“Qarabağın Dirçəlişi: Faciədən Zəfərə” adlı kitabın yazılması üçün 1 178 672 manatlıq müqavilə imzalanıb.

Bu haqda məlumat Dövlət satınalmalarının vahid internet portalında yerləşdirilib.

Sifarişçi Qarabağ Dirçəliş Fondudur.

Müqavilə “Media Prima Advertising” Dubayda qeydiyyatdan keçmiş reklam şirkəti ilə imzalanıb.

Satınalmanın detalları barədə məlumat verilməyib.

Meydan TV-nin əməkdaşı Qarabağ Dirçəliş Fondu ilə əlaqə saxlayıb.

Qurumdan məsələ şərh olunmayıb.

“Qanun” Nəşriyyatının direktoru Şahbaz Xuduoğlu hesab edir ki, bir kitabın xərclənməsi üçün bu qədər vəsaitin xərclənməsi real görünmür.

Naşir Meydan TV-yə deyir ki, kitaba xərclənəcək məbləğlə bağlı ətraflı məlumat verilməlidir:

“Kitabın çapına, yazılmasına və tərtibatına nəzərdə tutulan xərclər detallı açıqlanmalıdır. Kitab bahalı ola bilər. Kitabı yazan müəllif kimdir? Bəlkə, Den Braundur? Olmaya, kitabı dünya miqyasında kitabları çox satılan Coan Roulinq yazacaq? Yoxsa Aqata Kristi dirilib gəlib, bu kitabı yazacaq? Heç bir halda bu qədər məbləğ mümkün deyil. Bu vəsait bir kitab üçün fantastik rəqəmdir”.

Yazar Şərif Ağayar da Meydan TV-yə bildirib ki, kitab nəşri üçün belə rəqəmin müəyyənləşməsi real deyil:

“Minimum əməkhaqqısı Ermənistandan aşağı olan bir ölkə bir miyonluq kitab buraxır, özü də Qarabağ haqqında. Gülməli çıxmasa, dünyada təbliğ edərdik ki, bizdə kitaba belə hörmət edirlər. Qorxuram ki, bizə gülərlər”.

2022-ci ilin avqustunda anoloji addım Mədəniyyət Nazirliyi tərəfindən atılmışdı.

Dövlət satınalmalarının vahid internet portalında yerləşdirilən məlumatda bildirilirdi ki, Mədəniyyət Nazirliyi Türkiyənin “Bozdağ Film” Yapım Prodüksiyon Reklam İnşaat Turizm Sanayi Ticaret Anonim Şirketi ilə müqavilə bağlayıb.

Müqaviləyə əsasən, şirkət İkinci Qarabağ müharibəsi haqqında çəkiləcək səkkiz seriyalı bədii filmin layihəsini icra edəcək.

Layihəyə dövlət büdcəsindən layihəyə 1 milyon 700 min manat vəsait ayrılıb.

Üzərindən bir ildən çox vaxt keçməsinə baxmayaraq, filmin aqibəti ilə bağlı məlumat verilmir. //Meydan TV//

ŞƏRHİMİZ: Vallahi-billahi bütün bunları dərk etmək bir yana, həzm etməyə də gücümüz yoxdur....

Keçmiş milli təhlükəsizlik naziri Eldar Mahmudovun qızı Xuraman Mahmudova ilə "Transterm” MMC arasında icraə müqaviləsinə dair mübahisə yaranıb.

Qaynarinfo xəbər verir ki, mübahisə məhkəməyə qədər uzanıb və Xuraman Mahmudova şirkət barəsində iddia qaldırıb.

Hazırda iş Ali Məhkəmədədir. Kassasiya şikayətini Xuraman Mahmudova verib. Lakin bəzi məlumatlara görə şikayətçi şirkətdir.

Şikayətə hakim Abdin Hüseynovun sədrliyi ilə baxılacaq.

Məhkəmənin vaxtı barədə məlumat yoxdur.

"Transterm” MMC 5 avqust 2014-cü ildə qeydiyyata alınıb. Nizamnamə kapitalı 20 AZN-dir. Şirkətin qanuni təmsilçisi Muradəliyev Niyazi Elçin oğludur. O, şirkətdə direktor vəzifəsini tutur.

Açıq mənbələrdə "Transterm” MMC və Niyazi Muradəliyev haqqında hər hansı məlumata rast gəlinmir.

