Əməkdar artist Cavanşir Məmmədov qalmaqallı açıqlamaları ilə gündəmə gəlib.

Sənətçi “MTV maqazin” verilişinə müsahibəsi zamanı əvvəl xəyanətdən danışıb.

İfaçı kişilərin qadına xəyanətini dəstəkləyən bir çox fikirlər səsləndirib.

Daha sonra Məmmədov efirə açıq-saçıq geyimlərdə çıxan həmkarlarından danışıb. Əməkdar artist onlar haqqında “Soyunmaqla müştəri axtarırsansa, özünə müğənni demə!” təhqiramiz ifadə işlədib.

Sözügedən qalmaqallı açıqlamanı təqdim edirik:

Xalq artisti Flora Kərimova 14 yaşında çəkilmiş arxiv videosuna gələn mənfi rəyləri cavabsız qoymayıb. Zamantv.az Oxu.Az-a istinadla xəbər verir ki, bu barədə Xalq artisti sosial media hesabında paylaşım edib.

“Məcburən İkinci Dünya müharibəsinə qatılan və savaşdan 300 mindən çox itki ilə çıxmış, tükənmiş bir məmləkətin övladı idim. 14 yaşım olardı, bəlkə bir qədər çox. Anam əynimdəki çit donu əlləri ilə tikmişdi. Kimsə də üzərimə sari dolamışdı. İndiyə kimi səbəbini də bilmirəm. Mənim üçün o an o səhnədə olmaqdan daha ali bir hiss ola bilməzdi. Rəşid Behbudov, Şövkət Ələkbərova kimi nəhənglər ilə səhnənin arxasında növbəmi gözləyirdim. Tək elə bu mənə yetirdi ki, həyəcandan heç nə düşünə bilməyim.

Əlbəttə ki, indiki gəncliyə hər şey asan başa gəlir. Əldə olunan o asanlıq nəyin bahasına oldu? Arada vicdanınızı silkələyin! Heç vaxt keçmişimdən utanmamışam, çünki deyəcəyim hər sözü belə düşünüb danışıram. O ki, qala uşaqlığımdan... Çirkin uşaqlığım olubsa, bu, mənim günahım deyil. Ezop demiş: “Şikayətiniz mənədir, yoxsa yaradanıma?!”

Sözügedən paylaşımı təqdim edirik:

http://baku.tv/embed/53778

Təhsil Nazirliyindən Əlifba bayramının keçirilməməsi məsələsinə aydınlıq gətirilib.

Bu barədə Təhsil Nazirliyinin İctimaiyyətlə əlaqələr sektorunun müdiri Cəsarət Valehov məlumat yayıb.

Bildirilib ki, artıq şagirdlər əlifbanı məktəbəhazırlıq dövründə öyrənməyə başlayırlar.

“I sinfin I yarımilinə qədər şagirdlər əlifbanı öyrənib bitirdikləri üçün artıq bir neçə ildir may ayında Əlifba bayramı keçirilmir” - deyə o qeyd edib.

“Yutub sosial şəbəkəsinə bir video yükləyiblər və yazıblar ki, “Çiçək yağışı”, ifa edir Xədicə Abbasova. Bilirsiniz ki, bu mahnının bəstəkarı Emin Sabitoğludur. İnsanlar elə bilir ki, həmin mahnını mən də ifa edib, repertuarıma salmışam. Əsla, mən bu mahnını ifa etməmişəm. Bəlkə də elə-belə oxumuşam, evdə falan, amma zapisim yoxdur. Bu mahnını rəhmətlik İlhamə Quliyeva ifa edib. O vaxt jurnalist Etibar Babayev Eminlə mənim həyatım haqqında bir film çəkmişdi və adını “Çiçək yağışı” qoymuşdu. Bəlkə də insanların yaddaşında bu qalıb”. Zamantv.az xəbər verir ki, bunu Moderator.az-a açıqlamasında Türkiyədə yaşayan tanınmış müğənni, bəstəkar Emin Sabitoğlunun həyat yoldaşı Xədicə Abbasova deyib. O daha sonra əlavə edib.

