Səbail rayonu ərazisində yerləşən obyektdə baş vermiş partlayış zamanı xəsarət alanlardan hazırda tibb müəssisələrində ümumilikdə, 15 nəfər müalicə alır. Onlardan 12-si TƏBİB-in tabeliyindəki tibb müəssisələrindədir.

TƏBİB-dən Zamantv.az-a verilən xəbərə görə, xəsarət alan şəxslərdən reanimasiyada olan 7 nəfərdən 3-nün vəziyyəti kritik ağır, stasionarda müalicə alan 5 nəfərin vəziyyəti stabil ağır, 3-nün vəziyyəti orta ağır olaraq qiymətləndirilir.

Son məlumata görə, TƏBİB-in tabeliyindəki tibb müəssisələrində stasionarda müalicə alan daha 1 nəfər xəstə də ambulator müalicə üçün evə buraxılıb.
Ümumilikdə, bu gün ambulator müalicə üçün 3 nəfər evə göndərilib.

Bakıda yeniyetmənin başına kafel düşüb.

Bu barədə Zamantv.az-a TƏBİB-dən məlumat verilib. Bildirilib ki, Binəqədi rayonu, Naxçıvani 52 ünvanında kafel 16 yaşlı oğlanın başına düşüb. Yeniyetmə qapalı-kəllə beyin travması alıb və Neyrocərrahiyə İnstitutuna göndərilib.

Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Oğuz rayonu, Xaçmaz kəndi yaxınlığında, dağətəyi ərazidə yanğın olması barədə məlumat daxil olub.

Zamantv.az-ın FHN-in saytına istinadən xəbərinə görə, məlumat qəbul ediləndən dərhal sonra FHN-in Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub.

İlkin məlumata əsasən, təqribən 3 ha sahədə kol-kos və quru ot yanır. Hazırda yanğınsöndürmə işləri davam etdirilir. Yanğının söndürülməsinə Ekologiya və Təbii Sərvətlər Nazirliyinin Meşə Təsərrüfatı Mərkəzinin əməkdaşları da cəlb olunub.
Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Oğuz rayonu, Xaçmaz kəndi yaxınlığında, dağətəyi ərazidə yanğın olması barədə məlumat daxil olub.

2025-ci ilə qədər dünyada hər beş nəfərdən birinin obezite (piyli) olacağı təxmin edilir.

Piylənməyə qarşı maarifləndirməni artırmaq və bununla mübarizəyə diqqəti cəlb etmək üçün 4 Mart Ümumdünya Obezite Günü kimi qəbul edilib.

Zamantv.az-ın xarici KİV-ə istinadən məlumatına görə, dünyada təxminən 800 milyon insan diabet, ürək və xərçəng kimi bir çox sağlıq probleminə səbəb olan piylənmə ilə yaşayır.
10 ildən sonra obezite ilə mübarizə aparan uşaqların sayının 2030-cu ilə qədər 60 faiz artaraq 250 milyona çatacağı gözlənilir.

Dünya Obezite Federasiyasının paylaşdığı hesabatda 2025-ci ilə qədər qlobal piylənmə nisbətinin kişilərdə 18, qadınlarda 21 faizə yüksələcəyi təxmin edilir.

Hesabata görə, ABŞ, Çin, Braziliya, Hindistan və Rusiyada obezite halları dünyada bütün xəstələrin təxminən üçdə birini təşkil edir.

Ümumdünya Səhiyyə Təşkilatının (ÜST) məlumatına görə, Sakit okeanın cənubunda yerləşən Mikroneziya ada ölkəsi Nauru əhalisinin 61 faizi obezdir.

İqtisadi Əməkdaşlıq və İnkişaf Təşkilatı (OECD) ölkələri arasında ən yüksək piylənmə nisbəti 36,2 faizlə ABŞ-da müşahidə edilir.

Dünyada ən aşağı piylənmə göstəricisi olan ölkə isə Vyetnamdır.

Əvvəllər yalnız yüksək gəlirli ölkələrdə rast gəlinən obezite problemi bu gün orta və aşağı gəlirli ölkələrdə artmaqdadır.

