Məşhur avstraliyalı aktyor və müğənni Karl Merkaç vəfat edib.

"Qafqazinfo" xarici mətbuata istinadən xəbər verir ki, aktyorun ölüm səbəbi açıqlanmayıb.

Qeyd edək ki, 92 yaşlı sənətçi "Duel", "Romeo və Cülyetta", "Cinayət səhnəsi", "Gənc Freyd", "Canlı cəsəd" və 100-dən artıq filmdə rol alıb.

“Bütün dırnaqarası qınaqlara cavab verməmək də olardı. Milçək böyük bir şey deyil, amma ürək bulandırır. Təbii ki, bu ürəkbulandırıcı rəylər, düşünülmüş şəkildə, xəbiscəsinə deyilən böhtanlar mənim heç vecimə də deyil. Məhəbbət şairiyəm, qürub çağı günəşin batmasından, nakam sevgi hekayəsindən tutmuş, qəlbində sevgisi, məhəbbəti olan hər kəsə ünvanladığım şeirlərin hamısı səmimidir, ürəyimdən gəlir. Hər biri konnekturadan, kampaniyaçılıqdan uzaqdır. Şair vəsf edir də. “Nəsimi” filmində də deyilir “vəsf eylə məni, şair...” Amma mən “vəsf zamanı deyil” demirəm. Mirzə Ələkbər demişkən, “şairəm, vəzifəm budur, şeir yazım...” Məmur deyiləm ki, rəislərimə şeir yazam, biznesmen deyiləm ki, inzibati orqanlardan çəkinim, onları tərifləyim. Mən ürəyimin sözünü deyirəm. Ulu öndər Heydər Əliyevə “Sən elə bir zirvəsən” mahnısını yazmışam. O, uzun illərin sevgisi, məhəbbəti, ehtiramı idi ki, birdən-birə gözəl şeirə, nəğməyə, Heydər Əliyev ömrü haqqında bir himnə çevrildi…”

Bu sözləri Pravda.az-a Əməkdar incəsənət xadimi, tanınmış şair Baba Vəziroğlu Prezident İlham Əliyevə tərif səsləndirdiyi üçün qınanması bağlı danışarkən deyib.

O bildirib ki, “Cənab Ali Baş Komandan” şeiri müharibənin ilk günlərində yazılıb: “Yəni 10 milyon insan, sərhəddən kənardan olan azərbaycanlılar kimi mən də baxırdım, qürurumdan yerə-göyə sığımırdım. Bəs həmin məqamda nə yazmalı idim? Öz də müharibənin ilk günündən bilirdim ki, qələbə bizimdir. Çünki İlham Əliyev inamla, Azərbaycan xalqına güvənərək elə danışırdı ki, bilirdim, gec-tez xalqımız qələbə çalacaq. 44 gün olacağını, düzü, güman etmirdim. Ordunu məğlub etmək olar, amma ayağa qalxmış 10 milyon xalqı - özü də İlham Əliyevin sərkərdəliyi ilə - məğlub etmək mümkün deyil. Söhbət bundan gedirsə, mənim mövqeyim belədir. Normal işi-gücü olan adam, belə şeylərlə məşğul olmaz. Mən həmişə həqiqəti yazıram. İstər bu həqiqət Kəmaləddin Heydərova aid olsun, istər başqa bir məmura. Keçən dəfə iki icra başçısını da tərifləmişəm, amma həm də demişəm ki, başçıların 70%-ni dama basmaq lazımdır. Doğrudan da, həmin icra başçılarını görmüşəm, xalqın arasında seçilmirlər, qapılarında mühafizəçi yox, əlində “lapatka” gedir, təmizliyə baxır, rayonda yaşayan 70 min əhalinin sadə, siravi üzvüdür. Bəs mən bunu deməyim? Bu həqiqəti qələmə almayım? Yaxşıya yaxşı, yamana yaman deyirəm, burda nə var ki? Azərbaycan ziyalısının mövqeyi, məncə, belə də olmalıdır. Kimsə hardansa nəsə alır, harasa işləyirsə, bunun mənə nə dəxli var ki? Cənab Prezident haqqında, yaxud başqa vicdanlı bir məmur haqqında xoş bir söz deyiləndə rus demişkən “çest”lərinə toxunur. Toxunsun də. Yel qayadan nə aparar? Bu frazanı cənab Prezidentə də aid edə bilərəm – Sən elə bir zirvəsən, küləklər neyləyəcək? Bunlar külək də deyillər, heç meh də... Ventilyator fırlanıb süni, yalançı bir yel qoparır, bax, onlar da elədir. Çox baş qoşmaq lazım deyil…”

