61 nəfər Xoşçobanlı və Murğuzalılı kənd sakinləri Xoşçobanlı Bələdiyyəsinin sədri Vüqar Bağırova müraciət edərək yazıblar: Yazıb sizə məlum edirik ki, Azərbaycan Respublikası Prezidentinin sərəncamına əsasən 2014-2015-ci illərdə istifadəyə verilmiş Otuziki, Xoşçobanlı, Muğuzalılı, Mürsəlli, Qaraqaşlı kəndləri arasından keçən kəndarası yollar əsaslı təmir edilərək vətəndaşların istifadəsinə verilmişdir. Yolumuzun əsaslı təmir olunmasına köməklik göstərdiyinə görə cənab Prezidentimizə öz təşəkkürümüzü bildiririk.
Ancaq təəssüflər olsun ki, ağır tonnajlı yük maşınları ( şaqmanlar) əsas magistral yolda qurulan tərəzilərdən gizlənərək yüklərini kəndarası yoldan keçməklə daşıyırlar, bunun nəticəsində kəndarası yollar ağır yüklərə davam gətirməyərək sıradan çıxır və məhv olub gedir. Xahiş edirik ki, bu məsələ barədə aidiyyəti dövlət qurumlarına məlumat verəsiniz və təcili tədbir görəsiniz. Sakinlərin müraciətindən sonra bələdiyyə sədri Vüqar Bağırov icra nümayəndəsinin müavini Asif Əlişovla birgə sakinlərin şikayətini İmişli Rayon Yol Polisi İdarəsinin rəisi Eldəniz İmamyarova çatdırmaq üçün 2 dəfə qəbula getsələr də rəis onları qəbul etməyib. Axırda məcbur olub rayon prokurorunun qəbuluna gediblər. Prokurorun köməkçisi Fərzi müəllim Eldəniz İmamyarova zəng edərək vətəndaşları qəbul etməsini bildirib.
Nəticədə, Eldəniz İmamyarov Vüqar Bağırovla Asif Əlişovu qəbul edərək onlara “Niyə yalan danışırsınız, siz nə vaxt qəbula gəlmisiniz” deyərək onlarla çox kobud davranıb. Vüqar Bağırov rəisə bildirib ki, iki dəfə gəldik bizi içəri buraxmadılar. Rəis Eldəniz İmamyarov yenə bələdiyyə sədrini və kənd icra nümayəndəsinin müavini təhqir etməyə başlayıb. Axırda bələdiyyə sədri seçkili orqanın rəhbəri olduğunu deyərək, əlini uzadaraq “Bura dövlət binasıdır, danışığınıza fikir verin” deyəndə rəisin gül ağzı açılıb və... Və bələdiyyə sədrinə “Əlini burub dalına soxaram...Gedin hara istəyirsiniz şikayət edin..” deyərək bələdiyyə sədri ilə icra nümayəndəsinin müavinini qovub. Bələdiyyə sədri və icra nümayəndəsinin müavini bu rüsvayçılıqdan sonra Daxili İşlər Naziri Vilayət Eyvazova, Baş prokuror Kamran Əliyevə, DTX-nın rəisi Əli Nağıyevə müraciət edərək məsələnin nəzarətə götürülməsini xahiş ediblər.
Bələdiyyə sədri Vüqar Bağırov deyir ki, rəisin məni təhqir etməsi bütün rayona yayılıb, mən seçicilərimin üzünə baxa bilmirəm. Bələdiyyə sədri onu da deyir ki, bir neçə il əvvəl mən Şirvan şəhərində cənab nazir Vilayət Eyvazovun qəbulunda olmuşam, bizmlə elə mədəni, səmimi, mehriban danışdı ki, edəcəyimiz xahişi də unutduq. Mən nazirdən xahiş edirəm ki, belə kadrları başa salsın ki, insanlarla tərbiyəsiz davranmasınlar.
Mən seçicilərimizin, kənd sakinlərinin adından haqqımızı tələb edirəm, rəis isə nəyinsə müqabilində ağırtonnajlı maşınları yolumuza yönəldir, yollar dağılır. Bələdiyyə sədri onu da deyir ki, son günlər akt tərtib edərək bizi tutdurmaq istəyirlər.
Biz bir media olaraq ümid edirik ki, dövlət qurumları yaxın zamanda bu müraciətlərə münasibət bildirəcəklər. //gundelik-baku.com//

Füzuli rayonunun Qaraxanbəyli kənd sakini Abbasova Bəsti İlkərəm qızı 20 il ailəli olduğu həmkəndlisi Qasımov Qəhrəmanla torpaq əkib-becəriblər. Bəsti xanım redaksiyaya göndərdiyi video-müraciətində deyir:

“Həyat yoldaşım vəfat edəndən sonra kənd icra nümayəndəsi Polad Məmmədov mənim torpağımı əlimdən alıb qaziyə verib. Mən şəhid bacısıyam, rəhmətlik qardaşım gizir olub, I Qarabağ müharibəsində 12 güllə yarası alraq şəhid olub. İndi Polad Məmmədov məni – şəhid bacısını qazi ilə üz-üzə qoyur. Özü də deyir ki, sənin qardaşın köhnə şəhiddir”.

