Xəbər verdiyimiz kimi, zərərçəkmişlər- Quliyev Murad Əli oğlu, Əsgərov İldırım Qasım oğlu, Cəfərov Namiq ovruz oğlu, Pənahov Namiq Məmmədtağı oğlu, Məmmədov Babək Vahid oğlu, Əkbərova Qızbəs Ələkbər qızı və başqaları (120 zərərçəkən) Hüseynov Şakir Hüseyn oğlu tərəfindən ələ keçirilmiş külli miqdarda pul vəsaitlərini tələb edirlər.

Bu dələduzluq cinayətinə bütün məhkəmə instansialarında hüquqi qiymət verilib. Lakin çox maraqlıdır ki, Hüseynov Şakir Hüseyn oğlu həbsxanada dünyasını dəyişəndən sonra əvvəldən onunla birlikdə mənzil almaq istəyən vətəndaşlardan pulları qəbul edən, özünü atası Hüseynov Şakir Hüseyn oğlunun varisi və icraçı direktoru kimi tanıdan, bütün müqavilə sənədlərində imzaları keçən, sonradan «Şakir» MTK yaradıb atasının yarımçıq işlərini davam etdirən Tural Şakir oğlu Hüseynov məsuliyyətdən yayındırılıb. Və məhkəmə tərəfindən müsadirə olunmuş əmlakların satılaraq zərərçəkmişlərə verilməsinə imkan vermir.

Bundan əlavə, bütün bunlar azmış kimi, Tural Hüseynov onunla şərik olmuş və mənzil tikintisi ilə bağlı T.Hüseynova milyonlarla vəsait qoymuş şəriklərini belə həbs etdirməkdən, pullarını qaytarmamaq üçün onların müflis vəziyyətə salınmasından belə çəkinməmişdir.

Artıq ikinci dəfədir ki, hazırda 7 saylı Cəzaçəkmə Müəssisəsində cəza çəkən Telman Ağalar oğlu Səlimov «Təzadlar»a zəng edərək onun Tural Hüseynov və digərləri tərəfindən şərlənərək, heç bir hüquqi sənədlər və sübutlar olmadan ittiham edilərək həbsinə nail olmaları və s. barədə müsahibə verir. Həmin müsahibə və məhbusun yazılı ərizəsi hazırda çapa hazırlanır, təqdim olunacaq.

***

Zərərçəkmişlərin verdiyi məlumata görə, Tural Şakir oğlu Hüseynov nəinki onların mənzil almaq məqsədilə verdikləri külli miqdarda pullarını geri qaytarmaq istəyir, əksinə, müxtəlif bəhanələrlə onları tanımaqdan belə imtina edir. Budur, ötən yazıda qeyd etdiyimiz kimi, Bakı Ağır Cinayətlər Məhkəməsində zərərçəkmiş kimi dindirilmiş Popova Nina Borisovna həm istintaqa verdiyi ifadəsində, həm də məhkəmə ifadəsində T.Hüseynova nə qədər pul verdiyini, amma üç dəfə aldadıldığını, sonda evlərinə gedərək anası ilə də danışdığını, yenə də aldadıldığını deyərək onun həbs edilməsini məhkəmədən xahiş edir.

Bəs zərərçəkmişlərdən pul necə alınırmış?

Digər zərərçəkmiş Camalova Alimə Mehdi qızı ifadəsində deyir: «…2004-cü ilin axırlarında yeni inşa olunmuş binalardan mənzil almaq üçün xalam oğlu Orxan Mehdizadənin də mənzil aldığı Bakı şəhəri, «20 yanvar» meydanının yaxınlığında inşa olunan binadan ev almaq üçün Orxanın vasitəsilə Vüqar adlı şəxslə tanış oldum. Vüqarın təklifi ilə inşa olunan binaya baxdıqdan sonra Bakı şəhəri, Tbilisi prospekti, 3166 –cı məhəllədə yerləşən 16 mərtəbəli binanın 3-cü girişinin 9-cu mərtəbəsində yerləşən 98-ci mənzili almaq qərarına gəldim…».

Beləliklə, A.Camalova ilk olaraq üçotaqlı mənzil üçün Vüqara əvvəlcə 10 min ABŞ dolları pul ödəyəcəyini deyir. Vüqar 05 noyabr 2004-cü ildə mənzil alqı-saytqısını rəsmiləşdirmək üçün A.Camalovanın yaşadığı mənzilinə gəlir, ona müqavilə blankını verir, müqavilədə isə rəhbər və məsul şəxsin imzası yerində «Hüseynov Ş.H.» yazıldığını, imza olduğunu, möhür vurulduğunu görür. O, həmçinin müqavilənin arxa hissəsində «10 min manat ödənildi» söz və rəqəmlərini də görür. Bundan sonra Vüqara 10 min dollar pul verilir.

A.Camalova Vüqara 2005-ci ilin yanvarında əlavə olaraq 1500 dollar vermiş, bu müqavilədə qeyd edilmişdir. Lakin 2005-ci ilin dekabr ayında isə onun telefonuna Tural adlı şəxs zəng etmişdir: «…Tural mənə dedi ki, o, evləri tikən Şakir Hüseynovun oğludur. Bildirdi ki, bundan sonra mənzilin pulunun qalan hisəssini ofisə gəlib ödəmək lazımdır. Mən Turalı tanımadığım üçün Vüqara zəng etdim, o isə dedi ki, bu işdən artıq ayrılıb. Həmçinin Turalın həqiqətən də Şakir Hüseynovun oğlu olduğunu dedi. Mən həyat yoldaşımla Turalın dediyi ofisə getdim, orada onunla görüşdük. Mən orada 1500 dollar pulu Turala verdim, müqavilənin arxa hissəsinə bu barədə qeyd də yazıldı…».

