Dövlət Şəhərsalma və Arxitektura Komitəsinin Bakı şəhər Memarlıq və Şəhərsalma Baş İdarəsinə yeni rəis təyin olunub.

Bu vəzifəyə daha əvvəl Bakı şəhər Memarlıq və Şəhərsalma Baş İdarəsini rəisinin müşaviri vəzifəsində işləyən Riyad Qasımov təyinat alıb.

Riyad Qasımov müşavir vəzifəsini də bu ilin yanvar ayından icra edir. Daha əvvəl – 2017-22-ci illərdə "İçərişəhər” Dövlət Tarix-Memarlıq Qoruğu İdarəsinin aparat rəhbəri olub.

1977-ci ildə anaadan olan Riyad Qasımov 2013-2017-ci illərdə İçərişəhər” Dövlət Tarix-Memarlıq Qoruğu İdarəsində Departament rəhbəri olub.
2010-13-cü illərdə isə “Turkapital Holding B.S.C” şirkətinin Azərbaycandakı nümayəndəliyinin direktoru vəzifəsində çalışıb.

2009-10-cu illərdə Küveyt-Azərbaycan İnvestisiya Şirkətində, 2006-2009-cu illərdə isə Azərbaycan İnvestisiya Şirkətində işləyib.

Riyad Qasımov əmək fəaliyyətinə 22 yaşında Azərbaycan Prezidenti yanında Qiymətli Kağızlar üzrə Dövlət Komitəsinin Hüquq şöbəsinin müdiri vəzifəsiylə başlayıb.

2006-cı ildə isə - 29 yaşında İqtisadi İnkişaf Nazirliyinin Hüquq şöbəsinin müdiri təyin olunub.

Yeniavaz.com

Səhiyyə Nazirliyi bayram günlərində düzgün qidalanma ilə bağlı əhaliyə müraciət edib.

Səhiyyə Nazirliyinin mütəxəssis eksperti, qastroenteroloq Emin Məmmədov sağlam qidalanmanın insanların həyat tərzinə çevrilməsinin vacib olduğunu söyləyib.

Onun sözlərinə görə, insanlar bayram günlərində özlərinə nəzarət edə bilmir və qida rejimi pozulur: “Qidalanmanın düzgünlüyü hər kəs üçün individualdır. Hamı üçün eyni sxem yoxdur. Novruz bayramı ərəfəsində hazırlanan şirniyyatlar şəkərlə zəngindir. Şəkərlə zəngin olan qidaların saxlanma müddəti uzun ola bilər, amma düzgün şəraitdə saxlanmalıdır. Qidalar düzgün istifadə olunmalıdır. Bayram süfrəsindəki balıq məhsulları həmin gün istifadə olunmalıdır. Tez xarab olan məhsulların 4-6 saat ərzində qəbulu tövsiyə olunur. Əgər insanlar zəhərlənmədən şübhələnərsə, evdə müalicədən qaçmalı, mütləq həkimə müraciət etməlidir".

Dövlət Şəhərsalma və Arxitektura Komitəsinin Bakı şəhər Memarlıq və Şəhərsalma Baş İdarəsinə yeni rəis təyin olunub.

Sözügedən vəzifə Riyad Qasımova həvalə edilib.

O, bu təyinata qədər Komitədə və "İçərişəhər" Dövlət Tarix-Memarlıq Qoruğu İdarəsində aparat rəhbəri olub, yeni vəzifəsinin icrasına martın 1-dən başlayıb.

© "Report"