Xuraman Mahmudova Eldar Mahmudovun böyük qızıdır. O, İsveçrədə maliyyə ixtisasi üzrə bakalavr təhsili alsa da, ixtisasi üzrə fəaliyyət göstərmir. O yazardır. 2015-ci ildə Xuraman Mahmudovanın "Sehrli səyahət” kitabının təqdimatı keçirilib.

Bundan əvvəl Eldar Mahmudovun digər övladları Anar Mahmudovla Nərgiz Mahmudova məhkəmə çəkişməsinə cəlb edilib.

Ağarəhim Rəhimov adlı iş adamı onlar barəsində Bakı Kommersiya Məhkəməsində iddia qaldırıb. İşin mahiyyət alqı-satqı müqavilələri ilə bağlı mübahisələrdən ibarət olub.

Məhkəmə çəkişməsinin nəticəsi barədə məlumat yoxdur.

Eldar Mahmudov 2004-2015-ci illərdə milli təhllükəsizlik naziri vəzifəsində işləyib. //Qaynarinfo//

Jurnalist Ramiz Mehdiyevə sual verib ki, onun fəaliyyətinə xitam verilən “Muğanbankın” sahibi Əhməd Vəliyevlə dostluq münasibəti varmı? Ramiz Mehdiyev cavabında deyib: Əhməd Vəliyev kimdir ki, mən onunla dost olam…
Yanaşma, verilən cavab akademik səviyyəsindən daha çox kriminal jarqonlara uyğun tərzdədir. Adətən “oğru dünyası”nda belə jarqondan istifadə edirlər ki, filankəs mənimlə “ravnıy” (bərabər) ola bilməz, çünki onun “zasluqası” (xidmətləri) buna çatmır.
Bildiyim qədəri ilə Ramiz müəllim kriminal avtoriter yox, yüksək postda çalışmış dövlət adamıdır. Onda isə niyə kriminal aləmə xas olan baxış bucağından və onlara bənzər ritorikadan istifadə edir? Bu , artıq insanın fitrətindən gələn bir yanaşmadır.
Adam normal şəkildə deyə bilərdi ki, xeyir, mənim Əhməd Vəliyevlə heç bir dostluğum yoxdur. Mən Əhməd Vəliyevin Ramiz Mehdiyevin qarşısında “qrex”inin (günahının) olub-olmadığını deyə bilmərəm, ancaq istənilən halda, dövlət adamı publika qarşısında dövlət tərbiyyəsinə uyğun danışmalıdır.
İndi görün, bu ədada olan adam az qala 30 il müddətində ölkədə əsas söz sahibi olub və dövlətin ideologiyasına cavabdeh şəxs sayılıb. Təsəvvür edirəm neçə “obyektiv” qərarlar verib.
Məhəmmədəli Qəribli
Azinforum.az

“Neptun” supermarketlərdə uşaq arabası ilə gəzən müştərilərə oğru kimi yanaşılır, marketin mühafizəçiləri müştərinin arxasıyca gəzərək onu izləyir.

Tribunaino.az yazır ki, xoşagəlməz hal Vüsal Adıgözəlovun başına gəlib. Şikayətçi bildirib ki, bu, müştərini təhqir etməkdir:

“Neptun Supermarket Binəqədi Şossesi filialınızda çıxardığınız bu əcaib qaydanın izahını verə bilərsiniz? Uşaq arabası ilə alış-verişə gəlmişik və sizin sözünü bilməz “mühafizəçi” xanımınız market boyu düşüb arxamca. Deyirəm, xeyirdi, siz niyə izləyirsiniz məni? Deyir, oğurluq ehtimalı var, ona görə mənə tapşırılıb ki, izləyim.
Nə əlaqə axı, uşaq arabası ilə marketə girənlər nə zamandan potensial oğru oldu? Və mənə oğru gözü ilə baxıb, arxamca gəzişən xanıma izah edə bilmirəm ki, izləmə məni, narahat oluram. Mən, “sən oğru ola bilərsən” münasibəti göstərən bir mühafizəçinin xidmətindən necə istifadə edə bilirsiz?”.

Marketoloqlar bildirib ki, bu yolverilməz haldır, bir market üçün utancverici hərəkətdir. Hazırda bütün marketlərdə müşahidə kameraları olduğu üçün müştərini narahat etmədən kameralar vasitəsilə də izləmək olar. Müştərinin arxasıyca düşmək isə qəbuledilməzdir. //Tribunaino.az//

Səhifəmiz bütün maraqlı tərəflərin rəyləri üçün açıqdır...

