Rusiyanın Krasnoyarsk diyarında 200-ə yaxın tikili, o cümlədən uşaq bağçası və daş karxanası yanır, qurbanlar var.

Bu barədə Krasnoyarsk diyarı üzrə Fövqəladə Hallar Nazirliyi məlumat yayıb.

İlkin məlumata görə, beş nəfər həlak olub, onlardan ikisi uşaqdır.
Güclü külək vəziyyəti daha da pisləşdirib. Şəhərlər tüstü-dumana bürünüb. Yollarda görüntü, demək olar ki, sıfıra enib. Yerli hökumət sakinlərə çölə çıxmamaq və pəncərələri bağlamaq barədə çağırış edib.

Regionda fövqəladə vəziyyət elan olunub.

Ukraynada döyüşən İsrail muzdlularının sayı açıqlanıb.

Zamantv.az Rusiya KİV-ə istinadla bildirir ki, bu barədə Kiyevin baş ravvini Moşe Reuven Asman danışıb. O bildirib ki, İsraildən olan 200 muzdlu Ukrayna Silahlı Qüvvələrində xidmət edir.

Məlumata görə, həmin əməkdaşlardan biri - aprel ayından Xerson istiqamətində döyüşlərdə iştirak edən “Vəhşi Qaz” ləqəbli 29 yaşlı baş leytenant Maksim P..dir. O, Ukraynanın Vinnitsa vilayətində doğulub, lakin 2015-ci ildə anası ilə birlikdə İsrailə köçüb.
2017-ci ildə İsrail Müdafiə Qüvvələrində xidmətə çağırılıb, sonra zabit kurslarına gedib. Muzdlu əsgər kimi Maksim P. 2022-ci ilin martında Ukraynaya yollanıb.

Bundan əvvəl Rusiya Xarici İşlər Nazirliyinin sözçüsü Mariya Zaxarova bildirib ki, İsrail muzdluları Ukrayna Milli Qvardiyasının Azov alayının sıralarında ukraynalı yaraqlılarla birlikdə döyüşürlər. O, Rusiyada bu faktı təsdiqləyən video sübutların olduğunu da açıqlayıb.

Meşə yanğınları ilə əlaqədar Rusiyanın Kurqan vilayətində üç kəndin sakinlərinin təxliyəsinə başlanılıb.

Bu barədə Rusiya Fövqəladə Hallar Nazirliyinin Regional Baş İdarəsinin mətbuat xidmətindən məlumat verilib.

“Profilaktik tədbirlər çərçivəsində Belozerski rayonunun Redkina kəndinin də təxliyəsi elan edilib. Ümumilikdə 367 nəfər, o cümlədən 66 uşaqdır”, - deyə məlumatda bildirilir.

Daha əvvəl, Kurqan vilayətinin Belıyar və Peredergina kəndlərinin də sakinləri təxliyə edilib.

Ümumilikdə 500 nəfərin təxliyəsi planlaşdırılır.

Yanğının söndürülməsini sürəti 20-25 m/s-ə çatan güclü külək çətinləşdirir. Ən çətin vəziyyət regionun Ketovski, Belozerski və Karqapolski rayonlarının ərazisində qalır.

Ukrayna Prezidenti Volodimir Zelenski “Ukrayna qanunvericiliyinin sovetsizləşdirilməsi haqqında” qanunu imzalayıb.

Bu barədə Ali Radanın spikeri Ruslan Stefançuk bildirib.

Parlamentin sədri vurğulayıb ki, artıq Ukrayna qanunvericiliyində “Böyük Oktyabr Sosialist İnqilabının qələbələri”ndən bəhs edilmir və Kommunist Partiyasının hazırladığı proqramlara istinad edilmir.

“SSRİ və Ukrayna SSR dövlət hakimiyyəti və idarəetmə orqanlarının 1200-ə yaxın aktı təmizlənir”, – deyə o əlavə edib.

Ukrayna hökumətinə həmçinin yeni Əmək, Mənzil və İnzibati Xətalar məcəllələrinin hazırlanması tapşırılıb.

Qeyd edək ki, Rada “Ukrayna qanunvericiliyinin sovetsizləşdirilməsi haqqında” qanun layihəsini aprelin 21-də qəbul edib.

Mənbə: TASS

İspaniyanın paytaxtı Madriddə dördmərtəbəli yaşayış binasında güclü partlayış baş verib.

Hadisə ilə bağlı sosial şəbəkələrdə videolar paylaşılır
Salamanka rayonunda, General Pardinyas küçəsində baş verən dağıntı zamanı on yeddi nəfər yaralanıb. Hadisənin başvermə səbəbi dəqiq bilinməsə də, qaz partlayışı ilkin versiyadır.

