Azərbaycanda avtomobil yollarında vəziyyət açıqlanıb.

Milli Hidrometeorologiya Xidmətindən Lent.az-a bildirilib ki, yanvar ayının 31-də gecə və səhər Bakı-Şamaxı-Yexlax, Bakı-Ələt-Astara, Yevlax-Zaqatala, Ağsu-Kürdəmir-Bəhramtəpə, Hacıqabul-Şirvan, Göyçay-Ucar, Ucar-Zərdab-Ağcabədi, Salyan-Neftçala, Xaldan-Mingəçevir, Şuşa-Füzuli, Gəncə-Kəlbəcər-Laçın, Ağdam-Füzuli-Horadiz, Masallı-Yardımlı, Lənkəran-Lerik magistral avtomobil yollarının bəzi hissələrində duman ilə əlaqədar olaraq görünüş məsafəsi 300-800 m-dək məhdudlaşacaq.

Yanvarın 29-u saat 01 radələrində Suraxanı rayonu, Yeni Günəşli qəsəbəsi “V” yaşayış sahəsi bina 012E, mənzil 98 ünvanında 1972-ci il təvəlüdlü İlham Hüseynovun meyitinin aşkar edilməsi barədə rayon prokurorluğuna məlumat daxil olmuşdur.

Bundan başqa, həmin binanın qarşısındakı asfalt örtük üzərində 1997-ci il təvəllüdlü Fuad Mayılovun meyiti aşkar edilmişdir.
Dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitlərə baxış keçirilmiş, digər prosessual hərəkətlər yerinə yetirilmişdir.
İlham Həsənovun meyitinin müayinəsi zamanı onun üzərində deşici-kəsici alətlə törədilməyə xarakterik çoxsaylı xəsarətlər, Fuad Mayılovun meyitinin üzərində isə hündürlükdən yıxılmaya xarakterik çoxsaylı sınıq xəsarətlərinin olması müəyyən edilmişdir.
Faktla bağlı Suraxanı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmışdır.
Hazırda hadisənin təfərrüatlarının tam, hərtərəfli və obyektiv araşdırılması istiqamətində zəruri istintaq və əməliyyat-axtarış tədbirləri davam etdirilir.

“İcbari Tibbi Sığorta üzrə Dövlət Agentliyi, sizin K.Fərəcova adına Elmi-Tədqiqat Pediatriya İnstitutuna (OMD xəstəxanasına) ödədiyiniz pullar rəhbər vəzifələrdə əyləşən “həkimlər” tərəfindən mənimsənilir”. Zamantv.az yenicag.az-a istinadla xəbər verir ki, 6 aylıq övladını OMD xəstəxanasına aparan “İctimai Tv”nin əməkdaşı Ürfan Məmmədli orada üzləşdiyi neqativ hallara etiraz edib.

O, qeyd edib ki, sözügedən xəstəxanada özbaşınalıq baş alıb gedir:

“Dünən K.Fərəcova adına Elmi-Tədqiqat Pediatriya İnstitutunda (OMD xəstəxanasında) oldum. Uzun illərdən sonra yolum özəl klinikaya yox, məhz dövlət tibb müəssisəsinə düşürdü. Bu xəstəxananın timsalında səhiyyəmizdəki rüşvətxorluğun, dələduzluğun canlı şahidi oldum. Əvvəla onu qeyd edim ki, xəstəxananın təmirli və təchizatın yeni olması yeganə təsəlli yeridir. Başqa heç bir mənzərə ürəkaçan deyil. Dəhlizlərdəki qoxular, pandemiya şəraitində ara məsafələrin qorunmaması, növbənin kortəbii təşkili, həkimlərin və tibb işçilərinin mədəniyyətsiz, səliqəsiz formada xidməti gözdən qaçmır. Məlumat hissəsində sizə qəbz və növbə verilir. Qəbzə diqqətlə baxanda orada sifarişçinin “İcbari Tibbi Sığorta” olduğunu görürsən. Lakin bütün xidmətlərə görə ödəniş etməlisən.

Həkimin biri İcbari Tibbi Sığorta vasitəsilə onlara əlavələr gəlmədiyini, digəri isə hələ bu sığortanın onların xəstəxanasında işləmədiyini dedi. “Bəs qəbzdə niyə belə yazılıb?”, – soruşanda isə, “Vallah, bizə İcbari Tibbi Sığortadan bir qəpik çatmır. Əksinə maaşımızdan da bəhanələr gətirib tuturlar. Baş həkimlərin işinə yarayır o sığorta”, – dedilər.

Ortada 6 aylıq körpəmin sağlamlığı rol oynayır. Mən bu gün buna görə vətəndaş hüququmdan istifadə etmədim. Həkimlərlə mübahisə edəcək, nəyisə sübut edəcək əhvalda deyildim. Və mənim kimi onlarla vətəndaş eyni aqibətdə idi.

Əziz İcbari Tibbi Sığorta üzrə Dövlət Agentliyi, sizin K.Fərəcova adına Elmi-Tədqiqat Pediatriya İnstitutuna(OMD xəstəxanasına) ödədiyiniz pullar rəhbər vəzifələrdə əyləşən “həkimlər” tərəfindən mənimsənilir. Bu azmış kimi vətəndaşlardan da pul yığırlar. Üstəlik, xəstəxanada icbari tibbi sığorta ilə bağlı məlumat lövhəsinə rast gəlmədim. Səhiyyə Nazirliyi, rəhbər vəzifələrə vicdanlı həkimləri təyin edin ki, vətəndaşlar vicdanlı və keyfiyyətli xidmət görsünlər”.

Zamantv.az : - Daxili İşlər Nazirliyi (DİN) Bakıda ərəb turistlərin kütləvi davası ilə bağlı yayılan məlumatlara münasibət bildirib.

DİN-in Mətbuat Xidmətindən DİA.AZ-a bildirilib ki, paytaxtın Nizami rayonunda gecə klubunda ərəb turistlərlə ölkə vətəndaşları arasında kütləvi davanın baş verməsi barədə yayılan məlumatlar həqiqəti əks etdirmir.

"Hadisə ilə bağlı qeyd edək ki, insident ölkəmizə turist kimi gələn 4 nəfər Səudiyyə Ərəbistanı vətəndaşı arasında baş verib. Onlar arasında mübahisə isə gecə klubunda yox, obyektdən kənarda baş verib. Mübahisə zamanı həmin şəxslər bir-birilərinə fiziki zor tətbiq etməyiblər. Hadisə zamanı xidmətdə olan olan Nizami Rayon Polis İdarəsinin əməkdaşları onları ərazi üzrə 25-ci Polis Şöbəsinə dəvət ediblər. Şöbədə tərcüməçinin iştirakı ilə onların izahatları alınıb və turistlər bir-birilərindən şikayət etmədikləri bildiriblər. İzahatları alınandan sonra isə həmin şəxslər sərbəst buraxılıblar", - məlumatda qeyd edilib.

35 kartla Beynəlxalq Bankdan oğurlanan 211 milyon manatlıq iqtisadi cinayət haqqında demək olar ki, bütün Avropa mətbuatı, xüsus ilə də Böyük Britaniya mediyası ətraflı yazılarla çıxış edib.

Avropa mətbuatı heç cürə anlaya bilmir ki, bir gün içində təxminən 70 min manatlıq şokalad sifariş etmək nəyə lazımmış?

Media mənsubları bu qədər şokaladı sifariş verən Beynəlxalq Bankın həbsdə olan keçmiş sədri Cahangir Hacıyevin arvadı Zamirə Hacıyevanın dəfələrlə qısa müddətdə etdiyi israfçılıqları gündəmə gətirməklə varlı-hallı ingilisləri də təcübləndirə biliblər.

Zamantv.az xəbər verir ki, Bizim.Media-nın hazırda Avropada məşhur bankların birində təlim keçən soydaşlarımızdan əldə etdiyi məlumata görə, Zamirə Hacıyevanın Londondakı maliyyə sərgüzəştləri banklarda yeni işə başlayan işçilər üçün treninq kimi tədris olunur.

Onlara öyrədilir ki, müştərilərin xərclərin böyük məbləğlərin iqtisadi cinayət olub - olmadığını bu nümunələr üzərində axtarmaq lazımdır. Çünki adətən belə böyük məbləğləri mənasız yerə xərcləyən bank müştəriləri bu cür maliyyələri müxtəlif cinayətlər yolu ilə əldə edirlər. Ona görə də belə müştərilərin maliyyə mənbələri araşdırılmalıdır. Və Zamirə Hacıyeva nümunə gətirilir.

Bu kontekstdə Azərbaycan Beynəlxalq Bankının keçmiş sədrinin arvadı Zamirə Hacıyeva Avropa bank müşətiriçiliyində pis reputasiyaya malikdir.

Xatırlatma kimi deyək ki, Zamirə Hacıyeva 2018-ci ilə qədər Londonun məşhur dükanı Harrods-da 16 milyon funt sterlinq (35.85 milyon manat) xərcləyib. O, Londonda alış-verişləri üçün ödənişi ərinin bankının 35 ədəd kredit kartı ilə edib.

Məhkəmə qərarına görə, Cahangir Hacıyevin təşkilatçılığı və göstərişi ilə "bankı talamaq üçün" yaradılan qruplaşma üzvləri bankdan 10 ədəd plastik kart vasitəsilə milyonlarla manatı faizsiz kredit adı altında çıxarıblar.

İddiaya görə, Hacıyevin arvadı plastik kartlarla Azərbaycanda və bir çox xarici ölkələrdə bankomatlar vasitəsilə Beynəlxalq Bankdan 13.5 milyon dollar, 2.8 milyon avro və 4 milyon manat (o vaxtkı məzənnə ilə 18 milyon manat) çıxarıb.

Azərbaycanın hüquq-mühafizə orqanları hələ 2016-cı ilin yayında Zamirə Hacıyevanın da əri Cahangir Hacıyev kimi mənimsəmədə ittiham olunduğunu bəyan edib.

Məhkəmə hökmü ilə Beynəlxalq Banka vurulan ziyanın ümumi dəyəri 211 milyon 597 min manat məbləğindədir.

Gəncədə bədbəxt hadisə baş verib.

Lent.az-ın APA-ya istinadla məlumatına görə hadisə şəhərin Yeni Gəncə yaşayış massivində yerləşən 5 mərtəbəli binada qeydə alınıb.

2006-cı il təvəllüdlü E.Rəfiyeva yaşadığı eyvanında paltar asan zaman ehtiyatsızlıqdan yerə yıxılıb. Yeniyetmə qız xəstəxanaya yerləşdirilib, vəziyyətinin ağır olduğu bildirilir.

Taksi sürücüsü tərəfindən döyülərək ağır xəsarət alan Xəzri Həşim Əjdər oğlu 3 ay sonra vəfat edib.

Zamantv.az APA-ya istinadən məlumata görə, Xəzri Həşim ötən ilin oktyabr ayının 20-də Binəqədi rayonu ərazisində özünə məxsus “Hyundai Santa Fe” markalı avtomobillə hərəkətdə olarkən qarşıdan gələn “Nissan Sanny” markalı avtomobilin sürücüsü Hüseynov Nicat Arif oğlu ilə aralarında bir-birinə yol verməmək üstündə mübahisə yaranıb. Taksi fəaliyyəti ilə məşğul olan N. Hüseynov mübahisə zamanı Xəzri Həşimi yumruq və təpiklə döyüb. Nəticədə Xəzri Həşim baş-beyin nahiyəsindən həyatı üçün təhlükəli olan xəsarətlər alıb.

Hadisədən sonra şiddətli baş ağrıları başlayan zərərçəkmiş oktyabrın 24-də Respublika Neyrocərrahiyyə Xəstəxanasına aparılıb. Xəstə kompyuter tomoqrafiyasından (KT) keçirilən zaman beyində qanama ocağı aşkar edilib.
O, həmin günü evə buraxılıb, lakin axşam baş ağrıları daha da şiddətlənib. Aldığı zərbələrin təsirindən həmin gün axşam Xəzri Həşimin vəziyyəti yenidən pisləşdiyi üçün Respublika Neyrocərrahiyyə Xəstəxanasına geri qaytarılıb.

Xəstəxanaya çatdırıldıqdan təxminən 20 dəqiqə sonra komaya düşüb. Xəstə kompyuter tomoqrafiyasından (KT) keçirilən zaman beyində qansızma ocağının artması müəyyən edilib və intubasiya edilərək təcili əməliyyata alınıb. Xəzri Həşim ötən il oktyabrın 24-dən noyabrın 6-a qədər Respublika Neyrocərrahiyyə Xəstəxanasına stasionar müalicə alsa da, səhhəti daha da ağırlaşıb.

Sonradan Mərkəzi Kliniki Xəstəxanaya yerləşdirilən xəstə dekabrın 27-nə qədər orda müalicə olunub, lakin vəziyyətində irəliləyiş baş verməyib. Koma vəziyyətində olan xəstənin müalicəsinin həkim nəzarəti altında xüsusi şəraitdə evdə davam etdirilməsinə qərar verilib.

Xəzri Həşim bu il yanvarın 25-də vəfat edib.

Hadisəni törətməkdə təqsirləndirilən N. Hüseynov isə polis tərəfindən saxlanılıb, o, Cinayət Məcəlləsinin 126.1-ci ci (qəsdən sağlamlığa ağır zərər vurma) maddəsi ilə təqsirli bilinərək barəsində Binəqədi Rayon Məhkəməsinin qərarı ilə həbs qətimkan tədbiri seçilib.

Hazırda cinayət işi üzrə məhkəmə-tibbi ekspertizası təyin edilib.

APA-nın əldə etdiyi məlumata görə, Xəzri Həşim Əjdər oğlu Xəzər Rayon Məhkəməsinin hakimi Xəzri Ramilə Həşim qızının atasıdır.

“Kəlbəcərdə çovğun nəticəsində itkin düşmüş baş leytenant Fuad Bağırovun tapılması məqsədilə axtarış-xilasetmə tədbirləri davam etdirilir”.

Lent.az xəbər verir ki, bunu bu gün keçirilən brifinqdə Müdafiə Nazirliyinin Mətbuat Xidmətinin rəis müavini Anar Eyvazov deyib.

Kərim Vəliyev Ermənistanla sərhəddə döyüş qabiliyyətinin daha da artırılması ilə bağlı tapşırıq verib
MN: Ermənistanla sərhəddə vəziyyət gərginləşib, adekvat cavab tədbirləri görülür Rusiyanın Qarabağdakı sülhməramlılarının komandanı yenə dəyişib Nazirlik rəsmisi bildirib ki, ərazinin çətin relyefli yüksəklikdə və qarla örtülməsini nəzərə alaraq bura kifayət qədər şəxsi heyət və xüsusi texnika cəmləşdirilib, axtarış işlərinə cəlb olunan şəxsi heyət mütəmadi olaraq isti yemək və çayla təmin edilib: "Azad olunmuş Kəlbəcər və Laçın rayonları çətin relyefli, əsasən dağlıq və meşə sahələrindən ibarətdir. Bu rayonlarda qış ayları çox sərt keçir, havanın temperaturu gecələr - 15-20 dərəcə arasında dəyişir, bəzən bu temperatur mənfi 30 dərəcəyə qədər düşür. Azərbaycan ordusunun mühəndis qoşunları digər dövlət qurumları ilə qarşılıqlı əlaqədə yolların daima işlək vəziyyətdə saxlanılması və bölmələrin fasiləsiz təminatını həyata keçirmək üçün lazım olan bütün tədbirləri həyata keçirlər. Bu tədbirlərə yolların qar örtüyündən təmizlənməsi, işarəedici çubuqların basdırılması da daxildir. Lakin külək və çovğun nəticəsində bəzən təmizlənmiş yollar qısa müddətdə yenə də qarla örtülür”.
A.Eyvazovun sözlərinə görə, Azərbaycan respublikasının prezidenti İlham Əliyevin diqqət və qayğısı nəticəsində qısa müddət ərzində sözügedən ərazilərdə xidmət edən hərbi qulluqçuların sosial məişət şəraiti yaxşılaşdırılıb: “Yeni inşa edilən və ya əsaslı təmir olunan yaşayış məntəqələri bu rayonlarda dislokasiya olunan hərbi hissələrin istifadəsinə verilib."
Kəlbəcər rayonunun Alagöllər sahəsində hava şəraitinin qəfil dəyişməsi və çovğun səbəbindən dörd nəfər hərbi qulluqçularımız - baş leytenant Bağırov Fuad Allahverdi oğlu, MAHHXHQ kiçik çavuş Hüseynov Cavad Rauf oğlu, əsgər Hüseynov Maşallah Rövşən oğlu və əsgər Kərimov Yasin Yavər oğlu ərazidə istiqaməti itirərək azıb.

Müdafiə Nazirliyindən Lent.az-a verilən məlumata görə, hərbi qulluqçularımızın tapılması məqsədilə dərhal təxirəsalınmaz tədbirlərə başlanılıb.

Keçirilən axtarışlar nəticəsində yanvarın 29-u səhər saatlarında kiçik çavuş C.Hüseynov, əsgər M.Hüseynov və əsgər Y.Kərimov tapılıb. Onlar Kəlbəcərdəki hərbi hospitala yerləşdirilərək həkim nəzarətinə götürülüb.

Baş leytenant F.Bağırovun tapılması məqsədilə axtarış-xilasetmə tədbirləri davam etdirilir.

Nazirlər Kabineti “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edib.

Zamantv.az APA-ya istinadən xəbər verir ki, Azərbaycana idxal edilən 92 və ya daha çox oktan ədədi ilə (tədqiqat metodu ilə) avtomobil benzinin hər 1000 litri üçün tətbiq edilən 15 faiz idxal gömrük rüsumu ləğv olunub
Eyni zamanda 95-dən az oktan ədədi ilə (tədqiqat metodu ilə) avtomobil benzinin hər 1000 litri üçün 15 faiz idxal gömrük rüsumu da ləğv olunub.

Bu Qərar 2022-ci il 1 fevral tarixindən tətbiq edilir və 2022-ci il 1 iyun tarixinədək qüvvədədir.

***

saat 17.16

Nazirlər Kabineti “Azərbaycan Respublikasının ərazisinə gətirilən aksizli malların aksiz dərəcələri”ndə dəyişiklik edib.

Azərbaycana gətirilən aviasiya benzinləri istisna olmaqla, tərkibində qurğuşunun miqdarı 0,013 q/l-dən çox olmayan, 95-dən az oktan ədədi ilə mühərrik benzinlərinin 1 tonu üçün aksiz dərəcəsi 200 manatdan 1 manata endirilib.

Bu Qərar 2022-ci il 1 fevral tarixindən tətbiq edilir və 2022- ci il 1 iyun tarixinədək qüvvədədir.

Ucarda 6 nəfərin xəsarət alması ilə nəticələnən yol qəzası baş verib.
Zamantv.az APA -ya istinadən xəbərinə görə, hadisə bu gün axşam saatlarında rayonun Heydər Əliyev prospektində baş verib.

Ucar rayon sakini, 2002-ci il təvəllüdlü Mirabdulla Rüstəmovun idarə etdiyi "VAZ-21099" markalı minik avtomobili ilə rayonun Alpout kənd sakini, 2002-ci il təvəllüdlü Kənan Zeynalovun idarə etdiyi "Opel" markalı maşını toqquşub. Toqquşmadan sonra idarəetmədən çıxan avtomobillər yol kənarında olan 2 piyadanı da vurub. Nəticədə sürücülər – M. Rüstəmov, K. Zeynalov, daha 2 sərnişin və 2 piyada xəsarət alıb.
Xəsarət alanlar – 1999-cu il təvəllüdlü Məqsəd Bəxtiyar oğlu Əsgərov, 2005-ci il təvəllüdlü Kənan Asif oğlu Abuzərov, 2001-ci il təvəllüdlü İbrahim İlqar oğlu İbrahimov, 2001-ci il təvəllüdlü Ramil Baba oğlu Abdurəhmanov aldığı müxtəlif xəsarətlərlə Ucar Mərkəzi Rayon Xəstəxanasına yerləşdiriliblər.
Durumu daha ağır olan R. Abdurəhmanov Göyçay Rayon Xəstəxanasına aparılıb.

Baba Atayevin dediyinə görə ona məxsus "VAZ 21099" markalı minik maşınını nəvəsi M. Rüstəmov qaçırıb.

“Nəvəmin sürücülük vəsiqəsi olmadığına görə avtomobili ona idarə etməyə vermirdim. Xəbərim olmayıb, açarı götürüb, maşını sürmək üçün şəhərə çıxıb və məlum hadisə baş verib”, - B.Atayev deyib.

Faktla bağlı araşdırma aparılır.