Biz bu dəfə nə müharibədən, nə onun yaşatdığı dəhşətlərdən, nə qələbədən, nə də o, qələbəni bizə yaşadan oğulların şücaətindən danışacağıq. Bu barədə hamı yazır, hamı danışır. Hətta, qazilərin, şəhid ailələrinin, müharibə əlillərinin telefon zəngini açmayan deputatlar, onları günlərlə get-gələ salan və qəbul edib dərdini dinləməyən İcra başçıları, ümumiyyətlə övladını müharibədən gizlədən bütün məmurlar belə müəyyən tədbirlərdə danışır, sadaladığımız insanların nə yaşadığını bilməyən, təsəvvür belə etməyən insanlara özlərini alqışlatdırırlar.

Ona görə də biz bu dəfə məhz odun-alovun üzərinə tərəddüdsüz gedən və dadını təsvir etməyə kəlimələr yetməyən qələbəni bizə yaşadan igidlərin müharibədən sonra - bugünə qədər çəkdikləri və çəkməkdə davam etdikləri əziyyətlərdən bəhs edəcəyik. O, əziyyətlər ki, 10-larla dəliqanlı igidləri canına qıymağa vadar etdi, intiharına səbəb oldu.

Bəli, o, oğulların böyük əksəriyyəti işsizlikdən, ailəsinin, övladının yanında xəcalət hissi yaşamaqda qurtulmaq istədilər.
"DogruXeber.az" bildirir ki, 2023-cü ilin noyabr ayı qara xəbərlə özünü yetirdi. Ağsu rayonunun Ülgüc kəndində yaşayan Vətən müharibəsi qazisi, 1992-ci il təvəllüdlü Babayev Rabil Kamal oğlu ötən gün intihar etdi.

Onu tanıyanlar işsizlikdən əziyyət çəkdiyini, üç ildir bunun üçün müraciət etmədiyi dövlət qurumu qalmadığını, sonuncu dəfə eyni səbəblə yenidən icra hakimiyyətinin qəbulunda olduğunu və oradan çıxıb, evə gedib, həyətində özünü ağacdan asdığını deyiblər. Bəlli ki, aldığı sonuncu cavab da ümidverici olmadığı üçün o, bu addımı atıb.

Yox, təbii ki, biz bu addımı dəstəkləmirik, intihar çıxış yolu deyil. Amma, bu yolu seçməkdə ən böyük "köməkçi" yerli icra hakimiyyətləri və digər dövlət qurumlarıdır. İntihardan sonra ailəsinə susdurmaq üçün verilən ev, yaxud digər "bəxşişlər" onun sağlığında etdiyi haqlı tələbindən daha ağır olur, halbuki ki, öldükdən sonra verilən imtiyazlar onların sağ ikən haqq etdikləridir.
Allah rəhmət eləsin, xalqın şairi Cabir Novruz gözəl deyib:

"Bu gecikmiş xeyir-dua kimə gərək?
Bundan məzar böyüyəcək, ya ölənmi diriləcək?
Xoşum gəlmir bu köhnəlmiş adətlərdən, xoşum gəlmir…
Bu sərdaba sevgilərdən, hörmətlərdən xoşum gəlmir.
İstəmirəm vaxt-vədəsiz şöhrəti mən,
Bir an ömrü milyon qızıl ölüm gələ, dəyişmərəm…
Diri üçün iynə boyda hörməti mən
Ölü üçün min heykələ dəyişmərəm…
Düz deməsəm, onda məni bağışlayın,
Üz tutaram uşaqlara, qocalara, cavanlara,
Sağlığında qiymət verin insanlara."