Xilasedicilər yaralıların sayının artması ehtimalı ilə hadisə baş verən ərazidə səhra hospitalı yerləşdiriblər.

Mənbə: El Pais

İrana səyahət edən İsveç vətəndaşını vətəninə qayıtmağa qoymayıblar.

Bu, ölkələrə təzyiq etmək üçün xarici vətəndaşların girov götürülməsi ilə bağlı İranda növbəti hadisədir.

Turist olmasından başqa, İranla heç bir əlaqəsi olmayan 30 yaşlı şəxs ölkəni tərk etmək istədiyi zaman həbs olunub.

İsveç Xarici İşlər Nazirliyi bir İsveç vətəndaşının hazırda İran nəzarətində olduğunu təsdiqləyib, lakin əlavə məlumat və ya şərh təqdim etməyib. İran rəsmiləri hələlik məsələyə münasibət bildirməyiblər.

İsveçin Tehrandakı səfirliyi İran hakimiyyəti ilə əlaqə saxlayaraq hadisəni nəzarətə götürüb.

İsveçin “Aftonbladet” qəzetinə “məlumatlı mənbə” bildirib ki, həbs İsveçdə mühakimə olunan keçmiş İran prokuroru Həmid Nurinin işi ilə bağlıdır. İsveç prokurorları Nuriyə 1988-ci ildə İranda həbsxanaların təmizlənməsi zamanı insanlıq əleyhinə cinayət törətdiyinə görə ömürlük həbs cəzası istəyiblər.

Mənbə həmçinin bildirib ki, İran müxtəlif kanallar vasitəsilə Nurinin azad edilməsini tələb edib, lakin İsveç hökuməti məhkəmələrinin hökumətdən müstəqil fəaliyyət göstərdiyini və onların qərarlarına müdaxilə edə bilməyəcəyini açıq şəkildə bəyan edib.

Mənbə: Iran International

Belarus rəhbəri Aleksandr Lukaşenko bildirib ki, Ukrayna müharibəsi zamanı nüvə silahından istifadə yolverilməzdir. Bu barədə Lukaşenko “Associated Press”ə müsahibəsində danışıb. Həmin müsahibə prezidentin rəsmi saytında dərc olunub.

“Ukrayna müharibəsində nüvə silahından istifadə yolverilməzdir, çünki o, həm də bizim yanımızdadır”, – deyə Lukaşenko vurğulayıb.

“Burada olmasa da, ABŞ kimi okeanın o tayında da deyil. Ümumiyyətlə, qəbuledilməzdir... Yer kürəsi orbitdən qopa bilər və biz haraya uçduğumuzu belə bilmərik”, - deyə o bəyan edib.

Mənbə: Associated Press

Ukrayna Silahlı Qüvvələrinin üç təyyarəsi Rusiyanın Hava Hücumundan Müdafiə Sistemi tərəfindən vurulub.

Zamantv.az Rusiya mediasına istinadla bildirir ki, bu barədə jurnalistlərə Müdafiə Nazirliyinin rəsmi nümayəndəsi, general-mayor İqor Konaşenkov məlumat verib.

Konaşenkovun sözlərinə görə, təyyarələr Zmeynıy adası ərazisində, həmçinin Ukraynanın Xerson və Dnepropetrovsk vilayətlərində vurulub.
Açıqlamaya əsasən, vurulan təyyarələr “Su-24”, “Su-25” və “Su-27”dir.

Konaşenkov onu da bildirib ki, Rusiya hərbçiləri Ukraynanın 14 pilotsuz uçuş aparatını məhv edib.

Rusiyada məktəblilər zibillikdən tapdıqları köhnə soyuducuda Volqada üzməyə cəhd ediblər.

Məlumata görə, uşaqlar zibillikdən köhnə soyuducu tapıblar, sonra ondan qayıq kimi istifadə etmək istəyiblər. Bununla bağlı yayılan kadrlarda uşaqlardan birinin “qayıq”la üzməyə cəhd etdiyi görünür.

Yalnız yoldan keçənlərin müdaxiləsi və polislə hədələmələri sayəsində uşaqlar fikirlərindən dönüblər.

Hüquq-mühafizə orqanları hadisə ilə bağlı yoxlamalara başlayıb

Türkiyənin Konya şəhərində kosmetik məhsullar istehsal edən fabrikdə baş verən güclü yanğın və partlayışın baş vermə anları görüntülənib.

Belə ki, bir nəfərin qəsdən yanğın törətməsi və bundan sonra partlayışın baş verməsi anbaan təhlükəsizlik kamerasına əks olunub.

Partlayış nəticəsində fabrikin bəzi hissələri yan tərəfdə yerləşən fabrikin həyətinə düşüb.