Adətən “Karqo Şəmil”dən söhbət düşən kimi media əhli ilk öncə onun Ramiz Mehdiyevin nəvəsinin toyunda “Şalakomo” oynamasından bəhs edirlər. “Karqo”nun bu millət, cəmiyyət və dövlət qarşısında elə cinayət əməlləri var ki, vallahi, Ramiz Mehdiyevin nəvəsinin toyu “toya getməlidir”. Təsəvvür edirsiniz, KARQO-dur, QARQA-dır nədir...bu adam Çindən və diğər ölkələrdən keyfiyyətsiz məhsulları, tikinti avadanlıqlarını, üzlükləri, çardaq örtüklərini, sair keyfiyyətsiz inşaat materialalrını daşıyıb Azərbaycana gətirir və milyonlar qazanır.
İndi iraq olsun zəlzələ-filan olarsa, Karqo Şəmilin gətirdiyi inşaat materialları ilə tikilən binaların, onun altında qalan insanların vəziyyətini təsəvvür edin...
İndi gördünüzmü, “Ramiz Mehdiyevin toyu” toya getməlidir..?
Ona görə də biz Karqonun hansı toyda hansı havanı oynamasından çox bu yaramazın millətimizə, iqtisadiyyatımıza TOY TUTMASINDAN bəhs edirik.
Təsəvvür edirsiniz, Karqo Şəmilin 100-dən artıq saxta şirkəti var. Deməli, xarici ölkələrdən adına milyonlarla məhsul gələn saxta şirkətlər vergidən yayınır, daha sonra həmin şirkətlər ləğv edilərək, iz itirilir. Və proses yenidən başlayır.
İndi özünüz Karqo Şəmilin Azərbaycanın dövlət büdcəsinə vurduğu ziyanı, yüz milyonları təsəvvür edin. Bu boyda cinayət əməllərinin sahibi olan kəsin barəsində mətbuatda bircə kəlmə tənqidi yazı gedən kimi KARQO Şəmil tumanını başına keçirib ora-bura üz tutur və ən dəhşətlisi odur ki, Ramiz Mehdiyevin dostu olan bəzi adamların dəstəyi ilə medianı susdururlar.
Biz hələ Karqo Şəmilin ipoteka oyunlarından danışmırıq, onun elə əməlləri var ki, adam açıb-ağartmaq istəmir.
Bəli, ucundan-qulağından deyək, özünüz nəticə çıxardın. Belə ki, Karqo Şəmilin özünün “Cinayət Məcəlləsi”, özünün cəza metodları var, hətta deyirlər gizli...”ağzıbiri” də var. Həə, Karqo Şəmil ona borcu olanları öz metodları ilə məhşər ayağına çəkir, “nakazat” edir, nə bilim başlarına olmazın oyunları açır... Bilirsiniz, bunu harada edir? Badamdarda...
Görəsən, Karqo Şəmildən soruşan yoxdur ki, sən kimsən sivil, demokratik Azərbaycan Respublikasında öz cəza qaydalarını diqtə edirsən..?
Deyəsən, payın çox düşüb... Bəlkə, Ramiz Mehdiyevin təlimatları ilə oturub-durursan..? Amma illər uzunu törədilən bu boyda cinayət əməllərinin bir sonu olmalıdır. Bunu həm ilahi ədalət, həm də dövlətimizin qanunları tələb edir.
Yəqin ki, yaxın zamanda Karqo Şəmilin bütün gizlinləri ortaya çıxacaq və o nəhayət layiq olduğu cəzanı alacaq.
P.S. Əgər Karqo Şəmil həbs olunarsa, onu ən ağır ittihamlar gözləyir. //gundelik-baku.com//

Naxçıvan Muxtar Respublikası, Şərur rayon sakini Nəcəfli Teymur Əli oğlu tərəfindən Hurriyyet.az saytının redaksiyasına şikayət məktubu daxil olub.

Şikayətçi qeyd edir ki, martın 12-də Şərur rayonu, 2 nömrəli məktəbdə buraxılış imtahanı verərkən, içəridəki müəllimə imtahanın sonuna yaxın vaxtın bitməsinə 15 dəqiqə qaldığını elan etsə də, 2 dəq sonra vərəqələr toplanıb:

“Qadın müəllimə imtahanın bitməsinə 15 dəqiqə qaldığını bildirəndə fikirləşdim ki, 15 dəqiqə vaxt az müddət deyil, cavabları qeyd edə biləcəm. Lakin 2 dəqiqəq keçmədi ki, 8 dəqiqə vaxt qaldığını dedi və bu an qapı açıldı, nəzarətçi içəri daxil oldu. O, əsəbi şəkildə vərəqləri əlimizdən aldı və mənim kimi bir neçə şagird narazılığımızı bildirdik.

Vərəqlər əlimizdən alınandan 6-7 dəqiqə sonra bizə zaldan çıxmaq üçün icazə verdilər. Həmin günü bizim öz stress və qorxumuz onsuz da bizə bəs edirdi. Nəzarətçilərin bizlərlə kobud davranması, əlimizdən kağızı dava-qalmaqalla alması düzgün deyildi. Həmin vaxt mən ən azı 3 sualımın cavabını işarələyə bilərdim.

Yoxlanış olsa kameralardan açıq-aşkar görünər ki, mən həlllərini etmişdim, sadəcə kodlaşdırmanı qeyd edirdim.

