Mədəniyyət Nazirliyi musiqi və incəsənət məktəblərinə müəllimlərin işə qəbulu üçün 75, direktor və direktor müavinlərindən isə 95 manat rüsum tələb olunması ilə bağlı məlumata aydınlıq gətirib.
Nazirlikdən Qaynarinfo-nun sorğusuna cavab olaraq bildirilib ki, göstərilən məbləği Dövlət İmtahan Mərkəzi müəyyənləşdirib:
“Dövlət İmtahan Mərkəzi publik hüquqi şəxsin Nizamnaməsi”nin 1.1-ci bəndinə uyğun olaraq, DİM ilə Mədəniyyət Nazirliyi arasında bağlanmış müvafiq müqaviləyə əsasən, Nazirliyin tabeliyində fəaliyyət göstərən uşaq musiqi, incəsənət, rəssamlıq, muğam, aşıq məktəb və mərkəzlərinə direktorların, direktor müavinlərinin və müəllimlərin işə qəbulu üzrə müsabiqənin test mərhələsinin Dövlət İmtahan Mərkəzi tərəfindən həyata keçirilməsi və imtahanda iştirak haqqının müvafiq standartlar nəzərə alınmaqla Dövlət İmtahan Mərkəzi tərəfindən müəyyən edilərək iştirakçılar tərəfindən həmin quruma ödənilməsi nəzərdə tutulub”.
Qeyd edək ki, musiqi və incəsənət məktəblərinə müəllimlərin işə qəbulu imtahanları zamanı tələb olunan rüsum böyük narazılığa səbəb olub.
İmtahanda iştirak edən müəllimlərin işə qəbulu üçün 75, direktor və direktor müavinlərindən isə 95 manat rüsum tələb olunub. Bundan əlavə, imtahanda iştirak edəcək müəllimlərə əvvəlcədən bu haqda məlumat verilməyib.

Yardımlı rayon İcra Hakimiyyətinin başçısının müavini – Sosial-iqtisadi inkişafın təhlili və proqnozlaşdırılması şöbəsinin müdiri Mahir Mirzəyevin işdən çıxarıldığı bildirilir.

Qlobal.az-ın əldə etdiyi məlumata görə buna səbəb Daşkənd küçəsində avtomobil yolunun ( L=3,3km), H Əliyev küçəsində avtomobil yolunun təmiri (Qəbiristanlığın altı L= 0.2 km), Bozayran İƏD-nin Bozayran kəndində avtomobil yolunun təmiri (çay yolu L=0,4km), Yardımlı şəhəri Şəhid Elçin Mansurov küçəsində avtomobil yolununun təmiri (L=0,5km), Yardımlı şəhər İƏD-nin V.Məmmədov küçəsində avtomobil yolunda istinad divarın təmiri işlərinin satınalınması üçün keçirilmiş tenderdə külli miqdarda dövlət vəsaitinin mənimsənilməsidir.

İddialara görə bu vəsait rayon icra hakimiyyətinin rəhbərliyi tərəfindən mənimsənilib, lakin bu hadisənin Maliyyə nazirliyi tərəfindən araşdırılmasından sonra məsələnin daha da böyüməməsi üçün Mahir Mirzəyevin işdən çıxarıldığı deyilir.

Məlumata görə Yardımlı rayon İcra Hakimiyyətinin başçısı Ayaz Əsgərov həm də bu addımı ilə özünü hədəfdən yayındırdığı iddia edilir.

Xatırladaq ki, sözügedən tenderdə büdcədən 754.726 manat ayrılıb.

Bundan daha əvvəl də – 2021-ci ilin sentyabr ayının 20-də Yardımlı rayon İcra Hakimiyyəti “Yolların təmiri işlərinin satın alınması” lotu üzrə tender keçirib. Bu tenderdə dövlət büdcəsindın 739 min vəsait xərclənib.

Hər iki tenderdə qalib olunan təşkilatların “YUZAR İNŞAAT” Məhdud Məsuliyyətli Cəmiyyətinin və “Elnur-2” Universal İstehsalat Kommersiya Şirkətinin fəaliyyəti barədə açıq internet resurslarında heç bir məlumata rast gəlinmir.

