Bir müddət əvvəl restoran müdiri ilə sevgili olan yeni-yeni səhnələr alan müğənni populyar olmağın yolunu vəzifəli şəxsləri ləkələməkdə gördü...? Bəzi media qurumlarında yayılan və heçdə həqiqəti əks etdirməyən informasiya marağımıza səbəb oldu. Məsələ ilə bağlı adı çəkilən və bir çox məsələlərdə qalmaqalarla gündəm olmağa cəhd edən Aynur Nəbiyeva adlı müğənni nəyə nail olmağa çalışır? Çoxda populyar olmayan bir müğənni müsahibəsində bir rayonun icra başçısı tərəfindən əxlaqsız təklif aldığını bildirib.
A.Nəbiyava müsahibəsində qeyd edir ki, “Adını çəkməyəcəm, bu yaxınlarda restoranların birində səhnə aldım, oxuyub qurtarandan sonra məlum oldu ki, restoranda rayonlardan birinin icra başçısı olan qardaşının ad günüdür. Başçının yaxın adamı mənə paket gətirib verdi, düşündüm hansısa mahnım xoşuna gəlib əvəzində jest edir, paketi açanda açar olduğunu gördüm. Bunun nə olduğunu soruşanda dedi bu maşındı, maşın da filan hotelin qarşısındadı, 1 saata cənab başçı sizi orada gözləyir səhər saat 7-8-ə kimi onunla qalarsız maşında sizin olacaq, nə vaxt istəsəz də qulluğunuzda dayanacaq. Təbii ki, bundan imtina etdim, yani təkcə siravi insanlar deyil, bəzən bir rayonu idarə edən şəxsin düşüncə davranışı təhsili, savadı olmayan insanlardan betərdir" -deyə müğənni Aynur Nəbiyeva bildirib.”
EkologiyaTv.Az xəbər verir ki, buradanda anlaşıldığı kimi Aynur Nəbiyeva ən ucuz reklam növü ilə gündəmə gəlmək istəyir. Əgər doğurdanda belə bir şey olubsa niyə həmin icra başçısının tutduğu posta layiq olmamasını ifşa etmir. Lakin qeyd edək ki, A.Nəbiyeva ucuz bir restoranın sahibi ilə sevgi macərası yaşayıb. İndi özünü bu qədər təmizə çıxarmaq və ucuz reklamla populyarlıq ardına düşməsidə gülünc görsənir. Hər hansı bir icra başçısı restoranda müğənniyə əxlaqsız təklif etməsi heçdə qəbul edilən deyil. Şəxs ağzından çıxardığı ifadənin Başçı postunda oturan hər bir icra başçısını barəsində əhalidə neqativ rəy formalaşdırdığının göründüyü qədər fərqində deyil. Amma düşünürük ki, məsələ ilə bağlı aidiyyatı qurumlar xanım müğənnini çağırıb verdiyi açıqlamanın təfərrüatını öyrənməklə digər icra başçılarının ləkələnməsinin qarşısını alacaqdır. Ziba və Aynur qalmaqalı nələrə hesablanıb? Hətta qeyd edək ki, bu müğənni olduğunu iddia edən A.Nəbiyeva 11 ildir səhnədə olduğunu deyir. Böyük iddialar edən A.Nəbiyeva göründüyü qədər 11 ildə 11 mahnıya sahib ola bilmədiyi üçün digər müğənnilərin mahnıları ilə səhnə alır. Lənkərandan Bakıya gələn Aynur işsiz, gücsüz xanım obrazında idi. O zamanla bu gün arasında dəyişən nələr oldu? Orxan adlı “Boss Baku” restoranın sahibi ilə tanış olur. Orxan xanımın arzularını gerçəkləşdirmək məqsədi ilə onu səhnələrə çıxarır böyük pullar xərcləyir. Nəhayət ki, xanım artıq müğənni deyə çağırıldıqda yeni planlar meydana çıxır. Necə edək ki, bu xanım olsun populyar müğənni, hamının arzuladığı şəxsə çevrilsin? Və bu minvalla səhnələrdə qalmaqallar başlayır bir müddət əvvəl isə Ziba Osmanlı ilə qalmaqal yaşayan bütün restoranlarda səhnəsinə qadağa qoyduran Zibanı media vasitəsi ilə tənqid atəşinə tutur. Burda həm Zibanı məşhurlaşdırmaq həm də özünün gündəm olması təmin edilirdi. Sonda istədiyinə nail olan A.Nəbiyeva Z.Osmanlını özünə ram edir. Gələk əsas məsələyə Ziba və ya Aynur bunlar kimdir və bunlara görə restoranlar niyə hansısa şəxsə qadağa qoysun? Apardığımız kiçik araşdırmadan məlum oldu ki, sən demə heç elə bir şey yoxmuş sadəcə reklam olmaq xətrinə iki qadının gizli sövdələşməsindən bu obraz yaranıb. Hər ikisi yaxın media qurumları ilə özlərini ucuz reklam etdirməkdədir deyə başa düşülən görüntülər sadəcə yaranıb. Məsələ ilə bağlı adı çəkilən şəxsləri dinləməyə hazırıq.
Aftv.az

Son vaxtlar ölkəmizdə dələduzluq faktları ilə bağlı şikayətlərin sayı kəskin artıb. Mediada, sosial şəbəkələrdə rast gəlinən şikayətlərdən məlum olur ki, dələduzlar müxtəlif adlar altında vətəndaşları aldadırlar. Problemin bu qədər genişlənməsinin bir səbəbi də odur ki, bəzən dələduzluq cinayətini törədənlərin aldatdıqları vətəndaşların pulunu geri qaytarması təmin edilmir. Bəzən isə cinayət törədən şəxs ağır həbs cəzasına məhkum olunmur, ya da az cəza verilir. Bu da dələduzların sayının artmasına, onların qurbanlarının çoxalmasına səbəb olur.

“AzPolitika.info”-ya verilən məlumata görə, bu yaxınlarda daha bir qrup insan dələduzluq faktı ilə üzləşib. Belə ki, Nizami rayon 2 saylı Mənzil Kommunal Təsərrüfatı Birliyində (MKTB) - "JEK"də (MKTB) baş mühəndis vəzifəsində çalışan Məmmədov Rafiq Fərəməz oğlu və Elşən Məmmədov 5 nəfərə ümumilikdə 40 min manat məbləğində ziyan vurub.

Zərərçəkmişlər iddia edir ki, Məmmədov Elşən xaricdən avtomobil gətirəcəyi vədi ilə ayrı-ayrı şəxslərdən aldığı pul vəsaitini mənimsəyərək ailə problemlerinin həllinə yönəldib. Uzun müddət müxtəlif bəhanəlrlə onları aldadıb, əlavə vəsaitlərini alıb.

Xeyli müddət sonra dələduzluğun qurbanı olduqlarını başa düşən zərərçəkmişlər hüquq-mühafizə orqanlarına müraciət ediblər. Bundan sonra Elşən Məmmədov saxlanılıb, istintaq başlayıb.

Ancaq həmin vaxtdan 7 ay keçsə də, zərərçəkmişlərin heç birinin vəsaiti qaytarılmayıb. Zərərçəkmişlər bu müddət ərzində də davamlı aldadıldıqlarını bildirirlər.

“Hazırda külli miqdarda dələduzluq maddəsi ilə məhkəmə prosesi davam edən Məmədov Elşənin "JEK"də rəhbər vəzifəsində çalışan atası da zərərçəkmişləri aldatmaqla məşğuldur. Belə ki, o, aylardır şəxsi evini satıb borcu bağlayacağını bildirsə də, vədinə əməl etmir. Zərərçəkmişlər dəfələrlə evə müştəri göndərsə də, Rafiq Məmmədov müxtəlif bəhanələrlə müştəriləri geri qaytarır”, – deyə saytımıza verilən məlumatda bildirilir.

Buna görə də zərərçəkmişlər onların aldadıllmasını ata və oğulun birlikdə planlaşdırdıqlarını düşünürlər. Rafiq Məmmədovun da istintaqa cəlb olunmasını tələb edəcəklərini bildirirlər.

O da iddia edilir ki, Rafiq Məmmədov pensiya yaşını keçməsinə baxmayaraq hansisa yollarla tutduğu vəzifədə qalmağa nail olub. Bunun da araşdırılmasını zəruri hesab edirlər.

Zərərçəkmişlər dəymiş ziyan ödənməyəcəyi təqdirdə şikayəti geri götürməyəcəklərini və Məmmədov Elşən barəsində ən ağır cəza verilməsini, eləcə də atasının məsuliyyətə cəlb olunmasını tələb edəcəklərini qeyd edirlər.

Məsələni diqqətdə saxlayacaq, qarşə tərəfin və müvafiq orqanların da mövqeyini işıqlandırmağa çalışacağıq.

“AzPolitika.info”

"Şikayətim "Umico" şirkətindəndir". Dia-az.info bildirir ki, bu barədə Nərmin Novruz adlı istifadəçi "Müştəriyəm Şikayətim Var" sosial qrupuundakı paylaşımında giley edir.

