11 Yanvar 2023-cü ildə "uşaq bağçalarında ölü canlar" başlıqlı məqalə dərc etmişdik. Məqalənin yükü o qədər güclü olmuşdur ki, həmin vaxt rüşvət müqabilində bağçaya təyin olunmuş müdirə geri çağırıldı. Həmin yazının sonuncu abzasını oxucularımıza yenidən təqdim edirik.
Gündəlik Bakı olaraq gələcəyimiz olan uşaqların problemi ilə bağlı ciddi araşdırmalarımız davam edir və yaxın zamanda belə bağça biznesmenlərinin adını açıqlayacağıq. İndi Təhsil Nazirliyinə verilmiş bağçalara əvvəllər katibə işləmiş şəxslər kuratorluq edir. Bağ qonşularını 30 min manat müqabilində bağçalara müdir təyin etdirirlər. Amma ixtisaslı kadrlar, imtahandan keçən şəxslər kənarda qalır. Bu məsələlərdən gərək ölkə başçısının xəbəri olsun ki, sonra nazir Emin Əmrullayev hərəkətə keçsin-və ya Bakı Baş Təhsil İdarəsinin rəhbəri?
Hamı bilsin, həyat yoldaşı polisdən qovulan şəxsin bu gün hansısa pullar müqabilində bağça müdirəsi təyin olunmasına görə, əziyyət çəkən Şıxəliyevlərə demək istəyirik ki, pulunuzu hədər yerə xərcləməyin. Həmin şəxsin o vəzifədə işləməsi qeyri mümkündür.
Buyurun, 9 ay öncə, yazılmış bir məqalənin araşdırılması üçün yaxın tarixə ekskurs edək. Bəli, biz yazmışdıq ki, heç bir imtahan vermədən, təhsil aldığı müəssisənin rəhbər mövqe tutmasına mane olan diplom, əvvəllər katibə işləmiş kurator, polisdən qovulmuş həyat yoldaşı, ən əsası isə rəfiqəsi olan bağ qonşusu. Kimdir bunlar?
Gəlin araşdırmalarımızı bir az da dəqiqləşdirək. Söhbətin kimdən getdiyini oxucularımıza daha dəqiq çatdıraq.
Əmr verilir Təhsil Nazirliyində, əmr hazırlanır Bakı Şəhər Baş Təhsil İdarəsində, rəy verilir əvvəllər katibə işləmiş kuratorun bağında. Budur, Elm və Təhsil Naziri Emin Əmrullayev 9 ay bundan öncə, alınmayan bir işi öz əmri ilə təsdiqləyir. Qarabağ qazisinin, ön cəbhədə döyüşən zabitin övladını 191 saylı məktəbin qarşısında boynu bükük qoyan Elm və Təhsil Nazirliyi heç bir imtahan vermədən, təhsili direktor vəzifəsini daşımağa yararsız olan bir şəxsə Nəsimi rayonu Eşitmə Qabiliyyəti Pozulmuş Uşaqların Respublika İxtisaslaşdırılmış Uşaq Bağçasında müdir vəzifəsini 3 aylıq həvalə edirlər. Bilinmir bağçanın müdirəsi qeyri-qanuni olaraq, imtahansız-filansız bağ qonşusu, əvvəllər katibə işləmiş, indi isə kurator olan Məfkurə xanım tərəfindən, vasitəçilik edilərək təyin olunmuş Nailə Məmmədovadır, yoxsa polisdən qovulmuş həyat yoldaşı.
3 gündür adı gedən bağçanın müdirə vəzifəsi həvalə olunmuş Nailə Məmmədova artıq qapıları bağlayıb, qəbulları arxa qapıdan edir. Ən maraqlısı odur ki, həmin bağçanı Nailə Məmmədovanın həyat yoldaşı Fərahim Məmmədov idarə edir.
Baxın, bütün kollektiv (fəhləni çıxmaq şərti ilə) qadınlardan ibarətdir. Amma qadın kollektivində hər hansı bir vəzifəsi olmayan yad bir kişinin, həmin kollektivin mətbəxindən, foyesindən, hətta ayaqyolusundan istifadə etməsi Elm və Təhsil Naziri Emin Əmrullayevin və Bakı Şəhər Baş Təhsil İdarəsinin rəisi Mehriban Vəliyevanın nəzarətindən qaçmamalıdır.
Bu gün görəsən Elm və Təhsil Naziri Emin Əmrullayev və Bakı Şəhər Baş Təhsil İdarəsinin rəisi Mehriban Vəliyeva heç bir imtahan verməyən Nailə Məmmədovanı Nəsimi rayonu Eşitmə Qabiliyyəti Pozulmuş Uşaqların Respublika İxtisaslaşdırılmış Uşaq Bağçasında müdir vəzifəsinə necə təyin edib? Nailə Məmmədovanın hansı göstəriciləri həmin bağçada imtahan verərək yüksək bal toplayan müəllimələrdən üstündür?
Hamı açsın qulağını eşitsin Emin Əmrullayev bu təyinat haqqında bütün məlumatları detallı şəkildə biləcəkdir. Kimsə kiminsə qabağında 30 min dəfə əyilməsindən asılı olmayaraq, kimin adının çəkilməyindən asılı olmayaraq, Şıxəliyevin dostunun kimin adamı olmasından asılı olmayaraq, bu məsələ baş tutmayacaq.
P.S. Bu məsələdə Xəyalə xanımın da xəbəri olub. Amma Xəyalə xanıma bir məsələni çatdırmaq istəyirəm ki, güvəndiyiniz şəxsin yaxın adamları da bağça müdirəsidir. Onu da bilirik. Onu da bilirik ki, onların vasitəsilə çox yerə təzyiq göstərirsiniz, amma bilmirsiniz ki, günün birində həmin zabitin rəhbərliyinə yazılı şəkildə müraciət oluna bilər. Addan istifadə etməyin zamanı çoxdan keçib, Xəyalə xanım. Ardı var. //gundelik-baku.com//

