Prezident İlham Əliyev 20 Yanvar faciəsinin 32-ci ildönümü ilə əlaqədar Şəhidlər xiyabanını ziyarət edib.

Dövlət başçısı İlham Əliyev ölkəmizin azadlığı uğrunda həlak olanların xatirəsini yad edib.

Prezident İlham Əliyev “Əbədi məşəl” abidəsi önünə əklil qoyub.

Azərbaycan Respublikasının dövlət himni səsləndirilib.

Rəsmi Bakının Qarabağla bağlı strateji hədəflərindən biri də şübhə yox ki, anklavda qalan erməni əhalinin cəmiyyətimizə inteqrasiyasıdır. Çünki yalnız o halda ərazimizdə erməni separatizmin kökü birdəfəlik kəsilə, Azərbaycan vətəndaşı sayılan ermənilər xarici məkrli güclərin və çevrələrin, öncəliklə də Türkə nifrəti bitməyən erməni lobbisnin əlində alət olmaqdan çıxa bilər.

Bu yöndə Azərbaycan dövləti yəqin ki, orta və uzaq perspektiv üçün konkret proqram üzərində çalışır. Belə bir proqramı isə həm də “sülhməramlı” adı altında Rusiya hərbi kontingentinin Qarabağdan həmişəlik çıxarılması zəruri edir. Çünki öz xahişimizlə gəlsə də, yad dövlətin hərbi qüvvələrinin ölkəmizdə uzunmüddətli mövcudluğu suverenliyimiz və ərazi büyölülüyümüz üçün yumşaq desək, arzuolunan deyil - o ki ola Rusiya ordusunun kontingenti...

*****

“Bakı Qarabağda yaşayan ermənilərin Azərbaycan cəmiyyətinə reinteqrasiyası haqqında düşünür və buna hazırdır”. Belə bir fikri Beynəlxalq Münasibətlərin Təhlili Mərkəzinin İdarə Heyətinin rəhbəri Fərid Şəfiyev Tiflisdə keçirilən konfransda söyləyib.

Onun sözlərinə görə, Bakı həmçinin Ermənistanda yaşamış azərbaycanlıların problemini də qaldırmaq istəyir. “Əgər ermənilər Azərbaycanda yaşayırsa, biz inanırıq ki, azərbaycanlılar da əvvəlki kimi Ermənistanda yaşaya biləcəklər. Bütövlükdə regionun gələcəyi vaxtilə Cənubi Qafqazda mövcud olmuş etnik mozaikanın bərpasından keçir”, - deyə politoloq qeyd edib.

Niyə də olmasın? Ədalətli, haqlı və konstuktiv bir yanaşmadır. Razılaşmamaq çətindir. Ancaq ermənilər də buna razı və hazırdırmı?

Məsələ ondadır 44 günlük müharibədən sonra belə, erməni cəmiyyətində, ələlxüsus, onun siyasi və ekspert cameəsində geniş anlamda gerçəyin dərki ya yoxdur, ya da çox ağır gedir. Bu da növbəti “isti” fakt: “Qarabağ klanı”na və daşnaklara bağlı “Ermənistan” fraksiyasının deputatı Andranik Tevanyan dünən parlamentdə bildirib ki, hazırda əsas vəzifə geniş ictimai-siyasi konsolidasiya yolu ilə hakimiyyəti dəyişdirməkdir. “Bu, Ermənistanın xilası üçün əsas ilkin şərtdir”, - Tevanyan iddia edib.

“Hazırda Ermənistan 10 noyabr 2020-ci ildə (kapitulyasiya sənədi imzalanan gün - red.) olduğundan qat-qat çətin vəziyyətdədir. Əgər o zaman insanlar şokdan çıxıb küçələrə axışmışdılarsa, indi onlar xaricə köç edir və ya dövlətdən uzaqlaşırlar”, - deyə o vurğulayıb.

Göründüyü kimi, hələ də ağıllanmayıblar. Hələ də anlaya bilmirlər ki, Ermənistanın, erməni xalqının xilası, rifahı heç də hakimiyyət dəyişikliyinə yox, təfəkkür dəyişikliyinə, Türkə nifrətdən təcili qurtuluşa bağlıdır.

Söhbət ilk növbədə erməni siyasi elitasından gedir. Axı bu günədək Ermənistan rəhbərliyində daşnaklara, Qarabağ klanına kimi, bütün radikal-millətçilərin təmsilçiləri olub. Ermənilər ağ günə çıxıbmı? Təzədən radikal-revanşistlər iqtidarı ələ keçirsə, çıxa biləcəkmi? Hakimiyyətdə Paşinyan yox, Pişikyan olsa, möcüzəmi baş verəcək?

Suallar hamı üçün ritorikdir. Əfsuslar olsun ki, təkcə özünə vurğunluğu davam edən “qədim millət”dən savayı. Çar Rusiyasının bizə süni şəkildə sırıdığı qonşu xalqın iztirabları məhz bu səbəbə bitib tükənmək bilmir. Daha bir neçə fakt.

*****

“Dünya Bankının (DB) məlumatına görə, keçmiş SSRİ respublikaları arasında Ermənistan işsizlik səviyyəsinə görə birinci yerdədir. Ölkə üzrə bu göstərici 20,21%-ə çatıb”.

Zamantv.az “Yeni Müsavat”a istinadən xəbər verir ki, bunu “Ermənistan” müxalifət blokundan olan deputat Artur Xaçatryan Mərkəzi Bankın sədr müavininin seçilməsi məsələsinin müzakirəsi zamanı bildirib.

“Dünya Bankının hesabatına əsasən, ikinci yerdə Gürcüstandır -12,05%. Əgər biz işsizlik baxımından birinci yerdəyiksə, onda necə deyə bilərik ki, ölkəmizdə iqtisadi vəziyyət kifayət qədər məqbuldur?”, - deyə o sual edib.

Bütün bunlar, Xaçatryana görə, iqtisadiyyatda “misli görünməmiş uğurlar”ın olduğunu iddia edən mövcud iqtidar nümayəndələrinin bəyanatlarına ziddir.

*****

“Diqqət edin, özü də ölkədə işsizlik səviyyəsi miqrasiyanın artması ilə paralel artır. Ermənistanın hər 4-cü vətəndaşı ölkəni tərk edir. Onlar müxtəlif səbəblərdən çıxıb gedirlər - yeni müharibə təhlükəsi, sonu görünməyən iqtisadi çətinliklər, özü və övladları üçün perspektivlərin olmamasına görə”.

Bu sitat isə Armenianreport.com redaksiya məqaləsində yer alıb.

Məqalədə habelə deyilir: “Əhali ölkədən milli rüsvayçılığa görə gedir. Müharibədəki məğlubiyyətdən və ”artsax"ın böyük hissəsinin itirilməsinə dözə bilmədiyi üçün baş götürüb gedir. Amma bunca miqrasiyayaya baxmayaraq, ölkədə hələ də hamı üçün kifayət qədər iş yeri yoxdur. Paradoks? Xeyr, müasir Ermənistanın acınacaqlı reallığı. Əhalisi 5 milyona çatacaq Ermənistan? 1,5 milyon yeni iş yeri? Yoxsulluğa qalib gələcəyik? Paşinyan, deyəsn, axı öz strategiyasında bunları vəd eləmişdi. Gülməlidir. İnsanlar Ermənistandan batmaqda olan gəmidən qaçan gəmi kimi qaçırlar, qalan kütlə isə kəskin narazılıq içindədir..."

Görəsən, on illəridr “miatsum” və cənnət nağıllarına qulaq asmağa məcbur edilən, əsl dost-tərəfdaşları - Azərbaycan və Türkiyəni düşmən, düşmənləri isə dost kimi təqdim və təbliğ edilən erməni xalqının aqibəti ayrı necə olmalı idi...

Bəzi vətəndaşlar hərbi geyim formasını daşıma hüququna malik olmadığı halda bu geyimdən istifadə edirlər. Bəs, hərbi geyimdən kimlər istifadə edə bilər?
Zamantv.az xəbər verir ki, Müdafiə Nazirliyinin Hərbi Polis İdarəsinin rəisinin Hüquq İşləri Üzrə köməkçisi Şirin İsmayılov "Xəzər Xəbər"ə "Hərbi xidmətkeçmə haqqında" əsasnaməyə görə, yalnız hərbi xidmətdə 20 il və artıq qüsursuz xidmət etmiş və Silahlı Qüvvələr qarşısında xüsusi xidmətləri olan şəxslərə ehtiyata və ya istefaya buraxılarkən buraxılmanı rəsmiləşdirən rəislərin əmri ilə hərbi geyim formasını daşımaq hüququ verilə biləcəyini deyib.
Şirin İsmayılov onu da bildirib ki, vətəndaşlar tərəfindən hərbi geyim formasını daşıma hüququnun pozulması müvafiq qanunvericiliyə ziddir. Belə halların qarşısını almaq üçün hərbi polis tərəfindən müvafiq işlər görülür.
Qeyd edək ki, İnzibati Xətalar Məcəlləsinin 534-cü maddəsinə əsasən hərbi və xüsusi geyim formalarını qanunsuz olaraq daşımağa görə, şəxsdən xüsusi geyim forması müsadirə edilməklə o, üç yüz manatdan beş yüz manatadək məbləğdə cərimə edilir.

“Bələdiyyələri ləğv etmək mümkün deyil. Çünki yerli özünüidarəetmə institutları bütün dünyada fəaliyyət göstərir. Lakin Azərbaycanda bələdiyyələr kağız üzərindədir. Fəaliyyətləri isə sıfırdır”. Zamantv.az xəbər verir ki, bu fikirləri millət vəkili Razi Nurullayev Bizim.Media-ya açıqlamasında deyib.

Belə ki, yanvarın 18-də Milli Məclisin Regional məsələlər komitəsinin iclasında müzakirəyə çıxarılan Qarabağda bələdiyyələrin yaradılması mövzusu ilə bağlı fikirlərini bölüşən millət vəkili mövzu ilə bağlı tənqidlər yağdırıb.

Razi Nurullayev ilk növbədə bələdiyyələrin fəaliyyətsizliyinin səbəblərini bu cür izah edib:

“Çünki onların qazancı yoxdur. Bələdiyyələrin qazanclı olması üçün hüquqi müstəvi yaradılsa da, onların bunu etməyə bacarığı yoxdur. Bu bacarıqları inkişaf etdirmək üçün də hər hansı addım atılmır. Gedib bələdiyyə üçün 5-6 saatlıq kurslar keçib, təlimatlar verməklə də onların işi düzələn deyil. Demək ki, bələdiyyələrdə də bacarıqlı insanlar olmalıdır. Bələdiyyə xalqa, seçildiyi yerə məsuliyyət daşımalıdır. Amma bələdiyyələr təyinatla seçildiyinə görə, xalqın seçdiyi yox, kimlərinsə razılıq verməsi ilə seçilən adamlar olduğu üçün onlar vətəndaşlar qarşısında hesabatlı deyillər. Onlar ayrı-ayrı vəzifəli şəxslər qarşısında hesabatlıdırlar”.

Millət vəkili bələdiyyə seçkilərinin qeyri-şəffaf keçirilməsini də sərt şəkildə tənqid edib:

“Əgər seçki keçiriləcəksə və Qarabağda da eyni vəziyyət olacaqsa, onda həmin seçkiləri keçirib özümüzü biabır etməyək. Lakin insanların seçdiyi, bacarıqlı insanlar bələdiyyələrdə təmsil olunacaqsa, bu olmalıdır. Əvvəlki ənənədə olduğu kimi, icra hakimləri və onların müavinləri, ayrı-ayrı adamlar, Bakıdan gələn göstərişlər, hörmətli siyasətçilər öz adamlarını ora soxuşduracaqsa, hər kəs özü üçün “banda” düzəldəcəksə, insanların iradəsi heçə sayılacaqsa o seçkinin keçirilməsinə ehtiyac yoxdur. Həmin problemlər bələdiyyələrdə olduğu üçün, onlar özlərini doğrulda bilmirlər.

Bələdiyyəni xalq seçməlidir, heç kim də müdaxilə etməməlidir. Lakin yerli səviyyədə 60-70% yerli icra hakimləri və digərləri qərarlarını verir, insaların iradəsi isə havada qalır. Bu cür bələdiyyələr heç kimə lazım deyil”.

- Razi müəllim, zaman-zaman bələdiyyələrin fəaliyyətində səmərəliliyin artırılması üçün, onlara ayrılan maliyyə vəsaitlərinin artırılması məsələsi gündəmə gətirilir. Sizcə, bu problemi qismən də olsa, həll edə bilərmi?

“Bələdiyyəyə pul ayrılmalı deyil. Məsələ burasındadır ki, icra hakimiyyətinə, müxtəlif dövlət orqanlarına pul ayrılır. Bələdiyyəyə də pul ayırılacaqsa, dövlət büdcəsindən maliyyələşən digər qurumlara nə ehtiyac var ki? İcra hakimiyyəti və bələdiyyələrə ayrı-ayrılıqda pul ayrılmalıdır? Bunun özü absurddur, biabırçılıqdır, dünyada belə bir təcrübə yoxdur. Bələdiyyə vergiləri yığmalıdır. İcra hakimiyyəti yox. İcra hakimiyyətləri Prezidentin səlahiyyətli nümayəndələri kimi qalmalıdır. Lakin bələdiyyələrin çox işini icra hakimiyyətləri yerinə yetirir. Bələdiyyələrsə icra hakimiyyətlərinin bir qoludur, onların sözündən çıxmırlar. İcra hakimiyyətləri desə, “öl-öl, qal-qaldır”. Belə bələdiyyə olur?”

Razi Nurullayev bələdiyyələrin hansı formada fəaliyyət göstəməli olduqlarını da vurğulayıb:

“Belə olan halda bələdiyyə büdcədən pul tələb edəcək də. Bələdiyyə pulu özü qazanmalıdır, məktəb, xəstəxana, uşaq baxçası açmalıdır və pullu xidmət göstərməlidir.

Bələdiyyənin pullu məktəbi, xəstəxanası, uşaq baxçası olsun, getsin 100 hektarlarla ərazini əksin, meyvə bağları salsın, zavod açsın, bina tiksin. Qanunla bələdiyyələr bizneslə məşğul olub pul qazana bilər. Sadəcə olaraq, hesabatlı olmalıdır”. Dövlət icra hakimiyyətinə, bələdiyyəyə, məktəbə, baxçaya pul ayırır. Belə idarəçilik olur? Elə bələdiyyə heç kimə lazım deyil. Bələdiyyə özü-özünü dolandırmalıdır. Dövlət də buna şərait yaratmalıdır”.

Gələn ayın 26-da Xocalı soyqırımının 30 ili tamam olacaq. Bu tarixi faciənin ildönümünə qalib Azərbaycan necə hazırlaşır?

Bu sual ətrafında müzakirələr indidən açılıb.

Eyni zamanda 44 günlük II Qarabağ müharibəsindən sonra Xocalının Azərbaycanın nəzarətinə keçməsi ilə bağlı gözləntilər hələ də doğrulmayıb. Bayrağımız o yaralı və şəhid şəhərimizdə nə zaman dalğalanacaq?

Ordumuz Xocalının bəzi kəndlərini işğaldan azad edib. Amma şəhər hələ də sülhməramlıların nəzarətindədir, ermənilərin istismarındadır.

Zamantv.az "Yeni Müsavat"a istinadən xəbər verir ki, Xocalının deputatı Elman Məmmədov tezliklə bütün doğma torpaqlarına qayıdacaqları günü hər kəsin səbirsizliklə gözlədiyini vurğuladı: “Xocalının da ermənilərin nəzarətindən alınmasının vaxtı çoxdan çatıb. Hamımız səbirsizliklə gözləyirik ki, digər rayonlarımız kimi, Xocalı da, bütövlükdə Xocavənd də, keçmiş Ağdərə rayonu da, Xankəndi də düşmən işğalından azad olunsun, düşmən işğalından təmizlənsin. Amma təəssüflər olsun ki, müəyyən səbəblərdən hələ ki bu baş verməyib. Bu gün Xocalı şəhərinin özündə və rayonun ərazisinin çox hissəsində ermənilər yaşayır. Ermənilərlə bərabər rus hərbi kontingenti də Xocalı şəhəri ərazisindədir. Özlərinə pravoslav kilsəsi də tikiblər. Orada-burada dağda, dərədə bir dığa tapan kimi onu gətirib Xocalıda məskunlaşdırırlar. Xocalıda yenidən ermənilər üçün evlər tikirlər. Amma hesab edirəm ki, bu o qədər də uzun çəkməyəcək. Böyük ərazilərimizi düşməndən təmizləyən, düşməni məğlub edən Azərbaycan Ordusu Ali Baş Komandanın rəhbərliyi ilə Xocalını da ermənilərdən, düşmənlərdən, cinayətkarlardan təmizləyəcək, bizim idarəetməmizdə olacaq. Biz də doğma yurd-yuvamıza qayıdacağıq. 30 il ərzində hər zaman deyirdik ki, gələn ili Xocalıda, Şuşada, Laçında və digər işğal altında olan ərazilərimizdə keçirəcəyik. Bunun çoxuna nail olmuşuq. Az bir hissə qalıb. İnşallah, oralar da terrorçulardan təmizlənəcək. Doğma yurd-yuvamıza mütləq qayıdacağıq”.

Deputat Xocalı soyqırımının 30 illiyində keçirilə biləcək tədbirlərdən də söz açdı: “Hər il olduğu kimi, bi il də yəqin ki, dövlət başçısının rəhbərliyi altında 30 illiklə bağlı tədbirlər planı hazırlanacaq, təsdiq olunacaq. Həmin qrafik üzrə də tədbirlər keçiriləcək”.

Azərbaycanda müvəqqəti yerləşdirilən rus sülhməramlı kontingentinin məsuliyyət zonasına qeyri-qanuni səfər edən Fransa prezidentliyinə namizəd Valeri Pekreslə bağlı vəziyyət getdikcə gərginləşir. Zamantv.az-ın məlumatına görə, bu barədə Axar.az-a danışan politoloq Fərhad Məmmədov bildirib ki, hazırda Fransada Prezident Makronun reaksiya verməsi üçün təzyiq dalğası artır.

“Onun necə reaksiya verəcəyini görmək maraqlı olacaq. Pekres Makronun rəqibidir. Makron Pekresə dəstək verməyə razı olarsa, onun reytinqini artıracaq. Əgər bundan imtina etsə və səfərin qanunsuz olduğunu qeyd etsə, bu, Azərbaycanla münasibətlərdə Fransaya xal qazandıracaq.

Lakin unutmayaq ki, Fransa XİN-i Bakıya qarşı hədələrlə reaksiya verdi. Fransa xarici işlər nazirinin Milli Assambleyada deputatın təxribat xarakterli sualına cavabına gəlincə, bu, ATƏT-in Minsk Qrupunun həmsədri olan ölkə üçün qətiyyən yolverilməzdir. Fransa Azərbaycanın ərazi bütövlüyünü tanıyır. Müharibənin son günlərində Makron regionun xəritəsini göstərərək bu faktı qeyd edib. Əgər Fransa vətəndaşı Azərbaycan ərazisinə qanunsuz səfər edərək cinayət törədirsə, o zaman rəsmilər buna hansısa formada haqq qazandıra bilməzlər. İstənilən bəraət bu cinayətdə iştirak kimi qələmə alınacaq. Fransa da eyni yolla addımlayır - palçığa ikinci dəfə girir. 44 günlük müharibədə Fransanın birtərəfli mövqeyi Parisin uduzan ölkənin, ədalətsizliyin tərəfində olmasına səbəb oldu. Beləliklə, o, Cənubi Qafqazda nüfuzunu itirdi. Müharibədən sonra Fransa tərəfindən bölgədəki mövqelərini bərpa etmək üçün bir neçə addım atıldı. Sonra Azərbaycan Prezidenti bunları müsbət addım kimi qiymətləndirdi. Və bu kəskin küncləri birtəhər düzəltmək üçün Makron hətta Əliyevlə Paşinyan arasında görüş üçün Brüsselə də gəldi. Bu müsbət siqnallar Bakıda da eşidildi. Təbii ki, ölkə rəhbərliyindən də müvafiq reaksiya oldu”, - politoloq deyib.

F.Məmmədovun fikrincə, Fransa XİN rəhbərinin hazırkı demarşının Azərbaycan-Fransa münasibətləri üçün böyük nəticələri olacaq:

“Birincisi, heç kimin Azərbaycanın səfiri ilə belə formada danışmağa haqqı yoxdur, çünki qanunsuz hərəkətlərə yol verən fransız siyasətçisidir. İkincisi, bu, Fransanın Bakıya qarşı ilk qanunsuz hərəkəti də deyil. Fransa XİN-in Qarabağda işğal olunmuş Azərbaycan yaşayış məntəqələrinin saxta adları ilə Fransa şəhərlərinin "qardaşlaşmış şəhərləri" məsələsində illərdir Azərbaycanı necə aldatdığını unutmaq olmaz. Sonra Fransa XİN-i Bakını əmin etdi ki, yerli bələdiyyələrin qərarına reaksiya vermək səlahiyyəti yoxdur. Bu, Bakı vəkilləri tutaraq Parisdən bu məsələni həll etməyi tələb edənə qədər, illər boyu davam etdi.

Yəni hüquqi baxımdan haqlı mövqedə olan Bakının cavabı daha ağrılı olacaq”.

Azərbaycanda tanınmış kino təşkilatçısı, prodüser Aydın Abdullayev vəfat edib. Zamantv.az -ın modern.az-a istinadən məlumatına görə, bu barədə mərhumun dostları bildiriblər.

Aydın Əşrəf oğlu Abdullayev 7 iyun 1951-ci ildə Bakıda anadan olub. Azərbaycan Dövlət Xalq Təsərrüfatı İnstitutunda təhsil alıb (1977). 1975-ci ildən kino sahəsində çalışıb: film inzibatçısı, animasiya sexinin inzibatçısı, sex rəisi, kino salnaməsi sexinin rəisi işləyib. "Azərbaycanfilm" kinostudiyasında direktor müavini, direktor əvəzi (1993–1994), "Azanfilm" kinostudiyasının direktoru (1994–2000) olub. 20-dək animasiya filminin direktorudur.

Allah rəhmət eləsin.

Zamantv.az - Xəbər verildiyi kimi Yanvarın 13-ü Xaçmaz rayonu Əzizli kənd sakini Ramiz Sultanov anasını qətlə yetirərək hadisə yerini tərk etmişdir. Həmin şəxsin saxlanılması üçün polis əməkdaşları tərəfindən intensiv əməliyyat-axtarış tədbirləri davam etdirilir. Qeyd edək ki, R.Sultanov ruhi xəstədir. Həmin şəxsi görənlərdən və barəsində məlumatı olanlardan DİN-in “102 Zəng Mərkəzi” Xidmətinə, həmçinin (055) 722-27-99 mobil nömrəsinə zəng vuraraq məlumat vermələri xahiş olunur. Məlumat verən şəxsin anonimliyi təmin olunacaq.

Biləsuvarda “Qırmızı kitab”a düşmüş quşları ovlayan şəxslər saxlanılıb.

Daxili İşlər Nazirliyi Mətbuat Xidmətinin Lənkəran regional qrupundan "Zamantv.az"a verilən məlumata görə, Biləsuvar Rayon Polis Şöbəsinin əməkdaşlarının qanunsuz ovun, mülki silahın daşınması qaydalarının pozulması hallarının qarşısının alınması məqsədilə keçirdikləri növbəti tədbirlər nəticəsində Ağalıkənd kəndi ərazisində qanunsuz ov edən Biləsuvar rayon sakinləri Samir Rəsulov və Davud Kərimov saxlanılıblar. Onlardan 2 ədəd müvafiq sənədləri olmayan “İJ” və “Tula” markalı ov tüfəngləri və qanunsuz olaraq ovladıqları “Qırmızı kitab”a düşmüş Turac quşları aşkarlanıb.

Faktla bağlı Biləsuvar RPŞ-də araşdırma aparılır.

20 Yanvar – müstəqillik mübarizəsinin qəhrəmanlıq tarixi

Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq mərhələsi kimi yazılan 20 Yanvar faciəsi əzmkarlığın, vətənpərvərliyin qüdrətinin zəfər salnaməsidir.
20 Yanvar təqvimdə adi gündür, xalqın tarixində xalqın azadlıq səsini ucaltdığı, öz suverenliyi uğrunda cəsarət nümayiş etdirdiyi mübarizənin şərəfli tarixidir.
20 Yanvar faciəsindən 32 il keçir.
1990-cı ilin 19 yanvar gecəsi sovet imperiyası Azərbaycana qoşun yeritdi. Həmin gecə törədilən faciə, hərbi təcavüz tarixdə insanlığa qarşı törədilmiş ən ağır cinayətlərdən biri kimi qalacaq. Azadlıq, müstəqillik mücahidlərinin qətlə yetirilməsi, yaralanması totalitar sovet rejiminin mahiyyətiydi; azərbaycanda milli-azadlıq hərəkatı rus imperiyasının siyasi dayaqlarını titrətdi.
Vaxt keçdikcə qanlı Yanvar hadisələrinin səbəbləri, bu hadisələrin günahkarları, onlara yardım edənlər, verilən yanlış qərarlar, onların nəticələri olan ağır fəsadlar hələ dünyəvi qiymətini almasa da, mahiyyət pislənildi. Bütün haqsızlıqlara və ədalətsizliklərə baxmayaraq xalqımızın göstərdiyi böyük qəhrəmanlıq hər bir azərbaycanlını qürurlandırır.
Qan yaddaşımıza böyük faciə və qəhrəmanlıq kimi həkk olunan 20 Yanvar müstəqillik əzmimizi, milli kimliyimizi dünyaya tanıdan gün oldu. Bu tarix Azərbaycanın istiqlalı yolunda milli məfkurəmizdən güc alan qarşısıalınmaz azadlıq istəyinin dünyaya bəyan edilməsinin başlanğıcı idi. 20 Yanvar faciəsi sovet rejiminin erməniliyə meylinin, erməniliyə görə antiazərbaycan siyasətinin tərkib hissəsi kimi qiymətləndirilməlidir. Bu qırğın Azərbaycan xalqının demokratiya və milli azadlıq uğrunda mubarizəsini boğmaq, ona mənəvi zərbə vurmaq üçün törədilmişdi. Sovet imperiyası Azərbaycan xalqının iradəsini qıra bilmədi.
Qanlı Yanvar milli-azadlıq hərəkatının daha da yüksəlməsinə səbəb oldu və nəticə etibarilə Azərbaycanın müstəqilliyini bərpa etməsinin qarşısını ala bilmədi. 70 il ərzində müstəqilliyini bərpa etmək arzusu ilə yaşayan xalqımız nəyə qadir olduğunu sübut etdi. Tarix bir daha göstərdi ki, dövlətçilik ənənələrini yaşadan xalqımızı müstəqilliyi uğrunda mübarizədən ayırmaq, onu qorxutmaq, susdurmaq, dayandırmaq mümkünsüzdür.

Səbuhi Kərimov-Yeni Azərbaycan Partiyası Zərdab rayon təşkilatının aparat rəhbəri



20 Yanvar hadisələri Azərbaycan xalqını müstəqillik uğrunda daha mətin vuruşmağa sövq etdi

Qanlı Yanvar hadisələri Azərbaycan milli kimliyinin formalaşmasına həlledici təsir göstərdi, dövlət müstəqilliyinin bərpa edilməsində dönüş nöqtəsi oldu. Faciədən sonra milli azadlıq hərəkatı tam siyasi reallığa çevrildi, dönməz xarakter aldı, xalq öz gələcəyini yalnız müstəqil Azərbaycanda gördü. 20 Yanvar hadisələri nəticəsində Azərbaycanda sovet imperiyası özünün bütün mənəvi və sosial dayaqlarını itirdi. Baş vermiş hadisələr dünya azərbaycanlıların təşkilatlanmasına səbəb oldu. Dünya azərbaycanlıları ilk dəfə olaraq milli faciəmizin tanıdılması naminə yaşadıqları müxtəlif ölkələrdə təşkilatlanmağa başladılar.
20 Yanvar faciəsinin yaratdığı ictimai-siyasi reallıq süqutu yaxınlaşan SSRİ-də və soyuq müharibənin bitməsi ərəfəsində beynəlxalq arenada formalaşan geosiyasi situasiya fonunda əvvəlcə Azərbaycan SSR-də, sonra müstəqil Azərbaycanda zəncirvarı tarixi proseslərə təkan verdi.
Azərbaycan SSR Ali Soveti Rəyasət heyətinin sədri Elmira Qafarova, Azərbaycan Kommunist Partiyası Bakı Şəhər Komitəsinin birinci katibi Müslüm Məmmədov sovet imperiyasının qoşun hissələrinin Bakı şəhərinə yeridilməsi ilə əlaqədar heç bir konkret tədbir görmədiklərinə və vətəndaşların təhlükəsizliyini təmin etmədiklərinə görə yüksək vəzifəli şəxslər kimi öz üzərlərinə düşən məsuliyyətin öhdəsindən gəlməmişlər. Xalqın Sov.İKP-yə və mövcud rejimə qarşı nifrəti son həddə çatmış, Sov İKP üzvləri kütləvi şəkildə partiya biletlərini ataraq onun sıralarını tərk etdilər. Azərbaycan Kommunist Partiyası demək olar ki, süquta uğradı.
20 Yanvar hadisələrindən sonra xalq daha bir gerçəkliyin şahidi oldu. Xalqın mübarizəsini, tökülən qanı siyasi niyyətləri üçün alətə çevirən Azərbaycan Xalq Cəbhəsinin başında duranların iç üzü açılmağa başlamışdı. Belə ki, 20 Yanvar hadisələrinə siyasi qiymət verilməsi tələbi ilə dəfələrlə çıxış edən Azərbaycan Xalq Cəbhəsi hakimiyyətə gəldikdən sonra bu mövzunu unutdu. Onlar hakimiyyətdə olduğu dövrdə faciəyə siyasi qiymət vermək üçün öz imkanlarından istifadə etmədi. 1993-cü ilə qədər Azərbaycana rəhbərlik edən şəxslərin heç biri bu faciə ilə bağlı əsl həqiqəti aşkar etməyə özündə cəsarət tapmadı.

Nailə Əliyeva-Zərdab rayon Mərkəzləşdirilmiş Kitabxana Sisteminin direktoru



20 Yanvar hadisələri ilə əlaqədar ilk rəsmi etirazUlu Öndər Heydər Əliyev tərəfindən səsləndirildi

Təhlükələrdən çəkinməyərək Sovet hakimiyyətinin bu əməlinə etiraz edən Ümummilli Lider Heydər Əliyev Azərbaycan xalqının başına gətirilən qanlı faciənin ilk siyasi-hüquqi qiymətini verdi. 1990-cı il yanvarın 21-də Sovet rejiminin qadağalarına rəğmən, həyatını təhlükə qarşısında qoyaraq Azərbaycanın Moskvadakı Daimi Nümayəndəliyinə gələn Ulu Öndər Heydər Əliyev qanlı faciənin təşkilatçılarını dünya ictimaiyyəti qarşısında ittiham etdi. Cəsarətli bəyanat verərək əliyalın xalqın qırılmasını hüquqa, demokratiyaya, humanizmə zidd, Moskvanın və respublika rəhbərlərinin günahı üzündən yol verilmiş kobud siyasi səhv kimi ifşa etdi.
Ulu Öndərin Bakıya rus ordusunun yeridilməsi ilə bağlı SSRİ rəhbərliyinin qərarını kəskin tənqid edərək, rəsmi açıqlamanı tələb etdi: “Azərbaycana kənardan böyük ordu kontingenti yeridilmişdir. Respublikada neçə ordu birləşməsinin olduğu mənə yaxşı bəllidir. Azərbaycanda kifayət qədər – 4-cü ordu, Xəzər Hərbi Dəniz Donanması, desant qoşunlarının diviziyası, Hava Hücumundan Müdafiə Qoşunları, DİN-in daxili qoşun birləşmələri vardır. Oraya əlavə qoşun yeritmək nəyə lazım idi? Əgər belə zərurət var idisə, orada yerləşən hərbi hissələrdən də istifadə etmək olardı. Belə qərar qəbul edən Azərbaycan rəhbərliyi, hamıdan əvvəl isə Azərbaycanı qoyub qaçmış Vəzirov, öz xalqı qarşısında məsuliyyət daşımalıdır”.
Qanlı Yanvar hadisələrinin ilk hüquqi qiyməti. Ümummilli Lider Heydər Əliyevin təşəbbüsü ilə Naxçıvan Muxtar Respublikasının Ali Məclisi 20 Yanvar faciəsinə ilk siyasi qiymət verən 21 noyabr 1990-cı il tarixli qərar qəbul etdi;
20 Yanvar hadisələri ilə bağlı həqiqətlərin ifşa olunmasına xidmət edən fəaliyyət. Ulu Öndərin təşəbbüsü və göstərişləri ilə 1994-cü ilin mart ayının 29-da Milli Məclis “1990-cı il yanvarın 20-də Bakıda törədilmiş faciəli hadisələr haqqında” Qərar qəbul etdi. Ümummilli Lider Heydər Əliyev dövrün mürəkkəbliyinə rəğmən, 20 Yanvar faciəsinin başvermə səbəbləri və günahkarların araşdırılması ilə də məşğul oldu və bunun nəticəsində həqiqətlər üzə çıxdı.
Ulu Öndər Heydər Əliyev – “Mən bu faciəyə həmişə ürəkdən yanaraq həm də vətəndaşlıq borcumu yerinə yetirməyə çalışmışam və bu gün də həmin mövqedəyəm, sabah da həmin mövqedə olacağam. Birinci növbədə, ədalət naminə, eyni zamanda, Azərbaycan xalqının namusunu, şərəfini, milli mənliyini qorumaq naminə.”

Elyurə Məmmədova-Rayon mədəniyyət mərkəzinin direktoru



32 ildir ki, xalqımız bu günü Vətənimizin azadlığı və suverenliyi uğrunda qurban getmiş mərd oğul və qızlarının xatirəsini dərin hörmət və ehtiramla yad edir.

1990-cı ilin yanvarın ortalarında SSRİ Müdafiə və Daxili işlər nazirliklərinin, habelə başqa xüsusi təyinatlı hərbi birləşmələrin on minlərlə əsgər və zabiti Bakıya və şəhər ətrafındakı hərbi hissələrə yerləşdirildi. Bu ordu hissələrinin tərkibinə Stavropol, Rostov və Krasnodardan əsasən erməni zabit və əsgərləri, hərbi məktəblərdə təhsil alan erməni kursantları cəlb edilmişdilər.
1990-cı il yanvarın 19-da Azərbaycan SSR Ali Soveti hüquqi qüvvəsi olmayan 15 yanvar tarixli saxta qərarına əsasən, yanvarın 19-dan 20-nə keçən gecədən etibarən “Bakı şəhərində fövqəladə vəziyyət tətbiq edilməsi haqqında” fərman qəbul etmişdi.
Yanvarın 19-da SSRİ DTK-nın “Alfa” qrupu və respublika DTK-sının rəhbərliyi tərəfindən təşkil edilən əməliyyat nəticəsində respublika televiziyasının enerji bloku partladıldı ki, Bakıda fövqəladə vəziyyət elan edilməsi və qoşunun şəhərə girməsi barədə əhaliyə rəsmi məlumat çatdırmaq mümkün olmasın, yəni, qırğının miqyası bu şəkildə artırılsın.
Fövqəladə vəziyyət yanvarın 19-dan 20-nə keçən gecə tətbiq edilməliydi, ancaq qoşun hissələri yanvarın 19-da saat 21:00-dan etibarən birinci olaraq Türkan-Qala tərəfdən şəhərə yeridildi. “Bakı əməliyyatı”na rəhbərliyi birbaşa SSRİ Müdafiə naziri Dmitri Yazov, SSRİ Daxili İşlər naziri Vadim Bakatin, SSRİ DTK sədrinin müavini Filip Babkov həyata keçirmişdilər.
Yanvarın 20-də bütün dünya Bakıda törədilmiş dəhşətli qırğından xəbər tutmuşdu. Sovet qoşunlarının Bakıya hərbi müdaxiləsi dünyanın bir sıra ölkələrində etirazla qarşılandı. Qardaş Türkiyədə Bakıda törədilən cinayətlərə sərt reaksiya verildi, ölkənin hər yerində mitinq və nümayişlər keçirildi.
Ulu öndər Heydər Əliyevin daxili və xarici siyasətini uğurla davam etdirən Prezident İlham Əliyev 20 Yanvar faciəsində qətlə yetirilənlərin, müharibə veteranlarının, şəhid ailələrinin, əlillərin problemlərinin dövlət səviyyəsində həllini dövlətin mühüm vəzifələrindən biri kimi qarşıya qoyub… 32 ildir ki, xalqımız bu günü Vətənimizin azadlığı və suverenliyi uğrunda qurban getmiş mərd oğul və qızlarının xatirəsini dərin hörmət və ehtiramla yad edir.
1990-cı ilin 20 Yanvar qırğını nə qədər faciəli olsa da, xalqımızın iradəsini, milli-azadlıq uğrunda mübarizə əzmini qıra bilmədi. Müstəqil Azərbaycan dövlətinin tarixində 20 Yanvar faciəsi həm də mübarizlik, qəhrəmanlıq tarixi kimi xatırlanacaq…

Rəmzi Şirinov-YAP Zərdab rayon təşkilatının Gənclər Birliyinin sədri



Milli həmrəyliyin təzahürü

20 yanvar 1990-cı il Bakıda sovet ordusu tərəfindən dinc əhaliyə qarşı törədilən dəhşətli və kütləvi qırğın Azərbaycan tarixində təkcə faciə deyil, həm də xalqımızın istiqlal yolundakı ilk zirvə, milli azadlıq istəyinin ilk oyanış günü idi. Xalqın azadlıq səsinin ucaltdığı, hünər və cəsarət nümayiş etdirdiyi şanlı bir tarix idi.
Bu, bəşəriyyət və insanlıq əleyhinə törədilmiş dəhşətli əməl idi. Xalqın başına gətirilən bu cinayət sovet imperiyasının iç üzünü bariz bir şəkildə ortaya qoydu. Tələblərinə demokratik yolla nail olmaq istəyən, azadlıq, suverenlik arzusunda olan xalqın iradəsini qıraraq, günahsız, əliyalın insanların qanını axıtmaqla onların milli mübarizə əzmini məhv etməyə çalışsa da, istəyinə nail ola bilmədi.
O qanlı gecə baş verən faciəyə qarşı ilk etiraz səsini ucaldan məhz ulu öndər Heydər Əliyev oldu. Hadisənin ertəsi gün Moskvada Azərbaycanın daimi nümayəndəliyinə gələrək bu vəhşiliyi qətiyyətlə pisləməklə yanaşı, onun günahkarlarının adını bütün dünyaya bəyan etdi, imperiyanın mərkəzində imperiyaya qarşı etiraz nümayış etdirdi. Xalqın taleyüklü bir anında ümummilli lider Heydər Əliyevin ən faciəvi günlərdən birini yaşayan Azərbaycan xalqının acısına şərik çıxması onun öz xalqına olan sonsuz məhəbbətinin ifadəsi , qətiyyətli vətəndaşlıq mövqeyinin göstəricisi idi.
20 Yanvar yaxın keçmişimizdə yaşamış olduğumuz ən faciəvi günlərdən biri olsa da, xalqımızın yaddaşına həm də qəhrəmanlıq tarixi kimi həkk olundu. Xalqımız şəhidlərimizin xatirəsini həmişə böyük minnətdarlıq hissi ilə yad edəcək.

Mayisə Xəlilova-Dəkkəoba kənd tam orta məktəbin direktor müavini



Müstəqillik tariximizin 20 Yanvar faciəsi

1990-cı il yanvarın 20-si Azərbaycanın müasir tarixinə ən faciəli günlərdən biri, eyni zamanda, xalqımızın qəhrəmanlıq səhifəsi kimi daxil olub. Artıq Qanlı Yanvar hadisələrindən 32 il keçir. 1990-cı il yanvarın 19-dan 20-nə keçən gecə keçmiş sovet ordusunun hərbi hissələri Bakı şəhərində müstəqil dövlət yaratmaq və öz suverenliyini əldə etmək üçün ayağa qalxan dinc əhaliyə qarşı misli görünməmiş qətliam törətdi. Bu qanlı cinayət insanların azadlıq eşqini söndürə bilmədi və xalqımız qanı bahasına da olsa, öz dövlət müstəqilliyinə qovuşdu. Otuz iki il əvvəl Azərbaycan xalqına qarşı törədilmiş cinayət əslində bəşəriyyətə, humanizmə, insanlığa qarşı həyata keçirilmiş dəhşətli terror aktıdır. Bu faciədə 147 Azərbaycan vətəndaşı şəhid olub, 638 nəfər yaralanıb və xəsarət alıb, 841 nəfər qanunsuz olaraq həbs edilib. Nəticədə insan hüquqlarına dair bir çox beynəlxalq sənədlərin, o cümlədən Ümumdünya İnsan Hüquqları Bəyannaməsinin tələbləri kobudcasına pozulub.
2020-ci il bütün dünyada çətin il olsa da Azərbaycan üçün istər siyasi, diplomatik, hərbi, istərsə də digər sahələr üzrə uğurlarla yadda qaldı. Tarixi ədalət bərpa olundu, Azərbaycan bütün dünyaya siyasi, iqtisadi və milli birlik gücünü göstərdi. Ali Baş Komandan cənab İlham Əliyevin qətiyyəti, ordumuzun rəşadəti və xalqımızın birliyi ilə 44 günlük müharibədə Ermənistan Azərbaycan qarşısında diz çökdü. Bu möhtəşəm Zəfər nəticəsində 30 ilə yaxın davam edən Dağlıq Qarabağ münaqişəsinə son qoyuldu. Qədim şəhərlərimiz, əzəli torpaqlarımız azad olundu.

Vəfa Xəlilli – Gəncliyə Dəstək İctimai Birliyinin sədri



Azərbaycan 20 Yanvar hadisələrində mübariz oğul və qızlarının şücaətini daim yüksək qiymətləndirir, onların ruhuna ehtiram göstərir, xatirəsini hər zaman uca tutur

Azərbaycan xalqının ümummilli lideri Heydər Əliyevin liderlik fəaliyyəti xalqımızın çağdaş tarixinin yarım əsrlik bir dövrünün başlıca yönünü və məzmununu təşkil edir. Ulu öndər tarix yaradan bir şəxsiyyət olmaqla yanaşı, həm də tarixi hadisələrə ən doğru-düzgün qiymət verən mütəfəkkir dövlət xadimi, misilsiz bir şəxsiyyətdir. Bu baxımdan dahi siyasətçinin 20 Yanvar hadisələri ilə bağlı siyasi fəaliyyəti və bu faciəyə verdiyi qiymət özü mükəmməl bir tarixi nümunədir.
1990-cı ilin Qanlı Yanvar hadisəsi Azərbaycan xalqı üçün təkcə böyük faciə deyildir. O, ləyaqətini qorumaq üçün hər cür qurban verməyə hazır olan xalqın tarixində şərəfli bir səhifədir. 20 Yanvar faciəsi, eyni zamanda həm ümumxalq faciəsi, həm də müstəqillik, istiqlal və hürriyyət uğrunda xalqımızın apardığı milli azadlıq hərəkatının zirvəsi kimi Azərbaycan tarixinə həkk olunub.
20 Yanvar faciəsi Azərbaycanın müstəqilliyə aparan yolunda yeni mərhələnin başlanğıc nöqtəsi oldu. Qanlı Yanvar hadisələri Azərbaycan milli kimliyinin formalaşmasına həlledici təsir göstərib, dövlət müstəqilliyinin bərpa edilməsində dönüş nöqtəsi olub. Faciədən sonra milli azadlıq hərəkatı tam siyasi reallığa çevrilib, dönməz xarakter alıb, xalq öz gələcəyini yalnız müstəqil Azərbaycanda görüb. 20 Yanvar hadisələri nəticəsində Azərbaycanda sovet imperiyası özünün bütün mənəvi və sosial dayaqlarını itirdi. Baş vermiş hadisələr dünya azərbaycanlıların təşkilatlanmasına səbəb oldu.
Dünya azərbaycanlıları ilk dəfə olaraq milli faciəmizin tanıdılması naminə yaşadıqları müxtəlif ölkələrdə təşkilatlanmağa başladılar. 20 Yanvar faciəsinin yaratdığı ictimai-siyasi reallıq süqutu yaxınlaşan SSRİ-də və soyuq müharibənin bitməsi ərəfəsində beynəlxalq arenada formalaşan geosiyasi situasiya fonunda əvvəlcə Azərbaycan SSRİ-də, sonra müstəqil Azərbaycanda zəncirvarı tarixi proseslərə təkan verdi. 20 Yanvar hadisələri ilə əlaqədar ilk rəsmi etiraz Ulu Öndər Heydər Əliyev tərəfindən səsləndirilmişdir. Təhlükələrdən çəkinməyərək Sovet hakimiyyətinin bu əməlinə etiraz edən Ümummilli Lider Heydər Əliyev Azərbaycan xalqının başına gətirilən qanlı faciənin ilk siyasi-hüquqi qiymətini verdi.
1990-cı il yanvarın 21-də Sovet rejiminin qadağalarına rəğmən, həyatını təhlükə qarşısında qoyaraq Azərbaycanın Moskvadakı Daimi Nümayəndəliyinə gələn Ulu Öndər Heydər Əliyev qanlı faciənin təşkilatçılarını dünya ictimaiyyəti qarşısında ittiham etdi. Cəsarətli bəyanat verərək əliyalın xalqın qırılmasını hüquqa, demokratiyaya, humanizmə zidd, Moskvanın və respublika rəhbərlərinin günahı üzündən yol verilmiş kobud siyasi səhv kimi ifşa etdi.
Ümummilli Lider Heydər Əliyevin təşəbbüsü ilə Naxçıvan Muxtar Respublikasının Ali Məclisi 20 Yanvar faciəsinə ilk siyasi qiymət verən 21 noyabr 1990-cı il tarixli qərar qəbul etdi. Ulu Öndərin təşəbbüsü və göstərişləri ilə 1994-cü ilin mart ayının 29-da Milli Məclis “1990-cı il yanvarın 20-də Bakıda törədilmiş faciəli hadisələr haqqında” Qərar qəbul etdi. Ulu Öndər Heydər Əliyevin yolunu uğurla davam etdirən Prezident İlham Əliyev də çıxışlarında bildirmişdir ki, “Azərbaycan 20 Yanvar hadisələrində mübariz oğul və qızlarının şücaətini daim yüksək qiymətləndirir, onların ruhuna ehtiram göstərir, xatirəsini hər zaman uca tutur”.

Xanım İmanova – Zərdab rayon Heydər Əliyev Mərkəzinin muzey bələdçisi



20 Yanvar faciəsi xalqımızın milli-azadlıq duyğularının güclü olduğunu göstərdi

Hər bir xalq tarixdə öz qəhrəmanları və qəhrəmanlığı ilə yaşayır. 32 illik tarixin ayırdığı o günlərdə bizə böyük bir faciə kimi görünən 20 Yanvar gecəsi əlbəttə ki, Azərbaycanımıza, tariximizə, xalqımıza yeni bir qəhrəmanlıq səhifəsi qazandırdı. Azərbaycan xalqı totalitar rejimin tərkibində ikən, hər tərəfdən basqılarla əhatələnsə də öz kimliyini sübut etmək, tarixi hüququnu əldə etmək üçün mübarizəyə qalxaraq qəhrəmanlıq dastanını yazdı, XX əsrə bir daha öz qəhrəmanlıq möhürünü vurdu. Bu gün biz o zaman baş verən hadisələri ancaq bu şəkildə qiymətləndirməliyik. Əlbəttə ki, 1990-cı ilin o qanlı yanvar gecəsində Azərbaycanda yaşananları, o dəhşətli səhnələri gözü ilə görənlər Azərbaycanın ən yeni tarixinin canlı şahidləridir. Həmin tarixdən sonra dünyaya gələn övladlarımız o günün həqiqətlərini tarix kitablarından oxuyurlar. Amma bizlər və bizdən böyük nəsil həmin gün və həmin günə aparan həqiqətləri çox yaxşı dərk edirik. Bir daha o günlərə nəzər salanda anlayırıq ki, əslində bu hadisələr qaçılmaz idi. Çünki xalq öz sözünü deməli idi. Xalq öz müstəqilliyi uğrunda mütləq ayağa qalxmalı idi. O tarixi şərait yetimişdi və xalqımız bu tarixi şəraitdən bacarıqla istifadə etdi.
Azərbaycanda başlayan milli azadlıq hərəkatı həqiqətən sovet dövlətinin dağılmasında kifayət qədər güclü rol oynayıb. 20 Yanvar hadisəsi sovet rejiminin iç üzünü açdı. Sübut olundu ki, çıxışların kəskinliyinə baxmayaraq, Baltikyanı ölkələrdə, Ukraynada, Mərkəzi Asiyada, Gürcüstanda və Ermənistanda imperiya Azərbaycana qarşı həyata keçirdiyi amansız tədbirlərə əl atmadı. Sovet rejimi ən müasir hərbi texnikanı əliyalın xalqımızın üzərinə yeritdi. Bu addım imperiyanın süqutunda bir təkan rolunu oynadı. Amma sovet dövlətinin dağılması daha mürəkkəb proses idi və bu, əslində, 1980-ci illərin ortalarından başlamışdı. Artıq sovet dövlətindən ayrılmalar labüd idi və Kommunist Partiyasının Siyasi Bürosunda da baş verən hadisələr onu göstərirdi ki, Moskvanın özü də müəyyən səviyyədə SSRİ-dən imtina etməyə hazırlaşır. Bu, yalnız Moskvanın daxili siyasətində yox, xaricə yönəlik siyasətində də özünü göstərirdi. Çünki dünyada elə proseslər gedirdi ki, Moskva sovet dövlətinin dağılacağını başa düşürdü. Buna görə də prosesi mümkün qədər uzatmaq istəyirdilər. 20 Yanvar Azərbaycanın müstəqillik yolunda addımlarının və imkanlarının daha aydın təzahürü oldu.
20 Yanvar faciəsi xalqımızın milli-azadlıq duyğularının güclü olduğunu, o zaman Azərbaycana rəhbərlik edənlərin isə zəifliyini göstərdi. Bu hadisə xalqın müstəqil dövlət qurmaq uğrunda mübarizəsinə mərkəzi hakimiyyətin gözlənilməz və kifayət qədər sərt reaksiyası idi. 20 Yanvar hadisələri onu da sübut etdi ki, Azərbaycan xalqı Dağlıq Qarabağın ondan qoparılıb başqasına verilməsinə razı deyil. Bütün bunlar torpaqlarımızın əlindən alınmasına qarşı xalqın kütləvi etirazı idi. Bu baxımdan, 20 Yanvar hadisələri istiqlal mübarizəmizin zirvələrindən biridir. Qanlı Yanvar hadisələrində ayağa qalxan xalqımızın yeganə tələbi Dağlıq Qarabağın əlimizdən getməməsi idi.
Dağlıq Qarabağ uğrunda hərəkat milli – azadlıq mübarizəsinə çevrildi. Xalq başa düşdü ki, torpaqlarını, suverenliyini qorumaq üçün azad olmalıdır.
2016-cı ilin aprel döyüşlərində, 2020-ci ilin iyulunda baş vermiş Tovuz hadisələrində və ən başlıcası 2020-ci ilin 27 sentyabrında başlayıb və tarixi Zəfərimizlə başa çatan 44 günlük ikinci Qarabağ müharibəsində Azərbaycan ordusunun qazandığı tarixi qələbəsini 20 Yanvar faciəsini, Xocalı soyqırımını törədənlərə bir mesaj kimi qiymətləndirmək olar.

KÖNÜL RƏHİMOVA-Zərdab rayon Heydər Əliyev Mərkəzinin direktoru



Əvvəlcədən planlaşdırılmış hərbi cinayət

20 Yanvar faciəsi Azərbaycanın müstəqilliyə aparan yolunda yeni mərhələnin başlanğıc nöqtəsi oldu. 1990-cı ilin Qanlı Yanvar hadisəsi Azərbaycan xalqı üçün təkcə böyük faciə deyildir. O, ləyaqətini qorumaq üçün hər cür qurban verməyə hazır olan xalqın tarixində şərəfli bir səhifədir. 20 Yanvar faciəsi, eyni zamanda həm ümumxalq faciəsi, həm də müstəqillik, istiqlal və hürriyyət uğrunda xalqımızın apardığı milli azadlıq hərəkatının zirvəsi kimi Azərbaycan tarixinə həkk olunub.
Milli maraqlara zidd addımlar atan Azərbaycanın ozamankı rəhbərlərinin istefası tələbinin irəli sürülməsinə və xalqın qətiyyətlə Dağlıq Qarabağın Ermənistana birləşdirilməsinə qarşı çıxmasına görə Azərbaycanı cəzalandırmaq üçün Kreml Qanlı Yanvar qırğınını törətdi. 1990-cı il yanvarın 19-dan 20-nə keçən gecə birbaşa Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə SSRİ Müdafiə Nazirliyi, Dövlət Təhlükəsizlik Komitəsi və Daxili İşlər Nazirliyinin qoşun hissələri Bakıya və Azərbaycanın bir neçə rayonuna yeridilib, dinc əhali ağır texnikadan və müxtəlif tipli silahlardan atəşə tutularaq kütləvi qətlə yetirilib. Sovet ordusunun xüsusi təyinatlı dəstələrinin və daxili qoşunların iri kontingentinin Bakını zəbt etməsi xüsusi qəddarlıqla müşayiət edilib. Tətbiq edilmiş fövqəladə vəziyyət haqqında əhali xəbərdar edilməmişdir.Azərbaycan xalqına qarşı törədilən bu hərbi cinayət Kremlin divarlatı arxasında əvvəlcədən planlaşdırılmışdı.
Baş verən hadisələr xalqımızın azadlıq arzusunun, müstəqillik idealının 70 il davam edən sovet hərb maşınının repressiyasına rəğmən sönmədiyini, əksinə, yeni güc qazandığını bir daha nümayiş etdirdi. Bununla Azərbaycan xalqı zülmə, ədalətsizliyə və zorakılığa boyun əyməyəcəyini, milli iradəsinin sarsılmazlığını təkcə imperiya rəhbərliyinə deyil, bütün dünyaya göstərdi .Faciədən 32 il keçir. Əbədi, dönməz və sarsılmaz müstəqilliyimizin işığında yaşayan xalq hər il yanvarın 20-də Şəhidlər xiyabanına üz tutur, azadlığımızın qandallarını sındırmış şəhidlərimizi ehtiramla yad edirlər. Şəhidlər xiyabanını ziyarətə gələn yüz minlərlə həmvətənimiz azadlığımız uğrunda şəhid olmuş soydaşlarımızın məzarı qarşısında baş əyərək onların xatirəsini əziz tuturuq.

Səlim Zeynalov – Dəkkəoba kənd tam orta məktəbinin direktoru



Qanlı yanvar hadisələrin coğrafiyası təkcə Bakı şəhəri ilə məhdudlaşmadı

1990-cı il yanvarın 20-də Azərbaycan paytaxtına və respublikanın bir sıra rayonlarına sovet ordusu hissələrinin qanunsuz yeridilməsi, dinc əhalinin qırılması totalitar rejimin törətdiyi ən qanlı aktlardan biri, bütün bəşəriyyətə qarşı yönəldilmiş cinayət oldu. Şəhərin küçələri güllələnmiş və yaralanmış günahsız adamların – qocaların, qadınların, uşaqların qanına qərq olmuşdu. Hərbçilər təsadüfən küçəyə çıxanları, yaşayış evlərini, təcili yardım maşınlarını belə atəşə tuturdular.Qanlı yanvar hadisələrin coğrafiyası təkcə Bakı şəhəri ilə məhdudlaşmamışdı. Fövqəladə vəziyyətin elan olunmadığı rayonlarda yanvarın 25-də Neftçala, yanvarın 26-da Lənkəranda cəmi 8 nəfər qətlə yetirilmişdir.Ümumilikdə Respublikada 147 nəfər öldürülmüş, 744 nəfər yaralanmış, 841 nəfər qanunsuz həbs olunmuş, 200 ev və mənzil, 80 avtomaşın, o cümlədən təcili yardım maşınları, dövlət əmlakı və şəxsi əmlak məhv edilmişdir.
20 Yanvar hadisələri Azərbaycan xalqını müstəqillik uğrunda daha mətin vuruşmağa sövq etdi. Qanlı Yanvar hadisələri Azərbaycan milli kimliyinin formalaşmasına həlledici təsir göstərdi, dövlət müstəqilliyinin bərpa edilməsində dönüş nöqtəsi oldu. Faciədən sonra milli azadlıq hərəkatı tam siyasi reallığa çevrildi, dönməz xarakter aldı, xalq öz gələcəyini yalnız müstəqil Azərbaycanda gördü. 20 Yanvar hadisələri nəticəsində Azərbaycanda sovet imperiyası özünün bütün mənəvi və sosial dayaqlarını itirdi. Baş vermiş hadisələr dünya azərbaycanlıların təşkilatlanmasına səbəb oldu. Dünya azərbaycanlıları ilk dəfə olaraq milli faciəmizin tanıdılması naminə yaşadıqları müxtəlif ölkələrdə təşkilatlanmağa başladılar.20 Yanvar faciəsinin yaratdığı ictimai-siyasi reallıq süqutu yaxınlaşan SSRİ-də və soyuq müharibənin bitməsi ərəfəsində beynəlxalq arenada formalaşan geosiyasi situasiya fonunda əvvəlcə Azərbaycan SSR-də, sonra müstəqil Azərbaycanda zəncirvarı tarixi proseslərə təkan verdi.

Elvin Məmmədov – Şıxbağı kənd tam orta məktəbin müəllimi



20 Yanvar hadisələri ilə bağlı həqiqətlərin ifşa olunmasına xidmət edən fəaliyyət

20 Yanvar hadisələrindən sonra xalqdaha bir gerçəkliyin şahidi oldu. Xalqın mübarizəsini, tökülən qanı siyasi niyyətləri üçün alətə çevirən Azərbaycan Xalq Cəbhəsinin başında duranların iç üzü açılmağa başlamışdı. Belə ki, 20 Yanvar hadisələrinə siyasi qiymət verilməsi tələbi ilə dəfələrlə çıxış edən Azərbaycan Xalq Cəbhəsi hakimiyyətə gəldikdən sonra bu mövzunu unutdu. Onlar hakimiyyətdə olduğu dövrdə faciəyə siyasi qiymət vermək üçün öz imkanlarından istifadə etmədi. 1993-cü ilə qədər Azərbaycana rəhbərlik edən şəxslərin heç biri bu faciə ilə bağlı əsl həqiqəti aşkar etməyə özündə cəsarət tapmadı.
20 Yanvar hadisələri ilə əlaqədar ilk rəsmi etiraz Ulu Öndər Heydər Əliyev tərəfindən səsləndirildi. Təhlükələrdən çəkinməyərək Sovet hakimiyyətinin bu əməlinə etiraz edən Ümummilli Lider Heydər Əliyev Azərbaycan xalqının başına gətirilən qanlı faciənin ilk siyasi-hüquqi qiymətini verdi. 1990-cı il yanvarın 21-də Sovet rejiminin qadağalarına rəğmən, həyatını təhlükə qarşısında qoyaraq Azərbaycanın Moskvadakı Daimi Nümayəndəliyinə gələn Ulu Öndər Heydər Əliyev qanlı faciənin təşkilatçılarını dünya ictimaiyyəti qarşısında ittiham etdi. Cəsarətli bəyanat verərək əliyalın xalqın qırılmasını hüquqa, demokratiyaya, humanizmə zidd, Moskvanın və respublika rəhbərlərinin günahı üzündən yol verilmiş kobud siyasi səhv kimi ifşa etdi. Ulu Öndərin Bakıya rus ordusunun yeridilməsi ilə bağlı SSRİ rəhbərliyinin qərarını kəskin tənqid edərək, rəsmi açıqlamanı tələb etdi: “Azərbaycana kənardan böyük ordu kontingenti yeridilmişdir. Respublikada neçə ordu birləşməsinin olduğu mənə yaxşı bəllidir. Azərbaycanda kifayət qədər – 4-cü ordu, Xəzər Hərbi Dəniz Donanması, desant qoşunlarının diviziyası, Hava Hücumundan Müdafiə Qoşunları, DİN-in daxili qoşun birləşmələri vardır. Oraya əlavə qoşun yeritmək nəyə lazım idi? Əgər belə zərurət var idisə, orada yerləşən hərbi hissələrdən də istifadə etmək olardı. Belə qərar qəbul edən Azərbaycan rəhbərliyi, hamıdan əvvəl isə Azərbaycanı qoyub qaçmış Vəzirov, öz xalqı qarşısında məsuliyyət daşımalıdır”.
Qanlı Yanvar hadisələrinin ilk hüquqi qiyməti. Ümummilli Lider Heydər Əliyevin təşəbbüsü ilə Naxçıvan Muxtar Respublikasının Ali Məclisi 20 Yanvar faciəsinə ilk siyasi qiymət verən 21 noyabr 1990-cı il tarixli qərar qəbul etdi. 20 Yanvar hadisələri ilə bağlı həqiqətlərin ifşa olunmasına xidmət edən fəaliyyət. Ulu Öndərin təşəbbüsü və göstərişləri ilə 1994-cü ilin mart ayının 29-da Milli Məclis “1990-cı il yanvarın 20-də Bakıda törədilmiş faciəli hadisələr haqqında” Qərar qəbul etdi. Ümummilli Lider Heydər Əliyev dövrün mürəkkəbliyinə rəğmən, 20 Yanvar faciəsinin başvermə səbəbləri və günahkarların araşdırılması ilə də məşğul oldu və bunun nəticəsində həqiqətlər üzə çıxdı.

Nağıyev Abbas – Dəli Quşçu kənd Ağsaqqallar şurasının sədri



Siyasi maraqlar naminəAzərbaycan xalqına qarşı törədilmiş cinayət

20 Yanvar yaxın keçmişimizdə yaşamış olduğumuz ən faciəvi günlərdən biri olsa da, xalqımızın yaddaşına həm də qəhrəmanlıq tarixi kimi həkk olundu.Bəli, doğrudan da, o zaman çox az adam inana bilərdi ki, dövlət öz vətəndaşına, dinc vətəndaşına belə divan tuta bilər. Mərkəzi hökumət tərəfindən milli mənafeyimizə zidd siyasətin yürüdülməsi, bu siyasətin qarşısının alınması üçün ölkə rəhbərliyi tərəfindən heç bir tədbir görülməməsi xalqla hakimiyyət arasında yaranmış uçurumu daha da dərinləşdirməklə kütləvi etiraz dalğasının baş qaldırmasına rəvac vermişdi. Belə bir məqamda insanların haqlı etirazlarını dinləmək, mövcud problemlərin siyasi yolla həll edilməsinə yönəlmiş addımlar atmaq əvəzinə, imperiyanın öz ənənəsinə sadiq qalaraq zora əl atması – onun antihumanist təbiətini və ən iyrənc yollarla belə həyata keçirməyə hər an hazır olduğu imperialist siyasətini tam aydınlığı ilə ifşa etmiş oldu.
Meydanlara öz haqq səsini ucaltmaq, milli heysiyyatını və milli mənliyini qorumaq əzmi ilə çıxan fədakar vətən övladları bütün gözlənilməzliklərə hazır idilər. Amma hələ də heç kim bu vəziyyəti gözləmirdi. Çünki sovet rəhbərliyinin 70 il bir dam altında yaşadığı öz vətəndaşlarına qarşı bu qədər qəddarlıq nümayiş etdirəcəyi ağlasığmaz görünürdü. Soyuq 20 Yanvar səhəri açılmağa macal tapmamış bəşər tarixinin insanlığa sığmayan ən faciəvi hadisələrindən biri – Bakı küçələrində dinc nümayişçilərin gülləbaranı baş verdi: nəyin bahasına olursa-olsun milli mücadiləni boğmaq və yatırtmaq məqsədi ilə Azərbaycana yeridilən rus qoşunları Bakıda və respublikanın müxtəlif rayonlarında 147 nəfər mülki şəxsi küçələrdə, evlərində, avtomobillərində, iş yerlərində qətlə yetirdi, 744 nəfər yaralandı, 841 nəfər qanunsuz həbs olundu.Xalq düşmən tankının tırtılları altında parçalanmış, sinələri düşmən güllələrindən deşik-deşik olmuş övladlarını qan gölündə tapdı. Bu, Azadlığın bərpasına gedən yolda ilk şəhidlərin verildiyi 20 Yanvar səhəri idi.Nə qədər hüznlü və acı olsa da, xalq öz qəhrəman övladlarını son mənzilə yola salmağa özündə güc tapdı. Haqq, azadlıq yolunda şəhidlik zirvəsinə ucalmaq nə qədər şərəfli idisə, düşmən silahının nişangahında Vətənin şəhidlərini layiqincə son mənzilə yola salmaq da bir o qədər namus və şərəf məsələsi idi. Xalq sarsılmadı, əyilmədi, qorxmadı. Qanlı faciənin qurbanları azadlığı uğrunda can verdiyi Vətən torpağına yüzminlərin çiyinlərində daşındılar və müqəddəs torpaqda əbədiyyətə qovuşdular

Şəhla Eminova –əməkdar müəllim