Bu ilin I rübündə Azərbaycanda işğaldan azad olunmuş ərazilərin yenidən qurulması və bərpası üçün dövlət büdcəsindən xərcləmələr 1 milyard 220,7 milyon manat təşkil edib.

Bu barədə Maliyyə Nazirliyi məlumat yayıb.

Məlumata görə, bu, 2023-cü ilin eyni dövrü ilə müqayisədə 5 % çoxdur.

Xatırladaq ki, bu il Qarabağ və Şərqi Zəngəzura büdcədə 3 milyard 825 milyon manat vəsait nəzərdə tutulub. Yanvar-mart aylarında bunun 31,9 %-i xərclənib.

"Deməli, belə.... Gömrük bağlamanı saxlayıb. Sadə bir xətaya görə: bağlamanın qiymətini dollar yerinə "tl" yazmışıq..." Dia-az.info bildirir ki, bunu "Müştəriyəm Şikayətim Var" sosial qrupundakı paylaşımında Məmmədova soyadlı istifadəçi bildirib.
Narazı vətəndaş daha sonra yazır: "Təəssüf ki, qiyməti indi düzəltmək, vəziyyəti xilas etmir.
Lakin yenə də bağlamanı götürmək istəyirik. Karqonun brokeri isə deyir ki, bağlamanın saxlanc haqqı 1 günə görə 10 azndir, 20 azn də borker olaraq mənim haqqım.
Yəni nə qədər gülməli olsa da, 15 dollarlıq bir bağlamaya görə 30 azn ödəməliyik...
Daha münasib qiymətə həll etmək mümkün deyilmi? Başqa brokerlər də belə bahaçıldır?"

Bakıda məktəb direktoru vəzifəsində çalışmış 1966-cı il təvəllüdlü​ Samirə Əkbərova barəsindəki cinayət işi üzrə məhkəmə yekunlaşıb.

“Qafqazinfo” xəbər verir ki, Bakı Ağır Cinayətlər Məhkəməsində keçirilən prosesdə S.Əkbərova Cinayət Məcəlləsinin 178.3.2-ci (Külli miqdarda dələduzluq) maddəsi ilə təqsirli bilinib.

Məlum olub ki, Samirə Əkbərova müxtəlif illərdə Bakıda 44 saylı, Abşeron rayonunda isə 5 saylı məktəblərin direktoru olub. O, 44 saylı məktəbdə direktor işlədiyi vaxtda Arzu adlı tanışına onu paytaxtda məktəblərin birinə direktor təyin etdirəcəyini vəd edərək 150 min manat alıb. Bundan sonra o, həmin qadına birgə uşaq bağçası açmaq adı ilə vəd verərək yenidən 150 min manat alaraq ələ keçirib.

Daha sonra isə Abşeron rayon Mehdiabad qəsəbə 5 saylı orta məktəbə rəhbərlik etdiyi vaxt S.Əkbərova digər şəxsə övladının Rusiyada aldığı diplomu nazirlikdə təsdiqlədəcəyini vəd edərək 6 min alıb.

Bakı Ağır Cinayətlər Məhkəməsinin hökmü ilə Samirə Əkbərovaya Cinayət Məcəlləsinin 178.3.2-ci maddəsi üzrə 7 il həbs cəzası verilib. Bundan başqa, S.Əkbərovaya qarşı mülki iddia da təmin edilib. Hökmdə ondan 300 min manatın alınaraq zərərçəkmiş şəxsə ödənilməsi qeyd edilib.

Xeyli müəddətdir ki, Bakı şəhəri, Sabunçu rayonu, Ruhulla Axundov küçəsində fəaliyyət göstərən 271 №li tam orta məktəbdə baş verən qalmaqalları, narazılıqları, dedi-qoduları və s-ni. sanki ölkəmizin təhsil sahəsində baş verən biabırçılıqlar içərisində ən yaddaqalan hadisələrdən biri hesab etmək olar. Bu təhsil müəssisəsi ilə bağlı YouTube kanallarında yayımlananlara da diqqət yetirməklə, məhz Səbinə xanım Qasımovanın rəhbərlik etdiyi 271 №li tam orta məktəbdə formalaşan ab-havanın varlığına lazımi qiyməti vermək olar.