Patrul.az-a illərdir Lənkəran meşələrinin bir şəxs tərəfindən talanması ilə bağlı məlumat ünvanlanıb.

İddiaçın sözlərinə görə Lerik rayonu Bırkandul kənd sakini Hüseynov İltifat Sərhəng oğlu artıq 20 ildir Lənkəran meşələrini talayır, meşədən topladığı çox saylı taxta materiallarını satır.

"Ekalogiya nazirliyinin, polis əməkdaşlarının, prokurorluq və məhkəmə əməkdaşlarına təhqirlər ünvanlayaraq - heçkim mənə heçnə edə bilməz, mən heç kimdən qorxmuram, qorxsaydım 20 ildir meşədən ağac oğurlamazdım, hər gün tırlarla material satmazdım."

"Yaz səsimi apar ver söydüyüm adamlar, gör onlardan kiminsə hünəri çatır mənə nəsə desin?!"

Hüseynov İltifatın bu kimi ifadələr işlədərək heç kimdən qorxmadığını deyən iddiaçı, təqdim etdiyimiz video görüntünün də ona aid olduğunu deyir:

Bir neçə il öncə alimlərin mənzil probleminin həlli istiqamətində addımlara başlanıldı.

Ancaq bu sahədə tədbirlərə baxmayaraq, hazırda da mənzil problemi olan alimlər var. Həmin alimlərdən biri, AMEA-nın Nəsimi adına Dilçilik İnstitutunun Nəzəri dilçilik şöbəsinin müdiri, filologiya elmləri doktoru İdris Abbasov öz “Facebook” səhifəsində bu sahədə yaşadığı mövcud problemlə bağlı fikirlərini bildirib.

Qeyd edib ki, AMEA-nın Nəsimi adına Dilçilik İnstitutunun Baş direktoru, professor Nadir Məmmədli AMEA prezidenti akademik İsa Həbibbəyli ilə birgə 2 həftədir ki, institiutun 54 yaşlı şöbə müdiri, bir sıra xəstəliklərdən əziyyət çəkən professor İdris Abbasova yataqxanada həvəslə yer axtarırlar:

“Bu, şəraitsiz yataqxana onsuz da 33 il şəraitsiz yataqxanalarda, kirayələrdə təskinlik tapmış, ağır şəraitdə elmi araşdırmalarına ara verməmiş İdris Abbasovun qətlinə aparan yoldur”.

Məsələ ilə bağlı AMEA-nın Nəsimi adına Dilçilik İnstitutunun Nəzəri dilçilik şöbəsinin müdiri, filologiya elmləri doktoru İdris Abbasov Cebhe.info-ya açıqlamasında bildirib ki, AMEA rəhbərliyi bu yaşında, problemli səhhəti ilə ona yataqxanada yaşamağı təklif edir:

“Bu gün səhər də mənimlə əlaqə saxlayıb, təhdid fonunda “niyə yazmısan?” dedilər. Bildirdim ki, mən hər şeyə hazıram, faktlar ortadadır. Bildirmişəm ki, mənlə bərabər siz də yataqxanada yaşamağınız şərtinə razıyam. Bir həftə AMEA rəhbərliyi orada qalsın, sonra onlar getsin, mən qalım. Ancaq onlar bu şərtlə razılaşmırlar. O zaman məni ölümə göndərirlər? Mən həyatımın 15 ilini həmin yataqxana şəraitində yaşamışam. Həmin vaxt dözmüşəm, orqanizmim gənc idi, ancaq indi tab gətirə bilmirəm.

Kimsə Ədəbiyyat və yaxud Dilçilik İnstitutunda bir elmlər doktoru, professor göstərə bilərmi ki, onların evi yoxdur, səfalət içində yaşayırlar? Elə bir alim yoxdur. Bəs onlar o pulları haradan alırlar? Onlar mənə misal gətirir ki, Akademiyada çalışan Yasəmən Qaraqoyunlunun da evi yox idi. Mən mətbuatdan xəbər tutmuşdum ki, o, ölkə rəhbərliyinə səslənib. Niyə institutun direktoru bu işdə günahkar olmur, yeyib-dağıdan “alimlər şəbəkəsi”si günahlandırılmır? Fırıldaqçı alimlərin əksəriyyətinə baxsaq, hansının şəraiti bizim şəraitimiz kimidir? Bunu görmək mümkün deyil. Son zamanlar Dilçilik İnstitutunda kitab istehsalına başlayıblar.

Bu biabırçılıqdır. Direktor mənə deyir ki, gələndən hamının kitabını dərc edir, hörmət edir. Mən sual verdim ki, siz bu “yaxşılıqları” nəyin hesabına edirsiz? Bunları dövlətin vəsaitləri hesabına edirsiz və o pulları çox yalnış yerə xərcləyirsiniz. Dərc olunan o kitabların məzmununu yoxlayaq, görək nədən ibarətdir. Siz o elmsizliyə dövlətin vəsaitini niyə xərcləyirsiz? O vəsaiti verib bir neçə alimin kirayə haqqını ödəmək olar. Gəlsinlər, mənim də işimi, onların da işini ortaya qoyaq görək nə iş görüblər. Mənim prinsipim bundan ibarətdir. Xəstəxanaya göndərmək əvəzinə məni ailəmlə yataqxanaya göndərirlər”.

Alimin iddiaları ilə bağlı AMEA-nın mətbuat xidmətinə sorğu ünvanlasaq da, cavab verilməyib.

Xatırladaq ki, bir neçə il öncə Abşeron rayonunun Saray qəsəbəsində Azərbaycan Milli Elmlər Akademiyasının (AMEA) əməkdaşları üçün tikiləcək ilk yaşayış kompleksinin – “Alimlər şəhərciyi”ndə (Science City) təməlqoyma mərasimi keçirilmişdi. İlk binanın inşasının 2 ilə başa çatdırılması, Şəhərcikdən ümumilikdə 1928 nəfər alimin mənzil alması planlaşdırılırdı. Lakin sonra həmin mənzillərin ödənişli olduğu məlum oldu. Azərbaycan Milli Elmlər Akademiyasından (AMEA) isə bildirilmişdi ki, hazırkı bazar qiymətlərinə baxanda qiymətlər optimal qoyulub. 7 hektarlıq ərazidə reallaşdırılacaq bu layihə çərçivəsində, ümumulikdə 18 bloklu binanın tikilməsi və 1928 mənzilin istifadəyə verilməsi nəzərdə tutulur.

Bunlardan 50 mənzil birbaşa satış üçün nəzərdə tutulub. AMEA əməkdaşları üçün nəzərdə tutulan mənzillər bir, iki və üç otaqlıdır. Həmin mənzillərin 1 kvadrat metri üçün nəzərdə tutulan ödəniş 370 manatdır. Amma 3 il müddətində ödənişlə 1 kvadrat metrin qiyməti 470 manatdır. Eyni zamanda, 3 il müddətində ödənişlə verilən mənzillər üçün ilkin ödəniş 2 119 manat, aylıq ödəniş isə 794 manatdır. Onu da qeyd edək ki, 2021-ci ildə “Alimlər şəhərciyi” yaşayış kompleksinin bir binası tikilib hazır olsa da, sakinlərin yerləşməsi ilə bağlı problem yaşanırdı.

Cebhe.info

"Şikayətim Yeni Yasamaldakı "Bizim Market" mağazasındandır". DİA.AZ bildirir ki, bu barədə "Müştərinin Səsi" sosial qrupundakı paylaşımda giley olunur.

Narazı vətəndaş daha sonra bildirir: "Kifayət qədər böyük market olmağına baxmayaraq o qədər qeyri proffesionaldır. Həm idarəetmə həm işçilər. İçəridəki üfunət iyi və antisanitariya isə dəhşət. Yəni heç bir qurum bununla məşğul olmur, monitorinq keçirmir bəyəm? Bonus marketdə bütün gün qoyulan bayağı toy mahnıları insanın alış veriş etməyə olan həvəsini də öldürür".

İddia olunanlarla bağlı olaraq qarşı tərəfi də dinləməyə hazırıq... Dia.az

Redaksiyamıza ailəsidə bədbəxt hadisə baş vermiş şəxs tərəfindən müraciyət daxil olub.

Belə ki, evində baş vermiş yanğın nəticəsində atası və iki qızı dünyasını dəyişmiş Abbasov Rövşən Qafar oğlu yanğın zamanı xəsartə alan oğlu adından pul yığıldığını deyir. Uşağın adndan pul yığan Kəmalə Abbasova adlı qadın isə artıq ikinci dəfə təkrarladığı əməlindən əl çəkməyərək ağrılı ataya "Nə bacarırsan get elə" deyərək öz çirkin əməlindən əl çəkmir.

Gəlin baş vermiş hadisəni zərər çəkmiş atanın öz dilindən dinləyək:

Daha ətraflı aşağıdakı videoda:

"Şikayətim "Smart Electronics Azerbaijan" şəbəkəsindədir!" DİA.AZ bildirir ki, bunu "Müştəriyəm Şikayətçiyəm" sosial qrupundakı paylaşımında Angelina Melnikova adlı istifadəçi bildirir.

Narazı vətəndaşın müraciətini olduğu kimi (nöqtəsinə vergülünə toxunmadan...) təqdim edirik: "Deməli, men bunlardan nəğd şəkildə 03.05.2022 ci ilde iphone 11 telefonu almışam düz 1540 manata!! SUMQAYIT şəhərində!!O vaxtı e-sim ölkede aktiv deildi. E sim meselesi geldi. Baxdim ki qeydiyati yoxdu. Okey elaqe yaraddim bunlarla dediler ki biz elemirik siz özünüz edin ki normal diğer şirkəetlere zeng edende deyirler kii özümüz edirik. Amma bunlar boyunlarindan atdilar. Bunada tamam! Bu günlerde dedim cehennem olsun özüm edim 60 manatimdan keçim de. Kecmek isteyende ne olsa yaxşıdır. Deyir bu telefon gümrükde beyan olunmayib. Neter yanii???? Mağazadan almışıq. Zeng edirem bunlara. 3 gün fikirleşdiler mene ne deseler yaxşıdır. Deyir ancaq telefon harice cıxmalıdır. Teklif edirik kiii telefonu bize verin emekdaşlardan xarice cıxan olacaq o qayıdanda gümrükden keçirder . Bunu eşidende bilmedim ağlıyım ya gülüm. Bax bele siz siz olun bunlardan hecne almalıyın. Araşdırma aparacam. Eyer mümkündürse mehkemeyede verecem..."

İddia olunanlarla bağlı dia.az olaraq qarşı tərəfi də dinləməyə hazırıq...