Necə düşünürsünüz, sizcə Rabil Babayevin canına qıydıgına görə biz təkcə Ağsu rayon İcra Hakimiyyətinin başçısı Rövşən Bağırovumu qınamalıyıq?
O, Rövşən Bağırov ki, cəmi iki il əvvəl - 2021-ci ildə yerli saytlarda 15 il "ağalıq etdiyi" Lerik rayon İcra Hakimiyyətində yoxlamalar başladığında təşviş içində olduğu və hətta külli miqdarda yeyintiyə görə həbs olunma ehtimalının olduğu barəsində məlumatlar tirajlanırdı. Amma, maraqlıdır ki, onu o, posta əyləşdirən "sehirli əl" oradan oturduğu kürsü ilə birlikdə "evakuasiya" etdi Ağsu rayon İcra Hakimiyyətinə. Necə deyərlər, "bığda götürüb, saqqala qoydu". Tutduğu postdan yalnız özünə və himayədarına xidmət üçün istifadə edən və bununla da yerli sakinlərdə kifayət qədər narazılıq yaradan məmur cəzasızlığın ləzzətini daddıqdan sonra, əlbəttə ki, onu heç bir qüvvə əvvəldən öyrəşdiyi yolundan döndərə bilməzdi, heç döndərmədi də...

Rövşən Bağırovun Ağsu rayonuna gəldiyi heç iki ay deyildi ki, yerli sakinləri qəbul etmədiyinə görə narazılıqlar başladı. O, zamanlar sadiq işçiləri, "hələ adamları tanımır, təzə gəlib, zamanla qaydasına düşəcək ", - deyərək, "əlahəzrət" Bağırovun üzünü ağartmağa çalışırdılar.

Amma, bu yalanlar da bir yerə qədər, elə deyilmi???

Şəxsi maraqları gözlərinin önünə o, qədər 'qalın pərdə" çəkib ki, bir çox məmurlar və qurumlar bunun fərqində deyillər, əslində isə bu kimi hallar onlar üçün həyəcan siqnalı olmalıdır. Bilin ki, xalqın səbri tükənməz deyil.

"Xidmət etmək sayılır kişilikdən nişana,
Xalqına xidmət etmək bir şərəfdir insana."
(Nizami Gəncəvi)

Nə qədər ki, gec deyil, bu şərəfdən yaralanın, bu həm də sizin vəzifə borcunuzdur.

Redaksiyamız hər kəsin söz haqqını tanıyır.

DogruXeber.az

Dövlət Şəhərsalma və Arxitektura Komitəsi tabeliyində publik hüquqi şəxs statuslu Ərazi Tikinti-Planlaşdırma Mərkəzi tərəfindən keçirilən tenderin qalibi məlum olub.

Millitv.az yeniavaz.com-a istinadla xəbər verir ki, ümumi dəyəri 685 min 200 manat olan 3 tenderin qalibi “Bureau Mühit” MMC (VÖEN – 2006792941) olub.

Tender Kəlbəcər rayonunun Çıraq və Otaqlı, həmçinin Cəbrayıl rayonunun Böyük Mərcanlı yaşayış məntəqələrinin salınmasının şəhərsalma əsaslandırılmasının hazırlanması işləri ilə bağlıdır.
Qeyd edək ki, tenderin qalibi olan “Bureau Mühit” MMC-nin qanuni təmsilçisi Bayramov Toğrul Şahin oğlu eyni zamanda Dövlət Şəhərsalma və Arxitektura Komitəsi yanında İctimai Şuranın üzvüdür.
“Bureau Mühit” MMC 2021-ci ilin iyun ayınının 18-də dövlət qeydiyyatına alınıb. Dövlət qeydiyyatına alındıqdan cəmi 12 gün sonra Dövlət Şəhərsalma və Arxitektura Komitəsinin elan etdiyi “Qədim Qarabağın yenilənən siması” adlı memarlıq müsabiqəsinin qalibi olub.
Onu da bildirək ki, “Bureau Mühit” MMC daha əvvəl də Dövlət Şəhərsalma və Arxitektura Komitəsinin keçirdiyi 5 tenderin qalib olub və Komitədən 5 kəndin (Şəlvə, Zar, Xudafərin, Ərikli və Kürdhacı) şəhərsalma əsaslandırılmasının hazırlanması işləri üçün 1 milyon 260 min manat pul alıb.
Məlumat üçün bildirək ki, tenderlərin heç biri açıq müsabiqə vasitəsiylə keçirilməyib. Komitə müsabiqə keçirmədən, bir mənbədən satınalma üsulu ilə sifarişləri “Bureau Mühit” MMC-yə verib.
“Dövlət satınalmaları haqqında” Qanunun 21-ci maddəsində tenderlərin hansı halda bir mənbədən satınalma üsulu ilə keçiriləcəyindən bəhs olunur. Həmin maddənin tələblərindən belə görünür ki, yaşayış məntəqələrinin salınmasının şəhərsalma əsaslandırılmasının hazırlanması işlərini bir mənbədən satınalma üsulu ilə almaq başa düşülən deyil.