Qeyd edək ki, 1985-ci ildən fəaliyyət göstərdiyi qeyd olunan bu məktəbdə yaşananlarla bağlı, bir neçə gün bundan öncə deryaz.az xəbər portalının redaksiyasına da xeyli məlumatlar daxil olmuşdur. Daxil olan məlumatlar sırasında məktəbin direktoru ilə ibtidai sinif müəlliməsi Bağırova Səltənət Zahid qızı arasında davam edən çəkişmələr daha çox diqqəti cəlb etməkdədir. Bəli, ötən yazımızda da qeyd etmişdik ki, ibtidai sinif müəlliməsi Səltənət Bağırova 29 avqust 2023-cü il tarixdə müəllimlərin sertifikasiya imtahanında iştirak edir və həmin vaxt o, 40 imtahan balı, 21 müsabiqə balı toplayır. Buna baxmayaraq, ötən ilin sentyabrından Səltənət Bağırova öz ixtisası üzrə, yəni ibtidai sinif müəlliməsi işləyə bilmir. Onun bu gün ibtidai siniflərə yalnız musiqi dərsindən və texnologiya fənnindən dərs keçdiyi bildirilir. Baxmayaraq ki, Səltənət Bağırovanın adı ştat cədvəlində ibtidai-sinif müəlliməsi olaraq rəsmləşdirilib və onun adına ibtidai-sinif müəlliməsi olaraq əməkhaqqı da yazılır. O halda sual oluna bilər ki, sertifikasiya imtahanında 40 imtahan balı, 21 müsabiqə balı, yəni üstüstə 61 bal toplayan müəllimənin bu cür rəzil duruma salınmasına səbəb nədir? Redaksiyamıza daxil olan məlumatlarda o da bildirilir ki, məktəbin elə müəllimləri var ki, onlar sertifikasiya imtahanında cəmi 28-32 bal toplasalar da, direktor həmin müəllimləri siniflə təmin edib. Üstüstə 61 bal toplayan Səltənət Bağırova isə, bir neçə ildir ki, sinifsiz qalıb.


Onu da qeyd edək ki, beş il bundan əvvəl direktorun təlim-tərbiyə işləri üzrə müavini Ofeliya Arazova Səltənət Bağırovaya “Bilirsənmi, sinif müəllimlərini valideyinlər seçirlər. Hələ ki, valideyinlər səninlə bağlı müraciət etməyiblər, əgər pul verərsənsə, o halda sənə də sinif düzüb qoşa bilərəm” deyir. Belə olan halda Səltənət Bağırova məcbur olub Ofeliya Arazovaya 5 (beş) min manat rüşvət verildiyi bildirilir. Pul veriləndən sonra guya ki, valideyinlər seçim edirlər və onlar Səltənət Bağırovanı da “seçirlər” . O, iki il ibtidai sinif müəlliməsi işləsə də, iki ildən sonra valideyinlər onu yenidən “seçmirlər”. Artıq 3 (üç) ildir ki, Səltənət Bağırova ibtidai sinif şagirdlərinə yalnız texnologiya fənnindən və musiqidən dərs keçməklə məşğul olur. 2023-cü ilin sentyabr ayında Səltənət Bağırova bilir ki, ona nə sinif, nə də ki, normal dərs saatı verməyəcəklər. Həmin vaxt Ofeliya Arazova ona “mən direktora nə deyim?”. Həmin vaxt Səltənət Bağırova bir daha məcbur olub Ofeliya Arazovaya 600 manat pul verir. Bunun qarşılığında isə ona nə sinif, nə də ki, normal dərs saatı vermirlər. Verilən pulu isə müavin direktorla öz arasında bölür. Söz yox ki, istər 5 min manat, istərsə də 600 manat pulun verilməsi söz-söhbəti Səltənət Bağırova tərəfindən redaksiyamıza çatdırılan məlumatlardır.

271 №li tam orta məktəbdə baş verən biabırçılıqlardan biri də, hansı ki, müəllimlərin sertifikasiya imtahanında iştirak edən və cəmi 28 bal toplayan Sahilə müəllimənin dərs keçdiyi 4-cü sinifin, təqribən iki ay bundan əvvəl dağıdılması olur. Düşündürücü hal odur ki, bu gün həmin sinif yoxdur və şagirdlər digər siniflərə köçürülsələr də, rəsmi sənədlərdə dağıdılmış sinif fəaliyyət göstərən sinif kimi rəsmləşdirilir. Yəni, dağıdılmış sinifə aid əmək haqqı yazılır və əldə olunan pullar da mənimsənilir. Bu məktəbdə 7-ci saatın dərsləri və əlavə məşğələlər keçilmir. Dərs saatlarını və məşğələləri direktor özünə yaxın bildiyi müəllimlətin adlarına yazır. Həmin dərs saatlarına və məşğələlərə görə alınan pulları, müəllimlər sonradan direktora çatdırırlar. Məktəbin dörd nəfər ibtidai sinif müəlliməsi sertifikasiya imtahanından keçə bilməsələr də, onlar iki “oklad” dəsrs saatı ilə təmin olunublar. 61 bal toplayan Səltənət Bağırovaya isə, normal dəsr saatı verilmir. Səbəb?

Bir faktı da qeyd edək ki, ötən il “Müəllimlər günü” ilə bağlı məktəbin valideyin komitəsi pul yığır. Həmin vaxt İranə Babayeva adlı valideyin pul yığılmasına qəti etirazını bildirir və o, pul vermir. Çox keçmir ki, İranə Babayeva hiss edir ki, həm onun özünə qarşı, həm də məktəbli övladına qarşı münasibət çox dəyişib. O, bu il də “Müəllimlər günü” ilə bağlı valideyin komitəsinə pul verməkdən imtina edir. İranə Babayevanın belə bir yanaşmasından sonra, 271 №li tam orta məktəbin rəhbərliyində təmsil olunan Təranə Məhəmmədova ilə, onun arasında əməlli-başlıca insident yaşanır. Hətta, məktəbin koridorunda tərəflər arasında baş verən qarşıdurmalar YouTube kanallarında da yayımlanır.

Bu gün ölkə gündəmində 271 №li tam orta məktəbin adının daha çox hallanmasına səbəb olan amillərdən biri də, məktəbin 10-11-ci sinif şagirdlərindən tam əksəriyyətinin sinif üzü tanımamaları olur. Digər tərəfdən, bu məktəbdə iki nəfər şəxsin adı (etika naminə ad çəkmirik) stat cədvəlində xadimə olaraq rəsmləşdirilsə də, əslində həmin şəxslərin ikisi də məktəbdə laborant vəzifəsində çalışırlar. Unutmaq olmaz ki, bütün bunlar əvvəlcədən məktəbin direktoru Səbinə xanım Qasımova ilə razılaşdırılır. Deməli, bu təhsil müəssisəsində baş verən hər cür qanunsuzluq əməllərinin kökündə, birbaşa rəhbərliyin maddi maraqlarının təmin olunması əsas rol oynayır.

Qeyd edək ki, redaksiyamıza bu yöndə məlumatlar daxil olduqdan sonra, direktor Səbinə xanımla əlaqə saxlayıb, ondan məsələlərə münasibətini öyrənmək istəsək də, bu yöndə istəyimizə heç cür nail ola bilmədik. Hətta daxil olan məlumatlar əsasında hazırladığımız sualları, bu təhsil müəssisəsinin elektron poçtuna və Bakı şəhəri üzrə Təhsil İdarəsinə göndərib cavablandırılmasını xahiş etsək də, təəssüflər olsun ki, məktəb rəhbərliyi tərəfindən suallarımız cavablandırılmadı. Bakı Şəhəri üzrə Təhsil İdarəsi redaksiyamıza başdansovdu cavab verib və həmin cavabı olduğu kimi dərc edirik. Ümid edirik ki, aidiyyəti dövlət qurumları, ələlxüsus Azərbaycan Respublikasının Elm və Təhsil nazirliyinin və Korrupsiyaya Qarşı Mübarizə İdarəsinin rəhbər şəxsləri, 271 nömrəli tam orta məktəbdə yaşanan problemlərin araşdırılması üçün, aiddiyyəti üzrə müvafiq tapşırıqlarını verəcəklər. Yazıda adı keçən hər kəsin mövqeyini dinləyə bilərik.

Məktəbin məlumatı:

«2021-2022-ci tədris ilində 271 nömrəli tam orta məktəbin ibtidai sinif müəllimi Səltənət Bağırovanın sinfində şagird sayı 12 nəfərə endiyi üçün həmin sinif bağlanıb. 29 avqust 2023-cü ildə müəllim təkrar sertifikasiyadan keçdiyinə görə 2024-2025-ci tədris ili üçün ona sinif açılmasının nəzərdə tutulması ilə bağlı məlumat verilib. Birinci sinfə qeydiyyatın elektron sistem vasitəsilə həyata keçirildiyinə və valideynlərin müəllim seçimini öz istəklərinə uyğun apardıqlarına görə onlar icma arasında daha nüfuzlu olan müəllimlərə üstünlük verirlər. S.Bağırova valideynlər tərəfindən I sinfə qeydiyyat zamanı müəllim seçimində ona üstünlük verilməyəcəyini təxmin edərək məktəb rəhbərliyinə “mənə sinif verməlisiniz…” — deyərək hədə-qorxu gəlir və adekvat olmayan alternativ təsir vasitələrinə (bir sıra media orqanlarında məktəbin nüfuzuna xələl gətirən çıxışlar etmək və məktəb rəhbərliyinin şərəf və ləyaqətini alçaltmaq) əl atır. S.Bağırovaya I sinfə şagird qəbulunun elektron sistem vasitəsilə aparıldığı və bu prosesə məktəbin heç bir müdaxiləsi olmadığı dəfələrlə izah olunsa da, təəssüflər olsun ki, o yenə də eyni müraciətlərə davam edir».

Hörmətli oxucular! Bakı Şəhəri üzrə Təhsil İdarəsindən verilən cavabla bağlı ortaya belə bir sual çıxır ki, görəsən səbəb nə olur ki, sertifikasiya imtahanında iştirak edib 40 imtahan balı, 21 müsabiqə balı toplayan Səltənət Bağırovaya sinif verilmir, amma sertifikasiya imtahanında iştirak edən və cəmi 28-32 bal toplayan müəllimlər isə, rəhbərlik tərəfindən siniflə təmin olunurlar. Əgər valideyinlər müəllim seçimini özləri edəcəkdirlərsə sertifikasiya oyunu nəyə lazım idi. Buna nə ad vermək olar?

P.S. Hörmətli oxucular! 271 №li tam orta məktəbdə baş verən və hər kəsi şoka sala biləcək digər biabırçılıqların varlığını, yaxın günlərdə diqqətinizə çatdırmağa çalışacağıq. Odur ki, bizi izləməyi unutmayın.

Deryaz.az

1994-cü ildə “AZAL Səhmdar Kommersiya Bankı” kimi fəaliyyətə başlayan, daha sonra adını 2 dəfə dəyişərək, əvvəlcə “Bank Silk Way” ASC, hazırda isə “Premium Bank” ASC adlanan bankın problemli kreditlərinin həcmi kəskin artıb.
Yeniavaz.com xəbər verir ki, bu ilin birinci rübünün yekununda “Premium Bank” ASC-nin vaxtında geri qaytarılmayan kreditləri 6 milyon 550 min manat olub. Bu məbləğin 77%-ni və ya 4 milyon 973 min dollarını problemli kreditlər təşkil edib.
Müqayisə üçün bildirək ki, ötən ilin birinci rübünün yekununda “Premium Bank” ASC-nin problemli kreditləri builki göstəricidən 2,4 dəfə az olub. Belə ki, ötən ilin ilk rübündə bankın problemli kreditləri 2 milyon 114 min manat təşkil edib.
Məlumat üçün bildirək ki, “Premium Bank”ın əsas səhmdarı ötən il AZAL-ın prezidenti vəzifəsindən azad olunan Cahangir Əsgərovun həyat yoldaşı Zərifə Həmzəyevadır.
Hazırda bank səhmlərinin 84,5%-i Zərifə Həmzəyevaya məxsusdur.

Məlumdur ki, Azərbaycan Respublikasının Prezidenti İlham Əliyev cənablarının 21 may 2020-ci il tarixdə imzaladığı Sərəncam əsasında, 1967-ci il təvəllüdlü Elçin Adil oğlu Rzayev İmişli Rayon İcra Hakimiyyətinin başçısı vəzifəsinə təyin olunur. Qeyd edək ki, Elçin Rzayev bu təyinata qədər Əmlak Məsələləri Dövlət Komitəsində çalışıb, Yasamal RİH-nin Ərazi idarəetmə və yerli özünüidaretmə orqanları ilə iş şöbəsinin müdiri, Yasamal Rayon İcra Hakimiyyəti başçısının birinci müavini və s. kimi vəzifələri də daşımışdır. Belə bir səbəbdən də, Elçin Rzayevin İmişli rayon rəhbərliyinə təyin olunması ilk vaxtlar tam əksəriyyətin nəzər-diqqətində müəyyən inam hissinin formalaşmasına səbəb olmuşdu, amma aylar, illər keçdikcə isə, məhz formalaşan inam hissi əməlli-başlıca inamsızlığa çevrildi. Bəli, ilk vaxtlarda hər kəs elə düşünürdü ki, İmişli RİH-nin başçısı mühüm strateji vəzifələri daşıdığından o, yetkin idarəçilik qabiliyyətinə malik olan vəzifə sahibidir. Amma, vaxt keçdikcə düşüncələrdə formalaşan inam hissinin boş olması hər kəsə bəlli oldu. Yəni, atalar demişkən “sən saydığını say, gör fələk nə sayır” zərb-məsəli özünü doğrultdu. Məsələnin diqqəti cəlb edən tərəfi odur ki, bu günə kimi Prezident İlham Əliyevin məmurlardan əsas tələbi, vətəndaşlara qarşı münasibətdə onların siyasi mədəniyyət nümayiş etdirmələrini, insanlara qarşı hörmətlə yanaşma hissi ortaya qoymalarını, sakinlərə məxsus sosial problemlərin aradan qaldırılmasına dəstək olmalarını və s. tələb etməsi olmuşdur. Unutmaq olmaz ki, ölkə rəhbəri əksər çıxışlarında “Etimadı doğrultmayan məmurlar bundan sonra da cəzalandırılacaqlar. Hər dəfə icra başçılarını işə təyin edərkən mən onlara öz sözlərimi deyirəm: Gedin təmiz işləyin, xalqla bir yerdə olun, rüşvətxorluqla məşğul olmayın, dövlətə, müstəqilliyə sadiq olun. Budur mənim tələblərim, əsas tələblərim. Hər yerdə belə olmalıdır” deyə qeyd edir. Bundan əlavə, “Dövlət qulluqçularının etik davranış qaydaları haqqında” Azərbaycan Respublikası Qanunun 1-ci maddəsinin 1.2-ci hissəsində qeyd olunub ki, hər bir dövlət qulluqçusu qanunun aliliyini, insan hüquqlarını, demokratik prinsipləri və yüksək etik davranış qaydalarını rəhbər tutmalı və bu Qanunun müddəalarına əməl etməyə də borcludurlar. Qəbul olunmuş Qanunda belə bir tələblərin olmasına baxmayaraq, İmişli RİH-nin başçısı üzərinə düşən vəzifə borcunu lazımi səviyyədə yerinə yetirmək əvəzinə, bu gün də o, bir növ “sabotaj”lıqla məşğul olur. Çünki, Elçin Rzayev rayonun Muradxanlı kənd sakinlərinin üzüzə qaldıqları sosial problemlərin həllinə dəstək olmur, əksinə bu şəxs özü üçün var-dövlət toplamaqla məşğul olur.
Qeyd edək ki, bir neçə gün bundan öncə İmişli RİH-nin başçısı Elçin Rzayev, rayonun bəzi kəndlərində səyyar-qəbul görüşlər keçirir. Elə ki, icra başçısı Muradxanlı kəndində olur, o halda kənd sakinlər çox ciddi su problemi ilə üzüzə qaldıqlarını və buna görə də susuzluqdan olduqca əziyyət çəkdiklərini rəhbərliyin diqqətinə çatdırıırlar. Sakinlər bildirdikləri şikayətlərində “Elə şəxslər var ki, onlar Muradxanlı kəndində torpaq sahələri alıb təsərrüfatla məşğul olurlar və həmin şəxslərin su ilə təmin olunmaları da ödənilir. Uzun illər ərzində bu kənddə yaşayan yerli sakinlər isə, bu gün də susuzluqdan əziyyət çəkirlər” deyə qeyd edirlər. Elə ki, günlər keçir və kənd sakinləri görürlər ki, onların etdikləri şikayətlə bağlı heç bir tədbir görən yoxdur. Belə olan halda sakinlər RİH başçısının qəbulunda olmaq və bir daha narazılıqlarını icra başçısı Elçin Rzayevin diqqətinə çatdırmaq qərarına gəlirlər. Təəssüf doğuran hal o olur ki, həmin vaxt rayon rəhbərliyi sakinləri qəbul edib dinləmək, yaxud da onların üzüzə qaldıqları problemin həllinə dəstək göstərmək əvəzinə, qəbula gələn və su çatışmazlığından əziyyət çəkən sakinlərin həbs olunmaları ilə bağlı tapşırığını verir. Bu da onu göstərir ki, Elçin Rzayev sakinlərin problemlərinə əhəmiyyət vermir və onları saya da salmır. Bir sözlə, bu şəxs sakinlərə qarşı qənim kəsilir. Redaksiyamıza daxil olan məlumatlara görə, indiyə kimi rayon sakinlərindən bir çoxu İmişli RİH-nin başçısının “əndazəni aşan” addımları ilə üzüzə qalıblar. O halda sual oluna bilər ki, nəyə görə Elçin Rzayev bugünkü vəzifəsinə təyin olunub? Məgər bu şəxs sakinlərə məxsus problemlərin həlli ilə, yoxsa onları “dama soxdurmaq”la məşğul olmalıdır? Deməli, RİH-nin başçısı özünü İmişlinin “əlçatmaz, ünyetməz firon”u hesab edir ki, bu gün o, belə bir addımlarını atır. O halda sual oluna bilər ki, bu şəxs icra başçısı vəzifəsinə təyin olunarkən möhtərəm Prezidentin ona verdiyi tapşırıqlar əhəmiyyətini itirdimi? Yoxsa, İmişlidə dərəbəylikdir? Yəqin ki, ölkə rəhbərinin verdiyi tapşırıq və tövsiyyələrə əməl etməyən Elçin Rzayevlə bağlı yaxın vaxtlarda lazımi addınmlar atılacaq. O halda hər kəs şahidi olacaq ki, İmişli RİH-nin başçısı sələfinin aqibətini yaşamalı olan şəxsdir. Nəysə, yaşayarıq, görərik! Yazıda adı keçən hər kəsin mövqeyini dinləyə bilərik.

GundemXeber.Az

Zaqatala təbiəti, əhalinin etnik tərkibinin zənginliyi və turizm potensialına görə Azərbaycanın ən cəlbedici bölgələrindən biridir. Ancaq təəssüflər olsun ki, son 15 ildə rayonda hansısa inkişafdan danışmaq çətindir. Bu günlərdə Zaqatalada səfərdə olarkən, bunun bir daha şahidi oldum. Nəinki inkişaf, hətta bir çox cəhətlərə görə, Zaqatalanın xeyli gerilədiyi açıq-aydın hiss olunur. Şəhər sanki qocalıb. İcra başçısı Mübariz Əhmədzadə kimi. 1947-ci ildə anadan olan Mübariz Əhmədzadə Azərbaycanda ən yaşlı icra başçısıdır, 77 yaşlı iki icra başçısından biridir. Bu gün Zaqatala da elə Mübariz Əhmədzadə kimi yorğun görünür...

İcra başçısının mərkəzi mətbuatda "rayonda dinamik inkişaf", "yeni iş yerlərinin açılması" kimi nağıllarla zəngin məqalələr dərc etdirməsinə rəğmən, Zaqatalada olarkən, bunun əksini müşahidə etdim. Digər rayonlarda olduğu kimi, burada da gənclərin əksəriyyəti iş üçün paytaxta və ya Rusiyaya üz tuturlar.

Əvvəllər abadlığı, səliqə-səhmanı ilə seçilən Zaqatalada bu gün səliqəsizlik, bərbad vəziyyət hökm sürür. Şəhərin mərkəzində - Bayraq meydanına yaxın yeraltı keçid günlərlə yığışdırılmır. Bu bir yana, burada dilənçi əlindən tərpənmək mümkün deyil. Düzü, əvvəllər Zaqatalada dilənçilərlə rastlaşmamışdım. Bu dəfə isə onlar hər addımda qarşıma çıxırdılar.
Rayona gələn turistlərin ən çox baş çəkdiyi məkanlardan biri də Zaqatala bazarıdır. Burada illərdir xaos davam edir. Bazara gedən yoldakı asfalt örtüyü son 15 ildə bir dəfə də olsun, dəyişdirilməyib. Ərzaq, xüsusən də, ət, ədviyyat və meyvə-tərəvəz satılan örtülü bazarda isə tam bir antisanitariya şəraiti hökm sürür. Kəsif qoxu adamı oradan qaçmağa məcbur edir.
Yeri gəlmişkən, yerli sakinlər Mübariz Əhmədzadədən fərqli olaraq, 2006-2009-cu illərdə Zaqatalanın icra başçısı olmuş Asif Əsgərovun fəaliyyətindən hələ də razılıq edirlər. Söhbət zamanı sakinlərdən biri dedi ki, Asif Əsgərov rayona icra başçısı gələndə elektrik enerjisi ilə bağlı ciddi problemlər olub:
"O ilk növbədə bu problemi aradan qaldırdı. Zibilin daşınması ilə bağlı problem də onun dövründə tam həll edildi. İndi isə şəhəri inək və qoyunlar zəbt eləyib. Əvvəllər şəhərdə yaşıllaşmaya və təmizliyə ciddi nəzarət var idi. İndi hər yeri zibil basıb. Zibil qabları dolub-daşır, şəhərin küçələri günlərlə yığışdırılmır, zibil daşınmır".

Zaqatalanın kəndlərində yaşayan sakinlərin üzləşdiyi ən ciddi problemlərdən biri də marşrut məsələsidir. Bu, onlara öz məhsullarını bazara çıxarmağa, yaxud da alış-veriş üçün şəhərə gəlməyə çətinlik yaradır. Kəndlərə işləyən "Qazel"lər o qədər köhnədir ki, çox vaxt yarı yolda xarab olur və sakinlərin saatlarla vaxt itirməsinə səbəb olur. Kənd avtobuslarının dayanacağında, hətta Nuh əyyamından qalma "Ural" yük-sərnişin avtobusu ilə də qarşılaşdım. Rayon icra başçısı kənd yollarını təmir etdirməkdənsə, onları hələ də, ötən əsrdə tarixin arxivinə verilən "Уral 3255"-dən istifadə etməyə məcbur edir. Sakinlər yayın istisində də şəhərə sovet dövrünün məhbus daşıyan avtomobillərini xatırladan "Ural" avtobusu ilə gəlib-gedirlər.
Yol məsələsindən söz düşmüşkən, Mübariz Əhmədzadə icra başçısı təyin olunduqdan sonra Bakı-Zaqatala və Zaqatala-Bakı marşrutlarının yolu da dəyişdirilib. Əvvəllər Zaqataladan birbaşa Şəkiyə (şəhərə daxil olmadan) işləyən marşrutlar 10 ildən artıqdır ki, Şəki və Qaxdan keçməyə məcbur edilir. Yollar dar olduğundan qəzaların sayının artdığı deyilir. Xüsusən də, yolun Qaxın Güllük kəndindən keçən hissəsi dar və dolanbac olduğundan burada hərəkət etmək çox təhlükəlidir. Sakinlər yolun dəyişdirilməsinin səbəbini icra başçısının biznes marağı ilə əlaqələndirirlər. İddia edirlər ki, Mübariz Əhmədzadənin obyektləri Qaxda olduğu üçün Zaqatalaya giriş yolunu oradan etdirib. Belə ki, indiki halda Bakıdan gələn turistlər birinci Qaxa gəlməli olur. İcra başçısının öz turizm obyektlərinə görə "köhnə bazara təzə nırx" qoyması nəticəsində neçə ildir baxımsız qalan 100 km-dən artıq yolun tamamilə yarasız vəziyyətə düşdüyü bildirilir.
Yollardan söz düşmüşkən, Azərbaycanın ilk qadın mexanizatoru Sevil Qazıyeva və "Qarabağ" futbol klubunun baş məşqçisi Qurban Qurbanovla tanıdığımız Aşağı Tala kəndinin yolları da bərbad vəziyyətdədir. Mübariz Əhmədzadə "Qarabağ"ın hər qələbəsindən sonra hamıdan qabaq Qurban Qurbanova zəng edib onu təbrik etsə də, icra başçısının bu "təəssübkeşlik və vətənpərvərliyi" deyəsən, elə bir telefon zəngindən artıq deyil. Hə, bir də o, futbolçunun evinin olduğu küçəyə (100-150 metr hissəyə) asfalt örtüyü çəkdirib. 7 min nəfərə yaxın əhalinin yaşadığı kəndin digər küçə və yolları isə çala-çuxurlarla doludur. Sakinlər sonuncu dəfə yolun nə vaxt təmir edildiyini belə xatırlamırlar.
7 min nəfərə yaxın əhalinin yaşadığı kəndin digər küçə və yolları çala-çuxurlarla dolu olsa da, məhz hamımızın böyük hörmət bəslədiyi, bütün Azərbaycanın və zaqatalalıların fəxri olan Qurbanovun evinə qədər olan hissənin asfaltlanması məyusedici faktdır. Həmişə sadəliyi, təvazökarlığı ilə seçilən adamı bir asfaltla hamıdan fəqləndirmək heç də Qurbanovu sevmək, ona hörmət etmək deyil. Əksinə, onu da yolundan tutmuş goruna qədər hər şeyi ilə sadə xaldan fərqlənmək istəyən harınlar təbəqəsinə transfer etmək cəhdidir.

Yeri gəlmişkən, bu, icra başçısının ilk belə ayrı-seçkiliyi deyil. Bir müddət əvvəl mətbuatda icra başçısı Mübariz Əhmədovun şəhidlər arasında ayrı-seçkilik etdiyi üçün narazılıq yarandığına dair xəbərlər yayılmışdı. Qeyd olunurdu ki, başçı və İcra Hakimiyyətinin rəsmiləri Novruz Bayramı ilə əlaqədar rayonda 44 günlük Qarabağ müharibəsi zamanı şəhid olmuş qəhrəmanların məzarlarını ziyarət ediblər. Məzarlıqda olarkən, müavinlərindən biri ona Birinci Qarabağ müharibəsi şəhidlərinin məzarlarını da ziyarət etməyi təklif edib. Mübariz Əhmədov isə “Onlar köhnə şəhidlərdir, ziyarətə ehtiyac yoxdur”, deyib. Onun bu sözlərinin şəhid ailələri arasında ciddi narazılıq doğurduğu, icra başçısının bu ayrı-seçkiliyə görə qınandığı qeyd olunurdu.
Zaqatala sakinlərinin əsas narazılığı icra başçısının rayonun problemlərini həll etmək əvəzinə öz biznesinin qayğısına qalması, şəhər və kəndlərdəki torpaq sahələrini satması, gəlirli obyektlərə nəzarəti öz əlinə keçirməsi, sahibkarlara ciddi problemlər yaratması ilə bağlıdır. On beş ildir Zaqatalaya rəhbərlik edən Mübariz Əhmədzadənin hətta bir müddət öncə Zaqatalanın Bəhmətli kəndində Vətən müharibəsi qazilərinə aid torpağı da satdığı iddia edilirdi.
Onun həmçinin rayonunun Əliabad kəndinin də ümumi istifadədə və bələdiyyə fondunda olan torpaq sahələrini 49 illiyinə məmurlara satdığı da yayılan iddialar arasındadır.

Bütün bunlardan sonra keçmiş Meliorasiya və Su Təsərrüfatı ASC-nin rəhbəri Əhməd Əhmədzadənin qardaşı, Qaxda yüksək vəzifələrdə çalışan, bir neçə il icra başçısı işləyən, 15 ildir isə Zaqatalaya rəhbərlik edən Mübariz Əhmədzadənin biznes imperiyasına dair söylənilənlərin həqiqət olduğuna inanmaya bilmirsən. Yeri gəlmişkən, bir müddət əvvəl dərc olunan həmin siyahını bir daha təqdim edirik:
Qaxda "El Resort” otel kompleksi, Qaxın İlisu kəndində "Yurd Hotel" istirahət kompleksi, İlisu kəndində "Yaşıl Park” otel kompleksi, "Səngər Qala” otel kompleksi, "Ulu Dag” oteli, Qax Fındıq Zavodu, Qax rayon taxıl məhsulları kombinatı, Eden Park Hotel Qax, Qaxbaş kəndində 54700 kv metrlik (5.5 hektar) ərazisi olan "Residence” ailəvi istirahət mərkəzi, Bakıda Koroğlu Rəhimov küçəsindəki "Növbahar" və "Zakura Yapon mətbəxi" restoranı.
Bu əlbəttə, bir neçə il əvvəl tərtib edilən və Mübariz Əhmədzadənin bütün biznesini əhatə edən tam siyahının yalnız bir hissəsidir. Onun müxtəlif adlarla qeydiyyatdan keçən xeyli şirkəti və bir sıra xarici ölkələrdə biznesinin olduğu da bildirilir.
Maraqldır, zaqatalalılar bu sömürgəçiliyə nə vaxta qədər dözməlidirlər? 77 yaşlı qocanı pensiyaya göndərməyin vaxtı çatmayıbmı?

Bölgələrdə Dövlət Aqrar İnkişaf Mərkəzlərinin (DAİM) fəaliyyətinə nəzər yetirilir.
Eləcə də,bir sıra DAİM direktorları yaş həddinə və fəaliyyətlərində yol vermiş olduqları ciddi qanun pozuntularına görə,vəzifədən azad olunur. Bu yaxınlarda Qazax və Nefçala rayon DAİM rəhbərlərinin vəzifələrindən azad edilmələri göstərdi ki,yenilənmə prossesi davam etdiriləcək.

Faktinfo.az saytına verilən məlumatda o da qeyd edilir ki,KTN-in Elm, Təhsil və İnsan Resursları şöbəsinin rəisi ilə dostluq münasibətlərinin olduğu iddia edilən Ağstafa DAİM-in direktoru Ramiz İmanov da qarşıdakı həftələrdə müavini Elvin Musayevlə əvəzlənə bilər.

Lerikin Ağçay kəndi get-gedə boşalır, kəndlilər yol və işsizlik problemi səbəbindən köçməyə məcbur qalıblar. Kənddə hər 3-4 evdən birinin qapısına qıfıl vurulub.

Yerli sakinlər Meydan TV-yə bildiriblər ki, yağış yağarkən kəndin ətrafla əlaqəsi kəsilir. Təcili hallarda belə kənddən çıxmaq üçün yağışın dayanmasını gözləyirlər.

Aprelin birinci ongünlüyündə bir neçə gün davam edən yağış nəticəsində yeganə körpünü sel aparıb. Ağçay çayı üzərində vaxtilə dəmir borularla salınmış körpünün uçması nəticəsində mərkəzlə əlaqə kəsilib.

“Bir neçə ildir Bakıya köçmüşəm, Binə qəsəbəsində kirayə yaşayıram. Valideynlərim, yaxın qohumlarım olan yaşlılar kənddə qaldığından gedib-gəlmək məcburiyyətindəyəm. İş yoxdur, cavanlar dolanmaq üçün kəndi tərk edirlər”,- ağçaylı Namiq Məmmədov deyib.

Dolanışıq səbəbindən təkcə Ağçay deyil, Lerikin əksər kəndlərindən rayon mərkəzinə, Bakıya köçənlərin sayı çoxdur. Kəndlilər deyirlər ki, Ağçay və ətraf kəndlərin təbiəti gözəldir, şərait yaradılacağı halda turistlərin diqqətini cəlb edə bilər. Yol çəkilərsə, turistlər gələrlər, kəndlilər də qazanar. Kənddə mineral su var, ətrafında istirahət mərkəzi yaratmaq olar.

Ağçay kəndində ibtidai məktəb fəaliyyət göstərir. Məktəbin direktoru Aşurəli Abbasov Meydan TV-yə bildirib ki, yağışlı havalarda, sel olanda uşaqların məktəbə gediş-gəlişi çətinləşir.

“İndi internet əsridir, bizim kənddə isə nəinki internet var, hətta telefon çox yerdə tutmur. Pəncərənin önündən çəkilən kimi xətt kəsiləcək. Yollarda da telefon tutmur. Kənddən köçənlər var”, – A.Abbasov deyib. Bildirib ki, şərait yaradılmayacağı təqdirdə kənddən köçənlər çox olacaq. Təkcə yollar deyil, kənd telefon və internetlə təmin edilməlidir.

Lerik Rayon İcra Hakimiyyətindən isə suallara bir neçə dəqiqədən sonra cavab veriləcəyi bildirilsə də, sonradan telefonlara cavab verilməyib.

"Yox... bu yanğın deyil... Elə müraciətimizi də düz ünvanlamışıq... Ekologiya və Təbii Sərvətlər Nazirliyinə. Yaxşı bilirik ki, yanğın olsaydı, Fövqəladə Hallar Nazirliyinə müraciət edərdik. Hər gün belədir. Çünki bu, "Kremlin Hall" restoranında bişən kababın tüstüsüdür. Yəqin ki, Ekologiya Nazirliyi bu tüstünün sakinlərə püskürdülməsinə bir əncam çəkər". Dia-az.info bildirir ki, bu barədə sakinlərin gileyində ifadə olunub.

Aşağıdakı fotoları yollayan sakinlər yazır:

"Əhmədlidə Telnov/Lütfizadə küçəsində yerləşən "Kremlin Hall" Şadlıq Sarayında toy olan zaman bütün tüstüsü binaları götürür.

Pəncərələri açırsan vay, açmırsan vay... Nə evdə hava almaq olur, nə də həyətdə oturmaq... Buna bir əncam edər yəqin ki, ETSN-nin başbilənləri..." (Dia-az.info)