Binə qəsəbəsində "Hövsan yolu" adlanan yolun ətrafında yaşayan sakinlərin həyatı təhlükə qarşısında qalıb. Bu barədə Sputnik Azərbaycan-a qəsəbə sakinləri şikayət ediblər. Onların sözlərinə görə, yolun hər iki tərəfində yaşayış evləri olsa da, yolda sürəti tənzimləyən lövhələr və digər zəruri yol nişanları qoyulmayıb. Onlar yaşadıqları ərazidəki küçələrə ad verilmədiyindən rəsmi şəkildə heç bir quruma şikayət edə bilmədiklərindən gileylənirlər. Sakinlər bildiriblər ki, yolda avtomobillər sürətlə hərəkət etdiyindən, piyadavurma hadisələri də tez-tez baş verir. Bundan əlavə yolun heç bir yerində piyada keçidi də quraşdırılmayıb.
"Bizim küçəmizə nə ad verilir, nədəki piyada keçidi, yol nişanları quraşdırılır. Buranı camaat "Hövsan yolu", "Gürcüstanlılar məhləsi", "Bağça yolu" kimi tanıyır. Ərazidə evlərin tikilməsinə icazə verilib, amma küçələrə ad verilmir. Yolu asfaltlayandan sonra avtomobillər sürətlə hərəkət edir. Avtomobillər 110-120 sürətlə sürürlər. Yaşayış olan ərazidən keçən bu yolda dəfələrlə döngələrdə qəza hadisələri, piyadavurmalar olub. Amma yenə də yolda sürəti tənzimləyən yol nişanı yoxdur. Heç yola piyada zolağı belə çəkməyiblər. Bu uzunluqda yolu camaat necə gəldi keçir. Bir sözlə, həyatımız təhlükədədir" - sakinlər bildiriblər.

Xəzər Rayon İcra Hakimiyyətinin Binə Qəsəbə İcra Nümayəndəliyindən isə Sputnik Azərbaycan-a bildirilib ki, hələlik sözügedən ərazidə torpaqların hansı rayona aid olması mübahisəlidir. Çünki, bu ərazidə torpaqların bir hissəsi Abşeronun köhnə Südçülük sovxozuna, bir hissəsi Suraxanı rayonunun Hövsan qəsəbəsinə, bir hissəsi isə Xəzər rayonuna düşür. İcra nümayəndəliyindən o da bildirilib ki, ərazidə evlərin çoxu qanunsuz tikili olduğundan, küçələrə ad verilməyib. Amma portalda həmin küçələr nömrələnib.
Nümayəndəlikdən yola yol nişanlarının qoyulması, eləcə də sürətin tənzimlənməsi üçün aidiyyatı qurumlara müraciət edildiyi də bildirilib.
Sakinlər isə torpaq sərəncamlarında ərazinin Xəzər rayonu Binə qəsəbəsi olduğunun göstərildiyini söyləyiblər.
Bakı Şəhər Dövlət Yol Polisi İdarəsinin baş inspektoru polis mayoru Araz Əsgərli Sputnik Azərbaycan-a bildirib ki, Bakı şəhəri ərazisində yol nişanlarının qoyulması Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinin (AYNA) səlahiyyətindədir. Yaşayış massivlərindəki yollarda sürət həddini məhdudlaşdıran nişan yoxdursa, belə yollarda maksimal hərəkət sürəti saatda 60 km-dir. Bu isə "Yol Hərəkəti Haqqında" qanunun 50-ci maddəsinin tələbidir.
Əsgərli ətraf qəsəbələrdə əsas yollarda sürət həddini tənzimləyən yol nişanlarının qoyulmasının, piyada zolaqlarının çəkilməsinin ciddi problem olduğunu da söyləyib. Bildirib ki, belə müraciət olduqca, onlar bunu AYNA-a yönəldirlər.
AYNA-dan isə Sputnik Azərbaycan-a problemin araşdırılacağını bildiriblər. //Sputnik Azərbaycan//

Səhifəmiz bütün maraqlı tərəflərin rəyləri üçün açıqdır...

Müdafiə Nazirliyinin həqiqi hərbi xidmət hərbi qulluqçularının aylıq vəzifə maaşları artırılıb.

