"Meta" şirkətinin yaradıcısı Mark Zukerberq ciu-citsu məşqi zamanı döyülüb.

Bu barədə milyarder sosial şəbəkədə paylaşım edib. O, qaralmış gözləri və burnunda sıyrıq olan selfi paylaşıb.

"Döyüş planlaşdırıldığı kimi getmədi", - deyə Zukerberq yazıb.

Hindistan aviaşirkəti pilotlara və kabin heyətinə ətirdən istifadəni qadağan etməyə hazırlaşır.

Bu barədə Hindistanın Mülki Aviasiya Baş İdarəsi açıqlayıb.

Bununla bağlı aviaşirkət alkoqollu məhsulların istifadəsi ilə bağlı qanuna dəyişiklik təklif edib. Tənzimləmə pilotlar və kabin heyəti üçün uçuşdan əvvəl ağız qarqarası və diş geli kimi spirt tərkibli məhsulların istifadəsi ilə bağlı qaydaları ehtiva etsə də, təklif olunan yeni tənzimləmədə ətirdən istifadə də qeyd olunub.

Azərbaycan mədəniyyətinə ağır itki üz verib.

Heydər Əliyev adına Sarayın sabiq direktoru, "Şöhrət" ordenli Əməkdar Mədəniyyət İşçisi Fərhad Ağa Səlim Babayev vəfat edib.

Qeyd edək ki, Fərhad Ağa Səlim oğlu Babayev 1948-ci ildə Bakı şəhərində anadan olub.

Eldar Mahmudovun keçmiş kadrı sadə vətəndaşlara divan tutmaqda davam edir

Salam hörmətli redaksiya.

Sizi İqtisadiyyat nazirliyi yanında Əmlak Məsələləri Dövlət Xidmətinin şöbə müdiri, sabiq MTN əməkdaşı Ruslan Əliyevin qanunsuz əməlləri haqqında məlumatlandırmaq istəyirəm. Ruslan Əliyevin bütün fəaliyyəti qanunsuzluq üzərində qurulub. Belə ki, şöbə müdiri varlı, imkanlı şxəslərdən pul alaraq onların apardığı qanunsuz tikintilərə göz yumur, kasıb, sadə vətəndaşları min bir bəhanə ilə gözümçıxdıya salaraq onlardan rüşvət tələb edir. Buna nümunə olaraq Bakının Digah kəndində baş verənləri göstərmək olar. Digahda yüksək gərginliklə elektrik xətlərinin altında bir çox ev və obyekt inşa edilib ki, bunların hamısı Ruslan Əliyevin himayəçiliyi altında baş verib. Torpağın hər sotuna minimum 500 manatdan başlayaraq bir neçə min manata qədər pul tələb edən Ruslan Əliyev, şəxsi maraqlarını təmin edən şəxslərin işıq, su, qaz və s. kimi xətlərin, boruların yaxınlığında, hətta onların üzərində iş aparmasına göz yumur.
Teref.az yazır ki, bunu Nemət Yusifov adında vətəndaş saytımızın poçtuna göndəırib. Nemət bəy daha sonra yazır:
Ruslan Əliyev onun qanunsuz tələbini rədd edən, ona pul vermək iqtidarında olmayan, yaxud pul vermək istəməyən şəxslərin tikililərini “qanunun aliliyi” adı altında sökür, bu yolla onlara “əzələ” nümayiş etdirir.

Onud a qeyd edək ki, Ruslan Əliyev əvvəllər Milli Təhlükəsizlik Nazirliyində çalışıb, Eldar mahmudovun yaxın silahdaşlarından biri olub.

Ruslan Əliyev pul müqabilində Xırdalan şəhərində, Binəqədi rayonunda yüksək gərginlikli elektrik xətlərinin altında onlarla evin inşasına rəvac verib, minlərlə sakinin həyatını təhlükə altına atıb. Məhz bütün bu qanunsuz fəaliyyətin nəticəsidir ki, bu gün Ruslan Əliyevin Masazırdakı “Qurtuluş” yaşayış massivinin yaxınlığında, eləcə də Bakının müxtəlif yerlərində restoran və onlarla ticarət obyekti mövcuddur. Onun idarə etdiyi avtomobilin təxminən 250 min manat məbləğində qiyməti var ki, bu da onun heç də halal maaşla dolanmadığının ən böyük isbatıdır.

Hörmətli redaksiya!

Xahiş edirik ki, Ruslan Əliyevin fəaliyyətinin təftiş edilməsinə, bu şəxslə bağlı çoxsaylı şikayətlərin araşdırılmasına köməklik göstərəsiniz.
Teref.az olaraq şikayətdə toxunulan iddialarla bağlı qarşı tərəfin mövqeytini dərc etməyə hazırıq!
Teref.az

Milli Məclisin payız sessiyasının növbəti plenar iclası oktyabrın 6-da keçiriləcək.

Bu barədə spiker Sahibə Qafarova parlamentin bu gün keçirilən iclasında məlumat verib.

“Şəhərlərin inkişafı üçün maliyyəyə əlçatanlığın olmaması əsas problemlərdən biridir”

Bu fikirləri Ümumdünya Məskunlaşma Günü ilə bağlı tədbirdə Qambiyadan olan mer Rohi Malik Lov deyib.

Banjul şəhərinin meri bildirib ki, şəhərlərin infrastrukturları üçün maliyyəyə ehtiyac var:

“Bununla yanaşı, şəhərlərin insan kapitalı cəhətdən imkanları məhduddur. Bu prosesdə bizi dəstəkləyənlərin sayı çox az olur. Özəl tərəfdaşlarla yaxşı işlənilməlidir. Eləcə də biz tərəfdaşlardan bir daha maliyyə vəsaitlərinin ayrılmasının yollarını düşünməklərini istəyirəm”.

Rohi Malik Lov deyib ki, bütün şəhərlərin özlərinə xas xüsusiyyətləri, problemləri var:

“Şəhərlər maliyyə vəsaitini tək başına toplaya bilmirlər. Bu da şəhərlərin siyasi iradəsinin olmadığını göstərən amillərdən biridir.

Mən həmişə merlərə haqq qazandırıram. Çünki miqrasiya, iqlim dəyişikliyi proseslərini nəzərə almaq lazımdır. Buna görə də merlərin üzərlərinə böyük məsuliyyət düşür. Hər kəs istəyir ki, ona göstərilən xidmətlər davam etsin. Merlər davamlı xidməti təmin etməlidirlər”.

“Bütün dünyada qadın merlərin sayı azdır. Kişilər isə əksinə bir-birinə dəstək olurlar. Lakin qadın olaraq mer kimi işləmək çox çətindir”, - deyə o qeyd edib.

Azərbaycan Respublikasında turizm sahəsində fərqlənən bir qrup şəxs təltif edilib.

Bununla bağlı Prezident İlham Əliyev müvafiq Sərəncam imzalayıb.

Sərəncama əsasən, təltif edilən şəxslər aşağıdakılardır:

“Tərəqqi” medalı ilə

Ağayev Həsən Şahkərəm oğlu

Axundov Fuad Hüseyn oğlu

Davudova Sədaqət Rəhim qızı

Əliyev Nəzər Mirzə oğlu

Əzimov İlqar Firudin oğlu

Kazımova İlhamə Əlixan qızı

Kərəmov Murad İslam oğlu

Qafarova Şükufə Bala Əhməd qızı

Qasımov Kənan İsrail oğlu

Qəhrəmanov Göydəniz İbrahim oğlu

Maqsudov Balaş Maqsud oğlu

“Dövlət qulluğunda fərqlənməyə görə” medalı ilə

Orucov Azər Aslan oğlu.

“Qarabağ iqtisadi rayonunun bütün bölgələrində, küçələrdə, kəndlərdə vəziyyətin dekriminallaşması ilə bağlı ciddi şəkildə iş aparılır”.

“Report”un Xocalıya ezam olunmuş əməkdaşının verdiyi xəbərə görə, bunu Daxili İşlər Nazirliyinin (DİN) Mətbuat Xidmətinin rəisi Elşad Hacıyev jurnalistlərə açıqlamasında deyib.

Onun sözlərinə görə, aidiyyəti dövlət qurumları ilə birgə bu işin təşkili və aparılması diqqət mərkəzindədir:
“Yalnız narkotik vasitələr yox, sürpiz mina hallarına qarşı da ciddi şəkildə işlər həyata keçirilir. Dünən də bir neçə rayonda, körpülərdə, su hövzələrində və insanların hərəkət edə biləcəyi ehtimal olunan yerlərdə mina təhlükəsinin olduğu müəyyənləşib”.

Bu gün saat 13:15-də Yevlax rayonu ərazisində ağır yol-nəqliyyat hadisəsi baş verib.

Xaldan dairəsindən Şəkiyə gedən yolda xanım sürücünün idarə etdiyi “Porsche Cayenne” markalı avtomobil yoldan çıxaraq aşıb. Nəticədə sürücü və avtomobildə olan dörd qadın sərnişin müxtəlif dərəcəli xəsarətlər alıblar. Yoldan keçən digər şəxslər polisə və təcili tibbi yardıma məlumat veriblər.

Hadisə yerindən görüntüləri təqdim edirik:

“Yardımlaşma kampaniyası” adı altında vətəndaşları aldadaraq onların külli miqdarda pulunu mənimsəməkdə ittiham olunan Tənzilə Kərimovanın cinayət işi üzrə məhkəmə prosesi başlayıb.

APA xəbər verir ki, Bakı Ağır Cinayətlər Məhkəməsində hakim Eldar İsmayılovun sədrliyi ilə keçirilən hazırlıq iclasında təqsirləndirilən şəxslərin anket məlumatları dəqiqləşdirilib. Məhkəmənin baxış iclası oktyabrın 11-ə təyin olunub.

Qeyd edək ki, Tənzilə Kərimovanın işi üzrə 81 nəfər zərərçəkən var. Onun ümumilikdə 2 milyon manat mənimsədiyi iddia edilir.