Qaraxanbəyli kəndinin digər sakini Babayev Mənsur Sulduz oğlu Aprel döyüşçüsü, Vətən müharibəsi iştirakçısı, III qrup Qarabağ əlilidir.

Deyir ki, özü də, həyat yoldaşı da işsizdir. İki azyaşlı uşaqları var. Dəfələrlə işlə bağlı Füzuli Rayon İcra Hakimiyyətinə müraciət edib. Ancaq müraciətinə müsbət cavab verilməyib: “Axırda sözləri bu oldu ki, ”get, əlin hara qəlbidir, ora qoy”. 20 gün dayanmadan Prezidentə, vitse — Prezidentə, Prezident Administrasiyasının yüksək vəzifəli şəxslərinə məktublar yazdım, lakin cavab gəlmədi. Aydın oldu ki, Füzuli rayon poçtundan dövlət başçısına ünvanlanan məktublarım qayıdıb gəlir icra başçısına, o da cırıb tullayır. İcra Hakimiyyətinin Şəhid ailələri, müharibə əlilləri və iştirakçıları ilə iş şöbəsinin müdiri Hafiz və onun köməkçisi İlkin mənə deyirlər ki, müharibədə dərədə gizlənmisən, indi gəlib bizdən iş tələb edirsən. Kənd icra nümayəndəsi Polad Məmmədov gəlib mənə deyir ki, “yuxarı” məktub yazma, yoxsa, sənin üçün çətin olacaq”.

Öyrənmişik ki, qaziyə iş tapılmadığı halda Polad Məmmədov öz qohum-əqrəbalarını işlə təmin edib, adını xadimə kimi rəsmiləşdirdiyi həyat yoldaşı Arzu Məmmədova isə işə çıxmır, müftə maaş alır.

Əməkdaşımız Polad Məmmədovla əlaqə saxlayıb məsələyə münasibətini soruşduqda bildirib ki, qazi Mənsur Bbaayevə 30 hektar yer veriblər ki, əksin. Di gəl, həmin torpaq başqasının adına rəsmiləşdirilib, dövlət tərəfindən əkin üçün ayrılan subsidiya vəsaiti isə mənimsənilir.

Eynən onun kimi Bəsti Abbasovaya da kənddə qeydiyyatda olan, Bakıda yaşayan qazi üçün ayrılmış torpaq sahəsi göstərilib ki, əksin. Amma qanuniləşdirilməyib, subsidiyası “pay-püşk” edilib. Ona görə də əkin əkmək üçün imkanları yoxdur. //Deryaz.az//

Kənd təsərrüfatı mütəxəssisi, təqaüd yaşıma 3 il qalmış mühəndis-mexanik vəzifəsindən kənarlaşdırılan İsgəndərov Qədir İsgəndər oğlu Azərbaycan Respublikasının prezidenti İLHAM ƏLİYEV cənablarına MÜRACİƏT ünvanlayıb.

İctimailəşdirilməsi üçün bir nüxsəsi Faktinfo.az saytına,eləcə də digər mətbuat orqanlarına göndərilən müraciətdə deyilir:

Hörmətli cənab prezident!

40 ilin kənd təsərrüfatı mütəxəssiyəm, təqaüd yaşıma 3 il qalmış əmək müqaviləmə "Aqroservis" ASC-nin sədri Elmin Rəhimov tərəfindən xitam verildi. Məni 20.12.2022-ci ildə "Aqroservis" ASC-nin Şəmkir Regional Nümayəndəliyinin Ağstafa bölməsində mühəndis-mexanik vəzifəsindən uzaqlaşdırdılar.

Yaranmış vəziyyətlə bağlı Kənd Təsərrüfatı naziri İnam Kərimova dəfələrlə müraciət etmişəm.Heç bir əhəmiyyəti olmayıb,KTN-nin aparat rəhbəri tərəfindən aldığım məktubda işdən çıxarılmağımda qanun pozuntusunun olmadığı göstərilib. Azərbaycan Respublikası Əmək Məcəlləsinin 68-ci maddəsinin 2-ci hissəsinin "b" bəndinə (əmək müqaviləsinin müddətinin başa çatması) əsas götürülüb əmək müqaviləmə xitam verilib.Bununla etiraf edilir ki,tərəfimdən qanun pozuntusuna, nöqsana yol verilməyib.Heç bir əsas göstərilmədən belə istəyiblər əmək müqaviləmə xitam verilib.Buradan həm də o qənaət hasil olur ki,"Aqroservis" ASC-nin sədri Elmin Rəhimov istənilən kənd təsərrüfatı mütəxəssisini müqavilə əsasında işə götürə bilər,növbəti il heç bir əsas göstərilmədən onunla əmək müqaviləsinə xitam da verə bilər.Yəni külli ixtiyar sahibidirlər,qəti imkan tədbirində istədiklərini edə bilərlər.Bu davranışla,bu yanaşma ilə insanları ölkə prezidentindən narazı salmaq da olar.

