Ermənistan Respublikası Silahlı Qüvvələrinin hərbi hissələrində taktiki təlimlər başlayıb.

Bu barədə Ermənistan Müdafiə Nazirliyinin məlumatında bildirilib.

Təlimlərin əvvəlində hərbi hissələrdə sıralanma baxışı keçirilib, döyüş hazırlığının müxtəlif səviyyələrində şəxsi heyətin hərəkətləri yoxlanılıb.

Taktiki təlimlərin keçirilməsi bölmələrin əməkdaşlığının təşkili və hərbi texnikanın dislokasiya yerlərindən çıxarılması qaydasının dəqiqləşdirilməsinə, döyüş tapşırıqlarının yerinə yetirilməsi üçün hazırlıq işlərinin təkmilləşdirilməsinə yönəlib.

Altay diyarının Vətəndaş Palatasının sədr müavini Yevgeni Novikov Donetsk Xalq Respublikasının (DXR) Şaxtyorsk şəhərinin atəşə tutulması zamanı həlak olub.

O, iyulun əvvəlində könüllü missiya ilə sözügedən şəhərə yola düşüb.

İyulun 10-da Şaxtyorsk şəhərinin atəşə tutulması nəticəsində dünyasını dəyişib.

İctimai Palatanın sədri Yuri Şamkov Novikovun Donetsk Xalq Respublikasına ilk dəfə könüllü kimi getdiyini vurğulayıb."Biz ona ən azı regional mükafat vermək təşəbbüsü ilə çıxış edəcəyik, bu, Altay diyarına xidmətə görə ordeni ola bilər." -Şamkov bildirib.

Türkiyənin paytaxtı Ankarada bu gün günorta saatlarında başlayan güclü leysan və tufan nəticəsində məscidin minarəsi uçub . Minarənin uçduğu anlar ətrafdakı vətəndaşların mobil telefon kamerasına əks olunub.

Altındağ rayonunun Öndər rayonunda məscidin minarəsi şiddətli tufana tab gətirə bilməyib aşıb.

Vətəndaşlar minarənin aşma anını telefona qeyd ediblər. Fırtınanın şəhər daxilində bir çox yerdə dağıntılara səbəb olduğu öyrənilib.

Ermənistanın keçmiş polis rəisinin müavini, general-leytenant Ararat Maxtesyana məxsus “Arzni” kurort kompleksində kişi meyiti aşkarlanıb.

AzadMedia.az erməni mətbuatına istinadən xəbər verir ki, hadisə yerinə gələn polis və müstəntiqlər mərhumun İrəvan sakini, 67 yaşlı Qaqik Arutyunyan olduğunu müəyyən ediblər.

General A.Maxtesyan polisə və müstəntiqlərə bildirib ki, həmin gün Arutyunyanın qohumlarından ibarət 4-5 nəfər sanatoriyaya gəlib və hamını nalayiq ifadələrlə, işçiləri və istirahət edənləri təhqir edib.

Polis və müstəntiqlər həmin şəxslərdən ikisini şəxsiyyətini müəyyənləşdiriblər.

Faktla bağlı cinayət işi başlanıb.

Ermənistan vətəndaşları ölkələrini tərk etməyə başlayıblar. Hakimiyyətdən əlini üzən xalq əlacı başqa ölkəyə köçərək, orada yaşamaqda görürlər. İrəvanda hava limanında çəkiliş edən jurnalist bu məsələyə geniş yer verib. Reportajda bildirilir ki, artıq ailələr Ermənistanı tərk edir və mühacirlərin sayı artır.

Erməni jurnalist çəkiliş zamanı qeyd edib ki, Vrej adlı bu şəxs ailəsi ilə vidalaşır. Onun ailə üzvləri Polşaya və Rusiyaya tələsirlər. Vrej deyir ki, bu gün 4 nəfər, bir neçə günə isə 3 şəxs ermənistanı tərk edəcək. Sentyabrda isə başqa birisi.

Köç edənlər deyirlər ki, artıq başqa çarələri yoxdur. Vrejin oğlu Aşot da ölkəni tərk edib. Aşot xaricdə yaşayan ermənilərin sayının artdığını deyir. Bildirir ki, ötən il gedən 4200 nəfər hələ də geri qayıtmayıb

Aşot deyir ki, hakimiyyətin niyyətini eşidəndən sonra bu ölkədə qalmaq fikrində deyil.

Həmçinin bildirilir ki, ötən il ümumilikdə 70 mindən çox adam Ermənistanı tərk edib.

Erməni jurnalist deyir ki, Ermənistanı tərk edənləri başa düşmək olar. Çünkü onlar bilirlər ki, vaxtında buranı tərk etməsələr, yaşamaları çətin olacaq. Gündəlik ehtiyaclarına pensiya kifayət etmir. Qeyd edilir ki, bu ilin ilk altı ayında gedənlərin sayı ötən ilin müvafiq dövrü ilə müqayisədə 200 mindən çox artıb.Xezerxeber.az

Ukrayna Müdafiə Nazirliyi turistlərə çağırış edib.