Əsəbimdən gözlərim doldu, diqqətlərinə çatdırdım ki, axı müəllimə bizə dedi ki, 8 dəqiqə var, icazə verin cavab kartında qaralamanı edim.

Həyətə çıxan kimi atama olanları danışdım. Atam polisə yaxınlaşaraq iradını bildirdi və protokol tərtib edilməsini xahiş etdi. Əgər bu məsələ aydınlaşdırılsa, hər şeyin ortada olduğunu görəcəklər.

Sizdən xahiş edirəm, bizim bu problemimizi işıqlandırın”. //Hurriyyet.az//

Bir sıra bölgələrdə kart alveri gedir.Böyük təsərrüfat sahibi olan toxumçu fermerlər kartlarında olan məbləğləri bəzən nəğdiləşdirmək məqsədilə 50 faizlik sövdələşməyə razı olurlar.

Faktinfo.az saytının əldə etdiyi məlumata görə,bir sıra rayonlarda o cümlədən qərb bölgəsində istifadəsi gübrə alışı üçün nəzərdə tutulan kartlarda olan vəsait 50-50% nisbətində nəğdiləşdirilə də bilinir.Burada kartdakı vəsaiti alan və ya bunu ikinci şəxsin əli ilə əldə edən tərəfin gəlir əldə etməsi istisna edilmir.

Azot və digər gübrə fermerə,islahat torpaq sahiblərinə dövlət qiymətinə satılırsa,buradan müdiriyyətə (“Aqroservis” yerli bölmə rəhbərləri nəzərdə tutulur) gəlir qalmır.Say hesabı alınan və anbara mədaxil edilən gübrənin satış zamanı dövlət qiyməti sistemə vurulandan sonra alan tərəfə verilir.Amma böyük toxumçu fermerlərə,islahata gedən torpaq sahiblərinə azot,şumaltı gübrələr və digər dərman növləri verilməyəndə və ya gecikdiriləndə başqa-başqa şəxslərə satıla bilir.

Alınan kartdakı məbləğ bu zaman istifadə edilə bilir.Məsələn,böyük təsərrüfat sahibi hesab edilən toxumçu fermer kənd təsərrüfatlı təyinatlı kartından çıxardıb xərcləyə bilmədiyi 4000 AZN vəsaiti nağd 2000 AZN-ə satır.Yəni bayaq yuxarıda qeyd etdiyimiz kimi 50-50% nisbətinə.Kartları alan tərəf isə istənilən şəxsə digər tərəfdən nəğdi pula satdığı gübrə və dərman peraparatlarına görə sistemə oturdulacaq gübrənin pulunu,yəni anbar qalığını aldığı kartdakı 4000 AZN-dən bağlayır.Alınan kartdakı ümumi məbləğ "realizə" olunada kartı alan tərəf 2000 pul qazanmış olur.Nəticədə kartı satan və alan tərəfin hər ikisi 50-50% nisbətində qazanclı çıxırlar.
Belə kartlardakı məbləğlər isə taxıl subsidiyasının verildiyi dövrdə yaranır.NECƏ?
Bildiyiniz kimi,1 hektar buğda sahəsinə görə 220 AZN subsidiya verilir.Normalda bir şəxsə düşən torpaq sahəsini 0,37 hektardan götürsək, 0,37x220=81AZN edir. Bu məbləğin 25%-i, yəni 20 manatı kart üzərindən nəğd çıxarılır.Subsidiyanın 0,37 hektara görə verilən 75%-i isə gübrə şəklində verilir. Deməli,yuxarıda qeyd etdiyimiz 81-20=61AZN.

Subsidiya kartında olan 61 manata isə yaxşı halda1azot gübrəsi düşür.Kartda 20 AZN qalıq qalır.

Kartlarda qalan vəsaitlərdən isə məbləğlər yaranır və bunlardan da kimlərsə bəhrələnir,bir çox fermerlər,islahata gedən torpaq sahibləri gübrəni vaxtında alıb, torpağa səpib yüksək məhsuldarlıq əldə edə bilirlərmi,bu isə...nə isə.

FAKTİNFO.AZ

Gədəbəy rayon Arıqıran kəndində Xəyalə adlı xanım illər əvvəl(təxmini 3-4 il) Gədəbəy rayon Arıqıran kənd icra nümayəndəliyinə işsizliklə bağlı müraciət edib. İcra nümayəndəsinin müavini Ədalət Musayev onu işə düzəldəcəyini bildirib. Xanımdan lazımı sənədləri götürüb və ona Gədəbəy rayon Kommunal Müəssisələri Kombinatında işlə təmin olunacağını deyib. Bir müddət sonra Ədalət Musayev xanımın sənədlərini geri qaytarıb. İşin düzəlmədiyini bildirib.
Bu il Xəyalə xanım işsizliklə bağlı Dövlət Məşğulluq Agentliyinin Gədəbəy rayon şöbəsinə yaxınlaşıb. Həmin idarədə xanıma bildiriblər ki, bəs sən işsiz deyilsən. 3-4 ildir ki, sizin işiniz və adınıza kartınız var.
Yekunda məlum olub ki, illər əvvəl Ədalət Musayev xanımın sənədlərini alanda, onu Gədəbəy rayon Kommunal Müəssisələri Kombinatının keçmiş müdiri Yusif Murquzov ilə əlbir olaraq işlə təmin ediblər. Lakin xanıma iş olmadığını deyiblər və maaş kartını verməyiblər. Kart həmin vaxtdan indiyə kimi Ə.Musayevdə, yaxud Y.Murquzovda olduğu bəlli deyil. Bəlli olan odur ki, illərdi Xəyalə xanım maaş alır, lakin başqaları mənimsəyir.
Xanım adına olan kartla bağlı dəfələrlə bağlı Kapital Bankın Gədəbəy rayon filialına yaxınlaşsa da, ona heç bir məlumat verilməyib. Adına olan karta giriş-çıxış barədə heç bir məlumat və sənəd verilmir. Tək rekvizit təqdim edilib. Görünür, Ədalət Musayev, Yusif Murquzov bu işi Kapital Bankla əlbir edib.
Qeyd edim ki, vətəndaşın imzası yaxud etibarnaməsi olmadan onun adına olan bank kartını digər bir vətəndaşa vermək qanunla qadağandır.
Hətta, Kapital Bankın Gədəbəy rayon filialında övaldın katını anaya vermədiyinin şahidi olmuşam. Lakin Ədalət Musayevlə Yusif Murquzovun əlbir pul mənimsəməsinə şərait yaradır. Vətəndaşın kartını məmurlara həvalə edir. //sarkazm.az//

Xəbər verdiyimiz kimi, martın 13-də Berlində Azərbaycan Prezidenti İlham Əliyevin Almaniyanın aparıcı şirkətlərinin rəhbərləri ilə görüşü olub.

Görüşdə “Knauf” Şirkətlər Qrupunun tərəfdaşı Uve Knotzerlə dövlət başçısı arasında maraqlı dialoq yaşanıb.

Bu, “Knauf” rəsmisinin Prezidentdən xahişi ilə bağlı olub:

Uve Knotzer: Sizdən və nazirlikdən bir xahişim var. Bizim alçıpan ehtiyatlarımız qurtarıb. Azərbaycanda çoxlu alçıpan qəlibi var və bizə daha böyük həcm üçün dəstək lazımdır. Çünki biz yerli istehsalat üçün həcmi artırmaq istəyirik. Biz Azərbaycanda əlavə məhsullar istehsal etmək istəyirik və biz, həmçinin Gürcüstana ixrac etmək istəyirik və siyasət imkan versə Cənubi qonşulara ixrac etmək istəyirik. Mənim xahişim budur.

Prezident İlham Əliyev: Yeni alçıpan ehtiyatlarına çıxışda çətinliyiniz var? Siz bu məsələni yerli orqanlarla, İqtisadiyyat Nazirliyi ilə müzakirə etmisiniz?

Uve Knotzer: Hələ ki, birbaşa əlaqə yaratmamışıq, çünki biz tərəfdaşla işləyirik. Lakin oradakı material miqdarı ilə bağlı çətinliklərimiz var.

Prezident İlham Əliyev: Beləliklə, mövcud ehtiyat demək olar ki, bitib.

Uve Knotzer: Bəli və bizə daha çox lisenziyalar və mədən işləri aparmaq üçün yeni ərazi lazımdır ki, biz məhsuldar olmağa davam edək.