Digər aspektdən yanaşsaq "Aqroservis" ASC-nin Ağstafa bölməsində işlədiyim mühəndis-mexanik ştatı ixtisara düşməmişdisə və bu ştata ehtiyac varsa rəhbərliyin nə marağı var idi ki, mənimlə əmək müqaviləsi bağlanılmadı,sualı aktuallığını hələ də saxlayır.Yəni 40 ilin kənd təsərrüfatı mütəxəssisini,maşın və mexanizmiləri bilən şəxsi nə səbəblə təqaüd yaşına 3 il qalmış işdən çıxardıblar,sualı açıq qalıb. Buna dair bunların heç bir əsaslandırması yoxdur. Mən "Aqroservis" ASC-nin sədri Elmin Rəhimov kimi hüquqşünas,aqrar sektordan xəbərsiz biri deyiləm.Eləcə də onun kimi 40-41 dərəcə istidə kondisionerin altında kresloya yaymanmamışam,mən istidə-soyuqda sahələrdə maşın və mexanizmiləri təmir etmişəm.Budurmu mənim əməyimə verdikləri qiymət ki,əmək müqaviləmə xitam verildi.Başa düşmədim ki,mən fəaliyyətim hansı çağırışlara cavab vermədi ki,bu cür davrandılar.

Faktinfo.az bildirir ki,müraciət müəllifi İsgəndərov Qədir İsgəndər oğlu işdən kənarlaşdırılmasının bir neçə saat ərzində,aşağıda nəql etdiyi hadisədən sonra baş verdiyini də bildirib.

Belə ki, " 20.12.2022-ci il səhər saatlarında "Aqroservis" ASC-nin Şəmkir Regional Nümayəndəliyinin Ağstafa bölməsində anbardar vəzifəsində işləyən Əliyev Emin Şahin oğlu işə gecikib.Günorta saatlarında isə Emin Əliyev gözlənilmədən işdən gedib.Emin Əliyevin hər iki hərəkəti nəzərə alınmaqla,Ağstafa bölməsinin müdiri Cavanşir Əmrahov tərəfindən akt tərtib olundu,4 nəfər akta qol çəkdi, onlardan biri də mən oldum.

İlin sonu, bayram qabağı olduğundan bölmə müdiri Cavanşir Əmrahovdan xahiş etdim ki, aktı elektron variantda "Aqroservis" ASC-yə göndərməsin.Təkidlərim nəticəsiz qaldı, bölmə müdiri aktı göndərdi. Bundan bir az sonra "Aqroservis" ASC-dən bölmə müdirinə zəng gəldi,ondan haqqımda təqdimat yazılması istənildi.Cavanşir Əmrahov "Qədir İsgəndərovdan deyil, bəlkə Emin Əliyevdən təqdimat yazılmasını istəyirsiniz"-desə də,bölmə müdirindən mənim təqdimatını tez yazması istənildi. Bir az sonra təkrar bölmə müdirinə zəng edildi. Bu dəfə zəng edən "Aqroservis" ASC-nin kadrlar şöbəsinin müdiri Elnur müəllim idi. O, telefonda "sədrin göstərişidir" - deyərək, Cavanşir Əmrahovdan tez-tələsik mühəndis-mexanikin təqdimatını yazmasını tələb edirdi.

Təqdimat 17:35 yazılıb göndərildi, iş saatının qutarmasına baxmayaraq,"Aqroservis" ASC 18:21 dəqiqədə mənimlə bağlanmış əmək müqaviləsinə xitam verdi. Bir neçə gün sonra iştirakım olmadan Ağstafa bölməsinin müdiri Cavanşir Əmrahov və anbardar Emin Əliyev "Aqroservis" ASC-yə çağrıldılar. Tərəflər barışdırıldı, əmək müqavilələri uzadıldı.Onu da deyim ki,anbardar Emin Əliyevin atasının Kənd Təsərrüfatı nazirinin müşaviri ilə yaxın dostluq əlaqələrinin olması fikri var idi. Onun bir müddətdən sonra "Aqroservis" ASC-nin Ağstafa bölməsinin müdiri olmasına dair söhbəti də dolaşırdı.Bunu bölmə müdiri Cavanşir Əliyev bilirdi. Buna görə hər iki şəxs uzun müddət idi ki, çəkişirdi.İşə gecikmə halından olunan şikayət düzgün araşdırılmadı,idarədə yeganə kənd təsərrüfatı mütəxəssisi olmağım nəzərə alınmadı,təqaüd yaşıma 3 il qalmış mühəndis-mexanik vəzifəsindən kənarlaşdırıldım.Aylar əvvəl Emin Əliyevin "mən istəsəm sizin hamınızı bu idarədən çıxartdıraram" fikri təsdiqini tapdı.