Tural Hüseynov 2006-cı ilin iyun ayında A.Camalovaya zəng edərək mənzilin qiymətinin qalxdığını ona bildirir: «…Mən 2006-cı ilin sentyabrında ofisə gedərək Turalla görüşdüm, mənzilin pulunun qalan hissəsindən 10500 dollar pul ödəmək istədim. Lakin o buna razı olmadı, dedi ki, mənzilin qiyməti qalxıb. Sonra atası Şakir Hüseynova zəng vurdu, atası da köhnə qiymətə razılaşmadı. Həm də müqaviləni dəyişmək lazım olduğunu söylədi. Tural mənə mənzilin hər kvm. sahəsi üçün 450 dollardan ödəmək istədiyini bildirdi, amma mən razı olmadım. Sonra o atası ilə bir də danışdı, nəhayət, mən 10500 dollar pulu onlara verdim. Tural yeni müqavilə yazdı, mənə surətini çıxarıb verdi. Amma yeni müqavilədə tarix 16 sentyabr 2006-cı il yazılmışdı. Eləcə də o mənzilin qiymətini manatla göstərməli oldu. Nəhayət, 2006-cı ilin noyabrında Tural mənə zəng vuraraq mənzillərin qiymətinin artıq qalxdığını dedi və atası Şakir Hüseynovla danışdığını, mənzilin qiymət artımını da nəzərə alıb pulu tam ödəmək lazım gəldiyini mənə dedi. Mən həyat yoldaşım İkramla mənzilin dəyərinin qalan 25100 dolları pulunu borc tapıb həmin ofisə getdim, Şakir Hüseynovla görüşdüm. Ş.Hüseynov da mənə dedi ki, mənzilin qiyməti qalxıb. Mən də dediyi qiymətə razılığımı çatdırdım. Amma müqaviləni göstərib bildirdim ki, müqavilədə gələcəkdə qiymət artımının nəzərə alınmayacağı yazılıb. Lakin Ş.Hüseynov buna məhəl qoymadı və pulu 450 dollardan ödəməli olduğunu bildirdi…».

A.Camalova 2007-ci ilin may ayında Şakir Hüseynovun yanına gedib-gəlir, amma o köhnə qiymətə razı olmur, pulu qəbul etmir: «…Hətta o mənə dedi ki, əks halda, müqaviləni ləğv edərək məni payçı siyahısından çıxaracaq. O, 9 may tarixində mənə rəsmi xəbərdarlıq məktubu da göndərdi. Lakin mən ondan 3 gün ərzində mənzilin qalan məbləğini də qəbul etməsini tələb etdim. Razılaşmadı… Məcbur olub Yasamal rayon Məhkəməsinə ərizə ilə şikayət verdim. Məhkəmə baxışı zamanı dəhşətə gəldim. Mənə məlum oldu ki, bu mənzil hələ alınmamışdan əvvəl- yəni 2004-cü ilin yanvarında Tbilisi prospekti, 3166-cı məhəllədə 16 mərtəbəli binanın 98 saylı mənzili İrina Kudryavseva adlı başqa bir qadına satıblar, məni aldadırmışlar. Hətta həmin qadınla alqı-satqı müqaviləsi 9 saylı Notariusda rəsmiləşdirilib də. Az sonra Şakir Hüseynov həbs edildi, 28 avqust 2007-ci ildə istintaq orqanlarına ərizə yazaraq Ş.Hüseynovun barəsində aparılan istğintaq işində dindirilməyimi və zərərçəkmiş kimi tanınmağımı xahiş etdim…».

Zərərçəkmiş məhkəmədə Tural Hüseynovun da həbs edilməsini tələb edir, amma…

(Davamı var)

«Təzadlar»