Ukrayna Müdafiə Nazirliyi Krımda baş verən partlayışdan sonra paylaşılan videoda “Bu yay tətil üçün başqa seçimləriniz var idi, ancaq Krımı seçdiniz. Böyük səhv”, - deyə o bildirib.

Nazirlikdən o da bildirilib ki, Antalya çimərlikləri təklif etdiyi tətil variantları arasında idi. Ukrayna Müdafiə Nazirliyinin istehzalı dildə yazdığı və Bananaramanın “Cruel Summer” mahnısına üstünlük verdiyi yazıda aşağıdakı ifadələr yer alıb:

“Xoşagəlməz isti yay tətili istəmirlərsə Ukrayna Krıma baş çəkməməyi məsləhət görürük. Çünki heç bir günəş kremi onları icazəsiz ərazilərin zərərli təsirindən qoruya bilməz".

Çeçenistan hökumətinin başçısı Ramzan Kadırov Türkiyənin xarici işlər naziri Mövlud Çavuşoğlu və MİT rəhbəri Hakan Fidanla görüşdüyünü deyib.

Ramazan Kadırov Ərdoğanla Putin Soçidə görüşərkən Türkiyənin xarici işlər naziri Mövlud Çavuşoğlu və MİT rəhbəri Hakan Fidanla görüşdüyünü iddia edib

Kadırovun açıqlamalarından 24 saat keçməsinə baxmayaraq , türklər tərəfindən təkzib xəbəri yoxdur .

Ramazan Kadırov Telegram hesabında da açıqlama verib:

“Mən Türkiyənin xarici işlər naziri Mövlud Çavuşoğlu və MİT rəhbəri Hakan Fidanla şəxsən görüşdüm. Məhsuldar qeyri-rəsmi görüş oldu. Çavuşoğlu bu görüşün əlaqələrin inkişafı üçün başlanğıc olmasını arzuladı. Görüşün sonunda qonaqlar müxtəlif məsələlərdə əməkdaşlıq etmək üçün məni Türkiyəyə dəvət etdilər. Təbii ki, mən bunu qəbul etdim”-bildirib.

“Artıq İranın Qafana baş konsulu təyin edilib. Həmin şəxs Abedin Varamindir”.

DİA.AZ teleqraf.com-a istinadla xəbər verir ki, bu barədə İran parlamentinin erməni deputatı Robert Beqlaryan məlumat verib.

Onun sözlərinə görə, konsul İrəvandadır və artıq görüşlər keçirib.

Beqlaryan təəssüflə qeyd edib ki, bürokratik problemlərə görə konsulun dərhal işə başlaması prosesi bir qədər yubanır:

“Bildiyimə görə, baş konsulluğun yerləşəcəyi ərazi və ya bina hələ hazır deyil".

Ötən aylarda İranın Qafandakı (Zəngəzur) baş konsulluğunun il ərzində açılacağı məlumat yayılmışdı.

İndoneziya G20 sammitində Putin və Zelenski arasında görüş keçirməyə hazır olduğunu açıqlayıb.

İndoneziya hakimiyyəti Rusiya prezidenti Vladimir Putin və ukraynalı həmkarı Volodimir Zelenski arasında G20 sammiti çərçivəsində görüş keçirməkdə maraqlıdır. Bu barədə respublikanın Moskvadakı səfiri Xose Tavares məlumat verib.

" İndoneziya lideri Coko Vidodo Rusiya Federasiyası və Ukrayna başçılarına çoxdan dəvət göndərib. Əgər onlar Balidə keçiriləcək G20 sammitində iştirak etsələr, o zaman, əlbəttə ki, görüş təşkil etmək imkanı olacaq. İndoneziya artıq hazırdır. Putin və Zelenski gəlsə , biz bunu istərdik”, - o,bildirib.

G20 sammiti noyabrın 15 və 16-da baş tutacaq. İyulun 6-da Rusiya Xarici İşlər Nazirliyi İndoneziyaya Vladimir Putinin G20-də iştirak etmək niyyətində olduğu barədə ilkin məlumat verib. İyulun 9-da Ukrayna prezidentinin aparat rəhbərinin müşaviri Mixail Podolyak Zelenskinin G20 sammitində iştirak edə biləcəyini bildirib.

Rusiya-Ukrayna münaqişəsi gözlənildiyindən daha uzun sürərsə, gərginlik Qərbi Balkanlara da çata bilər.

"Unikal" türk mətbuatına istinadən xəbər verir ki, bu barədə Sloveniya Prezidenti Borut Pahor türkiyəli həmkarı Rəcəb Tayyib Ərdoğan ilə birgə mətbuat konfransı zamanı deyib.

O qeyd edib, Sloveniya Türkiyənin Rusiya və Ukrayna arasında oynadığı vasitəçilik rolunu təqdir edir. Onun sözlərinə görə, region sülh, sabitlik və əməkdaşlığa layiqdir.