Xatırladaq ki, Azərbaycanda yüksək vəzifəli şəxslərin qohum-əqrabalarının, yaxın ətraflarının adlarına şirkətlər təsis edərək vəzifə səlahiyyətlərindən istifadə edib dövlət satınalmalarında bu şirkətləri qalib elan edərək büdcə vəsaitlərini mənimsədikləri barədə mediada çox yazılıb. Prezident İlham Əliyev cənabları da Şəmkir və Cəlilabad rayonlarının icra başçılaını vəzifəyə təyin edərkən bu məsəni xüsusi vurğulayaraq belə halların yolverilməz olduğunu bildirmişdir.

Yardımlı rayon İcra Hakimiyyətindən xəbərə mövqe öyrənə bilmədik. //Qlobal.az//

“İnsanı yaşadan sevgidir, məhəbbətdir. Mütləq deyil ki, sən kimisə sevməlisən, dərdindən ölməlisən. Tamaşaçı sevgisi də, övlad, nəvə sevgisi də bu sevgiyə aiddir. Sevgi qadın üçün ən gözəl hissdir. Mənə elə gəlir ki, heç bir qadın sevgisiz yaşaya bilməz. Qadın sevgi dolu olmalıdır. Bəzən sevgi mahnıları oxuyursan, insanlar yozurlar. Nə edim ki, sevgi dolu qadınam?”

Bunu Moderator.az-a açıqlamasında əməkdar artist, sevilən müğənni Almaz Ələsgərova deyib. Müğənni zamanında ən bahalı kliplər çəkdirdiyini bildirib.

“Ən bahalı klipləri zamanında mən çəkdirmişəm. Ən bahalı klipimin qiyməti 14 min dollar olub. Sonra 8 min, 5 min və 4 min dollara çəkdirmişəm. Klip həvəskarı idim. Sonra klipə qarşı həvəs öldü. Cavanlıq, rəqabət var idi. İndi heç bir şey əvvəlki kimi deyil” deyə müğənni bildirib.

Müğənni qızlarından da danışıb.

“Qızlarım həyat dostlarımdır. Biri İsveçdə yaşayır, balaları var, biri isə yanımdadır. Bəzən onun üçün darıxıb yanına gedirəm. Artıq qızlarım öz ayaqları üstə dura bilirlər. Mən bəzən deyirəm ki, əməliyyat etdirib, özümü cavan qız edəcəm. Qızlarım mənə deyirlər ki, “sən niyə yaşdan danışırsan? Qocalmısan ki?”. Mənə plastik əməliyyat etdirməyə icazə vermmirlər. Deyirlər ki, “sən asl mamasan, plastik əməliyyat etdirsən mamalıqdan çıxacaqsan” deyə sənətkar bildirib.

Müğənni mətbəxlə arasının yaxşı olduğunu bildirib.
“Mətbəxdə əlimdən hər iş gəlir. Xəmir xörəklərini həm yeyə bilirəm, həm də bişirə. Evim qonaqlı-qaralı olur. 1-2 rəfiqəm var, onlarla sıx əlaqədə olduğum üçün tez-tez evimə gəlirlər. Həm bişirməyi sevirəm, həm də yeməyi. Bəzən köklüyümü mənə irad tutanlar olur. Mənə belə rahatdır. Heç vaxt çəkimlə bağlı kompleks yaşamamışam. Hətta deyirlər ki, arıqlasan sənə yaraşmaz. İndiki yaşıma belə yaraşır” deyə müğənni bildirib.

Almaz Ələsgərova məşğul olduğu idman sahəsindən də danışıb.

“Həndbol idman növü ilə məşğul olmuşam. 10 il gedib-gəlmişəm. Hətta uğurlar da qazanıb, dərəcə almışam” deyə müğənni bildirib.

Gələn mövsümdə Akademik Milli Dram Teatrında bizi yeniliklər gözləyir.

Bu barədə Kult.az-a açıqlamasında Azdrama yeni bədii rəhbər təyin olunan tanınmış rejissor Mehriban Ələkbərzadə deyib.

“Hazırki müddətdə teatrda olan prosesləri nəzarətimə götürürəm və teatrın işə yanaşma prinsipi ilə tanış oluram. Bu mərhələ yeniliklər etmək üçün tezdir. Gələn mövsümdə bizi yeniliklər gözləyir”, - o bildirib.

Mehriban Ələkbərzadə teatrda olan əskikliklərdən bəhs edib:

“Uzun müddətdir truppanın bir çox artisti hansısa tamaşalarla məşğuldur. Teatrın gücünü yüksəldə biləcək quruluşlar verilməlidir. İlk növbədə truppa ayağa qaldırılmalıdır”.

Gənclər və idman naziri Fərid Qayıbovun sosial şəbəkədə videosu yayılıb. Görüntülərdə o, hava limanında digər sərnişinlər kimi pasport qeydiyyatından keçmək üçün növbədə dayanıb. Videonun nə zaman və hansı hava limanında çəkildiyi məlum olmasa da, paylaşılan görüntülər sosial şəbəkələrdə alqışla qarşılanıb. Sosial şəbəkə istifadəçiləri F.Qayıbovun ümumi keçiddən istifadə etməsini, səbrlə növbədə dayanmasını səmimiyyət əlaməti kimi qiymətləndiriblər və nazir xeyli sayda bəyənmə toplayıb.

Gənclər və idman naziri bundan əvvəl də səmimi davranışları ilə diqqəti cəlb etmişdi. Nazir Bakı Şəhər Halqası Əməliyyat Şirkətinin çağırışına qoşularaq işə ictimai nəqliyyatla və ya piyada getdiyini bildirmişdi. Rəsmi feysbuk hesabında paylaşım edən nazir bunun sağlam həyat tərzinin və ətraf mühitin qorunması üçün faydalı təşəbbüs olduğunu diqqətə çatdıraraq hər kəsi bu təşəbbüsə qoşulmağa çağırmışdı.

Gənclər və idman nazirinin səmimi davranışları “xalqdan uzaq nazirlər dövrü”nün bitməsi anlamına gəlirmi?

DİA.AZ-ın məlumatına görə, ictimai xadim, D.Əliyeva adına Qadın Hüquqlarının Müdafiəsi Cəmiyyətinin sədri Novella Cəfəroğlu “Şərq”ə açıqlamasında qeyd etdi ki, nazir Fərid Qayıbovun davranışları digər nazirlərə, məmurlara, icra başçılarına örnək olmalıdır:

- Yadınızdadır, Salyanın sabiq icra başçısı şagirdlərin yuxarı qaldırdığı gül çələnginin altıyla addımlamışdı. Elə bil qalib sərkərdədir. O görüntülər nə qədər müzakirə edildi, çoxları onu qınadı. Sonra da vəzifəsindən azad edildi. Məmurlar, nazirlər nə qədər xalqa, sadə insanlara yaxın olsalar, insanlar da onlara yaxınlaşacaq, problemlərini dlə gətirəcək, beləliklə dövlətimiz daha da güclənəcək. Nazir də, icra başçısı da, hər bir məmur, vəzifə sahibi bilməlidir ki, dövlətin dayağı xalqdır. Necə ki, cənab Prezident deyir, mən xalqın xidmətçisiyəm, siz, vəzifə sahibləri də ilk növbədə xalqın xidmətçisi olmalısınız”, məmurlar məhz bu cür davranmalıdır. İstər nazir olsun, istər icra başçısı, ya hansısa yüksək vəzifə sahibi tabeliyində olanları “konvertlə” yox, səmimiyyəti, dürüstlüyü, işgüzarlığı ilə cəlb etməlidir.

Rəhbər belə olduqda tabeliyində olanlar da dürüst işləməyi özlərinə borc bilər, çünki rəhbərin necə işlədiyini görəcəklər. Məmurlar nə qədər sadə olsalar, xalqın içində olsalar, xalq da onlara bir o qədər yaxınlaşacaq, arada uçurum qalmayacaq.

N.Cəfəroğlu bu mənada gənclər və idman nazirinin hərəkətini bəyəndiyini söylədi: - Fərid Qayıbovun davranışları xoşuma gəlir.

Onun davranışları digərlərinə də örnək olmalıdır. Xoşum gəldi ki, nazir idmançılarımızı İrəvandan tez geri çağırdı. Deməli, operativ qərar verə bilir. O, gənclərlə səmimi davranacaqsa, gənclər də ona yaxın olacaq. Vəzifə sahiblərinin əsas keyfiyyətləri dürüstlük, çalışqanlıq, səmimiyyət, mehribanlıq olmalıdır.

Bu gün Ramazan ayının 27-ci günüdür.

Qafqaz Müsəlmanları İdarəsinin açıqladığı Ramazan təqviminə əsasən, sabah imsak vaxtı saat 04:27-də, iftar vaxtı isə 19:37-dədir.