“Hətta o vaxt Flora Kərimova da efirdən bildirdi ki, bu mahnını mən oxumuşam. Canlı yayıma bağlanıb dedim ki, Flora səhv salırsan, bu mahnını İlhamə oxuyub. Hələ o vaxt rəhmətlik İlhamə sağ idi. Yadımdadır ki, Emin bu mahnını film üçün bəstələmişdi, Rasim Ocaqovla birgə çalışırdılar. İlhamə xanımla o qədər gözəl işbirliyi qurmuşdular ki, bu mahnı onun da repertuarında xüsusi yer tutur. İlhamə də burada fərqli oxuyub. Mənim tərzimə, səs tembrimə oxşadığı üçün yalnış olaraq bilirlər ki, mənəm. 1972-ci ildə mahnı yaranıb, mən o vaxt 8-ci sinifdə oxuyurdum, hələ Eminlə qarşılaşmamışdım. İlhamə Quliyeva bu mahnıya elə möhür vurub ki, məncə ondan sonra bu mahnını heç kim cürət edib oxumaz, oxumasın da. Çünki o möhtəşəm oxuyub! Bunu belə etməklə İlhamənin ruhuna da hörmətsizlik etmiş olurlar. Xahiş edirəm bu mahnını kim mənim adımdan yutuba yerləşdiribsə bu məlumata düzəliş edib, yeniləsin. Mahnını ilk ifaçısı sevdirir, yaşadır. “Payız gəldi” mahnısını məndən sonra hamı oxudu, yaddaşlarda qaldı ki, bunu Xədicə Abbasova oxuyub, mən daha sonra çəkildim kənara. Üstündən illər keçməsinə baxmayaraq insanlar yenə də bu mahnını mənim adımla bağlayırlar. Və yaxud da “Alagözlüm” mahnısını Akif İslamzadədən sonra cürət edib mən də oxudum! Nə olsun? Xeyr, olmaz! Hər müğənninin öz şah əsəri var, “Çiçək yağışı” da İlhamənin şah əsərlərindəndir” deyə Xədicə Abbasova bildirib.

Qeyd edək ki, Xədicə Abbasova uzun illərdir Türkiyədə yaşayır və sənətdən tamamilə uzaqlaşıb.

Azərbaycan radio məkanında milli musiqi konseptinə malik “Araz FM”in 11 yaşı tamam olur.

Zamantv.az xəbər verir ki, 2011-ci il aprelin 4-də fəaliyyətə başlayan radiostansiya 103.3 MHz tezliyində qərar tutub. Son illər ərzində radioverilişlərində müxtəlif format dəyişiklikləri edilib və hazırda radionun yayımını Azərbaycan ərazisinin 80 faizində dinləmək mümkündür. Tezliklə bu rəqəm böyüyərək ölkəmizin işğaldan azad olunmuş ərazilərini də əhatə edəcək.

“Araz FM” dalğasında 24 saat boyunca Azərbaycanın xalq, klassik və müasir musiqilərini yüksək keyfiyyətdə dinləmək olar.
Həftəiçi hər gün səhərlər əyləncəli və informativ xarakter daşıyan “Səhər adamları” ilə açılır. Daha sonra isə gün ərzində sıra ilə əyləncəli “Ağzınızın dadı qaçmasın”, ciddi mövzuları müzakirəyə alan "Əmlakçı", sosial xarakterli “Qəbul vaxtı”, yol hərəkəti qaydalarını izah edən “Düzgün hərəkət” hər yaş və məslək qrupundan olan insanlar üçün nəzərdə tutulub.

Həftəsonları isə efirə gedən "Nəğməli miras" unudulmaz mahnılarımızı səsləndirərək dinləyicilərin yaddaşını təzələyir, eyni zamanda onların ruhunu oxşayır.

Azərbaycan tarixində ad qoyan qadın qəhrəmanları yaxından tanımaq istəyənlər isə “Qadınnamə”ni qaçırmırlar.

Əlbəttə ki, “Araz”ın efiri hər saatbaşı yerli və dünya xəbərlərini operativ surətdə dinləyicilərə çatdırır.
Hazırda, radionu FM dalğasından əlavə, onlayn və ya podkastlar formatında dinləmək mümkündür. Sosial şəbəkələrin də günümüzdəki rolunun vacibliyi diqqətə alınaraq, bu platforma üzərindən radionu nəinki dinləyə, həm də canlı olaraq da http://www.facebook.com/arazfm.az/ səhifəsində izləmək olar.

Bakıda "Location" adlı gecə klubunda güclü partlayışda müğənni Nicat Məhərrəmov da xəsarət alıb.

Zamantv.az-ın məlumatına görə, ifaçı bu barədə socsal şəbəkədəki səhifəsində paylaşım edib:

"Baş verən partlayış sadəcə bir kabus idi. İnsanların çarəsizliyi, o partlayışın səsi, ümumilikdə yaşanan bu faciə heç bir zaman gözümdən və ağlımdan getməyəcək. Bütün yaralı olan dostlarıma Allahdan şəfa diləyirəm. Məni yığıb soruşan, axtaran, arxamca xəstəxanaya gəlib, yanımda olan doğmalarıma, dostlarıma, əzizlərimə təşəkkür edirəm. Allah sizi sevdiklərinizə bağışlasın".
Qeyd edək ki, aprelin 3-də baş vermiş hadisə nəticəsində 1 nəfər həyatını itirib (gecə klubunun əməkdaşı, 1979-cu il təvəllüdlü Maya Axundova), 37 nəfər müxtəlif dərəcəli bədən xəsarətləri alıb. Həmçinin 14 avtomobil, 1 mənzil və 2 qeyri-yaşayış obyektinə də ziyan dəyib.

