"AST-Texnologiyaları” şirkətinin Azərbaycandakı filialı ilə "Evrascon” Açıq Səhmdar Cəmiyyəti (ASC) arasında məhkəmə çəkişməsi dalana dirənib.

DİA.AZ Qaynarinfo-ya istinadla xəbər verir ki, "Evtascon” ASC hələ ötən il "AST-Texnologiyaları” şirkəti ilə bağlı Bakı Kommersiya Məhkəməsində iddia qaldırıb. İddia Bakı Kommersiya Məhkəməsinin hakimi Nərmin Əhmədovanın icraatına verilib.

Hakim üç dəfə hazırlıq iclası təyin etsə də, baş tutmayıb. 12 yanvar 2023-cü il tarixə növbəti dəfə hazırlıq iclası təyin edilib. Əldə etdiyimiz məlumata görə, bu dəfə də iclas baş tutmayıb.

"Evrascon” ASC-nin yenidən məhkəməyə müraciət etdiyi bildirilir. Bu dəfə də iddia Nərmin Əhmədovanın icraatına verilib. Hələ ki, hazırlıq iclası keçirilməyib. İclasın vaxtı da müəyyənləşdirilməyib.

İki şirkət arasında məhkəmə çəkişməsinin bu qədər uzanmasının, hazırlıq iclaslarının baş tutmamasının səbəbləri bəlli deyil. Bəzi iddialara görə, səbəb qarşı tərəfin məhkəməyə gəlməməsi ilə bağlıdır.

"AST-Texnologiyalar” şirkətinin iş adamı Telman İsmaylova məxsus "AST Group”a daxil olduğu deyilir.

2017-ci ildə Telman İsmayılova iki sahibkarın qətlini təşkil etməklə bağlı ittiham irəli sürülüb və o, "İnterpol" xətti ilə axtarışa verilib. 2021-ci ildə onun Monteneqroda saxlanıldığı və barəsində 2 aylıq həbs-qətimkan tədbiri seçilməsi barədə məlumat yayılıb. Lakin sonradan o azad edilib və iş adamına Monteneqroda sığınacaq verilib.

"Evrascon” ASC-nin isə baş nazirin keçmiş müavini Abid Şərifova məxsus olduğu barədə iddialar var.

Bir neçə ilə əvvəl mediada Abid Şərifovla bağlı araşdırma yazısı dərc edilib. Həmin materialda bildirilir ki, Abid Şərifovun həyat yoldaşı Sədayə Yaqub qızı "Evrascon” ASC-nin səhmlərinin 22 920 ədədinin (nizamnamə kapitalının 12,15 faizi) mülkiyyətçisidir.

Şərifovların "Evrascon” ASC-yə birbaşa bağlılığını onların seçici siyahıları üzrə qeydiyyat ünvanı göstəriciləri də təsdiq edir. Onların hər ikisi Bakı şəhəri, Azadlıq prospekti, ev 144, mənzil 73 ünvanında qeydiyyatdadırlar. Bu, şirkətin reyestr göstəriciləri ilə eynilik təşkil edir.

İddiaya görə, bölgələrdə kənd yumurtasının qiyməti 5 qəpik artaraq 30 qəpik olub. Bakı bazarlarında isə yumurtanın 40 qəpik, iri quşların qiymətində bir manat artım var.

Mövzu ilə bağlı Azərbaycan quş əti, yumurta istehsalçıları və ixracatçıları assosiasiyasının sədri Mürvət Həsənli "MediaPost"a açıqlama verib.

DİA.AZ həmin açıqlamanı təqdim edir:

“Nəqşicahan Holdinq”in 300-ə yaxın işçisi dörd aydır ki, maaş ala bilmir. Buna səbəb, Naxçıvandakı hakimiyyət dəyişikliyindən sonra holdinqə daxil olan müəssisələrdə istehsalın tam dayanması, yaxud minimuma endirilməsidir.

