Kaluqa vilayətinin Obninsk sakini 10 aylıq oğlunu öldürməkdə şübhəli bilinib. İstintaqın məlumatına görə, 22 yaşlı ana uşağı acından öldürüb və məsuliyyətdən qorxaraq meyiti çamadanda gizlədib.

Cəsədi qadının qohumu bir aydan sonra tapıb.

Gənc qadın hazırda həbsdədir.

Uşaq 2021-ci ilin aprelində dünyaya gəlib. Ondan əvvəl qadının artıq iki övladı olub. Lakin onlar ananın könüllü razılığı ilə başqa şəxslər tərəfindən övladlığa götürülüb.

Mənbə: 360tv.ru

Lənkəran rayonunda ağır yol qəzası baş verib.

Zamantv.az Lənkəran-Boradigah yolunun Separadi kəndi ərazisində qeydə alınıb.

Belə ki, “Hyundai” markalı avtomobilin yoldan çıxaraq ağaca çırpılması nəticəsində Göyçay rayonu sakini, 2002-ci il təvəllüdlü Elmir Qurbanov və onun həmyerlisi, 2004-cü il təvəllüdlü Cavid Salahlı ağır bədən xəsarətləri alıblar.

E.Qurbanov xəstəxanaya aparılarkən yolda dünyasını dəyişib. C.Salahlı isə Lənkəran Rayon Mərkəzi Xəstəxanasının reanimasiya şöbəsinə yerləşdirilib.

İlkin məlumata görə, Göyçay sakinləri Lənkərana toy mərasimində iştirak etmək üçün gəliblər. Hadisənin baş verməsinə səbəb kimi çiskinli hava şəraitində sürətin düzgün seçilmədiyi göstərilir. Faktla bağlı araşdırma aparılır.

Tovuz rayonunda zəhərlənmə faktı qeydə alınıb.

Zamantv.az Tovuz şəhərində qeydə alınıb. Tovuz rayon sakini, 1968-ci il təvəllüdlü A.Namazova zəhərlənmə diaqnozu ilə xəstəxanaya aparılıb.

Vəziyyəti ağır olduğu üçün reanimasiya şöbəsinə yerləşdirilib. Hazırda müalicə alan qadının sirkə turşusundan zəhərləndiyi bildirilir.

Faktla bağlı araşdırma aparılır

Rusiya Ukraynaya müdaxiləni dəstəkləmək üçün Çindən hərbi texnika istəyib.

Bu barədə "Financial Times" xəbər yayıb.

Vəziyyətlə tanış olan rəsmilərin sözlərinə görə, ABŞ-ın Milli təhlükəsizlik müşaviri Ceyk Sallivan Çinə sərt şəkildə xəbərdarlıq edəcək ki, Rusiyanın işğal siyasətini dəstəkləmək və ya ona Qərb sanksiyalarından yayınmağa kömək etmək üçün hər hansı cəhdin cavabı olacaq.

Ağ ev qorxur ki, bu addım Pekin və Moskva arasında daha güclü əlaqələrin əlamətidir və Çinin müsbət cavabı Qərbin Ukraynaya yardım səylərini sarsıda bilər.

Bakının Yasamal rayonunda meyit aşkarlanıb.

Bu barədə Fövqəladə Hallar Nazirliyi məlumat yayıb.

Bildirilib ki, Bakı şəhərinin Yasamal rayonunda 1 nəfər mənzildə bağlı qapı arxasında köməksiz vəziyyətdə qalıb. Hadisə yerinə cəlb olunan FHN-nin Xüsusi Riskli Xilasetmə Xidmətinin müvafiq xilasetmə qüvvələri mənzilin giriş qapısını açıb və orada aşkarlanan 1939-cu il təvəllüdlü Musayev Arif Sadıx oğlunun meyitini aidiyyəti üzrə təhvil veriblər.

Bizimlə əlaqə saxlayın

Bakının Nərimanov rayonunda yol-nəqliyyat hadisəsi baş verib.

APA xəbər verir ki, hadisə Atatürk prospektində qeydə alınıb.

“Kia” markalı avtomobili idarə edən sürücü sükana nəzarəti itirərək yol kənarında dayanan “Volkswagen” , “Mercedes” və “GMC” markalı maşınlara çırpılıb. Zərbənin gücündən idarəetmədən çıxan “Kia” aşıb. Daha sonra qəzaya səbəb olan avtomobilin sürücüsü maşından çıxaraq ərazidən uzaqlaşıb. Hadisə yerinə hüquq mühafizə orqanın əməkdaşları cəlb edilib.

Qəza ilə bağlı avtotexniki ekspertiza təyin edilib.

Bolqarıstanın Plovdiv şəhərində 23 yaşadək güləşçilərin Avropa çempionatına yekun vurulub.

Azərbaycanın sərbəst güləş üzrə milli komandası tarixi nailiyyətə imza atıb. Yarışa məşqçilər Arif Abdullayev, Cəbrayıl Həsənov və Rövşən Hacıyevin rəhbərliyi altında yollanan komanda 7 medal qazanıb.

Zirəddin Bayramov (65 kq), Cəbrayıl Hacıyev (74 kq), Abubakr Abakarov (86 kq) və İslam İlyasov (97 kq) bütün rəqiblərinə qalib gələrək Avropa çempionu olublar. Tofiq Əliyev (57 kq), Əşrəf Aşırov (79 kq) və Aydın Əhmədov (125 kq) isə bürünc medala sahib çıxıb.

Beləliklə, 10 çəkidən 9-da yer alan yığma 4 qızıl və 3 bürünc medal əldə edib. Yekunda 159 xal toplayan Azərbaycan millisi komanda hesabında Avropa çempionu olub. Türkiyə (151 xal) ikinci, Gürcüstan (149 xal) isə üçüncü yeri tutub.

Qeyd edək ki, həm medalların əyarına, həm də komanda hesabına görə bu nəticə sərbəst güləş millisinin U-23 Avropa çempionatları tarixində ən yaxşı göstəricisidir.

Britaniyanın “Daily Mail” nəşri Rusiya prezidenti Vladimir Putinin ciddi psixi problemlərə malik olduğunu yazıb.

Qeyd olunub ki, müvafiq məlumatları ABŞ kəşfiyyatı yayıb.

Nəşr bildirib ki, dövlət başçısı xərçəngin steroidlərlə müalicəsindən sonra meydana çıxan demensiya, Parkinson xəstəliyi və “steroid qəzəbi” nəticəsində yaranan beyin pozğunluğundan əziyyət çəkir.

Bu gündən etibarən Kiyev vilayətinin İrpen şəhəri jurnalistlərə girişi qadağan edib.

Bu barədə şəhərin meri Aleksandr Markuşin bildirib.

Qeyd olunub ki, şəhər hakimiyyəti amerikalı jurnalistin rusiyalı hərbçilər tərəfindən öldürülməsindən və daha bir fotomüxbirin yaralanmasından sonra belə tədbirlərə əl atıb

Rusiyalı reper Face (əsl adı - İvan Dremin) Rusiyanı tərk etdiyini, bir daha bu ölkəyə gəlməyəcəyini və orada konsert verməyəcəyini açıqlayıb.

"Zamantv.az" Bizimyol.info-ya istinadən xəbər verir ki, o, bu barədə "İnstaqram" hesabında məlumat verib.

Musiqiçi Ukraynadakı müharibəni kəskin pisləyərək deyib: “Bütün müharibəni Berlinə qədər gedib-çıxmış, Suvorov ordeni ilə təltif edilmiş babam yaratdığınız bu vəziyyəti görsəydi, bilsəydi ki, 75 ildən sonra siz qürurla özünü Avropanın xilaskarı hesab edəcək, ərazi baxımından bizdən 28,5 dəfə kiçik olan qardaş ölkəyə səhər tezdən xəyanətkarcasına hücum edəcəksiniz, o, bu vətən uğrunda vuruşmazdı. Bundansa, o, özünü güllələməyə üstünlük verərdi", - deyə reper qeyd edib.

Ölkəni tərk etməsi ilə bağlı reper yazıb: “Mən bundan sonra, praktiki olaraq bir rus sənətçisi deyiləm, həm də artıq Rusiya vətəndaşı deyiləm.

Çünki mən və mənim əzizlərim sağ qaldıq, öz evindən, öz torpağından, sənin dövlətin sağ qalıb. Mənim bu saniyədən etibarən rus kimi tanınmaqdan qəti imtina edirəm. Çünki bizimkilər sağ qadır və yağlı sendviç üçün kifayət qədər pul olduğu müddətcə heç bir şeyə vecinə deyil. Mən belə xalqın nümayəndəsi ola bilmərəm. Mənim xalqım bu deyil".

İvan Dremin də Ukrayna xalqından bağışlanma istəyib və Rusiya hakimiyyətini şəhərlərin dağıdılmasını dayandırmağa çağırıb.

“Birincisi: mən dövlətimizi və ordumuzu ağlı başına gəlməyə, qardaş xalqın ərazisində şəhərlərin, yaşayış məntəqələrinin dağıdılmasına son qoymağa çağırıram.

İkincisi: Ölkəmizin sizə çəkdirdiyi əziyyətə görə bütün Ukrayna xalqından üzr istəyirəm. Dövlətimizin, özümün və xalqımızın adından üzr istəyirəm”, - o yazıb.