Ağdam rayon sakini Səba Quliyeva bildirir ki onun həyat yoldaşı 3-cü qrup əlildir, əlavə edir ki, yataq xəstəsi olan yoldaşının dərmanlarını xəstəxanadan vaxtında ala bilmir. Buna görə də, müalicəsi vaxtında aparılmır.

Şikayətçi kanalımız vasitəsilə ölkə rəhbərliyinə müraciət edərək, onun həyat yoldaşının dərmanların vaxtında, gecikmədən verilməsini xahiş edir

Kanal 13

Lənkəranın icra başçısı Taleh Qaraşov cənabları deyəsən, özü üçün PAYIZ MUŞQULATI ilə məşğuldur. Bu barədə verilən məlumatlardan belə aydın olur ki, Lənkəran RİH tərəfindən növbəti kosmetik təmir işlərinə başlanlıb. DİA.AZ bildirir ki, əslində, bu kimi TƏMİRLƏR yerli padşahların il sonu büdcədən oğurladıqlarının "AFORMİTİ" üçün bir vasitədir.

Və bu gün "Lənkəran Xanı" Qaraşov həzrətləri də ənənəmizi pozmayaraq eyni qaydada pulsilməyə girişib ki, sən demə, bunu "gözü götürməyənlər" var imiş.

DİA.AZ bildirir ki, bu barədə paylaşım edən əslən Lənkərandan olan ictimai fəal Yadigar Sadıqlı yazır:

"Lənkəranda Qala xiyabanindakı üzlüklər dəyişdirilir.

Soruşan lazım niyə? Şəhərin min bir problemi olduğu halda vəsaiti yetərincə salamat üzlüklərə xərcləmək nəyə lazımdır?"

Qeyd edək ki, onun bu paylaşımına yetərincə adekvat reaksiya verənlər var və onlar da məsələnin nə yerdə olduğuna eyham vuran ifadələrlə reaksiyalarını bildiriblər. Məsələn, həmin şərhlərdən bəzilərini əqdim edirik:

Elnur Mahmudzade:
Bundan pisin vuracaglar...

Ramiz Mirzəoglu:
İl sonu , büdcədəkini silməsən günaha batarsan. Təmir büdcənin ,,cənnətidir"...

Anar Melikov:
PA-dan ayrılan vəsaitə necə əritsinlər bəs?..

Reyhan Rəsul:
Uzsüz adamlardilar da...yeri göyü üzləsələr de xeyri yoxdu...

Rafael Abdullayev:
Havalar isti oldu usta işlətmək ancaq bizə...

Nazim Hasanov:
Limanda da adam ayağına həsrət səkilərə metlağ düzürlər.Bu il Liman şəhər büdcəsinə dövlət 50 min manat ayrıb.Onu necə əritsinlər bilmirlər...

Mustacab Mammadov:
Korrupsiya maşını işləyir...

***

Qeyd edək ki, amma bu şərhlərlə yanaşı problemi iişıqlandıranın ünvanına ağır ifadələrlə hücum edənlər də yeərincədir ki, onların da əksəriyyəinin "Lənkəran Xan"ının trolları olduğu şəkksizdir...

Məsələ ilə bağlı dia.az olaraq bütün əlaqədar qurum və şəxsləri də dinləməyə hazırıq...

Bakının Nərimanov rayonunun 8 nömrəli poliklinikasından ard-arda şikayətlər daxil olur.Məsələ budur ki,TƏBİB tabeliyindəki bu tibb müəssisəsinə deyilənə görə 70 min pul ayırıb. Amma pulun hara,necə xərclənməsini bilən,deyən yoxdur.Poliklinika ilə əlaqə saxlamaq isə qeyri mümkündü.Deyilənə görə poliklinikada hər şöbəyə tapşırılıb ki,öz ciblərinin hesabına otaqlarını təmir etsinlər.Həkimlərə yerə döşəmək üçün linoleum aldırırlar.Bir sözlə,dövlətin pulunun mənimsədildiyi iddia olunur.Məsələni dəqiqləşdirmək üçün poliklinikanın məsul bir şəxsi ilə əlaqə saxlamaq mümkün olmur.
70 min az pul deyil.Deyilənlər həqiqətdirsə,ciddi qanun pozuntusudur.Yox,əgər düzgün məlumat deyilsə,o halda,zəhmət olmasa,8 nömrəli poliklinika rəhbərliyi bu vəsaitin necə,hara sərf olunması barədə sənədləri media orqanı olaraq bizə də göstərsin.Hər halda hər şey göz qabağındadır.Sənədlərə də baxaq,otaqlara,avadanlıqlara da. Başqa şikayət isə sığorta sistemi tətbiq olunandan sonra daha çox hallanır.Bu da həkimlərə xəstə qəbulundan verilən xidmət haqqı faizləri ilə bağlıdır.Bu məsələdə də ciddi narazılıqlar var.
Nərimanov rayonu 8 nömrəli poliklinikanın rəhbərliyini,TƏBİBi bu problemi araşdırıb məlumat verməyə çağırırıq.
Qarşı tərəfin mövqeyini dərc edməyə hazırıq //aktualxeber.az//

Bildiyimiz kimi Fetonun Turkiyədə aktiv oldugu dovurdə Azərbaycandan çox gənclər uzmanliq təhsilinə getdilər. Bu gənclər orada maaş ala bilnədiklərindən Fetoculara qosuldular. Təhsillərini bitirdikdən sonra olkəmizə qayitdiqdan sonra özləri kimi gəncləre yol acmaqa başladılar. 2015 Turkiyədə bas vermiş çevrilişə cəhd hadisəsindən sonra onlarin bəziləri təcili Həcc ziyarətinə getdilər Barat Yusubov kimi. Indi həmin Fetocu həkimlərin əksəriyyəti Ege hospitalda və H.B guvən klinikasinda toplaniblar
Qeyd edəkki bu klinikalarin ikisinidə Barat Yusubov idarə edir. Indi Fetocu dostlarının koməyi ilə Fetocuları yeni klinikaya və dovlətin digər muəsisələrinə yerləsdirir.
/cumhuriyyet.net/

"Bu "Oba" marketlərin bir yiyəsi varmı görən?" DİA.AZ bildirir ki, bu etirazla "Müştərinin Səsi" sosial qrupundakı paylaşımında Elvin Məmmədli adlı istifadəçi çıxış edib.

Narazı vətəndaş daha sonra qeyd edib: "Bu qədər ÖZBAŞINALIQ olmaz. Nəm salfet alıram... ref qiyməti 1,49 manat...

Gəlirəm kassaya və sürpriz... 1,90 manat çıxır.

Deyirəm, niyə belə? Deyir, ola bilməz.. rəf qiymətini özünə göstərəndə, deyir, vaxtım yoxdu dəyişməyə".

DİA.AZ xəbər verir ki, narazı vətəndaş problem yaşadığı filialın ünvanını da nişan verib. O bildirib: "Köhnə "Təfəkkür" universitetinin arxasındakı "Oba" market..."

İddia olunanlarla bağlı dia.az olaraq qarşı tərəfi də dinləməyə hazırıq...

Ümummilli Lider Heydər Əliyevin 2002-ci ildə təsdiq etdiyi "Azərbaycan Respublikasının inkişafı naminə informasiya və kommunikasiya texnologiyaları üzrə Milli Strategiya"nı sonrakı illərdə Prezident İlham Əliyevin uğurla inkişaf etdirməsi nəticəsində ölkəmiz sənaye inqilabı üzrə regional mərkəzə çevrilməkdədir.

Bunu Dövlət Təhlükəsizliyi Xidmətinin rəisi Əli Nağıyev Bakıda keçirilən “Critical Infrastructure Defence Challenge 2023” tədbirinin açılışında bildirib.

"Ümidvaram ki, kiberhücumların simulyasiyası ilə həyata keçiriləcək “Kibermüharibə” yarışı ölkəmizin əldə etdiyi təcrübəni daha da təkmilləşdirməyə, tərəfdaş ölkələrlə kibertəhlükəsizlik sahəsində mövcud münasibətləri inkişaf etdirməyə, gələcək əməkdaşlıq üçün yeni üfüqlər müəyyən etməyə yardımçı olacaq", - deyə o qeyd edib.