HÖRMƏTLİ CƏNAB PREZİDENT!

Sizdən xahiş edirəm,uzun illər aqrar sektorda çalışan bir mütəxəssisə qarşı olan bu haqsız münasibətin araşdırılmasına göstəriş verəsiniz.

Hörmətlə,
İsgəndərov Qədir İsgəndər oğlu //Faktinfo.az//

Bakı şəhəri, Nəsimi rayonu Alı Mustafayev küçəsində (3-cü mkrn dairəsi) yerləşən yol ötürücüsündə aparılacaq təmir işləri ilə əlaqədar olaraq Ziya Bünyadov prospektindən 20 Yanvar dairəsi istiqamətində (yalnız yolötürücüsü üzərində) avtonəqliyyat vasitələrinin hərəkəti məhdudlaşdırılacaq.

“Azərbaycan Avtomobil Yolları” Dövlət Agentliyindən verilən məlumata görə, sözügedən yolötürücüsü üzərində hərəkət intensivliyi nəzərə alınaraq məhdudlaşma qeyri iş günlərində, mart ayının 24-ü səhər saat 6:00-dan 25-i gecə saat 24:00-dək tətbiq ediləcək.

Qeyd olunan müddət ərzində sürücülər Ziya Bünyadov prospektindən 20 Yanvar dairəsi istiqamətində yan yoldan istifadə edərək hərəkətlərinə davam edə bilərlər.

Bakı İstintaq Təcridxanasında saxlanılan şəxslər sıxlıqdan əziyyət çəkir.

DİA.AZ-ın xəbərinə görə, bu barədə Gununsesi.info-ya məlumatı verən həmin şəxslərdən birinin valideynləri bildirib ki, övladları 4 nəfərin nəzərdə tutulduğu kamerada 10 nəfərlə saxlanılır: “Övladımızın yanına getmişdik. Şikayətlənir ki, yatmağa imkan yoxdur. Cəmi 4 çarpayı var. Gecə növbə ilə yatırlar”.

Vətəndaşların sözlərinə görə, Ombudsman Aparatından gələn şəxslərə həmin kameraların qapısı açılmır. Məsələ ilə bağlı Penitensiar Xidmətin mövqeyini dərc etməyə hazırıq.

Onu da qeyd edək ki, İnsan Hüquqları Üzrə Müvəkkiliin (Ombudsman) ötən illə bağlı hesabat məruzəsində bu məsələ xüsusi vurğulanıb. Görünür, Penitensiar Xidmət rəhbərliyi nəticə çıxarmaq niyyətində deyil.