DİA.AZ bildirir ki, bu haqda “Gündəlik Naxçıvan“a holdinqdə çalışan işçilər məlumat verib. Şikayətçilər bildirir ki, rəhbərlik dekabr ayından bəri onlara evdə oturub gözləməyi məsləhət bilib. İşləmədikləri üçün maaş ala bilməyən fəhlələr onsuz da ağır olan sosial vəziyyətlərinin daha da çətinləşdiyini deyirlər.

Holdinqdəki müəssisələrin birində çalışan Cahangir Vəliyev deyir ki, ailəsini dolandırmaq üçün bankdan kredit götürüb:

“Dörd ayda yaxındır ki, bizi havada saxlayıblar. Nə işlədib maaş verirlər, nə də ki, iş olmayacaq deyirlər. Bizə bu gün-sabah açılacaq deyib, ümid verirlər deyə, başqa iş də axtara bilmirik. Son olaraq demişdilər ki, martın 15-də işlər başlayacaq. Mart ayı bitib, hələ də bir xəbər yoxdur. Onsuz da başqa yerdə iş də tapmaq çətindir. Vəziyyətimiz həddindən artıq ağırlaşıb. Borca düşənimiz, banklardan kredit götürənimiz var. Evimizə bayramlıq da edə bilmədik. Ailəmizin, uşağımızın üzünə baxa bilmirik. Axı, biz də insanıq. Bizim də övladlarımız var”.

Digər şikayətçi Cavad Qasımov isə deyir ki, problemlə bağlı Naxçıvan MR Ali Məclisinə şikayət etsələr də nəticəsi olmayıb:

“Vəzifədən kimin getməsində, kimin gəlməsində, yaxud şirkətin kimə məxsus olmasında biz 300 nəfərin heç bir günahı yoxdur. Faktiki olaraq 300 ailə pis vəziyyətə salınıb. Hamı bor içindədir. Borclular borclarını, banklar isə kreditlərini istəyir. İşçilər isə ailələrini dolandıra bilmirlər. Mən də kredit ödəyirəm, bilmirəm nə edəm. Başqa iş də tapa bilmirəm. Ailəmə çörəkpulu tapa bilmirəm. Bank da bir tərəfdən problem yaradır. 4 aydır bizi aldadırlar. Deyirlər pul ayırılmır. Pul ayırılmırsa, bəs rəhbərlikdə olan işçilər pulu haradan alırlar?”
Məsələyə münasibət öyrənmək üçün “Nəqşicahan Holdinq”lə əlaqə saxlamaq mümkün olmadı. Onların da mıvqeyini işıqlandırmağa hazırıq.

Turantv.az: -Azərbaycan bir çox xüsusiyyətlərinə görə unikal ölkədir. Məsələn, burada iqtidar partiyasının əsas funksionerlərindən biri olaraq illərlə parlamentdə oturan şəxs “məni siyasətə qoşmayın” deyərək, jurnalistlərə müraciət edir. Yaxud ölkədə müharibə vəziyyəti olduğu bir zamanda Xarici İşlər naziri evdən işləyir.Əlqərəz məmurlarımız haqqında yazmaqla qurtarmaz. Sözlə deyiləsi deyil, sazla deyiləsidir bu söhbət.
Amma, ölkəmizdə bir məmur var ki, səhər işə Təhsil naziri kimi gedib axşam İqtisadiyyat naziri kimi qayıda bilir. Yaxud naharda SOCAR-ın Müşahidə Şurasının sədri kimi təqdim edildiyi halda gecədən xeyli keçmiş Tarif Şurasının sədri kimi qərarlar qəbul edir. O Sahibkarlığın İnkişafı Fondunu inkişaf etdirir, “Təmiz Şəhər” ASC-nin təmizliyini qoruyur, ölkənin tranzit yükdaşımalarını koordinasiya edir, dayanıqlı inkişafımızı əlaqələndirir, Qarabağ Dirçəliş Fondunu dirçəldir, Badminton Federasiyasına rəhbərlik etməklə idmanımızın inkişafına töhfələr verir. Necə deyərlər, onun qılıncının dalı da kəsir, qabağı da. Çünki Azərbaycan Qılıncoynatma Federasiyasının da sədridir.
Bəli, düz tapdınız, bu fövqəladə istedada malik olan və hərtərəfli fəaliyyətlə məşğul olan şəxs Mikayıl Cabbarovdur.

