Abşeron rayonunda yerləşən “Kəpəz –M” Mənzil Tikinti Kooperativlərindən (MTK) ev alan vətəndaş mənzilinin digər şəxsə də satıldığını deyir.
Zamantv.az -ın məlumtınaa görə, şikayətçi Hüseynağa Heydərov “Qafqazinfo”ya müraciət edərək bildirib ki, “Kəpəz-M” MTK-nın Xırdalan şəhəri, Heydər Əliyev prospekti 596 ünvanında yerləşən binadan üç mənzil alıb. Üç mənzildən ikisi üç otaqlı, biri isə bir otaqlıdır. Ümumilikdə vətəndaş bu mənzillərə görə şirkətin nümayəndəsinə 157 min manat ödədiyini deyir. Onun sözlərinə görə, şirkətə yalnız bir otaqlı mənzil üçün 20 min AZN borcu qalıb.

Hüseynağa Heydərov iddia edir ki, ödənişi şirkətin satış təmsilçisi Tamerlan Tağıyevə şəxsən ödəyib: “Hazırda məndə yalnız bir evin (56 saylı mənzil) çıxarışı var. Digər mənzillərə (10 və 39 saylı mənzillərə) dair isə müqavilə və maliyyə arayışlar var. Çıxarışı olan evim MTK tərəfindən başqa adama satılıb. Həmin şəxs qapını sındıraraq mənzilə başqa qapı qoyub və hazırda orda yaşayır. O, şəxs bildirir ki, onun əlində bu mənzilin alınmasına dair müqavilə var. Bu şəxs “Kəpəz – M” MTK-nın işçisidir. Maraqlı məqam odur ki, həmin şəxs digər evi məhz 56 saylı evin üstündə, 12-ci mərtəbədədir. Deməli, 2020-ci ilin sonunda biz evi almışıq, onu təmir etmişik, bütün prosesləri görmüşük. Guya bu adam, bizdən qabaq 2019-cu ildə alıb. Əgər elədirsə, niyə həmin şəxs bir dəfə də olsun təmir gedən vaxtı gəlib bizdən burada nə etdiyimizi soruşmur? Çox absurd vəziyyətdir. 10 saylı mənzildə təmiri demək olar ki, bitirmişdik, artıq ona da çıxarış alırdıq”.

Şikayətçinin sözlərinə görə, 2021-ci ilin aprel ayında ona bu mənzilin Tamerlan Tağıyev tərəfindən, şirkətin xəbəri olmadan satıldığı deyilib: “Şirkət də ondan şikayət edib və hazırda Tamerlan Tağıyev həbsdədir. Məhkəmə prosesləri zamanı Tamerlan Tağıyev özü də məndən pulu aldığını, onu şirkətə - Kəpəz MTK-ya verdiyini etiraf edir. Şirkət öz növbəsində qeyd edir ki, məsələdən xəbəri yoxdur. O, şirkətdən xəbərsiz evi satıb, pulları cibinə qoyub və xərcləyib. Mən öz izahatımda, ifadəmdə bildirmişəm ki, yaranmış vəziyyətdə günahkar “Kəpəz – M” MTK-dır. Tamerlan Tağıyev sadəcə oranın işçisidir. Şirkət ona bütün səlahiyyətləri verib, sayğacların quraşdırılması, onlara nəzarət, şirkətin möhürü, ipoteka kreditini rəsmiləşdirmək üçün etibarnamə də onda olub. İndi isə şirkət deyir ki, mən bu şəxs barədə heç bir məsuliyyət daşımıram.

MTK-ya məxsus binada 8 mənzillə bağlı eyni vəziyyət yaşanır. Ümumilikdə, Tamerlan Tağıyev yarım milyona yaxın məbləğdə vəsaiti mənimsəməkdə ittiham olunur”.

H. Heydərov eyni zamanda iddia edir ki, adıçəkilən MTK sabiq deputat Mahir Aslanova məxsusdur. Onun dediyinə görə, məsələ ilə bağlı hətta Mahir Aslanovla şəxsən görüşüb: "O, mənə hazırda istintaqın getdiyini, yalnız istintaq bitikdən sonra nəsə edə biləcəyini bildirdi".

Səsləndirilən iddialarla bağlı MTK-nın direktoru Rəşid Quliyevlə əlaqə saxladıq. O, evlərin şirkət tərəfindən satılmadığını deyib: “MTK olaraq biz o mənzilləri satmamışıq. Hazırda bu işlə bağlı istintaq işi aparılır. İstintaq getdiyinə görə, mən bu barədə çox danışa bilməyəcəm”.

Rəşid Quliyev həmçinin qeyd edib ki, Tamerlan Tağıyev bir müddət əvvəl “Kəpəz M” MTK-nın satış təmsilçisi olub.

Məlumat üçün bildirək ki, bu iş üzrə Bakı Ağır Cinayətlər məhkəməsində çərşənbə günü növbəti proses baş tutub. Şirkətin təmsilçiləri ötən dəfə olduğu kimi, bu həftə də məhkəmə iclasına qatılmayıblar. Hakim Azad Məcidov şifahi şəkildə şirkətin vəkilindən növbəti iclas zamanı şirkətin direktoru Rəşid Quliyevin iştirak etməsini tələb edib.

Sabah Bakıda bir neçə marşrut xəttinin hərəkəti dəyişdiriləcək.

Bakı Nəqliyyat Agentliyindən Zamantv.az-a verilən xəbərə görə, fevralın 19-da saat 9:00-dan 21:00-dək Ə.Salamzadə küçəsinin yan yolunda (Ceyhun Səlimov küçəsindən Tbilisi prospektinə qədər olan istiqamət üzrə) təmir işlərinin aparılması ilə əlaqədar nəqliyyat vasitələrinin hərəkətində müvəqqəti məhdudiyyət tətbiq ediləcək. Bu səbəbdən 7A, 7B, 67, 199 və 211 saylı marşrutların hərəkət sxemləri müvəqqəti olaraq dəyişdiriləcək.

Dəyişikliyə əsasən, sözügedən marşrut xətləri üzrə avtobusların hərəkət sxemləri Ziya Bünyadov prospekti istiqamətində dəyişdirilərək Tbilisi prospekti və Alı Mustafayev (3-cü mkr bazarı) küçəsindən keçməklə təşkil ediləcək və daha sonra öz hərəkət sxemləri üzrə fəaliyyət göstərəcək.

“Qızı mənə vermirlər. Bir evliliyin ki sonu düşmənçiliklə bitir, mən onu istəmirəm. Allah günahımdan keçsin, mən orada and içmişdim ki, qızı qaçırdacağam. Amma artıq qaçırmayacağımı qərara aldım. Çünki anası məni özünə düşmən bilir. Mənim düşmənim isə ancaq ermənidir. Başqa kiminləsə düşmən olmaq istəmirəm”.

Bu sözləri müharibə zaman sevdiyi qızın anasına səslənən hərbçi Ayaz Orucov deyib. Bunu deməsinə səbəb isə sevdiyi qızı ona verməmələri olub.
Vətən Müharibəsi zamanı sevdiyi qızın anasına video müraciət edən hərbçi “qızı mənə verməsən onu qaçırdacam” demişdi:

“Mən bir qız istəyirdim. Həmin qıza elçi göndərdim və onu mənə vermədilər. İndi o qızın anasına səslənirəm. 30 il Ermənistana vaxt verdik ki, torpaqları qaytarsın. Onlar da qaytarmadı, amma sonra rəşadətli ordumuz aldı torpaqları. İndi mən nə qədər ki, hərbi xidmətdəyəm fikirləş. Yoxsa, qızına Paşinyan Qarabağa binoklla baxdığı kimi baxacaqsan”.
Bu sözlərə də məhəl qoymayan qız anası yenə də inadından dönməyib və qızının A.Orucovla evlənməsinə izin verməyib.

Lent.az xəbər verir ki, həmin hərbçi başqa qızla evlənib. O, sosial şəbəkədə verdiyi açıqlamada bildirib ki, indi başqa bir xanımı qaçırdıb:

“Həmin qızla alınmadı. Allah böyükdür, bəlkə də belə məsləhətmiş. Allah o insanı da xoşbəxt etsin, bizi də. İndi mən qız qaçırtmışam. Qaçırtdığım qızın anasına da deyirəm ki, Paşinyan Qarabağa binoklla baxdığı kimi qızınıza elə baxmayacaqsınız. Ürəyiniz istədiyi vaxt görə bilərsiniz. Bütün şəhid analarının əllərindən öpürəm. Allah sizləri bizə çox görməsin”.

Qeyd edək ki, A.Orucov müharibəyə könüllü olaraq gedib. Artıq onun qaçırtdığı qızla toy mərasimi də baş tutub.

Həmin toydan görüntüləri təqdim edirik:

Nazirlər Kabineti “Qazdan istifadə Qaydaları”nın təsdiq edilməsi haqqında” 12 may 2011-ci il və “Sudan istifadə Qaydaları”nın təsdiq edilməsi haqqında” 17 iyul 2014-cü il tarixli qərarlarında dəyişiklik edib.

Bununla bağlı Baş Nazir Əli Əsədov qərar imzalayıb.

Qərara əsasən, qaz paylayıcısının səlahiyyətli nümayəndələrinin sahibkarlıq subyektlərinin fəaliyyət göstərdiyi yerlərə gəlməklə və müqavilə şərtlərinin yerinə yetirilməsini tələb etməklə bağlı fəaliyyəti “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” qanunun tələbləri nəzərə alınmaqla həyata keçirilir.

Qaz paylayıcısının səlahiyyətli nümayəndələri sahibkarlıq subyektlərinin qaz sayğaclarının göstəricilərinin oxunması zamanı həmin sayğaca müdaxilə, habelə sayğacdan kənar paylayıcı şəbəkəyə qanunsuz qoşulma (qaz paylayıcısının razılığı olmadan paylayıcı şəbəkəyə qoşulma) hallarını müəyyən etdikdə, “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” qanunun tələbləri nəzərə alınmaqla yoxlama keçirilməsi ilə bağlı tədbirlər görməlidirlər.

Su təchizatı və kanalizasiya müəssisəsinin səlahiyyətli nümayəndələri sahibkarlıq subyektlərinin su sayğaclarının göstəricilərinin oxunması zamanı həmin sayğaca müdaxilə, habelə sayğacdan kənar su təchizatı və ya kanalizasiya sisteminə qanunsuz qoşulma (su təchizatı və kanalizasiya müəssisəsinin razılığı olmadan sistemə qoşulma) hallarını müəyyən etdikdə, “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” qanunun tələbləri nəzərə alınmaqla yoxlama keçirilməsi ilə bağlı tədbirlər görməlidirlər.

Su təchizatı və kanalizasiya müəssisəsinin səlahiyyətli nümayəndələrinin sahibkarlıq subyektlərinin fəaliyyət göstərdiyi yerlərə gəlməklə və müqavilə şərtlərinin yerinə yetirilməsini tələb etməklə bağlı fəaliyyəti “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” qanunun tələbləri nəzərə alınmaqla həyata keçirilir.

Ermənistan tərəfi yaxın vaxtlarda Azərbaycanla Arazdəyən-Culfa-Ordubad-Mehri-Horadiz dəmir yolunun tikintisinə başlamağa imkan verəcək hüquqi sənəd imzalamaq niyyətində olduğunu açıqlayıb. Baş nazir Nikol Paşinyan hökumətin iclasında bildirib ki, hazırda Arazdəyən-Culfa-Ordubad-Mehri-Horadiz dəmir yolunun Ermənistandan keçən hissəsinin tikintisi ilə bağlı konkret işlər görülür:

“Texniki işlərə başlanılıb. Ümid edirik, əldə olunmuş razılaşmalar yaxın gələcəkdə sənəd şəklində öz əksini tapacaq və proses tam inkişaf edəcək”. Paşinyanın sözlərinə görə, hökumət Şimal-Cənub strateji avtomobil yolunun Qarakilsə-Qacaran (Sisian-Kacaran) hissəsinin tikintisinə başlamaq üçün tender elan edəcək: “Əlbəttə, siyasi razılaşmalar olarsa, Şimal-Cənub yolu da Azərbaycan, Ermənistan və Türkiyəni birləşdirə bilər”. Zamantv.az -ın məlumatına görə, Sosial Tədqiqatlar Mərkəzinin mətbuat xidmətinin rəhbəri, beynəlxalq məsələlər üzrə ekspert Əziz Əlibəyli deyib ki, Azərbaycanla Ermənistan arasında dəmir yollarının tikintisi ilə bağlı əsas problem İrəvanın maliyyə çatışmazlığı ilə bağlıdır. Analitik vurğulayıb ki, Zəngəzur dəhlizinin işə düşməsi üçün təxminən 3 il zaman lazımdır:

“Dəhlizin inşası üçün 200 milyon dollara ehtiyac var. Hazırda prosesi dalana dirəyən əsas səbəb budur. Amma yaxın vaxtlarda problemin həll olunacağı şübhəsizdir. Hətta Ermənistan tərəfi investisiya ilə bağlı Azərbaycana müraciət edə bilər. Bu da gözləniləndir. Dəmiryolunun işə düşməsi Azərbaycandan daha çox Ermənistana lazımdır. Ona görə İrəvan da bu layihənin gecikdirilməsini istəmir”.

Səbail Rayon Polis İdarəsində yeni təyinat olub. Zamantv.az "Unikal"a istinadla xəbər verir ki, bununla bağlı daxili işlər naziri, general-polkovnik Vilayət Eyvazov əmr imzalayıb.

Əmrə əsasən, polis polkovniki Mərdan Məmmədov Səbail Rayon Polis İdarəsinin rəisinin şəxsi heyətlə iş üzrə köməkçisi vəzifəsinə təyin edilib.

"Putinin Qarabağla bağlı bəyanatı xoşuma gəlmədi, amma özünüzü onların yerinə qoyun: Ermənistanın özü reaksiya vermirsə, başqalarından tələb etməyə haqqımız varmı?" Zamantv.az moderator.az-a istinadla xəbər verir ki, bunu fevralın 17-də keçirdiyi mətbuat konfransında Ermənistanın terrorçu eks-prezidenti Robert Köçəryan Rusiya prezidenti Vladimir Putinin Qarabağın Azərbaycanın ayrılmaz hissəsi olması ilə bağlı sözlərinə niyə reaksiya vermədiyi və bu bəyanatla razı olub-olmaması ilə bağlı sualına cavab verərkən söyləyib.

R.Köçəryan izah edib ki, Putinlə ünsiyyət saxlamaq imkanı olub, lakin belə ünsiyyətdən danışmaq vərdişi yoxdur.

“Və siz bilmirsiz ki, söhbət zamanı Qarabağ haqda fikir bildirmişəm, ya yox. Biz başqalarından bizim hakimiyyətdən daha çox ermənipərəst olmağı tələb etməməliyik”, - deyə Köçəryan bildirib.

Onun fikrincə, Rusiya prezidentinin belə bəyanat verməsinin səbəbi həm də müharibə zamanı və ondan sonrakı reallıqlardadır.

“Əgər ölkəmizin hakimiyyət orqanları Əliyevin məsələnin, nəhayət, həll olunduğu ilə bağlı bəyanatlarına cavab vermirsə, o zaman Ermənistandan Rusiyanın dediklərinə cavab gözləyirsiniz? Rusiya prezidenti Əliyevin, Türkiyənin xarici işlər naziri Ərdoğanın açıqlamalarını dinləyir və Ermənistandan heç bir reaksiya eşitmir. Siz istəyirsiniz ki, Rusiya prezidenti Ermənistanın baş nazirindən daha çox erməni olsun, Rusiya XİN rəhbəri Ermənistan XİN rəhbərindən daha çox erməni olsun?”, - deyə Xocalı qatili izah edib.

Ermənistanda Rusiya hərbçiləri ilə birgə təlim təşkil edilib. Zamantv.az AzVision.az-a istinadla xəbər verir ki, bu barədə yerli media məlumat yayıb.
Qeyd edilir ki, Rusiyanın Erebunidəki hərbi aviasiya bazasının pilotları və Ermənistandakı Cənub Hərbi Dairəsinin hərbi bazasının hava hücumundan müdafiə hissələrinin zenit bölmələri birgə təlim tapşırıqlarını yerinə yetiriblər.

- Hava Hücumundan Müdafiə bölmələrinin hərbi qulluqçuları döyüş növbəsi ilə hava məkanının mühafizəsi üzrə tədbirlər hazırlayıblar. Növbətçi növbələrin təlim uçuşları 50-dən 6 min metr hündürlük aralığında identifikasiya sistemlərini söndürülməklə müxtəlif sürətlərdə həyata keçirilib, - məlumatda deyilir. .

Bildirilir ki, təlimlər zamanı hava məkanını pozanları imitasiya edən şərti hava hədəflərinin aşkarlanması və tutulması üzrə tədbirlər hazırlanıb.

Braziliyanın Rio-de-Janeyro ştatının Petropolis şəhərində güclü yağışlar nəticəsində ölənlərin sayı 104-ə çatıb. Onlardan səkkizi uşaqdır.

Daha əvvəl 94 nəfərin öldüyü bildirilirdi. 50-dən çox ev dağılıb.

Bundan əvvəl mülki müdafiə xidmətlərinin 24 nəfəri xilas edə bildiyi barədə məlumat verilmişdi. 35 nəfər itkin düşüb.

Çərşənbə axşamı yağan güclü yağış torpaq sürüşmələrinə və daşqınlara səbəb olub.

Rio-de-Janeyro qubernatoru Klaudio Kastro bölgəyə yağan yağışın 1932-ci ildən bəri ən güclü yağış olduğunu deyib.

Mənbə: RİA Novosti

Prezident İlham Əliyev Coşqun Adil oğlu Cəbrayılovun Bakı şəhəri Nizami Rayon İcra Hakimiyyətinin başçısı təyin edilməsi haqqında sərəncam imzalayıb.

Bununla bağlı Prezident.az məlumat yayıb.