Xalq artisti Naibə Allahverdiyeva ona edilən şantajdan danışıb. Zamantv.az-ın məlumatına görə, aktrisa "Onun sirri" verilişində bildirib ki, adını açıqlamaq istəmədiyi Xalq artisti onu şantaj edib:
"Allah hər şeyi görür, əgər günahım varsa, mənim cəzamı verir. Əgər onun günahı varsa, onun da cəzasını verir. Mənim də səhvlərim olub, amma bilmədən etmişəm. Xalq artisti məni çılpaq şəkillərimlə şantaj edib.

Bunu edən aktrisa artıq dünyasını dəyişib, adını çəkmək istəmirəm. Sevilən aktrisa və Xalq artisti olub. Allah onun günahlarını bağışlasın".

Zamantv.az Təhsil önəmli sahədir; dovlətin əsas ictimai resursu bu proses vasitəsilə xarakteriza olunur .Yəni ,hansı dövlətdə təhsil ən başlıca həyat amilidir,orada yüksəliş, sivil və beynəlxalq inkişaf pik həddində olur . Çox sevindirici haldır ki ,ümumimilli lider Heydər Əliyevin ikinci dəfə hakimiyyətə gəlişindən sonra ölkəmizdə təhsil öz milli strukturunu formalaşdırdı və hazırda ölkə rəhbəri İlham Əliyevin rəhbərliyi altında da Azərbaycan öz təhsil prioritetləri ilə dünyada tanınır.
Təhsilin inkişaf qaynaqları əsasən məktəblərdir ; yəni harada tədris varsa ,orada təhsil vətəndaşın əsas maraq dairəsinə çevrilir .Nəticədə savadlı insanlar yetişir və ölkə bundan faydalanır.
Bu gün çox sevindirici haldır ki ,respublikamızın bütün təhsil ocaqlarında təhsil yüksək səviyyədədir .Belə təhsil ocaqlarından biri də ,Qaradağ rayononun Lökbatan qəsəbəsindəki 288-saylı tam orta məktəbdir .Bu məktəbdə təhsillə yanaşı təlim -tərbiyə də yüksək səviyyədədir .Hər il bu elm ocaqından onlarla şagird ali məktəbə qəbul olur və müəllimlərinin etimadını qəbul olduğu ali məktəblərdə də doğruldur müxtəlif sahələr üzrə mütəxəssis kimi həyata vəsiqə alırlar.Ozəl olaraq bildirim ki , bu məktəbdə müəllim -şagird münasibəti o qədər doğmadır ki ,valideyin -övlad münasibətindən heç də seçilməyən dərəcədədir . Elə bu yerdə Alman pedoqoqu İohan Hervardın " Müəllim bilik və əxlaq verən nüfuzdur" fikirini xatırlamaq yerinə düşər.





AJB -nin üzvü ."Çapar.info " saitinin Baş redaktorun 1-ci muavini.
Xəyalə İbrahimli .

Reper Elşad Xose bir neçə il öncə vəfat edən həmkarı Hüseyn Dəryanın məzarını ziyarət etməyib.

Zamantv.az xəbər verir ki, bu barədə reperin özü açıqlama yayıb:

"Bilmirəm Hüseyn Dərya harda dəfn edilib. Yolunu tanımıram. Neçə dəfə onun məzarını ziyarət etmək istəmişəm, alınmayıb. Dado Allah şahididir. Neçə dəfə də Hüseyn Dəryanın həyat yoldaşı ilə danışmışam, planlaşdırmışıq, amma alınmayıb. Hüseynin oğlu Cahangirlə münasibətimiz yaxşıdır. Çox yaxşı uşaqdır. İnşallah bu yaxınlarda gedib məzarını ziyarət edərik. Hüseyn Dəryanın yalançı fanatları var. 12 yaşında. Bəzən nələrsə yazırlar, girib baxırsanki... Elə böyük-böyük danışmaqdansa, iki dənə gül alın, məzarın ziyarət edin".
Qeyd edək ki, Hüseyn Dərya 2014-cü ildə avtomobil qəzasında dünyasını dəyişib.

"İncimirəm, sadəcə nəticə çıxarıram. Düşmənim yoxdur, amma məni düşmən görənlər var".

"Zamantv.az" xəbər verir ki, bu sözləri müğənni Xatun Əliyeva bildirib. Sənətçi bir çoxlarının onu düşmən kimi gördüyünü vurğulayıb.

"Öz fikirlərim və prinsiplərim var. Hansı ki, onlardan vaz keçmirəm. Xoşum gəlməyən insanın üzünə yalandan gülmürəm. Mənə maraqlı olmayan insanlarla ünsiyyət qurmuram. Məzlumlara, zəiflərə xarakter göstərib, kapriz etmirəm. Həddini bilməzləri, zalımları, yekəbaşları adam saymayıb, görməzdən gəlirəm. Allaha sığınıb, gücü ibadətə, duaya, yaxşılıqlara yönəldirəm. Allah imanımızı kamil etsin" deyə, Xatun sözlərinə əlavə edib.

Müğənni Elnarə Xəlilova onun geyim tərzini tənqid edən stilist Elnur Həsənova cavab verib. Zamantv.az “Qafqazinfo”ya istinadla xəbər verir ki, bu barədə o, “Şourum” verilişində danışıb.

İfaçı dəb bilicisinin əl işlərini bəyənmədiyini bildirib. Xəlilova Əməkdar artist Lalə Məmmədovanın Türkiyənin TRT telekanalında qatıldığı verilişdə əynindəki geyimini buna misal çəkib:

“Elnurun geyindirdiyi, Elnurun yaratdığı Lalə Məmmədova obrazında dərin dekolte var idi. Bunu mən gördüm və gördüm ki, TRT o dekolteni bağlayıb. Özü də yaşıl parça ilə. Qara paltarı yaşıl parça ilə bağlamışdılar. Zövqdən danışırıqsa, biri mənə başa salsın ki, qara parçanın yanında yaşıl parça nə gəzirdi. Bu mənim zövqüm deyil. Mən elə geyinməzdim. Sözüm həmkarlarımadır. Heç kim özünü pis hiss etməsin, heç kim dediyim sözü şəxsisinə qəbul etməsin, çünki söhbət obrazdan gedir, sizin şəxsiyyətinizdən yox.

Qeyd edək ki, daha əvvəl Xəlilova instaqram hesabında ad çəkmədən Həsənova bir işlə məşğul olmasını, sadəcə makiyaj etməsini təklif etmişdi: “Məncə, sən bir iş görsən olar. Ya vizaj et, ya da kolor. Geyim sənlik deyil, inan. Pornoqrafik, ürəkbulandıran sonuncu obrazlarının TRT-dən sorağı gəlir”.


Məmmədovanın isə cavabı belə olmuşdu: “Həddini bilmədikdən sonra çox şey bilmək mənasızdır. Susqunluq heç kimi çaşdırmasın. Çünki susan danışsa, dözən olmaz. Bu arada TRT-yə qucaqdolu sevgilər və salamlar”.

Xatırladaq ki, L.Məmmədovanın TRT-də qonaq olduğu “İpek Açar ile ipek yolu” verilişi yanvarın 13-də efirə gedib.

“Dünənki mənlə bugünkü mən arasında çox fərq var. Özümü hər gün tərbiyə edirəm. Səbir etməyi öyrənmişəm. Əgər dünən biri yanımda səhv danışırdısa, həddini aşırdısa, masanı başına çevirərdim (etmişəm də). Bu gün susa bilərəm. Çünki insanları yaxşı tanıyıram. Sizi bilərəkdən özünüzdən çıxarmaq və bunu telefona çəkib paylaşa da bilərlər. Səhv edən qalacaq kənarda, doğru, haqlı olacaq günahkar. Bu səbəblərdən diqqətli və səbirli olun”.
Zamant.az-n məlumatına görə, bu sözləri müğənni Nura Suri sosial şəbəkədə yazıb.

"İnsanların çoxu başqalarının yanında özlərini fərqli göstərməyə çalışdığı halda, mən kiminsə yanında roldan-rola girmək istəmirəm. Amma yenə də özümü hər zaman nəzarətdə saxlayıram. Əvvəllər mübahisə edirdimsə, bu gün sadəcə susub baxıram və insanları gündən-günə daha da yaxşı tanımağı öyrənirəm.
Heç kəsə səhv olduğunu, haqsız danışdığını belə sübut etməyə çalışmıram artıq. Haqsızlığa da susmuram. Sadəcə bəzi insanların fikrinə önəm verməməyi öyrənmişəm. İnsanları yaxşı tanıdıqca da məsafə saxlamağa üstünlük verirəm.
Bizi zatən nə desək də, kənardakı özü kimi görür. Özü nəyə qadirdirsə, bizdə də eynisini görürür. Qurandan don geyinsən xeyri yoxdur - qorxaq qorxaq kimi görəcək, əclaf əclaf kimi. Satqın, əxlaqsız, yaxşı, mərd də eyni. İnsanların sizin haqqınızda nə düşünüb, danışdığını önəm vermədiyiniz gün azad insan olacaqsız, rahatlıq tapacaqsız.
Başqalarından özünüzə qarşı qəbul etmədiyinizi, başqalarına etməməyi öyrənin. Sizə hörmətsiz davranana da hörmətlə yanaşmayın. Sizdən üstün olduğunu sanar, uzaqlaşın elə insanlardan. Məsafə saxlayın, bağlanmayın insanlara. Sizə zərbə vura bilməsinlər deyə heç kəsi və heç nəyi ciddiyə almayın. O zaman nə dedikləri, nə etdikləri vecinizə olmayacaq. Hətta biri sizə yalan danışırsa, üzünə vurmayın, siz də ona eynisini edin. Güzgü olun. Sabah soruşanda ki, niyə belə etdin, deyin bəs sən edəndə yaxşıdır mən edəndə yox?!
Mən arada kirpi kimi oluram, iynələrim sancmaq üçün yox, özümü qorumaq üçündür. Bəzən bilmədən hansısa sözümlə kiminsə qəlbinə dəyirəm, sonra özüm əziyyət çəkirəm. Və o zaman özümə hörmətim artır. Vicdanım var demək ki. Güclü iradəm var, buna görə də özümə hörmətim artır. Çox xoş hissdir özünə dəyər vermək, öz səhvlərini anlayıb, onları bir daha etməmək. Başqalarına yaxşılıq etməkdən də zövq almaq gözəl hissdir, sənə edilən yaxşılığa dəyər vermək də".

"Zəhər Tuluğu" bədii filminin quruluşçu rejissoru və qəhrəmanı Taleh Yüzbəyov sosial şəbəkədə paylaşım edib. Zamantv.az "Sherg.az"a istinadən xəbər verir ki, aktyor, rejissor T.Yüzbəyov "Zəhər Tuluğu" filmindən sonra yazılan şərhlərə aydınlıq gətirib:
"Neçə müddətdən sonra keçən ilin sonu "Zəhər tuluğu" filmimizi də böyük ekranlara çıxarda bildik. Şükür, çıxan gündən səs-küyə səbəb oldu. İnsanlar filmə baxdılar, tərifləyənlər də oldu, müzakirə edənlər də, bəyənməyənlər də. Bu normaldır. Hamı hər şeyi bəyənməyə məcbur deyil. Biz nə çəkdiyimizi, necə çəkdiyimizi və niyə çəkdiyimizi bilirdik.

Filmimiz artıq neçə həftədir, Azərbaycanda kinoteatrlarda ən çox baxılan filmdir. Əlbəttə, məni çox sevindirir. Filmdən çıxan insanların mənə xoş sözlər yazırlar. Bu məni lap çox sevindirir. IMDb reytinqimiz 9,4-dür. Hardasa iki minə yaxın səslə. Gördüyün işin bəhrəsini görmək çox xoş hissdir. Xoş olmayan isə sənlə eyni sahədə olan, sənə üzdə dost görünən insanların gizli və ya yarı-gizli aqressiyalarıdır. Biri üstüörtülü status yazıb, bizim filmi və filmimizə gələn tamaşaçını aşağılayır ki, niyə onların filminə getmirlər, biri piktoqrafik status paylaşıb, öz aləmində “söz soxur”, biri haralarasa gizli məktublar yazır, biri orda-burda dalımızca iyrənc-iyrənc sözlər danışır. Bax, sizi başa düşə bilmirəm. Tamaşaçı bəyənməyib status yaza bilər. Bu, onun haqqıdır. Siz də bəyənməyə bilərsiniz. Bu, sizin də haqqınızdır. Amma belə yarı-yapalaq “nifrət püskürmək” sizin işiniz deyil. Siz daha yaxşı olmağınızı sözlə yox, işinizlə bildirməlisiniz. Daha yaxşı filmlər çəkin, deyin bax film belə çəkilməlidir. Sevinməyən köpəyoğludur. Təki iş görün, belə aşağı hərəkətlər yox".

Rejissor bədii filmi dövlət büdcəsi hesabına ərsəyə gətirmədiklərini vurğulayıb:

"Biz bu filmi dövlət hesabına çəkməmişik. Büdcə vətəndaş vergisindən formalaşmayıb. Bu film özümüzün pulumuz və sponsorların hesabına ərsəyə gəlib. Heç kəsə də zorla bilet satmırıq. İnsanlar öz xoşları ilə pullarını verib, filmə baxırlar. Heç kəsi də məcbur etmirik ki, bizə xoş sözlər yazın. Vallah özləri yazırlar. Çünki həyatda elə şeylər var , onları pulla, nifrətlə, paxıllıqla almaq olmur. Bu sevgidir. Tamaşaçı sevgisi. Sizə də həmin sevgidən arzulayıram.

Atları yəhərləyin" filmində bir səhnə var. Qaçaq Nəbini tuturlar, qoluna qandal vuranda, onu həbs edən adam atdan düşür və deyir ki: "Haqlısan, Nəbi! Düşmən də olsaq haqlısan! Kişinin də qoluna qandalı gərək kişi vursun!".

Xalq artisti Lütfəli Abdullayev 1914-cü il martın 22-də Şəkidə anadan olub. O, bir neçə ay Şəki fəhlə gənclər klubunun dram dərnəyində kiçik tamaşalarda rol alıb.

1928-ci ilin sentyabrında Bakıya gələn Lütfəli Abdullayev Dövlət konservatoriyasının valtorna sinfinin məşğələlərində iştirak etməyə başlayıb. Yaşının az olmasına baxmayaraq, müsabiqə ilə opera teatrının xor heyətinə qəbul olunub.

Abdullayev əvvəlcə yardımçı aktyor kimi epizodik rollarda oynasa da, qısa vaxtdan sonra “Arşın mal alan” operettasında Vəli rolunu canlandırıb.

O, 1938-ci ildə isə Azərbaycan Dövlət Musiqili Komediya Teatrının truppasına qəbul edilib. Teatr 1949-cu ilin yazında maliyyə çətinliyinə görə fəaliyyətini dayandırmalı olanda Lütfəli Abdullayev Milli Dram Teatrına keçir. 1951-ci ildən isə Musiqili Komediya Teatrının truppasında işləməyə başlayır.

Lütfəli Abdullayev həm də populyar kino aktyoru idi. Kinoda ilk uğurlu işi Rza Təhmasibin 1945-ci ildə lentə aldığı “Arşın mal alan” filmindəki Vəli rolu olub. O bu rola görə 1946-cı ildə Stalin mükafatına layiq görülüb. Lütfəli Abdullayev həmçinin “Əhməd haradadır?”, “Ulduz”, “Qəribə əhvalat”kimi filmlərdə unudulmaz rolları canlandırıb.

Daha ətraflı Axar TV-nin təqdim edəcəyi süjetdə:

Qarabağ atları Cıdır düzündə - VİDEO

Azərbaycanlı bəstəkarın əsəri Amerikada ifa olundu