Astaranın Səlivə kəndində hər il onlarla məktəbli təhsil almaq üçün qonşu kəndə gedir.

Səlivə sakini 14 yaşlı Zəhra iki il əvvəl də şagirdləri məktəbə aparan kənd yollarının abadlaşdırılmasını arzulayırdı.

BBC Azərbaycanca müxbirləri iki il sonra Səlivə kəndini ziyarət ediblər və Zəhra ilə danışıblar.

Müsahibimiz deyir ki, ötən müddət ərzində kənddə o vaxt saydığı problemlərdən bircəsi də həllini tapmayıb.

Sağlam rəqabət olan yerdə inkişaf, tərəqqi olur. O yerdə ki yarış əvəzinə qovğa, konflikt, fəsad var, orada mütərəqqilikdən danışmaq əbəsdir. Çünki təfriqə salmaq, rəqibinə "quyu qazmaq" ehtirası öz ayağına da, ətrafına da, güllə sıxmaqdır. Necə ki bunu illərdir təhsil sahəsinə cavabdeh olan iki qurum arasında görmək olar...
Əvvəllər bu münaqişə TQDK ilə Təhsil Nazirliyi, yaxud Məleykə Abbaszadəylə Misir Mərdanov arasında gedərdisə, indi adlar yenilənib; hazırda zərərli konflikt Dövlət İmtahan Mərkəzi ilə Elm və Təhsil Nazirliyi arasında getməkdədir. Birincidə sədr dəyişməyib, Məleykə Abbaszadə öz ampluasındadır, ikincidə isə Emin Əmirullayev nazir vəzifəsini daşıyır. Lakin mahiyyət dəyişməyib. Bu iki strukturun didişməsi ucbatından təhsil ilbəil geriləyir, keyfiyyət aşağı düşür, repetitor bazarı isə çiçəklənir. Bunu yaradan səbəblər məhz hər iki orqanın bir-birinin əleyhinə apardığı işdir. Sadəcə, zərər çəkən Azərbaycan gəncliyi, ölkə təhsili və elmidir. Sanki Rusiya və Qərb "soyuq müharibə" aparır, altını dinc Ukrayna xalqı çəkir. Eynilə DİM-lə ETN arasında olan lüzumsuz rəqabət məktəblilərin, abituriyentlərin repetitor ümidinə qalmasına səbəb olur.
Anaxeber.info məlumat verir ki, söhbət təhsil proqramı, məktəblərdəki dərsliklərlə qəbul imtahanında qoyulan suallar əın uyğun gəlməməsidir. Əgər repetitor bazarı olmasa, abituriyentlərin böyük əksəriyyəti qəbul imtahanından keçə bilməz. Çünki məktəbdə keçirilən dərs başqadır, DİM-in imtahanda hazırladığı suallar ayrıdır. Nəticədə şagirdlər hazırlıq kurslarının ümidinə qalır, valideynlər "boğazından kəsib" ayda, 400-500 manat repetitorlara hazırlayırlar. Təbii ki,, dünyada təhsilin yüksək inkişaf etdiyi ölkələrdə də repetitorluq mövcuddur. Amma heç bir dövlətdə iki təhsil orqanı biri-birini zəiflətmək üçün belə çirkin rəqabət aparmır. Bu da həm hazırlıq kurslarının gəlir mənbəyini böyüdür, həm də məktəblərdə təhsilin keyfiyyətini aşağı salır. Təsəvvür edin ki, nazirliyin dərslikləri işə yaramır, repetitorlar tamamilə fərqli proqram keçirlər ki, qəbul imtahanında o suallara cavab verə bilsinlər. Bu da əcaib haldır. Məleykə Abbaszadənin rəhbəri olduğu qurum Nazirliyi gözdən salmaq, məktəblərdə təhsilin olmadığını göstərmək üçün dərsliklərdə olmayan sualları qəbul imtahanlarına salır. Əslində tədris və imtahan sualları adekvat olmalıdır. Eyni zamanda, məktəblərdə təhsil aqoniya vəziyyətindədir və nazirlik tədrisin keyfiyyətinin artırılması üçün hər hansı kompleks islahatlar həyata keçirmir. Nazir Emin Əmirullayev və Mərkəz sədri Məleykə Abbaszadənin qarşılıqlı şəkildə bir-birinə zərbə vurması, propoqanda aparmasından zərər çəkən isə uşaqlarımızdır. Hansı ölkədə görünüb ki, dərsliklərdə olmayan mövzuların sualları qəbul imtahanına salınsın?! Deməli, bu bir təhsil cinayətidir!
Təhsil ekspertləri də qeyd edirlər ki, DİM-in keçirdiyi həm buraxılış, həm qəbul imtahanlarında istifadə olunan testlərin səviyyəsi hazırda abituriyentlərin, məzunların real bilik və bacarıqlarının səviyyəsinə uyğun təşkil olunmur. Dövlətin təhsil siyasətini həyata keçirən mərkəzi icra orqanı Elm və Təhsil Nazirliyidir. Nazirlikdə təhsilin hər bir pilləsi üzrə qəbul edilmiş təhsil proqramlarına uyğun dərsliklər vasitəsilə həyata keçirilir. Son nəticə isə qiymətləndirmə buraxılış və qəbul imthanları vasitəsilə aparlır. Ancaq buraxılış və qəbul imtahanları isə DİM-in öz proqramları və çap etdiyi vəsaitlər əsasında aparılır. Beləliklə, ikili bir vəziyyət yaranıb. Nəticə etibarilə müəllim məcbur olur ki, övladına müəllim tutsun, kursa göndərsin. Nəticədə repetitorluq, "kölgə təhsili" gündən-günə genişlənir.

