"Azərbaycan Dəmir Yolları" (ADY) Qapalı Səhmdar Cəmiyyətindən kütləvi sayda əməkdaşın işdən çıxarılacağı bildirilir. Onların sayının 4 min nəfər təşkil edəcəyi gözlənilir.

Gundem.media bildirir ki, bu barədə BAKU.WS-in "qaynar xətt"inə məlumat daxil olub.

İdarənin 14 min işçisindən 4 mininin ixtisara gedilməsi barədə göstərişin isə QSC-nin yeni sədri Rövşən Rüstəmov tərəfindən verildiyi deyilib.

Bundan əlavə ADY-nin İnfrastruktur departamentinin rəisi Mehman Əhmədov tutduğu vəzifədən azad olunduğu, yerinə isə Elçin Zülfüqarovun təyin edildiyi bildirilir.

Sayt məsələyə rəsmi mövqe öyrənmək məqsədilə "Azərbaycan Dəmir Yolları” QSC-yə müraciət edib. Qurumundan bildirilib ki, "Azərbaycan Dəmir Yolları" (ADY) Qapalı Səhmdar Cəmiyyətinin 4 min əməkdaşının işdən çıxarılacağı ilə bağlı məlumat həqiqəti əks etdirmir.

Elçin Zülfüqarov isə ADY-nin İnfrastruktur departamentinin rəisi təyin olunaraq fəaliyyətə başlayıb.

25 noyabr...

Bu gün alış-veriş sevənlərin həyəcanla gözlədiyi həmin gündür: bütün dünyada tanınan “Black Friday”...

Hər il noyabrın son cümə günündə dünyanın bütün ölkələrində, eləcə də Azərbaycanda fəaliyyət göstərən mağazalar öz məhsullarının qiymətini 50-70 % endirərək, alıcılara təqdim edir.

Adı qulaqda çox da yaxşı təəssürat yaratmasa da, necə deyərlər, alıcılar bu gündən karlı çıxır. Buna baxmayaraq, son illər bəzi mağaza sahibləri “Black Friday” gününü “möhtəşəm, sərfəli cümə” kimi də adlandırır.

Lent.az-ın əməkdaşı son illər ölkəmizdə də böyük vüsət alan və alıcıların həvəslə gözlədiyi “Qara cümə”də vəziyyəti nə yerdə olduğunu öyrənmək üçün paytaxtda yerləşən ticarət mərkəzlərinə üz tutub.

Öncə onu deyim ki, qarşılaşdığımız vəziyyət heç də ürək açan olmadı. Buna səbəb mağazalar endirimli malları digərlərindən ayırmışdı. Müştərilər əsasən qış geyimlərini münasib qiymətə almaq üçün bu günə saxlasalar da, çox təəssüf ki, həmin geyimlərin əksəriyyəti endirimdə deyildi.

Mağazaları gəzdikcə müştərilərin səsləndirdiyi fikir bu günlə bağlı yaranan mənfi düşüncəni bir daha təsdiqləyir. Səslənən fikirlər isə belədir:

“Niyə bütün mallar endirimdə deyil?”, “Mən palto, gödəkcə almaq üçün gəlmişdim, heç onlar endirimə düşməyib” və daha nələr, nələr...

Elə bu ifadələri bir də müştərinin öz dilindən eşitmək istədik. Alıcı İlahə xanım bildirib ki, pandemiyadan sonra “Qara Cümə” deyilən gün qalmayıb:

“Yalandan köhnə 1-2 məhsula endirim edirlər, adı da olur “Black Friday”. Heç düzgün deyil. Mən qış geyimi almaq üçün bu günü gözləyirdim. Amma nəticə əldə edə bilmədim. Kaş, əvvəldən alardım”.

Müştərinin səsləndirdiyi haqlı narazılığı nəzərə alaraq bu günü xarici ölkələrdəki mağazalarla müqayisə etdik. Nəticə isə göz qabağındadır.

Belə ki, xarici ölkələrdəki mağazalarda 50, 60, 70% endirim olduğu halda, bizdə geyim mağazalarında ən yüksək endirim təklifi 40%-dir. Amma onu da qeyd edək ki, geyim mağazalarından fərqli olaraq, elektron avadanlıqlar satılan iri mağazalarda 70%-ə qədər endirim təklif olunur.

Diqqətimizi çəkən digər bir məsələ isə çox maraqlı idi. Bir neçə mağazada apardığımız müşahidələr əsasında məlum oldu ki, mağaza sahibi məhsul qiymətlərində marketinq hiyləsi edib. Belə ki, məhsulun öz qiymətini 20-30 manat qaldıraraq, bu gün üçün endirim yenidən aşağı salır. Nəticədə məhsulun öz qiyməti geri qayıdır və heç bir endirim edilmir.

Bu da belə... Ümid edək ki, gələn il qış geyimləri almaq üçün bu günü gözləyən alıcılar əliboş qalmaz, marketinq hiyləsinə tuş gəlməzlər.

Qeyd edək ki, ölkəmizdə “Qara Cümə” 25, 26 və 27 noyabr tarixlərində də davam edəcək. //lent.az//

Dövlət Təhlükəsizliyi Xidməti (DTX) Naxçıvanda aparılan yoxlamalar zamanı Talıbovlar ailəsinə məxsus olduğu bildirilən “Gəmiqaya” və “Cahan” holdinqlərin qaçaqmalçılıqla məşğul olduğunu müəyyən edib.

Hurriyyet.az xəbər verir ki, Dövlət Təhlükəsizliyi Xidməti Türkiyə hökuməti ilə əməkdaşlıq nəticəsində ortaya çıxardığı faktları açıqlayıb. Məlum olub ki, əvvəlcədən DTX tərəfindən Türkiyənin “Dilucu” gömrük orqanına sorğu göndərilib və oradan ötən il Naxçıvana daxil olan malların siyahısı alınıb. Türkiyədən keçən bu malların heç birinin Naxçıvanda qeydiyyata alınmadığı məlum olub.

Artıq xəbər verildiyi kimi, Naxçıvan Gömrük Komitəsinin sədri və müavini başda olmaqla, ümumilikdə Muxtar Respublikası Gömrük Komitəsinin on nəfərə yaxın əməkdaşı saxlanılıb. Bunların arasında Naxçıvan Dövlət Gömrük Komitəsinin və Şahtaxtı gömrük məntəqəsinin Maliyyə şöbəsinin rəisləri də var. O cümlədən, saxlanılanlar arasında AMEA-nın Prezidenti İsa Həbibbəylinin oğlu Səhət Həbibbəylinin və Naxçıvan Muxtar Respublikası Ali Məclisinin sədri Vasif Talıboun bacısının həyat yoldaşı Səbuhi Novruzovun da olduğu bildirilir.

Hurriyyet.az xəbər verir ki, bu həbslər fonunda Naxçıvan MR-də yüksək vəzifə tutan məmurların qanunsuz əməlləri barədə redaksiyamıza çoxsaylı faktlar daxil olub. Bunlardan biri də Naxçıvan Muxtar Respublikası Antiinhisar və İstehlak Bazarına Nəzarət Dövlət Xidmətinin rəisi Bəxtiyar İsmayılovdur. Mənbənin sözlərinə görə, B.İsmayılov hər ay sahibkarlardan, xüsusən də iri şirkətlərdən külli miqdarda rüşvət toplayırmış. Bu şirkətlərdən biri Teymur Rzayevin rəhbərlik etdiyi və Naxçıvanın ən böyük ərzaq topdansatışı fəaliyyəti ilə məşğul olan "Ləzzət Qida Sənaye" MMC-dir. İddia olunur ki, Bəxtiyar İsmayılov bu şirkətdən hər ay 100 min manat alırmış.

İkinci şirkət kimi isə “Sirab MMC”-nin adı çəkilir. Mənbə iddia edir ki, bu şirkət hər ay Antiinhisar və İstehlak Bazarına Nəzarət Dövlət Xidmətinin rəisinə 50 min manat ödəməyə məcbur edilirmiş. Deyilənə görə, pulu hər ay şirkətin rəhbəri Teymur Rzayev şəxsən özü gətirib verirmiş.

Bundan əlavə, “Azersun” hər 10 min, Naxçıvan Pivə zavodu 20 min, yanacaq doldurma məntəqələri 50 min ödəyirmiş. Qalan müəssisələr, məsələn, çörək sexləri, dəyirmanlar, quşçuluq fabrikləri, mağazalar və s. toplamda hər ay 300 min manat rüşvət verməyə məcbur olub.

Mənbə deyir ki, Bəxtiyar İsmayılov yığılan vəsaitlərdən hər ay 50 min manat özünə götürür, qalan vəsaiti Muxtar Respublika rəhbərliyinə verirmiş.

Məlumata görə, topladığı sərvət hesabına Bəxtiyar İsmayılov “ərəb şeyxləri” kimi həyat sürür. O, təkcə Naxçıvanda deyil, Bakıda da özünə böyük binzes şəbəkəsi yaradıb. Eynilə, paytaxtda da çox sayda obyekt aldığı bildirilir. Məsələn, Xətai metrosu yaxınlığında 300 min manatlıq evi, bahalı villası var. “Hətta saxladığı xanıma da Bakıda ev, maşın alıb. Hətta bunu bilən həyat yoldaşı onu bıçaqlamışdı”, - deyə mənbə vurğulayır.

Qeyd edək ki, Bəxtiyar İsmayılov 15 il Statiska Komitəsinin rəisi olub, 2015-ci ildən Naxçıvan Muxtar Respublikası Antiinhisar və İstehlak Bazarına Nəzarət Dövlət Xidmətinin rəhbəri postuna gətirilib.

Hurriyyet.az

Paytaxtın Sabunçu rayonu, Xəstəxanayanı küçəsinin sakinləri narazıdırlar. Səbəb sözügedən ərazidə ev 39, 41 və 43 ünvanlarında aparılan söküntü işlərinə görə sakinlərə ödənilən kompensasiyanın azlığıdır. Bu barədə KİV-də məlumat yayılıb. Bildirilir ki, sökülməsi planlaşdırılan evlərin yerində yeni çoxmərtəbəli yaşayış binaları tikiləcək. Bu kimi hallarda olduğu kimi sakinlərə müvəqqəti yaşayış üçün kirayə mənzillərdə qalmaq, tikinti başa çatdıqdan sonra isə yeni binada mənzillə təmin edilmək vəd edilir. Deyilənə görə, vətəndaşlara aylıq 300 manat kirayə haqqı təklif edilir.

Bu məbləğlə razılaşıb mənzillərini tərk edənlər də var, razılaşmayanlar da. Köçmək istəməyən vətəndaşlarla danışıqlar aparılır. Sabunçu Rayon İcra Hakimiyyətindən bildirilib ki, paytaxtın digər ərazilərində olduğu kimi Sabunçu rayonunda da istismar müddəti başa çatmış qəzalı vəziyyətdə olan yaşayış binalarından sakinlərin köçürülməsi və binaların sökülərək yerində yeni çoxmənzilli binaların inşa edilməsi istiqamətində işlər aparılır:

“Sabunçu qəsəbəsi, Xəstəxanayanı küçəsi, ev 39, 41 və 43 ünvanlarında yerləşən yaşayış binalarından sakinlərin köçürülməsi və sökülməsi işlərinə başlanılıb. Bina sakinlərinin qarşılıqlı razılıq əsasında həmin binaların yerində müasir standartlara uyğun olaraq yeni inşa ediləcək çoxmənzilli yaşayış binalarından tam təmirli mənzillərlə təmin edilməsi, mənzildən imtina edən sakinlərə isə müvafiq kompensasiyaların verilməsi nəzərdə tutulub. Hər kvadrat metrə görə sakinlərə min manat ödənilməsi nəzərdə tutulub”. Bəzi sakinləri narazı salan da elə budur – hər kvadrat metrə görə 1000 manat ödənməsi. Oxu.az saytına şikayət edən sakinlərdən biri Telman Tağıyev bu barədə danışaraq deyib ki, verilən kompensasiya onları qane etmir: “Heç bir sənəd təqdim etmədən söküntüyə başlayıblar. Bəzi vətəndaşlar ərazidə yeni bina inşa ediləcəyini zənn edərək, aylıq 250 manat kirayə haqqı alıb, evlərdən çıxırlar. Amma indi onlara deyilir ki, sökülən binanın yerində yaşayış binası tikilməyəcək”. Sakin mənzillərin heç bir xəbərdarlıq edilmədən uçurulduğunu deyib: “Sabunçu Rayon İcra Hakimiyyəti tərəfindən heç bir məlumat verilmir. Evlərin kvadratına görə tam hesablanma aparılmır”. Sabunçu Rayon İcra Hakimiyyəti isə deyilənləri təkzib edib. “İlk olaraq Fövqəladə Hallar Nazirliyinin mütəxəssisləri tərəfindən yaşayış üçün təhlükəli olduğu müəyyən edilərək, binalarda gücləndirmə və əsaslı təmir işlərinin aparılmasının məqsədəmüvafiq olmaması barədə aktlar tərtib edilmiş Sabunçu qəsəbəsi, Xəstəxanayanı küçəsi, ev 39, 41 və 43 ünvanlarında yerləşən yaşayış binalarından sakinlərin köçürülməsi və sökülməsi işlərinə başlanılıb.

Bina sakinlərinin qarşılıqlı razılıq əsasında həmin binaların yerində müasir standartlara uyğun olaraq yeni inşa ediləcək çoxmənzilli yaşayış binalarından tam təmirli mənzillərlə təmin edilməsi, mənzildən imtina edən sakinlərə isə müvafiq kompensasiyaların verilməsi nəzərdə tutulub. Xəstəxanayanı küçəsi, ev 41, mənzil 13 a ünvanında yaşayan vətəndaş Telman Tağıyevin şikayətinə əsasən, nəzərinizə çatdırırıq ki, müraciət müəllifinin yaşadığı mənzilin sahəsi həm Bakı Şəhər İcra Hakimiyyətindən təqdim olunmuş sənədlərdə, eləcə də yerində aparılan ölçü işləri zamanı 33,10 kv.m qeyd olunub.

Sahəsinə uyğun olaraq ona müvafiq kompensasiya ödənilməsi təklif olunub. Bundan başqa, sökülməsi nəzərdə tutulan binaların yerində yeni inşa ediləcək binadan yaşadığı mənzilin mövcud sahəsindən 20 faizədək artıq sahəsi olan tam təmirli mənzil də ona təklif olunub. Lakin vətəndaş T.Tağıyev mənzilin faktiki sahəsindən başqa, heç bir mülkiyyət hüququnu təsdiq edən sənədi olmayan, əlavə tikililərin də (54,60 kv.m) hesablanmasını tələb edir. Ona dəfələrlə lazımi izahatlar verilib ki, qeyd olunan işlərin başa çatdırılması üçün dövlət tərəfindən ayrılan maliyyə vəsaitində sənədsiz əlavə tikililər üçün vəsaitin ödənilməsi nəzərdə tutulmayıb”, - qurumdan qeyd edilib.
“Əmlak Ekspert Mərkəzi”nin rəhbəri Ramil Osmanlı “Şərq”ə açıqlamasında bildirib ki, cənab Prezidentin fərmanına uyğun olaraq evləri sökülən, mənzillərindən köçürülən vətəndaşlara 20 faiz əlavə kompensasiya ödənməlidir:
- Təəssüf ki, vətəndaşların çoxu bu fərmandan, orada vətəndaşların hüquqlarının təminatından, Fərmanın məhz vətəndaşların mövqeyini müdafiə etdiyindən xəbərsizdir. Hər kvadrat metrə görə 1000 manat ödənməsi, əmlakın alqı-satqı dəyəridir.

Amma harada, hansı ünvanda, neçə kvadrat metrlik yaşayış sahəsində yaşamalarından asılı olmayaraq vətəndaşlara bu tip söküntülər zamanı əlavə olaraq 20 faiz dəyərində kompensasiya ödənişi edilir. Yəni edilməlidir. Vətəndaş tutalım bunu bilmir, Fərmandan xəbərsizdir. İcra Hakimiyyəti ki bilir. İH vətəndaşların mövqeyindən çıxış etməli, vətəndaşın hüquqlarını qorumalıdır, Prezidentin fərmanına əməl edərək. Lakin təəssüf ki, bəzən biz İH-lərinin tikinti şirkətlərinin maraqlarına xidmət etdiyini görürük. Vətəndaşlar yaxşı olar ki, imzalanan fərmanlardan, sərəncamlardan xəbərdar olsunlar. Hüquqlarını tələb etsinlər.

R.Osmanlı qeyd etdi ki, mənzil sahəsi 33.10 kv.m. olan sakinin mənzilinin ölçüsü fərmana uyğun olaraq 20 faiz artıq – təxminən 42 kv.m. hesablanmalıdır:

- Hesab edirəm ki, kirayə haqqı da ədalətli, optimal rəqəm deyil. Aylıq kirayə pulu hazırkı şərtlər nəzərə alınmaqla minimum 400 manat olmalıdır. Bəzən mənzillərin uçuq-sökük, istismar müddətini başa vurmuş olması, paytaxtın mərkəzi hissələrindən kənarda yerləşməsi bəhanə gətirilərək kirayə haqqı və mənzillərin alqı-satqısı aşağı qiymətlərlə aparılır. Bu, düzgün deyil və qanuna ziddir. Vətəndaşın harada, necə yaşaması onun öz hüququdur. Lakin hansısa tikinti şirkəti ərazidə söküntü aparıb orada müasir yaşayış binası, yaşayış kompleksi tikir və bundan mənfəət əldə edirsə, vətəndaşın mənfəətini də nəzərə almalı və sakinləri razı salmalıdır. Ümumiyyətlə, hökumətin strategiyası belədir ki, söküntü işləri zamanı nağd ödəməyə deyil, əvəzlənməyə - mənzil əvəzinə mənzil variantına üstünlük verilsin.

Çünki nağd ödənişlər zamanı sonradan bir sıra problemlər üzə çıxırdı.

Vətəndaş nağd pulu başqa məqsədlər üçün istifadə edir, sonra isə məhkəməyə müraciət edib ödənilən məbləğin azlığından şikayətlənir, kompensasiya tələb edirdi. Bu isə həm məhkəmələrin yükünü artırır, həm də dövlət büdcəsinə zərər verirdi. Lakin əvəzlənmə variantı da bəzən uyğunsuz olur. Sakinə 3 otaqlı mənzil əvəzinə, yeni binada bir qədər geniş ölçüdə 2 otaqlı mənzil təklif edilir. Yaxud da tikinti şirkətləri hiyləgərlik edərək satış üçün nəzərdə tutulan mənzillərin ölçüsünü böyük, əvəzlənmə edəcəkləri mənzilləri isə kiçik ölçülü inşa edirlər.

Tikinti şirkətlərinin mənfəət əldə etməsi nə qədər başa düşülən və qəbul olunandırsa, sakinlərin hüquqları istənilən halda üstündür. Sakinlər tamamilə haqlı olaraq köhnə mənzilini tərk etməyə bilər, nə qədər ki, istədiyi formada ona kompensasiya ödənməyib. Vətəndaşın harada, hansı şəraitdə yaşaması onun müstəsna hüququdur. Əgər kimsə köhnə binanın yerində yeni bina tikmək istəyirsə, öncə vətəndaşı razı salmalıdır.

Naxçıvan Mədəniyyət Nazirliyi bu qurumda yoxlamalar aparan müfəttişləri də aldadıblar.

DİA.AZ xəbər verir ki, ovqat.com-a bu barədə məlumat Naxçıvan MR Mədəniyyət Nazirliyi strukturlarından birində çalışan şəxs tərəfindən verilib.

Qaynağımızın bildirdiyinə görə, bir neçə gün MR Mədəniyyət Nazirliyinə də müfəttişlər gəlib. Onlar bundan sonra Naxçıvan Mədəniyyət strukturlarında “ölü canlar” sisteminə son qoyulacağını, müəllimlərə yazılan artıq dərslərin yığışdırılacağını, heç kimin maaşdan əlavə ödənişləri rəhbərliyə çatdırmayacağını və onlara yazılan dərslər qədər dərs deyəcəklərini bildirib gediblər. Amma onlar gedəndən sonra yenə “köhnə hamam, köhnə tas”rejimi davam edib.

Şikayətçi redaksiyamıza ünvanladığı məktubunda yazır:

“Bir necə gün əvvəl qaytarılan dərs saatları, yəni müəllimin üzərinə yazılan əlavə dərslər, deyilənlərə görə, müəllimlərə qaytarılıb. Amma hansı müəllimlərə? Hansı ki, özlərinə yaxın bilib “öz aramızda qalsın bir sən bil bir mən” dedikləri, “yarısı sənin yarısı mənim” prinsipi ilə işləyən, əslində isə tədris prosesində hec bir fəaliyyəti olmayan, öyrətim qabiliyyəti aşağı olan müəllimlər yenə arada yüksək dərs saatına malik olublar. Amma burda bir məsələ də var: müdirlərin bu yaxın “bacı qardaş müəllimləri” yene rəhbərliyə dəstək ola bilərlər, müdir də nazirinə. Və deyilənlərə görə, uzağı, yanvara qədər bu normallaşma prosesi sürə bilər, yanvardan sonra yenə açıq bazar olacaq. Rəhbərliyin bəzi müəllimlərə açıq şəkildə “çox öyrəşməyin bu dəyişikliyə” dedikləri iddia olunur.

Gələk əsas məsələyə. Nəyə görə bu dərslər “artıq maaşın hamısını sən alacaqsan deyilən müəllimlərə qalır? Nəyə görə digər müəllimlərə o saatlar paylanmayıb. Hələ də dərs yükü aşağı olan, yarıbayarı fərq verən dərs saatları var. Mənim və digər məğdur muəllimlərin fikrincə, aidiyatı qurumlar təkrar yoxlama aparmalı, dərs saatları balanslaşdırılmalıdır”.

Noyabrın 17-də Lerik Rayon İcra Hakimiyyəti (RİH) başçısının birinci müavini Cəlil Baxşıyev vəzifəsindən azad edildi. 62 yaşlı C.Baxşıyev uzun illər Lerik RİH-də çalışmışdı və İcra Hakimiyyətindəki “üçlük”dən (Cəlil Baxşıyev, Habil Məlkov və Əlipənah Bayramov) biri idi. O, 1995-ci ildən RİH başçısının sosial-iqtisadi məsələlər üzrə müavini, 2007-ci ilin iyun ayından isə RİH başçısının birinci müavini vəzifəsində işləyib. Əslində, leriklilərin yeni icra başçısı Əkbər Abbasovdan gözləntiləri ümumiyyətlə bütün komandanı yeniləməsi idi. Onlar düşünürlər ki, uzun illər rayonda vəzifədə çalışan korrupsioner məmurlar yeni icra başçısının dövründə də dəyişməyəcək, idarəetməyə heç bir faydalı keyfiyyət qata bilməyəcəklər. Rayon sakinləri bu addımı təqdir etsələr də, digər iki odioz məmurun hələ də vəzifədə saxlanaılmasına təəssüflənirlər. Lakin məsələ tək bu deyil. Bir neçə gün öncə mediada leriklilərin adından yayılan bir müraciətin əslində sifarişli bir yazı olduğu yazı üslubundan bəlli idi. Cəlil Baxşıyevin vəzifədən çıxarılmasından sonra birinci müavin postu uğrunda başlanmış bu savaş yazısında Habil Məlkov təriflənir, indiyə qədər ayrılan vəsaitlərə əl vurmadığı qeyd olunurdu. Halbuki uzun illərdir rayon Fövqəladə Hallar Komissiyasının sədri vəzifəsində çalışan Məlikovun rayonda heç bir faydalı iş görmədiyi, bütün sənədlərdə isə imzasının olduğu gün kimi aydındır. Əgər Əkbər Abbasov həmin sənədləri təftiş etsə, nə qədər mənimsəmə və korrupsiya faktının olduğu ortaya çıxacaq. Digər bir təbliğat kampaniyası isə “İmanovlar sülaləsi” üzərində qurulmuşdu. Lerikin “ən nüfuzlu tafyası” kimi təqdim edilən İmanovlarla bağlı yazı hava şarı kimi şişirdilmişdi. Yazıda məhz birinci müavin olmaq üçün ən ciddi kadrın rayon maliyyə idarəsinin rəisi Hafiz İmanovun olması vurğulanırdı. Leriklilər isə müraciətində əskini deyirlər, yəni indiyə qədər bu “nüfuzlu” sülalədən xəbərləri olmayıb.

Yazıda bir qeyd xüsusi diqqət çəkir: “1-ci müavinliyə əsas namizəd İmanovlar kimdir?

Yeni ildən isə Lerik ən böyük dəyişikliklər və inkişaf dövrünə qədəm qoyması gözlənilir. Rayon İcra Hakimiyyətinin birinci müavin postuna maliyyə idarəsinin müdiri Hafiz İmanovun gətirilməsi gözlənilir. O, Lerikin sayılıb-seçilən, böyük nüfuza malik olan yerli tayfalarından olan İmanovlar nəslindəndir və illərlə köhnə rejimə qarşı mübarizə aparıb”.

“Harada idi bu nüfuzlu İmanovlar indiyə qədər? Bizim niyə xəbərimiz olmayıb? Lerikdə tanınmış tayfanın təmsilçiləri İmanovlar hansı gücə malikdir ki, leriklilərin bunlardan xəbəri yoxdur? Hafiz İmanov harada mübarizə aparırdı köhnə komandaya qarşı? Cəlil Baxşıyevi görəndə qabağına qaça-qaça gedən bu adamın mübarizəsini leriklilər niyə görmürdülər?”, – deyə müraciət müəllifləri qeyd ediblər.

Etiraz edən sakinlər İmanovlarla bağlı bəzi məlumatları da təqdim ediblər. Həmin məlumatlarda bir neçə məqam diqqət çəkir:

“Hafiz İmanov Rövşən Bağırovun 14 illik icra başçısı olduğu müddətdə Rayon Maliyyə idarəsinin rəisi vəzifəsində çalışıb və rayon büdcəsini bir yerdə mənimsəyən saxtakarlardır. Hafizin bir qardaşı – Əfqan, müsiqi məktəbinin direktoru işləyəndə musiqi məktəbində küllü miqdarda mənimsəməyə yol verdiyi üçün, ona cinayət işi açıldı və Əmək Məcəlləsinin 70-ci maddəsinin ç bəndi ilə işdən azad olundu. Həmin mənimsənilmiş vəsaiti qardaşı Hafiz İmanov Maliyyə idarəsinin müdiri olanda buraxmışdı. Qardaşı Əfqanın stresdən gözləri tutuldu və indi də gözdən əlildir”. “Bu gün Hafiz İmanovun doğma qardaşı Heybət İmanov Əhalinin Sosial Müdafiəsi Nazirliyində yüksək vəzifə tutduğundan Lerik rayonun icra başçısı Əkbər Abbasovdan sui-istifadə edir. Çünki Əkbər Abbasovun bir qardaşı da Şamaxıda Sosial Müdafiə Şöbəsinin müdiridir. Əfqan İmanovun oğlu Əfrail İmanovu da əmisi Heybətin göstərişi ilə rayon Məşğulluq idarəsinə müdir təyin ediblər. Əkbər Abbasov vəzifəyə gələn kimi Heybətin digər qardaşı – rayon peşə məktəbinə direktor təyin etdi. Hafizin yeznəsi Ramal Məstiyev Lerik Şəhər İnzibati Ərazi Dairəsinin rəhbəridir. Hafizin əmisi oğlu Asif İnşmanov rayon su idarəsinin müdiridir. Digər bir əmisi oğlu Akif İmanov rayon su-kanalizasiyaya idarəsinin müdiridir. Bütün bunları vəzifəyə qoyan və onlara himayədarlıq edən Heybət İmanovdur. Budurmu tanınmış və nüfuzlu tayfa? Vəzifələri qəsb etmək, bir rayonu cəhənnəmə çevirmək nə zamandan hörmət və izzətlə qarşılanıb?”, – deyə sakinlər sual edirlər. (ardı var) //JAMAZ.İNFO//

Əmlak Məsələləri Dövlət Komitəsi tərəfindən 20 dekabr tarixində keçiriləcək hərracda 9 kiçik dövlət müəssisə və obyekti satışa çıxarılacaq.

Yeniavaz.com Komitədən açıqlanan məlumatlara istinadən xəbər verir ki, hərraca çıxarılan kiçik dövlət müəssisələri altındakı torpaq sahəsi ilə birlikdə satılacaq. Hərraca torpaq sahəsi ilə birgə çıxarılan kiçik dövlət müəssisələri sırasında ən yüksək hərrac qiyməti 102 min 500 manata olan Xızı rayonunda yerləşən yardımçı təsərrüfatdır. Qeyd olunan daşınmaz əmlakın ümumi faydalı sahəsi 308.8 kv.m, özəlləşdirilən torpaq sahəsi isə 25 000 kv.m.-dir. Əmlak 15 min manata, torpaq sahəsi isə 87 min 500 manata satışa çıxarılıb.

Bundan başqa Mingəçevir şəhərində yerləşən, sahəsi 147,3 kv. m. olan “İncilli” kafesi 7 500 manata satılır.

Mədəniyyət Nazirliyinin tabeliyində olan Beyləqan rayonu, Milabad qəsəbə Mədəniyyət evi isə 16 min manata satışa çıxarılıb. Sahəsi 929,8 kv. m. olan Mədəniyyət evi 2 mərtəbəlidir.

Marqlıdır ki, qapı və pəncərəsi olmayan Mədəniyyət evinin 3 nəfər işçisi olduğu bildirilir.

Yeniavaz.com

Turantv.az saytının redaksiyasına bir qrup şikayətçilərin adından “Optika-Mexanika” İstehsalat Birliyinində baş verən özbaşnalıqla haqda məktub daxil olmuşdur.Həmən şikayəti sizə təqdim edirik.

“Müdafiə Sənaye Nazirliyininin nəznində fəaliyyət göstərən “Optika-Mexanika” İstehsalat Birliyinin tabeliyində olan “Alov” zavod MMC və “Azon” zavod MMC-nin işçiləri 4 aydır ki,əmək haqqı almayırıq.

Qeyd edək ki, “Optika-Mexanika İstehsalat Birliyi” MMC 2006-cı ildən dövlət qeydiyyatına alınıb, “Alov” zavodu isə 1995-ci ildən fəaliyyətdədir. İskra zavodu 1975-ci ildə SSRİ müdafiə sənayesi nazirinin əmrinə əsasən Azov Optika-mexaniki zavodun filialı kimi yaradılmış və 1978-ci ildən fəaliyyətə başlamışdır. 1993-cü ildən Azərbaycan Respublikası Prezidentinin Sərəncamına əsasən İskra zavodu Azərbaycan Respublikası Dövlət Xüsusi Maşınqayırma və Konversiya Komitəsinin tərkibində fəaliyyətini davam etdirmişdir. 2006-cı ildən İskra zavodu Müdafiə Sənayesi Nazirliyinin tabeliyinə verilmişdir. 2008-ci ildən Alov zavodu adı altında fəaliyyət göstərir.

Birliyin direktoru Sabir Rzayevin yarıtmaz və pulları mənimsəməsi nəticəsində iki zavodun işçiləri 4 aydır ki,əmək haqlarını ala bilməyir. Onuda bildirik ki, “Optika-Mexanika” İstehsalat Birliyinin direktoru Sabir Rızayevin oğlu Müdafiə Sənaye naziri Mədət Quluyevin müşaviridir.

İşçilər əmək haqlarını tələb etdikdə birlik drektoru Sabir Rızayev “oğlum nazirin müşaviridir,qohumum Prezident Administrasiyasında işləyir” deyərək ona heç kim heçnə edə bilmədiyini bildirir. Dəfələrlə Birlik direktorlarının özbaşınalığına və əmək haqqlarının gecikdiməsinə görə işçilər şikayətlər edib, fəhlələr əmək haqqına görə işləri dayandırıb,ya birlik drektoru dəyişib yada yalançı vədlər verərək işçiləri sakitləşdiriblər.

Dövlət proqramlarından ayrılan pulları mənimsəyən birlik drektorları neçə illərdir ki işçilərəin əmək haqqlarıdan başqa sosial və vergi ödənişlərini ödəmirlər. Birliyə köçürülən pulları birlik drektoru 72 yaşlı Sabir Rzayev işçilərə “pul yoxdur” deyib istədiyi kimi idarə edir. İşçilər dövlətin zavodlara verdiyi proqramları yerinə yetirib bitirib, lakin birlik direktoru Sabir Rzayev büdcədə pul olmadığını bildirir. 4-5 ay əmək haqqı verməyən Birlik direktoru Sabir Rızayev fəhlələr tətil elan edən kimi əmək haqqlarını köçürür. Onuda bildirmək lazımdır ki, bundan əvvəl işləyən sabiq birlik direktoru Həbib Məmmədovun rəhbərliyi dövürdə işçilərin əmək haqqlarını 4-5 ayda bir verməsi işçilər tərəfindən kütləvi tətil elan edilərək Müdafiə Sənaye nazirliyin qarşısında etiraz etmişdilər.amma həmən işçilər işindən azad edilmişdi.

Sabiq direktor Həbib Məmmədovdan sonra “Optika-Mexanika” İstehsalat Birliyinin direktoru Sabir Rzayev təyinat almışdır. Birlik drektoru Sabir Rızayev “Alov” zavodu MMC və “Azon” zavodu MMC bərbad və iflic günə qoyub. Dövlət proqramı üçün ayrılan 30% pulları mənimsəmiş hətta 4-5 aylarla işçilərin əmək haqqını verməyir. Onuda bildirmək lazımdır ki, “Azon” zavodunu ərazisi 7 ha olmişdur lakin, Birlik direktoru Sabir Rzayev “Azon” zavodu MMC-nin 3,5 ha ərazisini zavodun yaxınlığında tikinti aparan şirkətin balansına keçməsinə köməklik göstərib. Zavodun işçiləri bildirir ki, neçə direktorlar gəlib evlər maşınlar alıb gedib,amma əmək haqlarımızı kəsərək gecikdiriblər.

Neçə birlik drektorları işləyib heç biri “Azon” və “Alov” zavodlarının direktorlarının işləməyə qoymayıb. Elə buna görədə “Alov” zavod MMC-nin neçə aylardır ki,direktoru yoxdur və heç kəs işləmək istəmir.

Yaşı tamam olub çıxan işçilər heç elə bil 30-40 il bu zavodda işləməyib,əksəriyyəti minimum pensiyanı alır. Neçə illərdi”Optika-Mexanika” İstehsalat Birliyində bu problem yaşanır,lakin axrıncı gələn bu direktor zavodları tamami ilə çökdürüb. Özbaşınalıq höküm sürür. İstehsal olunan məhsulu Müdafiə Nazirliyinin sifarişçi nümayəndəsi İlham Qurbanov tərəfindən iradlar tutulur və sifarişlərin vaxtında getməsinə işlərin gecikməsinə səbəb olur.

“Optika-Mexanika” İstehsalat Birliyinin balansına köçən puldan birlik direktoru rüşvət alaraq məsulun istehsalını təsdiqləyir. Çox maraqlıdır ki,bu barədə Müdafiə Sənaye Naziri Mədət Quluyev heç bir tədbir görmür. Birlik direktorları də istədiyi özbaşnalığı edir.

Buna görə də zavod işçiləri olaraq Cənab Prezidentdən xahiş edirik bizə kömək etsin. Heç kim 3-4 ay əmək haqsız dolana bilməz. İşləyənlər hamsı ailə sahibidir. Zavod əmək haqqını vermədiyinə görə çox işçilər ödənşli məzuniyyət götürərək fəhləliklə məşğul olurlar.

Cəbah Prezident,xahiş edirik bu özbaşınalığa son qoyasıznız.Ümüdümüz sizdədir”. //Turantv.az//

Xəbər verdiyimiz kimi, Azərbaycan Respublikası Dövlət Təhlükəsizliyi Xidməti (DTX) əməkdaşlarının Naxçıvan Muxtar Respublikasının Dövlət Gömrük Komitəsində araşdırmalara başladığı iddia edilir. Əməliyyat çərçivəsində saxlanılanların arasında Naxçıvan DGK-nin sədri Səhət Həbibbəyli və onun müavini Səbuhi Novruzovun da olduğu bildirilir. Bundan əlavə DTX-də aparılan cinayət işi üzrə Naxçıvan DGK-nin Gömrük tariflərinin tənzimlənməsi və ödənişlər şöbəsinin rəisi Əsgərov Mənsur Turan oğlu barəsində 4 ay müddətinə həbs qətimkan tədbiri seçilib.

DİA.AZ xəbər verir ki, “Gündəlik Naxçıvan” DTX-nin yoxlamalar çərçivəsində Naxçıvan MR Ali Məclisinin sədri Vasif Talıbovun oğlu və köməkçisi Seymur Talıbovu da dindirməsi barədə məlumat yayıb.

Məlumata görə, yoxlamalar zamanı S. Talıbovun nəzarətində olan “Gəmiqaya” və “Cahan” holdinqlərin qaçaqmalçılıqla məşğul olduğunun üzə çıxdığı bildirilir. Bu barədə həmin şirkətlərdə çalışan əməkdaşlar məlumat verib. Onların dediklərinə görə, "Cahan Holdinq" aylar öncə bir neçə şirkətə bölünüb. Məlumata görə, DTX Türkiyə hökuməti ilə əməkdaşlıqdan sonra qaçaqmalçılıq faktlarını üzə çıxarıb:

“Öncə Türkiyədəki Dilucu gömrüyünə sorğu göndərib, son bir ildə Naxçıvana keçən malların siyahısını alıblar. Məlum olub ki, Türkiyədən keçən bu malların heç biri Naxçıvan tərəfdə qeydiyyata alınmayıb. Qeydiyyata alınmayan məhsulların əksəriyyəti “Cahan” və “Gəmiqaya”nın fabrik və zavodlarında istehsal olunan xammallardır. Məsələn, qapı-pəncərə zavodu üçün plastik xammal məmulatları. Söhbət yüz milyonlarla manatdan gedir. Bu mallara görə heç bir rüsum ödənməyib. Bu işdə Naxçıvan Gömrük Komitəsinin sədri və müavinin də əli var. Hər ikisi artıq saxlanılıb və talelərindən xəbər yoxdur. Deyilənə görə, Bakıya aparılıblar. Onların ifadələri əsasında Seymur Talıbovu da dindiriblər. Deyilənə görə, Bakıda onun qardaşı Rza Talıbov da dindirilib. Bu şirkətlər rəsmi olaraq Seymur və Rzaya məxsus olmasa da, hamı bilir ki, onların nəzarətindədir”.

“Gəlib baxdılar, dedilər, pay torpağınız, fındıq tingləriniz var. Dedim, onlar təzə əkilib, hələ heç bar verməyib. Üstəlik, o ağacları suvarmağa su da yoxdur. Əkmişik, quruyub əldən gedir. Getdilər, bir müddətdən sonra ünvanlı sosial yardım təyin edilməsindən imtina cavabı göndərdilər”.

DİA.AZ bildirir ki, bunu Meydan TV-yə Zaqatalanın Bəhmətli kənd sakini İlahə Həsənova deyir.

“Qonşularım olmasa, acından ölərik”

Ailə başçısı Rəşad Hüseynov xəstəlik səbəbindən əmək fəaliyyəti ilə məşğul ola bilmir. İlahə xanım həm ona, həm də daim sağlamlıqlarında problemlər olan övladlarına baxır deyə, o da işləyə bilmir. Nəticədə ailə maddi böhran keçirir, dolanışığa qonşular yardımçı olur. İlahə xanım deyir, nə yaxşı ki, onlar var:
“Qonşularım olmasa, acından ölərik. Hamı bir-birini dolandırır. Dövlət baba əlini qoyub əlinin üstünə, tamaşa edir. Gözləyir ki, qonşunun, qohumun çörəyi ilə, geyimi ilə böyüyən iki övladım 18 yaşına çatsın, gəlib, əlimdən alıb aparıb, odun içərsinə atsın, sonra da gətirib tabutunu qapıya qoyub, qaçsın”.

İlahə xanım imkan tapan kimi Zaqatalanın fındıq sovxozlarına gedir, fındıq toplayır. Ancaq bu da həmişə olmur:
“Mövsümi işdir, bir ay, iki ay… Qazanc da aylıq 150-180 manat arası olur. Pulu ordan alıb yığılan işığın, odunun borcunu qaytarıram. Daimi işləmək imkanım yoxdur, həyat yoldaşım sərbəst hərəkət edə bilmir, uşaqlarsa biri 6, o biri 11-ci sinifdədir.

“Sənəd toplamaqdan cana doymuşam”

İlahə xanımın sözlərinə görə, həyat yoldaşının xəstəlik sənədlərini və lazım olan digər sənədləri təqdim etsələr də, sənədlərin müddətinin ötdüyünü səbəb gətirərək özlərinə qaytarıblar:
“Sənədi toplayırsan, o qədər ləngidirlər ki, sonra da atırlar üstünə ki, vaxtı keçib, get təzələ… Sonra yenə aylarla o həkimdən keç, bu həkimdən keç, zülmlə sənəd toplamağa başlayırsan, nəticədə yenə də eyni şey baş verir”.

Ailə ünvanlı sosial yardım üçün də müraciət edib. Oxşar münasibətlə üzləşib. Xanımın deməsinə görə, hər dəfə bir ətək sənəd toplayıb, nəticədə həyat yoldaşının adına olan pay torpağı və üzərindəki fındıq tingləri səbəb gətirilərək ünvanlı sosial yardımın təyin olunmasından imtina cavabı verilib:
“O pay torpağının bizə heç bir faydası yoxdur. Ora heç su da gedib çıxmır. O torpaqda heç vaxt əkin işləri aparılmayıb, dediyim kimi, elə bir yerdədir ki, su yoxdur. Bircə bu yaxınlarda tinglər əkdik, onlar da quruyub əldən çıxır”.

İlahə Həsənova həm həyat yoldaşının əlillik təyinatı, həm də ünvanlı sosial yardım üçün sənəd toplamaqdan və hər dəfə imtina cavabı almaqdan cana doyduğunu deyir.

Dövlət Tibbi-Sosial Ekspertiza və Reabilitasiya Agentliyindən Meydan TV-yə bildirilib ki, Rəşad Hüseynovun sənədləri qəbul edilib və qiymətləndirmə aparılır. Nəticəsi barədə vətəndaşa məlumat veriləcək.