Martın 27-si və 31-i bir sıra vergi bəyannamələrinin təqdim edilməsi üçün son gündür.

Bu barədə İqtisadiyyat Nazirliyi yanında Dövlət Vergi Xidmətinin iş adamlarına etdiyi xəbərdarlıqda bildirilir.

Qurum bəyan edib ki, martın 27-nə qədər uduşlardan əldə edilən gəlirdən ödəmə mənbəyində tutulan vergi, əlavə dəyər vergisi, aksiz, yol vergisi, mədən vergisi, daşınmaz əmlak üzrə sadələşdirilmiş vergi, pul vəsaitlərinin nağd qaydada çıxarılmasına görə sadələşdirilmiş vergi, martın 31-nə qədər isə gəlir, mənfəət və əmlak vergisi üzrə bəyannamələr təqdim edilməlidir.

Vergi hesabatının vaxtında təqdim edilməməsinə görə 40 manat maliyyə sanksiyası tətbiq edilir.

Məlumat verildiyi kimi, bu gün gecə saatlarında Bakı şəhəri, Suraxanı rayonu,Yeni Günəşli qəsəbəsi, Xanlar küçəsi 103, ev 1 ünvanında yerləşən fərdi yaşayış evində baş vermiş yanğın Fövqəladə Hallar Nazirliyi Dövlət Yanğından Mühafizə Xidmətinin qüvvələri tərəfindən söndürülüb.

Yanğın nəticəsində ümumi sahəsi 100m² olan ikimərtəbəli evin birinci mərtəbəsində 1 otağın yanar konstruksiyaları 20 m² sahədə, ikinci mərtəbəsində 1 otağın yanar konstruksiyaları 20 m² sahədə yanıb. Yanğın yerinin kəşfiyyatı zamanı 1 nəfərin yanmış meyiti yanğınsöndürənlər tərəfindən aşkar edilərək aidiyyəti üzrə təhvil verilib.

Hadisə ilə əlaqədar FHN-in Dövlət Yanğın Nəzarəti Xidməti tərəfindən həyata keçirilmiş operativ araşdırmalarla yanğının, ilkin ehtimala görə, ehtiyatsızlıq nəticəsində kənardan düşmüş od mənbəyi (siqaret kötüyü) səbəbindən baş verməsi müəyyən olunub.

Hadisə ilə əlaqədar araşdırmalar davam etdirilir.

SUPERNAZİRİ HƏDƏFƏ ALAN KİMDİR? - Eynullamı, yoxsa qurban olduqları?..

Türk Dövlətləri Təşkilatının Dövlət Başçılarının Fövqəladə Zirvə görüşündə Ankara Bəyannaməsi imzalanıb.

Sənədi türk dövlətlərinin liderləri imzalayıblar.

Qeyd edək ki, bu gün Ankarada Türk Dövlətləri Təşkilatının Zirvə Görüşü keçirilib.

Azərbaycanın Gürcüstanla quru sərhədlərinin açılması ilə bağlı xəbərlər yayılıb.

Musavat.com xəbər verir ki, bu barədə Gürcüstan mətbuatı (https://rus.ghn.ge/) ölkə rəsmilərinə istinadən məlumat yayıb.

Saytda dərc edilən xəbərdə qeyd edilib ki, mayın 1-i tarixində Azərbayan və Gürcüstan quru sərhədlərini açmağı planlaşdırır.

Qeyd edək ki, Azərbaycan quru sərhədlərini 2020-ci ilin yaz aylarından bəri bağlayıb.

Xatırladaq ki, COVID-19-la bağlı məhdudiyyətlər 2023-cü il mayın 1-dək qüvvədə olacaq.