Özünü təcrübəli təhsil mütəxəssisi kimi təqdim edən Rahib İmrahimov bir ay öncə verdiyi geniş müsahibəsində deyir ki, hazırlıq kurslarında oyunlar baş verir, sınaq adı ilə hazırlanan lazımsız suallar var, son illərdə kursların sayının çoxalması rəqabət məsələsini də sıfıra endirib və s....
Birincisi, özünü təcrübəli təhsil mütəxəssisi hesab edən Rahib İmrahimovdan soruşmaq lazımdır ki, kursların sayı çoxalanda əslində RƏQABƏT artır, sıfıra enmir, ay professor... İkincisi, kursların sayının artması sənin kimilərə sərf etmir... Söhbətin kimdən getdiyi yəqin ki, məlumatlı oxuculara bəlli oldu.
Bəli, söhbət ZİRVƏ Tədris Mərkəzinin, hazırlıq kurslarının təsisiçisi və direktoru Rahib İmrahimovdan gedir. Rahib İmrahimov deyir ki, bəzi kursların sınaq imtahanları üçün tərtib etdiyi suallar tələblərə uyğun deyil, Dövlət İmtahan Mərkəzinin proqramı əsasında hazırlanmır və ...nəticə olaraq sınaq imtahanlarında abituriyentlər fikirlərini tam olaraq ifadə edə bilmirlər... Bu məqamda yadımıza elm və təhsil naziri Emin Əmruillayevin bir neçə gün öncə dediyi ...”15-16 yaşlı şagirdlər esse yaza bilmir..” fikri düşdü...
Bəli, orta məktəblərimiz də, hazırlıq kursları da əzbərçi sistem üzərində qurulub. Ona görə də şagirdlər nəinki esse, inşa, heç ifadə, imla da yaza bilmirlər. Rahib İnrahimovun nəzərinə çatdırmaq lazımdır ki, problem hazırlıq kurslarındakı suallarla, imtahanla bağlı olsaydı, dərd yarı idi... Ən böyük problem odur ki, sizin Zirvə tədris mərkəziniz xarici qüvvələrin təsir dairəsindədir.
Belə ki, qurumun www.zirve.edu.az saytına daxil olan kimi türk düşməni Fətullah Gülənin təsiri, ideyaları hiss olunur. Çoxları elə bilir ki, Zirvə hazırlıq kursu ancaq şagirdləri ali məktəblərə hazırlayır. Amma qurumun saytında qeyd olunur ki, burada Abituriyent hazırlığı, Məktəbəqədər hazırlıq, Təkmilləşdirmə, MİQ hazırlığı, Magistr hazırlığı, Xarici dil hazırlığı, YÖS hazırlığı, Liseylərə hazırlıq, Kompüter hazırığı kursları fəaliyyət göstərir. Yəni söhbət adi bir hazırlıq kurslarından getmir. Üstəlik Zirvə kursunun az qala hər qəsəbədə, Bakıda, Sumqayıtda, Tovuzda və başqa bölgələrdə filialları fəaliyyət göstərir. Yəqin oxucuda aydın təsəvvür yarandı ki, ZİRVƏ kursu dövlətimizin bütün ərazisində öz təhsil şəbəkəsini qurub. Biz Fətullah Gülənin adını əbəs yerə çəkmədik. Amerikada oturub böyük bir casus şəbəkəsi quran Fətullah Gülən də ilk işlərini təhsil sahəsindən başlamışdır. Və Fətullah Gülən deyirdi ki, mən Türkiyədə kasıb balalarına sahib çıxacam, onların yüksək təhsil almasına dəstək olacam.
Bizi qınamayın, eyni fikirlərə ZİRVƏ kurslarının saytında da rast gəlirik. “Zirvə Kursları "Ürəklər gülsün" layihəsinə qoşulub, aztəminatlı ailələrin övladlarına təmənnasız dərs keçir və s... İstər-istəməz eyni dəst-xətt yada düşür...
Bir daha təkrar edirik ki, bizim kiminsə fəaliyyətinə kölgə salmaq fikirimiz yoxdur, bizi bu məsələdə dövlətimizin gələcəyi düşündürür... Və heç kimə sirr deyil ki, FETÖ layihəsi Azərbaycanda az qala təhsil sahəsinin bütün orqanlarına yerimişdi... neçə-neçə ali məktəbdə FETÖ-nün nümayəndələri fəaliyyət göstərirdi.
Bəli, redaksiyamıza daxil olan məlumata görə, ZİRVƏ kurslarının təsisçisi və direktoru Rahib İmrahimov baldızı Rita xanım və digər yaxın qohumları, dostları Fətullah Gülənin başına and içirlər və kurslarda onu təbliğ edirlər.
Yuxarıda qeyd etdiyimiz kimi bu “AİLƏ MƏKTƏBİ”nin nümayəndələri yaşadıqları ərazidə yeniyetmələri, gəncləri başlarına yığıb dini mövzularda təlimlər keçirlər, kimlərisə təbliğ edirlər, onları məktəblərə pulsuz hazırlaşdırırlar...
Bir sözlə, əsl FETÖ metodları... Biz ZİRVƏ rəhbərliyinin özəl həyatına qarışmırıq, Kürdəmir yolunda həyat yoldaşı Humay xanımla avtoqəza keçirib salamat qalmalarından və s bəhs etmirik. Bizi ancaq dövlətimizin gələcəyi maraqlandırır.
Məlumdur ki, son vaxtıar hüquq-mühafizə orqanlarımız ölkəmizdəki FETÖ-çulara qarşı ciddi əməliyyatlar keçirib. Biz demirik ki, ZİRVƏ kurslarının rəhbərli Rahib İmrahimov FETÖ-çudur, amma bizə elə gəlir ki, ZİRVƏ kursları da ciddi nəzarətə götürülməli və orada yoxlamalar aparılmalıdır. Rahib İmrahimovun FETÖ-çu olub-olmaması yoxlanmalıdır. //gundelik-baku.com//