Prezident İlham Əliyev: Bəli, mən bunu tamamilə dəstəkləyirəm. Mənim layihə barədə məlumatım var. Sizin dediyiniz kimi, o, 2008-ci ildə Gəncə şəhərinin yaxınlığında, Goranboy rayonunun ərazisində icra olunmuşdur. Hesab edirəm ki, bu məsələnin həllini tapmaq mümkündür. Bəlkə iqtisadiyyat nazirinə əlavə məlumat verəsiniz və əlbəttə ki, biz həmişə xarici investorları dəstəkləyirik və sizin şirkətiniz onlardan biridir. Biz şaxələndirmə prosesinə başladıqda siz Azərbaycana sərmayə yatırmısınız. Beləliklə, siz Almaniyadan sərmayə yatıran şirkətlər arasında birincilərdən olmusunuz. Əlbəttə ki, biz sizinlə işbirliyinə davam etməkdə şad olardıq. Ehtiyatlarınızın bitməsi haqqında eşitməmişdim. Yəqin ki, çox gərgin çalışırsınız, bu yaxşı göstəricidir. Lakin mən iqtisadiyyat nazirinə indi göstəriş verirəm ki, bu məsələni ciddi araşdırsın və sizin üçün əlavə ehtiyatları tapsın ki, siz də öz növbənizdə fəaliyyətinizi davam edə biləsiniz. Bildiyimə görə siz 100 faiz yerli bazardan olan materialları təchiz edirsiniz. Xaricdən heç nə idxal olunmur. Əksinə, siz özünüz ixrac edirsiniz.

Uve Knotzer: Bəli, biz bir az Gürcüstana ixrac edirik. Biz gips dəyirmanını tikməklə istehsalımızı artırmaq istəyirik. Həmçinin tərəfdaş şirkətdə olan payımızı da artırmaq istəyirik.

Prezident İlham Əliyev: Bu məsələ ilə bağlı hər hansı bir köməyə ehtiyacınız olarsa, iqtisadiyyat naziri buradadır. Görüşdən sonra o, ehtiyatla bağlı problemin həll olunmasına necə yardımçı ola biləcəyimizi müəyyən etmək üçün hazır olacaq. Düşünürəm ki, bu, asandır. Sizin tərəfdaşınızla münasibətlərinizə biz müdaxilə edə bilmərik.

Uve Knotzer: Bu, başqa məsələdir.

Birinci Qarabağ müharibəsinin qazisi Mahir Məmmədov Reportyor.info vasitəsi ilə üzləşdiyi problemi ictimailəşdirib. Onun sözlərinə görə, paytaxtın Günəşli ərazisində beton istehsalı ilə məşğuldur və binalarla müqavilə bağlayıb iş görürlər, dövlətə də vaxtında vergi ödənişi edirlər. Şikayətçi deyir ki, əldə edilən gəlirdən qazilərə dəstək olurlar. Lakin aylardır ki, “Vesta Construction” şirkəti M.Məmmədova olan 61 min manat borcu qaytarmır. Şirkət rəhbəri beton alıb, amma pulunu indiyə qədər ödəməyib. Qazi deyir ki, şirkət sahibi onu yola verir və süründürür: “Əvvəllər zənglərə cavab verirdi, indi heç telefonu açmır, mesajlara baxmır, nömrəni blok edir. Demir ki, vermirəm, amma borcunu ödəmir də. Gah dedi ki, əvəzinə maşın verəcəyik , gah başqa vədlər verdi. Faktiki 61 min manatı vermir. Bizim də gəlirimiz olmalıdır ki, işimizi görə bilək, qazilərə dəstək olaq. Ancaq son 2-3 ayda nə cavab verir, nə qəbuluna düşmək olur. Tanınmış bir şirkətdir, amma pulumuzu vermir. Biz də hər yerə şikayət edirik. Amma nəticəsi yoxdur”. //Reportyor.info//

Sabahdan Neftçilər prospekti və Akademik Zərifə Əliyeva küçəsindən nəqliyyat vasitələrinin hərəkəti bərpa olunacaq.

Bu barədə APA-ya Bakı Şəhər Dövlət Yol Polisi İdarəsinin baş inspektoru Araz Əsgərli məlumat verib.

Qurum rəsmisi deyib ki, qeyd olunan yollarda aparılan təmir işləri bu gün ərazində başa çatacaq. Sabah səhər saatlarından isə yollar tam istifadəyə veriləcək.
Qeyd edək ki, Neftçilər prospekti və Akademik Zərifə Əliyeva küçəsində üç gündür təmir işləri aparılır. Bununla bağlı həmin yollarda avtomobillərin hərəkəti dayandırılıb.

Sabahdan marşrut avtobusları da ənənəvi xətlə hərəkət edəcək.