Kimə saxta sağlamlıq arayışı lazımdırsa, İlqar Qaracayevi axtarır...” başlıqlı yazının rəngi qurumamış səs-küyü çıxdı.
Bəli, cəmi bir neçə gün öncə yazdığımız araşdırma yazısı öz təsdiqini tapdı. Çünki biz yazını faktlar əsasında hazırlamışdıq. Və yazıda qeyd etmişdik ki, Bakının 12 rayonunda kim hərbdən yayınmaq istəyirsə, kimə saxta sağlamlıq arayışı lazımdırsa, kim saxta əlillik kağızı düzəltmək istəyirsə, İlqar Qaracayevi axtarır. Bu da fakt.
Dünən yayılan “Rüşvət alan vəzifəli şəxslər cinayət başında yaxalandı” rəsmi xəbərdən bəlli olur ki, Səfərbərlik və Hərbi Xidmətə Çağırış üzrə Dövlət Xidmətinin Sabunçu Rayon İdarəsinin vəzifəli şəxsləri vətəndaşlardan rüşvət alarkən cinayət başında yaxalanıb. Bu barədə Baş Prokurorluğun Mətbuat xidmətindən məlumat verilib.
Bildirilib ki, qeyd olunan qurumun rəis müavini - Səfərbərlik şöbəsinin rəisi Adil Hüseynovun saxta tibbi rəy əsasında hərbi xidmətə yararsızlıq müddətinin 3 il müddətinə uzadılması, həmin idarənin Sabunçu Rayon İdarəsinin Həqiqi hərbi xidmətə çağırış şöbəsinin rəisi Toğrul İsgəndərovun isə həqiqi hərbi xidmətə cəlb olunmama müqabilində rüşvət almasına əsaslı şübhələr müəyyən edilib. Həmin vəzifəli şəxslərin üzərində və xidməti otaqlarında axtarış aparılan zaman iş üzrə əhəmiyyət kəsb edən sübutlar aşkar edilərək götürülüb.
Baş İdarədə başlanmış cinayət işi üzrə Adil Hüseynov və Toğrul İsgəndərov Cinayət Məcəlləsinin 311.3.2 və 311.3.3-cü (təkrar və külli miqdarda rüşvət alma) maddələri ilə təqsirləndirilən şəxs qismində cəlb olunaraq barələrində məhkəmə qərarı əsasında həbs qətimkan tədbiri seçilib. Rəsmi məlumata görə, hazırda istintaq-əməliyyat tədbirləri davam etdirilir. Həə, buna nə deyirsiniz, cənablar..?
Xırda bir tənqidi material yazan kimi qaçırsınız məhkəməyə. İndi buyurun məhkəmədə cavab verin. Rəsmi məlumatda bizim bir neçə gün öncə qeyd etdiyimiz əməllər öz əksini tapıb. Belə ki, Səfərbərlik şöbəsinin rəisi Adil Hüseynov saxta tibbi rəyi özü hazırlamır ki... Əlbəttə, saxta tibbi rəylər bizim ötən yazıda qeyd etdiyimiz kimi, Sabunçu 3 saylı şəhər Kliniki Xəstəxanasının Travmotologiya şöbəsinin müdiri olan İlgar Qaracayev tərəfindən verilir. “Voyenkom” əlində tibbi arayış olmadan hərbi xidmətə yararsızlıq müddətini necə 3 il uzada bilər ki..?
Deməli, yenə məsələ gəlib çıxır Qaracayevlərin üstünə. Bəli, söhbət təkcə İlqar Qaracayevdən getmir. İlgar Qaracayev qohum-əqrəbasını başına toplayaraq xəstəxananı özəl şirkəti kimi işlədir.
Bəli, İlqar Qaracayevin yaxınları olan Kazım Qaracayev, Heyran Quliyev və başqaları xəstəxananı və Tibbi Mərkəzi, sözün həqiqi mənasında bazara çeviriblər. Əgər mərkəzdə ciddi yoxlama aparılsa, İlqar Qaracayevin və onun qohum-əqrəbasının həbsi qaçılmaz olacaq. Söhbət təkcə saxta tibbi arayışlardan getmir ee... Qaracayevlər təmir və bərpa adı altında yalandan divarlara boya çəkərək yüz minləri mənimsəyiblər.
Bəlli olacaq ki, dövlətin vəsaiti hesabına xəstələrə verilməli olan ərzaq və digər qidalar kimlərin marketlərində satılıb.
Bəlli olacaq ki, dövlətdən hər ay əmək haqqı alan, 70-ə yaxın mühafizəçi, bağban və digər işçilər kağız üzərində maaş alırlar, amma işə gəlmirlər.
Bəlli olacaq ki, 246 min Sabunçu sakininə qulluq etməli olan Tibb Mərkəzi İlqar Qaracayev və onun qohum-əqrəbasına “xidmət” edir.
İndi gördünüzmü, problem “voyenkom”la bitmir. Yəqin ki, növbəti həbs xəbəri İlqar Qaracayevlə bağlı olacaq. //gundelik-baku.com//

Sabunçu Tibb Mərkəzinin direktoru Fikrət Zeynalov vəzifəsindən azad edilib.

“Unikal”ın məlumatına görə, bununla bağlı TƏBİB-in icraçı direktoru Vüqar Qurbanov əmr imzalayıb.

Qeyd edək ki, Fikrət Zeynalov Baş Dövlət Yol Polisi İdarəsinin rəisi, polis general-mayoru Ramiz Zeynalovun qardaşıdır.

“Unikal”

“ŞaurmaN1” restoranının şəriki, "12-ci İmam Mehdi" adı altında həbs olunan Aqil Babayevin cinayət işi üzrə məhkəmə prosesi bu gün davam etdirilib.

Hurriyyet.az xəbər verir ki, Bakı Ağır Cinayətlər Məhkəməsində hakim Eldar İsmayılovun sədrliyi ilə keçirilən qapalı məhkəmə prosesində “zərərçəkmiş” şəxs qismində Fuad Məmmədov dindirilib.

O, ifadəsində bildirib ki, Aqil Babayevi 1987-ci ildən tanıyır, bir məhlədə böyüyüblər, dini savadı yüksək olduğuna görə ona hər zaman etimad göstərib, 2002-2003-cü illərdən isə onun “İmam” olmasına inanıb.

F.Məmmədov qeyd edib ki, A.Babayevi tanımazdan əvvəl bir müsəlman kimi İslam dininə böyük maraq göstərib, Səudiyyə Ərəbistanı və digər xarici ölkələrdə olub və kifayət qədər dini savad sahibidir.