"Ölkəmizin elmi-texniki tərəqqisində mühüm rol oynayan informasiya və kommunikasiya texnologiyalarının dinamik inkişafı bu sahədə təhlükəsizlik risklərinin idarə edilməsini və informasiya infrastrukturunun kibertəhdidlərə qarşı dayanıqlığının artırılmasını labüd edir. Bu isə öz növbəsində kibertəhülkəsizliyin təmin edilməsində yeni yanaşmalar tələb edir. İnformasiya təhlükəsizliyi etibarlı təminat baxımından dövlətlərin məsuliyyətini xeyli artırır. Təsadüfi deyil ki, kritik informasiya infrastrukturunun kibermüdafiə qabiliyyətinin gücləndirilməsi müasir dövrün ciddi əhəmiyyət kəsb edən çağırışlarından və təhlükəsizlik üzrə vacib vəzifələrindən hesab edilir", - deyə Ə.Nağıyev əlavə edib.

Azərbaycandakı kredit ittifaqları bu ilin yanvar-sentyabr aylarını 0,3 milyon manat xalis zərərlə başa vurub.

Azərbaycan Mərkəzi Bankı xəbər verir ki, bu, ötən ilin eyni dövrünə nisbətən 6 dəfə çoxdur. Yanvar-sentyabr aylarında kredit ittifaqlarının gəlirləri 1,7 milyon manat (illik müqayisədə 5,6 % az), xərcləri 1 milyon manat (11,8 % çox), xüsusi ehtiyatlara ayırmaları isə 1 milyon manat (10,5 % çox) təşkil edib. Bu il oktyabrın 1-nə kredit ittifaqlarının aktivləri 13,7 milyon manat olub ki, bu da 1 il əvvələ nisbətən 4,2 % azdır.

Bunun 11,7 milyon manatı müştərilərə verilmiş xalis kreditlərdir. Son 1 ildə sektorun kredit portfeli 3,3 % kiçilib. Hesabat dövründə kredit ittifaqlarının öhdəlikləri 20 % azalaraq 3,6 milyon manata düşüb, balans kapitalı isə 3,1 % artaraq 10,1 milyon manata çatıb.

Bu isə banklardan sonra BOKT-ların da bağlanma ehtimalını gündəmə gətirib.

DİA.AZ-ın məlumatına görə, iqtisadçı Eldəniz Əmirov məsələ ilə bağlı Cebhe.info-ya bildirib ki, qarşıdakı illərdə zərərin miqdarı daha da arta bilər:

“Kreditləşmədəki problemlərdə bank olmayan kredit təşkilatların xüsusi çəkisi və vəsaitinin az olması da göstərilir. Bu da onların fəaliyyətini qeyri- səmərəli edir. Düzdür, hazırda lisenziyalı 35-40 –a yaxın kredit təşkilatı fəaliyyət göstərir. Eyni zamanda, son bir neçə ildə bir nəçə kredit təşkilatının lisenziyası ləğv edilib”.

Həmsöhbətimizin fikrincə, kredit bazarında elə bir oyunçular var ki, səmərəli fəaliyyətin qurulması əslində çox çətindir:

“Hesab edirəm ki, qarşıdakı müddətdə Bank Olmayan Kredit Təşkilatlarının (BOKT) sayının azalması ehtimalı çox böyükdür”.

“6-cı mərtəbə” şirkətinin tikdiyi və Nərimanov rayonunun İsmayıl Hidayətzadə küçəsi 7A ünvanında yerləşən “Rahat Yaşam” kompleksinin bir qrup sakini yaşadıqları binada xidməthaqqının artırılmasından narazıdır.