Afrika qitəsində də piylənmə nisbətləri artır.

ÜST-ün Afrika üzrə regional direktoru Matşidiso Moetinin sözügedən mövzu ilə bağlı deyib: “2023-cü ilə qədər hər 10 uşaq və ya gəncdən biri və hər 5 yetkin obez olacaq. Afrika da artan piylənmə və çəki artımı problemi ilə üzləşir".

Baş Narkotiklərlə Mübarizə İdarəsinin əməkdaşları paytaxtvə bölgələrdə xüsusi əməliyyatlar keçirib gizlin anbarlarda 63 kiloqramdan artıq narkotik maddə saxlayan şəxslər tutulublar.

Daxili İşlər Nazirliyindən Zamantv.az-a verilən məlumata görə, Baş Narkotiklərlə Mübarizə İdarəsinin əməkdaşları tərəfindən son 15 gün ərzində keçirilən xüsusi əməliyyatlar zamanı ölkə ərazisində narkotik maddələrin qanunsuz dövriyyəsi və kultivasiyası ilə məşğul olan daha 29 nəfər saxlanılıb.

Həmin şəxslərdən ümumilikdə 63 kiloqramdan artıq narkotik vasitə və psixotrop maddə, 550 ədəd psixotrop tərkibli həb, həmçinin kultivasiya yolu ilə yetişdirilən yaş halda çəkisi 91 kiloqram olan 468 ədəd çətənə kolu aşkar edilib.
Daxil olmuş əməliyyat məlumatı əsasında Suraxanı rayonu Hövsan qəsəbəsində keçirilən əməliyyat zamanı narkotik tərkibli bitkilərin kultivasiyası ilə məşğul olan Şakir Rəfiyev tutulub. Onun həyətindəki narkotik tərkibli bitkilər yetişdirmək üçün xüsusi olaraq su, işıq və havalandırma ilə təchiz edilmiş istixanaya baxış zaman 468 ədəd çətənə kolu və evindən satış niyyəti ilə qurutduğu 12 kiloqram marixuana aşkar olunub.

Baş İdarə əməkdaşlarının Salyan və Biləsuvar rayonlarnda həyata keçirdikləri əməliyyatlar zamanı isə paytaxt sakinləri Adət Qədirovla Elsevər Fətəliyev saxlanılıblar. Onların üzərlərinə, avtomobillərinə və xüsusi olaraq narkotik vasitələrin saxlanc yeri kimi istifadə etdikləri gizli anbarlara baxış zamanı 38 kiloqram heroin, metamfetamin, tiryək, marixuana, narkotik satşı zamanı qeydlər apardıqları dəftərlər, onlayn satış zamanı istifadə olunan plastik kartkar, pul vəsaitləri və elektron tərəzilər aşkar olunub.

Qeyd edək ki, Adət Qədirov və Elsevər Fətəliyev mütəşəkkil dəstə halında xaricdən göndərilən külli miqdarda narkotik vasitəni ölkə ərazisində qəbul ediblər. Daha sonra onlar narkotikləri müxtəlif üsullarla əvvəlcədən hazırladıqları yerlərdə gizlədib və satmaq məqsədi ilə paytaxt ərazisinə gətirməyə çalışıblar.

Paytaxtın Yasamal, Nizami, Nərimanov, Suraxanı, Sabunçu, Binəqədi rayonları, eləcə də, Abşeronda həyata keçirilən əməliyyatlar zamanı isə narkotik vasitələrin qanunsuz dövriyyəsi ilə məşğul olan 14 nəfər saxlanılıb. Bu şəxslərdən ümumilikdə 10 kiloqram heroin, metamfetamin, elektron tərəzilər, ekstazi və metadon həbləri, narkotik vasitələrin onlayn satışı, həmçinin pul dövriyyəsini təşkil etmək üçün istifadə olunan çoxlu sayda plastik kartlar aşkar olunub.

Baş İdarənin Cənub və Qərb Bölgələrində Regional Şöbələrin əməkdaşlarının qeyd edilən dövr ərzində Gəncə, Lənkəran şəhərləri, həmçinin Astara, Yevlax və Cəlilabad rayonlarında həyata keçirdikləri əməliyyatlar zamanı isə 12 nəfər saxlanılıb. Bu şəxslərdən 3 kiloqram heroin, metamfetamin, elektron tərəzilər, həblər və plastik kartlar aşkar olunub.
Faklarla bağlı Cinayət Məcəlləsinin müvafiq maddələri ilə cinayət işləri başlanılıb narkotiklərin qanunsuz dövriyyəsində təqsirli bilindikləri üçün tutulan şəxslərin hər biri barəsində məhkəmələrin qərarı ilə həbs qətimkan tədbirləri seçilib.

Kiyev yaxınlığındakı Buça və İrpen şəhərlərində dinc əhalinin öldürülməsi çox amansızlıqdır.

Ukraynalı qadınlar Rusiya hərbçiləri tərəfindən kütləvi şəkildə zorlanıb, sonra asılıb və yandırılıblar.

Zamantv.az xarici mediaya istinadla bildirir ki, bu barədə Prezident Aparatı rəhbərinin müşaviri Aleksey Arestoviç Feigin LIVE YouTube kanalının efirində məlumat verib.
“Qətllər kütləvi olub. Hazırda İrpendən 410 cəsəd çıxarılıb. Küçələrdə olanlar bunlardır. Bunlar zorlanan qadınlar, uşaqlardır, küçələrdə güllələnən insanlardır.

Bir çox insan, hətta bəzi ekspertlər əlləri bağlı yüzlərlə insanın başlarının arxasından güllələnərək öldürüldüyünü deyirlər. Bunlar yerli hakimiyyət nümayəndələri, sadə insanlardır”, - Arestoviç deyib.

Onun sözlərinə görə, qadınları zorladıqdan sonra asıblar: “Jitomir şossesində - maşınlardan atılan, üst-üstə yığılan, üstlərinə dizel yanacağı səpilən və yandırmağa cəhd edilən 5 gənc qadın cəsəd var”.

O, həmçinin əlavə edib ki, bir çox vətəndaşlar işğalçıların cinayətlərinin təsadüfən şahidi olduqları üçün öldürülüblər.

"Onlar öldürüblər və küçədə kimisə görəndə, yaxalayıb güllələməyə çalışıblar ki, şahid olmasın. Şahidləri təmizləməyə çalışıblar", - Arestoviç vurğulayıb..

Salyanda avtomobil yanıb.

Fövqəladə Hallar Nazirliyindən Zamantv.az-a verilən məlumata görə, şəhər ərazisində "Mercedes" markalı mikroavtobusun yanar hissələri yanıb. Yaxınlıqdakı tikililər yanğından mühafizə olunub.

Yanğın söndürülüb.

Aprelin 3-ü saat 23:00-da Ermənistan silahlı qüvvələrinin bölmələri dövlət sərhədinin Tovuzqala rayonunun Müsürskənd yaşayış məntəqəsində yerləşən mövqelərindən Azərbaycan Ordusunun Tovuz rayonunun Ağdam yaşayış məntəqəsi istiqamətində yerləşən mövqelərini atəşə tutub.

Müdafiə Nazirliyindən Zamantv.az-a verilən məlumata görə, bölmələrimiz tərəfindən adekvat cavab tədbirləri görülüb.
Ordumuzun sıralarında şəxsi heyət və texnika baxımından itki yoxdur.

Bakıda güclü külək yük avtomobilini aşırıb.

Zamantv.az APA-y aistinadla xəbər verir ki, hadisə Qaradağ rayonu, Sahil qəsəbəsində baş verib.

Güclü külək nəticəsində yük maşını yolun hərəkət hissəsinə aşıb.

Bakıda hava şəraiti ilə əlaqədar küləyin fəsadlarından 6 nəfər (qadın) müxtəlif dərəcəli bədən xəsarətləri alıb.

Bu barədə Zamantv.az Səhiyyə Nazirliyindən xəbər verilib. Qeyd edilib ki, yaralananlar müxtəlif xəsarətlərlə Təcili və Təxirəsalınmaz Tibbi Yardım Stansiyasının briqadaları tərəfindən xəstəxanaya çatdırılıblar.