61 nəfər Xoşçobanlı və Murğuzalılı kənd sakinləri Xoşçobanlı Bələdiyyəsinin sədri Vüqar Bağırova müraciət edərək yazıblar: Yazıb sizə məlum edirik ki, Azərbaycan Respublikası Prezidentinin sərəncamına əsasən 2014-2015-ci illərdə istifadəyə verilmiş Otuziki, Xoşçobanlı, Muğuzalılı, Mürsəlli, Qaraqaşlı kəndləri arasından keçən kəndarası yollar əsaslı təmir edilərək vətəndaşların istifadəsinə verilmişdir. Yolumuzun əsaslı təmir olunmasına köməklik göstərdiyinə görə cənab Prezidentimizə öz təşəkkürümüzü bildiririk.
Ancaq təəssüflər olsun ki, ağır tonnajlı yük maşınları ( şaqmanlar) əsas magistral yolda qurulan tərəzilərdən gizlənərək yüklərini kəndarası yoldan keçməklə daşıyırlar, bunun nəticəsində kəndarası yollar ağır yüklərə davam gətirməyərək sıradan çıxır və məhv olub gedir. Xahiş edirik ki, bu məsələ barədə aidiyyəti dövlət qurumlarına məlumat verəsiniz və təcili tədbir görəsiniz. Sakinlərin müraciətindən sonra bələdiyyə sədri Vüqar Bağırov icra nümayəndəsinin müavini Asif Əlişovla birgə sakinlərin şikayətini İmişli Rayon Yol Polisi İdarəsinin rəisi Eldəniz İmamyarova çatdırmaq üçün 2 dəfə qəbula getsələr də rəis onları qəbul etməyib. Axırda məcbur olub rayon prokurorunun qəbuluna gediblər. Prokurorun köməkçisi Fərzi müəllim Eldəniz İmamyarova zəng edərək vətəndaşları qəbul etməsini bildirib.
Nəticədə, Eldəniz İmamyarov Vüqar Bağırovla Asif Əlişovu qəbul edərək onlara “Niyə yalan danışırsınız, siz nə vaxt qəbula gəlmisiniz” deyərək onlarla çox kobud davranıb. Vüqar Bağırov rəisə bildirib ki, iki dəfə gəldik bizi içəri buraxmadılar. Rəis Eldəniz İmamyarov yenə bələdiyyə sədrini və kənd icra nümayəndəsinin müavini təhqir etməyə başlayıb. Axırda bələdiyyə sədri seçkili orqanın rəhbəri olduğunu deyərək, əlini uzadaraq “Bura dövlət binasıdır, danışığınıza fikir verin” deyəndə rəisin gül ağzı açılıb və... Və bələdiyyə sədrinə “Əlini burub dalına soxaram...Gedin hara istəyirsiniz şikayət edin..” deyərək bələdiyyə sədri ilə icra nümayəndəsinin müavinini qovub. Bələdiyyə sədri və icra nümayəndəsinin müavini bu rüsvayçılıqdan sonra Daxili İşlər Naziri Vilayət Eyvazova, Baş prokuror Kamran Əliyevə, DTX-nın rəisi Əli Nağıyevə müraciət edərək məsələnin nəzarətə götürülməsini xahiş ediblər.
Bələdiyyə sədri Vüqar Bağırov deyir ki, rəisin məni təhqir etməsi bütün rayona yayılıb, mən seçicilərimin üzünə baxa bilmirəm. Bələdiyyə sədri onu da deyir ki, bir neçə il əvvəl mən Şirvan şəhərində cənab nazir Vilayət Eyvazovun qəbulunda olmuşam, bizmlə elə mədəni, səmimi, mehriban danışdı ki, edəcəyimiz xahişi də unutduq. Mən nazirdən xahiş edirəm ki, belə kadrları başa salsın ki, insanlarla tərbiyəsiz davranmasınlar.
Mən seçicilərimizin, kənd sakinlərinin adından haqqımızı tələb edirəm, rəis isə nəyinsə müqabilində ağırtonnajlı maşınları yolumuza yönəldir, yollar dağılır. Bələdiyyə sədri onu da deyir ki, son günlər akt tərtib edərək bizi tutdurmaq istəyirlər.
Biz bir media olaraq ümid edirik ki, dövlət qurumları yaxın zamanda bu müraciətlərə münasibət bildirəcəklər. //gundelik-baku.com//

61 nəfər Xoşçobanlı və Murğuzalılı kənd sakinləri Xoşçobanlı Bələdiyyəsinin sədri Vüqar Bağırova müraciət edərək yazıblar: Yazıb sizə məlum edirik ki, Azərbaycan Respublikası Prezidentinin sərəncamına əsasən 2014-2015-ci illərdə istifadəyə verilmiş Otuziki, Xoşçobanlı, Muğuzalılı, Mürsəlli, Qaraqaşlı kəndləri arasından keçən kəndarası yollar əsaslı təmir edilərək vətəndaşların istifadəsinə verilmişdir. Yolumuzun əsaslı təmir olunmasına köməklik göstərdiyinə görə cənab Prezidentimizə öz təşəkkürümüzü bildiririk.
Ancaq təəssüflər olsun ki, ağır tonnajlı yük maşınları ( şaqmanlar) əsas magistral yolda qurulan tərəzilərdən gizlənərək yüklərini kəndarası yoldan keçməklə daşıyırlar, bunun nəticəsində kəndarası yollar ağır yüklərə davam gətirməyərək sıradan çıxır və məhv olub gedir. Xahiş edirik ki, bu məsələ barədə aidiyyəti dövlət qurumlarına məlumat verəsiniz və təcili tədbir görəsiniz. Sakinlərin müraciətindən sonra bələdiyyə sədri Vüqar Bağırov icra nümayəndəsinin müavini Asif Əlişovla birgə sakinlərin şikayətini İmişli Rayon Yol Polisi İdarəsinin rəisi Eldəniz İmamyarova çatdırmaq üçün 2 dəfə qəbula getsələr də rəis onları qəbul etməyib. Axırda məcbur olub rayon prokurorunun qəbuluna gediblər. Prokurorun köməkçisi Fərzi müəllim Eldəniz İmamyarova zəng edərək vətəndaşları qəbul etməsini bildirib.
Nəticədə, Eldəniz İmamyarov Vüqar Bağırovla Asif Əlişovu qəbul edərək onlara “Niyə yalan danışırsınız, siz nə vaxt qəbula gəlmisiniz” deyərək onlarla çox kobud davranıb. Vüqar Bağırov rəisə bildirib ki, iki dəfə gəldik bizi içəri buraxmadılar. Rəis Eldəniz İmamyarov yenə bələdiyyə sədrini və kənd icra nümayəndəsinin müavini təhqir etməyə başlayıb. Axırda bələdiyyə sədri seçkili orqanın rəhbəri olduğunu deyərək, əlini uzadaraq “Bura dövlət binasıdır, danışığınıza fikir verin” deyəndə rəisin gül ağzı açılıb və... Və bələdiyyə sədrinə “Əlini burub dalına soxaram...Gedin hara istəyirsiniz şikayət edin..” deyərək bələdiyyə sədri ilə icra nümayəndəsinin müavinini qovub. Bələdiyyə sədri və icra nümayəndəsinin müavini bu rüsvayçılıqdan sonra Daxili İşlər Naziri Vilayət Eyvazova, Baş prokuror Kamran Əliyevə, DTX-nın rəisi Əli Nağıyevə müraciət edərək məsələnin nəzarətə götürülməsini xahiş ediblər.
Bələdiyyə sədri Vüqar Bağırov deyir ki, rəisin məni təhqir etməsi bütün rayona yayılıb, mən seçicilərimin üzünə baxa bilmirəm. Bələdiyyə sədri onu da deyir ki, bir neçə il əvvəl mən Şirvan şəhərində cənab nazir Vilayət Eyvazovun qəbulunda olmuşam, bizmlə elə mədəni, səmimi, mehriban danışdı ki, edəcəyimiz xahişi də unutduq. Mən nazirdən xahiş edirəm ki, belə kadrları başa salsın ki, insanlarla tərbiyəsiz davranmasınlar.
Mən seçicilərimizin, kənd sakinlərinin adından haqqımızı tələb edirəm, rəis isə nəyinsə müqabilində ağırtonnajlı maşınları yolumuza yönəldir, yollar dağılır. Bələdiyyə sədri onu da deyir ki, son günlər akt tərtib edərək bizi tutdurmaq istəyirlər.
Biz bir media olaraq ümid edirik ki, dövlət qurumları yaxın zamanda bu müraciətlərə münasibət bildirəcəklər. //gundelik-baku.com//

Füzuli rayonunun Qaraxanbəyli kənd sakini Abbasova Bəsti İlkərəm qızı 20 il ailəli olduğu həmkəndlisi Qasımov Qəhrəmanla torpaq əkib-becəriblər. Bəsti xanım redaksiyaya göndərdiyi video-müraciətində deyir:

“Həyat yoldaşım vəfat edəndən sonra kənd icra nümayəndəsi Polad Məmmədov mənim torpağımı əlimdən alıb qaziyə verib. Mən şəhid bacısıyam, rəhmətlik qardaşım gizir olub, I Qarabağ müharibəsində 12 güllə yarası alraq şəhid olub. İndi Polad Məmmədov məni – şəhid bacısını qazi ilə üz-üzə qoyur. Özü də deyir ki, sənin qardaşın köhnə şəhiddir”.

Qaraxanbəyli kəndinin digər sakini Babayev Mənsur Sulduz oğlu Aprel döyüşçüsü, Vətən müharibəsi iştirakçısı, III qrup Qarabağ əlilidir.

Deyir ki, özü də, həyat yoldaşı da işsizdir. İki azyaşlı uşaqları var. Dəfələrlə işlə bağlı Füzuli Rayon İcra Hakimiyyətinə müraciət edib. Ancaq müraciətinə müsbət cavab verilməyib: “Axırda sözləri bu oldu ki, ”get, əlin hara qəlbidir, ora qoy”. 20 gün dayanmadan Prezidentə, vitse — Prezidentə, Prezident Administrasiyasının yüksək vəzifəli şəxslərinə məktublar yazdım, lakin cavab gəlmədi. Aydın oldu ki, Füzuli rayon poçtundan dövlət başçısına ünvanlanan məktublarım qayıdıb gəlir icra başçısına, o da cırıb tullayır. İcra Hakimiyyətinin Şəhid ailələri, müharibə əlilləri və iştirakçıları ilə iş şöbəsinin müdiri Hafiz və onun köməkçisi İlkin mənə deyirlər ki, müharibədə dərədə gizlənmisən, indi gəlib bizdən iş tələb edirsən. Kənd icra nümayəndəsi Polad Məmmədov gəlib mənə deyir ki, “yuxarı” məktub yazma, yoxsa, sənin üçün çətin olacaq”.

Öyrənmişik ki, qaziyə iş tapılmadığı halda Polad Məmmədov öz qohum-əqrəbalarını işlə təmin edib, adını xadimə kimi rəsmiləşdirdiyi həyat yoldaşı Arzu Məmmədova isə işə çıxmır, müftə maaş alır.

Əməkdaşımız Polad Məmmədovla əlaqə saxlayıb məsələyə münasibətini soruşduqda bildirib ki, qazi Mənsur Bbaayevə 30 hektar yer veriblər ki, əksin. Di gəl, həmin torpaq başqasının adına rəsmiləşdirilib, dövlət tərəfindən əkin üçün ayrılan subsidiya vəsaiti isə mənimsənilir.

Eynən onun kimi Bəsti Abbasovaya da kənddə qeydiyyatda olan, Bakıda yaşayan qazi üçün ayrılmış torpaq sahəsi göstərilib ki, əksin. Amma qanuniləşdirilməyib, subsidiyası “pay-püşk” edilib. Ona görə də əkin əkmək üçün imkanları yoxdur. //Deryaz.az//

Paşinyanın mətbuat konfransı zamanı səsləndirdiyi fikirlər demaqogiyadır.

Bu sözləri Axar.az-a açıqlamasında Türkiyənin Sütçü İmam Universitetinin Siyasi elmlər və beynəlxalq münasibətlər kafedrasının müdiri, professor Toğrul İsmayıl deyib.

Professor rəsmi İrəvanın belə davam edəcəyi halda Azərbaycanın da öz öhdəliklərindən imtina etmək haqqına sahib olduğunu vurğulayıb:

“Ortada üç dövlətin imzaladığı açıq və konkret 10 noyabr bəyannaməsi var. Azərbaycanın mövqeyi bəllidir, Ermənistan da üzərinə öhdəliklər götürüb. Üçtərəfli Bəyannamədə hər hansı əlavə missiyadan və s. bəhs edilmir. Üstəlik heç bir yer blokadada saxlanılmır, Laçın da, Qarabağ da Azərbaycan ərazisidir. Bu Üçtərəfli Bəyannamədə də aydın şəkildə göstərilib. Əgər Ermənistanın hansısa əlavə iddiaları var idisə, onda niyə Paşinyan sənədə imza atırdı? Beynəlxalq hüquqda dövlətlər arasında imzalanan sənədlər önəmlidir. Əgər imza atıb öhdəlik götürübsənsə, yerinə yetirməlisən. Müzakirə tələb edən məsələlər isə növbəti mərhələyə keçirilir. Rəsmi İrəvan Üçtərəfli Bəyannaməni qəbul etmirsə, Bakının da bütün öhdəliklərdən imtina etmək haqqı var. Laçın dəhlizində təhlükəsiz hərəkətin təmini o deməkdir ki, sərhəd-keçid məntəqəsindən qəbul olunan qaydalar əsasında Azərbaycan ərazisinə daxil olduqdan sonra hər bir normal xarici vətəndaşın sərbəst hərəkətinə imkan yaradılır. Yəni Azərbaycan sərhədə öz postlarını qurmalı və Ermənistanın Zəngəzur məsələsindəki davranışına adekvat cavab verilməlidir. Bunun başqa yolu yoxdur. Diplomatik təzyiqlərimizi artırılmalı və bəhs etdiyimiz məsələ şərt kimi Ermənistanın qarşısına qoyulmalıdır. Azərbaycana müvəqqəti yerləşdirilmiş rus sülhməramlıların fəaliyyət müddəti beş ildir. Demək ki, sənəddə göstərilən bütün öhdəlik və əsas məsələlər bu müddət içərisində yerinə yetirilməli və həllini tapmalıdır”.

Toğrul İsmayıl Ermənistanın KTMT-nin apardığı işğalçılıq siyasətini dəstəkləmədiyinə görə tənqid etməsini absurd hesab edib:

“Ermənistanın KTMT-də qalması, yaxud oradan çıxması onun öz işidir. Lakin bu dövlətin digər üzv dövlətlərdən apardığı işğalçılıq siyasətinə görə dəstək istəməsi başadüşülən deyil. KTMT və ya NATO-ya üzv olmaq olar, lakin bu işğalçılıq üçün əsas qəbul edilə bilməz. Normal dövlətlər işğala etiraz edirlər. Hətta fikrimcə, işğalçılığına görə Ermənistan təşkilatdan qovulmalıdır. Amma Rusiyanın maraqlarına görə bu ölkə hələ də KTMT-dədir”.

Alim Ermənistanı və onu dəstəkləyən ölkələri beynəlxalq hüququ və imzalanan sənədləri yenidən nəzərdən keçirməyə çağırıb:

“Paşinyanın Fransa ilə yanaşı, Almaniya və ABŞ-ın da danışıqlar prosesinə daxil edilməsi barədə təklifi onların danışıqları uzatmaq niyyətindən xəbər verir. Fransa, ABŞ və Almaniyanın burada nə işi var? Ermənistan Azərbaycan ərazisinə hansı haqla beynəlxalq faktaraşdırıcı missiya tələb edir? Əslində Ermənistan baş naziri öz “təklif”i ilə idarə etdiyi dövlətin başqalarının ağzına baxdığını, kukla dövlət olduğunu göstərir. Əvvəl də bildirdiyim kimi, eyni zamanda 1991-ci il MDB bəyannaməsi və orada təsbit olunan prinsiplər, beynəlxalq hüquq bizim tərəfimizdədir. Paşinyan və komandası, onları pərdə arxasından idarə edənlər sadaladığımız məqamları diqqətlə nəzərdən keçirməlidirlər. Əgər Ermənistan ağlını başına toplamasa, anladığı dillə ona vəziyyəti izah etmək və müzakirə masasına oturtmaq lazımdır”.

Axar.az

Azərbaycan hökuməti və xalqı zəlzələ baş verən andan qardaş Türkiyəyə humanitar yardımlar etmək üçün səfərbər olmuşdur.

Bu sözləri Azərbaycan Prezidenti İlham Əliyev martın 16-da Ankarada keçirilən Türk Dövlətləri Təşkilatının Dövlət Başçılarının Fövqəladə Zirvə görüşündə çıxışında deyib.

Dövlət başçısı bildirib ki, Azərbaycandan 940 nəfər, o cümlədən xilasedicilər, tibb personalı və könüllülər zəlzələ bölgəsinə göndərilib. “Türkiyəyə göndərilən xilasedicilərin sayına görə Azərbaycan dünya ölkələri arasında birinci olub. Xilasedicilər və həkimlərimizin səyi nəticəsində dağıntılar altından 53 nəfər sağ çıxarılıb. Həmçinin 780 nəfərin cəsədi dağıntılar altında aşkar edilib. Tibb personalımız ümumilikdə 3 mindən artıq şəxsə tibbi xidmət göstərib”, - deyə Prezident İlham Əliyev vurğulayıb.

Prezident həmçinin qeyd edib ki, bu günə qədər 45 milyon ABŞ dollarından artıq vəsait AFAD və digər humanitar qurumların bank hesabına köçürülüb. Bununla yanaşı, 5300 ton humanitar yardım çatdırılıb.