“Qafqazinfo”ya müraciət edən sakinlər binanın tikintisinə rəhbərlik etmiş Atəş Təhməzlinin oğlu Şahbaz Təhməzlinin onların razılığı olmadan binaya kommunal xidmətlər göstərdiyini bildirib: “Şahbaz Təhməzli binanı bir neçə il belə idarə etdikdən sonra Ədliyyə Nazirliyinə müraciət edərək “Nərimanov 22” MMMC-də (mənzil mülkiyyətçilərinin müştərək cəmiyyəti) qeydiyyatdan keçirdi və öz qohumlarından ibarət idarə heyəti qurdu. Biz bunu gördükdən sonra düşündük ki, MMMC-nin təşkili üçün toplanan imzalar saxtadır və ya imza toplanarkən məsələnin mahiyyəti düzgün izah olunmayıb. Halbuki Mülki Məcəllədə MMMC-nin təşkili və qiyabi səsvermənin qaydaları fərqlidir. Əvvəlcədən sahə mülkiyyətçilərinin yığıncağının gündəliyində olan məsələlər sakinlərə ətraflı elan olunmalı və səsvermə keçirilməlidir. Bundan əlavə, Şahbaz müəllim binanın idarəetməsini təsisçisi olduğu “Rahat Yaşam” MMC-yə həvalə edib. İl ərzində xidməthaqqı adı ilə MMMC-dən 20 min manat pulu öz şirkətinə transfer edib. İşin sifarişçisi də, podratçısı da eyni insandır. Burada hansı şəffaflıqdan söhbət gedə bilər?! İllərdir hesabat tələbimiz cavabsız qalır, 6 ayda bir dəfə standart hesabat liftin qarşısına yapışdırılır. Qanuna görə, MMMC qeyri-kommersiya təşkilatıdır və onun məqsədi mənfəət götürmək, mənfəəti iştirakçılar arasında bölmək deyil”.

Sakinlər əlavə ediblər ki, son olaraq süni şişirdilmiş xərclər göstərilməklə binada yığılan kommunal xərc tarifi hər kvadrat metr üçün 39 qəpikdən 46 qəpiyə qaldırılıb: “Avqustun 1-də tarif artımını hər sakinin telefonuna SMS göndərməklə bildirdilər. MMMC tərəfindən təqdim edilən xərclərdən məlum olur ki, 2022-ci ildə hər ay 7249, 2023-cü ildə isə 7779 manat xərc çəkilib. Yığılan vəsait barədə isə məlumat verilmir. Özlərinin təqdim etdiyi hesabata görə, binanın yaşayış sahəsi 22 600 kvadrat metrdir. Bu da 39 qəpikdən hər ay 8814 manat edir. Lakin artıq vəsaitin toplanmasına baxmayaraq, özbaşına olaraq tarifi artırırlar. 4-cü girişdəki lift dəfələrlə xarab olsa da, əsaslı təmir edilmir. İçməli su anbarından evə gələn su həddindən artıq çirklidir, lakin heç bir tədbir görülmür”.

Vətəndaşlar qeyd ediblər ki, bir müddət əvvəl toplanaraq MMMC-nin ümumi yığıncağını çağırıblar və yekun protokolu Şahbaz Təhməzliyə təqdim ediblər: “Ondan özünün və idarə heyətinin istefasını tələb etsək də, hərəkətsizlik göstərir. Vəzifə səlahiyyətlərini aşaraq cəmiyyətin ali idarəedici orqanı olan ümumi yığıncağın qərarına tabe olmur”.

Məsələ ilə bağlı “Rahat Yaşam” şirkəti ilə əlaqə saxladıq. Şirkət rəhbəri Şahbaz Təhməzli açıqlamasında sakinlərin iddialarını təkzib etdi. O bildirdi ki, bina sakinlərinə toplanmış vəsaitə uyğun xidmət göstərilir.

***

Şahbaz Təhməzli saytımızla yenidən əlaqə saxlayaraq bildirib ki, hər bir sahədə özünəmüvafiq şəkildə ciddi qiymət artımları baş vermişdir. O əlavə edib ki, bina sakinlərini tarifin aşağı salınması ilə bağlı aldadaraq imza yığıb daha sonra həmin imzaları MMMC-nin sədrinin dəyşilməsi ilə bağlı istifadə edən bir qrup (5-6 nəfər) şəxs öz maraqlarını güdən, vaxtilə MMMC-nin göstərdiyi xidmətlərə görə aylıq xidmət haqqını ödəməyən mülkiyyətçilərdir: “Mənzil Məcəlləsinin 137.10 maddənin tələbinə uyğun olaraq mülkiyyət hüququ əldə etmiş lakin mənzildə yaşamayan mülkiyyətçilərin endirim tələbinə rədd cavabı verdiyimiz, əksinə məhkəməyə verilmələri haqqında qərar qəbul edib pretenziya göndərdikdən sonra bu hal baş vermişdir. Hal-hazırda ödəniş etməyən sakinlərin cəmiyyətə ödəməli olduğu ümumilikdə borc 20.000 AZN-dən çoxdur. Şikayət edən yoldaşların bir qismi binanın aylıq kommunal xidmət haqqı xərclərini ödəməyən sakinlərdir. Onların əsas məqsədi debitor olan mülkiyyətçiləri bir araya gətirib binada xaos yaradaraq köhnə borcları sıfırlamaq və heç bir texniki, əmlak və hüquqi bazası olmadan binada idarəetmə aparmaq istəyirlər. Yaşadıqları binada bu kimi addımlarının sərt formada qarşısını aldığım üçün bir neçə həftə bundan öncə məni hədələyərək, məsələni mətbuatda işləyən tanışları vasitəsilə işıqlandıracaqlarını qeyd etmişdilər.

