Beynəlxalq reytinq agentliklərinin və maliyyə təşkilatlarının gözləntilərinə görə, Rusiya ödəməli olduğu borca görə defolta yaxındır. Zamantv.az-ın "APA-Economics"ə istinadən xəbərinə görə, Beynəlxalq Valyuta Fondunun baş direktoru Kristalina Georgiyeva Rusiyaya qarşı tətbiq olunan sanksiyaları şərh edərkən bildirib ki, o, Rusiyanın dövlət borcunun defoltunu artıq "mümkün olmayan hadisə" kimi görmür. Onun bu iddiasına Dünya Bankının aparıcı iqtisadçısı Karmen Reynhart qoşularaq əlavə edib ki, Rusiya və müttəfiqi Belarus borcun ödənilməsi üzrə defolta çox yaxındır.

Eyni zamanda "Fitch Ratings" beynəlxalq kredit reytinqi agentliyi Rusiyanın dövlət borcu üzrə reytinqini "C" səviyyəsinədək azaldaraq defoltun qaçılmaz olduğuna işarə edib.

Qeyd edək ki, Rusiya hökumətinin qarşısında bir sıra mühüm ödəniş tarixləri var, bunlardan birincisi bu gün ABŞ dollarında olan avrobond kuponlarının 117 mln. dollarlıq ödənişidir. Rusiya son aylarda ABŞ qiymətli kağızlarına ümumi investisiyalarını həcmini artırmışdı və hazırda bu məbləğ 4,5 mlrd. dollar təşkil edir.

ABŞ dövlət qiymətli kağızlarına xəzinə vekselləri, uzunmüddətli xəzinə istiqrazları, xəzinə notları və inflyasiyadan qorunan istiqrazlar daxildir (TIPS).

Azərbaycanda bəzi hotellərə nikah şəhadətnaməsi olmayan cütlükləri buraxmırlar.

Bu nə qədər qanunidir? Zamantv.az-ın məlumatına görə, məsələ ilə bağlı Azərbaycan Hotellər və Restoranlar Assosiasiyasının İdarə Heyətinin sədri, Azərbaycan Ekoturizm Assosiasiyasının icraçı direktoru Samir Dübəndi Trend-ə bildirib ki, qanunvericiliyə görə, vətəndaşlar hotel və istirahət mərkəzlərinə yerləşən zaman nikah kağızı təqdim etməyə borclu deyil.

"Uzun illərdir ki, bir çox hotellər cütlüklərdən hotellərdə yerləşməsi üçün nikah kağızını tələb edir. Bunun heç bir hüquqi əsası yoxdur. Maraqlıdır ki, bu qayda ancaq yerli vətəndaşlara tətbiq edilir. Xarici vətəndaşlardan nikah sənədi istənilmir. Biz bunu illərdir ki, müşahidə edirik," - deyə S.Dübəndi bildirib.

Rusiya-Ukrayna müharibəsi dünya gündəmini zəbt etməkdə davam edir. Ukraynanın işğalına göstəriş verən Rusiya prezidenti Putin öz ölkəsindən, xüsusən də dünya ölkələrindən böyük tənqidlər alır.

"Zamantv.az" xəbər verir ki, belə tənqidlərdən biri də rusiyalı model Qretta Vedlerdən gəlib. O, ötən il sosial şəbəkə hesabından Putini “psix” adlandırıb. Qısa zamanda ölkə gündəmini zəbt edən paylaşım müzakirə mövzusuna çevrilib. Daha sonra gənc model müəmmalı şəkildə yoxa çıxıb. Vedlerin itkin düşməsi barədə xəbəri sevgilisi Dmitri Korovin verib.

Aparılan araşdırmalar zamanı model Lipetskdən 482 kilometr aralıda meşəlik ərazidə ölü tapılıb. 23 yaşlı Qrettenin cansız bədəni çamadana yerləşdirilərək, meşəlik əraziyə atılıb.

Onun kim və ya kimlər tərəfindən öldürüldüyü məlum deyil. Modelin cəsədi tibbi-ekspertizaya göndərilib.

Polislər modelin ölümünün onun Putinə dediyi sözlərlə bağlı olduğunu düşünürlər.

Prokuror Rusiyada əsas müxaliflərdən olan Aleksey Navalnı üçün 13 il həbs və 1,2 milyon rubl cərimə istəyib.

Zamantv.az TASS-a istinadən xəbər verir ki, o, dələduzluq və məhkəməyə hörmətsizlik hallarına görə 13 il həbs və 1,2 milyon rubl cərimə ödəməli ola bilər.

Navalnı həmçinin 350 milyon rublu mənimsəməkdə ittiham olunur.

Birləşmiş Ukrayna Azərbaycanlılar Konqresinin (BUAK) Mariupol üzrə sədri Afaq Həmidova, ailəsi və daha bir neçə azərbaycanlı mühasirədən çıxarılıblar.

“Zamantv.az” xəbər verir ki, bu, Ukrayna və Rusiya arasında razılaşdırılmış “yaşıl dəhliz” vasitəsilə baş tutub.

Qeyd edək ki, A.Həmidova və bir qrup azərbaycanlı ilə Rusiyanın fevralın 24-də Ukraynaya qarşı başladığı müharibə nəticəsində Mariupolda mühasirəyə düşmüşdü. Onlarla on günə yaxın idi ki, əlaqə kəsilmişdi.

