azından cənab Kəmaləddin Heydərov problemin araşdırılması yöndə, məhz tabeliyində olan vəzifə sahiblərinə lazımi tapşırıqlarını verəcək. Qarşı tərəfin də mövqeyini dinləyə bilərik. //araz.az//

Hər kəsə məlumdur ki, ölkəmizin ərazisində yaşayan hər bir vətəndaşın hüququ ilə bağlı məsələlər Azərbaycan Respublikası Konstitusiyasının 52-ci maddəsində öz əksini tapıb. Yəni, bu maddədə göstərilir ki, Azərbaycan dövləti ilə siyasi-hüquqi bağlılığı, habelə qarşılıqlı hüquq və vəzifələri olan hər kəs Azərbaycan Respublikasının vətəndaşı hesab olunur və həmin şəxs dövlətə münasibətdə bir sıra hüquqlara malikdir. Belə ki, Azərbaycan Respublikasının vətəndaşı olan hər kəs dövlət qurumlarından ona aid hüquqların müdafiəsini, qorunmasını, təşkil olunmasını və s. tələb etmək hüquqlarına malik olur. Bütün bunlar Azərbaycan Respublikası Konstitusiyasının 52-ci maddəsində öz əksini tapsa da, haqqında bəhs etdiyimiz Şamaxı rayonu, Muğanlı kənd sakini mərhum Rəcəbov Yadigar Ağadadaş oğlu (Yadigar Rəcəbov 05 avqust 2022-ci il tarixdə dünyasını dəyişmişdir) və onun ailə üzvləri Azərbaycan Respublikası Konstitusiyasının onlara verdiyi hüquqlardan istifadə etmələrinə baxmayaraq, 2014-cü ildən pozulmuş hüquqlarının bərpasına heç cür nail ola bilməyiblər. Yəni, redaksiyamıza çatdırılan məlumatlarda bildirilir ki, 2012-ci ilin mart ayında rayonun Muğanlı kəndində torpaq sürüşməsi hadisəsi baş verir və 62 ailə torpaq sürüşməsi hadisəsinin fəsadları ilə üz-üzə qalsalar da, 47 ailənin fərdi yaşayış evi və həyətyanı torpaq sahəsi tam yarasız vəziyyətə düşür. Hadisədən dərhal sonra Azərbaycan Respublikasının Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin “Azərinşaatlayihə” İnstitunun və Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin mütəxəssisləri yerli icra hakimiyyəti orqanı nümayəndələrinin iştirakı ilə fərdi yaşayış evlərinə və həyətyanı torpaq sahələrinə birlikdə baxış keçirirlər. Həmin vaxt yarasız vəziyyətə düşmüş evlərlə bağlı bu dövlət qurumlarının əməkdaşları tərəfindən akt da tərtib olunur və 47 ailəyə daha təhlükəsiz ərazidə yeni fərdi yaşayış evlərinin tikilməsi və buna görə Tikintidə Təhlükəsizliyə Nəzarət Dövlət Agentliyinin “Azərinşaatlayihə” İnstituna layihə-smeta sənədlərinin hazırlanması barədə göstəriş də verilir.

Qeyd edək ki, torpaq sürüşməsi hadisəsindən sonra yerli icra hakimiyyəti orqanları nümayəndələrinin iştirakı ilə 47 ailədə yaşayan sakinlərin siyahısı dəqiqləşdirilir və onların sayı barədə toplanmış məlumatlar aidiyyatı üzrə dövlət qurumlarına təqdim olunur. Layihə-smeta sənədləri hazırlandıqdan sonra fərdi yaşayış evlərinin inşaasına başlanılır və 2014-cü ildə evlər zərərçəkən ailələrə təhfil verilir. Tərtib olunmuş siyahıda mərhum Yadigar Rəcəbov və onun ailə üzvləri (7 nəfərdən ibarət) 46-cı sırada olsalar da, inşa olunmuş evlər sakinlərə təhvil verilərkən bu ailəyə ev verilmir. Belə olan halda mərhum Yadigar Rəcəbov ailə üzvləri adından möhtərəm Prezidentə, FHN-nə, Şamaxı RİH Aparatına bir neçə şikayət ərizəsi göndərir və baş verən ədalətsizliklərlə bağlı aidiyyatı dövlət qurumlarını lazımınca da məlumatlandırır. Diqqəti cəlb edən hal o olur ki, evlər paylanılarkən Rəcəbovlar ailəsinə verilməli olan ev hansısa maraqlar əsasında başqa bir ailəyə verilir. Yadigar Rəcəbovun etdiyi şikayətlər əsasında isə, həmin evə yerləşdirilmiş ailə üç gündən sonra Şamaxı RİH əməkdaşlarının iştirakı ilə evdən çıxarılır və ev 8 il ərzində boş qalır. Bugünlərdə Rəcəbovlar ailəsindən redaksiyamıza çatdırılan məlumatlarda bildirilir ki, vaxtilə həmin evdən çıxarılmış ailə təqribən ayyarım bundan öncə Şamaxı RİH əməkdaşlarının himayədarlığı altında təkrar həmin evə yerləşdirilir. Bütün bunlar da onu sübut edir ki, Rəcəbovlar ailəsinə təhvil verilməli olan evlə bağlı yaşanan problemin kökündə, məhz Şamaxı RİH əməkdaşlarının oynadıqları “oyun qaydaları” durur.

Onu da bildirək ki, Muğanlı kəndində torpaq sürüşməsi hadisəsi 2012-ci ilin mart ayında baş verir və tərtib olunmuş siyahı əsasında inşa olunmuş fərdi yaşayış evləri 2014-cü ildə zərərçəkən ailələrə təhvil verilir. Həmin vaxtlar Yadigar Rəcəbovun ailəsinə ev verilmir. Səbəb də o qeyd olunur ki, guya evlər paylanana qədər Yadigar Rəcəbovun və onun ailə üzvlərinin yaşadıqları evlə bağlı nə Fövqəladə Hallar Nazirliyinin, nə də ki, Ekologiya və Təbii Sərvətlər Nazirliyinin mütəxəsisləri tərəfindən akt tərtib olunmamışdır. Bu yöndə akt tərtib olunmadığından ilkin siyahıda Yadigar Rəcəbovun və onun ailə üzvlərinin adları siyahıda olsa da, az sonra onların adlarının siyahıdan çıxarıldığı bildirilir. Digər səbəb də o göstərilir ki, Azərbaycan Respublikasının Fövqəladə Hallar Nazirliyinin, Ekologiya və Təbii Sərvətlər Nazirliyinin mütəxəssisləri yerli icra hakimiyyəti orqanı nümayəndələrinin iştirakı ilə 03 mart 2014-cü il tarixdə bu ailəyə məxsus fərdi yaşayış evinə viziual texniki baxış keçirilmiş və həmin vaxt müvafiq akt da tərtib olunmuşdur. Tərtib olunmuş aktda Yadigar Rəcəbovun ailəsinə məxsus fərdi yaşayış evinin qəzalı vəziyyətdə olması qeyd olunmuşdur. Yəni, verilən cavablarda bildirilir ki, yeni akt tərtib olunana qədər tikilmiş evlər vətəndaşlara paylanılmışdır. Əslində bu cür yanaşmalar, verilən belə bir cavablar baş aldatmaqdan başqa bir şey deyil. O halda ortaya belə bir sual çıxır ki, axı torpaq sürüşməsi hadisəsi 2012-ci ilin mart ayında baş verir? Nədən həmin vaxtlarda Yadigar Rəcəbovun və onun ailə üzvlərinin yaşadıqları evin sağ-sol hissəsində yaşayan qonşuların evlərinə baxış keçirilir və akt da tərtib olunur? Amma, Yadigar Rəcəbovun və onun ailə üzvlərinin yaşadıqları evə vizual baxış keçirib akt tərtib etmək 03 mart 2014-cü il tarixdə, yəni iki il sonra həyata keçirilir? Deməli, belə bir yanaşmaların, başaldadıcı cavabların verilməsinin arxasında hansısa maraqlar durur.

Hörmətli oxucular! Artıq bir neçə dəfədir ki, araz.az xəbər portalı olaraq yaşanan belə bir problemin varlığını geniş ictimaiyyətin diqqətinə çatdırırıq və problemin araşdırılması məqsədilə, hətta aidiyyatı dövlət qurumlarına məktublar da göndəririk. Düzdür, ilk vaxtlar elə düşünürdük ki, bu mövzu ilə bağlı məqalə yayımlanarkən cənab Kəmaləddin Heydərov Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyi əməkdaşlarının Şamaxı RİH Aparatında vəzifə sahibi olan bəzi vəzifə sahibləri ilə əlbir olub oynadıqları “oyun qaydaları”nı şəxsi nəzarətinə götürəcək və qısa zaman kəsiyində 7 nəfərdən ibarət Rəcəbovlar ailəsinin üz-üzə qaldıqları problem ədalətli həllini tapacaq. Təəssüflər olsun ki, bu heç də belə olmadı.

Qeyd edək ki, bugünə qədər verilən cavab məktublarında qeyd olunub ki, Yadigar Rəcəbovun və onun ailə üzvlərinin yaşadıqları evə 03 mart 2014-cü il tarixdə vizual baxış keçirimiş və bununla bağlı akt da tərtib olunmuşdur. Tikintidə Təhlükəsizliyə Nəzarət Dövlət Agentliyi və Şamaxı RİH Aparatı tərəfindən verilən başaldadıcı cavab məktublarına aydınlıq gətirilməsi məqsədilə, adı çəkilən bu dövlət qurumlarına ünvanladığımız məktublara yenə də oxşar cavablar verilir. Yəni, ünvanladığımız suallara Tikintidə Təhlükəsizliyə Nəzarət Dövlət Agentliyindən lazımi cavabı əldə edə bilmədiyimizdən, bir neçə gün bundan öncə cavab əldə etmək istədiyimiz suallara aydınlıq gətirilməsinə köməklik göstərilməsi üçün Azərbaycan Respublikasının Prezidenti cənab İlham Əliyevə, Azərbaycan Respublikasının Birinci vitse-prezidenti Mehriban xanım Əliyevaya, Baş Nazir cənab Əli Əsədova və Fövqəladə Hallar Naziri cənab Kəmaləddin Heydərova rəsmi qaydada məktubla müraciət etmək məcburiyyətində qaldıq. Düşünürük ki, ünvanlanan məktublar əsasında Tikintidə Təhlükəsizliyə Nəzarət Dövlət Agentliyindən lazımi cavabı əldə etməyi bacaracağıq. Biz hələ də belə bir düşüncəyə sahibik ki, bu məqalənin yayımlanmasından sonra ən azından cənab Kəmaləddin Heydərov problemin araşdırılması yöndə, məhz tabeliyində olan vəzifə sahiblərinə lazımi tapşırıqlarını verəcək. Qarşı tərəfin də mövqeyini dinləyə bilərik. //araz.az//

"Bu gün Bakı Metropoliteni üçün prioritet olan məsələ xətlərin ayrılması layihəsidir. Bu layihə mərhələli şəkildə 9 yeni stansiyanın tikintisini nəzərdə tutur. Bu stansiyalardan 3-ü Dərnəgüldən sonra Koroğlu stansiyasına qədər Ziya Bünyadov prospektində olacaq stansiyalardır".

Qurum rəsmisi deyib ki, bu stansiyalardan 4-ü Xətaidən sonra Həzi Aslanov-2 stansiyasına qədərdir: "Bu stansiyaların yerləşmə ərazisi Ağ şəhərin girişində, digəri isə Xəzər televiziyasının binası yaxınlığındadır. Bu ərazidə artıq tunel qazılıb. Tikinti işləri məhz buradan başlayacaq. Növbəti stansiya "Nargilə" keçmiş avtomobil zavodu ətrafında, dördüncü isə Həzi Aslanov-2 olacaq. Bu stansiyada da müəyyən işlər görülüb, tamamlanma işləri layihənin həyata keçirilməsindən asılı olacaq.

Bu layihə həyata keçirildikdən sonra hər xəttin özünün müstəqil infrastruktur kimi fəaliyyəti təmin olunmalıdır. Dünya metro sistemində xətlər mütləq qaydada ayrı-ayrı müstəqil fəaliyyət göstərir".

Bəxtiyar Məmmədov əlavə edib ki, İçərişəhərdən sonra bir və ya iki stansiyanın inşası nəzərdə tutulur ki, onun axrasında dönmə kamerası olacaq və qatar bir yoldan digərinə rahat keçərək minimal intervalı təmin edəcək:

"Həzi Aslanovdan çıxan qatar yalnız İçərişəhər istiqamətinə gedəcək. Buradan yaşıl xəttə keçmək üçün isə müxtəlif mənbələr olacaq. Həzi Aslanov, 28 May və Koroğlu stansiyalarında keçidlər olacaq. Bu o, deməkdir ki, Koroğlu stansiyasından Elmlər Akademiyası stansiyasına getmək istəyənlər 15 dəqiqə ərzində ünvana çatacaqlar. İnterval isə 2 dəqiqə olacaq.

Bu layihənin həyata keçməsi ilə qeyd edilən ərazilərin sosial-iqtisadi inkişafından tutmuş metropolitendə ən optimal intervalın tətbiqi və sərnişinlərin rahat daşınmasına qədər işlərə müsbət təkan verəcək. Bakının baş planında inteqrasiya olunmuş nəqliyyat prinsiplərində metropoliten də xüsusi yer tutur. Baş planda xətlərin ayrılması layihəsinə xüsusi yerin verilməsi nəzərdə tutulur".