Mən isə sədrliyim dövründə Mənzil Məcəlləsini və digər qanunvericilik aktlarının tələbinə uyğun olaraq müasir və şəffaf xidmət qurmuşam.

Tarif artımı və hesabat məsələsinə gəldikdə isə onu deyə bilərəm ki, sakinlərimiz düzgün qeyd edirlər tarif artımı 0,39 AZN (otuz doqquz qəpikdən) 0,46 AZN (qırx altı qəpiyə) artırılıb. Bu addım da məhz qanunun tələbinə uyğun olaraq aparılmışdır. Yəni hər birimizin bildiyi dünayada baş verən Pandemiyadan sonra bütün dünyada infilyasyanın artması, ölkəmizdən də yan keçməmişdir. Beləliklə minimum əmək haqqının və digər tarif artımları hər bir sahədə olduğu kimi bu sahədədə müəyyən xərclərin artmasına gətirib çıxarıb. Buna nəzərən artan xərclər tərəfimdən hesablanaraq, əvvəlcə bütün sakinlərə bildiriş formasında təqdim edilərək maarifləndirmə işləri təşkil edildikdən sonra Mənzil Məcəlləsinin tələbinə uyğun olaraq 50%+1 yetərsayla yeni büdcə təsdiqləndikdən sonra tarif artımı həyata keçirilmişdir. Sonda onuda qeyd edim ki, son 6 ildə binamızda tarif artımı sabit olaraq qalıb”.(“Qafqazinfo”)

Astara rayonunun Ərçivan qəsəbə sakini, sahibkar Rafiq Cəfərovun meyvə bağlarında məhsul yığımıdır. Feyxoa bağında məhsul yığan qadınlardan biri deyir ki, onlar günəmuzd işləyirlər: "Hər birimizin əkin sahələrimiz var. Amma öz torpaqlarımızı əkə bilmirik. Pulumuz yoxdur. Ona görə də gəlib burda günə 15-20 manata işləyirik. Üzü qışa gedir, ölkədə bahalaşma var. Amma bu pulla ev tikmək, uşaq oxutdurmaq, yaxşı yaşamaq mümkün deyil. Halbuki sahibkar çalışır ki, bizi razı salsın. Yaxşı ki, bu iş var. Qəsəbədə işsizlikdir".

"Biz təbiətin əlinə baxırıq"
Meyvə qablaşdırılandan sonra sifarişçiyə verilir. Sahibkar R.Cəfərov problemlərdən danışır: "Tam olaraq keçmişəm kənd təsərrüfatına. Kənd təsərrüfatında işləyənlərə ilişmirlər. Feyxoa, naringi, kinkan, alma və digər meyvə bağlarım var. Ümumi sahə 5.5 hektardır. Bu il naringi və feyxoa məhsulları azdır. Çiçək açan ərəfədə güclü yağış yağdı, məhsuldarlıq aşağı düşdü. Biz təbiətin əlinə baxırıq. Keçən il feyxoanın 1 kiloqramı 30-40, naringi 50 qəpiyə idi. Bu il isə feyxoanın 1 kiloqramı 1 manata, naringi 1 manat 50 qəpiyədir. Hələ ki, alıcı var".

"Təkcə çəltikdə 10 min manat itirdim"
Onun deməsinə görə, Azərbaycanın düyüyə ehtiyacı var və satışda problem olmur. Ona görə də bu il çəltik də əkib: "Bu il 3 hektarda da çəltik əkmişəm. Yağış oldu, məhsul gec yığıldı. Məhsulu toplamaq üçün də texnika vaxtında olmadı, məhsulun 60 faizi itkiyə getdi. Təkcə çəltikdə 10 min manat itirdim".

Sahibkarın sözlərinə görə, texnikaları vaxtında əldə etmək olmur: "İri şirkətlərin, fermerlərin texnikaları, hər təminatları var. Kiçik sahibkarların buna imkanı yoxdur. Çəltik yığımına az qalmış texnikalar hazır olmalıdır. Amma müraciət edəndə deyirlər ki, texnika nasazdır. Rayonda kənd təsərrüfatı idarəsinin möhtəşəm binası var, amma dəstək görmürük".

"Kredit verilməsində problem..."
R.Cəfərov hesab edir ki, kəndlərdə yaşayanlara ciddi dəstək olsa, Bakıya və xarici ölkələrə axın dayanar. Onun vurğulamasına görə, SSRİ dönəmində respublikanın ən böyük tərəvəz istehsal edən sovxozlarından biri də Ərçivan qəsəbəsində olub: "Sovxoz ildə 10 min tona yaxın kənd təsərrüfatı məhsulu istehsal edərdi. Sovxozların özlərinin kənd təsərrüfatı texnikası olardı. Texnika əllərin altında olub, çünki kənd təsərrüfatında işlər hava şəraiti ilə bağlıdır. Görürsən ki, iki saat yağış yağır, günün ikinci yarısında hava əlverişli olur. Onda texnikanı çıxardıb işlədirsən".

Sahibkar torpaqla işləyənlərə kreditin verilməsində də problemin olduğunu deyir. Onun sözlərinə görə, kredit üçün bir qalaq sənəd istəyirlər: "Beş-altı il bundan əvvəl 150 min manat kredit götürmüşdüm. Əvəzində 350 min manat ödədim. Kredit ABŞ dolları ilə idi. Manat ucuzlaşdı, çox pul ödəməli oldum. Qabağa düşmək əvəzinə ziyana düşdüm. Gözüm qorxub. Risklidir. Həm də vaxt aparır. Subsidiya alıram, gübrələrin, dərmanların alınmasında güzəştlər var. Bundan narazılığım yoxdur".

O belə hesab edir ki, torpaq sahiblərinin problemlərinə diqqət vermək vacibdir: "Qarşılaşdığım problemlərlə bağlı müxtəlif instansiyalara onlarla məktub yazmışam. Heç birisi reaksiya vermir. Biz aqrar ölkəyik, aqrar rayonda yaşayırıq. Kəndlinin işi məhsul yetişdirməkdir, bazar deyil. Bazarı müvafiq qurumlar tənzimləməlidir. İndi sitrus meyvələrimiz Ukraynaya, Polşaya gedir. Keçən il də qazancım o qədər də böyük deyildi. Amma zərər etmədim. Amma bu il mənim üçün uğurlu olmadı...".

İH: "Sahibkarlara həmişə yüksək diqqət var"
Sahibkarın şikayətləri ilə bağlı Astara rayon Kənd Təsərrüfatı İdarəsi ilə danışmaq mümkün olmadı. Amma Astara rayon İcra Hakimiyyətindən (İH) qısaca bildirdilər ki, rayonda sahibkarlara həmişə yüksək diqqət var.

AzadlıqRadiosu

Çox təəssüflər olsun ki, bayrağımıza hörmətsizlik edən düşməndən bunun qisasını alan qeyrətli Azərbaycan oğullarının yerli məmurlar tərəfindən haqqları ayaqlar altına alınır, hələ bu da azmış kimi özlərindən "fantastik qərar qəbul edib" bayrağımıza qarşı aqressiya da nümayiş etdirirlər.

Mövzuya bu cür başlamağımızın səbəbi, barəsində sosial şəbəkələrdə və müstəqil mediada ara vermədən tənqid və narazılıq yayımlanan İmişli Rayon İcra Hakimiyyətinin başçısı Elçin Rzayevin bayrağa görə şəhid ailəsini incitməsidir.