Bizimlə əlaqə saxlayın

Rusiya ABŞ prezidenti Co Baydenə, ABŞ rəhbərliyinin digər nümayəndələrinə və onlarla əlaqəli şəxslərə qarşı cavab sanksiyaları tətbiq edib.

Rusiya Federasiyasına girişi qadağan edilənlər siyahısına Baydenlə yanaşı, aşağıdakı şəxslər daxil edilib:

Dövlət katibi Entoni Blinken

Daxili Təhlükəsizlik üzrə köməkçisi Ceyk Sallivan;

Mərkəzi Kəşfiyyat İdarəsinin direktoru Uilyam Börns;

Ağ Evin mətbuat katibi Cennifer Psaki;

Beynəlxalq İnkişaf Agentliyinin direktoru Samanta Pauer;

ABŞ prezidentinin oğlu Hanter Bayden;

ABŞ prezidentliyinə keçmiş namizəd Hillari Klinton;

Maliyyə nazirinin birinci müavini Adeveyl Adeyemo və başqaları.

Həmçinin, Rusiya Xarici İşlər Nazirliyi bildirib ki, Rusiyaya nifrətin qızışdırılmasına töhfə verən məmurları, hərbçiləri, qanunvericiləri, iş adamlarını, ekspertləri və media nümayəndələrini siyahıya daxil etməklə onu genişləndirəcək.

Mənbə: “RİA Novosti”

Bizimlə əlaqə saxlayın

Rusiyanın Avropa Şurasından çıxması ilə bağlı qərar qəbul edilib.

Rusiyanın xarici işlər naziri Sergey Lavrov təşkilatın baş katibinə müvafiq məktubu təqdim edib.

Bu barədə çərşənbə günü Dövlət Dumasının vitse-spikeri, Rusiyanın AŞPA-dakı nümayəndə heyətinin rəhbəri Petr Tolstoy bildirib.

“Avropa Şurasından çıxmaq barədə qərar qəbul edilib. Xarici işlər naziri Sergey Lavrovun müvafiq məktubu təşkilatın baş katibinə təhvil verilib", - Tolstoy “Telegram” kanalında yazıb.

O, həmçinin vurğulayıb ki, Rusiya öz istəyi ilə Avropa Şurasından çıxır. Bu, balanslaşdırılmış və düşünülmüş qərardır.

NATO-nun baş katibi Yens Stoltenberq Rusiyanın daha əvvəl kimyəvi silahdan istifadə etdiyini bildirib.

Bu barədə o, brifinqdə məlumat verib.

Alyans rəhbəri qeyd edib ki, Rusiya əvvəllər kimyəvi silahdan istifadə etdiyi üçün NATO sayıqdır. Əgər Rusiya hansısa bəhanə ilə günahı boynundan atmağa çalışsa, NATO buna reaksiya verəcək.

“Rusiya artıq kimyəvi silahdan istifadə edib... Biz ayıq və ehtiyatlı olacağıq, hətta hansısa bəhanə gətirsələr də, buna cavab verəcəyik”, - NATO-nun baş katibi bəyan edib.

Mənbə: rbc.ua

Bizimlə əlaqə saxlayın

Moskvanın Ostankino Məhkəməsi Marina Ovsyannikovanı canlı yayım zamanı “Birinci Kanal”da yayımlanan “Vremya” verilişinin studiyasına icazəsiz daxil olduğuna görə 30 min rubl cərimələyib.

O, Rusiya Federasiyasının İnzibati Xətalar Məcəlləsinin 20.2-ci maddəsinin 2-ci hissəsi (Xəbərdarlıq etmədən kütləvi tədbirin təşkili və ya keçirilməsi) ilə təqsirli bilinib.

Qeyd edək ki, ötən gecə “Birinci Kanal”da canlı yayımlanan “Vremya” verilişinin axşam buraxılışı zamanı proqram redaktoru Marina Ovsyannikova studiyaya daxil olaraq Ukraynadakı müharibəyə etiraz edib. O, hazırda həbsdədir.

Mənbə: TASS

Bizimlə əlaqə saxlayın

Rusiya hərbçiləri Mariupolda Regional Reanimasiya Xəstəxanasının həkim və xəstələrini girov götürüblər.

“Ukrayinskaya Pravda”nın məlumatına görə, bu barədə Donetsk Regional Hərbi Administrasiyasının rəhbəri Pavel Kirilenko məlumat verib.

“Rusiya qoşunları həkimləri və xəstələri girov götürüb. Belə xəbəri xəstəxananın əməkdaşlarından biri çatdıra bilib. Xəstəxanadan çıxmaq mümkün deyil. İki gündür maşınlar xəstəxanaya çata bilmir. Ətrafda hündürmərtəbəli binalar yanır”, -deyə o bildirib.

Kirilenko həmçinin qeyd edib ki, ötən gün Rusiya bu xəstəxananı praktiki olaraq dağıdıb. Lakin işçilər və xəstələr zirzəmidə işləməkdə və müalicə almaqda davam ediblər.

Kirilenko beynəlxalq hüquq müdafiə təşkilatlarına müharibə qaydalarının qəddar şəkildə pozulmasına, bəşəriyyətə qarşı törədilən bu kobud cinayətlərə reaksiya vermək tələbi ilə müraciət edib.

Bizimlə əlaqə saxlayın