“Baxmayaraq ki, mən də Qurani-Kərimi oxumuşdum, dini bilgilərim vardı, amma bir sıra suallara cavab tapa bilmirdim. Bir çox dindardan da bu suallara cavab almaq istəmişdim, lakin heç biri məni qane edən cavablar verə bilmirdilər. Aqil Babayev isə məni düşündürən bütün sualların cavabını geniş izah etdiyi üçün onu İmam kimi qəbul etdim”, - F.Məmmədov deyib.

O qeyd edib ki, bu səbəbdən də ayda 300 manat olmaqla, A.Babayevə toplam 51 min manat zəkat verib.

Fuad Məmmədov ifadəsində onu da bildirib ki, Aqil Babayevin qadınlara qarşı əxlaqsız hərəkət etməsi barədə ilk dəfə dostu Faiq Abdullayevdən eşidib. Bundan sonra isə bir neçə dəfə A.Babayevlə görüşmək istəsə də, bu, baş tutmayıb. İyunun 8-də isə Aqil Babayevin Buzovnada yerləşən bağ evinə gedib, orada F.Abdullayev və digərləri A.Babayevə qadınlara qarşı əxlaqsız hərəkət etdiyini deyiblər.

Fuad Məmmədov bütün bunları bildiyi halda, həmin vaxt səhər saat 6-dək Aqil Babayevlə bir yerdə qalıb, birgə namaz qılıblar, səhər isə onu öz maşını ilə Xətaidəki evinə aparıb.

Vəkil Elnur Quliyev Fuad Məmmədova sual olaraq bildirib ki, “Aqil Babayevin qadınlara qarşı əxlaqsız hərəkət etdiyini bildiyin halda, necə oldu ki, saat 6-dək onu gözləyib və öz maşınınla evinə gətirdin”? F.Məmmədov cavab olaraq vurğulayıb ki, müsəlman olaraq sonuncu borcunu yerinə yetirib.

Fuad Məmmədov ifadəsində onu da deyib ki, 2000-ci ildə A.Babayevdən bəzi dini sualları yazılı cavablandırmağı xahiş edib. Bundan sonra isə Aqil Babayev onun bütün suallarını yazılı cavablandırıb. Hansı ki, F.Məmmədov həmin məktubları sübut kimi məhkəməyə təqdim edib.

F.Məmmədov qeyd edib ki, Aqil Babayevin qadınlara qarşı əxlaqsız hərəkət etdiyini eşitdiyi üçün ona verdiyi zəkatı geri istəyir.

Vəkil Ceyhun Yusifov ona sual verib ki, sənin zəkatı verməkdə məqsədin nə idi? F.Məmmədov isə deyib ki, zəkat vermək müsəlmanın borcudur, Allahın razılığını qazanmaq üçün. Vəkil isə təkrar sual edib ki, bəs, sən Allahın razılığını qazanmadığını hardan bilirsən? O isə “qazanmadığımı hiss etmişəm”, - deyə cavab verib.

Aqil Babayev isə Fuad Məmmədovun ifadəsinə cavab olaraq deyib ki, o, heç bir iddiaları qəbul etmir. O, F.Məmədova hər zaman maddi-mənəvi dəstək olduğunu, hazırda idarə etdiyi avtomobili və yaşadığı evi ona şəxsən hədiyyə etdiyini bildirib. Eyni zamanda, F.Məmmədovun zəkat verməsindən də xəbərsiz olduğunu qeyd edib.

A.Babayev onu da bildirib ki, o, həbs olunmazdan bir gün əvvəl bağ evinə hücum edilməsinin, evindən 10 milyon manat götürülməsinin və kamera görüntülərinin sıradan çıxarılmasının Fuad Məmmədov şahidi olub və bu hadisənin öncədən planlaşdırılmasında birbaşa iştirak edib.

Xatırladaq ki, Aqil Babayev “Şaurma N1” restoranlar şəbəkəsinin şəriki olub. Onu “12-ci İmam” adı altında həbs ediblər.

Hazırda onun işinə Bakı Ağır Cinayətlər Məhkəməsində baxılır.

A.Babayev “İmam Mehdi” ittihamını qəbul etmir. O, “Shaurma N1”in şəriklərindən biri olduğunu, əmlakını, pulunu əlindən almaq üçün bu məsələnin ortaya atıldığını deyir.

Aqil Babayev barəsində Cinayət Məcəlləsinin 178.4-cü (dələduzluq, külli miqdarda ziyan vurmaqla törədildikdə) maddəsi ilə ittiham elan edilib.

O, “ŞaurmaN1” restoranlar şəbəkəsinin şəriki olub.

Cinayət işi üzrə 40 nəfər zərərçəkmiş şəxs qismində tanınıb.

Hurriyyet.az

Ötən il dekabrın 21-də Naxçıvan Ali Məclisinin sədri postundan könüllü şəkildə istefa verən Vasif Talıbovun adı ətrafında yaranmış ajiotaj tədricən səngiyir.

Naxçıvan “xan”ı ilə bağlı irəli sürülən ehtimalların özünü doğrultmaması onun personasına olan marağı azaldıb.

Yenisabah.az xatırladır ki, V.Talıbovun “vurulmasının” ona baha başa gələcəyi bildirilirdi. Həmin vaxt hətta sabiq sədrin həbs oluna biləcəyi iddia edilirdi. Talıbovla yanaşı ailə üzvlərinin, yaxın ətrafının da cəzalandırılacağı güman edilirdi, amma bu iddiaların əksəriyyəti öz təsdiqini tapmadı.

Vasif Talıbov vəzifədən getsə də, azadlığını qorumağı bacardı. Talıbovların ətrafında baş verən “tufan” bu soyadın daşıyıcısı olan 2 nəfəri – oğul Seymur Talıbovun və qardaş Məhərrəm Talıbovun işdən çıxarılması ilə səngidi. Vasif Talıbovun kiçik oğlu Seymur Talıbov Naxçıvan Dövlət Universitetinin prorektoru, qardaşı Məhərrəm Talıbov isə Naxçıvan Muxtar Respublikası prokurorunun müavini vəzifəsindən azad ediləndən sonra “təmizləmə əməliyyatı” başa çatdı.

“Yeni Sabah”ın əldə etdiyi məlumata görə, Talıbovlarla bağlı təhlükə tam sovuşmayıb. Buna səbəb kimi dünəndən etibarən Naxçıvan Dövlət Universitetində yoxlamaların aparılması göstərilir.

Qeyd edək ki, Hesablama Palatası martın 14-də Naxçıvan Dövlət Universitetində yoxlamalara başlayıb. Bu qurumun fəaliyyəti, xüsusilə maliyyə vəsaitinin necə xərclənməsi hərtərəfli araşdırılır.

Universitetdəki mənbənin saytımıza bildirdiyinə görə, sözügedən ali təhsil müəssisəsində yoxlamalara başlanılması Talıbovları ciddi şəkildə narahat edir. Müsahibimiz bunun səbəbsiz olmadığını deyir. Onun sözlərinə görə, Vasif Talıbovun oğlu Seymur Talıbov Naxçıvan Dövlət Universitetində Beynəlxalq əlaqələr üzrə prorektor postunu tutsa da, təhsil ocağına rəhbərlik birbaşa onun tərəfindən həyata keçirilib. S.Talıbovun razılığı olmadan heç bir qərar qəbul edilməyib. Xüsusilə maliyyə vəsaitləri onun göstərişinə əsasən xərclənib. Bütün köçürmələrə oğul Talıbov tərəfindən ciddi şəkildə nəzarət olunub.

Mənbə Hesablama Palatasının Naxçıvan Dövlət Universitetində ciddi pozuntular aşkarlayacağına şübhə etmir. Onun qənaətinə görə, üzə çıxarılan qanunsuzluqlar keçmiş prorektoru çətin durumda qoya, hətta məhbəsə apara bilər.

Qeyd edək ki, Vasif Talıbovun və ailə üzvlərinin fəaliyyəti ilə bağlı məsələlər daha çox siyasi xarakter daşıyır. Bu isə o deməkdir ki, yoxlamanın nəticəsindən asılı olmayaraq, Seymur Talıbovla bağlı qərar ailəyə münasibətdən asılı olacaq. V.Talıbov bundan sonra da deputat mandatlığını və azadlığını qoruya bilsə, Seymur Talıbovu gözləyən təhlükəni də dəf edə biləcək. //“Yeni Sabah”//

Haqqında bəhs edəcəyimiz Sumqayıt Apellyasiya Məhkəməsinin hakimi Şəmsəddin Abasov barəsində yazıya keçməzdən öncə onun keçmişinə bir nəzər salaq. Deməli, Şəmsəddin Abasov 2013-cü ildə Milli Məclisin o zamankı sədri Oqtay Əsədovun qərarı ilə Sumqayıt Apellyasiya Məhkəməsinin hakimi vəzifəsinə təsdiq olunub.
Qərarda deyilir: Azərbaycan Respublikası Konstitusiyasının 95-ci maddəsinin I hissəsinin 10-cu bəndinə, 132-ci maddəsinin II hissəsinə, “Məhkəmələr və hakimlər haqqında” Azərbaycan Respublikası Qanununun 94-cü maddəsinin ikinci hissəsinə, 96-cı maddəsinə və 97-ci maddəsinin ikinci hissəsinə uyğun olaraq, Azərbaycan Respublikası Prezidentinin təqdimatına əsasən Azərbaycan Respublikasının Milli Məclisi qərara alır: 1. Aşağıdakı hakimlər başqa vəzifəyə dəyişdirilərək Sumqayıt Apellyasiya Məhkəməsinin hakimləri təyin edilsinlər:
Abasov Şəmsəddin Rizalı oğlu, Oqtay Əsədov Azərbaycan Respublikası Milli Məclisinin Sədri Bakı şəhəri, 2 iyul 2013-cü il. Buradək yazdıqlarımız rəsmi məlumat.
Deməli, hakim Abasov Şəmsəddin HAKİMLİK adı ilə bağlı bir araya sığmayan əməlləri ilə bağlı mediada çox yazılıb. Məsələn, “Xudat Balıq” ASC-nin sabiq direktoru, iş adamı Güləhməd Güləhmədovun ədliyyə naziri Fikrət Məmmədova ünvanladığı məktubda yazır ki, Şəmsəddin Abasov sahibkarlıq fəaliyyəti ilə məşğul olur və ortaya rəsmi sənədlər qoyur.
Təsəvvür edirsiniz, Açıq Səhmdar Cəmiyyətinin (ASC) ümumi yığıncağının 1 saylı Protokolundan görünür ki, cənab Abasov Şəmsəddin Rizalı oğlu 01 mart 2006-cı il tarixdən bu günə qədər sözügedən Səhmdar Cəmiyyətin Direktorlar Şurasının üzvüdür. “O, bu vəzifəni tutduğuna görə hakim kimi işləyə bilməz. Onun bu fəaliyyəti Azərbaycan Respublikası hakimliyinə ləkədir. Ona görə də, sizdən xahiş edirəm ki, Abasov Şəmsəddin Rizalı oğlu biznes fəaliyəti ilə məşğul olduğundan, onun hakimlik fəaliyyətinə son qoyulsun” –deyə məktubda bildirilir. İş adamı ədliyyə nazirinə belə bir müraciət ünvanlamasının səbəbini isə Şəmsəddin Abasovun ona məxsus təsərrüfatın qeyri-qanuni yollarla başqaları tərəfindən əlindən alınması prosesində birbaşa iştirak etməsi ilə bağlayır.
Belə ki, Güləhməd Güləhmədovun sözlərinə görə, “Xudat Balıq” ASC-nin qanunsuz yollarla ələ keçirilməsində iştirak edən Şəmsəddin Abasov, hazırda Sumqayıt şəhər Apellyasiya Məhkəməsinin hakimi kimi səlahiyyətlərindən və əlaqələrindən istifadə edərək, onun şikayətlərinə qanun çərçivəsində baxılmasına mane olur.
Sözün qısası, hakim Şəmsəddin Abasov barəsində belə faktlar kifayət qədərdir.
Onu da qeyd edək ki, araşdırma zamanı bəlli olur ki, hakim Şəmsəddin Abasov İran əsilli iş adamı Əhəd Purun yaxın dostudur.
Sözün qısası, “Xudat Balıq” ASC məsələsində hakim Şəmsəddin Abasov böyük məbləğdə BONUS alır. İndi isə keçək, qeyri-rəsmi söhbətə. Bəli, Gədəbəyin dağ kəndlərindən birinin nümayəndəsi Nüsrət müəllim deyir ki, Şəmsəddin müəllim əvvəllər Soçi, Minsk, Kiyev xatirələrindən danışardı...diskotekalarda rus xanımlarla LAMBADA oynamağından, özünün də mikrofonu ağzına sarı tutub rus mahnıları oxumağından danışardı...Biz də zarafatla deyırdik ki, sənin nəvə oynadan vaxtındır...
Sözün qısası, Şəmsəddin müəllimin rus xanımlarla diskotekada əylənməsi normaldır. Çünki hər bir insanın istirahət hüququ var.
Bunu qəbul edirik. Amma... Əmması odur ki, Şəmsəddin müəllim bir dəfə ağır məclislərin birində bizə dedi ki, KİŞİ OLMARAM ƏGƏR, BU MƏSƏLƏNİ YOLUNA QOYMASAM... Biz cənab hakimə deyirik ki, sənin kişi olub-olmadığını biz deyə bilmərik, yaxınların sənin kişilik məsələni bizdən yaxşı bilir... Amma Şəmsəddin müəllimə deyirik ki, bu yaxınlarda Gədəbəydən Nüsrət müəllim sənin adına açıq məktub göndərmişdir, biz də oxuduq.
Məktubda yazılmışdı: Babasına məktub yazdı İsgəndər, Saqqalına salam posılka göndər. Yanında siqaret, bir də....yemək, Araq da yadından çıxmasın demək... Bu şer çox uzun-uzadı olsada Şəmsəddin müəllim özü ədəbiyyatı gözəl bilir. Amma...
P.S. Deyirəm, Şəmsəddin müəllim biz tərəfdə belə bir söz var, kişi kimi söz veriləndə, kişi kimi yerinə yetirərlər, Tağı müəllim deməli, daha burcudmazlar. //gundelik-baku.com//