Narazı vətəndaş daha sonra əlavə edib: "Bir ay əvvəl telefon sifariş etmişdik. Məlum oldu ki , səhv məlumat verilib (NFC funksiyası yoxdur). Əməkdaşların məsləhəti ilə geri qaytardım. Rayona çatdırılma edilmişdi deyə poçtla qaytardım. 19 martda bağlama tehvil alınıb, amma mənim ödədiyim məbləği geri qaytarmırlar. Telefon haradadır, mağazaya geri verilib verilməyib bilinmir. Yazıram, zəng edirəm. Heç bir əməkdaş doğru düzgün məlumat verə bilmir. “Sizin işinizə baxılacaq” deyib yola verirlər. Öz səhvləridir, əziyyəti çəkənsə müştəri. Umico Market kimdir sizin rəhbər? Nə etmək istəyir? Utanmırsınız insanları dolamağa. Üzə salmısınız. Heç kimə məsləhət görmürəm nəsə almağı. Əgər xarab, defektli və ya yalnış məhsul gəlsə pulunuzu geri ala bilməyəcəksiniz."

Abşeron sakini Cabbarov İntizam Əmiraslan oğlu tərəfindən “Hürriyyət” qəzetinin redaksiyasına şikayət məktubu daxil olub. Şikayətçi iddia edir ki,

“Mən, Cabbarov İntizam Əmiraslan oğlu, yazaraq sizləri məlum edirəm ki, ali təhsilliyəm, YAP-nın üzvü və 3 övlad atasıyam.

Abşeron rayonu, Xırdalan şəhəri, H.Əliyev prospekti 167-də yerləşən "AAAF İnşaat" MMC-də 2018-ci ilin noyabr ayından 2024-cü ilin yanvarınadək komendant işləmişəm! İşlədiyim MMC-də 6 komendant çalışırdıq.

2023-ci ilin oktyabrından bu günə kimi MMC-də baş verən cinayət tərkibli qanun pozuntuları ilə bağlı 5 dəfə cənab Prezidentimizə, 2 dəfə Birinci vitse-prezidentə, 2 dəfə Korrupsiyaya Qarşı Mübarizə Baş İdarəsinə, 3 dəfə Dövlət Vergi Xidmətinə, 2 dəfə DTX-ya və digər aidiyyəti dövlət qurumlarına şikayət və müraciətlər etmişəm! Müraciətlərimdən 3 ay sonra - 30 dekabr 2023-cü il tarixdə (Yeni il günü) MMC-nin rəhbəri Camal Rəcəbov tərəfindən mənimlə bağlanmış əmək müqaviləsinə xitam verilmişdir!

İşlədiyim 5 il müddətində MMC-də baş verən cinayət tərkibli qanun pozuntuları faktlarını sizin də nəzərinizə çatdırıram:
- Dövlət büdcəsindən 10 mliyonlarla manat yayınma faktları;
- Mənzillərin alqı-satqısı zamanı hər mənzildən 2 min manat rüsum adı altında 10 mliyon manatdan çox pulun toplanılması;

- 5 il ərzində yüzlərlə işçinin nağd cədvəl əsasında əmək haqqlarının ələ verilməsi, məzuniyyətsiz işlədilməsi faktları;
- Kommunal xidmətlər adı ilə ay ərzində 60-70 min manat pulların yığılaraq, mliyonlarla manatın təyinatı üzrə xərclənmədən mənimsənilməsi faktları;
- İllərdir liftsiz təhvil verilmiş binalarda yaşayan insanların zülm çəkməsi. Binalar da elektrik şitlərinin ölüm mənbəyi olması, dəfələrlə binaların yarasız elektrik şitlərinə ğorə alışıb yanması faktları və sairə kimi faktların mövcudluğu.
Altı aydır ki, bu faktları bütün aidiyyəti dövlət qurumlarına təqdim etmişəm! 2 dəfə Dövlət Vergi Xidmətində qəbulda olmuşam, bir dəfə Korrupsiyaya Qarşı Mübarizə Baş İdarəsində qəbulda olmuşam və faktları təqdim etmişəm! Bir dəfə Dövlət Əmək Müfəttişliyində qəbulda olmuşam! Çox təəssüf edirəm ki, bu qurumlar hələ də susurlar!

MMC-yə 2 ildir rəhbər təyin edilmiş Camal Rəcəbov əvvəllər Dövlət Vergi Xidmətində çalışmış və naməlum səbəblərdən xaric edilmişdir. O, keçmiş millət vəkili Hadı Rəcəblinin qardaşı oğludur! Əlaqələri böyük olduğundan şikayət və müraciətlərə baxan yoxdur! Mənə xəbər göndərir ki, ölkədə Prezidentdən yuxarısı yoxdur, yazanda ona yaz!
Üç aydır Camal Rəcəbova görə işsiz qalmışam! Bunları Sizə yazmaqda məqsədim odur ki, bəlkə Prezidentimiz, Birinci vitse-prezidentimiz sizin sayt vasitənizlə mənim səsimi eşidə".

Jalə FAMİLQIZI, ("Hurriyyet")
Redaksiyadan: Yazıda adları qeyd olunan qurumların və şəxslərin mövqeyini dərc etməyə hazırıq.

"Şuşa Şəhər İcra Hakimiyyətinin başçısı Bayram Səfərovun keçirdiyi tenderlərin bir qismini oğlu udub". Dia-az.info xəbər verir ki, bu barədə məlumatı tanınmış araşdırmaçı jurnalist Cavanşir Həsənli paylaşıb.

Jurnalist yazır: "Məsələn, Şuşa işğaldan azad olduqdan sonra - 2021-ci ildə Bayram Səfərov 3 lot üzrə dövlət sifarişini oğlu RUFİS SƏFƏROVA məxsus "KƏKLİK" MƏHDUD MƏSULİYYƏTLİ CƏMİYYƏTİnə verib. Yəni Şuşa azad olandan sonra oğlunu "QALIB" elan edib.

DÖVLƏT SİFARİŞİNİ DANA BASDIRMASI KİMİ KƏKLİKOTU DA VURUB TƏNDİRARASI (OXU: TENDER) YEMƏK NECƏDİR?

Cənablar, yeyəndə ağzınızı heç olmasa salfetka ilə silin".

Azərbaycan təhsilində ciddi problemlərin olduğu cümlə aləmə məlumdur və hər birimiz demək olar ki, hər gün övladlarımızın timsalında çətinlikləri görə bilirik.

İstər dərs yükünün ağır olması, istər məktəblərdə tədris prosesinin çatışmazlıqları və problemlər siyahısına əlavə edə biləcəyimiz bir çox çatışmazlıqlar təhsilimizdə təcili islahatlara ehtiyac yaradıb. Amma Elm və Təhsil Nazirliyi mövcud problemləri həll etməkdə o qədər də maraqlı görünmür. Yaxud ola bilsin ki, Nazirliyin təhsilə ayırmağa vaxtı yoxdur.

Elm və Təhsil Nazirliyi daxilində baş verənlərlə bağlı əldə etdiyimiz məlumat səbəbin ikinci olduğunu – nazirliyin təhsilimizə ayırmağa vaxt tapmadığını deməyə əsas verir. Çünki nazirlikdə təhsilin keyfiyyətinin yaxşılaşdırılması uğrunda addımların atılması əvəzində, daxili qarşıdurma yaşanır.

Nüfuz savaşı adlandıra biləcəyimiz bu mübarizə haqda əldə etdiyimiz məlumatlar “Elm və Təhsil Nazirliyi təhsildən başqa hər işlə məşğuldur” sualını yaradır.

Məlumatlara görə, Nazirliyin Aparat rəhbəri Mətin Kərimli ilə nazir müavini Həsən Həsənli arasında “nüfuz savaşı” daha da qızışıb. Əsas mübarizə motivi kadrların təyin edilməsidir. Həsən Həsənli Prezident İlham Əliyevin Sərəncamı ilə bu vəzifəyə təyin olunub və onun əsas işi-missiyası kadr siyasətini həyata keçirməkdir.

Aparat rəhbəri Mətin Kərimli isə “Elm və Təhsil Nazirliyində mənəm, Bağdadda kor xəlifə” prinsipi ilə yanaşır, Nazirlikdə bütün strukturları ələ almağa çalışır.

Həsən Həsənli Mətin Kərimlinin kadr siyasətinə qarışdığını, onun işinə müdaxilə etdiyini dəfələrlə rəhbərliyə bildirib. Baş verənlərdən təhsil naziri Emin Əmirullayevin də məlumatlı olması heç kəsə sirr deyil. Çünki Həsənli Həsənli dəfələrlə Mətin Kərimlinin əməlləri ilə bağlı birbaşa nazirə etirazını bildirib. Elm və Təhsil nazirinin müavini olan Həsən Həsənli Aparat rəhbəri Mətin Kərimlinin kadr siyasəti ilə razılaşmır, onun texniki vəzifə daşıdığını deyir.

Məlumatlara görə, bu məsələ Nazirliyin qapalı iclaslarında dəfələrlə müzakirə edilib. Həsən Həsənli bildirib ki, o, bu vəzifəyə Prezidentin Sərəncamı ilə təyin olunub və Nazirlikdə kadr işlərinə cavabdeh şəxsdir, ancaq Mətin Kərimli onu saymır və kadr işlərinə müdaxilə edir.

Mətin Kərimli isə bütün strukturları ələ almağa çalışdığı kimi, kadr məsələsini də nəzarətə götürmək istəyir.

Hazırda Mətin Kərimli ilə Həsən Həsənli arasında “soyuq müharibə” davam edir.

Kimin “qalib” gələcəyini demək çətindir, lakin “məğlubun” təhsilimiz olduğu aşkar şəkildə ortadadır. Çünki təhsildən məsul olan Nazirlik əsas işini kənara atıb, daxili qarşıdurmaların, “nüfuz müharibə”lərinin platformasına çevrilib.

Demokrat.az

Beyləqan rayon Mərkəzi Xəstəxanasının baş həkimi Şahlar Hüseynov Beyləqan şəhəri, Sevil Qazıyeva küçəsində qanunsuz obyekt tikdirir...

Poliqon.info xəbər verir ki, bu burədə Facebook sosial şəbəkəsində “Beyləqan Xəbərləri” səhifəsi məlumat yayıb.

Məlumatda bildirilir ki, Şahlar Hüseynov baş həkim təyin edildikdən sonra Sevil Qazıyeva küçəsində 2 mərtənbəli obyekt tikdirməyə başlayıb. Obyektin tikintisi üçün isə Dövlət Şəhərsalma və Arxitektura Komitəsinin icazəsi yoxdur. Bildirilir ki, baş həkim obyektin tikintisi üçün icazəni Beyləqan rayon icra hakimiyyətindən hansısa yollarla “alıb”.

Qeyd edək ki. məsələ iləbağlı Poliqon Beyləqan rayon Mərkəzi Xəstəxanasının baş həkimi Şahlar Hüseynova sorğu ilə müraciət edib. Sorğudan sonra Şahlar Hüseynov redaksiyamıza zəng edərək bildirib ki, tikilən obyektin sənədi var və bu iki mərtəbəli bina heç də qanunsuz tikilmir. Biz ondan sənədin surətini redaksiyamıza təqdim etməyi xahiş eləsək də, baş həkim sorğumuzu cavabsız buraxdı.

Qeyd edək ki, Dövlət Şəhərsalma və Arxitektura Komitəsinin Tikintilərin Dövlət Reyestrində Beyləqan şəhəri, Sevil Qazıyeva küçəsində 2 mərtənbəli obyektin inşası ilə bağlı heç bir məlumat tapa bilmədik.

Məsələnin maraqlı tərəfindən biri də odur ki, redaksiyamıza zəng edərək tikilən binanın qanunsuz olmadığını bildirən Beyləqan rayon Mərkəzi Xəstəxanasının baş həkimi Şahlar Hüseynov faktiki olaraq bizneslə məşğul olduğunu etiraf etmiş oldu. Bu isə artıq TƏBİB-in bu etirafa hansı prizmadan yanaşacağı ilə bağlı məsələdir. Ümid edirik ki, istər TƏBİB, itərsə də baş həkim məəsələyə daha ətraflı şıkildə aydınlıq gətirər.

Rusiya və onun satelliti Ermənistan arasında informasiya savaşı davam edir. Hələ ki “qərbçi” baş nazir Nikol Paşinyanın Qərblə oyunu sonuncunun ümidlərini və gözləntisini doğrultmayıb, İrəvanın Rusiya orbitindən uzaqlaşması baş verməyib.

Bunu o vaxt söyləmək mümkün olacaq ki, Ermənistandan Rusiya hərbi kontingenti çıxarılacaq, onun xarici sərhədlərini ruslar yox, öz hərbçiləri qoruyacaq.

Moskva-İrəvan münasibətlərinin gələcəyindən danışan rusiyalı ekspert Aleksey Martınov hesab edir ki, Kreml hələlik heç bir kəskin addım atmayacaq. “Çünki Rusiya, ümumiyyətlə, emosional düşüncələrə meylli deyil, baxmayaraq ki, Paşinyanın yeni Qərb dostları tərəfindən fəal şəkildə təhrik olunur. Rusiyanın Cənubi Qafqazdakı hərbi mövcudluğuna gəlincə isə xatırlatmaq istərdim ki, Ermənistan ərazisində - Gümrüdə Rusiya hərbi bazası var və bu, təkcə Rusiyanın mövcudluğunu deyil, həm də bütün regionun təhlükəsizliyini təmin edir. Baxmayaraq ki, Ermənistan Azərbaycanla münaqişə vəziyyətindədir və hələ də sülh müqaviləsi imzalanmayıb, əminəm ki, Rusiya regionda öz hərbi mövcudluğunu qoruyacaq”.

Lakin onun sözlərinə görə, baza məsələsi yenidən gündəmə gəlsə, o zaman çox güman ki, Rusiya onu Qarabağ ərazisinə keçirəcək. “Rusiya istənilən digər münaqişədə olduğu kimi, bu münaqişədə də heç kimin tərəfini tutmur, lakin Kreml regionda olmasını tələb edən geostrateji maraqlarını müdafiə edir və bu, təmin olunacaq”, - rusiyalı ekspert özündənrazı şəkildə əlavə edib.

Rusiyanın Gümrüdəki hərbi bazası, sən demə, təkcə Rusiyanın mövcudluğunu deyil, həm də bütün regionun təhlükəsizliyini təmin edirmiş. Bəlkə əksinədir?

İkinci yandan, Azərbaycan Rusiyanın bir quberniyasıdırmı ki, Gümrüdəki bazasını götürüb Qarabağa köçürsün? Martınov Bakının buna razılıq verəcəyini haradan bilir? Azərbaycan öz ərazindən xarici hərbi qüvvələri tam çıxarmağa çalışdığı halda Qarabağda rus hərbi bazası necə yerləşə bilər? Üstəlik, Azərbaycanın Konstitusiyası, Hərbi Doktrinası da buna izn vermir. Ondansa Bakı elə qardaş Türkiyənin hərbi bazasına razılıq verər.

Bu nədir, bir rus ekspertinin sadəlövhlüyü, nəbz yoxlanışı, yoxsa Bakıya mesaj?

Hərbi ekspert, polkovnik Rövşən Məhərrəmov “Yeni Müsavat”a bildirdi ki, rusiyalı siyasi ekspert Aleksey Martınov 2020-ci ildə 44 günlük İkinci Qarabağ müharibəsi dövründə, müharibədən öncə və sonrakı zamanlarda Azərbaycan əleyhinə daim çıxışlar edib və ermənipərəst siyasi ekspert kimi tanınır: “Martınov hər zaman erməni ekspertlərlə bir sırada Azərbaycanın əleyhinə çıxışlar etməsi ilə seçilir. Rusiyadakı siyasi ekspertlərin əksəriyyəti Rusiya siyasi hakimiyyətinin nəzarəti altında olan insanlardır. Onlara hansı məsələ barədə və necə danışmaq barədə sifarişlər, təlimatlar verilir. Güman etmək olar ki, bu dəfə Azərbaycanın nəbzini yoxlamaq üçün Aleksey Martınovun dili ilə Gümrüdəki hərbi bazanın məsələsi o şəkildə ictimailəşdirilib. Güman ki, Martınov ona verilən göstərişə uyğun həmin fikirləri bildirib. Rusiyanın 102-ci hərbi bazası Ermənistandan çıxarılmasa belə, Moskvanın digər hərbi bazalarını Cənubi Qafqazın daha iki ölkəsi olan Azərbaycan və Gürcüstanda yerləşdirməsi arzusu və planı həmişə olub, bu gün də var. Qarabağdakı sülhməramlıların orada qalma müddətinin bitəcəyi tarix yaxınlaşdıqca, Rusiya bölgədə hərbi mövcudluğunu başqa ad altında qoruyub saxlamaq, başqa ad altında daha da genişləndirmək barədə düşünür. Martınova nəbz yoxlaması üçün verilən sifariş də bununla əlaqədardır. 102-ci hərbi baza Ermənistan ərazisini tərk etməyəcək. Çünki Rusiyanın belə bir planı yoxdur və Ermənistan dövlətinin də Rusiyanı buna məcbur etmək gücü, imkanı yoxdur. Ermənistanın Rusiya ilə imzaladığı razılaşmalardan biri də 102-ci hərbi bazanın Gümrüdə qalma müddətinin 2045-ci ilə qədər uzadılmasıdır. Bu reallıq ortada olmasına baxmayaraq, Aleksey Martınova məlum açıqlamanı vermək təlimatı verilibsə, bu bir daha təsdiqləyir ki, Rusiya nəbz yoxlaması edir. Çünki Rusiya siyasi və hərbi rəhbərliyi Qarabağda və ya Cənubi Qafqaz ölkələrinin başqa hər hansı ərazisində hərbi iştirakı başqa bazaları vasitəsilə gerçəkləşdirmək istəyir”.

Ekspert vurğuladı ki, Azərbaycanın belə bir plana razılıq verməsi isə mümkün deyil. Azərbaycanın Hərbi Doktrinası, Milli Təhlükəsizlik Konsepsiyası və Konstitusiyası da Rusiya hərbi bazasının Azərbaycan ərazisində yerləşdirilməsinə imkan vermir: “Azərbaycan gələn ilin noyabrında Rusiya sülhməramlı qüvvələrinin ərazimizi tərk etməsi üçün 6 ay öncədən rəsmi məsələ qaldırmalıdır. Verilmiş rəsmi açıqlamalardan belə nəticəyə gələ bilərik ki, Bakı bu məsələdə qəti mövqedədir.

Martınovun çıxışı Azərbaycana qarşı təxribatçı çıxışdır. Azərbaycanın öz siyasəti var və belə təxribatçı nəbz yoxlamaları heç nəyi dəyişən deyil. Cənab Prezidentimiz də çıxışlarında bir neçə dəfə bəyan edib ki, 10 noyabr üçtərəfli bəyanatında əksini tapan müddət başa çatanda sülhməramlı kontingent Azərbaycan ərazisindən çıxacaq. Prezident İlham Əliyev bunu hətta Xankəndi separatçılardan azad edilməmişdən öncəki dövrdə demişdi. Sülhməramlı qüvvələrə ötən ilin sentyabrından sonra ümumiyyətlə ehtiyac qalmayıb. Sadəcə olaraq, Azərbaycan öz imzasına hörmət edən ölkə olaraq davranır, üçtərəfli bəyanatdakı müddətin başa çatmasını gözləyir".

İmişli rayonu Qulubəyli bələdiyyəsinin sədri vəzifəsini icra edən Nağıyev Qalib tərəfindən ölkə rəhbərliyinə müraciət ünvanlanıb. Müraciəttdə deyilir:
"Şikayətim Ali Məhkəmənin Mülki kollegiyasının Hakimi Elşanə Vəliyeva barəsindədir.
Şirvan Apelyasiya Məhkəməsinin 29 noyabr 2023-cü il tarixli 2(106)-1813/2023 saylı qətnaməsindən sabiq Bələdiyyə sədri cavabdeh Mirvəli Tağıyev tərəfindən verilmiş kassasiya şikayəti 14 fevral 2024-cü il tarixdə Ali Məhkəmənin Mülki kollegiyasının Hakimi Elşanə Vəliyevanın icraatına daxil olmuşdur 23 fevral 2024-cü il tarixdə işə tərəflərin iştirakı olmadan yazılı icraat qaydasında baxılacağı barədə tərəflərə rəsmi bildiriş göndərilmişdir.Ancaq xeyli müddət keçməsinə baxmayaraq sözügedən 2(102)-1221/2024 saylı işə baxılmayaraq qanunla müəyyən olunmuş 3 ay müddətin tamam olmasına az qalmış baxılacağı təsəvvürü yaranmışdır.Bu fakt isə qarşı tərəfin sifarişi əsasında bu il keçiriləcək Bələdiyyə seçkilərinə qədər vaxtı süni surətdə uzatmaqdan ibarətdir.
25 aprel 2022-ci il tarixdə cavabdeh İmişli rayonu Qulubəyli Bələdiyyəsinin sədri vəzifəsindən azad edilmişdir.Ancaq cavabdeh qanunun tələblərinə əməl etməyərək Bələdiyyənin möhür-ştamp və maliyyə sənədlərini Bələdiyyəyə təhvil vermədiyinə görə 01 iyul 2022-ci il tarixdə İmişli rayon Məhkəməsinə iddia ərizəsi ilə müraciət etsəkdə Qulubəyli Bələdiyyəsinin iddia tələbi 09 fevral 2023-cü il tarixdə təmin olundu.Artıq 22 aydır ki, aidiyyəti üzrə işə baxan Məhkəmələr möhür-ştamp və maliyyə sənədlərini cavabdehdən alıb Qulubəyli Bələdiyyəsinə təhvil verilməsinə müxtəlif bəhanələr gətirərək qəsdən süründürməçilik edirlər.20 aydan sonra sözügedən iş baxılması üçün Ali məhkəmənin Mülki kollegiyasına daxil olsada Hakim Elşanə Vəliyeva işə baxmağa tələsmir.
Əslində cavabdeh tərəfindən verilmiş kassasiya şikayəti əsassız və qanunsuz olduğundan baxılmadan geri qaytarılmalıydi.Belə ki, cavabdehin verdiyi kassasıya şikayətinin əsasını Qulubəyli Bələdiyyəsinin 25 aprel 2022-ci il tarixli iclas protokolunun saxta olduğu iddiası təşkil edir.Cavabdeh Mirvəli Tağıyevi Bələdiyyə sədri vəzifəsindən azad edib, möhür-ştamp və maliyyə sənədlərinin ondan alınıb Qulubəyli Bələdiyyəsinə təhvil verilməsinə əsas olan Bələdiyyənin sözügedən iclas protokolunu qərarını,əgər cavabdeh qanunsuz hesab edirsə belə olan təqdirdə niyə bu günə qədər Qərarın ləğv edilməsi barədə iddia ərizəsi ilə Məhkəməyə müraciət etməmişdir? Ona görə ki, həmin qərarın ləğv olunması üçün cavabdehin əsaslanacağı təkzibedilməz və mötəbər sübutlar yoxudr.
Məlumat üçün bildirirəm ki,cavabdeh Mirvəli Tağıyev Qulubəyli Bələdiyyəsində və digər yerdə törətdiyi cinayət əməllərinə görə 230440055 nömrəli cinayət işi üzrə cinayət məcəlləsinin çoxsaylı maddələri ilə ona ittiham verilərək təqsirləndirilən şəxs qismində cinayət məsuliyyətinə cəlb olunmuşdur. Hazırda Lənkəran Ağır Cinayətlər Məhkəməsində onun barəsində geniş Məhkəmə istintaqı aparılır.Ancaq təqsirləndirilən şəxs M.Tağıyev bu gündə Qulubəyli Bələdiyyəsinin möhür və sənədlərindən qanunsuz istifadə etməkdə davam edir.
Bir müddət əvvəl cavabdeh 77 yaşlı qoca Mirvəli Tağıyevlə sözügedən Qulubəyli Bələdiyyəsinin möhürü ilə əlaqədar onunla mübahisə əsnasında mənə bildirdi ki, Şirvan Apelyasiya Məhkəməsinin Qətnaməsini ləğv etdirmək üçün Ali Məhkəmədə işə baxacaq hakimə lazimi qədər rüşvət verəcəyini,ancaq möhürü mənə heç bir vaxt verməyəcəyini bildirdi.
Xahiş edirəm müraciətim barəsində qanuni tədbir görülsün".

azerbaycanrealligi.com

Daşkəsən rayonu, Məmməd Əsədov küçəsi, ev 5-də yaşayan Məmmədova Zenfira Fəxrəddin qızı və Məmmədova Vüsalə Qabil qızı tərəfindən “Hürriyyət” qəzetinin redaksiyasına şikayət məktubu daxil olub. Şikayətçilər iddia edirlər ki, İcra Hakimiyyəti tərəfindən onlara qarşı haqsızlıq edilir:

“Biz, Məmmədova Zenfira Fəxrəddin qızı və Məmmədova Vüsalə Qabil qızı, yazaraq sizdən xahiş edirik ki, problemimizi işıqlandırasınız.

Kasıb ailəyik, 10 aydır evimiz təbii fəlakət nəticəsində uçaraq, yarasız hala düşmüşdür. Fövqəladə Hallar Nazirliyi bizi çadıra çıxardı. 4 ay çox əziyyətli günlər keçirdik.

Müraciətlərimizdən sonra İcra Hakimiyyətindən bizim kirayə pulları ödənildi və kirayə evə çıxdıq. Evimizə Gəncə şəhərindən icra nümayəndələri gəlib baxış keçirdilər. Onlar saxta sənədləri qüvvəyə mindirib, evin köhnəldiyini, istismar vaxtının keçdiyini yazıblar. Gedib bu quruma müraciət edirik, deyirlər ki, bizlik deyil, İcra Hakimiyyətindən necə tapşırıblar, elə də yazmışıq.

Bir neçə ailə olaraq, evsiz qalmışıq. Kirayə pulunu da bu aydan dayandırıblar. Bizə deyirlər ki, gedin çadırda qalın.

Bu qədər haqsızlıq olar? Dərdimizi deməyə yer yoxdur. İcra Hakimiyyətindən bizə deyirlər ki, hara şikayət etsəniz də, xeyri yoxdur. Həqiqətən də üz tutduğumuz saytlardan şikayətlərimiz silinir. Bu qədər başımıza oyun açırlar. Səlahiyyətli qurumlardan xahiş edirik ki, bizə kömək edin”.

Məsələ ilə bağlı Daşkəsən Rayon İcra Hakimiyyəti ilə əlaqə saxlamağa çalışsaq da, zənglərimiz cavabsız qaldı.

Redaksiyadan: Yazıda adları qeyd olunan qurumların mövqeyini dərc etməyə hazırıq.