B.Vəziroğlu Prezidentin pişiklə fotosunu müzakirə edənlərə isə belə münasibət bildirib: “Bu barədə danışmaq, sadəcə, ayıbdır. Hər kəs özünü güzgünün qabağına qoyub, baxmalıdır ki, mən nə danışıram? Dünyada, bəlkə də, Allahın insana verdiyi ən böyük sevgi heyvana qarşıdır. Çünki heyvan dilsiz-ağızsızdır, dərdini, ağrısını deyə bilmir. Heyvanlar həmişə insanlardan mərhəmət umurlar. İnsanlardan o istiliyi, hərarəti görəndə... Bəlkə, heyvanların da bir xeyir-duası var, çünki Allahın yaratdığı canlılardır. Bəlkə, bizim işlərimizin, uğurlarımızın belə olmasında onların xeyir-duası, ruzisi var. İnsanın heyvana münasibətini qınamaq, bunu dilə gətirmək olar? Buna, sadəcə, söz tapmıram. Allah o insanları bədbəxt yaradıb ki, görün, nəyi insana çox görürlər. Yaxşı, psixoloji problemləri olan bir adam pişiyi öldürəndə, kimsə küçədə heyvanı maşınla vuranda bütün millət onun üstünə düşür. Bir qəssab pişiyin ayağını kəsmişdi, millət onu qınadı, linç etdi. Bəs nə oldu, indi mərhəmət göstərəndə, heyvana xoş münasibət olanda həmin adamların bir hissəsi 180 dərəcə bu tərəfə döndü? Anlaya bilmirəm. Təbii ki, bunlar hamısı süni şəkildə dövlətimizə, dövlətçiliyimizə kölgə salmaq, heç bir böyük səbəb tapa bilməyəndə belə xırda bir detallardan yapışan, özü də Allahsızcasına yapışan adamlardır. Boğulan saman çöpündən yapışdığı kimi, bunların da son variantları budur. Böyük Tolstoy demişkən, “vətənpərvərlik” əclafların son sığınacaq yeridir. Görür ki, əməldə, həyatda heç nəyə nail ola bilmir, ona görə də son vasitə kimi yalançı vətənpərvərliyə əl atmağa və boş-boş şüarlar söyləməyə başlayır. Kimimiz vətən üçün şüarlar söylədik, kimimiz öldük... Mən həmin şeirləri vətən üçün ölənlərə, mübarizə aparanlara yazıram, vətən üçün şüarlar deyənlərə yox...”

“Çox istəyirik ki, Arifin adı əbədiləşdirilsin. Bununla bağlı bilmirik hara, kimə müraciət edək…”

Bunu mərhum Xalq artisti, tanınmış aktyor Arif Quliyevin həyat yoldaşı Gülzar Quliyeva Yenicag.az-a açıqlamasında deyib.

