Əvvəllər orta məktəblərdə rüşvətə səbəb kimi ilk növbədə əməkhaqqının aşağı olmasını bəhanə edirdilər. Bu gün diaqnostik qiymətləndirmədən (DQ) keçmiş, sertifikasiyadan yüksək bal yığmış müəllimlərin əməkhaqqı ölkə üzrə götürülən orta maaş səviyyəsinə gəlib çatıbdır. Məsələ burasındadır ki, hazırda məktəb direktoru və direktor müavinlərinin əməkhaqqı məktəblərdəki şagird sayına uyğun olaraq dəyişir ki, bu da ümumilikdə 1000 manatdan yuxarıdır. Eyni zamanda, əməkhaqqının artırılması ilə yanaşı, peşəkarlığın artırılması üzərində işləmək, o cümlədən, direktor və direktor müavini imtahanlarının şəffaf keçirilməsinə çalışmaq əsas şərtlərdən biridir. Rüşvəti yaradan səbəblərdən biri də yaranmış sistemsizlikdir. Ümumtəhsil məktəblərində konkret olaraq hansısa bir məsələ ilə bağlı nazirlik tərəfindən işlənmiş sistem yoxdur. Tərəflər var – təhsilalan, təhsilverən, təhsilalanların valideynləri və s…
Ancaq konkret olaraq bu proses sistem halında deyil. Ona görə də neqativ halların olması üçün şərait yaranır. Həmin şəraitdən də rüşvətə meyilli olan müəssisə rəhbərləri istifadə edirlər. İstifadəyə meyilli rəhbərlərdən biri də 252 nömrəli məktəb-liseyin direktoru Eldəniz Əkbərovdur. Əmək fəaliyyətinə 2001-ci ildə 149 №-li tam orta məktəbdə Azərbaycan dili və ədəbiyyat müəllimi kimi başlamış Eldəniz müəllim 2005-ci ildən həmin məktəbin təlim-tərbiyə işləri üzrə direktor müavini, 2016-cı ildə 136№-li tam orta məktəbə direktor vəzifəsinə yüksəlmiş, 2021-ci ildən isə Bakı şəhəri 252 nömrəli məktəb-liseyin direktoru vəzifəsində çalışır.
Bu şəxs işlədiyi məktəblərdə həmyerlilərini, əslən Lerik rayonundan olanları yanına yığaraq son zamanlar özünə əməlli-başlı sərvət toplamağa müvəffəq olubdu. Bu isə təhsil müəssisəsinin kollektivinin haqlı narazılığına səbəb olubdu. Lakin direktor pedoqoji heyətin narazılığına əhəmiyyət vermədən öz bildiyini etməkdə israrlıdır. Onun bir vaxtlar Bakı Şəhəri üzrə Təhsil İdarəsinin müdiri olmuş və indi də Şəmkir RİH başçısı olsa da təhsil sahəsində sözü keçən Rəşad Tağıyevin himayəsinə arxalandığını iddia edən məlumatlı şəxsin sözlərinə görə, məhz elə bu səbəbdən də Eldəniz Əkbərov əmindir ki, onun barəsində müvafiq qurumlara ünvanlanan şikayətlərə əhəmiyyət verilməyəcək. Deyilənlərə görə, bu il də müəllimlər günü münasibətilə 252 nömrəli məktəb-liseydə yenidən yığım həyata keçirilibdi. Bildirilir ki, baş tutan “yığım əməliyyatı” məhz direktorun tapşırığına əsasən reallaşdırılıbdı. Təbii ki, bu da şagirdlərin və onların valideynlərinin ciddi narazılığına səbəb olubdu. Deyilənlərə görə, onlar məsələ ilə bağlı Bakı Şəhəri üzrə Təhsil İdarəsinə şikayət etsələr də, himayədarı onun əməllərini ört-basdır etməyə, Eldəniz Əkbərovu mümkün təhlükələrdən sığortalamağa müvəffəq olubdu.

Yeri gəlmişkən, məsələ ilə əlaqədar aktualxeber.az-a daxil oan informasiyalarda o da deyilir ki, E.Əkbərov hansısa maraqlarına görə, valideynləri məhz axşam saat 18:00-dan sonra qəbul edir. Bu qəbulun nə ilə bağlı olduğuna gəlincə isə deyilənlərə görə, bu tip görüş valideynlərə elə-belə başa gəlmir. Onu da nəzərinizə çatdıraq ki, yeni dərs ilinin başlaması ərəfəsində bir sıra orta məktəblərdə ciddi problemlər yaşanmışdı. Məktəbə qəbulla bağlı direktorlar əsasən birinci siniflərə yerləşdirmədə əməlli-başlı əziyyət çəkmişdilər. Amma deyilənə görə, Eldəniz Əkbərov heç bir əziyyətlə üzləşməyibdi. Çünki onun direktor olaraq öz prinsipləri var və şagirdi məktəbə necə qəbul etmək kimi məqamlarda bu “prinsiplər” ortaya atılır. Bu zaman nə valideyn narazı qalır, nə də direktor… Əslində isə, valideynin “əziyyəti” və “təşəkkürləri” olur. Çünki direktora bir neçə dəfə “təşəkkür etmək” məcburiyyətində qalırlar. Deyilənlərə görə, o, məhz həmin “təşəkkürlər” hesabına ən son model iki bahalı avtomobil və 2 mənzil əldə edibdi.
Bir maraqlı məqama da diqqət edək ki, özünü oliqarxlara bənzədən Eldəniz Əkbərovun 3 katibəsi var. Direktorun Səbinə Yusifova adlı katibəsinin adı işdə xadimə getsə də onun əlinə süpürgə aldığını görən olmayıb. E.Əkbərovun 136 saylı orta məktəbdən özü ilə gətirdiyi Bəhruz adlı gözətçini özünə “cangüdən” kimi işlədir. Kimsə narazılıq edəndə Bəhruz həmin adamı işdən çıxarmaqla hədələyir. Son zamanlar isə rüşvəti direktorun təsərrüfat işləri üzrə müavini (təsərrüfat müdiri) Hüseyn Həsənovun əliylə alır. Liseydəki rüşvətxorluğa görə digər məktəblərə yerdəyişmə edən şagirdlərə görə məktəbdə şagird sayı azalıbdı və 5 günlük dərs sisteminə keçilibdi. Ümidvarıq ki, tezliklə Elm və Təhsil Nazirliyi tərəfindən həmin məktəbdə ciddi yoxlamalar aparılacaq və qanunsuzluq edən günahkarlar da cəzalandırılacaqlar.
Qarşı tərəfi də dinləməyə hazırıq. //aktualxeber.az//

Üç il əvvəl, pandemiyanın tüğyan etdiyi dövrdə Sumqayıt şəhərinin 42-ci məhəlləsində fəaliyyət göstərən kənd təsərrüfatı məhsullarının satışı yarmarkası 53-cü məhəllədə yeni inşa olunan kənd təsərrüfatı məhsullarının satışı mərkəzinə köçürüldü. Buna səbəb kimi yarmarkanın əvvəlki yerində satıcıların gigiyena qaydalarına əməl etməməsi və avtomobillərin süni tıxac yaratması göstərildi..

Yenixeber.org: Bildirilirdi ki, iki hektar ərazidə yaradılan satış mərkəzində ətraf rayonlardan olan 700 sahibkar həftənin şənbə-bazar günləri öz kənd təsərrüfatı məhsullarını satışa çıxara biləcək.

Köçürülmənin ilk günlərindən başlayaraq şəhər sakinləri sosial şəbəkələrdə məsələyə öz münasibətlərini bildirməyə başlamışdılar.

Huseyn Narimanov: “Orda yarmarka olmaz”; Yusuf Abidli: “Yarmarkanın da şələsi belində gəzir də”; Elshen Quliyev: “Siz bura yarmarka deyirsiz. Heç də qiymətləri bazar qiymətlərindən aşağı deyil”; Gülara Fazılova: “Bunlar da bu yarmarkanı təzə gəlin kimi gəzdirirlər. Daha haralara köcməyib”; Etibar Rzayev: “Heç bilmirlər nə edirlər. Pul dəli edib məmurları. 50 yer dəyişib. Adı yarmarka, əslində bazar”; Aliye Aliyeva: “Yarmarkada kəndlini görmürük, hamısı alverçidi, çəkidə də aldadırlar, keyfiyyətdə də”: Etibar Rzayev: “Sumqayıtda yarmarka yoxdu. Bunlar hamısı bazardı. Pulunu ver, yer al. Hamısı alverçidi”: Azad Qahramanov: «bəli, eyni adamlardı, sezondan asılı olaraq bu gün balıq satır, sabah göbələk, o biri gün mandarin”; Prosta Rafıq: “Yazıq kəndin adı var. Kəndli yer tapır kı, orada?”

Bəzi müştərilər isə yaxşı olacağına ümid edərək yarmarkanın yeni ünvanını bir-birlərinə başa salırdılar: Rauf Hilaloğlu: “Sumqayıt, Saray körpüsünün aşağısında, Qalib Denyarov: “Daş bazarı tərəf”.

İstehlakçılar necə təxmin etmişdilər, elə də oldu. Maşın sıxlığı əvvəlki kimi tıxac yaratmasa da, bazar ərazisinə daxil olan avtomobillərdən 1 manat pul yığmağa başladılar.

Əslində möhürü olmayan bu qəbzlərin heç bir hüquqi əsası yoxdur

Antisanitariya, gigiyena qaydalarına əməl edilməsində də heç bir irəıliləyiş olmadı. Axı, deyildiyi kimi, satıcıların əksəriyyəti eyni adamlardı, alverçilərdi. Üstəgəl, yaxınlıqdakı daş bazarının, baş daşı sexlərinin, çınqılın tozu-dumanı da açıq şəraitdə satılan mal və qoyun əti, quş əti və balıq, süd məhsullarının (yağ, süd, qatıq, şor, pendir və s.) üstünə qonmağa başladı.

Dəryaz qəzetinin redaksiyamıza daxil olan məlumata görə, yarmarkada 1000-ə yaxın piştaxta var. Rəhbər şəxs əslən cəbrayıldan olan Yasin adlı universitet müəllimidir. İdarəetmə işləri ilə əsasən köməkçisi Əlisəfa adlı şəxs və Yasinin iki oğlu məşğul olur. Standarta görə masada 2 kvadrat/metr tutmalı olan piştaxta əslində 1,5 kvadrat/metrlik sektorlara bölünərək ticarətçilərə günü 16 manatdan icarəyə verilir. Yığılan pulların tam olaraq vergiyə cəlb olunmasında şəffaflıq yoxdur. Piştaxtaları həmişəki alverçilər bron eləyiblər, birində özləri işləyir, digərlərini isə məhsullarını satmaq üçün kənddən gələnlərə iki dəfə artıq qiymətə (32 manata) icarəyə verirlər ki, bu da qiymətin süni artımına səbəb olur.
Yasəf bəri başdan hər bir piştaxta üçün 500 manat pul alıb alverçilərə verir.
Bütün bu və digər məsələlərə münasibətini öyrənmək üçün oktyabrın 24-də Yasin müəllimə zəng vurduq. Yasin müəllim yarmarkada qeyd etdiyimiz neqativ halların olduğunu təkzib etdi. Bununla bərabər, qeyd etdi ki, yarmarkanın gəlirləri onun yerini təşkil edən Sumqayıt Şəhər İcra Hakimiyyətinə gedir, Sumqayıt Mənzil Kommunal Təsərrüfatı Birliyinin yarmarkada xidmət edən süpürgəçilərinə məvacib ödənilir və s. Həmçinin yarmarkadakı vəziyyəti birgə müşahidə etmək üçün bizi həftənin şənbə günü üçün (28 oktyabr) yarmarkaya dəvət etdi. Adını çəkdiyimiz kənd əsilli narazı ticarətçiləri də tanımadığını dedi.

Şənbə günü yarmarkaya getdik. Düzü, elə fikirləşirdik ki, rəhbərlik heç olmasa, monitorinq xatirinə bəzi nöqsanları aradan qaldırmaq üçün işçilərinə göstəriş verər. Amma yox, yenə həmin xoşagəlməz, hətta məlumatda təsvir olunandan da əcaib vəziyyətin şahidi olduq. Hərçənd, Yasin müəllimi yerində tapmadıq, xəstə olduğunu deyib görüşdən yayındı.

Satıcılarla söhbətimiz əsnasında onlar da, yazdıqlarınızı təsdiqlədilər. Onu da əlavə etdilər ki, hətda ötən həftələrdə radio ilə elan verməyə görə 5 manat əlavə pul aldılar.

Yasin müəllimin «yığılan pullar İcra Hakimiyyətinə çatır» fikrinə aydınlıq gətirmək üçün Sumyıt şəhər icra hakimiyyətinin mətbuat xidmətinin şöbə müdiri Eyvaz müəllimlə əlaqə saxladıq. O, bildirdi ki, «yarmarkadan yığılan pulların onlara heç bir aidiyyatı yoxdur». Biz də redaksiya olaraq, Qida Təhlükəsizliyi Agentinə, İqtisadiyyat Nazirliyi Yanında Vergilər Xidməti idarəsinə və digər qurumlara ünvanladığımız suallara cavab aldıqdan sonra mövzuya yenidən qayıdacağıq.(Deryaz.az)

Belə çıxır ki, cavabdeh Sumqayıt şəhər rəhbərliyidir.

Paytaxtın Nizami rayonu Keşlə qəsəbəsində yerləşən 201 saylı orta məktəbin tarix müəllimi Əsgərova Cəmalə Mehman qızı çalışdığı təhsil müəssisəsində təzyiq və təqibə məruz qaldığını iddia edir.

DİA.AZ-ın xəbərinə görə, hadisə ilə bağlı Bizimyol.info xəbər portalına müraciət ünvanlayan müəllim deyir ki, məktəbin yeni direktoru ona əssasız yerə töhmət verib:

"2005-ci ildən sözügedən məktəbdə çalışıram. 2022-ci ilin yanvarından Afaq Əliyeva məktəbə yeni direktor təyin edilib. Direktor 14 sentyabr 2023-cü ildə əssasız olaraq mənə töhmət verib. Nəzərinizə çatdırım ki, işlədiyim illər ərzində nə xəbərdarlıq, nə də töhmət verilib. Həmçinin müəllim kollektivi və valideynlərlə də heç bir konfliktim olmayıb. Sadəcə, direktorun verdiyi göstərişləri (mənə aidiyyəti olmayan - yalandan izahat vermə və kiminsə üzünə durma) yerinə yetirmədiyim üçün şəxsim üçün qaralama kampaniyasına başlayıb.

Nizami Rayon Baş Prokurorluğunda 201 nömrəli məktəbdə gedən maliyyə pozuntuları ilə əlaqədar izahat verdiyim üçün məktəbin direktoru Afaq Əliyeva mənə təzyiqlər göstərir.

14.09.2023-cü il tarixində Pedaqoji Şuranın iclasında dərsə gəlməyən - Allahverdiyeva A. adlı şagirdi qiymətləndirməməkdə günahlandırılaraq sinif rəhbəri olaraq mənə intizam tənbehi (töhmət) verilib. Halbuki mən sinif rəhbəri kimi fənn müəllimlərinin yazdıqları qiyməti cədvələ köçürüb Nəriman Vəliyevə hesabat vermişəm. Şagirdin sinifdə qalma səbəbi dərsə gəlməməsi olub.

Mənə qərəzli yanaşaraq varislik hüququmu pozaraq 7-ç sinfini (2saat) məndən götürüb rus bölməsinin müəllimi Məmməd-Zadə Tairəyə verilib. Təhsil haqqında qanuna əsasən, rus bölməsinin müəllimi Azərbaycan bölməsinə dərs keçə bilməz (Diaqnostik qiymətləndirmədə rus dilində imtahan verib). Mən 16 saat dərs yükü ilə təmin olunmuşam. Mənim 2 saat dərs yükümü götürərək müəllimə verməklərində məqsədlərinin müəllimi dərs yükü ilə təmin etmək olduğunu bildirdilər. Dərs saatları 18 saatdan artıq olan müəllimlərin dərslərini götürüb müəllimi dərslə təmin etməkdənsə, mənə qərəzli yanaşaraq 2 saat dərs yükümü məndən alıblar. Qanuna əsasən, əgər məktəbdə eyni ixtisaslı müəllimlərə orta hesabla minimum 18 dərs saatı çatmırsa, o zaman dərs saatları onlar arasında bərabər bölünməlidir".

Cəmalə Əsgərova həmçinin 16 saat olan dərs saatımı beş iş gününə pərakəndə şəkildə paylaşdırılmasından da narazılığını ifadə edib: "Dərs cədvəlim qurularkən ailə vəziyyətim nəzərə alınmalıdır. Afaq Əliyeva isə iki azyaşlı uşağımın (2 və 5 yaşlı) olmağını nəzərə almayıb. Bir müəllim kimi normal və təhlükəsiz iş şəraiti ilə təmin olunmaq mənim hüququmdur. Afaq Əliyeva direktor təyin olunduqdan sonra qeyri-sağlam bir mühitdə çalışıram. Məktəbin direktoru Afaq Əliyevanın əsassız olaraq mənim barəmdə intizam tənbehi haqqında əmr verməsi məni cəzalandırmaq istəyindən irəli gəlir. Bu qərəzdən başqa bir şey deyil. Afaq Əliyeva tərəfindən mənim əmək hüququm kobudcasına pozulub".

Şikayətçi müəllim həmçinin xatırladıb ki, o, fəaliyyəti boyu nümunəvi təhsil işçisi olub: "Məktəbin adını daima uca tutmuşam. 2014-cü ildə BDU-da müdafiə tarix elmi üzrə fəlsəfə doktoru alimlik dərəcəsi almışam. 2015-ci ildə “ilin müəllimi” adını almışam və Prezidentimiz tərəfindən birdəfəlik pul mükafatına layiq görülmüşəm. Respublikamızda və xaricdə konfranslarda iştirak edib məqalələr dərc etdirmişəm".

Sözügedən şikayətlə əlaqədar Bakı Şəhəri üzrə Təhsil İdarəsinə ünvanladığımız müraciətlə bağlı araşdırma aparıldığı bildirilib. Qeyd edilib ki, araşdırma zamanı məktəbin direktoru tərəfindən müəllimə qarşı qeyri-pedaqoji rəftara yol verilməsinə dair hallar müəyyən edilməyib: "Bildiririk ki, ötən tədris ilində təkrar sinifdə saxlanılmış şagirdin valideyni avqust ayında məktəb rəhbərliyinə müraciət edərək övladının qərəzli şəkildə təkrar sinifdə saxlanıldığını bildirib və həmin məsələyə baxılmasını xahiş edib. Qeyd olunan məsələ ilə bağlı digər ümumi təhsil müəssisələrinin müəllimlərindən ibarət müvafiq komissiya yaradılıb və şagird yenidən imtahana cəlb olunub. İmtahanın nəticələrinə əsasən, komissiya şagirdin növbəti sinfə keçirilməsi barədə rəy verib. Cəmalə Əsgərova həmin sinifdə tədris aparmaqdan, habelə müvafiq sinfə rəhbərlik etməkdən özü imtina edib".

“Bütün evim məhv oldu. 2 uşaqla yağışın, suyun içində qalmışıq, uşaqlar tez-tez xəstələnirlər”.

Bu sözləri İkinci Qarabağ Müharibəsində həlak olmuş Elmir Vəliyevin həyat yoldaşı Sənarə Vəliyeva deyir. Füzulinin Kərimbəyli kəndində yaşayan Vəliyeva Abzas Media-ya bildirib ki, iyunun 18-də güclü külək nəticəsində evlərinin damı uçub, amma 4 aydır yerli qurumlar problemin həlli üçün heç nə etməyib.

“Qasırğalı güclü külək idi, evin üstünü apardı. İcra nümayəndəliyinə getdim, Fövqəladə Hallar Nazirliyinə məktub yazdım. Cavab gəldi ki, evin damını külək dağıdacaq şəkildə təbii fəlakət olmayıb, amma dedilər, kömək ediləcək. Ondan sonra dəfələrlə yenə danışdıq, soruşduq, gələn olmadı. Keçən həftə də getdim İcra Hakimiyyətinə, amma hələ heç bir nəticə yoxdur. İndi oktyabrdır, qış gəlir, evin halı çox pisdir”, – deyə o, bildirib.
2 azyaşlı uşaqla üstüaçıq evdə qalan Sənarə Vəliyeva deyir ki, havalar soyuduqca uşaqları xəstələnir.