Azərbaycanda yeni tikililərdə kommunal xidmətlərin göstərilməsində dəyişiklik olunub. Bu ilin oktyabr ayından etibarən sonra tikilən evlərin tikintiyə icazə sənədi olmadığı halda fərdi və qeyri-yaşayış evləri kommunikasiya xətlərinə qoşulması qadağan edilir. Azərbaycan Şəhərsalma və Tikinti Məcəlləsinə əsasən, tikintisinə icazə tələb olunan, lakin belə icazə alınmadan inşa edilmiş və ya tikilməkdə olan, habelə barəsində məlumatlandırma icraatı tətbiq olunan, lakin tikinti işlərinin başlanmasına həmin Məcəllənin 80.4-cü maddəsində nəzərdə tutulmuş əsas olmadan inşa edilmiş və ya tikilməkdə olan tikinti obyektlərinin kommunal xidmətlərinə qoşulması qadağandır. Cinayət Məcəlləsinə edilən dəyişikliklərə görə cəza tədbirləri nəzərdə tutulub. Tikintisinə icazə tələb olunan, lakin belə icazə alınmadan tikilməkdə olan və ya tikilmiş tikinti obyektlərinin təbii qaz, su, kanalizasiya, elektrik və ya istilik enerjisi təchizatı müəssisələrinin vəzifəli şəxsləri tərəfindən mühəndis-kommunikasiya təminatı sistemlərinə qanunsuz qoşulması - 2 min manatdan 4 min manatadək miqdarda cərimə və ya üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə üç ilədək müddətə azadlığın məhdudlaşdırılması və ya iki ilədək müddətə azadlıqdan məhrumetmə ilə cəzalandırılır.
Ekspertlər hesab edir ki, yeni qadağa sənədsiz evlərin tikintisinin qarşısını ala bilər, lakin hazırda mövcud olan sənədsiz evlərlə bağlı illərdir qalan problemi çətin ki həll etsin. Bakı və Abşeron ərazisində 100 minlərlə çıxarışı olmayan 500 mindən çox fərdi ev var. Üstəlik, xeyli torpaq sahələri də var ki, bələdiyyələrin verdiyi sərəncamlar əsasında əldə edilib. Və onların özəlləşmələrində ciddi problemlər qalmaqdadır.
Bələdiyyələrin Fəaliyyətinin Təbliği İctimai Birliyinin sədri Vüqar Tofiqli “Sherg.az"a açıqlamasında qeyd etdi ki, bu yenilik bundan sonra sənədsiz, icazəsiz aparılacaq tikintilərə qarşı yönəlib. Lakin:
- Əgər biz bundan sonra sənədsiz evlərin tikintisinə qadağa qoymaq istəyiriksə, icazəsiz tikintilərin qarşısını almaq istəyiriksə, əvvəlcə məmurların yaratdığı problemi – sənədsiz evlər problemini həll etməliyik, onların hüquqi statusunu müəyyən etməklə. Cinayət Məcəlləsinə edilən dəyişiklik prosesin qarşısını ala bilər, amma indiyədək mövcud olan və hazırda da mövcud olan problemlə bağlı bəzi neqativ halları da artıra bilər. Dövlət Şəhərsalma və Arxitektura Komitəsi deyək ki, tikintiyə icazə vermədi. Kimsə də getdi aldığı torpaq sahəsində fərdi ev tikdi. Kommunikasiya məsələlərinə səlahiyyəti çatan hansısa bir qurumun əməkdaşı da gəldi, su çəkdi, qaz xəttinə qoşdu və ya elektrik enerjisinin verilməsini təmin etdi. Və iddia etdi ki, bu xətlər burada çoxdan var, vətəndaş qoşulub. O zaman nə olacaq? Cərimələrin artırılması rüşvətin miqdarının da artmasına gətirib çıxarır. Əgər biz problemi həll etmək, prosesin təkrarlanmamasını istəyiriksə, məsələnin kompleks şəkildə həllində maraqlı olmalı, yanaşma tərzini dəyişməli və müvafiq orqanlar qarşısında konkret vəzifələr qoymalıyıq. İndiyədək tikilmiş evlərin sənədləşdirilməsi məsələsi yekunlaşmalıdır. Bu prosesə start verib başa çatdırmaq lazımdır ki, dövlət büdcəsinə kifayət qədər vəsait daxil olsun.

Xatırlatmaq yerinə düşərdi ki, 2020-ci ilin əvvəlindən Ermənilər işğalda saxladıqları Kəlbəcər rayonuna Ermənistandan yol çəkilişinə başlamışlar.

Erməni KİV-nin verdiyi xəbərə görə 18 kilometr uzunluğunda yol Vardenis-Ağdərə yolu ilə Kəlbəcərin rayon mərkəzini birləşdirmişdir. Paşinyan hökuməti Ermənistanın Qeqarkunik vilayətindən Zod aşırımından keçməklə Kəlbəcərə çəkilən yolun asfaltlaşdırılmasına və yol kənarında səkilərin quraşdırılmasına 5 milyon dollar ayırmışdır.

Paşinyanın Kəlbəcərdə çəkdiyi yollar

Mətbuatda o da vurğulanırdı ki, yeni yol Ermənistandan işğal altındakı Kəlbəcər rayonuna süni məskunlaşdırma siyasətini stimullaşdırmağa və yolun ətrafında yerləşən kəndlərin sosial-iqtisadi inkişafına dəstək məqsədi daşıyırdı . Amma tarix göstərdi ki, ermənilərin bu arzuları ürəklərində qaldı.
Bəli, Azərbaycanın 2020-ci il qələbəsindən sonar azad edilmiş ərazilərdə yeni yolların çəkilişinə start verildi. Son illərdə Qarabağ zonasında infrastrukturun yenilınməsi üçün dövlət büdcəsindən bu məqsədlə 7 milyard manat vəsaitin sərf edildiyi rəsmən bildirilir. Bu vəsaitlərin də xeyli hissəsi yol çəkilişinə, elektrik xəttlərinin quraşdırılmasına, social obyektlərin tikintisinə sərf edilmişdir. Bəs görülən işlərin keyfiyyəti nə yerdədir?
Budur, sentyabrın 27-də “Gününsəsişinfo”nun social şəbəjkələrə istinadən verdiyi məlumatada bildirilir: Azərbaycan Avtomobil Yolları Dövlət Agentliyinin İdarə heyətinin sədri Saleh Məmmədovun Laçında çəkdiyi yol dağılıb.

Gununsesi.info-nun xəbərinə görə, bu barədə görüntüləri sosial şəbəkədə paylaşan vətəndaşlar çat verən yolda “korruspiya izi” axtarıb.
Məlumatı dəqiqləşdirmək üçün Qarabağ zonasında yol tikintisi ilə məşğul olan mənbələrlərlə əlaqə saxladığımız zaman aydın oldu ki, Laçında olduğu kimi, Qarabağ zonasında çəkilən yollarda doğrudan da əsas problem yol yataqlarının hazırlanması zamanı onların çiyin hissələrinin alt hissələrində bərkidilmə işlərinin keyfiyyətsiz aparılmasıdır ki, bud a hazırda Laçın yolunda özünü faktiki göstərdi. Şuşa, Zəngilan, Qubadlı yolarını da b u aqibət gözləyir.

Saleh Məmmədovun Laçında çəkdiyi yollar

Xatırladaq ki, Azərbaycan tankçıları Kəlbəgərə daxil olanda Paşinyanın cəmi 5 milyon dollar çəkdiyi 18 km asphalt yol üzərində yüksək sürətlə manevrlər etsələr də bu yolda heç bir deformasiya və ya hər hansı kiçik iz belə müşahidə edilməmişdir. Bəli, hələ o vaxt tankçılarımızı ermənilərin çəkdikləri asphalt yol çox heyrətləndirmişdir.
Hələlik dəqiq bilməsək də Qarabağ zonasına ayrılan 7 milr manat vəsaitin necə xərclənməsi barədə ciddi rəsmi araşdırmaların başlanması barədə məlumatlar var. Məsələn, “Azərenerji” ASC tərəfindən 7 milyon manat yeyintinin olması barədə yerli mətbuatda məlumatlar verilmişdir. Elə Laçın yolunda cari ilin sentyabrında baş vermiş çökmələr də çox ciddi maliyyə maxenasiyalarından və korrupsiyadan xəbər verir. İndi qalır rəsmilərin bu istiqamətdə başladığı araşdırmaların nəticələrini gözləmək.
Bəli, Paşinyanın 5 milyona Kəlbəcərdə 18 km çəkdiyi yolla Saleh Məmmədovun 100 milyonlara çəkdiyi yolların keyfiyyəti doğrudanmı çox fərqlidir. Bunu zaman göstərir və göstərəcək.

İfadetv.com-un araşdırma qrupu

Son illər ərzində apardığımız sorğunun nəticələrinə əsasəsən ən çox narazılıqlar bölgələrdəndir desək, yanılmarıq. Rayon və şəhərlər arasında Bərdə şəhərinin xüsusi ilə adı hallandğı heç kimə sirr deyil. Əlbətdə ki, narazılıqlara şərait yaradan məmurların bir qismi yerli icra hakimiyyətində çalışan başçının müavinləri və digər sahənin rəhbər şəxsləridir.
Adı hallanan Bərdə rayonu İcra Başçının müavini – Sosial-iqtisadi inkişafın təhlili və proqnozlaşdırılması şöbəsinin müdiri İlham Məmmədov üçün sanki gəlirli bir ticarət obiyektidir. Onu da nəzərinizə çatdıraq ki, ölkə mətbuatı bu şəxs haqqında kifayət qədər dəlil və sübütlar ictimayətə təqdim etməklə bir növ məmur fironluğunu ifşa edib. Üzün illər müavin vəzifəsini zəbt edən İ. Məmmədov öz gəlir mənbəyini artırmaqla sahibkara çevrilib.
Qanunla nəzərdə tutulan dövlət məmuru heç bir halda sahibkarlıqla və bizneslə məşğul ola bilməz. Lakin İ. Məmmədov dövlətin qanunlarını saya almır, eyni zamanda çəkinmədən dövlət vəsaitlərini aidiyyəti üzrə deyil, öz istədiyi formada xərcləyir. Sadaladıqlarımız ciddi nöqsanlara şərait yaradan şəxs isə Bərdə Rayon İcra Hakimiyyəti (RİH) başçısı Vidadi İsayevdir. Çünki, icra başçının məlumatı olmadan digər məmurlar bilə-bilə öz həyatlarını risk altına atmazlar.
Digər tərəfdən bütün mənimsəmə və korrupsiya hallarına rəvac verən və bu istiqamətdə planlar cızan şəxs Vidadi İsayevin olduğu məlumdur. Məhz onun “dabrosundan” sonra müavinlər dövlət vəsaitlərini öz aralarında bölür. Bundan sonra İlham Məmmədov və digər məmurlar fürsətdən lazımı qaydada istifadə edir. Əgər, doğrudan da V. İsayev iddialarımızı qəbul etmirsə, deməli cənab prezident İlham Əliyevin etimadını doğrultmur və sui istifadə hallarına yol verir. Yox, əgər həqiqətəndə qəbul edirsə, deməli oliqarxa çevrilən İ. Məmmədova dövlət vəsaitlərini mənimsəmə üçün şərait yaradır.
Müavinlər arasında ən zəngin ad qazanan İ. Məmmədov çox istərdik ki, ölkə mətbuatına deklarasiya təqdim etsin. Aldığı əmək haqqı ilə sahib olduğu mülklər arasında nə kimi fərqin olduğunu aidiyyətli dövlət qurumları daha aydın şəkildə görə biləcək. Cənab prezidentin min əzab-əziyyətlə formalaşdırdığı dövlət büdcəsi bir ovuc məmurlar tərəfindən tarimar edilir. Ümüd edək ki, Bərdə İcra Başçının müavini – Sosial-iqtisadi inkişafın təhlili və proqnozlaşdırılması şöbəsinin müdiri İlham Məmmədov dövlətimizə vurduğu zərərə görə cavab verməli olacaq. İnanaq ki, ömrünün belə bir çağında nə İlham Məmmədov, nə də ki, Bərdənin “firon” rəhbəri Vidadi İsayev, Qoca Səmədov, Alimpaşa Məmmədov və digər məhbus həyatı yaşayan məmurlar kimi dəmir barmaqlar arasında sorğu-suala çəkilməyəcək. Dövlət başçısına və dövlətimizə kələk gələn məmurların aqibəti göz önündədir…Araşdırmalarımız davam edir…Məqalədə adı hallanan şəxslərin mövqeyini dərc etməyə hazırıq.
Gundemxeber.az

Bakı İnzibati Məhkəməsinin hakimi Bəhlul Cəlalovun iddiaçı 1-ci dərəcəli Qarabağ əlili xəstəxanada sistem altında olanda, öncədən 2 ərizə ilə iclası ertələməsi haqqında xahişinə baxmadan saxta iclas keçirərək əlilin hüquqi yardım, məhkəmə təminatı hüququna “ölüm” hökmü” oxumasından KİV bilgi yayıb. Gözləmək olardı ki, aşağı instansiyanın qanunsuzluğunu aradan qaldırmaq görəvi daşıyan yuxarı apellyasiya instansiyası yataq xəstəsi 1-ci dərəcəli Qarabağ qazisinə, ən azı, hüquqi yardım göstərər, vəkil ayırar. Nə yazıq, Bakı Apellyasiya Məhkəməsi 1-ci dərəcəli qazinin hüquqlarına aşağı instansiyanın “ölüm” hökmünü eyni qaydada, eyni özbaşınalıqla qüvvədə saxlayıb.
Bakı Apellyasiya Məhkəməsinin İnzibati Kollegiyası (sədrlik edən Aytən Oruczadə) 1-ci dərəcəli Qarabağ qazisi xəstəxanada yatanda və bu barədə şəxsi kabinetdən 30.10.2023-cü ildə məlumat verməsinə baxmadan 01.11.2023 tarixli birtərəfli qərardad qəbul edib. İddiaçı yataq xəstəsi qazinin nə vəkillə təminatı barədə ərizəsi , nə də şikayəti təmin olunub. Hələ qərardad(lar) “e-məhkəmə” sistemində yerləşdirilməyib, amma məlumatdan xəstəxanada ölümlə çarpışan əlilə yuxarı instansiyanın da “ölüm” hökmü” oxuduğu bəlli edir. “Hökm”ün qəbulunda aşağı instansiyanın, cavabdeh DSMF-in Xüsusi Şərtlərlə Təyinat üzrı Mərkəzi Filialını hüquqverici sənəd -uyğun etibarnamə olmadan müdafiə edən DSMF-də qanunsuz fəaliyyət göstərən 39 saylı vəkil bürosunun, DSMF-də qanunsuz yaradılan Məhkəmə Mübahisələri ilə iş üzrə Mərkəzi Filialın məhkəmə ilə qeyri-prosessual ilişgisi önəmli rol oynayır. Özbaşınalığa baxın, əhalinin, pensiyaçıların sosial müdafiəsinə ayrılan vəsaiti dövlətin sosial müdafiə qurumu 30 civarında əməkdaşı olan Məhkəmə Filialına - 39 saylı vəkil bürosuna ayırır və bu filial-vəkil bürosu da qazilərə, əlillərə ayrılan yardımı məhkəmələrlə ortaq yeyir. Belə hüquq, belə məhkəmə, sosial dövlət siyasəti olar?
Məhkəmə hakimiyyətinin qeyri-prosessuallığa uyan diqqətinə Ali Məhkəmə Plenumunun 10.04.2015 tarixli 5 saylı “İnzibati məhkəmə icraatında iddianın mümkünlüyünə dair” Qərarını diqqətlə oxumağı tövsiyə edirik. Hüquqi yardım göstərilmədən heç kəsin hüququna “ölüm” hökmü” kəsilə bilməz.
Məhkəmələr isə heç xəstəxanada yatan Qarabağ qazisinin iclasın ertələnməsi, vəkillə təminatı barədə ərizələrinə də baxmır…
Məğrur Bədəlsoy, MNX, 311 saylı palata
P.S. Xəstəxanadan Heydər Əliyev Fonduna, YAŞAT Fonduna, hüquq müdafiə təşkilatlarına, siyasi partiya rəhbərlərinə 1-ci dərəcəli Qarabağ qazisinə peşəkar vəkil ayrılmasına yardımçı olmalarını diləyirəm. Ombudsmana , VK-ya müraciətlərə qərəz prizmasından baxılır və dövlət məmurlarına (mü)vəkkillik qüvvəyə minir.
Məğrub Bədəlli
Teref.az olaraq şikayətdə qaldırılan iddialarla bağlı qarşı tərəfin mövqeyini dərc etmyə hazırıq!
Teref.az

Fövqəladə Hallar Nazirliyinin (FHN) Tikintidə Təhlükəsizliyə Nəzarət Dövlət Agentliyinin rəisi Cəbrayıl Xanlarovun oğlu Nazim Xanlarov özünə yeni şirkət təsis edib.

Qaynarinfo-nun məlumatına görə, Xanlarov Nazim Cəbrayıl oğlunun qanuni təmsilçisi olduğu “AZERIFY” Məhdud Məsuliyyətli Cəmiyyətinin (MMC) nizamnamə kapitalı 100 manatdır. Şirkətin hüquqi ünvanı Bakı şəhəri, Nəsimi rayonu, akademik Şamil Əzizbəyov, ev 95, mənzil 27 ünvanı göstərilib.

Apardığımız araşdırmaya əsasən, bir neçə ay əvvəl yaradılan “AZERİFY” MMC Qarabağda dağıdılan tarixi abidələrin bərpası və yenidənqurma işləri ilə məşğul olacaq.

Cəbrayıl Xanlarovun oğlunun və onun yaxınlarının adına Azərbaycanda və xaricdə əmlakı milyonlarla manatla dəyərləndirilən 5-dən artıq şirkət mövcuddur.

Nazim Xanlarov həm də Bakıda ayrı-ayrı ünvanlarda qeydiyyata alınmış “ATL SERVICE” MMC-nin qanuni təmsilçisidir.

“ATL SERVICE” MMC fövqəladə nallar nazirinin birinci müavini Rəfail Mirzəyevin oğlu Rəşad Mirzəyevin rəhbəri olduğu “ATL GROUP” şirkətinə daxildir.

Cəbrayıl Xanlarov övladları
Nazim Xanlarovun məmur atası Cəbrayıl Xanlarov isə “POLİ-TRANS” MMC-nin qanuni təmsilçisidir. Azərbaycan qanunvericiliyi məmurların biznes fəaliyyəti ilə məşğul olmasını qadağan edir. Nədənsə bu, FHN-nin Tikintidə Təhlükəsizliyə Nəzarət Dövlət Agentliyinin rəisi Cəbrayıl Xanlarov üçün keçərli omayıb.

Xatırlayırsınızsa, ötən gün İran İslam Respublikası vətəndaşı, Azərbaycanda “Uluturan” və “Göktürk” şirkətləri təsis edərək iş adamı kimi tanınan Sagha Farzı barəsində yazmışdıq. Məqaləmizin başlığı belə idi; “Azərbaycanda İranlı iş adamını hansı yüksək çinli məmurlar himayə edir?!” Həmin sərlövhəli araşdırma yazımızda bir çox şübhə doğuran məqamlara aydınlıq gətirməsi üçün, hətta İranlı iş adamının barəsində əldə etdiyimiz müvəssəl sayılacaq bilgilərin Azərbaycan Respublikasının Dövlət Təhlükəsizliyi Xidməti tərəfindən araşdırılmasını da qeyd etmişdik.
Ələlxüsusda məqaləmizdə ölkəmizdə fars-molla rejiminin çətiri altında yaradılmış cəsus şəbəkələrinin ifşa olunması istiqamətində şəbəkə üzvlərinə qarşı Azərbaycanın Dövlət Təhlükəsizliyi Xidməti (DTX) tərəfindən kompleks əməliyyat-istintaq tədbirləri nəticəsində İran işləyən bəzi Azərbaycan vətəndaşlarının saxlanıldığını və barələrində Azərbaycan Respublikası Cinayət Məcəlləsinin 274-cü (dövlətə xəyanət) maddəsi ilə cinayət məsuliyyətinə cəlb edilərək həbs olunduqlarını da xüsusi olaraq qeyd etmişdik.
Xatırlayırsınızsa yazmışdıq ki, müşahidələrdən belə qənaətə gəlmək olur ki, İran casuslarının ifşa edilməsi yönündə həyata keçirilən tədbirlər hələ tam yetərli deyildir. İrana casusluq etməkdə şübhə doğuran arasında elələri var ki, Azərbaycanda yüksək çinli, böyük vəzifəli şəxslər tərəfindən himayə olunurlar. Hansı ki, 2017-ci ildə Bakıda yaradılmış “Uluturan” MMC şirkətinin də bu xüsusda fəaliyyətinin şübhə doğurduğunu vurğulamışıq. Bu şirkətin təsisçisi İranlı iş adamı “Atilla” ləqəbli Sagha Farzı olduqda isə şübhərlə daha da dərinləşir. Əslində isə bu dəfə cəsusluqla bağlı məsələnin üzərində deyil, “Uluturan” və “Göktürk” şirkətinin başqa tərəfdaş firmalara, eləcə də ayrı-ayrı vətəndaşlara qarşı dələduzluq etmələri barədə əlimizdə olan növbəti faktlar üzərində dayanacağıq. Məqsədimiz isə “Atilla” ləqəbli Sagha Farzı adlı bir iş adamının insanlarımızın başına açdığı oyunları hər kəsəs çatdırmaqdır ki, bir daha kimsə onun toruna düşməsin.
Ötənki yazımızda da qeyd etmişdik ki, Sagha Farazı təsisçisi olduğu “Uluturan” və “Göltürk” şirkətlərinin etibarından sui-istifadə edərək, ortaq iş qurmaq adı ilə bir çox vətəndaşı biznes layihələrinə şirnikləndirərək, əmlaklarını girov qoymalarına sövq etdirmiş, nəhayətdə isə girov qarşılığında pul vəsaiti heç bir şərikli biznes ortaqlığına yatırmadan dələduzluq yolu ilə mənimsəmişdir.
Bu günlərdə isə RealMedia.az-ın redaksiyasına Pərvin Əliyev (ad, soyad şərtidir) adlı şəxs müraciət edərək İran İslam Respublikasının vətəndaşı, “Uluturan” və “Göktürk” şirkətlərinin təsisçisi Azərbaycanda İranlı iş adamı kimi tanınan Sagha Farzı tərəfindən aldadıldığını, küllü məbləğdə pulunun onun tərəfindən mənimsənildiyini deyir.
P. Əliyev başına gələnləri belə nəql edir:
“Məni Sagha Farzı ilə bir nəfər tanış elədi. Dedi ki, Sagha Farzı Azərbaycanda iş adamıdır. Böyük işlər görür. Bir neçə dəfə Farzı ilə əlaqələrimiz oldu. Mənə ortaq iş təkilifi etdi. Mən ona bu barədə düşünəcəyimi dedim. Farzı mənə israrla bildirdi ki, heç nədən narahat olma. Məni Binəqədi ərazisində yerləşən bir anbara apardı. Anbarda 100 tonlarla (kroşka, plotren) mal var idi. Burdan sonra Farzı məni İran səfrliyinin yanında bir ofisə apardı. Ofisin “Uluturan” şirkətinə məxsus olduğunu bildirdi. Beləliklə mənim saqqızımı oğurladı. İnandırdı ki, bu ləyaqətli bir iş adamdır. Qərara gədik ki, Farzı ilə ortaq biznesə girmək üçün evimi Banka girov qoyub pul götürüm. Bank məsələsi gələndə, Sagha Farzı mənə bildirdi ki, onun tanıdığı yaxın bir FİNKA Bank – Bank olmayan kredit təşkilatı (BOKT) var, gəl oraynan danışıb kredit götürək. Razılaşdım. Farzı həmin kredit təşkilatı ilə (BOKT) danışıb “Uluturan” MMC-nın adına kredit götürmək isdədiyini bildirdi. Bu zaman Bank olmayan kredit təşkilatı məni şirkətə zamın kimi rəsmiləşdirdi, evimi isə girov olaraq bankda saxladı. Girov qarşılığında 150.000 min manat pul götürdük. İki gündən sonra ofisdə oturmuşdum gördüm ki, başqa bir şəxslər ofisə gəlib Sagha Farzıdan pullarını tələb etdi. Əslində mən nə baş verdiyini bilmirəm. Sadəcə olaraq olanlara kənardan baxıram. Nə baş verdiyini anlamağa çalışıram. Nə olduğunu soruşuram da, Farzı deyir ki, boş şeydir, sən fikir vermə. Və mən olan söz-söhbətdən sonra Bankdan götürdüyümüz pulun necə olduğunu soruşuram. Sagha Farzı mənə bildirir ki, narahat olma, pulları İrana mal üçün vurmuşuq. Üzərindən bir neçə gün keçir, malların nə vaxt gələcəyini öyrənirəm. Deyir ki, mal yoldadır, iki günə çatır. Artıq üzərindən aylar vaxt keçir. Nə mal gəlir çıxır, nə də pulların harda olduğunu bilmirəm. Başlayıram bundan pullarımı geri istəməyə. Mən pulları geri istədigcə Farzı hər dəfəsində bir bəhanə uydurub zaman qazanır. Sonradan öyrənirəm ki, mənim pulumun 120.000 min manatı ofisə gəlib borcunu istəyən şəxslərə verilib. Mal məsələsi deyil. Sagha Farzı məni ortaq iş qurmaq adıyla şirnikdirərək aldadıb, pullarımı ələ keçirib. Bank da pul ödənilmədiyinə görə “Uluturan” şirkətini məhkəməyə verib və məhkəmə də mənzilin hərraca çıxarılmasına dair qərar çıxardıb. Məsələ ondadır ki, məhkəmə prosesindən də mənim xəbərim olmayıb. O vaxtı mən bilmişəm ki, icra məmuru mənə zəng edib evin hərracda olduğunu deyiblər. Artıq evim əlimdən gedir. Hələ də bu günə qədər Sagha Farzı nə pulları geri qaytarır, nə də evi Bankdan (BOKT) girovdan çıxarmır.
Sagha Farzının əsas fəaliyyəti Azərbaycanda insanları inandırıb, onlarla ortaq iş birliyinə cəlb etmək adı ilə aldadaraq pullarını və ya əmlaklarını əllərindən çıxardmaqdan ibarətdir.
Hər yerdə özünü milliyətçi qılığında göstərməklə, insanlarda özünə qarşı “yaxşı adam” obrazı yaradaraq sonda onların pullarını və yaxudda ki, mülklərini əllərindən çıxardır. Onun bu özbaşına əməlləri əsas verir ki, Azərbaycandakı dayaqları, ona kimlərin krişalıq etdiyi adamlar araşdırlsın. “Uluturan” və “Göktürk” şirkətlərinin fəaliyyətləri aidiyyəti üzrə səlahiyyətli qurumlar tərəfindən araşdırılmalı, şirkət tərəfindən Azərbaycana gətirilən malların gömrük və vergi sənədləri yoxlanılmalıdır.”