İmsak duası:

“Allahummərzuqni fihi fəzlə leylətil-Qədr. Və səyyir umuri fihi minəl-usri iləl-yusr. Vəqbəl məaziri və huttə ənniz-zənbə vəl-vizr. Ya rəufən bi-ibadihis-salihin!”

Tərcüməsi:

“İlahi, bu gün mənə Qədr gecəsinin fəzilətini nəsib et! Bu gün mənim işlərimi çətinlikdən asanlığa doğru yönəlt! Üzrümü qəbul et, günah yükünü üstümdən götür! Ey saleh bəndələrinə qarşı mehriban olan Allah!”

İftar duası:
“Allahummə ləkə sumtu və əla rizqikə əftərtu və əleykə təvəkkəltu. Bismillahir-Rəhmanir-Rəhim. Ya vasiəl-məğfirəti iğfirli!”

Tərcüməsi:

“İlahi, səndən ötrü oruc tutdum, sənin verdiyin ruzi ilə iftar açdım və sənə təvəkkül etdim. Bağışlayan və mehriban Allahın adı ilə. Ey hüdudsuz bağışlama sahibi, mənim günahlarımı bağışla!”

Allah orucunuzu qəbul eləsin!

Adil Qabil oğlu Kərimli Azərbaycan Respublikası mədəniyyət nazirinin birinci müavini vəzifəsindən azad edilib.

Bununla bağlı Prezident İlham Əliyev Sərəncam imzalayıb.

Dövlət başçısının digər Sərəncamı ilə Adil Kərimli Azərbaycanın mədəniyyət naziri təyin olunub.

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti xarici ölkələrdən daşınma xidmət göstərən “Mover” və “CargoLine” MMC-lərin yol verdiyi qanunsuzluqlar barədə çoxsaylı istehlakçı müraciətlərinə baxıb.

Müraciətlər əsasən bağlamaların istehlakçılara çatdırılma müddəti, vaxtı və statusu barədə məlumatların düzgün təqdim edilməməsi, bağlamaların itirilməsi, eləcə də istehlakçıların ödədiyi vəsaitin geri qaytarılmaması ilə bağlı olub.

Müraciətlərin araşdırılması zamanı istehlakçıların aldadılmasına dair ilkin dəlillər aşkar olunduğundan qeyd olunan şirkətlərin əməlinə hüquqi qiymət verilməsi üçün toplanmış materiallar Baş Prokurorluğa təqdim edilib.Yeniavaz.com

Şəmkir Regional Mədəniyyət İdarəsinin keçmiş rəisi Azər Rəcəbova hökm oxunub.

AzadMedia.az qafqazinfo-ya istinadən xəbər verir ki, hakim Dadaş İmanovun sədrliyi ilə keçirilən məhkəmə prosesində Azər Rəcəbov 10 il 6 ay, həmin dövrdə mütəxəssis kimi çalışan Ələkbər Əliyev 3 il 6 ay və məsləhətçi kimi işləyən Seymur Səfərov isə şərti olmaqla iki il azadlıqdan məhrum ediliblər.

Qeyd edək ki, Azər Rəcəbov, Ələkbər Əliyev və Seymur Səfərova Cinayət Məcəlləsinin 308.2 (vəzifə səlahiyyətlərindən sui-istifadə ağır nəticələrə səbəb olduqda), 311.3.1, 311.3.2 və 311.3.3 (qabaqcadan əlbir olan bir qrup şəxs tərəfindən təkrar külli miqdarda rüşvət alma) maddələri ilə ittiham elan edilməklə, barələrində ötən ilin iyununda məhkəmənin qərarı ilə həbs qətimkan tədbiri seçilmişdi.

Xəbər verdiyimiz kimi, Xalq artisti, Azərbaycan Teatr Xadimləri İttifaqının İdarə Heyətinin sədri, Azərbaycan Dövlət Akademik Milli Dram Teatrının bədii rəhbər-direktoru Azərpaşa Nemətov dünən dünyasını dəyişib. Bu gün Akademik Milli Dram Teatrında sənətkarla vida mərasimi keçirilib. Mərasimdə mərhumun ailə üzvləri, sənət dostları, eləcə də yaradıcılığını sevənlər iştirak ediblər.

TV Müsavat vida mərasimində iştirak edib. Sənət nümayəndələri mərhum xalq artisti barədə kədərlərini ifadə ediblər.