Azərbaycanda siqaret və alkoqollu içkilərin aksiz dərəcəsi artırılır.

Belə ki, aksiz dərəcəsi siqarillanın (nazik siqarlar) hər 1000 ədədi üçün 43 manatdan 45,5 manata, tütündən hazırlanan siqaretlər və onların əvəzedicilərinin hər 1000 ədədi üçün 38,5 min manatdan 45,5 manata, birdəfəlik istifadə üçün elektron siqaret, qəlyan və onların əvəzedicilərinin hər bir ədədi üçün 0,25 manatdan 2 manata qaldırılır. İçməli spirtin hər litri üçün vergi dərəcəsi isə 4 manatdan 4,8 manata yüksəldilir.

İqtisadçı ekspert Xalid Kərimli “Ölkə.Az”a açıqlamasında bildirdi ki, aksiz dərəcələrinin qaldırılması qiyməti artıran amildir:

“Lakin siqaret və siqarilla məhsullarında vergi min ədədə hesablandığından hər ədədə düşən artım da cüzi olur. Buna görə də, siqaret qiymətlərində ciddi artım gözlənilirmir.

Lakin elektron siqaretlərdə aksiz vergisi 25 qəpikdən 2 manata yüksəldilib ki, bu da sözügedən siqaretlərin qiymətinə əhəmiyyətli təsir göstərəcək. Ümumilikdə, qiymətlərdə 1,75-2 manat aralığında artım gözlənilir”.

Ekspertin sözlərinə görə, vergi artımı spirtli içkilərdə hər litr üçün qiymətlərin 0,5-1 manat aralığında artımına səbəb ola bilər.

“Vergilərdəki dəyişikliklər bazara ciddi təsir göstərməsə də, qiymətartırıcı faktorlardır”, - deyə X. Kərimli əlavə edib.

Ləğv edilmiş Milli Təhlükəsizlik Nazirliyinin İstintaq Baş İdarəsinin keçmiş rəisi Mövlam Şıxəliyev və digərlərinin kassasiya şikayətinə baxılması dalana dirənib.

Səbəb Mövlam Şıxəliyevin hələ də şərtini geri götürməməsidir.

Məlumat üçün deyək ki, keçmiş idarə rəisi prosesdə iştirakı üçün məhkəmədən cəzaçəkmə müəssisəsinə qaytarılmasını istəyir. Bu isə qanunsuzdur. Çünki məhkəmə müddəti boyunca müqəssirlər təcridxanada saxlanılmalıdır. Mövlam Şıxəliyev isə Kürdəxanı təcridxanasına getməkdən imtina edib.

Əldə etdiyimiz məlumata görə, zərərçəkənlərin israrına baxmyaraq, növbəti proseslə bağlı hələ vaxt müəyyən edilməyib. İddia olunur ki, bu Mövlam Şıxəliyevin şərti ilə bağlıdır. O, geri çəkilməyəcəyi təqdirdə prosesin necə keçiriləcəyi bəlli deyil.

Bəzi iddialara görə, Mövlam Şıxəliyev və digərləri Ali Məhkəmədə sadəcə işi yubatmağa çalışırlar. Bunun arxasında hansı məqsədin dayandığı məlum deyil.

