"İtin günündə yaşayırıq, bildiyiniz itin günündə… Gəlib yaşayışımızla əyani tanış ola bilərsiz. Xirtdəyə kimi borcun içində üzürük. Dərman borcla, çörək borcla… Bir gün mən də özünü öldürən qazilərin siyahısına düşəcəm”.

Astara sakini Aslan Babayev 7 aydır ki, Lənkərandakı Hirkan Milli Parkına gözətçi işinə düzəlib. 360 manat maaş alır. Birinci Qarabağ döyüşlərinin iştirakçısı kimi də 80 manat alır. Deyir, evinə daxil olan gəlir bundan ibarətdir. 7 nəfərlik ailə gözünü ona dikib. O isə aldığını kreditlərə ödəyir. Ailə ac qalmasın deyə, çörəyi nisyə alır. Xəstə övladının dərmanlarına görə də apteklərə xeyli borcu yığılıb: "Borcun içində üzürük. Evdə özünə iş tapan bircə mənəm. O vaxt müharibədə yaralandım, dövlət baxmadı mənə, indi yaşa dolduqca vəziyyətim ağırlaşır, tez-tez müalicələr almalı oluram, onu da borc-xərclə edirəm”.

"Hər iki oğlum gəncdir. Bir oğlum Naxçıvanda hərbi xidmətdə olarkən ayaqqabı döyüb, barmaqları iflic olub. Yeriməkdə çətinlik çəkir deyə, əmək fəaliyyətiylə məşğul ola bilmir. Ağır işlər görə bilmir. İkinci oğlumun da 22 yaşı var. Anadangəlmə böyrək qüsurludur. Bir böyrəyi cəmi 40 faiz inkişaf edib. Həkim onun iki kiloqramdan artıq yük götürməsinə icazə vermir. Ömrü müalicələr qəbul etməklə keçir, onun da müalicələrinə görə xirtdəyə qədər borca girmişəm. Uşaq vaxtı müavinət verilirdi, sonradan o da kəsildi”, – şikayətçi deyir.

Aslan Babayev bir borcu ödəmək üçün növbəti borca girməli olur və bu, illərdir ki, davam edir: "Müalicələrimiz üçün adamlardan aldığım borcları qaytarmaqdan ötrü bankdan kredit götürürəm, sonra da o kreditin aylıqlarını ödəmək üçün təzədən adamlardan borc alıram. Düşmüşəm quyunun lap dibinə, çıxa bilmirəm. Hər iki oğlumun əlillik təyinatı üçün müraciət etmişik, imtina veriblər. Pensiya verilsə, ən azı, dərmanlarını öz pullarıyla alarlar. Ünvanlı sosial yardım üçün müracisət edirik, vermirlər, bəhanələr gətirirlər. Kimə deyəsən dərdini? Mən də insanam, utanıram mağazalara nisyə çörək üçün ağız açmağa… Qalmışam təkbaşına 7 nəfərin əlində…”

Aslan Babayevin oğlu Yusif Babazadə də bu yaxınlarda Meydan TV-yə müraciət etmişdi. O bildirmişdi ki, ayaq barmaqlarını itirməsinə görə ikinci qrup hərbi əlillik təyin edilsə də, 2019-cu ilin fevralında pensiyası kəsilib: "İkinci qrup hərbi əlil olmağıma və vəziyyətimin ağır olmasına baxmayaraq 2019-cu ilin fevralından heç bir səbəb göstərilmədən pensiyam kəsilib. Şikayətlərim nəticəsiz qalıb, heç bir yerdən müraciətlərimə cavab ala bilmirəm. Barmaqlarım iflic olduğundan yerimək qabiliyyətimi itirmişəm. Buna görə əmək fəaliyyətiylə də məşğul ola bilmirəm. İki azyaşlı övladım var. Vəziyyətim çox ağırdır”.

Aslan Babayev köməklik üçün Astara Rayon İcra Hakimiyyətinə müraciət etdiyini, ancaq nəticəsiz qaldığını deyir.

Astara Rayon İcra Hakimiyyətindən Meydan TV-yə deyilib ki, Babayevlər ailəsi quruma da müraciət edib. Onlara bildirilib ki, sosial durumla bağlı aidiyyəti üzrə Əmək və Əhalinin Sosial Müdafiəsi Nazirliyinə müraciət edilməlidirlər: "İcra hakimiyyətinə belə məsələlərə görə büdcə ayrılmır və bu məsələləri həll etmək qurumun vəzifəsinə daxil deyil. Vətəndaşlara dəfələrlə izah edilib ki, bu şeylərə görə aidiyyəti quruma müraciət olunmalıdır. Əmək və Əhalinin Sosial Müdafiə Nazirliyi müxtəlif sosial proqramlar (özünəməşğulluq və sair) həyata keçirir, bəlkə bu ailə də həmin proqramlarla maraqlana bilər. Pensiya məsələsinə görə də aidiyyəti üzrə müraciət etməlidilər”. //Meydan TV//

Türk dövlətinin qurucusu Mustafa Kamal Atatürk deyərdi Azərbaycanın sevinci bizim sevincimiz, kədəri bizim kədərimizdir. Azərbaycan bizim qardaşımızdır. Heç nəyə baxmayaraq ona yardım etmək borcumuzdur. Mübaribələr hər zaman kişlik meydanı olub vətən üçün canından keçib Şəhid olan yüzlərlə qəhrəmanlarmız var.

Poladlarmız, Mübarizlərmiz qürur yerlərmizdir!

Hələ adını sadalaya bilmədiymiz qazilərmiz var. Bununla da əzmi, İradəsi, vicdanı yenilməz qürurlu Azərbaycan xalqı 44 günlük vətən müharibəsində bir daha bütün dünyaya hansı cəsarətə malik olan xalq olduğun göstərdilər. Amma çox təəssüflər olsun ki, 44 günlük müharibə bitdikdən sonra, qürurlu mərd oğullarmızın döyüş əzmin nüfuzdan salan insanları televiziyada sosial şəbəkələrdə yerli KİV-lərdə görürük, onlar danışmaqla əzimkar xalqa stimul yox əksinə küskün saldıqlarının bəlkədə fərqində deyillər.

Kimdir onlar? Onlara kim bu səlahəti verib?

Biznes ledisən pulun-paran var deyə hər sözü söyləyə biləcək cəsarətə malik deyilsən və yaxud da həyatında olan insanın millyonları var deyə burda mən bağdad da kor xəlifə deyib at oynada bilməzsən.

Bir neçə gün bundan öncə Ruhi Əliyeva adlı bir şəxsin video müsahibəsində mən də 44 günlük vətən müharibəsində Tovuz istqamətində top atmışam deməsi Cəmiyyətdə birmənalı olaraq ruh düşkünlüyü yaradıb. Beləki, ordumuza dəstəyə yüzlərlə insanların getməsinə baxmayaraq , 44 günlük vətən müharibəsi dövüründə Ruhi Əliyevaya necə və kim icazə verilibki hətta 12 ci topu atıb.

Hara baxırdı ölkənin Müdafiə nazirliyi və güc strukturları?

Ruhi Əliyevanın fikirləri sübut edir ki, müdafiə nazirliyi konkret olaraq Tovuz rayonu ərazisində yerləşən N saylı hərbi hissənin rəhbərliyi ciddi qanun pozuntularına yol vermişdir və yaxudda Ruhi Əliyeva yalan danışır. Böyük ehtimalla Ruhi Əliyeva inanır ki, onun danışığına heç kim əhmiyyət vermir.

Bu baxımdan rahat şəkildə ictimayyəti aldadır. İnanırıq ki, dövlət qurumları R. Əliyevanın söylədiklərini yoxlayacaq və həqiqət üzə çıxacaq.

AZƏRBAYCANREALLIĞI.COM

Ötən il ərzində Azərbaycan ərazisində 49 min 371 fərdi yaşayış evi, 94 min 510 mənzil üzərində mülkiyyət hüquqları dövlət qeydiyyatına alınıb.

Bunu Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri Publik Hüquqi Şəxsin departament rəhbəri Lalə Əkbərova deyib.

Onun sözlərinə görə, çıxarış əldə etmək üçün vətəndaşların təqdim etdiyi bütün sənədlər qanuni olmalıdır. L.Əkbərova deyib ki, bəzən vətəndaşlar ya qanunda nəzərdə tutulmamış, ya da forma və məzmuna uyğun olmayan sənədlər təqdim edir. Ona görə də belə müraciətlərdən imtina edilir.

Həmçinin oxuyun: Заморожены миллиард долларов сына Ягуба Эйюбова в банке

Qurum rəsmisi onun da deyib ki, bələdiyyələr tərəfindən vətəndaşlara qanunmüvafiq qaydada tərtib edilmiş sənədlər təqdim edildikdə müraciət edən şəxslərin mülkiyyət üzərində hüquqları təmin edilir.

Mövzu ilə bağlı reportajı təqdim edirik:

Xezerxeber

“Hazırda Azərbaycan Yazıçılar Birliyinin 2300 üzvü var”.

DİA.AZ bildirir ki, bunu Cebhe.info-ya açıqlamasında Azərbaycan Yazıçılar Birliyinin (AYB) mətbuat xidmətinin rəhbəri Xəyal Rza deyib. O, illik üzvlük haqqının 15 manat olduğunu bildirərək, bu ödənişin hansı üsulla həyata keçirilməsi sualına da aydınlıq gətirib:

“Birliyə üzv olmuş şəxslər üzvlük haqqını AYB-nin binasına yaxınlaşaraq mühasibatlığa, yaxud da kart vasitəsilə ödəyə bilirlər. Mühasibatlığın kartına, yəni AYB-nin hesabına göndərə bilirlər”.

Xəyal Rza mühasibatlığdakı kartın kimə məxsus olması barədə suala cavabında onun AYB-nin ümumi hesabı sayıldığını qeyd edib. Qurum rəsmisi üzvlük haqqını ödəməyənləri hansı aqibətin gözlədiyi məsələsinə də toxunub:

“Əvvəllər heç bir cəza tətbiq olunmayıb. Sonradan, yəni 2021-ci ildə belə qərara gəldik ki, son iki ilin üzvlük haqqı verilməklə əvvəlki illərin ödənişləri bağışlanılsın. 2020-2021-ci ilin ödənişləri tələb olundu. Gecikdirib və ya verməyənlər azdır, amma onlara bir neçə dəfə “Ədəbiyyat” qəzeti vasitəsilə xəbərdarlıq olunur. Hələlik bu təcrübədən istifadə olunmayıb, lakin son qərara görə üzvlük haqqını 3 il ərzində ödəməyənlər üzvlükdən xaric edilirlər”.

Beləliklə, sadə hesablamaya görə ümumilikdə il ərzində AYB-nin hesabına üzvlük haqları tam toplanarsa 34500 AZN daxil olur.

Sabirabad rayonunun "Qardaşkənd" kəndinin sakinləri tərəfindən "DogruXeber.az"ın votsap ünvanına müraciət və videogörüntülər göndərilib.

Sakinlər müraciətində bildirir ki, "Nəinki Qardaşkənd, eyni zamanda Sabirabad rayonunun bir çox kəndlərində qaz xətti yox, telefon xətti yox, internet xətti yox, bankomat yox, ödəniş terminalı yox, poçt yox, xəstəxanası, əczaxanası - bir sözlə yaşamaq üçün heç nəyi yoxdur. Orta məktəb binası belə SSR dövründə tikiləndir. Güya yol çəkmişdilər, onu da necə çəkdilərsə, qısa müddətdə bərbad vəziyyətə düşdü."

Sakinlərin sözlərinə görə onlar dəfələrlə bu problemlərlə bağlı Sabirabad rayon İcra Hakimiyyətinin başçısı Siraqəddin Cabbarova müraciət etsələr də problemlər hələ də davam edir.

Odur ki, kəndlərdəki mövcud problemlərin aradan qaldırılması üçün "DogruXeber.az" vasitəsilə ölkə başçısından kömək kömək istəyən Sabirabad rayon sakinlərinin müraciətlərini aidiyyatı qurumların qısa zamanda diqqətə alacağına ümid edirik. //"DogruXeber.az"//

"“Azercell” mobil rabitəsinin xidmətləri bahadı."

DİA.AZ bildirir ki, bunu Manset.az-a açıqlamasında Milli Məclisin deputatı Aqil Abbas bildirib. O daha sonra açıqlamasında “Azercell”-in texniki məsələlərlə bağlı yenilikçi olmadığını bildirib.

" “Azercell”, ümumiyyətlə, bahalı mobil rabitəsidi. İnternet xidməti baha, xaricdən zəng etmək bahadır. Mən şəxsən "Azercell" istifadəçisiyəm, həmdə abunə işlədirəm. Görürsən zəng gəlir, keçirsən həmin zəngə adboy gedir. Belə olmaz axı. Ona görə yeniliklər olmalıdı, texniki parametrlər yenilənməlidi. Reklam etməklə iş bitmir, gərək iş görəsən. Cavanlar indi çox danışmaq istəyir. Çox internetlə məşğul olurlar. Qoy qiymətləri ucuz eləsinlər, millət də “Azercell”-i başqa mobil şəbəkələrə dəyişməsinlər.

Əmək və Əhalinin Sosial Müdafiəsi Nazirliyinin DOST İnklüziv İnkişaf və Yaradıcılıq Mərkəzində yoxlamalara başlanılıb.

Məlumata görə, həssas təbəqəyə xidmət və onların yaradıcılıq istedadının üzə çıxarılması üçün bir sıra tanınmış sənətkarların çalışdığı mərkəzdə məşqlər dayandırılıb. Əmək və əhalinin sosial müdafiəsi naziri Sahil Babayevin göstərişi ilə keçirilən yoxlamalar nəticəsində 10-dan çox şəxsin işdən çıxarıldığı bildirilir.

Mərkəzdə Xalq artisti Rüfət Xəlilzadə, Əməkdar artist Vüqar Camalzadə, saz ustası Aqşin Tarıyeloğlu, konsertmeyster, beynəlxalq mükafatlar laureatı Gülsüm Eldarova, Bakı Musiqi Akademiyasının vokal ustadı Esmira Hüseynova və digər sənətkarlar da fəaliyyət göstərir.

Məsələ ilə əlaqədar Əməkdar artist Vüqar Camalzadə ilə əlaqə saxladıq. O, mərkəzdə çalışan yaradıcı insanlara administrativ tələblər qoyulduğunu, bu baxımdan narazılıq olduğunu təsdiqlədi: “Sonuncu dəfə şənbə günü Mərkəzdə olmuşuq. Dünən bazar günü olduğuna görə məşqlərin dayandırılmasından xəbərim olmayıb. Artıq 1 il 3 aydır ki, DOST İnklüziv İnkişaf və Yaradıcılıq Mərkəzində peşəkar heyət cani dildən fəaliyyət göstərir. Bu müddət ərzində gördüyümüz işlər göz qabağındadır. Bu da təbii ki, rəhbərliyin və peşəkar heyətin sayəsində baş verir. Bu ilin əvvəlindən maraqlı hadisələr baş verir. Səbəb nədir bilmirəm. Onu bilirəm ki, yaradıcı insanlara qarşı münasibət belə olmamalıdır. Çünki yaradıcı insan administrativ deyil. Belə insanlara yaradıcılıq mühiti və şəraiti yaratmaq, yaradıcılıq azadlığı vermək lazımdır. Buna görə də güman edirəm ki, bu məsələlər tez bir zamanda həllini tapacaq”.

V. Camalzadə, həmçinin, sənət adamlarına qarşı administrativ tələblərin mərkəzin rəhbərliyi tərəfindən qoyulmadığını əlavə edib: “Biz rəhbər qurumlardan, aidiyyəti şəxslərdən xahiş etmişik ki, bu məsələlərə başqa tərəfdən yanaşsınlar. Dava-dalaşla yox, bunu izah eləməyə çalışırıq. Güman edirik ki, məsələ öz həllini tapacaq. Bizim mərkəzin rəhbərliyi ilə bağlı problemimiz yoxdur, rəhbərlik bizi çox yaxşı başa düşür. İradlarımız daha yüksək qurumlardan gələn tələblərlə bağlıdır. Bu tələblər administrativ insanlara qoyulan tələblərdir ki, o da yaradıcı insanlara qoyulmamalıdır”.

Problemlə əlaqədar ƏƏSMN-in DOST İnklüziv İnkişaf və Yaradıcılıq Mərkəzi ilə əlaqə saxladıq. Qurumdan bildirildi ki, məsələ araşdırılacaq və cavablandırılacaq.

Qeyd edək ki, sözügedən mərkəz 2021-ci ildə yaradılıb, sosial tərəfdaşlıq prinsipinə uyğun olaraq Əmək və Əhalinin Sosial Müdafiəsi Nazirliyinin tabeliyinə verilib. Mərkəzin yaradılmasında əsas məqsəd isə sosial cəhətdən həssas əhali qruplarından olan şəxslərin yaradıcı potensialının, istedadlarının, digər bacarıqlarının ortaya çıxarılmasına və inkişafına kömək etməkdir.

“Qafqazinfo”

5 yanvar 2023-cü il tarixində Masallı Regional Meşə Təsərrüfatı Mərkəzinin Cəlilabad üzrə mühafizə mühəndisi Fitat Ağayev meşələrdə kütləvi qırıntılarla bağlı meşə gözətçisinin etdiyi inanılmaz saxtakarlıq faktını ifşa edib.

AzToday.az-a daxil olan məlumatlara görə, Fitat Ağayev Cəlilabad meşəbəyliyinin 9 saylı meşə dolayında Qırmızı kitaba daxil olan agağların kütləvi şəkildə qırılmasının şahidi olub. Ağacların qanunsuz qırıldığını qeydə alan mühafizə mühəndisi kəsilən agacların hamısının damğalandığını görüb. Sözügedən damğaların başqa meşə dolayının meşə gözətçisi Elman Əliyevə məxsus olduğu məlum olub. Hər bir qanunsuz kəsilmiş agacların dib kötükləri üzərində bir yox, bir neçə damğanın vurulduğunu görən Fitat Ağayev edilən qanunsuzluqla bağlı Əlisahib adlı meşə gözətçisi ilə söjhbət aparmışdır.

Əlisahib açıq şəkildə etiraf edərək deyib ki, Elman Əliyevdən 100 manat müqabilində xidməti damğasını götürüb. Və iki gün müddətində qanunsuz kəsilmiş minə yaxın ağacları damğalamışdır. Kütləvi agac qırıntıları ilə bağlı akt tərtib edən Fitat Ağayev Regional Meşə Təsərrüfatı Mərkəzinə yazılı şəkildə məlumat təqdim edir.

İşinə məsuliyyətlə yanaşan Fitat Ağayev təşəkkür eşitmək əvəzinə Regional Mərkəzin rəhbərliyi tərəfindən danlanıldığı da yayılan məlumatlar sırasındadır. Buna baxmayaraq, Mərkəzin direktoru Nəsimi Nəsibov dolaya baxış keçirmək barədə göstəriş vermək məcburiyyətində qalır. Baxış zamanı Fitat Ağayevin dedikləri öz təsdiqini tapır. Amma 9 saylı dolayın gözətçisi Regional Mərkəzin əməkdaşlarına başqa meşə dolaylarında eyni vəziyyətin olması ilə bağlı məlumatlarla şantaj edir. Onun dolayında kütləvi ağac qırıntılarının üstü açılacağı halda başqa dolaylardakı vəziyyəti ifşa edəcəyini deyir.

Məlumatlara görə, Cəlilabad meşəbəyliyinin 1 və 4 saylı meşə dolaylarında, Göytəpə meşəbəyliyinin 10, 12, 13 və 13a sayli meşə dolaylarında kütləvi ağac qırıntıları faktları var. Eyni vəziyyətin Masallı və Yardımlının meşə dolaylarında hökm sürdüyü deyilir.

Dəhşətlisi odur ki, Cəlilabad meşəbəyliyinin 9 saylı dolayında qeydə alınmış kütləvi qırıntılar və agacların saxta damğalanması prosesi ört-basdır edilib. Bunun üçün meçə gözətçisi 3 min manatından keçir…

AzToday.az-ı məlumatlandıran ekologiya işçiləri bildirir ki, Ekologiya və Təbii Sərvətlər Nazirliyi baş verən kütləvi ağac qırıntıları ilə bağlı tədbir görməsə, Masallı Regional Meşə Təsərrüfatı Mərkəzində edilən bütün saxtakarlıq faktlarını özləri ifşa etmək məcburiyyətində qalacaqlar…

AzToday.az

Yanvarın 14-də Naxçıvan Ali Məclisinin keçmiş sədri Vasif Talıbovun 63 yaşı tamam oldu. Keçmiş "xan" əvvəlki illərdən fərqli olaraq, bu dəfə doğum gününü təntənə ilə qeyd etmədi.

Yenisabah.az Naxçıvandakı mənbələrə istinadla xəbər verir ki, V.Talıbov 63-cü doğum günündə ağlasığmaz addım atıb. O, malikanəsinin qapılarını onu təbrik etməyə gələn insanların üzünə bağlayıb.

Mənbə deyib ki, ötən şənbə keçmiş sədri təbrik etmək istəyən insanlar olub. V.Talıbovun doğum günündə həm yaxın qohumları, həm də onun sayəsində vəzifə tutmuş, var-dövlət qazanmış adamlar öz sadiqliklərini nümayiş etdirmək istəyiblər. V.Talıbovu təbrik etməyə gələnlərin arasında hazırda Naxçıvanda vəzifə tutan bir neçə orta ranqlı məmurun da olduğu bildirilir.

Amma V.Talıbovun orta əsr feodalların qəsrlərini xatırladan malikanəsi hamının üzünə bağlı olub. Mühafizəçilər onun göstərişinə uyğun olaraq, "Müəllim Bakıya gedib" deyərək, gələnlərin hamısını geri qaytarıblar. Onlar V.Talıbov üçün gətirilən hədiyyələri də qəbul etməyiblər.

Mənbə deyib ki, V.Talıbov 27 il sonra doğum gününü ilk dəfə oğlu, qızı və nəvələrinin əhatəsində sadə bir məclislə qeyd edib.

Yenisabah.az

Azərbaycan ordusunun Türkiyə modelinə keçməsinə, o cümlədən, türkiyəli hərbçilərin bu prosesə yardım göstərməsinə baxmayaraq, ölkənin Silahlı Qüvvələrində kök atmış bazar təfəkkürlü kadrlar həyata keçirilən dəyişikliklərə mane olmaqdadırlar. Xatırladaq ki, hələ 2019-cu il martın 6-da 100-ə yaxın gənc və onların valideynləri Silahlı Qüvvələrin Təlim və Tədris Mərkəzinin (TTM) qarşısında toplaşaraq Müddətdən Artıq Xidmət Edən (MAXE) hərbi qulluqçu, gizir olmaq üçün rüşvət yığılmasına etirazlarını bildirmişdilər. Həmin aksiyadan sonra MAXE və gizirləri Ordu sıralarına qəbul etmək səlahiyyəti sözügedən Mərkəzdən alınaraq korpuslara verilmişdi. Bununla belə, korpuslarda MAXE-lərin xidmətə götürülməsində rüşvətin ciddi rol oynamasına dair çoxsaylı məlumatlar var. Şikayətçilərin iddiasına əsasən, kursa qəbul ödənişsiz olsa da, oranı bitirib işlə təmin olunmaq üçün kursantlardan 2-7 min manat arası rüşvət tələb edilir.
MAXE kursunun komandiri polkovnik Paşayev, Qərargah rəisi isə Votçuyev soyadlı zabitlərdir. İddialara əsasən, kursantların işlə təmin olunması üçün tələb olunan rüşvətin yığımına da məhz Votçuyevin xüsusi adamları nəzarət edir ki, onlardan biri də TTM-də bölmə rəisi işləyən, vaxtından əvvəl rütbə alan, “qara kassa” ləqəbli polkovnik-leytenant Zaman Məhərrəmovdur. Bu “yığım”ın yekununa uyğun olaraq, 8 həftəlik kursu bitirdikdən sonra yuxarıda göstərilən məbləğdə rüşvət verən kursantlar işlə təmin olunurlar. Yalnız aşpaz və istehkamçı ştatına təyinatların rüşvətsiz olduğu vurğulanır.
Redaksiyamıza müraciət edən vətəndaş da onu incidən Zaman Məhərrəmovdan şikayətçidir. Belə ki, Bakı şəhəri Binəqədi rayonu A.Gəraybəyli küçəsi ev 39, mənzil 101 ünvanında yaşayan Məmmədov Ceyhun İltifat oğlu aktualxeber.az saytının redaksiyasına müraciət edərək Azərbaycan Ordusunun Təlim və Tədris Mərkəzində bölmə rəisi işləyən polkovnik-leytenant Zaman Məhərrəmovun ondan və qohumu Vüqar adlı şəxsdən rüşvət aldığını, vəd etdiyi işi düzəltmədiyini və pullarını da geri qaytarmadığını iddia etmişdir. Redaksiyamız həmin şikayəti 21.10.2022-ci il tarixində aidiyyatı üzrə Hərbi Prokurorluğa yönəltmişdir və iş Hərbi təsisatlarda qanun pozuntuları barədə məlumatların araşdırılması şöbəsinin prokuroru, ədliyyə kapitanı Elnur Novruzzadənin icraatındadır. Şikayətçi C.Məmmədov E.Novruzzadənin işi obyektiv araşdırmadığını, onun şahidləri olsa da Z.Məhərrəmovu araşdırmaya cəlb etmədiyini, rüşvət alanı deyil, onun özünü get-gələ saldığını bildirmişdir.
Qeyd edək ki, bu yaxınlarda Azərbaycan Ordusunun Təlim və Tədris Mərkəzinin Maliyyə xidmətinin rəisi Rəşad Məlikzadə həbs edildi. Dövlət Təhlükəsizliyi Xidmətində istintaqı davam edən cinayət işi üzrə Rəşad Məlikzadə 9 milyon manata yaxın mənimsəmədə təqsirləndirilirdi. Onun barəsində Cinayət Məcəlləsinin 179.4-cü (xüsusilə külli miqdara mənimsəmə) maddəsi ilə ittiham verilibdi. Ümidvarıq ki, DTX bir gün Zaman Məhərrəmov və onun kimi rüşvət alan, dövlət vəsaitini mənimsəyən digərlərinin də qapısını döyəcəkdir.
Mövzuya qayıdacağıq və yazıda adları keçən şəxsləri də dinləməyə hazırıq. //aktualxeber.az//