Azər Talıbov
Anaxeber.info

Redaksiyamıza müraciət edən Tərtər rayon sakini Emin Əliyev deyir ki bacısı Sevda Abışova 1 il bundan əvvəl Gəncə xəstəxansında həkim səhlənkarlığı ucbatından vəfat edib. Şikayətçi deyir ki, dəfələrlə Gəncə prokururliğunda olub, ona tədqiqatın aparıldığı bildirilib.

Dia-az.info-nun bildirdiyinə görə, Emin bildirir ki, yanvar ayının 16- da Beyləqan rayonda Baş Prokuror Kamran Əliyevlə görüşüb məlumat verib və baş prokuror bu barədə adiytatı qrumlara taşırıq verib. Onun iddiasına görə ona pul təklif ediblər ki, şikayətçi olmasın.

Lakin pulu qəbul etmədiyi üçün onlardan xəbırsiz məhkəmə keçirərək cinayət işinə xitam verildiyini deyir. O adiyyatı qrumlara səslənərək bu məsəıənin araşdırılmasını xahiş edir.(Dia-az.info)

Naxçıvan Muxtar Respublikasının (MR) bir qrup müəllimi adından “Hürriyyət”in redaksiyasına şikayət məktubu daxil olub. Həmin məktubu olduğu kimi dərc edirik:

“Sizə məktub ünvanlamaqda əsas məqsədimiz bir neçə gündür internet portallarında Naxçıvan müəllimlərinin növbəti dəfə sertifikasiya imtahanından keçməsi xəbərlərinin yayımlanması ilə bağlıdır.

2021-ci ildə Naxçvan müəllimlərinin hamısı növbəli şəkildə sertifikasiya imtahanlarından keçirilmişlər. Biz müəllimləri narahat edən odur ki, niyə Naxçıvan müəllimlərinə qarşı bu qədər haqsızlıq olunur. Azərbaycanın digər bölgələrində, o cümlədən Bakı şəhərində olan müəllimlərin əksəriyyəti bir dəfə də olsun sertifikasiya imtahanına girmədiyi halda, Naxçıvan müəllimləri 3 (üç) il ərzində 2-ci dəfə sertifikasiya imtahanına cəlb olunurlar.

İndiki hakimiyyət əvvəlki imtahanları kecərsiz sayır və Emin Əmrullayevin əmri ilə yenidən imtahan keçirmək fikrindədirlər. Bəs Naxçıvan müəllimləri 2021-ci ildə (44 günlük vətən müharibəsi stressini və gərginliyini atlatmamış tələm-tələsik) sertifikasiya imtahanına cəlb edilərkən Emin Əmrullayev nazir olaraq hara baxırdı? Onun xəbəri yox idi ki, Bakı müəllimlərindən fərqli olaraq, Naxçıvan müəllimlərinə sertifikasiya imtahanı keçirirlər? Əgər bu imtahanlar qanunsuz idisə, sertifikasiya imtahanının keçirilməsinin qarşısını alıb, Naxçıvan müəllimlərinin hüquqlarını qoruyardılar.

Bu imtahanı keçərsiz qəbul etsələr belə, biz müəllimlər həmin vaxt imtahan həyacanını yetərincə keçirmişik. Hətta imtahan həyacanından ürək tutmasından həyatını itirənlər oldu. Eyni zamanda, imtahandan kəsilməyi özünə qəbul etməyərək canına qəsd edənlər də oldu. Əgər bu sertifikasiya imtahanları keçərsiz olacaqdısa biz müəllimlərin sağlamlığına niyə bu qədər zərbə vurulmağına ğöz yumurdular?! Nə qədər stress və həyacan çəkildi. Şəkər xəstəliyinə tutulanların sayı-hesabı yoxdur.

İndiki hakimiyyətin dövründə Naxçıvan Təhsil Nazirliyinin və Təhsil Şöbəsinin aparıcı qüvvələr olan xanım əməkdaşları, əvvəlki hakimiyyətin dövründə də aparıcı qüvvələr olub və sertifikasiya imtahanlarında da yaxından iştirak ediblər. Onlar bu imtahan zamanı müəllimlərin hansı hiss və həyacan keçirdiklərini yaxşı bilirlər. Sertifikasiya imtahanlarını keçərsiz sayanlar niyə imtahandan kəsilənlərə 6 (altı) saatdan artıq dərs verməyiblər? Dərs bölgüsündə isə sertifikasiya imtahanından topladıqları ballara görə müəllimlərə dərs saatları verildi. Amma indi bu imtahan keçərsiz sayılır. Bildirirlər ki, iyul ayında sertifikasiya imtahanları başlayacaq.

Müəllimlərin yeganə istirahəti yay tətilidir. Kimsə harasa istirahətə gedəcəksə, özünün və yaxud övladının müalicəsi, əməliyyat olunması və xeyir işlərini yay tətilinə planlaşdırır. Bunlar amma deyir ki, heç nə etməyin, oturun evinizdə imtahanların nə zaman olacağını gözləyin. Test mərhələsini və müsahibə mərhələsini həyacan çəkərək gözləyin. Sonrada yeni dərs ili başlayacaq. Bəs biz müəllimlər neyləyək? Naxçıvan həmişə təhsil sahəsində fərqlənib. Təhsil göstəriciləri Azərbaycanın digər rayonlarından üstün olub. Bu da sözsüz ki, Naxçıvan müəllimlərinin sayəsində olub. Amma buna baxmayaraq Naxçıvan müəllimləri ikili standartlara məruz qalır və haqsızlığa uğrayırlar. Sertifikasiya ilə bağlı nəsə bir söz deyiləndə də, müəllimlərə belə cavab verilir: Bir dəfə imtahandan keçmisinizsə növbəti dəfə də keçəcəksiniz, niyə qorxursunuz.

Biz demirik ki, sertifikasiyadan keçməyək, bizi imtahan etməsinlər. Sadəcə bizlərin haqlı olaraq tələbi odur ki, Naxçıvan müəllimlərinə qarşı bu qədər haqsızlıq olunmasın. 2026-cı ildə 5 (beş) ilimiz tamam olduqdan sonra normal qaydada sertifikasiya imtahanlarını təşkil etsinlər. Sanki qəsdən belə haqsızlıqlar edib, bu qədər müəllim ordusunu hakimiyqətdən narazı salıb, rəhbərliyin əleyhinə qaldırmaq istəyirlər.

Sizdən xahiş edirik, bu məktubumuzu öz səyfənizdə işıqlandırın və səsimizi lazımı dairələrə çatdırın”.

"16.04.2024 cü il tarixində 15 günlük xidmətimizi başa vurub evə qayıdan zaman iş yoldaşımız Eminov Valeh Seyfulla oğlu gəmidən düşməmiş dərhal Təhlükəsizlik idarəsinə çağırdılar orada ona "sən neçə ildir dənizdə işləyirsən, bundan sonra səni quru komandasına köçürürük... ya qəbul edirsən, ya da 1 ay müddətində işə gəlməsən, isdən azad olunursan..." deyiblər". Dia-az.info bildirir ki, bunu öz etirazlarlarında neftçilər qeyd edirlər.

Müraciətdə daha sonra bildirilir: "İş yoldaşımız nə qədər işini dəyişmək istəməsə də, idarədə olan rəislər onu məcbur ediblər ki, yerdəyişmə barədə imza etsin... Bir neçə rəisin basqısı altında qalaraq 15 gün ağır iş rejimində isləyərək yorğun olan iş yoldaşımız istəmədən imza edib. Bizim iş yoldaşımız xidmətində nümunəvi və rəislərin göstərişini dəqiq və vaxtinda yerinə yetirib... Xahiş edirik, bu haqsızlığa susmayasınız..."

Dia-az.info bildirir ki, son günlər Neft Dşlarında çalışan işçilərə qarşı müxtəlif yollarla təzyiqlər edilir. Onlar gah qanunsuz imtahanlar, gah da müxtəlif təzyiqlər hesabına yerdəyişməyə vadar edilir ki, bu da haqlı olaraq narazılıqla müşaiyət olunur.

Məsələ diqqətimizdədir...

Fransada “Nestle” şirkəti suyun toplandığı mənbədə nəcis mənşəli bakteriyalar aşkar edildiyi üçün iki milyon şüşə “Perrier” suyunu məhv edib.

Bu barədə “Le Monde” qəzeti məlumat yayıb.

Qəzet aydınlaşdırıb ki, buna səbəb “Perrier” zavodunun yerləşdiyi Verqese kommunasında yeddi bulaqdan birinin suyundan istifadənin dərhal dayandırılması haqqında Qard departamenti prefektinin fərmanı olub.

Qeyd olunub ki, 2024-cü il martın 10-dan bir neçə gün ərzində suyun mənbəsinin ətrafında nəcis mənşəli mikroorqanizmlərlə, həmçinin “Pseudomonas aeruginosa” növünün mikroorqanizmləri ilə yoluxma epizodu baş verib. Belə ki, bu bakteriyalar suya düşsələr, istehlakçılar üçün sağlamlıq riski yarada bilərlər.

“Nestle” nəşrə bildirib ki, buna səbəb “Monika” qasırğası zamanı bölgəyə yağan güclü yağış olub.

Qəzet isə qeyd edib ki, bu hadisə şirkətin mənbələrində toplanan qrunt sularının keyfiyyətinin ümumi şəkildə pisləşməsi fonunda baş verib. Belə ki, Fransada istehsal olunan mineral suyun ən azı 30%-i qadağan olunmuş təmizləmə prosedurlarından keçir.

Xatırladaq ki, “Pseudomonas aeruginosa” kəskin və ya xroniki infeksiyalara səbəb olan, bəzən ciddi və ölümcül bir mikroorqanizmdir. Bu bakteriya növləri antibiotiklərə qarşı güclü müqavimət göstərir.

Bakının Xətai rayonunda çoxmərtəbəli yaşayış binasında yanğın olub.

Bu barədə Fövqəladə Hallar Nazirliyi məlumat yayıb.

Bildirilib ki, Bakı şəhərinin Xətai rayonunda çoxmərtəbəli yaşayış binasının 10-cu mərtəbəsində ümumi sahəsi 100 m² olan 5 otaqlı mənzildə 3 ədəd yataq dəsti, 1 ədəd kreslo, 1 ədəd televizor və 1 ədəd plastikdən ibarət pəncərə qismən yanıb.

Mənzilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

Aprelin 24-də Bakıda, “Gülüstan” sarayında Azərbaycan Respublikasının Prezidenti İlham Əliyevin adından Qırğız Respublikasının Prezidenti Sadır Japarovun şərəfinə dövlət ziyafəti verilib.

Ziyafətdə Azərbaycanın və Qırğızıstanın musiqi əsərlərindən ibarət konsert proqramı təqdim olunub.

18:57

Bu dəqiqələrdə Bakıda, “Gülüstan” sarayında Azərbaycan Respublikasının Prezidenti İlham Əliyevin adından Qırğız Respublikasının Prezidenti Sadır Japarovun şərəfinə dövlət ziyafəti verilir.

Bu barədə məlumatı Azərbaycan Prezidentinin Mətbuat Xidməti yayıb.

Kənd Təsərrüfatı Nazirliyinin tabeliyində fəaliyyət göstərən “Azərbaycan Dövlət Aqrar Universiteti” publik hüquqi şəxsin nəzdində “Gəncə Dövlət Aqrar Kolleci” publik hüquqi şəxs yaradılıb.

Bu barədə Nazirlər Kabineti qərar qəbul edib.

Yeni kollec Kənd Təsərrüfatı Nazirliyinin təklifinə əsasən yaradılıb.

Azərbaycanda səfərdə olan Qırğız Respublikasının Prezidenti Sadır Japarov aprelin 24-də Şəhidlər xiyabanını ziyarət edib.

Prezident Sadır Japarov Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsini ehtiramla yad edib, “Əbədi məşəl” abidəsinin önünə əklil qoyub.

Sonra Bakının ən hündür nöqtəsindən paytaxtımızın mənzərəsini seyr edən ali qonağa Şəhidlər xiyabanının tarixi və şəhərdə görülən abadlıq-quruculuq işləri barədə məlumat verilib.