Bildirilir ki, zərəçəkənlər məsələ ilə bağlı yuxarı instansiyalara müraciət etmək niyyətindədirlər. Onlar prosesin Mövlam Şıxəliyev və digərlərinin iştirakı olmadan keçirilməsini istəmirlər. Zərəçəkənlər ümid edir ki, keçmiş idarə rəisi prosesə məcburi gətirilə bilər. //Qaynarinfo//

Bakı Metropoliteni QSC-nin sədr müavini Hidayət Məmmədov dünənki açıqlamasında bildirdi ki, 2022-ci ildə bir sərnişinin daşınması 68 qəpiyə başa gəlib. Açıqlama sosial şəbəkələrdə kifayət qədəq müzakirə olundu. Müzakirələrdən məlum oldu ki, H.Məmmədovun dediklərinə və qeyd etdiyi rəqəmlərə heç kəs inanmır.

Millitv.az Tribunainfo.az-a istinadla xəbər verir ki, iqtisadçılar da sözügedən açıqlamanı müxtəlif formada izah edirlər. İqtisadçı ekspert Zöhrab İsmayıl bildirib ki, “Bakı Metropoliteni” Azərbaycanda ən qeyri-şəffaf dövlət qurumlarından biridir. QSC 2016-2020-ci illər üzrə maliyyə hesabatlarını yalnız ötən ilin sentyabrında açıqlayıb: “Son 2 ilin maliyyə hesabatı isə hələ ki, dərc olunmayıb. Açıqlanan hesabatlar isə nə dərəcədə etibarlıdır, söyləmək çəkindir. Çünki 2016-2020-ci illər üzrə hesabatların hamısına eyni bir fərdi auditor rəy verib. 125 milyon manat gəliri olan qurum niyə beynəlxalq audit keçməsin, başa düşmək çətindir”.

İqtisadçı Natiq Cəfərli isə bildirib ki, Metropoliten rəhbərliyinin açıqladığı 68 qəpiyin hansı formda hesablandığı maraq doğurur: “Necə hesablayıblar, hansı metoddan istifadə ediblər, niyə 68 qəpik olub, sərnişin 1 stansiya gedəndə də 68 qəpik olur, 10 stansiya gedəndə də?! Bütün bu suallara cavab yoxdur, sadəcə tavandan bir rəqəm söyləyib ictimai rəyi qiymət artımına hazırlayırlar”.

Noyabrın 2-də Azərbaycan Respublikasının Prezidenti İlham Əliyev Türk Dövlətləri Təşkilatının “Türk Əsri” çağırışı altında keçiriləcək 10-cu yubiley Zirvə görüşündə iştirak etmək üçün Qazaxıstan Respublikasına səfərə gedib.

Astana şəhərinin Nursultan Nazarbayev Beynəlxalq Aeroportunda dövlətimizin başçısının şərəfinə fəxri qarovul dəstəsi düzülmüşdü.

Prezident İlham Əliyevi Qazaxıstanın Baş naziri Alixan Smailov və digər rəsmi şəxslər qarşıladılar.

Kanalımıza müraciət edən Məmmədov Səbuhi bildirir ki, Cəllabad rayonu Mərkəzi Xəstəxanasının keçmiş baş həkimi İlham Əliyev karantin zamanı heç bir səbəb olmadan onu işdən azad edib.
O əlavə edir ki, şikayət edəcəyi tədqirdə isə sözügedən şəxs onu həbs etdirəcəyini və həbsxana da da öldürtəcəyi ilə hədələyib.
Vətəndaş 2022-ci ildə Massallıda Baş prokuror Kamran Əliyevin qəbulunda olub şikayətini bildirsə də, nəticəsinin olmadığını deyir.
Vətəndaş kanalımızın vasitəsi ilə ölkə başçısına müraciət edərək, bu işin araşdırılmasını xahiş edir.

Daha ətraflı aşağıdakı videoda:

Samux rayonu, Alabaşlı qəsəbə sakinləri tərəfindən Hurriyyet.az saytının redaksiyasına şikayət məktubu daxil olub. Şikayətçilər bildirirlər ki, Bələdiyyə tərəfindən parklar məhv edilir, satılır:
"Biz sakinlər yazaraq sizdən xahiş edirik ki, problemimizi işıqlandırasınız.