“Oğlum 12 yaşındadır, qızım 10 yaşında. İkisi də xəstədir. Evin üstü dağılandan sonra tez-tez xəstələnirlər. Buz kimi betonun üstündə dərs oxuyurlar. Yağış yağanda su evin içinə damır. Evdə nəmişlik var”.

Füzuli Rayon İcra Hakimiyyətinin vətən müharibəsi iştirakçıları və şəhid ailələri ilə işin təşkili şöbəsinin müdiri Hafiz Misirli Abzas Media-ya bildirib ki, məsələ ilə bağlı aidiyyatı qurumlara müraciət edilib.

“Evlə bağlı bütün sənədləşmə işi görülüb, Fövqəladə Hallar Nazirliyinə və Nazirlər Kabinetinə göndərilib. Oradan da rəy verilib ki, düzələcək. Yəni, bizə məlumat verilib ki, məsələ müsbət həllini tapacaq”, - deyə o bildirib.

Amma bu, nə vaxt baş verəcək, icra hakimiyyətinin nümayəndəsi məlumatsız olduğunu deyib.

Fövqəladə Hallar Nazirliyindən Sənarə Vəliyevaya göndərilən cavabda qeyd olunub ki, 18 iyunda olan hava təbii fəlakət törədəcək həddə olmayıb:

“Milli Hidrometeroloji Xidmətinin “Füzuli rayonu ərazisi üçün hava şəraiti haqqında” 18 iyuna olan hava haqqında arayışına əsasən, 18 iyunda Füzulidə müşahidə olunmuş küləyin sürəti və dolunun diametri təbii fəlakət törədəcək təhlükəli hədd göstəricisindən aşağı olub. Bu səbəbdən faktla bağlı tədbir görmək səlahiyyətimizdə deyil”.

Elmir Vəliyev Azərbaycan Ordusunun kiçik çavuşu olub. 2020-ci il sentyabrın 27-də başlanan İkinci Qarabağ Müharibəsində iştirak edib. O, oktyabrın 27-də Füzuli uğrunda döyüşlər zamanı həyatını itirib. Elmir Vəliyev ölümündən sonra “Vətən uğurunda”, “Cəsur döyüşçü”, “Füzulinin azad olunmasına görə”, “Xocavəndin azad olunmasına görə” medalları ilə təltif edilib.

"28 il məktəbdə qüsursuz, vicdanla işlə, nadanın biri gəlsin bir ayın içərisində desin mən heç bilmirəm bu məktəbde sənə nə iş verim.. və 1ayın içində saxta sənədlər tərtib eləsin, 70" ç" maddəsilə işindən çıxarsın ki, əmək funksiyasını mən istəyən kimi yerinə yetirmir...." DİA.AZ bildirir ki, bunu Gəncə 8 saylı ortta məktəbindən giley edən Vəfa Bağırova bildirir.

Qeyd edək ki, V.Bağırovanın gileyini necə yazıbsa, dia.az olaraq elə də təqdim edirik, nöqtəsinə və hərif səhvlərinə müdaxilə etmədən... (sonradan problem yaşamayaq deyə... bu kimi olaylarda şikayətçi sonradan "fikrim təhrif olunub" iddiasını adətən daha çox səsləndirir -red.) Odur ki, müəllimə necə yazıb... elə də şikayətini təqdim edirik: "Burdan üzumu tuturam Gəncə Daşkəsən Regional Təhsil İdarəsi rehbəri Anar Qədiməliyev Cənablarina ve deyrəm mən öhdemə duşən işın daha artigini , daha yaxşisini, daha gözəlini yerinə yetirmişəm,28 il qüsursuz və vicdanla çalişmisam ..Nədənsə qohumluq əlaqeleri işlederək saxta diplomlar mudafiə olunur ama..Bu bir faktdir ki,onlar evində oturub maaş alanda mən səhərə qəder yatmayib tapşirilan işi layiqincə yerinə yetirmişəm ki, səhər tədbirdə məktəbimiz tərifə layiq görulsun.Həmin o qebul eləmediyiniz Bagirova Vəfayam ki, istər səhər tədbirlərində, ,istər məktəb daxilı kicik tedbirlərdən tutmuş, möhtəşəm her yana səs salan tedbirlərin hər birində əlimin əməyi ,əziyyəti vardir və bu danilmazdir...və butün bunlar Gəncə səhər 8 nömrəli orta məktəbin isterse de Gəncə -Daşkəsən Regional Təhsil İdarəsinin,səhər İcra Hakimiyyətinin rəsmi facebok səhfəsində dəfələrlə yer almişdir...Çox tessüflər ediremki, bu gunkü gundə haqsiz yere huquqlarimin pozulmasina yol verildi və Aynur Həsənovanin hökmü və hikkəsinə dur demək əvəzinə hər kəs susdu..İndi Sızlərdən soruşuram bu idimu sonda 28 illlk vicdanla calişmagin aqibəti?Beləmi olmaliydi əziyyətə ,zəhmətə verilən mükafat? Sonda Əmək Kitabçasina işinin öhdəsindən layiqincə gəlmir deyib, 70 "ç" maddəsilə qanunsuz yerə işdən cixarilma möhürumü olmaliydi???"