Prezident İlham Əliyev bununla bağlı müvafiq Fərman imzalayıb.

Fərmanla Azərbaycan Respublikası Müdafiə Nazirliyinin həqiqi hərbi xidmət hərbi qulluqçularının aylıq vəzifə maaşları orta hesabla 20 faiz artırılıb.

Nazirlər Kabineti Fərmandan irəli gələn məsələləri həll etməli, Müdafiə Nazirliyi və Maliyyə Nazirliyi Fərmandan irəli gələn məsələlərin həlli üçün zəruri tədbirlər görməlidir.

Fərman 2024-cü il yanvarın 1-dən qüvvəyə minir.

Azərbaycanda müddətdən artıq xidmət keçən hərbçilərin maaşlarını artırmaq vacibdir.

Bunu Milli Məclisin Gənclər və idman, Əmək və sosial siyasət, Aqrar siyasət, Regional məsələlər və Təbii ehtiyatlar, energetika və ekologiya komitələrinin birgə iclasında deputat Vüqar İskəndərov deyib.

Deputat bildirib ki, müddətdən artıq xidmət keçən hərbçilər peşəkar hərbçilərdir və onların stimullaşdırılması, gənclərin bu sahəyə cəlb edilməsi üçün maaşlar yüksək olmalıdır./Redaktor.az

Naxçıvanda imkansız ailələrə verilən ünvanlı sosial yardımın şərtləri sərtləşdirilib. Bundan sonra dövlətdən yardım almaq istəyənlər həm də adlarına mobil telefon nömrəsi olmamasıyla bağlı Azərbaycandakı bütün mobil operatorlardan arayış gətirməlidir. Bu arayışı təqdim edə bilməyənlərin yardımla bağlı müraciətləri rədd ediləcək. Yeni qayda hələlik Sədərək rayonunda tətbiq olunur və bu arayış ucbatından bütün sosial müavinətlərin verilməsi dayandırılıb.
Teref.az yazır ki, yerli sakinlərin „Gündəlik Naxçıvan“a verdikləri məlumata görə, rayonda ünvanlı sosial yardımın verilməsi iki ay öncə dayandırılıb. Bu yaxınlarda isə, hamıya deyiblər ki, özünün, yaxud ailə üzvlərindən birinin adına mobil telefon nömrəsi olanlara yardımın verilməsi davam etdirilməyəcək. Rayon sakini Şahin Qurbanov deyir ki, üç aydır aldığı yardım kəsilib:
“Bu şərt o deməkdir ki, bundan sonra heç kimə yardım verilməyəcək. İndi hansı zəmanədir ki, kiminsə mobil nömrəsi olmasın? Fondsanteile dedilər ki, bütün mobil operatorlardan arayış gətirin ki, ailədə heç kimin adına mobil nömrə yoxdur. Əks təqdirdə yardımlar bərpa olunmayacaq. Əvvəl avtomobil, torpaq sahəsi olanlara sosial dövlət yardımı vermirdilər. İndi də adımıza mobil telefon nömrəsi olmasını bəhanə edirlər. Ailədə 5 nəfərik. Heç birimiz işləmirik. 3 aydır verdikləri sosial yardımı kəsiblər. Get-gələ saldılar. Yol polsi daxil bütün qurumlardan arayış aldım. Baxdılar ki, sosial yardım həqiqətən düşür. Mobil operatorlardan arayış gətirməyimi istədilər. Dövlət sosial yardımını dayandırıb, iş də tapa bilmirəm. İndi mən ailəmi necə dolandırım?”
Digər sakin R. Səfərov deyir ki, bu yaxınlarda rayona gələn nazrə şikayət etsələr də heç bir nəticəsi olmayıb:
“Ailəmiz 4 nəfərdən ibarətdir. Indiyə kimi 350 manat yardım alıb, birtəhər keçinirdik. İndi deyirlər ki, həm adına torpaq var, həm də mobil telefon nömrəsi. Bu səbəbdən sizə yardım düşmür. Nazrə dedik, heç əhəmiyyət də vermədi“.
Teref.az

Fövqəladə hallar Nazirliyində son dövrlərdə baş verən hadisələr cəmiyyətdə bu dövlət qurumunun ciddi tənqidinə hədəf olmuşdur. Bəzi harınlamış məmurlar dövlət əmlakını yeyib üstündən su içdikdən sonra da qadın əməkdaşları yoldan şıxarmaqla, intim videolar çəkib özlərini qəhrəman kimi hiss etməklə gündəmə gəlirlər. Bu yaxınlarda məhkəməsi başa çatmış Zaur Mirzəyev hadisəsinin şokundan çıxmağa macal tapmamış yeni bir sürprizlə qarşılaşmaq ehtimalımız da gündən-günə təşviş doğurmaqdadır.