Aparıcı-aktyor Sərxan Kərəmoğlu Azərbaycan televiziyalarında olan aparıcıları tənqid edib.

Zamantv.az-ın məlumatına görə, Sərxan "MTV Azərbaycan" a açıqlamasında bu sözləri vurğulayıb:

"Səhnədə mədəniyyət yoxdur. Oxuyan var, oxumağı tutub, amma səs o deyil. Səhnənin mədəniyyəti başqadır. Oxuyan var baxırsan səhnədə şalvarı ütülənməyib, dırnağın kiri görünür, pencək qırış-qırışdı. Bunu kişilik bilirlər. Kişilik toyda oynayan xanıma, kiminsə anasına, bacısına baxmaq, murdarçılıq, natəmizlik, siqaret iyi gəlmək deyil. Səhnədə, televiziyada tanınanları unudublar. Tamaşaçının qiymətləndirmə qabiliyyəti yoxdur.
Ərindən, arvadından boşanan, bir adam tapan veriliş açır. Danışanların özü də savadlı deyil. Vüsalə Əlizadənin aparıcılığı 40-cı ildə qalıb. Əsl aparıcı sözünü deyə bilmir. Vüsalənin xanımlığını sevirəm. Amma 25 il əvvəl nə danışıbsa, indi də onu deyir. Elə bil qonaq bir söz deyir, o isə başqa məsələdən danışır. Biri var böyük, biri də kiçik kütlənin aparıcısı. İndi tərsinə olub, bunun da sonu qeyri-peşəkarlıq olub.
Zaur Kamal isə "Hozu"dur. Bizim aparıcılarımız var ki, danışanda elə bil hinduşka qukkuldayır. Zaur onların yanında yaxşıdır.
Afaq Gəncəlinin hər şeyi uyğun gəlir. Amma iki saat veriliş aparmağı uyğun gəlmir.
Zümrüd Bədəlova isə elə bil qazlı suyun içinə dərman atırsan fışkırır. Səs tonu uyğun gəlmir, amma yaxşıdır. Mikrofona aparıcının səsi düşməlidir, onun düşmür".
Sərxan Nanə Ağamalıyevaya təriflər yağdırıb. O, Mətanət Əliverdiyevanı isə məktəb adlandırıb.

Xalq artisti Brilliant Dadaşova özünə qarşı olan münasibətlərdən gileylənib.

Zamantv.az-ın məlumatına görə, ifaçı bu barədə sosial şəbəkədə yazıb: "Hələ anlaya bilmədinsə saxtakarları, günah özündədir. Qınama riyakarları...

Nişan alıb yüksək hədəfi onların fırıldaq vücudları. Mənəvi dəyərlər? Əzib keçərlər, anlamaz başları, zəif yaddaşları. Boş ver cinsi məfrağları. İstisna yox, məqsədə varmaq üçün hər kəsi tapdalayıb keçər ayaqları".

Manaf Ağayevin dostları ilə bağlı dediyi sözlərə cavab verən növbəti sənətçi aparıcı, aktyor Sərxan Kərəmoğlu oldu.

O, şəxsi “Instagram” hesabında paylaşım edərək bildirib ki, Manaf ondan inciyib:

“Gözünüz aydın, Manaf məndən də küsüb. Manaf, sənin üçün Vasif deyiləm. Gələrəm Bakıya, üzünə “kislota” töküb səni yandıraram.

Sənin haqda pis bir şey yazmamışam. Buradan sənə bəyan edirəm ki, yazdıqlarımı savadlı adama göstər və o, sənə düşmən, yaxud da dost olduğumu desin. Sən qardaşımsan və məndən üz döndərməyinə razı ola bilmərəm. Elə yaşımdır ki, əziz bildiklərimi itirə bilmərəm. Vaxtı ilə çox şey itirdim, artıq yetər”.

Qeyd edək ki, Manaf Ağayev verilişlərin birində həbsxana həyatından sonra bir çox dostlarını sildiyini açıqlayıb. Sənətçinin həbs olunduğu günlərdə isə Sərxan Kərəmoğlu müğənniyə yazılan tənqidi şərhlərə sosial şəbəkədə münasibət bildirmişdi.