Qeyd edək ki, V.Bağırova problemi ilə bağlı video daa paylaşıb:

Məsələ ilə bağlı dia.az olaraq bütün əlaqədar qurum və şəxsləri də dinləməyə hazırıq...

Müxtəlif sosial şəbəkə profillərində bəzi şəxslərin Azərbaycan Mətbuat Şurasına məxsus olduğu iddia edilən, üzərində “PRESS” yazılmış və Şurasının loqosunun əksini tapdığı gödəkçələrdə media prinsiplərinə zidd fəaliyyət gerçəkləşdirdiyinə dair fikirlər və görüntülər paylaşılıb.

Mətbuat Şurasından verilən məlumata görə, Şura həmin gödəkçələrin verilməsini dayandırıb.

Qeyd edək ki, gödəkçələr fərdi şəxslərə deyil, möhürlü və imzalı müraciət əsasında redaksiyalara verilirdi. Lakin Şura belə sadə prosedurun media fəaliyyəti həyata keçirdiyini bildirən təsadüfi şəxslərin də gödəkçələri əldə edə bilməsinə yol açdığını müəyyənləşdirdi. Buna görə gödəkçələrin verilməsi dayandırıldı.

Mətbuat Şurası həmçinin “PRESS” gödəkçələrin bənzərlərinin ayrı-ayrı şəxslər tərəfindən fərdi qaydada hazırlandığını da müəyyənləşdirib. Hazırda yayılmış görüntülərdə bu tip şəxslər əks olunub. Şura bildirir ki, gödəkçələr jurnalistlərin kütləvi aksiyalarda, ümumən ekstremal durumlarda peşə borclarını sərbəst yerinə yetirmələri, fərqlənmələri üçündür və heç bir halda media fəaliyyətindən kənar məqsədlər naminə istifadə edilə bilməz. Jurnalist adından sui-istifadə, təmənnalı münasibət və digər xoşagəlməz hallar “Azərbaycan Jurnalistlərinin Etik Davranış Qaydaları”na zidd olmaqla yanaşı, hüquqi məsuliyyət də yaradır. Mətbuat Şurası hər kəsi bunu nəzərə almağa çağırır.

“PRESS” gödəkçələrin yeni variantı və redaksiyalara verilməsi qaydaları hazırlanır. Yaxın vaxtlarda bununla bağlı şərtlərin açıqlanması planlaşdırılır.

Azərbaycan ənənəvi olaraq aqrar ölkədir. Azərbaycan uzun illər o boyda SSRİ-ni meyvə-tərəvəzlə, kənd təsərrüfatı məhsulları ilə təmin edib.

Bunun üçün isə ən vacib olan vasitə SU-dur.

Cənab Perzident İlham Əliyev öz çıxışında qeyd edir: “Təhlil aparılarkən biz bir şeyə də rast gəldik – suyun ədalətsiz bölüşdürülməsi halları geniş vüsət almışdır. Burada həm mərkəzi icra orqanları, yerli icra orqanları, bəzi sahibkarlar elə bil ki, sövdələşərək, sudan vicdansızcasına istifadə edirdilər. Belə olan halda, bəzi fermerlərə, bəzi kəndlərə su çatmırdı. Su xətlərinin üzərində çoxsaylı qanunsuz birləşmələr quraşdırılmışdır. Təhlil aparılarkən biz buna da rast gəldik. Belə çıxdı ki, heç kim buna məsuliyyət daşımır, heç kim buna cavabdehlik daşımır. Buna son qoyulmalıdır”.

Fikir verdinizmi, ÇOXSAYLI QANUNSUZ BİRLƏŞMƏLƏR QURAŞDILIMIŞDIR...

Əslində bu milyonlarla dövlət vəsaitini mənimsəmək deməkdir.

Söhbət “Azərbaycan Meliorasiya və Su Təsərrüfatı” ASC-nin və onun tabeçiliyində “Tikilməkdə Olan Meliorasiya və İrriqasiya Obyektlərinin Birləşmiş Müdiriyyəti” deyilən qurumlardan gedir.

Təsəvvür edirsiniz, dəfələrlə redaksiyamıza müraciət edən fermerlər, saakinlər deyir ki, biz meyvə sahələrini, qoyun-quzu sürüsünü suvarmaq üçün hər dəfə pul verib maşınla su alırıq. İndi özünüz düşünün əgər fermer suyu maşınla alırsa, görün məhsulun qiyməti necə göyə qalxacaq...

Ancaq cənab Prezident dövlət büdcəsindən milyonlarla vəsait ayırır, artezian quyuları qazılır, su kanalları çəkilir...amma ASC-nin rəhbrərliyi bu suyu satmaqla milyonçuya çevrilir...

“Azərbaycan Meliorasiya və Su Təsərrüfatı” ASC-nin tabeçiliyindəki ən böyük qurumlardan biri də “Tikilməkdə Olan Meliorasiya və İrriqasiya Obyektlərinin Birləşmiş Müdiriyyəti”dir.

