“Müharibədə ciddi yara almamışam, ancaq psixologiyam pozulub, gərginəm. Ağır işlərdə çalışa, gecələr rahat yata bilmirəm. Tək istəyim doğulub, boya-başa çatdığım kənddə 3-4 sort torpaqdır, əkin-biçinlə məşğul olum, ailəmi dolandıra bilim”. Bunu Meydan TV-yə İkinci Qarabağ Müharibəsi iştirakçısı Royal Şahin oğlu Cəbiyev deyib. Onun sözlərinə görə, Kürdəmir rayonu, Qarabucaq kəndində doğulub, valideynləri orada yaşayır.

“Mən Sabirabad rayonunda qeydiyyatdayam. Burada Rusiyada yaşayan əmimin evində müvəqqəti məskunlaşmışam. Elə buradan da cəbhəyə getmişəm”,-Cəbiyev deyib. Şikayətçi qeyd edib ki, kəndə qayıdıb atasının köməyi ilə əkin işləri ilə məşğul olmaq istəyir. Lakin bələdiyyə həmin kənddə qeydiyyatda olmadığını əsas gətirərək torpaq sahəsi vermək istəmir:

“Hazırda azad olunmuş ərazilərimizdən birində fəhlə işləyirəm, azyaşlı övladım var, onun üzünü 15 gündən bir görürəm. İstəyirəm ki, övladım yanımda, gözümün qarşısında böyüsün. Sabirabadda iş tapmaq çətindir, üstəlik, öz kəndimizdə yaxınlarımın yanında yaşamaq istəyirəm”.

Kürdəmirin Qarabucaq kəndi rayon mərkəzindən 18 km aralıqda yerləşir. Kənddə orta hesabla 90-a yaxın ailə, 500-ə yaxın sakin yaşayır. Kəndlilərin əsas dolanışığı əkin-biçindən çıxır.

Kənd bələdiyyəsinin sədri Dilarə Kərimova Meydan TV-yə bildirib ki, Röyal Cəbiyevin atası oğlu üçün torpaq sahəsi ilə bağlı müraciət edib. Ancaq kənddə boş sahə qalmayııb, əkinə yararlı torpaqlar icarəyə verilib:

“Kiminsə icarə müddəti bitsə, sahə onlara veriləcək. Hələlik gözləmələrini tövsiyə etmişik”.

Lənkəran rayonu, Girdəni kəndinin sakini, hazırda Rusiyada yaşayan Gahangirov Ədail Rəfail oğlu tərəfindən “Hürriyyət”in redaksiyasına şikayət məktubu daxil olub. Bələdiyyə sədri tərəfindən aldadıldığını iddia edən şikayətçinin məktubunu olduğu kimi dərc edirik:

“2012-ci ildə Bələdiyyəyə 7 min (7000) dollar verib torpaq sahəsi almışam. Pulu şəxsən Bələdiyyə sədri Mehtiyev Azad Rəcəb oğluna vermişəm.

2019-cu ildə sənədlərə baxmışam, bu zaman məlum olub ki, Bələdiyyə sədri mənə saxta sənədlər verib.

Həmin vaxt Bələdiyyədə çalışan, hazırda isə Bələdiyyə sədri olan Huseynov Mahir Firdovsi oğluna 2017-ci ildə anam da başqa bir torpaq sahəsi üçün 1500 manat verib, deyib ki, 1 həftədən sonra hər iki sənədi, kupçaları birlikdə gətirib verəcəm. Lakin 5 ildir torpağın sənədini ala bilmirəm.

2-3 aydan bir atam Gahangirov Rəfail Cəsail oğlu yanına gedir, hər dəfə deyir ki, ayın axırı gələr sənəd. Atam ona deyib ki, səni məhkəməyə verəcəm. Cavab verib ki, heç kimdən qorxmuram, arxam, adamlarım, hər yerdə əlim var…

Atam əvvəlki Bələdiyyə sədri Mehtiyev Azada zəng edib. O deyib ki, pulu mən tək yeməmişəm, Mahirlə yemişəm, o da gətirsin sənədləri versin.

Birinci torpaq qaynanamın, ikinci torpaq isə anamın adınadır. Atam, qaynanam torpaq şöbəsinə də gediblər. Onlara deyirlər ki, sizin işinizi Bələdiyyə həll etməlidir. Sonra da deyirlər ki, Bakıdan sənəd gəlməlidir…

2012-ci ildən sənəd yoxdur, gəlmir. Bunların dediklərinə görə, Bakı sənəd vermir.

Mahir deyir ki, pul ver, torpaq şöbəsinə verim, sənədləri alım. Amma artıq mənim bunlara nə güvənim, nə də əlavə verməyə pulum yoxdur”.

Hurriyyet.az

Redaksiyadan: Mövzunu davam etdirəcəyik. Yazıda adları qeyd olunan şəxslərin və qurumların mövqeyini dərc etməyə hazırıq.

Milli Məclisin sabiq sədri Oqtay Əsədovun keçmiş kürəkəni Kamran Balayev Londondakı şirkətini satıb.

DİA.AZ-ın bilgisinə görə, yeniavaz.com Böyük Britaniyanın rəsmi qurumları tərəfindən açıqlanan məlumata istinadən xəbər verir ki, 2018-ci ildə “International Risk Ltd” adı ilə qeydiyyata alınan və 2021-ci ilin oktyabr ayından etibarən “E-London Ltd” adlanan şirkətin yeni sahibi Hollandiya vətəndaşı olan 1962-ci il təvəllüdlü Gülşən Qorxmaz qızı İbrahimovadır.

Şirkətin direktoru isə Rusiya vətəndaşı olan 1997-ci il təvəllüdlü Ksenya Klimova olub. Bu ilin iyun ayının 21-də şirkətin hüquqi ünvanı da dəyişib. Şirkət son bir aydır “Lower Ground Floor West, 17 Nottingham Street, London, W1U 5EW” ünvanında yerləşir.

Məlumat üçün qeyd edək ki, 1981-ci il təvəllüdlü Kamran Balayev 2002-ci ildə Oqtay Əsədovun qızı Nərminə Əsədova ilə evlənib. 2012-ci ildə Ədliyyə Akademiyasının rektor əvəzi olan Kamran Balayev ilə Oqtay Əsədovun qızı arasında qalmaqallı boşanma prosesi baş tutub. Məhkəmə çəkişmələrindən sonra Kamran Balayev Londona köçüb. 2013-cü ildə Londonda 2 şirkət – “Attorneys Without Borders” və “Varsity Court Limited” şirkətlərini təsis edib. 2014-cü ildə daha bir şirkət - “International Jurisdications Ltd” şirkətini qeydiyyata aldırıb. Bir-neçə ildən sonra bu şirkətlər ləğv edilib. Kamran Balayev 2018-ci ildə təsis etdiyi şirkəti - “International Risk Ltd” (yeni adı “E-London Ltd”) şirkətini isə qeyd etdiyimi kimi bu il Gülşən İbrahimovaya satıb.
Onu da bildirək ki, adını qısaldaraq özünü “Kam” olaraq təqdim edən Kamran Balayev 2020-ci ildə London meri vəzifəsinə namizədliyini irəli sürüb. Açıqladığı tərcümeyi-halında Kembric Universiteti və London İqtisadiyyat və Siyasi Elmlər Məktəbinin (LSE) məzunu olduğunu bildirir.

“Qəribədir ki, ödəniş edən sahibkarlara heç bir qəbz də verilmir”. Bu sözləri Sədərək Ticarət Mərkəzinin rəhbərliyinin təmir adıyla sahibkarları incitməsinə münasibət bildirən iqtisadçı Eyyub Kərimli Yenicag.az-a açıqlamasında deyib.

Onun sözlərinə görə, Sədərək Ticarət Mərkəzinin rəhbərliyi heç bir sahibkarla razılaşmadan və onların rəyini almadan işlətdikləri obyektləri sökərək ərazisini genişlədirir:

“Rəhbərlikdən sahibkarlara bildirilib ki, ticarət mərkəzindəki cərgələrdə olan mağazaların giriş hissəsinə şüşə vitrinlər quraşdırılır. Bu addım mağazaların içərisindəki malların kənardan görünməsi və müştəriləri daha tez cəlb etmək üçün həyata keçirilir.

İyunun 1-dən təmir işlərinə görə mağazaların fəaliyyəti dayandırılıb. Mağazaların ərazisinin artırılması və şüşə vitrinlərə görə hər sahibkardan ödəniş tələb olunur. Belə ki, sahibkarlar 2 ay müddətinə ikiqat ödəniş etməlidirlər. Məsələn, 12 kvadratmetrlik mağazanın ərazisini 24 kvadratmetr ediblər və 7400 manat vəsait tələb edirlər. Ödəniş etməyən sahibkarların fəaliyyətinə isə əngəl törədilir. Hətta obyekti arendaya götürməyən, məhz özünə məxus olan sahibkarların da rəyi öyrənilmir və özbaşınalıq edərək mağazası bağlanır. Qəribədir ki, ödəniş edən sahibkarlara heç bir qəbz də verilmir. Bu, məntiqə sığan davranış deyil. Artıq bir aydan çoxdur ki, sahibkarlar incidilir. Mağazanın bağlı olmasına baxmayaraq, sahibkarlardan icarə pulu tələb olunur”.

Qeyd edək ki, iyun ayında Sədərək Ticarət Mərkəzinin sökülməsi ilə bağlı sosial şəbəkələrdə videogörüntülər yayılmışdı. Ticarət Mərkəzinin İdarə Heyəti sədrinin müşaviri Mikayıl Qədimov isə yayılan görüntülərin həqiqəti əks etdirmədiyini və yalan olduğunu bildirmişdi.

Dövlət Gömrük Xidmətinin Baş Gömrük Mühafizə Xidmətinin 76 yaşlı rəisi, general-mayor İsmayıl Ələkbərovun təqaüdə göndərilməsi haqda əmr geri oxunub. Bu haqda TİA.Az-a özəl qaynaqdan məlumat daxil olub.
Bildirilir ki, DGK sədrinin birinci müavini, sədr vəzifəsini müvəqqəti icra edən Şahin Bağırovun imzaladığı əmrin mürəkkəbi qurumamış qüvvədən düşüb. Bunun səbəbi açıqlanmır.
Lakin komitənin Baş Gömrük Mühafizə Xidmətinin 76 yaşlı rəisi hələ də işinin başındadır. Bəzi informasiyalara görə, Ş.Bağırovun bu qərarı yuxarı dairələrdə müsbət qarşılanmayıb.
Qeyd edək ki, Ələkbərov İsmayıl Ağaqulu oğlu 6 avqust 1946-cı ildə Bakı şəhərində anadan olub. O, 12 dekabr 1996-cı ildən Dövlət Gömrük Komitəsi Kadrlar İdarəsində bölmə rəisi, 31 iyul 1997-ci ildən Tədris Mərkəzinin rəisi, 13 sentyabr 2013-cü ildən Gömrük Akademiyasının rəisi vəzifələrində çalışıb. 31 oktyabr 2018-ci ildə isə Komitənin Baş Gömrük Mühafizə Xidmətinin rəisi vəzifəsinə təyin edilib.

Bəzi qonşu ölkələrin ərazisindən bir sıra radikal dairələr regionda və Azərbaycan daxilində mövcud olan sabitliyin və əmin-amanlığın pozulmasına yönəlmiş fəaliyyəti mütəmadi davam etdirirlər.

Bunu Dövlət Təhlükəsizlik Xidmətinin rəisi, general polkovnik Əli Nağıyev iyulun 26-da Qırğızıstanın Çolpan-Ata şəhərində Türkdilli Dövlətlərin Xüsusi Xidmət Orqanları Konfransının XXIV iclasında çıxışında deyib.
Əli Nağıyev, Ermənistandakı revanşist qüvvələrin təxribat niyyətlərindən hələ də əl çəkməməsi və bu ölkənin müxalifətinin Azərbaycan-Ermənistan münasibətlərinin normallaşdırılması prosesinə xələl gətirilməsi üçün ciddi-cəhdlə çalışmasının dərin təəssüf hissi yaratdığını nəzərə çatdırıb.

O bildirib ki, respublikamızın xüsusi xidmət orqanları tərəfindən daim ayıq-sayıqlıq qorunmaqla belə məqamların səbəb ola biləcəyi hər cür neqativ halların qarşısı qətiyyətlə alınacaqdır.

Bakıda ilk salınan “Heydər Park”larından biri hazırda sökülür.

Bu Nəsimi rayonu ərazisində “Yeganə” Şadlıq Evi ilə üzbəüz ərazidə yerləşən parkdır.

Park “Cristal Abşeron” şirkəti tərəfindən sökülür və yerində “Park Əcəmi” layihəsi çərçivəsində yeni binalar tikiləcək.