Aktualxeber.az-a daxil olan məlumata görə , FHN-in Yanğından Mühafizə Xidməti Maliyyə Şöbəsinin rəisi Elvin Xanlar oğlu Mehdiyev Zaur Mirzəyevin əməllərini təkrarlamaq yolunu tutub. Bu o Elvin Mehdiyevdir ki, Ramiz Mehdiyevin yaxın qohumudur. Dərd burasındadır ki, Ramiz Mehdiyev vəzifədən getsə də, onun qohum-əqrəbası sarmaşıq kimi dövlət aparatını bürümüşdür. Təbiidir ki, hamının işləməyə də, vəzifə tutmağa da haqqı vardır. Lap elə Elvin Mehdiyevin də. Tutduğu vəzifə də pis deyil. Amma…
Bax məsələ o, ammadadır. Elvin Mehdiyev o boyda Xidmətin maliyyə işlərini fırlatmaqla yanaşı, eşq macəraları yaşamaq üçün də fürsətini fövtə vermir. Bu yaxınlarda FHN-in qaynar xəttinə edilən vətəndaş şikayəti göstərir ki. Elvin Mehdiyev haqqında edilən şikayət əsassız deyildir. Necə deyərlər, od olmasa tüstü çıxmaz. Vətəndaş şikayətində bildirmişdir ki, Elvin Mehdiyev onun gəlininə sataşır, intim əlaqələr təklif edir. Biz həmin vətəndaşın kimliyini bilirik. Lakin etika xatirinə hələlik bu adı açıqlamırıq. Gözləyirik ki, nazir Kəmaləddin Heydərov nəhayət ki, Elvin Mehdiyev haqqında tədbir görsün.

Maraqlı məsələlərdən biri də odur ki, bu cür hadisələr məhz FHN-in Yanğından Mühafizə Xidmətində baş verir. Ona görə də bu Xidmət ilk növəbədə öz əməkldaşlarının odunu söndürmək məcburiyyətində qalıb.
Hər bir halda cənab nazir Kəmaləddin Heydərov təcili əncam çəkməlidir. Əks təqdirdə yeni Zaur Mirzəyev həngaməsi cəmiyyəti silkələyəcəkdir. Bu da həm Nazirliyin, həm də Kəmaləddin Heydərovun nüfuzuna zərbə olacaqdır. //tezexeber//

Hava şəraiti ilə bağlı xəbərdarlıq edilib.

Milli Hidrometeorologiya Xidmətindən verilən məlumata görə, Bakıda və Abşeron yarımadasında noyabrın 7-də şimal-qərb küləyinin 15-20 m/s, səhər və gündüz arabir 23-28 m/s-dək güclənəcəyi gözlənilir.

Azərbaycanın rayonlarında noyabrın 7-si axşamdan 8-i səhərədək bəzi yerlərdə arabir yağış yağacağı gözlənilir.

Ayrı-ayrı yerlərdə (Dağlıq Şirvan, Quba-Qusar) yağıntıların qısamüddətli leysan xarakterli olacağı, şimşək çaxacağı, yüksək dağlıq ərazilərdə qar yağacağı ehtimalı var.

Qərb küləyi arabir 15-20 m/s, 7-də gecə və səhər ayrı-ayrı yerlərdə arabir 25-30 m/s-dək güclənəcək.

Çaylarda sululuğun artacağı, bəzi dağ çaylarından, xüsusən də, (Balakən-Şəki bölgəsinin ərazisindən axan Katexçay, Talaçay, Şinçay, Kürmükçay;
Oğuz-Qəbələ bölgəsinin Göyçay, Dəmiraparançay, Girdimançay; Daşkəsən-Gədəbəy və Gəncə-Qazax bölgəsinin Əsrikçay, Gəncəçay, Qabırrıçay çaylarından) qısamüddətli daşqın və sel keçəcəyi ehtimalı var.