Redaksiyadan: Əldə etdiyimiz səhih məlumatlara görə Sagha Farzı şirkətlərinin adına İrandan idxal etdiyi malların vergi uçotu barədə məlumatları gizlədərək, saxta sənədləri DVX-nə təqdim edir. Belə ki, İrandan gələn xammalın hesabatını məişət şəraitində saxta üsulla hazırlayaraq (və yaxud hazırladıraraq) güyaki həmin malın Türkmənistandan Respublikasından gəldiyinə dair saxta sertifkatı Dövlət Vergi Xidmətinə təqdim edir. Belə olan halda da vergi faizi 36 fazilə yox, 18 faizlə hesablanır.
Xatırladaq ki, ötən yazımızda adları çəkilən şirkətlərin vergi və maliyyə hesabatlılığına, müqavilə öhdəliklərinə də əməl etmədikləri, bir növ himayədarlarının köməyi ilə toxunulmazlıq statusu qazandıqlarını vurğulamışdıq.

Yazıda adı çəkilən Sagha Farzının mövqeyini dinləməyə və dərc etməyə hazırıq.
RealMedia.az

“UniBank” 2023-cü ilin 3-cü rübünə olan hesabatını açıqlayıb. Hesabata görə bankın aktivlər cəmi 9 ay ərzində 87 milyon 167 min manat artaraq 1 milyard 527 milyon 811 min manata yüksəlib. Bu artımda əsas pay bankın kredit portfelinin üstünə düşüb. Belə ki, “UniBank”ın müştərilərinə verdiyi kreditlər 157 milyon 235 min manat artaraq 640 milyon 813 min manata çatıb.
Kommersant.az bankın hesabatına istinadən xəbər verir ki, “UniBank”ın istehlak kreditləri 93 milyon 607 min manat artaraq 640 milyon 813 min manata, biznes kreditləri 48 milyon 404 min manat artaraq 322 milyon 729 min manata, daşınmaz əmlak kreditləri isə 15 milyon 225 min manat artaraq 83 milyon 287 min manata çatıb. Mümkün zərərlər üçün yaradılan məqsədli eytiyatını 12 milyon 497 min manat artıraraq 67 milyon 13 min manata bərabər edib. Buna görə də “UniBank”ın xalis kreditləri 979 milyon 816 min manat olub. Bu da ötən ilin sonu ilə müqayisədə 144 milyon 739 min manat və ya 17.33 faiz çoxdur.