Bu qurumun direktoru cənab Ramiz Vəkilovdur.

Qısa məlumat üçün qeyd edək ki, qurum 1948-ci ildə yaradılmışdır.

Bu qurum bütün Azərbaycan Respublikası üzrə iri həcmli meliorasiya və su təsərrüfatı obyektlərinin (kanal, nasos stansiyaları, su anbarları, kollektor-drenaj şəbəkələri, bəndlər və s.) layihələndirilməsi və həyata keçirilməsi işlərində Sifarişçi funksiyasını yerinə yetirir. Müdiriyyət, hüquqi şəxs kimi su təsərrüfatı obyektlərinin əsaslı tikintisinə dövlət büdcəsindən ayrılan maliyyə vəsaitlərini idarə edir.

Fikir verdinizmi, cənab Ramiz Vəkilov dövlətin ayırdığı yüz milyonlarla vəsaiti İDARƏ EDİR...

Necə idarə edir..? Bax, bu maraqlıdır...

Deməli, Ramiz Vəkilov meliorasiya sahəsi üçün tikinti xidmətləri və avadanlıqların alınması üzrə tenderlər keçirir və müqavilələr bağlayır.

Ramiz Vəkilov milyonluq tenderləri özünə yaxın şəxslərə qanunsuz olaraq verir və “otkat” yolu ilə milyonlarla dövlət vəsaitini mənimsəyir.

Guya tenderlər açıq, şəffaf keçirilir, amma əslində tenderlər tam qanunsuz əsasda keçirilir.
Təkcə bi fakta nəzər salaq:

Ramiz Vəkilovun qurumu Balakəndə çayın kənarında 5000 metr uzunluğunda və 8 metr hündüryündə istinad divarı tikir.
Bu bilirsiniz hansı məbləğdə korrupsiya deməkdir..?

Sözün qısası, Ramiz Vəkilovun obyektlərinin və əmlakının dəyəri on milyonlarla ölçülür.

Ramiz Vəkilov uzun illərdir ki, direktor vəzifəsini daşıyır. Bu illər ərzində büdcədən ayrılan milyonlarla manat vəsaitin böyük hissəsi çay yataqlarının lildən təmizlənməsi, təsərrüfatlararası paylayıcı kanalların tikintisi, istismarı işlərinin aparılması adı altında mənimsənilib. Yəni artıq Ramiz Vəkilovun GÖZÜ AYAĞININ ALTINI GÖRMÜR...

Bəli, Ramiz Vəkilov hər dəfə ona məxsus 90-AA- 385 nömrəli avtomobillə ölkəmizdəki mövcud yol idarəetmə qaydalarını kobud şəkildə pozaraq qanunlara meydan oxuyur.

Görünür, Ramiz Vəkilovun əməlli-başlı İSLAH olunmağa ehtiyacı var. Harada..?

Bunu zaman göstərəcək... //gundelik-baku.com//

Səfərbərlik və hərbi xidmətə çağırış üzrə Dövlət Xidmətinin Binəqədi rayon idarəsinin rəisi Həsənov Nicat Zəfər oğlu barəsində qısa məlumat verək. Nicat Həsənov 01.01.1981-ci il tarixdə anadan olub. Bizim üçün əhəmiyyətli olmasa da, harada anadan olduğu tərcümeyi-halında qeyd olunmayıb. Nicat Həsənov öz tərcümeyi-halında qeyd edir ki...ali, hüquqşünas təhsili var. Amma...
Bu adamdan soruşan lazımdır ki, harada, neçənci ildə ali-hüquqşünas təhsili almısan..? Nicat Həsənov 22.12.2019-ci il tarxdən Səfərbərlik və Hərbi Xidmətə Çağırış Üzrə Dövlət Xidmətinin Binəqədi rayon idarəsinin rəisidir.
Az qala hamıya məlumdur ki, Ermənistan- Azərbaycan müharibəsindən ən çox şəxsi maraqları üçün istifadə edən qurumlardan biri, hətta birincisi, Səfərbərlik və Hərbi Xidmətə Çağırış Üzrə Dövlət Xidməti və onun rayon idarələridir.
Təsəvvür edirsiniz, müharibə, qan-qada, ölüm-itim və...bundan istifadə edib milyonçu olanlar. Bəli, bu qurumun minlərlə, bəlkə də on minlərə hərbi çağırışçıya “neqodnu” sənədi verməsinin arxasında 10 milyonlar dayanır.
Məlumdur ki, bu sənədin verilməsinin orta qiyməti 8-10 min manat arasında olub. Heç kimə sirr deyil ki, müharibə, ölüm-itim qorxusu çoxlarını öz övladlarını müharibədən, hərbi xidmətdən yayındırmağa sövq edirdi. Bunun yeganə yolu isə “voyenkomat”lar, hərbi komissarlar idi. Yəni hərbi xidmətə yararsız adı altında sağlam gənclərə “neqodnu” vəsiqəsi verilirdi.
Hətta bu məsələ ilə bağlı dəfələrlə Baş Prokuror yanında Korrupsiyaya qarşı Mübarizə Baş İdarəsi tərəfindən qurumun rayon şəbələrində əməliyyatlar keçirilib, şöbə rəisləri həbs olunub. Amma maraqlıdır ki, “neqodnu” vəsiqə satanların birincisi olan Nicat Həsənov bu əməliyyatlardan kənarda qalıb. Hansı ki, Binəqədi rayonu ərazisində ciddi araşdırılma aparılsa, ortaya elə faktlar çıxar ki, Nicat Həsənovun həbsi qaçılmaz olar.
Onu da qeyd edək ki, əvvəllər də Nicat Həsənovdan dəfələrlə külli miqdarda rüşvət aldığı ilə bağlı şikayətlər olub. Amma Dövlət Xidmətinin sabiq rəisi Arzu Rəhimovun Nicat Həsənova himayədarlıq etməsi onu həbsdən yayındırıb. Amma artıq Nicat Həsənovun nə Arzu Rəhimov kimi, nə də başqa himayədarları var...
Təsəvvür edirsiniz, 44 günlük müharibə dövründə Nicat Həsənovun qəbuluna düşmək üçün minlərlə valideyn əlində 5-10 min manat növbə gözləyirdi. Bu əslində dövləti cinayətdir. İstənilən zaman istintaqla sübuta yetirilə bilər. Bəli, həmin “neqodnu” vəsiqəsi alan minlərlə gənc yenidən həkim komissiyasından keçsələr, Nicat Həsənovun aqibəti bəlli olacaq.
Hətta redaksiyamıza daxil olan məlumata görə, Nicat Həsənov gələcək araşdırmalardan yayınmaq üçün izi itirməyə, sənədləri sıradan çıxartmağa hazırlaşır.
Təsəvvür edirsiniz, Nicat Həsənov müharibənin qızğın vaxtında öz əməkdaşlarına göstəriş vermişdi ki, bütün ünvanlara zəng vurub çağırışçıları və ehtiyyatda olan zabitləri komissarlığa dəvət edin, hətta yaşı 17 olmayanları da. Görün bu adam nə qədər həddini aşıbsa, 17 yaşı olmayan gəncləri də komissarlığa dəvət edirmiş.
Sözün qısası, əgər ölkənin Hərbi Prokuroru Xanlar Vəliyev Binəqədi Rayon Hərbi Komissarlığında kiçicik bir yoxlamaya başlasa Nicat Həsənovun həbsi qaçılmazdır. //gundelik-baku.com//