Sosial şəbəkədə yayılan bu görüntü ikrah hissi oyadıb.

Militv.az 32gun.az-a istinadla xəbər verir ki, Polis serjantı Ramil Şirinov dəfn mərasimi zamanı bir nəfərin gülməsi sosial şəbəkədə reaksiyalara səbəb olub.

Əldə etdiyimiz məlumata görə şəhidin dəfn mərasimi zamanı polislərin havaya güllə atmasından diksinib və daha sonra özünə hakim olmayıb "qəşş" edib gülən şəxs Qartal Tikinti Firmasının Direktoru, laçınlı tanınmış iş adamı, xeyriyyəçi Şahin Məmmədovdur. Onun yanında dayanan şəxslər isə Sumqaylt şəhər ucra hakimiyyəti nümayəndələridir.

Xatırladaq ki, Sentyabrın 19-da qanunsuz erməni silahlı birləşmələrinin təxribat-diversiya qrupu tərəfindən Xocavənddə yerləşdirilən minanın partlaması ilə törədilən terror aktı nəticəsində həlak olan polis əməkdaşı Ramil Şirinov Sumqayıt Şəhidlər Xiyabanında dəfn olunub.

Bərdə rayonu, Lənbəran kənd sakini Həsənov İkram Şəfa oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, ona əlillik dərəcəsi düşsə də, qərəzli şəkildə verilmir:

"Mən, Həsənov İkram Şəfa oğlu, 1992-ci ildə N saylı hərbi hissəyə çağırılmışam. 1993-cü ildə döş qəfəsindən və beyin nahiyyəsindən ağır yaralanmışam. Müxtəlif sayda bədənimdə “askol” mövcuddur.

16.08.21-ci ildə Əlillərin Bərpa Mərkəzinə hərbi komissiyaya çağırılmışam, əlilliyim hərbi komissiya tərəfindən qiymətləndirildi. Mərkəzin sədri Anar Bayramov bildirdi ki, qiymətləndirmədən sonra axrıncı müalicə kağızı sistemə vurulsun və bura gəlmədən əlilliyini ala biləcəksən.

Çox təəssüf ki, bu günə qədər hələ də əlilliyim verilmir.

Bakı İnzibati Məhkəməsinə müraciət etdim, hakimdən hərbi komissiyanın verdiyi qərarı, yəni qiymətləndirməni gizlətdilər. 2022-cil ildə baş nazirdən xahiş elədim ki, hərbi komissiya tərəfindən qiymətləndirilən sənədim mənə verilsin. Baş nazir sağ olsun, 2022-ci ildə imzalı şəkildə göndərdi ki, qiymətləndirilən sənəd verilsin. Amma Əmək və Əhalinin Sosial Nazirliyi bugünkü günə qədər hərbi komissiyanın qərarını məndən gizlədirlər.

Hörmətli redaksiya, sizdən xahiş edirəm ki, sənədimin verilməsində mənə kömək edəsiz”.

Məsələ ilə bağlı Əmək və Əhalinin Sosial Müdafiəsi Nazirliyi ilə əlaqə saxladıq, məsələnin araşdırılacağını bildirdilər.

Təhsil Nazirliyinin Təsərrüfat Hesablı Əsaslı Tikinti və Təchizat İdarəsi “Respublikanın bir sıra təhsil müəssisələrinin cari təmiri və kommunal-kommunikasiya işlərinin satınalınması” tenderinin nəticələrini elan edib.

DİA.AZ xəbər verir ki, tenderin qalibi “Turan.İ.O” MMC olub.

Şirkətlə 3 206 494 manat məbləğində müqavilə imzalanıb .