“UniBank”ın öhdəliklər cəmi 63 milyon 579 min manat artaraq 1 milyard 390 milyon 827 min manata yüksəlib. Bankın depozit portfeli 134 milyon 461 min manat artaraq 1 milyard 124 milyon 205 min manat olub. Bu artımda əsas pay fiziki şəxslərin əmanətlərinin üstünə düşüb. Belə ki, fiziki şəxslərin bankdakı əmanətlərinin həcmi 107 milyon 121 min manat artaraq 878 milyon 478 min manata çatıb. Hüquqi şəxslərin əmanətləri isə 27 milyon 339 min manat artaraq 245 milyon 727 min manata bərabərləşib.

Səhmdar kapitalını dəyişdirməyən “UniBank”ın cəmi kapitalı 23 milyon 534 min manat artaraq 136 milyon 929 min manat olub. Bank əldə etdiyi mənfəətin 1 milyon 622 min manatını ümumi ehiyatına ayırdığı üçün yığılmış zərərini 21 milyon 912 min manat azaldaraq 13 milyon 127 min manata endirib.

“UniBank”ın faiz gəliri ötən ilin eyni rübü ilə müqayisədə 37 milyon 406 min manat artaraq 154 milyon 866 min manata yüksəlib. Bankın faiz xərcləri isə 11 milyon 569 min manat artaraq 52 milyon 491 min manata çatıb. Buna görə də bank xalis faiz gəliri 97 milyon 580 min manat olub ki, bu da ötən ili müvafiq dövrü ilə müqayisədə 23 milyon 337 min manat və ya 31.43 faiz çoxdur.

Bankın qeyri-faiz gəliri 32 milyon 404 min manat artaraq 77 milyon 785 min manata, qeyri-faiz xərcləri isə 22 milyon 354 min manat artaraq 126 milyon 285 min manata bərabərləşib. Nəticədə “UniBank”ın əməliyyat mənfəəti 33 milyon 387 min manat artaraq 49 milyon 80 min manata çatıb.

Bank ötən ilin eyni rübündə əldə etdiyi zərəri bu ilin 3-cü rübündə mənfəətlə əvəz edib. Belə ki, bankın mənfəəti 21 milyon 907 min manat olub ki, bu da ötən ilin 3-cü rübü ilə müqayisədə 22 milyon 484 min manat çoxdur.

Qeyd edək ki, “UniBank”ın məcmu kapitalı 1 il ərzində 29 milyon 945 min manat artaraq 151 milyon 903 min manata yüksəlib.



Kommersant.az

Bir neçə gün öncə İsmayıllı rayonunda qazi Röyal Mirzəyev intihara cəhd edib. Buna səbəb isə səhhətinə görə əlilliyini ala bilməməsi və rayon icra hakimiyyətinin ona laqeyid münasibət göstərməsi olub.

Millitv.az bildirir ki, bu barədə Kanal13 xəbər yayıb.

Belə ki, Qazi dəfələrlə aidiyyəti qurumlara müraciət edərək psixoloji durumunun yerində olmadığını müalicəyə ehtiyacı olduğunu bildirsə də, ona qarşı diqqətsizlik göstərilib nəticədə o intihara cəhd göstərib.

Hazırda qazi bədənin 20 faiz yanıq xəsarətləri ilə Bakı şəhəri 5 saylı yanıq şöbəsinə yerləşdirilib və müalicəsi davam etdirilir.
Qazinin kanalımıza verdiyi müsahibəni təqdim edirik.

Ötən il metropoliten ilə bir sərnişinin daşınması 68 qəpiyə başa gəlib - “Bakı Metropoliteni” QSC-nin sədr müvani Hidayət Məmmədov deyib.

Belə ki, qeyd olunan xərc hazırda müəyyən olunan 40 qəpiklik gediş haqqından 1,7 dəfə çoxdur.

İqtisadçı ekspert Natiq Cəfərli “Ölkə.az”a açıqlamasında bildirdi ki, metropoliten rəhbərliyi zaman-zaman bu məsələni gündəmə gətirir, sərnişindaşımanın maya dəyərinin yüksək olduğunu söyləyirlər:

“Nə köhnə, nə də yeni rəhbərlik bunun hesablanma qaydaları ilə bağlı açıqlama verməyib. Maya dəyəri hesablanarkən hansı metodologiyadan istifadə olunur və bu metodologiya beynəlxalq standartlara uyğundurmu? Hesablama apararkən hansı parametrlər əsas götürülür? 1 və 10 dayanacaq gedənlərin hər birinin maya dəyəri 68 qəpikdirmi? Bu metodologiya ilə bağlı hesabat vermədikcə, göydən götürülən rəqəmləri açıqladıqları ilə bağlı təəsürat yaranır”.

Ekspert deyir ki, belə açıqlamaların əsas səbəbi gələcəkdə qiymətin artırılması ilə bağlı ictimai rəy yaratmaqdır:

“Bu, ictimai rəyi metroda gediş haqqının artırılacağı yönündə hazırlamaqdan başqa bir şey deyil. Maya dəyərinin hesablama metodologiyası ilə bağlı ictimaiyyətə məlumat verilməlidir ki, hansı parametrlər əsasında 68 qəpik xərcin yarandığını bilək”.

Onu da qeyd edək ki, artıq metroda gediş haqqı tariflərini təsdiqləmək səlahiyyəti Rəqəmsal İnkişaf və Nəqliyyat Nazirliyinə verilib.