Daxili işlər orqanlarında yeni təyinat olub.

Bu barədə Daxili İşlər naziri, general-polkovnik Vilayət Eyvazov müvafiq ımr imzalayıb.

Əmrə əsasən, Xəzər Rayon Polis İdarəsinin İstintaq şöbəsinin rəisi, polis polkovnik-leytenantı Həsən İsmayılov tutduğu vəzifədən azad olunaraq Xəzər Rayon Polis İdarəsi rəisinin əməliyyat işləri üzrə müavini təyin edilib.

​Lent.az

Biləcəri qəsəbəsi Yeni Massivdə sakinlər su və kanalizasiya sisteminin olmamasından şikayətçidir. Onlar deyir ki, dəfələrlə Azərsuya müraciət etsələr də şikayətlərinə baxılmır. Suyu qablara yığaraq istifadə edirlər.

Toplum TV

“Mənim həyat yoldaşım Arzu Cəfərli Cəlilabad rayon mərkəzi xəstəxanasında anestezioloq-reanimatoloq vəzifəsində çalışır. Neçə illərdir ki, bu kollektivdə işləyir. Amma gecə-gündüz çalışmasının əvəzində qəpik-quruş qazanır. Bunun da tək səbəbi TƏBİB tərəfindən müayinə və müalicə üçün bonusların az hesablanmasıdır. Üstəlik, hesablanmış bonusların ödənişi aylarla gecikir”.

Bunu Bizim.Media-ya müraciətində Cəlilabad rayon sakini Vaqif Cəfərli deyib.

O bildirib ki, məsələ ilə bağlı əmək müfəttişliyinə müraciət edib:

“Oradan mənə bildirdilər ki, bu bizim səlahiyyətimizə aid məsələ deyil, ancaq TƏBİB bu problem həll edə bilər. Ona görə də sizə müraciət etdim ki, bu məsələni ictimailəşdirəsiniz. Çünki, bu problemdən bütün həkimlər əziyyət çəkir”.

Məsələ ilə bağlı Azərbaycan Həkimləri İctimai Birliyinin sədr müavini Aydın Əliyevin mövqeyini öyrəndik.

DİA.AZ-ın məlumatına görə, Bizim.Media-ya açıqlamasında o bildirdi ki, bu problem bu günün problemi deyil:

“Bununla bağlı biz çoxlu çağırışlar etmişik. Amma TƏBİB haqlı səsimizə səs vermir. Problem təkcə regionlarda deyil, Bakının özündə də var. TƏBİB-in tabeliyində olan publik hüquqi şəxslərin hamısında həkimlərin haqqı tapdalanır. Həkimlərin bonus əlavələri kəsilir, nəzərdə tutulan qəpik-quruşun ödənişi də aylarla gecikdirilir. Bu da ölkədə səhiyyə sisteminin düzgün qurulmamasının nəticəsidir. İş düzgün təşkil edilməyib.

Səhiyyəni idarə edən qurumların əsas heyətinin hədəfi əhalinin sağlamlığı keşiyində durmaq deyil, şəxsi maraqlarıdır. Çox təəssüf ki, bu da dövlətin səhiyyə siyasətinə kölgə salır, uğurlarını əngəlləyir”.

Səsləndirilən fikirlərlə bağlı TƏBİB-ə sorğu göndərdik.

Mövzunu diqqətdə saxlayacağıq.

Lənkəran rayonunun Təngivan kənd sakinləri deyir ki, son 1-2 gündür gecələr havadan üfunət iyi çəkilib, amma çayda hələ də lillənmə müşahidə edilir.

Təngivanlılar uzun illərdir Lerikin Piran kəndində yerləşən “Lerik Broyler MMC”yə məxsus “Lebro” quşçuluq təsərrüfatının havanı və Lənkəran çayı çirkləndirdiyindən şikayətlənirlər. Sakinlər bir neçə dəfə etiraz aksiyası keçirməyə də cəhd ediblər. Onların sözlərinə görə, hazırda Ekologiya və Təbii Sərvətlər Nazirliyinin monitorinq qrupu kənddədir. Şikayətçi tərəf kimi kənd sakinləri də monitorinqdə iştirak edirlər.

Kənd sakini Vüqar Əliyev Meydan TV-yə bildirib ki, əvvəlki illərdə də şirkət cərimələnib. Amma cəriməni ödəməyib və işini davam etdirib.

“Əvvəllər də belə olub. Məsələ ictimailəşəndən sonra toyuq tullantılarını yandırmağı dayandırıblar. Prezidentin ekoloji məsələləri diqqətdə saxlamasından sonra çox ümidliyik. Yəqin ki, uzun müddət ətraf mühitin çirkləndirilməsi dayandırılacaq”,- sakinlər bildiriblər.

Vüqar Əliyev isə deyib ki, bir neçə gün bundan əvvəl çay yenidən lilli olub:

“Broyler şirkəti deputat İqbal Məmmədovundur, yaxınları tərəfindən işlədilir. Bundan başqa, deputatın Lerikdə karxanası da var. Çay 3 mənbədən broyler təsərrüfatı, deputatın karxanası və Təngivandakı tanınmış rəssamlardan birinin karxanası tərəfindən çirkləndirilir. Nazirlik hazırda əsasən broyler təsərrüfatı ilə məşğuldur”,- sakinlər deyib.

Onlar bildiriblər ki, uzun aylardan bəri ilk dəfədir üfunətsiz gecə keçirirlər.

“Lerik Broyler MMC”-dən məsələ ilə bağlı məlumat verə bilməyəcəklərini deyiblər və “şirkətimiz ölkənin ən iri broyler şirkətidir” deyə suala aidiyyatı olmayan açıqlama verməklə kifayətləniblər.

Lerikin Piran Kənd Bələdiyyəsindən isə deyiblər ki, onlar sakinlərin narazılığından xəbərdar deyillər.

Ekologiya və Təbii Sərvətlər Nazirliyindən isə monitorinq aparıldığını, nəticələrlə bağlı açıqlama verəcəklərini deyiblər. //Meydan TV//

Bərdə şəhərində Ulu öndər Heydər Əliyevin adını daşıyan park-bulvar baxımsız vəziyyətdədir.

AzFakt.com xəbər verir ki, park-bulvarın ərazisində olan hovuzlar aylarla təmizlənmir. Asudə vaxtlarını səmərəli keçirmək üçün parka gələn insanları aylarla təmizlənməyən hovuzdan iylənmiş su qoxusu vurur.

Parkda skamyalardan bəziləri də sınıq-salxaqdır.

Qeyd edək ki, Bərdə şəhərində Ulu öndər Heydər Əliyevin adını daşıyan park-bulvar 2015-ci ilin mart ayında istifadəyə verilib.

Astara şəhər sakıni Gülxarə Axundova təndirdə çörək bişirib satır. Amma şikayətlənir ki, bu təndiri də ona çox görənlər var.

Axundovanın sözlərinə görə, səhhətində də ciddi problemlər var, bir ayağı zədəlidir, bir əli yaxşı işləmir, üstəlik, başqa ağrıları da var. Onun bildirməsinə görə, Astara şəhər Bələdiyyəsinin nümayəndəsi və tanımadığı bir nəfər ondan polisə şikayət də edib. Vurğulamasına görə, ona məxsus təndirxananın bağlanmasını, torpaqdan əl çəkməsini istəyirlər. O deyir ki, təndiri əlindən alsalar, dilənçi vəziyyətinə düşər: "Gündə 20 ədəd çörək bişirirəm, altı ədədini mağazaya verirəm, qalanlarını təndir başında satıram. Bir ədəd 50 kiloqramlıq un kisəsini beş gün bişirirəm. Gündə mənə 3-4 manat qalır. Mən o 3-4 manatla dolanıram. 10 ildən yuxarıdır burada çörək bişirirəm, mənə dəyib-dolaşan olmayıb. Ötən ilin noyabrından məni boğaza yığıblar. Oğlum belə vəziyyəti görüb Bakıya işləməyə getdi. Həyat yoldaşım rəhmətə gedib. Evdə tək yaşayıram".

69-yaşlı Gülxara Axundova aldığı pensiyanı isə dərmanlara verdiyini bildirir: "325 manat pensiya alıram. Hamısı dərmana gedir. Ayda bir dəfə bir kiloqram ət alıram. Əmək fəaliyyətinə başqasının adı altında 11 yaşından başlamışam. Atam müəllim idi. Səkkiz nəfərdən ibarət ailəni saxlamaqda çətinlik çəkirdi. Sovetlər ləğv olundu, işlədiyim sovxoz da ləğv olundu. Aclıq çəkirdik. Gördüm ki, bizim ağır vəziyyətimiz heç kimi maraqlandırmır...".

"Yaydır, istidir, təndirin alovu da adamı yandırır"
Deməsinə görə, dolanışıq üçün məcbur qalıb bu təndiri tikdirib: "Səhər gün çıxmamış durub çörək bişirirəm. İşim gecə saat 11-12-dək çəkir. Yaydır, istidir, təndirin alovu da adamı yandırır. Başqasına möhtac olmaqdan yaxşıdır. Buna da imkan vermirlər".

Kaverin küçəsində yaşadığı binanın qarşısında çirkab suları üçün anbar tikilib. Onun sözlərinə görə, bina baxımsızlıqdan dağılır: "Bina 1970-ci illərdə tikilib. Çoxuşaqlı ailə olduğumuza görə bu mənzili atama veriblər. Burada səkkiz ailə yaşayır, hamı kasıbdır. Bina tikiləndə kanalizasiyası və su xətti çəkilməyib. Mənzillərdə ayaqyolu da tikməyiblər. Hərə özünə imkan daxilində su çəkib, ayaqyolu tikib. Elə ailə var ki, mənzilində ayaqyolu yoxdur...".

"Varlı məmurlar üçün hər şey olar, bizə təndirxana olmaz?"
Axundova antisanitariya vəziyyətinin yarandığını deyir: "Biabırçılıqdır. Bunları görmürlər, ancaq mənim təndirxanamı görürlər. Varlı məmurlar üçün hər şey olar, bizə təndirxana da olmaz?".

O əlavə edir ki, onun mənzili ikinci mərtəbədədir, aşağı mərtəbədə yaşayan qonşular təndirin sökülməsini istəyirlər: "Etiraz etmirəm. Yaxınlıqda torpağım var. Təndirxananı ora aparmaq istəyirəm. Bələdiyyə ilə şəhər nümayəndəliyi qoymur. Məndən sənədin əslini istədilər, verdim. Oranı təmizlədik, abad etdik".

"Evdə olmamışam polis gəlib"
Onun sözlərinə görə, qarşılaşdığı problemlərlə bağlı dəfələrlə şikayət edib, lakin şikayətinə baxan olmayıb: "Guya, mən bələdiyyə nümayəndəsini döymüşəm. Xəstə adamam. Ayaq üstə çətinliklə qalıram. Belə vəziyyətdə onu necə döyə bilərəm? Evdə olmamışam, polis gəlib. Getdim prokurorluğa, orada səhhətim pisləşdi, gətirdilər evə. Onlara məktub göndərmişəm".

"Ona kömək etmək istəyirik"
Bu deyilənlərlə bağlı yerli hüquq-mühafizə orqanları ilə danışmaq mümkün olmayıb. Amma Astara rayon İcra Hakimiyyəti başçısının Astara şəhər inzibati ərazi vahidi üzrə nümayəndəsi Şahverən Cavadın sözlərinə görə, Gülxara Axundovanın dediyi torpaq dövlətə məxsusdur: "Təndirlə bağlı ona bir söz deməmişik. Mən gecə gəlmişəm rayona. Onun dediyi torpaq sahəsi isə dövlətə məxsusdur, ümumi istifadədə olan torpaqdır. Sovet dövründə orada binada yaşayanlar üçün ayaqyolu tikilib, sonra dağılıb. Dövlət torpağını almaq üçün də qaydalar var. Ona kömək etmək istəyirik".

"Sadəcə ona təklif vermişik ki..."
Astara şəhər Bələdiyyəsinin adının çəkilməsini istəməyən bir nümayəndəsi də Axundovanı polisə vermələri ilə bağlı onun dediklərini təkzib edir: "Yallan məlumatdır. Onun yol kənarında dövlətə məxsus, ümumi istifadədə olan torpaqda təndirxanası var. Sadəcə ona təklif vermişik ki, təndirxanaya əl gəzdirsin, biz də ona kömək edək. Onun istədiyi torpaq isə bələdiyyənin deyil. Bələdiyyənin olsaydı, başqa məsələ... Özü üçün çörəkpulu qazanır".

AzadlıqRadiosu ©

Keçən günlərdə barəsində müxtəlif iddialar səslənən və kifayət qədər SİRLİ MƏMUR təsiri bağışlayan Bakı şəhər İcra Hakimiyyətində Ərazinin planlaşdırılması və inkişafı şöbəsinin müdiri Mübariz Əlmədətovla bağlı ilginc iddiaların yer aldığı materialı təqdim etmişdik. DİA.AZ-ın təqdim etdiyi məlumatlardan aydın olurdu ki, əslində "köhnə komanda"nın İŞDÜZƏLDƏNİ kimi tanınan Mübariz Əlmədətov hüquq-mühafizə orqanlarının da hədəfindədir.

Məlumatda həmçinin qeyd olunurdu ki, yaxın günlərdə inunla bağlı konkret addım atılsın... Çünki adam çox irəçli gedib...

DİA.AZ-a daxil olan son informasiyalardan isə aydın olur ki, kifayət qədər SİRR DAĞARCIĞI hesab olunan Mübariz Əlmədətov əslində hüquq-mühafizə orqanları üçün çox ciddi qaynaq rolunu oynaya bilər: "Onu danışdırsalar, "yuxarıların" nəzərindən qaçan böyük yeyinti faktları da ifşa oluna bilər. Elə buna görə də hazırda Mübariz Əlmədətov çox nüfuzlu məmurlardan biri tərəfindən ciddi şəkildə qorunur. Amma hara qədər?"

Həmin məmurun kimliyinə gəlincə isə... Bu barədə daha geniş materialımız olacaq.

Məsələ diqqətimizdədir. Əlavə bilgilərimiz olacaq...

İddia olunanlarla bağlı olaraq qarşı tərəfi də dinləməyə hazırıq...

Azərbaycan Respublikasının Prezidenti İlham Əliyev Bakının Pirallahı rayonunda “Diamed” dərman istehsalı zavodunun açılışında iştirak edib.

İqtisadiyyat naziri Mikayıl Cabbarov və “Diamed Development Group” MMC-nin təsisçisi Aytən Quliyeva dövlətimizin başçısına görülən işlər barədə məlumat verdilər.

Layihənin əhəmiyyəti barədə videoçarx nümayiş olundu.

Qeyd edək ki, qeyri-neft iqtisadiyyatının inkişafı və sənayeləşmə Prezident İlham Əliyevin iqtisadiyyatın şaxələndirilməsi siyasətinin əsas istiqamətlərindəndir. Bu baxımdan iqtisadiyyatın digər sahələri ilə yanaşı, sənayenin inkişafına xüsusi əhəmiyyət verilir, mövcud təbii və iqtisadi resursların istehsala cəlb edilməsi, qabaqcıl texnologiyaların daha geniş tətbiqi istiqamətində sistemli tədbirlər həyata keçirilir.

Ölkəmizdə sənayeləşmə siyasətinə uyğun olaraq ixtisaslaşmış sənaye parkları və sənaye məhəllələri yaradılır. Hazırda ölkəmizdə 7 sənaye parkı (Sumqayıt Kimya, Qaradağ, Pirallahı, Mingəçevir, Balaxanı, Ağdam və Cəbrayıl rayonunda yerləşən “Araz Vadisi İqtisadi Zonası” sənaye parkları) və 5 sənaye məhəlləsi (Hacıqabul, Masallı, Neftçala, Sabirabad və Şərur sənaye məhəllələri) mövcuddur. Sənaye parkları və məhəllələrdə sahibkarlıq fəaliyyətinin inkişafı üçün əlverişli investisiya mühiti yaradılıb.

Sənaye parklarının rezidentləri qeydiyyata alındıqları tarixdən etibarən 10 il müddətinə əmlak, torpaq, gəlir və ya mənfəət vergisindən, istehsal məqsədilə idxal etdikləri texnika, texnoloji avadanlıq və qurğular isə ƏDV-dən və gömrük rüsumlarından azad olunurlar. İndiyədək sənaye zonalarında 134 sahibkarlıq subyektinə rezidentlik statusu verilib və bunlardan artıq 68-i fəaliyyətə başlayıb. Sahibkarlar tərəfindən bu günədək sənaye zonalarına 6,56 milyard manatdan çox investisiya yatırılıb və 10 min 600-dən çox daimi iş yeri yaradılıb.

Dövlətimizin başçısının müvafiq Sərəncamı ilə əczaçılıq məhsullarının istehsalı sahəsində ixtisaslaşmış Pirallahı Sənaye Parkı da yaradılıb. Bu günədək Parkda 6 müəssisə rezident kimi qeydiyyatdan keçib. Onlardan “R-Pharm” MMC və “Diamed Co” MMC artıq fəaliyyətə başlayıb. Rezidentlər tərəfindən 36,6 milyon manatdan çox investisiya yatırılıb, 130-dan çox iş yeri yaradılıb. Növbəti mərhələdə 30 milyon manat investisiyanın qoyulması və daha 250-dən artıq iş yerinin yaradılması nəzərdə tutulur. Bu Sənaye Parkının rezidentləri tərəfindən indiyədək 37 milyon manatlıq məhsul istehsal olunub.

Ölkəmizdə müasir sənaye müəssisələrinin, yeni istehsal sahələrinin yaradılması nəticəsində daxili tələbatın ödənilməsində yerli məhsulların payı əhəmiyyətli dərəcədə artır, ixrac imkanları genişlənir. Belə müəssisələrdən biri də “Diamed Development Group” MMC-nin Pirallahı rayonunda yaradılan dərman zavodudur. Bir hektar ərazisi olan zavod 3 min kvadratmetr qapalı sahədən ibarətdir.

Qeyd edək ki, Prezident İlham Əliyevin Sərəncamı ilə 2006-cı ildə fəaliyyətə başlayan “Azərbaycan İnvestisiya Şirkəti” Açıq Səhmdar Cəmiyyətinin yaradılmasının əsas məqsədi mövcud və yeni kommersiya müəssisələrinə yerli və xarici investorlar cəlb etməklə və öz vəsaiti hesabına müddətli investisiya qoyuluşları vasitəsilə ölkəmizdə iqtisadiyyatın qeyri-neft sektorunun inkişaf etdirilməsidir. Şirkətin fəaliyyətinin əsas prioritetləri birbaşa investisiyalar və yeni texnologiyaların Azərbaycana cəlb edilməsi üzrə katalizator olmaq, ölkəmizdə qeyri-neft sektorunun inkişafına töhfə vermək, habelə iqtisadiyyatın şaxələndirilməsi və idxalı əvəzləyən proseslərə dəstək verməkdir. Şirkət fəaliyyəti dövründə 27 layihəyə 224 milyon dollar investisiya yatırıb. Bu layihələrin 11-i xarici tərəfdaşlarla birgə icra olunub.

“Azərbaycan İnvestisiya Şirkəti” ASC bu dərman zavodunun tikintisinin maliyyələşdirilməsində də iştirak edib. Ümumi dəyəri 15,6 milyon manatdan çox olan “Diamed” dərman zavodunda “Azərbaycan İnvestisiya Şirkəti”nin payı 20 faizdir.

Bu müəssisəyə dövlət tərəfindən digər dəstək tədbirləri də göstərilib. Belə ki, layihənin reallaşması üçün İqtisadiyyat Nazirliyinin Sahibkarlığın İnkişafı Fondu tərəfindən 6 milyon manat güzəştli kredit verilib. Sahibkarlığın inkişafına digər bir dövlət dəstəyi çərçivəsində İqtisadiyyat Nazirliyi tərəfindən verilmiş investisiya təşviqi sənədi sayəsində müəssisə idxal etdiyi avadanlıqlara görə 1,3 milyon manat güzəşt əldə edib.

Prezident İlham Əliyev zavodu işə saldı.

İstehsal prosesi ilə yaxından tanış olan dövlətimizin başçısına məlumat verildi ki, zavodda müxtəlif adlarda, geniş çeşiddə (NaCl 0,9 faiz; Ringer; Ringer laktat; Qlükoza və s.) və müxtəlif həcmlərdə (100 ml, 200 ml, 250 ml, 400 ml, 500 ml) həyati vacib və zəruri venadaxili dərman məhlulları istehsal olunacaq. Müəssisənin illik istehsal gücü 20 milyon litrdir. Qeyd olundu ki, ölkəmizin bu dərmanlara olan illik tələbatı isə təxminən 15 milyon litrdir. Beləliklə, müəssisədə istehsal edilən məhsulların yerli bazarın tələbatını ödəməsi ilə yanaşı, Rusiya, Gürcüstan və Orta Asiya ölkələrinə ixracı da nəzərdə tutulur.

“Diamed” dərman zavodunda 100 iş yeri yaradılıb. Müəssisənin layihəsi İsveçrə şirkəti tərəfindən Qabaqcıl İstehsal Təcrübəsinə (GMP), istehsal xətti isə Avropa Farmakopeyasına uyğun olaraq hazırlanıb. Yüksək texnologiya və tam qapalı sistemlə təchiz edilmiş zavodun istehsal avadanlıqları İtaliya, ABŞ, Almaniya, İsrail kimi ölkələrdən alınıb. İstehsal olunan məhsullar zavoda məxsus müasir laboratoriyada Avropa Farmakopeyasının tələblərinə uyğun mütəmadi olaraq yoxlanılır.

"Yardımlı rayonunda 2023-cü ilin Dövlət büdcsindən ayrılan 850000 manatlıq Tender yeyintisi var". Bu iddia DİA.AZ-a göndərilən müraciətdə deyilir.

DİA.AZ-a yazan müraciət müəllifləri daha sonra bildirir: "Bunun bir adı var: Yardımlı rayonunda tender oyunu... Yardımlı rayon İcra Hakimiyəti Başçısının sabiq müavini Mahir Mirəyev işdən çıxsa da, yenidən Yardımlı rayon büdcəsinə əli uzanır. Belə ki Yardımlı rayonunda 2023-cü il üçün elan edilmiş 2 tenderin nəticələrinə görə, (biri 755 min manatlıq - Yardımlı rayonunda yolların təmiri məqsədilə, digəri isə 50 min manatlıq - Yardımlı rayonunda abadlıq işləri ilə bağlı elan edilmiş müsabiqələr) Mahir Mirzəyevin müəsissəsinin adı qalib kimi göstərilib. Və bu da o deməkdir ki, Yardımlı rayonunda əvvəlki özbaşınalıq qanunsuzluğu Mahir Mirzəyev davam etdirir, heç nə dəyişməyib.

DİA.AZ vasitəsilə aidiyyatı qurumlardan xahiş ediirk ki, Yardımlı rayon İcra Hakimiyyəti tərəfindən elan edilmiş bu müsabiqələr ciddi araşdırılsın. 755 min və 50 min manatların hara getdiyi müəyyən olunsun. Bu pullarla Yardımlı rayonunda çox çiddi işlər görmək olar..."

İddia olunanlarla bağlı olaraq bütün aidiyyatı olan qurum və şəxslərin mövqelərini işıqlandırmağa hazırıq..

Xəzəri ən çox çirkləndirən ərazi Novxanıdır... Biz bir media olaraq öz fantaziyamıza deyil, dövlət qurumlarının rəsmi məlumatlarına əsaslanıb məqalələr yazırıq. Bəli, rəsmi məlumatlardan bəlli olur ki, Xəzər dənizinin çirklənməsində ən çox “payı” olan ərazi Novxanı ərazisidir. Novxanı qəsəbəsində yerləşən ictimai-iaşə müəssisələri, restoranlar, kafelər, istirahət kompleksləri ilin bütün günü, gecə-gündüz Xəzər dənizinə tullantılar, zir-zibil axıdırlar. Belə obyektlərdən biri də Sumqayıt şəhəri, Sumqayıt Novxanı yolu, dənizkənarı sahə ünvanında yerləşən... fiziki şəxs Kılıç Mehriban Cahan qızına məxsus “LİMAN” restoranınıdır.
Dövlət qurumlarının apardığı yoxlamalar zamanı bəlli oldub ki, müəssisədə mal qonşuluğu prinsipinə riayət edilmir. Yəni ət, toyuq, balıq, qiymə, soğan, qatıq, kartof, kök, sarımsaq eyni soyuducu anbarda saxlanılır. “LİMAN” restoranında aparılmış yoxlama zamanı məlum olub ki, ictimai iaşə müəssisəsində istehsal olunan “Azərbaycan” çörəyinin keyfiyyət və təhlükəsizlik göstəricisi olan uyğunluq sertifikatı mövcud deyil.
O da məlum olub ki, “LİMAN” restoranında, ümumiyyətlə, laboratoriya analizləri yoxdur. Və müəssisənin laboratoriyası olmaması bir yana, hər hansı bir akkreditasiya olunmuş laboratoriya ilə müqavilə bağlanmayıb. Ümumiyyətlə, restoranın verdiyi lülə-tikə kabablar laboratoriyada analiz olunsa, hansı bağırsaq qurdlarının çıxacağı məlum deyil.
Bütün bunlar bir yana. Biz bu problemlərdən bəhs edəndə həmişə Ulu Öndərin məşhur fikirlərinə istihad edirik: “Ağacları kəsib yerini baqqalxanaya çevirənlər bu ölkəyə xəyanət ediblər. O ağacları bərpa etmək indi çox çətindir. Hesab edin ki, o ağacları kəsənlər mənim balalarımın başını kəsiblər. Onlar haqq-ədalət məhkəməsi qarşısında cavab verməlidir. Orada gəlib baqqal dükanı salanlar, xüsusi mülklər tikənlər var, onların hamısını dağıtmaq, qovmaq, uçurtmaq lazımdır..”
Bəli, Ulu Öndər ağacları kəsib yerində baqqal dükanı, xüsusi mülklər, nə bilim restoranlar, şadlıq evləri tikənlər üçün konkret cəza tələb edirdi: Həmin şəxslər haqq-ədalət məhkəməsi qarşısında cavab verməli və onlar həbs olunmalı idilər. Həmin obyektlər isə qeyri-qanuni olduğu üçün məhkəmənin qərarı ilə sökülməli, dağıdılmalı, uçurulmalı idi…
Belə obyektlərdən biri də LİMAN restoranıdır. Bu restoranın tikilməsi üçün nə qədər ağaclar kəsilib, yaşıllıq məhv edilib. Deməli, Ulu Öndərin buyurduğu kimi bu restoran sökülməli, yerində yaşıllıqlar və əhalinin mədəni istirahəti üçün kompleks salınmalıdır. Bütün bu sadalaqdıqlarımızı, bəlkə də, zamanın, reallığın ayağına yazmaq olardı...Bəlkə də...Amma.. Əmması odur ki, bütün reklamlarda özünü AİLƏVİ RESTORAN kimi qələmə verən "LİMAN" restoranı milli-mənəvi dəyərlərdən tam uzaq, mentalitetə yaraşmayan əməllərlə məşğuldur…. Yəni "LİMAN” restoranı ilə AİLƏ sözü ümumiyyətlə, bir araya gələn məvhum deyildir…
Çox detallara varmaq istəmirik. Amma görəsən, hansı kişi öz ailəsini götürüb "LİMAN" restoranına gələr …? Axı, hamı bilir ki, qonşu otaqlarda, kabinetlərdə nələr baş verir..?
Yeri gəlmişkən, Azərbaycan Qida Təhlükəsizliyi Agentliyinin (AQTA) "LİMAN"-la bağlı məlumatını yada salaq. Rəsmi dövlət qurumunun məlumatından bəlli olur ki, restoranda heç bir ictimai-iaşə qaydalarına əməl edilmir. Sanitar qovşaqları çirkab içərisində itib-batır. Restoranda mənşəyi bilinməyən, yəni həkim nəzarətindən keçərək, üzərində möhürü olmayan ət məhsullarından istifadə edilir. Qanunla axsam saat 11-ə qədər fəaliyyət göstərməli olan restoran, 24 saat fəaliyyətini davam etdirir.
Azərbaycan Qida Təhlükəsizliyi Agentliyi öz işinin öhdəsindən gələ bilmədiyi üçün və ya gəlmək istəmədiyi üçün neqativ hallar hər addımda baş verir. AQTA-nın müfəttişləri tərəfindən "LİMAN" restoranında yoxlamaların səthi aparılması və ya aparılmaması onu deməyə əsas verir ki, "LİMAN" restoranının rəhbərliyi, AQTA-nın rəhbəri Qoşqar Təhməzli ilə dil tapıb.
P.S. Yaxın zamanlarda çəkiliş qrupumuzun "LİMAN" restoranından hazırladığı reportajı ictimaiyyətə təqdim edəcəyik. //gundelik-baku.com//