Belə ki, təqribən üç gün əvvəl İmişli rayonunun Bəhrəmtəpə qəsəbəsindən Elxan adlı şəhid atası "DogruXeber.az" informasiya agentliyinin rəhbəri Kamal Əsgərova zəng edərək, bir neçə müddətdir stress və əsəbdən həyat yoldaşı ilə özünün səhhətində problem yarandığını bildirib. Onun sözlərinə görə keçirdikləri əsəb və stressin səbəbkarı İmişli rayon İcra Hakimiyyətidir.

Elxan bəy deyir ki, - "Öz həyətimdə balaca bir muzey tikmişəm və orada oğlumun, həmçinin digər 80 şəhidin lövhələrini yerləşdirmişəm. Sözügedən muzeyin dam örtüyünü Azərbaycanımız bayrağının rəngləri ilə döşətdirmişəm. O, dam örtüyünü qurduğum gündən İmişli rayon İcra Hakimiyyətinin nümayəndələri bizə evimizdə rahatlıq vermirlər, məcbur edirlər ki, həmin dam örtüyünü söküm. Deyirlər olmaz. Bununla bağlı İcra Hakimiyyətində Şəhid ailələri və qazilərlə iş üzrə şöbənin müdiri İltizam müəllim də məni yanına çağırıb deyir magistral yoldan bayraq görünür, onu sökməlisən. Mənim oğlum o bayraq uğrunda qurban getdi, o bayrağa büküb mənə verdilər, indi niyə bayraq yasaq olub?

Neçə gündür yoldaşımın da, özümün də, qızımın da səhhətimizdə problem yaranıb, təzyiqimiz qalxıb əsəbdən. Xahiş edirəm mənə kömək edin, məni canlı yayıma qoşun dərdimi danışım, ictimaiyyət də eşitsin."

Kamal Əsgərov da onun bu istəyini qəbul edərək, canlı yayımla təmin edəcəyinə söz verib.
Əldə etdiyimiz məlumata görə Elxan ata bu barədə digər şəhid ailələrinə danışıb. Beləcə məsələ İcra Hakimiyyətinin qulağına çatıb və Elxan ata yayıma çıxmasın deyə gecə ilə onunla görüşüb məsələ ilə bağlı müəyyən vədlər verilib".

Məsələnin yalnız mətbuata bildirildikdən sonra həllini tapması idarəetmənin bərbad olmasının göstəricisidir.
Müdriklər deyir, "Bayraq bir millətin şərəfidir. Nə olursa olsun, yerlərə sərilməz!" Amma, nədənsə başımız üzərində olması da Elçin Rzayev və onun komandasında qıcıq yaradır.

Yeri gəlmişkən, ötən gün "DogruXeber .az" informasiya agentliyinin tabeliyində fəaliyyət göstərən "Kanal14" YouTube kanalında canlı yayımlanan"Kamalın zamanı" proqramında İmişli şəhər bələdiyyəsinin sədri Mehman İsmayılovun etiraf səs yazısı təkrar olaraq izləyicilərə təqdim olundu. Hansı ki, Mehman İsmayılov Kamal Əsgərovla telefon danışığı zamanı da etiraf edir ki, "Əsmər Əkbərovanın sadəcə adı gedirdi, özü işə gəlmirdi və ona deyilmişdi ki, hər dəfə maaşı alanda gətirib təhvil versin, onsuzda o, sosial alırdı. Amma, Əsmər Əkbərova hər dəfə pulun üstündən götürürdü, bir dəfə də hamısını götürüb Bakıya getdi, dənizin qırağında şəkil çəkdirib, məna deyir həkimə getmişdim. Ona görə mən də işdən çıxardım. Axı o, pul onun deyildi, götürməli deyildi ".

ƏƏSMN yanında Dövlət Əmək Müfəttişliyi Xidmətinin redaksiyamızın sorğusuna verdiyi cavabda isə Əsmər Əkbərovanın güya işə gəlmədiyi üçün işdən çıxarıldığı bildirilir.

İmişli rayon prokurorluğu isə ümumiyyətlə səsini çıxarmır. Hazırda iş hansı mərhələdədir, yaxud ümumiyyətlə araşdırma aparılırmı bu barədə heç bir məlumat vermirlər.

Mövzu diqqətimizdədir və həllini tapana qədər təkrar qayıdacağıq.

Redaksiyamız hər kəsin söz haqqını tanıyır.

DogruXeber.az