Şahidlərin bildirdiyinə görə parkın ətrafı şirkət tərəfindən tam qapadılıb və hazırda parkdakı ağacların çıxarılması və ya kəsilməsi prosesi gedir.

“Yeni Sabah”

Prezident İlham Əliyev “İnvestisiya fəaliyyəti haqqında” qanunun tətbiqi barədə fərman imzalayıb.

Fərmana əsasən, investisiya fəaliyyəti sahəsində dövlət siyasətinin əsas məqsədi yerli və xarici investisiyalar hesabına dayanıqlı iqtisadi inkişafın təmin edilməsindən, rəqabətqabiliyyətli istehsal və xidmət sahələrinin inkişaf etdirilməsindən, iqtisadiyyatda yeni texnologiyaların, innovasiyaların tətbiq olunmasından ibarətdir.

İnvestisiya fəaliyyəti sahəsində dövlət siyasətinin əsas istiqamətləri aşağıdakılardır:

- əlverişli investisiya mühitinin formalaşdırılması, o cümlədən azad rəqabət mühitinin gücləndirilməsi;

- investorların hüquqlarının və qanuni mənafelərinin, habelə investisiyaların qorunması;

- investorlara investisiya fəaliyyətinin həyata keçirilməsi zamanı bərabər imkanların yaradılması;

- investisiya fəaliyyətinin həyata keçirilməsi şərtlərinin sabitliyinin təmin edilməsi;

- dövlət əmlakının özəlləşdirilməsi, restrukturizasiyası və sağlamlaşdırılması;

- iqtisadiyyatın prioritet sahələrində investisiya layihələrinin dəstəklənməsi;

- investisiya fəaliyyətinin həyata keçirilməsi ilə bağlı investorlara göstərilən xidmətlərin rəqəmsallaşdırılması və “bir pəncərə” prinsipi əsasında göstərilməsi.

Sosial şəbəkə istifadəçisi Tofiq Şahmuradov həbs edilib.

Bu barədə Baş Prokurorluğun mətbuat xidmətinin yaydığı məlumatda bildirilib.

Qeyd edilib ki, “Facebook” sosial şəbəkəsində özünə məxsus olan səhifədə qanunla yayılması qadağan edilən informasiyanı yerləşdirdiyinə görə "Prokurorluq haqqında” Qanunun 24-cü maddəsi rəhbər tutulmaqla Şahmuradov Tofiq Təhmuraz oğlunun barəsində İnzibati Xətalar Məcəlləsinin 388-1.1.1-ci (internet informasiya ehtiyatında və ya informasiya-telekommunikasiya şəbəkəsində yayılması qadağan edilən informasiyanın yerləşdirilməsi, habelə belə informasiyanın yerləşdirilməsinin qarşısının alınmaması) maddəsi ilə inzibati xəta haqqında iş üzrə icraat başlanaraq baxılması üçün Bakı şəhəri, Nizami rayon Məhkəməsinə göndərilib.

Məhkəmənin qərarı ilə Tofiq Şahmuradov barəsində 1 ay müddətinə inzibati həbs tənbehi seçilib.

Bakı şəhərində fəaliyyət göstərən Orbita tikinti şirkəti haqqında narazılıq bitib tükənmək bilmir ki, bilmir "Azərbaycan Reallığı" xəbər verir ki,Bu MTK haqqında problemlər bitib tükənmək bilmir ki bilmir. Gecə qonduların tikilməsi ağacların kəsilməsi şəhər sakinlərini çox ciddi şəkildə narahat edir,və vətəndaş iddia edir ki,bu tikinti şirkətinin öz başınalığı ilə bağlı dəfələrlə adiyyəti üzrə qurumlara müraciət etsələrdə şikayətlərinə baxan yoxdur xatırladaq ki, Orbita Mtk Tikinti şirkəti ölkədə ən çox qanun pozuntuları ilə yadda qalır.

Nəyin ki Azərbaycan qanunlarınıda pozmaqlada yadda qalır həmçinin insanların başına min bir oyunlar açmaqda davam edir,dəfələrlə bu şirkətin məhsul şəxslərindən olan Mehman Abdullayevlə əlaqə saxlamağa çalışsaqda telefon zənglərimiz nədənsə cavabsız qalır bir sözlə biz yazıb göstərdik Allah göstərməsin.

Daha ətraflı vidioreportajda:
]My Webpage