Onu ən azı 30 titulla təqdim etmək olar. Ölkənin bütün iqtisadi-siyasi sferasını əhatə edən sahələr demək olar ki, onun rəhbərliyi altında birləşdirilib. Verilən məlumatlara görə, hətta yazıçılar İttifaqında narazılıqlar başlanıb, mədəniyyət işçiləri küsüblər. AFFA-da af-uf edənlərin sayı çoxalıb, teatr xadimləri “olum, yaxud ölüm” dilemması qarşısında qalıblar. Hamısı da tələb edir ki, niyə bizim idarələrimizə Mikayıl müəllim rəhbərlik eləmir?

Deyirlər necə olur ki, cənab Cabbarov Azərbaycan İnvestisiya Holdinqinin Müşahidə Şurasına, Azərbaycan Respublikasının Maliyyə Sabitliyi Şurasına, Dövlət Vergilər Xidmətinə, Dövlət Əmlak Xidmətinə , İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə, “Azərbaycan İnvestisiya Şirkəti” ASC-yə, “Azərlotereya” ASC-yə , Bakı Biznes Mərkəzinə rəhbərlik edə bilir, amma güldən-bülbüldən yazan binəva şairlərə, yaxud “ay canı yanmış” oxuyan sənət adamlarına rəhbərlik edə bilmir? İnsafən adamlar haqlıdır, artıq dünya birliyi də bu haqsızlığa susmamalıdır !
O nazirlər naziridir, amma Baş nazir deyil. Biz hələ xeyli əvvəl onun Baş nazir olmasını təklif etmişdik. Hətda bu barədə oxucularımıza yazı da təqdim etmişdik İnanırıq ki heç Əli Əsədov da buna etiraz etməz. Qalır bircə cənab prezidentin bunu rəsmiləşdirməsinə. Çünki belə getsə Mikayıl müəllim özü də bilməyəcək hansı işlə məşğul olacağını. Onu bu qədər ağır yükün altından xilas etməyin yeganə yolu elə Baş nazir təyin olunmasıdır. Xülasə, gələk əsas məsələyə. Son vaxtlar çox hörmətli Mikayıl müəllimin vəkalətliyi ilə dövlət strukturlarına qohum- əqrabadan ibarət yerləşdirdiyi məmurlar artıq kütləvi narazılıqlar yaradıb. O cümlədən məhşur jurnalist E. Fətullayevin fb səhfəsində paylaşdığı statusdan da bunu görmək olar
Statusu olduğu kimi dərc edirik.

“Mikayıl Cabbarov və qohumbazlıq (nepotizm)

Uzun illər ərzində Azərbaycan məmurlarını qohumbazlıq sindromuna görə tənqid edib ittiham edirdik. Hətta Nazirlər Kabinetini qeyri-rəsmi Qudalar Kabineti adlandırıb, nepotizmə – yəni, yaxın qohumların və dostların peşəkar keyfiyyətlərinə görə yox, şəxsi münasibətlərə görə irəliyə çəkilməsinə, eyham vururduq. Lakin cəmiyyətimizin həyatında islahat şüarı ilə Mikayıl Cabbarov peyda olundu. Əski sistemi viran etsə də, fəqət yeni siyasətin bəhrələrinin intizarındayıq. Amma intizar çox çəkdi… Səbrli millətik, gözləyərik!

Lakin diqqətimi çəkən odur ki, dövlət vəzifələrində, biznes institutlarında, iyerarxiyada Mikayıl müəllimin xeyli sayda qohumlarının peyda olunmasıdır. Hara ayağını basmırsan Mikayıl müəllim və ya onun qohumları üzə çıxır. Sual doğur – bəs bu istedadlı şəxslər niyə əvvəllər öz qabiliyyətlərini ifadə etmirdi? Nə baş verdi birdən-birə? Bu möcüzənin səbəbi və ya səbəbkarı kimdir və ya nədir?

Səbəb – nepotizm, səbəbkar isə Cabbarovlar klanının xaç atası Mikayıl müəllimdir. Özü də ki, bu hörmətli şəxslərin hamısı birdən-birə var-dövlətə sahib çıxıb, zəngin həyat sürdülər. Vicdanla danışsaq, heç Ramiz Mehdiyevin hakimiyyətdə bu qədər qohum-əqrəbası olmayıb… Bəs maraqların konflikti? Bəs nepotizm? Bəs islahat? Bəs abır-həya?

Mütləqi-hakim Cabbarovun xalası oğlu Elnur Əliyev elə iqtisadiyyat nazirinin müavini vəzifəsində, bacanağı Zakir İbrahimov Azərgoldun başında, dayısı oğlu Balaş Qasımov İTV-nin rəhbəri kürsüsündə, obirisi qohumu Camal Qasımov Vergilər Nazirliyində Vergi Auditi Departamentinin baş direktoru postunda…

Siyahını uzatmaq da olar. Məsələn, bu günlərdə Cabbarovun yaxın qohumu Abdulla Tağıyev “SOCAR Petroleum” QSC-nin baş direktoru vəzifəsinə əyləşdirildi… Yaman proqressiv islahatçıdır bizim bu Mikayıl müəllim…”
Mikayıl müəllimin yaxın qohumu olan SOCAR Petroleum”un direktoru Abdulla Tağıyevdən haqlı narazılıqlar isə artıq pik nöqtədədir. Deyilənlərə əsaslansaq işə gücə həvəsi olmayan Abdulla müəllimi öz işçiləri təsadüfən yolda irzdə görsə tanımaz. O da bununla izah edilir ki, iş yerinin ünvanını unudan bu adam işə gəlmir. Zatən işə gəlməsinə belə ehtiyac qalmayıb.

Məşhur filmdə olduğu kimi, Kərbəlayi külli ixtiyarı Qəmloya vediyi kimi Abdulla müəllim də səlahiyyətlərini bacanağı İracəddin İsmayılov həzrətlərinə verib ki, bu adamın da Allahı yox, insafı yox, piri yox. Şəhid ailəsi, Vətən qazisi bilmir, ağına-bozuna baxmadan , yoxlamadan işçiləri işdən çıxardır. Özünü idarə etdiyi sahənin balaca padşahı hesab edən bu şəxs üçün qanunun aliliyi prinsipi pozula bilər. Lakin biriləri bu cənablara izah etsin ki, oturduqları rahat kresloların, yaşadıqları villaların xəmiri mayası şəhidlərimizin qanı ilə yoğrulmuşdur. Məgər Vətən müharibəsi iştirakçılarına qoyulan hörmət belə olmalıdırmı? Əgər nəzərə alsaq ki, İracəddin İsmayılovun ən böyük vəzifəsi bir bank filialının valyuta dəyişmə məntəqəsində sıravi bir işçi olub, olacaqları təsəvvür belə etmək çox çətindir.

“İslahatçı qanadın” nümayəndələri kimi vergidən qovulanları , barlardan, gözəllik salonlarından iş üçün “SOCAR Petroleum”a gətirilən kadrlar bu sahəyə yabançı olduqları üçün apardıqları ekspermentlərin acı nəticələrini təcrübəli mütəxəssislər yaşamaq məcburiyyətində qalırlar. Elə bu səbəbdəm Novruz bayramından az öncə Gəncə neft terminalında baş verən kütləvi narazılıqlar bunu deməyə əsas verir.
Hesab edirik ki, aidiyyatı qurumların bu sahədə ciddi yoxlamalar aparmasına zərurət yaranmışdır. Belə ki, araşdırılası məsələlər var ki, bazalarda yanacağın satışı zamanı artıq xüsusi qəbzlərin yazılması, məhsulu artırıb sonra saxta sənədlərlə mədaxil edilməsi, sonradan Bakı terminalında baha qiymətə satılması faktları hüquq-mühafizə orqanları tərəfindən nəzarətə götürülməli, hüquqi qiymət verilməlidir.
Mövzunu diqqətdə saxlayacağıq.

Rubrika. Az

Ləzzət dünyası” firmasının qablaşdırılmış hazır salatlarını almayın. Salatdan tük çıxır, gigiyenik qaydalar gözlənilmir.

Bu barədə Ləman Ella adı sosial şəbəkə istifadəçisi məlumat paylaşıb. O bildirib ki, qablaşdırılmış salatı açanda dəhşətə gəlib:

“Sadece dehşetdi. Adı “Ləzzət dünyası” olsa da çox pinti, çox mesuliyyetsiz şirkətmiş. Bu markanın mehsullarını tövsiyyə etmirəm”.

Tribunainfo.az

Dünən yayılan rəsmi xəbərlərdən məlum oldu ki, Türkiyədə baş vermiş güclü zəlzələ nəticəsində dağılan yaşayış evlərinə görə 325 nəfər həbs olunub. Türkiyənin Ədliyyə naziri Bekir Bozdağ bildirib ki, hazırda 1552 nəfər barəsində istintaq hərəkətləri başlanılıb.
Redaksiyamıza daxil olan məlumata görə, Türkiyədə baş verən dağıdıcı zəlzələ ilə bağlı həbs olunan şirkət rəhbərlərinin Azərbaycandakı nümayəndələri də istintaqa cəlb olunublar və barələrində axtarış elan olunub. Barəsində axtarış olunan şəxslərdən biri də Şahin İbadovdur.
Məlumatı əldə edən mənbə xəbər verir ki, bu haqda məlumat yerli media qurumlarında yer almışdır.
Məlumat üçün qeyd edək ki, Hataydakı zəlzələdə dağılan binalara görə, “Renaissance Residence”in podratçısı Mehmet Yaşar Coşkun həbs edilib. Və onun həbsi Azərbaycandakı şəriklərini, o cümlədən Şahin İbadovu ciddi narahat edib.
Belə ki, Şahin İbadov “Renaissance Residence”in Bakıda tikilən binalarında 29% paya şərik olub. Şahin İbadov eyni zamanda Türkiyədə Mehmet Yaşarla inşa edilən bəzi binalara şərik olub.
Qeyd edək ki, Şahin İbadov "Azəravtoyol" ASC-də sədrin müşaviri vəzifəsində işləyib və bir müddət öncə vəzifəsindən azad edilib. //gundelik-baku.org//

Adətən “lal deputat” kimi tanınan Milli Məclisin üzvü Kəmaləddin Qafarovun dili birdən-birə açılıb və bildirib ki, “Azərbaycanda bəzi dərmanların qiymətləri Türkiyədən ucuzdur”. Deputatın qəfil olan bu çıxışı lətifəyə bənzəyirdi, çünki reallıqda Azərbaycanda dərman qiymətlərinin süni şəkildə şişirdildiyi və onun nümunə gətirdiyi Türkiyə ilə müqayisədə qat-qat baha olduğu heç kəsə sirr deyil. Bunu elə parlamentin Səhiyyə Komitəsinin sədri Əhliman Əmiraslanov da Kəmaləddin Qafarovun çıxışına cavabında bildirib. “Mən görməmişəm ki, Türkiyədə baha olan dərman Azərbaycanda ucuz olsun. Düzdür, son vaxtlar Türkiyədə də dərmanların qiymətləri bahalaşıb. Amma deyə bilmərik ki, bəzi dərmanların qiyməti bizdə Türkiyədəkindən ucuzdur”, – komitə sədri deyib.

Kəmaləddin Qafarovun dilə gəlməsi və belə bir iddia irəli sürməsi maraqlı olduğu qədər də gülüş doğurur. Təkcə ona görə yox ki, deputatın iddiası doğru deyil, həm də bu iddianı irəli sürən Kəmaləddin Qafarov ölkədə dərmanların qiymətinin baha olmasının əsas baiskarlarından biridir və belə bir şəxsin “Azərbaycanda dərmanlar ucuzdur” deməsi yumşaq desək gülüncdür, həm də məqsədin qanunverici orqanın tribunasından öz biznesini legitimləşdirmək məqsədi daşıdığı aydın görünür.

AzToday.az xəbər verir ki, açıq mənbələrdə yayılan məlumatlara görə, deputat olan Kəmaləddin Qafarovun müxtəlif sahələrdə biznesi var, lakin onun əsas gəlir mənbəyi məhz dərman satışındandır. “AzəriMed” MMC şirkəti Kəmaləddin Qafarovun ən böyük dərman firmasıdır. Şirkət həm də “Tibbi Market”də tibbi ləvazimatların və avadanlıqların satışını həyata keçirir. O cümlədən, “Zəfəran” apteklər şəbəkəsi və “Zəfəran Hospital” da şirkətə daxildir. Şirkət kağız üzərində Kəmaləddin Qafarovun yaxın qohumu Canliya Qafarova Rəhim qızının adınadır. “Kanon” MMC Qafarovun digər firmasıdır. Şirkətə “Kanon” apteklər şəbəkəsi daxildir.

Qanuni təmsilçisi Kəmaləddin Qafarovun əmisi oğlu Hüsaməddin Qafarovun olduğu “Shafran” MMC də dolayısı ilə deputata məxsusdur. Deputatın dərman biznesinə “Avestafarm” MMC, “Naturalist” firması da daxildir. “Naturalist” firmasının təsisçisi kağız üzərində Qafarovun qardaşı Cəlaləddin Qafarovdur.

Mediada yayılan məlumatlara görə, Kəmaləddin Qafarovun əczaçılıq biznesi ölkə sərhədlərinin hüdudlarını aşır. Misal üçün, Gürcüstanda fəaliyyət göstərən, Tbilisi, İsani-Samqor rayonu, Qorqasali küçəsi 41 ünvanında hüquqi qeydiyyatda olan “Helios Pharma” LTD-nin də K.Qafarova məxsus olduğu deyilir. Şirkət Tamara Qamzaşvili adlı gürcü qadın tərəfindən idarə olunur. Eləcə də yunan Kiprində fəaliyyət göstərən “SALİDONT LTD”-nin də deputatın biznes imperiyasına bağlı olduğuna dair məlumatlar yayılıb.

Dərman biznesində böyük paya sahib olan K.Qafarov həm də Milli Onkologiya Mərkəzinin direktor müavinidir və dövlətin bura ayırdığı pulların böyük əksəriyyətinin deputata məxsus “AzəriMed” şirkətinə transfer edildiyi, dərmanların oradan alındığı haqda məlumatlar var. Milli Onkologiya Mərkəzinin “AzəriMed”lə imzaladığı rəsmi müqavilələr də bunu deməyə əsas verir. Onkologiya Mərkəzində dəhşətli bahalığın arxasında da məhz Kəmaləddin Qafarov dayanır.

Kəmaləddin Qafarovun biznesi dərman sahəsi ilə də yekunlaşmır. Paytaxtın ən dəbdəbəli və bahalı şadlıq evlərindən olan “Versal Palace” Qafarovlar aləsinə məxsusdur. “Versal Palace” MMC tərəfindən idarə olunan şadlıq evinin qanuni təmsilçisi deputatın qardaşı Cəlaləddin Qafarovdur.

Qanun deputatların biznes fəaliyyətini qadağan edir, lakin göründüyü kimi, bunun Kəmaləddin Qafarova aidiyyəti yoxdur. O, qanunverici orqanda əyləşsə də, müxtəlif şəxslər üzərindən biznesini idarə etməyə davam edir və ölkədə dərmanların “əl yandıran” qiymətlərinin əsas səbəbkarıdır. Amma Milli Məclisin kürsüsündən “dərmanlar ucuzdur” çıxışını edəcək qədər də yalan danışır.

Görünür, Milli Məclisdəki deputat mandatı Kəmaləddin Qafarova xalqı təmsil etmək üçün yox, biznesini qorumaq və yeri gələndə qanunsuz fəaliyyətlərini legitimləşdirmək üçün lazımdır.

Əslində depuatatların bu kimi reallıqdan uzaq bəyanatları adi hal alıb. Amma indiki halda K.Qafarovun fikrinə komitə sədri Ə.Əmiraslanovun sərt reaksiyası xüsusi diqqət çəkir. Hakim komandaya yaxın mənbələrdən daxil olan məlumata görə, bu əslində Qafarovun “qələminin qırılmasının” ilkin işartılarıdır: “Kamaləddin Qafarov “Naxçıvan klanı”nın nümayəndəsi kimi tanınır və onun biznesinin çiçəklənməsində Vasif Talıbov faktoru da rol oynayıb. İnki iqtidar daxilində gedən kadr islahatı və “köhnə qvardiya” ilə vidalaşma dalğası Qafarova da öz təsirini göstərəcək” //AzToday.az//

Neftçala rayonunda axund təyinatı ilə bağlı narazılıq yarandığı barədə məlumat vermişdik.

32gun.az xatırladır ki, məlumatda yeni axund Hacı Cəfər Cəfərovun sələfi Hacı Mir Seymur Əliyevin vasitəsi ilə Neftçalada fəaliyyət göstərən “Sahib-əz-Zaman” məscidinə təyinat aldığı iddia olunurdu. Həmçinin qeyd edilirdi ki, Hacı Cəfər Cəfərovla Hacı Mirseymur Əliyevin yeni qaydaları narazılığa səbəb olub. Məlumatda Hacı Cəfər Cəfərovun sürücülük vəsiqəsi olmadan avtomobil idarə etməsi və qəza törətməsi də əks olunmuşdu.

Bu məlumatlarla bağlı qarşı tərəfin mövqeyini öyrənmək istəsək də, mümkün olmamışdı.

Bu gün Hacı Cəfər Cəfərov 32gun.az-ın redaksiyasına zəng edərək iddialara aydınlıq gətirib. O əvvəlcə axund təyin olunması barədə danışıb:

"Mən əvvəlki axund Hacı Mir Seymur Əliyevin müavini olmamışam, bundan öncə Bakı şəhəri "Heydər" məscidində çalışmışam. Əvvəlki axund bizim rayondan idi. Mən özüm də bu rayondanam və öz kəndimizdə axund olmuşam. O da rayonun baş axundu olduğu üçün bütün kəndlərdəki axundlarla əlaqəsi var. Mənimlə də onun kimi...

Sonradan mən Bakı İslam Universitetinə qəbul olmuşam və oranı qırmızı diplomla bitirib, Bakı şəhəri "Heydər" məscidində çalışmışam. Dini Qurumlarla İş üzrə Dövlət Komitəsinin ilk imtahanında iştirak edərək 29 bal toplamışam. Bu da kifayət qədər yüksək baldır. Həmçinin mən heç Neftçala məscidinə gəlmək üçün sənədlərimi verməmişdim. Sənədlərimi Suraxanıda yerləşən "Fatimeyi-Zəhra" məscidinə vermişdim. Hətta o ərazidə ailə üzvlərimlə qala bilmək üçün kirayə ev də axtarırdım. Sadəcə komitənin sədr müavini Gündüz İsmayılov mənə zəng edərək bildirdi ki, səni Neftçala məscidinə təyin etmək istəyirik, öz rayonundur.

İlk olaraq təklifi qəbul etməsəm də, sonradan düşündüm ki, valideynlərim buradadır, onlar tək qalmasın deyə və Neftçalada da belə bir kadra ehtiyac olduğu üçün razılaşdım. Komitəyə zəng edərək bildirdim ki, təklifiniz hələ də keçərlidirsə mən qəbu edirəm. Bu təyinatdan heç Hacı Mir Seymur Əliyevin xəbəri olmayıb.

Məndən əvvəl buraya başqa biri də müraciət etmişdi. O əvvəlki axundun müavini Hüseyn Vüsal İlqar oğlu olub. O da 26 bal toplayıb. Təyinat zamanı da toplanan bal xüsusi önəm daşıyır. Hazırda o mənim müavinimdir. Neftçala məscidi üçün ümumilikdə 5 nəfər sənəd verib. Bir nəfərin sənədi qəbul olunmadı . 4 nəfər imtahan verib, 1 nəfər kəsilib. Digər 3 nəfər 26 bal topladığı üçün seçilən mən seçildim".

Düşdükləri qəza barəsində də danışan Hacı Cəfər Cəfərov bildirib ki, hadisə şəhidlə bağlı tədbirə gedən zaman baş verib:

"Arxada iki maşın qəza törətmişdi. Həmin qza törədən maşınlardan biri bizim məscidə məxsus olan maşınla toqquşdu. Bu zaman mən də həmin maşının içərisində idim. Amma sükan arxasında mən olmamışam. Bunun bağlı hadisə yerinə polis əməkdaşları gəlib. Hətta sığorta şirkəti ziyandəymiş kimi bizim avtomobillə bağlı ödəniş edəcək".

Tətbiq edilən yeni qaydalardan da danışan axund bildirib ki, həmin qaydaları o, tətbiq etməyib, əvvəldən belə olub: “Bütün məscidlərdə işçilər var. Cənazənin yuylma, kəfənlənməsi məsələsini məscidin qarşılamağa imkanı olmadığı üçün müəyyən məbləğ təyin edilir.

Kəfənin, yuyucunun pulu təyin edilir. Su, işıq, qaz məsciddən işləndiyinə görə, 20 manat ödəniş edilir. Qalan ödənişlər isə pulla alınan kəfəndir. Eləcə də cənazəni yuyan şəxsə də ödəniş edilir. Həmçinin dəfn din xadimləri tərəfindən icra olunur. Çünki təkcə mən dəfn etmirəm. Cənazəni kim dəfn edirsə ona 50 manat pul ödənilir.

Amma ümumiyyətlə məscidimizin öz fondu var. Fəqirlər, kasıblar, şəhid ailələri üçün məscidimizin balansına kəfən alınıb. Cənazəni dəfn etmək üçün taxtalar alınıb. Eləcə də, uyucu, qəbqazan maşınla danışılb ki, kasıb olarsa, şəhid ailəsi, şəhid olarsa onlar üçün bütün işlər tam təmənnasız yerinə yetirilməlidir. Bu da hər kəsə şamil edilmir, çünki məscidin o qədər imkanı yoxdur. Yazılan 170 manat da yuxarıda sadaladığım məsələlərdə tələb olunur.

Anlayıram gəncəm, bizi bu postda istəməyənlər də çoxdur. Amma biz bu postu xidmət vasitəsi bilirik. Amma bəziləri bunu xüsusi məqam, "kreslo" kimi başa düşür".

32gun.az

Bakı şəhər sakini Elmira Hümbətova Azinforum.az-a müraciət edərək bildirib ki, içməli su istehsalı ilə məşğul olan şirkət onu problemə salıb. Şikayətçinin sözlərinə görə, o, daima bir adda sudan istifadə edib. Bir neçə gün əvvəl, yenə su sifariş edib.

Suyun təchizatı ilə onu daim təmin edən Tapdıqov Famil Atəş oğlu adlı işçi bu dəfə xanıma “Çiçəkli” adda bir su gətirib. Brendin fərqli olduğunu görən vətəndaş buna etirazını bildirib. Şirkət təmsilçisi məsuliyyətdən yayınmaq üçün müştəri ilə mübahisəyə girib, hətta xanımı təhqir də edib.

Şikayətçinin sözlərinə görə, o, yaranmış vəziyyətlə bağlı Abşeron Rayon Polis İdarəsinə şikayət edib: “Məlum olub ki, Tapdıqov Famil öz iş yerini dəyişərək, “Çiçəkli”yə gələndə bütün müştəri bazasını da özü ilə gətirib. Bu minvalla köhnə müştərilərə “Çiçəkli” adlı suyu sırımağa başlayıb. Bu da istehlakçıların aldadılması anlamına gəlir.

Araşdırma zamanı məlum oldu ki, “Çiçəkli”nın buraxdığı sular heç lazımi standatlara da cavab vermir. Mən polisin də yanaşmasından razı deyiləm. Bu məsələyə mülki problem kimi baxırlar. Ancaq mənə qarşı edilən əməldə cinayət tərkibi var”.

DİA.AZ olaraq Azinforum.az-a istinadla uyğun videomaterialı təqdim edirik:

Adları çəkilən hər bir şəxsin fikirlərinə yer verməyə hazırıq.