"Turanbank" ASC-nin külli miqdarda vergi borcu üzə çıxıb.

Şirkətin borcu 300 min manatda çoxdur. (306561.67 AZN)

Nizamnamə kapitalı 80005244 AZN olan "Turanbank" ASC-nin qanuni təmsilçisi Fəzail Musayev Misgər oğludur.

Mətbuatdakı materiallarda Məmməd Musayevin "TuranBank"ın əsl sahibi olduğu, oğlu Fuad Musayev isə banka xüsusi nəzarət etdiyi bildirilir.

"Gəncə Şərab evi 1" i - 145 mindən çox vergi borcu yaranıbdır.

Belə ki, qanuni təmilçisi Mirməhəmməd Məmmədov Həmid oğludur, adına olan vergi borcu "VÖEN" daxilində 145454.52 (yüz qırx beş min dörd yüz əli dörd manat, əli iki qəpik) mövcuddur.

Böyük bir müəssisənin bu qədər vergi borcu yaranması çox müəmmalıdır.

AZƏRBAYCAN RESPUBLİKASININ İQTİSADİYYAT NAZİRLİYİ YANINDA DÖVLƏT VERGİ XİDMƏTİNİN- Gəncə Şəhər Ərazi vergilər 12 saylı Ərazi Vergilər Baş İdarəsinin məsuliyyətsizliyi bu qədər vergi borcunun yaranmasına, hüquqi baxımından çinayət xarakterli dövlət rüsumundan yayınma, külli miqdarda pulun mənimsənilməsi, Dövələt Xəzinadarlığına daxil olmaması çinayət deyilsə bəs nədir?

Bu halın nəyin ki, Gəncə Şərab evi 1" saylı Açıq Tipli Səhmdar Cəmiyyətin də yaranıb, o cümlədən Gəncə Şərab evi 2" saylı Açıq Tipli Səhmdar Cəmiyyətinin də 33 mindən çox vergi borcu var.

Adı çəkilən Gəncə şərab evi 2" ASC -nin Qanuni təmsilçisi - Saleh Babazadə Nadir oğludur.

Onun adına olan "VÖENİN" vergi borcu rəqəmsal olaraq 33608.57 (üç yüz otuz altı min səkkiz manat, əli yeddi qəpik) rəsmi borc yaranması, vergidən yayınması Gəncə 12 saylı Ərazi Vergilər Baş İdarəsinin fəaliyyətinə ləkədən başqa bir şey deyil.

Yazıda qeyd olunan müəssisələrin hal-hazırda fəaliyyət göstərməsi, işçi sayının olması, "Şərab" istehsal etməsi mövcuddur.

Mövzuya qayıdacayıq.

Qarşı tərəfin mövqeyini dinləməyə hazırıq... //hurriyyet.az//

Azərbaycan Respublikasının Minatəmizləmə Agentliyi Laçında iki nəfərin minaya düşməsi ilə bağlı məlumat yayıb.

Agentlikdən verilən xəbərə görə, 2022-ci 21 oktyabr tarixində Laçın rayonunun Suarası kəndində minalardan təmizlənməmiş ərazidə piyada-əleyhinə minanın partlayışı baş verib.

İlkin məlumata əsasən hadisə nəticəsində Həmidov Elsəvər Sovet oğlu və Həsənov Səbuhi Telman oğlu xəsarət alıb.

Agentlik bildirib ki, hadisə ilə bağlı aparılan araşdırmanın nəticəsinə dair ictimaiyyətə əlavə məlumat veriləcək.

xxx

20:10

Laçında iki nəfər minaya düşüb.

Hadisə Suarası kəndində qeydə alınıb.
Kənddə 2 nəfər mina partlaması nəticəsində müxtəlif dərəcəli bədən xəsarətləri alıblar.

Minaya düşən şəxslər xəstəxanaya çatdırılıb. Hazırda onların müalicəsi davam etdirilir.

Daxili İşlər Nazirliyinin Mətbuat Xidmətinin Bərdə regional qrupundan faktı təsdiqləyiblər.

Bakı Şəhər İcra Hakimiyyətinin tabeliyində fəaliyyət göstərən “Bakı Şəhər Tikinti və Təmir” MMC tərəfindən keçirilən tender müsabiqəsinin qalibi məlum olub.

DİA.AZ yeniavaz.com-a istinadla xəbər verir ki, tender müsabiqəsinin qalibi “Feniks-AA” MMC (VÖEN- 2000094981) olub.
Tender müsabiqəsinin şərtlərinə görə “Feniks-AA” MMC “Bakı Şəhər İcra Hakimiyyəti başçısının tabeliyində Mərkəzi Nəbatat Bağı”nın abadlaşdırılması işləri üzrə layihə-smeta sənədlərini hazırlayacaq. Abadlıq işləri üçün layihə-smeta sənədlərinin hazırlanmasına görə Bakı Şəhər İcra Hakimiyyəti “Feniks-AA” MMC-yə 580 min 300 manat ayıracaq.

Məlumat üçün bildirək ki, “Feniks-AA” MMC 06.11.2001-ci ildə dövlət qeydiyyatına alınıb. Nizamnamə kapitalı 10 manat olan MMC-nin hüquqi ünvanı Xətai rayonu, Məhəmməd Hadi, ev 152, m. 56-da yerləşir. Şirkətin qanuni təmsilçisi Aydınlı Aydın İlqar oğludur.
Onu da bildirək ki, Aydınlı Aydın İlqar oğlu Dövlət Şəhərsalma və Arxitektura Komitəsi sədrinin müavini İlqar Aydın oğlu İsbatovun oğludur. “Feniks-AA” MMC-yə 2008-ci ilə kimi İlqar İsbatovun özü rəhbərlik edib. 2008-ci ildə İlqar İsbatov Dövlət Şəhərsalma və Arxitektura Komitəsinin Bakı Dövlət Layihə İnstitutunun direktoru təyin olunduğu üçün rəsmi sənədlərdə şirkət rəhbərliyini oğluna həvalə edib.
Qeyd edək ki, “Feniks-AA” MMC bugünə kimi dövlət qurumlarının keçirdiyi çoxsaylı tenderlərin qalibi olub.

Xatırladaq ki, bir neçə gün əvvəl İlqar İsbatovun özü ilə bağlı ilginc faktları təqdim etmişdik:

Qarabağın inşasında İlqar İsbatov TAMAHKARLIĞININ İSBATI... - İLGİNC FAKTLARMy Webpage

Buradan aydın olanı odur ki, İsbatovun özü bir yandan, oğlu da bir yandan büdcəmizə daraşıblar...

Məsələ ilə bağlı olaraq bütün maraqlı tərəfləri dinləməyə hazırıq...

"Ümidvar olmaq istərdim ki, müvafiq dairələr Naxçıvandakı "Grand Hotel"də baş verən özbaşınalıqları ciddi şəkildə apaşdıracaq və ölçü götürəcək. Çünki bu, ilk belə hadisə deyil. Şəxsən mənə dəfələrlə bu barədə şikayətlər gəlib". DİA.AZ bildirir ki, bu həyəcanlı ifadələrin müəllifi tanınmış jurnalist Heydər Oğuzdur.

Həmkarımız Səbina adlı şəxsin "Hüquqşünaslar Qrupu"nda paylaşdığı statusu diqqətə təqdim edərək, daha sonra bildirir:

"Rəsmi qurumlarımız bu iddiaları obyektiv araşdırmasalar, mən bir jurnalist kimi məhdud imkanlarımla mövzunu incələmək məcburiyyətində qalacağam.

Məsələyə bu qədər önəm verməyimin səbəbi yəqin ki, hər kəsə aydındır. Hər bir region kimi Naxçıvanın da incə və toxunulmaz toxuları (hüceyrələri) var. Onun bu şəkildə zorən pozulmasına imkan vermək olmaz".

Dia.az

"Burada tullantıların utilizasiyası zavodunu tikmək fikrində idilər. Sonra söhbət yayıldı ki, ağır şərtlər qoyublar. Bundan sonra onlar bir də buraya gəlmədilər”.

Lənkəran şəhərinin zibil poliqonu köhnə Bakı-Astara yolunun yaxınlığında, rayonun Göyşaban kəndinin ərazisində yerləşir. Ərazisi 5 hektardan çoxdur. Yerli sakinlərin dediklərinə görə, 40 ildən çoxdur ki, şəhərin və ətraf kəndlərin məişət tullantıları buraya gətirilir. Poliqon tullantılarla qalaqlanıb. Zibillik ərazisi 3-4 yerdə yanır, tüstü ətrafa yayılır.

Zibillyin hasarı yoxdur, hər tərəfi açıqdır, digər yerlərdən kanallar ayırır. Yaxınlıqdakı gözətçiyə yaxınlaşıb bəzi suallara cavab almaq istəsək də, alınmadı.

Lakin aydınlaşdrdıq ki, bura Lənkəran Şəhər Mənzil İstismar və Kommunal Müəssisələri İdarəsinin nəzarətindədir.

Kənd sakini Qəşəng Əkbərova deyir ki, illər keçir, problem həllini tapmır: "Kəndimizdə xəstələr var. Onlar kənara çıxa bilmir, tütstünün əlindən də həyətə düşmək mümkünsüzdür. Həytlərdə uşaqlar var, hərəsi də bir cür xəstə. Təmiz hava yoxdur. Avtobusla bazara gələndə pəncərəni bağlayırıq ki, tüstü içəriyə girməsin. Bir çarə qılsınlar”.

Adının çəkilməsini istəməyən Lənkəran ziyalısının sözlərinə görə, problem dəfələrlə müzakirə olunub: “İcra hakimiyətinin bir tədbirində oldum. Bu məsələ müzakirə olunurdu. Poliqon dolub. Yeri dəyişilməlidir. Dedyildi ki, investisiya proqramı var, zavodun (zibil emal edən) tikilməsi orda nəzərdə tutulub. Doğurdan da orda ekoloji vəziyyət yaxşı deyil. Söhbət ondan gedir ki, müasir tələblərə cavab verən yeni zibil poliqonunun tikintisi böyük vəsait tələb edir. Lənkəran şəhərinin 50 min əhalisi var. Ətraf kəndlərlə birlikdə əhalinin sayı 60 min nəfərə çatır. Əhali artır. Söhbət ondan gedir ki, bu zibillik yaşayış evlərilə əhatə olunub. İntensiv hərəkət olan asfalt yolun kənarındadır".

Lənkəran Şəhər Mənzil İstismar və Kommonal Müəssisələri İdarəsinin müdiri Emin Şahzadənin Cənub.az saytına dediyinə görə, bu sahəyə investisiya qoyulandan sonra məsələ həllini tapacaq.

Lənkəran Şəhər İcra Hakimiyyəti Başçısının müavini Vüqar Məmmədov isə sözügedən məsələ ilə bağlı bildirib ki, ərazidə məişət tullantılarını utilizasiya etməkdən ötrü regional zavodun tikilməsi məsələsi investisiya proqramına salınıb. Burda 10 min kub metr məişət tullantıları utilizasiya ediləcək.

Göyşaban kənd sakini Füzuli Məmmədov deyilənlərə inanmır. Onun bildirdiyinə görə, hər dəfə belə vədlər verirlər, amma problem yerində qalır.

Zibil poliqonuna yaxın ərazidə yaşayan sakinin dediyinə görə, bununla bağlı Yapon mütəxəssisləri ərazidə olublar.

“Onlar burada tullantıların utilizasiyası zavodunu tikmək fikrində idilər. Sonra söhbət yayıldı ki, onların qarşısında ağır şərtlər qoyublar. Onlar bir də buraya gəlmədilər. Lənkəran şəhərinin iki böyük problemi var. Kanalizasiya yoxdur, zibl paliqonu da dolub daşır. 30 ildə bu iki problemlə bağlı dəfələrlə müzakirə gedib. Amma problemin həllindən ötrü əllərini ağdan-qaraya vurmayıblar”, - kənd sakini bildirir.

Belediyye.net

Bu gün - oktyabrın 21-i Zəngilan rayonunun Mincivan qəsəbəsinin Ermənistan Silahlı Qüvvələrinin işğalından azad edildiyi gündür.

Azərbaycanın qədim yaşayış məntəqələrindən biri olan qəsəbənin erməni işğalçılarından təmizlənməsindən 2 il ötür.

2020-ci il oktyabrın 21-də Mincivan qəsəbəsi ilə yanaşı, rayonun Babaylı, Üçüncü Ağalı, Sarıl, Xumarlı, Hacallı, Xurama, Cahangirbəyli, Turabad, İçəri Müşlan, Qıraq Müşlan, Məlikli, Üdgün, Baharlı kəndləri, Cəbrayıl rayonunun Balyand, Papı, Tulus, Tinli kəndləri, Füzuli rayonunun Gecəgözlü, Aşağı Seyidəhmədli və Zərgər kəndləri işğalçılardan azad edilib.

Azad olunan ərazilərə Azərbaycanın üçrəngli şanlı bayrağı sancılıb.

Azərbaycanda uzun illərdir ki, dərmanların bahalığı səhiyyənin əsas problemlərindən biri olaraq qalır.

Müxtəlif ad, lakin eyni tərkibli dərmanların qiymətləri arasında da böyük fərqlər müşahidə olunur. Çox zaman xəstələr bahalı və el arasında "firma" dərmanı adlandırılan preparatların həkimlər tərəfindən qəsdən yazılmasından şikayətlənirlər.

Belə ki, bəzi həkimlərin sözügedən "firma"larla əməkdaşlıq etdiyi və xəstələrə yalnız həmin firmalara məxsus olan dərmanları yazdığı deyilir. Cebhe.info-ya açıqlamasında tibb sahəsi üzrə ekspert, terapevt Rasif Bağırov məsələ ilə bağlı danışıb. Onun sözlərinə görə, çox zaman həkimlər qəsdən bahalı dərmanlar yazır:

"Azərbaycan özü dərman istehsal etmir, dərman xaricdən gətirilir. Amma ölkədə firmalarla həkimlərin əməkdaşlığı söhbəti var. Bahalı və keyfiyyətsiz dərmanın yazılması da həkimin vicdanına qalır. Elə həkim var ki, həqiqətən də o prinsipləri əsas tutaraq xəstələrə bahalı dərman yazır. Bəzən reseptlərə baxırsan ki, xəstəyə əlavə, yeri gəldi-gəlmədi, heç ona aid olmayan dərmanlar yazılıb. Bir də görürsən ki, çox sayda ağrıkəsici dərmanlar yazılıb, lakin bunlar eyni tərkibdə və müxtəlif adlardadır. Deyilən prinsiplərə əsaslanan həkimlərin müalicə üsulunda heç vaxt effekt olmur. Görürsən ki, xəstə o qədər həkim yanına gedir, amma müalicə ona təsir eləmir. Çünki həkimin prinsipi dərmanı sərf etməkdir, məqsədi heç də xəstəni sağaltmaq deyil. Başqa bir sirri də açmaq istərdim. Azərbaycana daxil olan dərmanların 50-60 faizi saxtadır. Dərmanın ştrif kodunu telefonla yoxlamaqla bunu müəyyən etmək olar. Axtarış zamanı orada yazılır ki, bu adda dərmanla bağlı heç bir məlumat yoxdur. Dərman əgər zavodda istehsal olunubsa, onunla bağlı məlumatlar çıxır. Həkimlərimizin 90 faizi maraqlanmır ki, yazdığı dərmanın ştrix kodu normal şəkildə çıxırmı, yoxsa, bu, hansısa zirzəmidə hazırlanan məhsuldur”.

O bildirib ki, qaydalara nə həkimlər, nə də xəstələr əməl edir:

“İnsanlar buna o qədər laqeyd yanaşırlar ki. Çox həkim də bu laqeydlikdən istifadə edir. Həkim xəstəyə dərman yazır, baxırsan ki, vərəqin bir üzü doludur, 9-10 dənə dərman adı qeyd olunub. Bunu çatdırmaq olar? Xəstənin heç maddi imkanı bunu almağa çatmaz. Çünki bizdə dərmanlar çox bahadır. Həkimlərin hazırlıq səviyyəsi aşağı olduğu üçün də çox dərman yazır ki, hansı tutar, tutar. Savadlı həkim heç vaxt "firma" işlərinə girməz. Xəstənin reseptinə baxanda bilirsən ki, bu həkimin işdən başı çıxır, ya çıxmır. Bilməyən həkimin reseptindən görürsən ki, lazım olmayan dərmanları yükləyib, həm dərmandan xeyir götürür, həm də xəstəyə ziyan vurur".

Cebhe.info