Artıq 2-ci dəfədir sizə müraciət edirik. Deməli, bizim sikayətimiz ondan ibarətdir ki, Alabaşlı qəsəbəsində Ulu Öndərimiz Heydər Əliyevin ruhuna hörmət əlaməti olaraq təşkil olunan ağacəkmə aksiyası zamanı biz sakinlər kəndin mərkəzində yerləşən 10 sot torpaqda çınar və yolka ağaçları əkmişik. Həmin sahənin yanında da voleybol meydançası var idi. Yaşlılar, cavanlar orada istirahət edir, dincəlirdik.

Lakin Bələdiyyə həmin 15 sot torpaq sahəsini zəbt edərək, 2 nəfərə satmışdır. Ərazidə bəzi ağacların 25 ilə yaxın yaşı var. Bu torpağı alan şəxslər, əlbəttə ki, bir gün həmin ağacları kəsəcək. Biz orada xırda abadlıq işləri aparıb, özümüz üçün park salmışdıq. İndi isə ərazini hasarlayıb, girişimizə qadağa qoyublar.
Bələdiyyə deyir ki, "yaxşı edib satmışam, torpaq mənimdir, mən bilərəm".
Sakitçiliyi, yaşıllığı məhv edirlər, İcra Hakimiyyəti də buna göz yumur".
Məsələ ilə bağlı Samux rayonu Alabaşlı Bələdiyyəsi ilə əlaqə saxlamağa çalışsaq da, zənglərimiz cavabsız qaldı.

Redaksiyadan: Qarşı tərəfin mövqeyini dərc etməyə hazırıq.

"Şikayətim "Azercell" barədədir". DİA.AZ bildirir ki, bu barədə "Müştərinin Səsi" sosial qrupundakı paylaşımında Fuad adlı istifadəçi giley edir.

Daha sonra narazı vəttəndaş etirazına nədən olan durum barədə açıqlama verir:

"Artıq 1 aya yaxındır internetdən normal istifadə eləmək mümkün deyil.

Hər dəfə çağrı mərkəzinə zəng edəndə qeydə alırlar amma əlaqə saxlayan ya da, problemi həll edən yoxdur..."

DİA.AZ xatırladır ki, "Azercell"lə az əvvəl daha bir problemli xəbəri təqdim emişdik. Məlumatda deyilirdi..

"Azercell"in bəzi xidmətlərində yenidən problemlər yaranacaq.

DİA.AZ xəbər verir ki, bu dəfə problemlər 2-3 noyabr tarixlərini əhatə edəcək.

"Azercell Telekom"un abonentləri bu kimi problemlərin mütəmadi və davamlı olaraq yaşandığını bildirirlər.

Şirkət isə yaranan problemlərin göstərilən xidmətlərin keyfiyyətinin daha da artırılması məqsədilə aparılacaq təkmilləşdirmə işləri ilə əlaqədar olduğunu iddia edir.

Qeyd edilir ki, çətinliklər 02.11.23-cü il tarixi saat 23:00-dan etibarən 03.11.2023-cü il tarixində gecə saatları ərzində davam edəcək.

Xatılrladaq ki, şirkət bundan əvvəl problemlərin ayın 1 və 2 tarixlərində olacağını bildirmişdi.

Məsələ ilə bağlı olaraq qarşı tərəfi də dinləməyə hazırıq...Dia.az

“Artıq elektron resept hazırdır, pilot şəklində bir neçə xəstəxanada və ambulator tipli məntəqələrdə tətbiqi başlayıb”.

Bunu səhiyyə naziri Teymur Musayev jurnalistlərə açıqlamasında deyib.

Nazirin sözlərinə görə, gələn ilin yanvar ayının 1-dən elektron resept bütün ölkə ərazisində tətbiq olunacaq:

“Bununla bağlı bu ilin dekabr ayında geniş tədbir keçiriləcək. Orada ictimaiyyətə istər tibb işçiləri, istər vətəndaş, istərsə də əczaçılar üçün faydası izah olunacaq”.