O, həyat yoldaşının yaşadığı binanın söküldüyünü və buna görə Arif Quliyevin yaşadığı binaya onun adının verilməsinin mümkünsüz olduğunu bildirib:

“Ailəlikcə arzumuz bu idi ki, Arifin barelyefi uzun illər yaşadığı binaya vurulsun və adı əbədiləşdirilsin. Bununla bağlı əlaqədar qurumlara da müraciət etmişdik. Amma bizim yaşadığımız bina sökülür. Bizə də cavab verildi ki, bina söküldüyü üçün bu, mümkünsüzdür. Buna görə də istəyirik heç olmasa, Arifin adı hansısa bir küçəyə verilsin. Fərq etməz hansı küçə, təki adı əbədiləşdirilsin. Amma bilmirik bunun üçün hansı quruma müraciət edək. Arif Quliyevlə bağlı başqa bir istəyimiz yoxdur, çünki dövlətimiz sağ olsun, hər şey edib. Bir tək istəyimiz onun adının əbədiləşdirilməsidir”.

Şabran şəhərinin mərkəzi küçələri bərbad vəziyyətə düşüb.

Bu barədə "Report"a şəhər sakinləri məlumat veriblər.

Onların sözlərinə görə, bərbad vəziyyətə düşən yollar şəhərin M.Əsədov, Babək, F.Əmirov, Nizami, Şəhid Ü.Orucov, R.Rza, X.Məmmədov, İstanbul, İzmir və "5 sotlar" yaşayış massivinin küçələridir.

Uzun illərdir yol problemi ilə üz-üzə qaldıqlarını bildirən sakinlər deyib ki, qeyd olunan küçələr qış aylarında bataqlığa çevrilir. Küçələr təmir olunmadığından bir qədər yağış yağan kimi ərazi keçilməz olur. Sakinlər bildirir ki, küçələrin şəhərin mərkəzində yerləşməsinə baxmayaraq asfaltlanmaması bir sıra problemlərə yol açıb. Onların sözlərinə görə, nə piyadalar, nə də avtomobillər burada rahat şəkildə hərəkət edə bilir.

Məsələ ilə bağlı Şabran Rayon İcra Hakimiyyətinin şəhər inzibati ərazi dairəsi üzrə nümayəndəliyindən "Report"un yerli bürosuna bildirilib ki, cari ildə M.Əsədov və F.Əmirov küçələrində çınqıl materialla yol təmir işləri aparılıb, növbəti ildə də həmin küçələrdə yol təmiri işləri aparılacaq:

"Bundan əlavə, Nizami küçəsi də asfaltlanıb. Lakin həmin küçəyə məxsus ara yollara örtük çınqıl materialı döşənib. Növbəti il yol təmirində qalan ara yollar da asfaltlanacaqdır. Babək küçəsinin asfalt örtüyündə isə yaranmış çala-çökmələr növbəti ildə təmir olunaraq aradan qaldırılacaq. "5 sotlar" deyilən ərazi isə 22 küçədən ibarətdir. Həmin ərazidə yerləşən küçələrdə hər il yol təmir işləri aparılır. Belə ki, Şəhid Ü.Orucovun adını daşıyan küçə bu il asfaltlanmışdır. R.Rza, X.Məmmədov, İstanbul, İzmir küçələrinə çınqıl material tökülərək yayılıb".

Nümayəndəlikdən həmçinin vurğulanıb ki, küçələrin təmir-bərpa işləri bundan sonra da davam etdiriləcək.

"Report"

Naxçıvan Mədəniyyət Nazirliyi bu qurumda yoxlamalar aparan müfəttişləri də aldadıblar.

DİA.AZ xəbər verir ki, ovqat.com-a bu barədə məlumat Naxçıvan MR Mədəniyyət Nazirliyi strukturlarından birində çalışan şəxs tərəfindən verilib.

Qaynağımızın bildirdiyinə görə, bir neçə gün MR Mədəniyyət Nazirliyinə də müfəttişlər gəlib. Onlar bundan sonra Naxçıvan Mədəniyyət strukturlarında “ölü canlar” sisteminə son qoyulacağını, müəllimlərə yazılan artıq dərslərin yığışdırılacağını, heç kimin maaşdan əlavə ödənişləri rəhbərliyə çatdırmayacağını və onlara yazılan dərslər qədər dərs deyəcəklərini bildirib gediblər. Amma onlar gedəndən sonra yenə “köhnə hamam, köhnə tas”rejimi davam edib.

Şikayətçi redaksiyamıza ünvanladığı məktubunda yazır:

“Bir necə gün əvvəl qaytarılan dərs saatları, yəni müəllimin üzərinə yazılan əlavə dərslər, deyilənlərə görə, müəllimlərə qaytarılıb. Amma hansı müəllimlərə? Hansı ki, özlərinə yaxın bilib “öz aramızda qalsın bir sən bil bir mən” dedikləri, “yarısı sənin yarısı mənim” prinsipi ilə işləyən, əslində isə tədris prosesində hec bir fəaliyyəti olmayan, öyrətim qabiliyyəti aşağı olan müəllimlər yenə arada yüksək dərs saatına malik olublar. Amma burda bir məsələ də var: müdirlərin bu yaxın “bacı qardaş müəllimləri” yene rəhbərliyə dəstək ola bilərlər, müdir də nazirinə. Və deyilənlərə görə, uzağı, yanvara qədər bu normallaşma prosesi sürə bilər, yanvardan sonra yenə açıq bazar olacaq. Rəhbərliyin bəzi müəllimlərə açıq şəkildə “çox öyrəşməyin bu dəyişikliyə” dedikləri iddia olunur.

Gələk əsas məsələyə. Nəyə görə bu dərslər “artıq maaşın hamısını sən alacaqsan deyilən müəllimlərə qalır? Nəyə görə digər müəllimlərə o saatlar paylanmayıb. Hələ də dərs yükü aşağı olan, yarıbayarı fərq verən dərs saatları var. Mənim və digər məğdur muəllimlərin fikrincə, aidiyatı qurumlar təkrar yoxlama aparmalı, dərs saatları balanslaşdırılmalıdır”.

Naxçıvan gömrüyündə keçirdiyi əməliyyat çərçivəsində xeyli sayda saxlanılanların olduğu bildirilir.

DİA.AZ bildirir ki, Ovqat.com-un əldə etdiyi məlumata görə, saxlanılan və dindirilənlər arasında Naxçıvan gömrüyünün keçmiş rəisləri və digər rəsmiləri də var. Görünən budur ki, Naxçıvan MR DGX-də yoxlamalar üzdən yox, dərin aparılır və xeyli insanın həbs olunacağı gözlənilir.

Bildirilir ki, açıq elan olunmasa da, Naxçıvan MR DGX əslində ləğv edilib, yerinə Azərbaycan DGX-nın Baş İdarəsi yaradılıb. Yeni rəhbərliyin də Bakıdan təyin olunması ehtimalı var.

Ötən gün Nəsimi adına Dilçilik İnstitutundakı müzakirələr sosial şəbəkələrdə ciddi müzakirələrə səbəb olub.

Ölkənin sanballı elm adamlarının, dilçilərinin və ictimai fikirin öndə gedən isimlərinin saatlarla davam edən absurd müzakirələri ciddi şəkildə qınanılıb.

Aparıcı elm xadimlərinin saatlarla “dovşan” sözünün “doşan”, yoxsa “dofşan” formasında yazılması ilə bağlı müzakirələr sosial şəbəkənin aktiv iştirakçıları tərəfindən tənqid edilib.

Sosial şəbəkə istifadəçilərinin ünvanladığı cavabsız suallar isə doğrudan da düşündürücüdür: Doğrudanmı, institutun ümdə problemi “dovşan”ın “doşan” yazılmasıdır? Dilçilik İnstitutunun başqa müzakirə ediləsi problemi yoxdurmu? Samballı adamların absurd problemləri əsas müzakirə mövzusu etməsinin arxasında nələr və ya kimlər dayanır?

Sosial şəbəkə istifadəçilərinin məsələ ilə bağlı suallarını Nəsimi adına Dilçilik İnstitununun keçmiş direktoru Möhsün Nağısoyluya ünvanladıq.

Sabiq direktor Publika.az-a açıqlamasında bildirdi ki, ötən gün adıçəkilən qurumda müzakirə olunan absurd məsələlər Nazirlər Kabineti tərəfindən təsdiq olunub:

“Hətta Prezident Administrasiyasında da müzakirələrdən keçib. 2021-ci ildə də təsdiq olunub. Digər tərəfdən, həmin sözlərin yazılışı ilə bağlı müzakirələr bir adamın istəyi, iradəsi ilə baş tutmayıb. Həmin sözlərin necə yazılması ilə bağlı müzakirələrdə institutun bütün əməkdaşları iştirak etmişdi.

Terminologiya Komissiyasının əməkdaşları, ADPU-dan Buludxan Xəlilov, Mətbuat Şurasının nümayəndələri yekdil qərara gəlmişdilər ki, sözlərin yazılışı ilə deyilişi arasında kəskin fərq olmasın.

Dünyanın bir çox ölkələrində bu, belədir. Məsələn, qardaş Türkiyədə söz yazıldığı kimi də tələffüz edilir. Eyni zamanda, bu məsələ çaşqınlıq yaradırdı. Tutaq ki, “dovşan”ı “doşan” yazırdılar, amma “ovçu”nu olduğu kimi göstərirdilər. “Dövlət”i necə “dölət” kimi deyəsən, axı bu, gülünc görünür?! Axırda qərara gəldik ki, həmin sözlər yazıldığı kimi tələffüz olunsun. İndiki müzakirələrlə bağlı nə deyəcəyimi bilmirəm. Bir vətəndaş, ziyalı kimi düşünürəm ki, dilçiliyin problemləri çoxdur. İndi bu cür müzakirələr də olur, nə deyim?!”

“Doğrudanmı institutun köklü problemi yoxdur, bəsit və absurd mövzulara saatlarla vaxt ayrılır?” – sualına keçmiş direktorun cavabı birmənalı olub:

“Bu məsələnin üzərinə jurnalistlər getməlidir, sizlər bu barədə yazmalısınız. Azərbaycanın bu sahədə çox məşhur alimləri olub. Əziz Əfəndizadənin doktorluq işi də bu sahə ilə bağlıdır. Azərbaycanın ən böyük alimlərindən Əbdüləzəl Dəmirçizadənin, Məmmədağa Şirəliyevin bu barədəki fikirlərinə əsaslanmışıq. Biz həmin lüğətdəki formaları ixtira edib yazmamışıq. Onları hazırlayıb Prezident Administrasiyasına, Nazirlər Kabinetinə müəyyən müzakirələrdən sonra təqdim etmişik. Ola bilsin ki, sonuncu müzakirələr də bəzi adamların istəyi, sifarişi ilə keçirilib. Şəxsən belə düşünürəm. Bu, kimlərinsə sifarişi ilə baş tutan müzakirədir”.

Publika.az

Azərbaycan Dəmir Yolları Qapalı Səhmdar Cəmiyyətində son dönəmlər danışılan neqativlik, özbaşınalıqlar haqqında bəlkə də gələcəkdə kitablar, dastanlar yazmaq olar. Cavid Qurbanovun bu quruma sədrlik etdiyi dönəmdə narazılıqlar o həddə çatıb ki, artıq yazmaqla bitib tükənmək bilmir.

Cavid Qurbanov Ziya Məmmədovu qapı arasında qoyub bu quruma sədr təyin olunduqdan sonra qurumda maraqlı kadr islahatları aparıb.

Belə ki, həmin dönəmdə eks spiker Oqtay Əsədovun qohumu Zaman Novruzovu özünə müavin təyin edən Cavid Qurbanov qurumda qara işləri ona həvalə edərək özünün qara kassasına çevirir.

Vaxtilə "Azərsu" ASC-də Satış Departamentinin rəhbəri olan Zaman Novruzov demək olar ki, bu qurumda da haqqında heç də müsbət sözlər danışılmayıb. Bir sozlə hansı qurumda vəzifədə olubsa adı qalmaqallarda, korrupsiya, rüşvətdə hallanıb. Qısacası Zaman Novruzov Dəmir Yollarının sədr müavini olmamışdan əvvəl də “Azərsu"yun talan edilməsində əvəzsiz rol oynayıb.

"Azərbaycan Reallığı"na məlumatlı mənbə bildirir ki, Prezidentin muxalif sərəncamı ilə Dəmir Yolunda postunu itirən Qurbanov onu isə bir neçə ay vəzifəsini icra edən Hicran Valehov dönəmində də Zaman Novruzova gözün üstündə qaşın var deyən olmayıb.

Mənbə bildirir ki, Zaman Novruzov bir vaxtlar Oqtay Əsədov, Ağalar Vəliyev kimi dırnaqarası oliqarxların qara işinin başında dayanıb elə məhz bu bacarığına görə də Qurbanov onu özünə müavin təyin edərək bir çox qara işlərini ona həvalə etmişdir.

Qeyd edək ki, dəmiryolunda keçirilən tenderlər, eləcə də təmir tikinti, təsərrüfat işləri, həkim-sanitar xidməti Zaman Novruzovun kurasiyasına daxil idi. Mənbə bildirir ki, Zaman Novruzov olduqca böyük biznesə imkanlara malikdir hətta onun xaricidə də dəyərli mlyonlarla ölçülən muxtəlif biznes şəbəkəsi var.

Bir neçə gün bundan öncə Azərbaycan Dəmir Yolları Qapalı Səhmdar cəmiyyətinin sədri vəzifəsinə yeni təyin olunan Rövşən Rüstəmov bu qurumda artıq köklü islahatlara start verməsi haqqında məlumatlar yerli KİV-ə azda olsa sızdırılır. Mənbə bildirir ki, bundan təşvişə düşən Zaman Novruzov yeni sədrə yaxınlaşmaq üçun bir çox qapıları döysədə hələ müsbət cavab ala bilməyib.

Bəs görəsən Rövşən Rüstəmov Cavid Qurbanovun qara kassalarından biri olan adı müxtəlif korrupsiya, rüşvətxorluqda hallanan bir sözlə Dəmir Yolundakı maxinasiyaların bir çoxuna şərik olan Zaman Novruzovu yenidən özünə müavin kimi vəzifəsində saxlayacaqmı? Bu suala cavab yeni sədrin yaxın zamanlardakı faliyyəti cavab verəcək.

Mənbə onu da iddia edir ki, yaxın zamanlarda sözü gedən Dəmir Yollarında ciddi yoxlamalar və araşdırmalar aparılacaq həmin araşdırmalara Cavid Qurbanovun bir çox müavinləri Qurbanov dönəmində vəzifə verdiyi bir çox şəxslər eləcə də Zaman Novruzov araşdırlamalara cəlb olunacağı deyilir.

"Azərbaycan Reallığı" qarşı tərəfin də mövqeyini tanıyır.

AZƏRBAYCANREALLIĞI.COM

Xəbər verdiyimiz kimi, 2016-cı ildə Naxçıvan MR DTX-da “Tərəqqi” medalı laureatı, Naxçıvan Tele-Radio Şurasının üzvü Sara Əzimovanın və Naxçıvan TV-nin sədri Sahil Tahirlinin dövləti cinayətlərlə bağlı əməllərinin araşdırılması haqqında dosya açılıb. Dosyanı açan o dövrün Naxçıvan DTX-nın rəisi Fazil Ələkbərov olub. Maraqlıdır ki, 2019-cu ilin 8 iyul tarixində Vasif Talıbovun imzaladığı fərmanla Naxçıvan DTX Fazil Ələkbərovun tam nəzarətindən çıxır və bu xidmətin rəhbərliyinə Nurlan Pənahov gətirilir. Üzərindən cəmi 3 ay keçməmiş DTX-da açılmış bu dosya barədə Sara Əzimova xəbər tutur və 14 sentyabr tarixində özünün məşhur statusunu paylaşır. Statusunda adının hansısa terror təşkilatı ilə əməkdaşlıqda hallandırılmasından gileylənən Sara Əzimova bu araşdırmanın başlanmasında bir generalı (yəqin ki, general-leytenant Fazil Ələkbərovu) günahlandırır və Vasif Talıbovdan imdad diləyərək yazır: “CƏNAB SƏDRİMİZ icazə verməz ki, VƏTƏNPƏRVƏR insanlara çirkin iftirlar atılsın”. Və həqiqətən də Sara xanım haqlı çıxır. Elə həmin gün sözügedən dosya qapadılır və indi təqdim etdiyimiz bu status da silinir.
Vasif Talıbovun DTX-da açılmış bir dosyanın qapadılmasına dair qərar vermək hüququnun olmaması məsələnin bir tərəfidir. Məsələnin ən maraqlı tərəfi isə həmin məlumatın Sara Əzimovaya necə sızdırılması faktıdır. Zira DTX-da bu cür dosyalar məxfilik qrifi altında açılır və qanunlara görə, bu cür məlumatların sızdırılması ağır cinayət hesab olunur. Cinayət Məcəlləsinin 284-cü maddəsinə əsasən. dövlət sirrini yayan şəxsi ən yaxşı halda 3 ildən 8 ilə qədər həbs cəzası gözləyir.
Mlumatli dairələrin fikrincə, bu məlumatın Saraya sızdırılması isə müxtəlif şəxslər tərəfindən həyata keçirilə bilərdi. Bunlardan biri DTX-nın o zamankı rəhbəri Nurlan Pənahovdur. Maraqlıdır ki, bu adam hələ də azadlıqdadır.
Digər şübhəlilər də var. Belə şübhəlilərdən biri Vasif Talıbovun sürücüsü Nüsrət adlı şəxsdir. İlgincdir ki, Nüsrət (təəssüf ki, soyadını öyrənə bilmədik), Vasif Talıbova sürücülük etdiyi halda adı Naxçıvan DTX-da gedirmiş. Rütbəsi də balaca deyilmiş – polkovnik leytenant. “Xan”ı işə gətirdikdə sonra boş vaxtlarında bu quruma gedən polkovnik leytenantın məxvi məlumatları toplayıb müvafiq orqanlara sızdırdığı güman olunur. Mümkündür ki, həmin məlumat Saraya da məhz Nüsrət tərəfindən sızdırsın.
Bu, təbii ki, bizim versiyamızdır. Ciddi dəlillərlə təsdiqlənməsinə ehtiyac var. Amma etibarlı mənbələrdən aldığımız məlumata görə, Naxçıvan DTX ləğv olunub, yerinə Azərbaycan DTX-nın Naxçıvan Baş İdarəsinin yaradılandan sonra “xan” həzrətlərinin sürücüsü olan polkovnik leytenat həmin idarədən qovulub. Yeni təyin olunan Baş İdarənin rəisi Möhsün Aşurov onun barəsində sərəncama göndərilmə əmri çıxararkən deyib: ““Xan” sürücüsünün məxfi idarədə nə işi var? Bura boş vaxt keçiriləsi yer deyil. Getsin, boş vaxtını çayxanalarda keçirsin”.
Amma polkovnik-leytenant Nüsrət müəllim işsiz də qalmayıb. DTX-dan qovulduqdan sonra Naxçıvanın hələ əl dəyməmiş DİN-i ona sahib çıxıb və nazir Rəşad İsmayılov tərəfindən Cinayət Axtarış şöbəsinə mühüm vəzifəyə gətirilib.
Bir sözlə, Nüsrət müəllim yenə çörəksiz qalmayacaq. Bu səfər öz çuğulluq fəaliyyətini Naxçıvan MR DİN-də həyata keçirəcək. Təbii ki, onun DİN-də də “darı bitən” vaxtı gələcək. Prezident İlham Əliyev Naxçıvan MR DİN-i Azərbaycan DİN-nin Baş Ofisinə çevirəndə. Mümkündür ki, onu bu nazirlik ləğv edildikdən sonra başqa perspektivlər də gözləsin. //ovqat.com//