Gəncə şəhərinin bir qrup sakini tərəfindən "Hürriyyət" qəzetinin redaksiyasına şikayət məktubu daxil olub. Şikayətçilər iddia edirlər ki, Gəncə şəhərində 1, 6, 7 və 9 nömrəli avtobusun sürücüləri qanunlara məhələ qoymurlar:

"Biz sakinlər sizdən xahiş edirik ki, problemimizi işıqlandırmaqda kömək edəsiniz.

Belə ki, adlarını çəkdiyimiz marşrut xətlərində özbaşınalıq yüksək səviyyədədir. Avtobusa yaşlı da minir, cavan da. Sürücülər avtobusu yüksək surətlə idarə edirlər. İrad bildirdikdə isə, bu narazılığa laqeyid cavab verərək, “bizə vaxt qoyurlar, gecikəndə aləm bir-birinə qarışır” deyirlər.

Nə vaxt baxsanız, görərsiniz ki, telefon əllərində, yazışırlar. Canımız təhlükədədir. Başa düşürük ki, avtobus azdır, tez gedib qayıtmalıdırlar, amma belə səhlənkarlıq çox sayda qəzalara səbəb olur. 7 gün öncə məktəbli qız düşərkən, sürücü avtobusu sürdü, qız yerə yıxıldı. Heç dayanıb maraqlanmadı kı, görəsən, nəsə oldu, ya yox.

Avtobus sürücülərinin içki və s. pis vərdişləri var, ya yoxdur, araşdırmaq lazımdır. Gəncədə avtobus az olsa da, gündə bir adam avtobus sürür, sanki yoldan hər keçəni işə götürürlər.

Cavabdeh yerlərlə əlaqə saxlanılır, “nəzərə alınacaq” deyib, heç bir tədbir görmürlər.

Onu da qeyd edək ki, 5 və 33 nömrəli marşrut xətti tamamilə yarasız vəziyyətdədir, avtobuslar çürüyüb, dağılıb tökülür. Amma idarədən deyirlər ki, bizlik deyil, yeniləri verilmir. İnsanların canını təhlükəyə atırlar.

Biz sürücülərin pis vərdişlərinin yoxlanılmasını tələb edirik. Çünki normal insan avtobusadan sərnişin düşməmiş maşını sürməz. Bu hal hər gün adlarını çəkdiyimiz marşrutlarda davam edir.

Sizdən xahiş edirik ki, problemimizi işıqlandırın, bəlkə tədbir görülə”.

Redaksiyadan: Mövzunu araşdıracağıq. Qarşı tərəfin mövqeyini də dərc etməyə hazırıq.

Elvin Qafarlı Ağstafa rayon sakinidir. 2-ci Qarabağ müharibəsi qazisi olan şikayətçi evinin təmirsiz olduğunu ona evinin təmir edilməsi üçün yardım istəyir.

Məsələni Toplum TV-nin əməkdaşları araşdırıb.

Daha ətraflı aşağıdakı videoda: