"Azərbaycanda yeni tankerlərin, quru yük gəmilərinin və bərələrin sayının artırılmasına ehtiyac var".

Bunu Azərbaycan Prezidenti İlham Əliyev yanvarın 17-də Davosda Niderlandın “Damen Shipyards Group” şirkətinin icraçı direktoru və səhmdarı Arnout Damen ilə görüşündə deyib.

Dövlət başçısı bildirib ki, bu sahədə "Damen Shipyards Group" şirkəti ilə əməkdaşlıq üçün yaxşı potensial mövcuddur.

Türkiyənin gündəmində iyunda keçirilməsi gözlənilən prezident seçkiləri var. Hazırkı prezident Rəcəb Tayyib Ərdoğanın ötən günlərdə seçkilərin önə çəkilməsi ilə əlaqəli açıqlamasından sonra gözlər mümkün yeni tarixə çevrilib.

Seçkilərə aylar qalmış keçirilən sorğularda hakim partiyanın (AKP) aşkar birinciliyi görünərkən, müxalifətin “Altılıq” blokunun hələ də namizədini müəyyən edə bilməməsi diqqət çəkir.

Seçkilərdə Ərdoğana kimin rəqib olacağı məsələsini gündəmə gətirən İngiltərənin “The Economist” qəzeti “Müxalifət qalib gəlməlidir, amma qarşısında maneələr var” başlıqlı məqaləsində müxalifətdəki dərin çatlardan yazıb. Nəşr türk müxalifətinin üç böyük maneə ilə üzləşdiyini bildirib.

“Seçkilərə cəmi bir neçə ay qalır, amma “Millət” bloku hələ də prezidentliyə namizəd irəli sürməyib. CHP sədri Kamal Kılıçdaroğlu namizəd olmaqda qərarlı görünsə də, İyi partiyanın lideri Meral Akşənərin etirazı ilə üzləşir. Müxalifətdəki çatlar özünü göstərir”, - məqalədə vurğulanıb.

İngilis nəşri Kılıçdaroğlunu “bacarıqlı idarəçi” adlandırılsa da qeyd edib ki, bu baxımdan onu Ərdoğanla müqayisə etmək olmaz.

Namizədlik üçün adları hallanan İstanbul bələdiyyəsinin sədri Əkrəm İmamoğlu və Ankara bələdiyyəsinin sədri Mansur Yavaşın istefa verməsi lazım olduğu xatırladılarkən, hər ikisinin zəif nöqtələrinin olduğu yazılıb.

“İmamoğlunun 2019-cu ildəki qələbəsindən sonra ulduzu artıq sönüb”, - məqalədə bildirilib.

“Qatı millətçi” kimi qələmə verilən Yavaşın HDP seçicilərindən səs toplamasının çətin olduğu diqqətə çatdırılıb.

Ərdoğana qarşı seçkilərdə qalib gəlmək istəyən müxalifət blokunun HDP-nin səsinə ehtiyacının olduğunu vurğulayan qəzet qeyd edib: “CHP partiyanın (HDP) dəstəyini almağa davam etmək arzusundadır. Amma HDP-ni PKK-nın siyasi qanadı kimi görən İyİ Partiya onunla eyni masa arxasında oturmaqdan imtina edir”.

Beləliklə, ingilis nəşri Prezident Ərdoğanın seçki marafonunda öz rəqiblərindən aşkar üstün olduğunu yazıb.

Azadlıq hərəkatının liderlərindən olan Nemət Pənahlı efirdə gözlənilməz addım atıb.

61 yaşı N.Pənahlı Müsavat TV-nin canlı efirində başıüstə dayanıb.

O aparıcının xahişindən sonra yoqa hərəkətini nümayiş etdirib. Bir saata yaxın belə dayana bildiyini deyib.

Xəbər verdiyimiz kimi, Naxçıvan Muxtar Respublikasının fövqəladə hallar naziri, general-leytenant Şamı Abdullayev vəzifəsindən azad olunub, onun yerinə polkovnik Şahin Mirzəyev təyin edilib.

Şamı Mirzəyev bu təyinatadək Fövqəladə Hallar Nazirliyinin Şimal Regional Mərkəzinin rəisi olub. O, 16 aprel 1968-ci ildə Naxçıvan Muxtar Respublikasında anadan olub.

Azərbaycan Texniki Universitetini bitirib.

Ailəlidir, 2 övladı var.

Azərbaycan Prezidenti İlham Əliyevin yanvarın 17-də Davosda “CISCO” şirkətinin qlobal innovasiyalar üzrə vitse-prezidenti Qay Didrix ilə görüşü olub.

Bu barədə Prezidentin Mətbuat xidməti məlumat yayıb.

***

Görüşdə Azərbaycan ilə "CISCO" şirkəti arasında uzun illər uğurlu əməkdaşlığın həyata keçirildiyi bildirildi.

Qay Didrix Azərbaycanda bir məktəbdə rəqəmsallaşdırma layihəsini həyata keçirdiklərini dedi.

Söhbət zamanı bu layihənin ölkəmizdə yüzlərlə məktəbi əhatə etməsinin planlaşdırıldığı vurğulandı.

Prezident İlham Əliyev Zəngilan rayonunda "Ağıllı şəhər" və "Ağıllı kənd" layihələrinin uğurla icra olunduğunu qeyd etdi, bu işlərin işğaldan azad olunmuş digər ərazilərdə də həyata keçirilməsinin planlaşdırıldığını vurğuladı.

Dövlət başçısı “CISCO” şirkəti tərəfindən hazırlanan "Azərbaycanın ağıllı şəhər strukturu barədə məruzə"yə görə minnətdarlığını bildirdi.

Söhbət zamanı Azərbaycanda su resurslarından istifadə olunmasında “CISCO” şirkətinin texnologiyalarının tətbiqi məsələlərindən danışıldı, təhsil və kibertəhlükəsizlik sahələrində əməkdaşlığın perspektivləri müzakirə edildi.

İki gündür mətbuatda və sosial şəbəkələrdə əməkdar artist Bəhram Bağırzadənin bölgələrdən gələn vətəndaşlarla bağlı dediyi fikirlər müzakirə olunur. Aktyoru fikirlərinə görə daşqalaq edənlər də var, müdafiəsinə qalxıb onu haqlı hesab edənlər də. Bir çoxları isə hesab edir ki, Bakının bu günə düşməsinin səbəbi rayondan gələnlərin olub olmaması yaxşı təhlil olunmalıdır.

Mütəxəssislər hesab edir ki, Bakının əsas problemi iyrənc və qaydalara zidd şəhərləşmə, aşırı əhali sıxlığı və ekoloji və vizual kirlilikdir.

Səbəb isə sadəcə rayondan gələn bəzi vətəndaşların şəhərçilik qaydalarını pozması deyil.

Bölgələrdə həyat və iqtisadi inkişaf sönük olduğuna görə belə hal yaşanır. Əhalinin köçü Bakıya davam edir və edəcək. Şəhərə uyğunlaşması da getdikçə daha da imkansız hala gələcək, çünki şəhərçilik (urbanizasiya) dağılmış/dağıdılmış bir vəziyyətdədir, yəni görüb götürəcəyi bir şey qalmayıb.

Mütəxəssislər hesab edir ki, tikinti şirkətlərinin boş qalan ərazilərə qənim kəsilməsi, sıx-sıx hündürmərtəbəli binalar tikilməsi deyil. Onun günahkarı ona bu şəraiti yaradan hansısa korrupsioner məmurdur.

Ümumi rəyə görə, rayondan Bakıya gələnlərin bakılı olanlarla müqayisədə uğur indeksi daha yüksəkdir. Belə ki, Bakılı oğlan atasının evində yaşadığı halda, rayonlu balası konfort zonasında deyildir və əlləşib-vuruşub özünə ev də alır, ikincisini də. Bir çox Bakı sakini və şəhərli təbəqəsi bunu şüuraltı xoş qarşılamır.

Bildirilir ki, kollektiv yaşama şüurumuz az olduğuna görə, urbanizasiya mədəniyyəti də bizdə uğurlu alınmır.

Tribunainfo.az

2027-ci ilin sonunadək Abşeron yarımadasında 20 sərnişin stansiyasının yenidən qurulması, aktivləşdirilməsi və ya inşası, o cümlədən Biləcəri stansiyası ilə Bakı Dəmir Yolu Vağzalı arasında “Şimal-Cənub” istiqamətindəki dəhliz boyu 4 yeni stansiyanın tikintisi nəzərdə tutulur.

Bu barədə Dövlət Şəhərsalma və Arxitektura Komitəsinin 2040-cı ilədək Bakı şəhərinin Baş Planı haqqında açıqladığı məlumatda qeyd edilib.

“Lökbatan qəsəbəsindən keçən dəmir yolu infrastrukturunun yenidən qurulması və sərnişin stansiyası kimi xidmət göstərməsi, Lökbatandan Bakı Dəmir Yolu Vağzalına müntəzəm şəhərətrafı dəmiryol reyslərinin açılması planlaşdırılır.

Bakıxanov stansiyasından Zirəyə doğru uzanan və Bülbülə, Əmircan, Suraxanı, Yeni Suraxanı, Binə, Qala, Dübəndi və Zirədə yenidən qurulacaq 8 stansiyadan ibarət xəttin bərpası, habelə “Qaradağ-Güzdək”, “Zabrat-Maştağa-Zağulba” dəmiryol dəhlizlərinin və Qaradağ rayonu ərazisində 2 yeni dayanacaq məntəqəsinin yaradılması nəzərdə tutulur.

Bunlarla yanaşı, Heydər Əliyev adına Beynəlxalq Hava Limanına yeni dəmir yolunun çəkilməsi, Heydər Əliyev adına Beynəlxalq Hava Limanından Yeni Suraxanı və Binə qəsəbələrinə doğru uzanan yeni dəmiryol xəttinin inşası, o cümlədən Hövsan dəmiryol stansiyasının fəaliyyətinin bərpası nəzərdə tutulur”, - məlumatda bildirilir.

Plana əsasən, “Binəqədi-Mehdiabad-Fatmai-Pirşağı” dəmiryol dəhlizi yaradılacaq:

“Şəhər mərkəzinin yarımadanın şimal istiqaməti ilə birbaşa dəmiryol bağlantısının təmin edilməsi və dəmiryol nəqliyyatının əhatə dairəsinin genişləndirilməsi məqsədilə 2040-cı ilədək yeni “Binəqədi-Mehdiabad-Fatmai-Pirşağı” dəmiryol dəhlizinin yaradılması planlaşdırılır.

2040-cı ilədək Abşeron yarımadası üzrə dəmiryol şəbəkəsinin ümumi uzunluğunun 198 km-dən 280 km-ə, stansiyaların sayının isə 26-dan 55-ə çatdırılması nəzərdə tutulur.

Hazırda şəhər ərazisində bir sıra istifadə olunmayan dəmiryol təhkim zolağı və istifadə olunmayan yük xətləri vardır. Qeyd olunan mövcud infrastruktur yenidən aktivləşdirilə və “tramvay-elektrik qatarı” sisteminin tətbiqində bu infrastruktur imkanlarından istifadə oluna bilər”.

Rusiyada könüllü olaraq ordu sıralarına yazılan əcnəbilər avtomatik olaraq ölkə vətəndaşlığı ala biləcək. Yerli vətəndaşların ordu sıralarına yazılmaq istəməmələri və qaçmaları səbəbindən Rusiya belə addım atmağa məcbur olub.

Tribunainfo.az xarici mediaya istinadən xəbər verir ki, çarəsiz qalan Kreml orduya 10 milyon rubl maddi dəstək vermək üçün kommersiya strukturlarına ciddi təzyiqlərə başlayıb.

Ukrayna Silahlı Qüvvələri Baş Qərargahının məlumatına görə, Rusiyanın Rostov vilayətindəki Kadamovski poliqonunda hərbi qüvvələrin hazırlanması və orduya daha çox əsgər cəlb edilməsi üçün səfərbərlərin təlimi gözlənilir. Orduya cəlb edilənlər ilk olaraq “Vaqner” özəl hərbi şirkətinə və “Bars” qüvvələrinə göndəriləcək”.

Bakıda və Abşeron yarımadasında yanvarın 18-də buludlu hava şəraiti üstünlük təşkil edəcək.

Milli Hidrometeorologiya Xidmətindən verilən məlumata görə, bəzi yerlərdə zəif duman, çiskin olacağı ehtimalı var.

Şimal-şərq küləyi əsəcək. Havanın temperaturu gecə 4-6° isti, gündüz 7-9° isti olacaq. Atmosfer təzyiqi normadan yüksək 773 mm civə sütunu olacaq. Nisbi rütubət 75-85 % olacaq.

Azərbaycanın rayonlarında sabah hava əsasən yağmursuz keçəcək. Bəzi yerlərdə arabir duman olacaq. Mülayim şərq küləyi əsəcək.

Havanın temperaturu gecə 3° şaxtadan 2°-dək isti, gündüz 6-10° isti, dağlarda gecə 5-10° şaxta, gündüz 3° şaxtadan 2°-dək isti olacaq. Gecə və səhər dağlıq rayonlarda yollar buz bağlayacaq.

Əmək və Əhalinin Sosial Müdafiəsi Nazirliyi 23 yanvar 2023-ci il, saat 10:00-da Bakının Ramana, Ümid, Kürdəxanı qəsəbələrində, Abşeron və Samux rayonlarında yerləşən binalardakı mənzillərin onlayn satışına başlayacaq.

Valyuta.az nazirliyə istinadən xəbər verir ki, satış elektron portal – ms.sosial.gov.az vasitəsilə həyata keçiriləcək və mənzillərin portal üzərindən satışı 01.07.2023-cü il tarixinədək davam edəcək.

Həmin mənzillərdən almaq istəyən şəxslər mənzillərlə necə tanış ola, seçə və ala bilər? Bu barədə hazırlanmış tanıtım-izahat məqsədli videoçarxı təqdim edirik: