“Omicron”un sağalmayan əlaməti açıqlanıb.

Zamantv.az-ın xarici KİV-ə istinadən xəbərinə görə, İngiltərə alimləri bildiriblər ki, koronavirusa yoluxan insanlar bel ağrısından şikayətlənsələr də, yeni varianta yoluxanlarda bu şikayət daha çox artıb.

Onların sözlərinə görə, “Omicron”a yoluxan və sağalan insanlar bir müddət bel ağrısından qurtula bilmirlər.

“Roqozub Mafusail” adlı balıq 90 ildir ki, Kaliforniya Elmlər Akademiyasında yerləşən akvariumda yaşayır.

Zamantv.az -ın xarici KİV-ə istinadən məlumatına görə, “Mafusail”in uzunluğu 1 metr 20 santimetr, çəkisi 18,1 kiloqramdır.

Balıq 94 il əvvəl Avstraliyadan xüsusi konteynerdə ABŞ-a gətirilib. Həmin balıq növündən bir neçə dənəsi tədqiqat üçün istifadə edilib. Onların əksəriyyəti ölsə də, “Mafusail” hələ də yaşayır. Alimlər indi bunun səbəbini araşdırırlar.

Ötən il qohumları tərəfindən zəncirlənərək qapalı yerdə saxlanan qadının vəziyyəti açıqlanıb.

Zamantv.az xəbər verir ki, bu barədə Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyinin İctimaiyyətlə əlaqələr şöbəsinin müdiri Murad Həşimov paylaşım edib.

Paylaşımda bildirilir:

“Səkinə nənəni xatırlayırsınız? Ötən il qohumu tərəfindən bağlı formada saxlanıldığı üzə çıxmışdı. Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin əməkdaşları tərəfindən aidiyyatı sosial xidmət müəssisəsinə yerləşdirilmişdi. Hələ o vaxt onun vəziyyətini davamlı diqqətdə saxlayacağımızı demişdik. Bu gün 88 yaşlı Səkinə nənəni otağında ziyarət etdik. Yaxşıdır”.

Qeyd edək ki, həmin hadisə Gədəbəy rayonun Novaivanovka kəndində baş verib.

Rusiyada öldüyü zənn edilən şəxs meyitxanada dirilib.

Zamantv.az -ın Rusiya mətbuatına istinadən məlumatına görə, meyitxanada saxlanılan cəsədlərdən biri anidən hərəkət etməyə başlayıb.

O anlar təhlükəsizlik kameralarında anbaan qeydə alınıb. Videodan görünür ki, ölmüş adam əvvəlcə qolunu oynadır, əli ilə üstündəki örtüyü açır. Daha sonra çətinliklə qalxmağa başlayır.

Vahid Dövlət İmtahanı (VDİ) həm məktəblilər üçün buraxılış imtahanı, həm də ali məktəbə qəbul imtahanıdır. Azərbaycanda onun tətbiqinin mümkünlüyü ən çox və uzunmüddətli müzakirə olunan təhsil məsələlərindən biridir.

Rusiyada uzun illərdir ki, VDİ-dən istifadə olunur və bu ölkənin təhsil sistemi bunun üzərində köklənib. Amma heç də bütün ruslar ona müsbət münasibət bəsləmirlər. “RİA Novosti” xəbər verir ki, “Otkritie Bank”ın araşdırmasına görə, rusiyalıların 60%-i onun ləğvinin tərəfdarıdır, 7%-i isə mütləq dəstəkləyir. Hər dördüncü respondent VDİ-yə normal yanaşır, çünki “hamı artıq buna öyrəşib”.

Zamantv.az xəbər verir ki, Azərbaycan Təhsil Nazirliyi yanında İctima Şura sədrinin müavini Nadir İsrafilovun AYNA-ya dediyinə görə, cəmiyyətimizdə imtahanların forması ilə bağlı yekdil fikir yoxdur: “Bir vaxtlar məktəbdə 5-6-cı siniflərdə cəmi 2 imtahan, 7-8-ci siniflərdə 3 imtahan, 9-10-cu siniflər 4 imtahan keçirilirdi. Bu, uşaqların yaşı, fizioloji imkanları nəzərə alınmaqla təşkil olunurdu. Və belə addım-addım yanaşma sayəsində məktəblilər imtahan verməkdə heç bir çətinlik çəkmirdilər. Hər kəs imtahanlarda hansı biliklərə ehtiyac duyacağını bilirdi. Universitetlərə gəlincə, ali məktəblərdə 4 imtahan olub. O zaman bir imtahan qeyri-profil fənni üzrə idi”.

İmtahan islahatları o zaman başladı ki, məktəblərdə keçid imtahanları ləğv edildi, yalnız buraxılış imtahanları qaldı. 90-cı illərdə universitetlərdə test imtahanları tətbiq edilib və onun hansı fənn üzrə keçirilməsi ilə bağlı mübahisələr hələ də var. Məsələn, bəziləri kimyanı informatikadan daha vacib hesab edir, bəziləri isə əksinə.

“Bəzi ölkələrdə ali məktəblərə qəbul imtahanlarının ləğv edilməsindən sonra bizdə deyildi ki, Azərbaycanda belə bir addım atmağa qərar verməliyik. Lakin bu fikir dəstəklənməyib. Başqa ölkələrdə təhsil prosesi fərqli ola bilər, amma bu, o demək deyil ki, biz hər şeyi qəbul etməliyik. Təbii ki, beynəlxalq təcrübəni öyrənmək lazımdır, həm də reallıqlarımızı nəzərə almaq şərtilə”, - deyə həmsöhbətimiz bildirib.

Onun fikrincə, imtahanlar lazımdır, lakin onların keçirilməsinin forma və üsulları müzakirə olunmalı və təkmilləşdirilməlidir: “Vahid Dövlət İmtahanına tərəfdar çıxanlar daha çox idi, çünki bir imtahan hər cəhətdən buraxılış və qəbul imtahanlarını ayrıca verməkdən asandır. Ancaq sonda Vahid Dövlət İmtahanına da gedilmədi, çünki biz hələ buna hazır deyilik. Belə imtahan sistemi tətbiq edilməzdən əvvəl ictimai rəy öyrənilməli və nəzərə alınmalıdır”.

“Ümumiyyətlə, bəzi dövlətlər sınaq imtahanlarına münasibətini yenidən nəzərdən keçirir. Test sisteminin üstünlükləri onun sayəsində daha çox abituriyentin ali məktəblərə daxil olmağa başlaması və imtahanlardan keçərkən insan amilinin təsirinin aradan qalxmasıdır. Ancaq testlərin çatışmazlıqları da var, çünki onları keçmək üçün materialı əzbərləmək kifayətdir. Şifahi imtahan isə tamam başqa məsələdir. O ki qaldı müəllimlərin belə imtahanda mümkün subyektivliyinə, komissiya var, abituriyent nə iləsə razılaşmasa, apellyasiya şikayəti verilə bilər”, - deyə İsrafilov vurğulayıb.

Sədr müavini hesab edir ki, fənnin xüsusiyyətlərini nəzərə almaq lazımdır: “Bəzi imtahanlar yazılı, bəziləri şifahi, bəziləri isə test üsulu ilə keçirilə bilər. Amma ölkədə imtahan sisteminin mərhələli təkmilləşdirilməsi davam edir və bundan sonra da davam edəcək. Beləliklə, test sistemimiz tədricən modernləşdirilir, artıq bir neçə ildir ki, biz yalnız qapalı yox, həm də açıq testlər keçiririk”.

Təhsil eksperti Səbinə Əliyeva da AYNA-ya şərhində deyib ki, hər sistemin özünəməxsus müsbət və mənfi cəhətləri var, lakin insan amilini də unutmaq olmaz: “Vahid Dövlət İmtahanına gəlincə, ona keçsək, indiki sistemlə heç bir ciddi fərq olmayacaq, amma bu, abituriyentlərin həyatını asanlaşdıracaq. Repetitorlara ehtiyac azalacaq və abituriyentlər stressdən uzaq olacaqlar”.

“Fikrimcə, test sistemini tam uğurlu adlandırmaq olmaz, çünki elə olur ki, abituriyent yalnız əzbərçiliklə məşğul olur və bu, obyektiv biliyi üzə çıxarmağa imkan vermir. Amma müqayisəli təhlil aparsaq, deyək ki, 80-ci illərdən fərqli olaraq, indi ali məktəbə daxil olmaq asanlaşıb. Şifahi imtahanda bir neçə cüt professor gözü gənc abituriyentə baxanda, o, asanlıqla çaşıb, hər şeyi unuda bilər”, - deyə müsahibimiz söyləyib.

Əliyevanın sözlərinə görə, VDİ çərçivəsində testlərlə yanaşı, bəzi ixtisaslar üzrə müsahibə də keçirmək olar: “Məsələn, deyək ki, rəssamlığa, rejissorluğa, bədən tərbiyəsi müəllimliyinə daxil olanlar xüsusi fəndən imatahan verdikləri halda, tibb fakültələrinə necə sırf test imtahanı ilə daxil olmaq olar - aydın deyil”.

Azərbaycanda COVID-19 infeksiyasına yoluxmanın cari vəziyyəti açıqlanıb.
Zamantv.az yeniavaz.com-a istinadən xəbər verir ki, bu barədə “koronavirus.info” saytında məlumat yerləşdirilib.
Məlumatda Azərbaycanda iqtisadi rayonların bölgüsünə görə yoluxmanın statistikası açıqlanıb. İqtisadi rayonlar isə 7 iyul 2021-ci ilə qədərki bölgüyə əsasən qruplaşdırılıb.
Belə ki, 7 iyul 2020-ci ildə Azərbaycan Respublikasında iqtisadi rayonların yeni bölgüsü haqqında Azərbaycan Respublikası Prezidentinin Fərmanı imzalanıb. Fərmanda Azərbaycanın iqtisadi rayonlarının yeni bölgüsü təsdiqlənib.
Yeni bölgüyə əsasən Azərbaycanda Bakı, Naxçıvan, Abşeron-Xızı, Dağlıq Şirvan, Gəncə-Daşkəsən, Qarabağ, Qazax-Tovuz, Quba-Xaçmaz, Lənkəran-Astara, Mərkəzi Aran, Şəki-Zaqatala, Şərqi Zəngəzur, Şirvan-Salyan iqtisadi rayonları var.
“Koronavirus.info” saytında dərc olunan məlumatda isə ləğv edilmiş Abşeron, Aran, Gəncə-Qazax, Yuxarı Qarabağ, Lənkəran iqtisadi rayonlarına görə statistika təqdim edilib.

Operativ Qərargah Prezidentin fərmanını niyə nəzərə almayıb?

Xatırladaq ki, “koronavirus.info” saytı 19 mart 2020-ci ildə Azərbaycanda əhalinin məlumatlandırılması məqsədilə Nazirlər Kabinetinin yanında Operativ Qərargah tərəfindən istifadəyə verilib.

Xatırladaq ki, “koronavirus.info” saytı 19 mart 2020-ci ildə Azərbaycanda əhalinin məlumatlandırılması məqsədilə Nazirlər Kabinetinin yanında Operativ Qərargah tərəfindən istifadəyə verilib.

Hazırda hakim Yeni Azərbaycan Partiyasının (YAP) İdarə Heyətinin iclası keçirilir.

Zamantv. az modern.az-a istinadən xəbər verir ki, iclasa Partiya sədrinin müavini – Mərkəzi Aparatın rəhbəri Tahir Budaqov sədrlik edir.

İclasda YAP rayon təşkilatlarına sədr təyinatı məsələsi müzakirə olunub.

Qərara əsasən, Gəncə rayon təşkilatında deputat Naqif Həmzəyevi Ramil Orucov, Ağdaş rayon təşkilatında Cavid Osmanovu Əlişah Rəcəbov əvəzləyib.

Yeni Azərbaycan Partiyası (YAP) rayon təşkilatlarına yeni sədrlər təyin olunub.

Zamantv.az APA-ya istinadən xəbər verir ki, bu barədə qərar YAP İdarə Heyətinin bu gün keçirilən iclasında qəbul edilib.

Deputatlar rayon təşkilatlarının yenidən sədr təyin olunmayıb. Beləliklə, Gəncə rayon təşkilatında deputat Naqif Həmzəyevi Ramil Orucov, Ağdaş rayon təşkilatında Cavid Osmanovu Əlişah Rəcəbov əvəzləyib.

***

saat 16.21

Yeni Azərbaycan Partiyasının İdarə Heyətinin iclası keçirilir.

Videokonfrans formatında keçirilən iclasa YAP sədrinin müavini – Mərkəzi Aparatın rəhbəri Tahir Budaqov sədrlik edir.

İclasda YAP rayon təşkilatlarına sədr təyinatı məsələsi müzakirə olunur.

Qeyd edək ki, YAP İdarə Heyətinin 10 sentyabr 2021 tarixdə keçirilən iclasında partiyanın Bakı rayon təşkilatlarına yeni sədrlər təyin olunub. YAP İdarə Heyətinin bu gün keçirilən iclasında isə digər rayon təşkilatlarına sədr təyinatı məsələsi həllini tapacaq.

Abşeronda baş verən ailə faciəsinin detalları məlum olub. Zamantv.az xəbər verir ki, lent.az həmin cinayət hadisəsinin istintaq materiallarını əldə edib.

İstintaqla müəyyən edilib ki, 1978-ci il təvəllüdlü Rafiq Hüseynov arvadı Sanara Əyyubovanın 2019-cu ilin noyabrın əvvəllərində tanımadığı şəxslə mobil telefon vasitəsi ilə əlaqə saxladığını görüb, ona xəyanət etməsindən şübhələnib. 2020-ci il oktyabrın 30-u saat 10 radələrində, yaşadıqları evin yataq otağında olduqları vaxt, həyat yoldaşına yaxınlaşaraq, qolunu sındıran oğlu 10 yaşlı Rəhmanı həkimə aparmaq lazım olduğunu deyib. Bu zaman qadın ona kobud cavab qaytarıb. Əsəbiləşərək telefonunda yad kişi nömrəsi olub-olmadığını soruşub. Sanara da onun mütəmadi şübhələri və mübahisələrindən bezdiyini deyib. Rafiq xəyanət şübhələrinin əsaslı olmasını düşünərək, arvadını öldürməyi qərarlaşdırıb. Bu məqsədlə Sanaranın xəbəri olmadan yataq otağından çıxaraq, mətbəxdən bıçaq götürüb. Dəhlizdə olan azyaşlı övladının yanından keçərək yataq otağına qayıdıb. Qapını içəridən açarla bağladıqdan sonra, paltar şkafının qarşısında dayanmış Sanaraya yaxınlaşıb. İlk zərbəni sağ qoluna vurub. Daha sonra müqavimət göstərib, bıçağı əlindən almağa çalışan qadının müxtəlif nahiyələrinə zərbələr endirib. Sanara müvazinətini itirib otağın döşəməsinə yıxılan kimi, niyyətini başa çatdırmaqdan ötrü qəddarlıqla onu bıçaqlamağa davam edib. Qışqırıq səsinə, qapının şüşəsini sındıraraq içəri baxan oğlunun gözləri önündə, ümumilikdə arvadına 30 dəfə zərbə endirib.

İş üzrə dindirilmiş Rafiq Hüseynov bildirib ki, Sanara Əyyubova ilə 2001-ci ildə ailə həyatı qurub. Nikahdan 2 övladları dünyaya gəlib. Onlar 2011-ci ilədək Lerik rayonun Pirasora kəndində yaşayıblar, sonra Bakı şəhərinə köçüblər. Rafiq 2014-cü ildə Abşeron rayonunun Digah qəsəbəsində 2 mərtəbəli ev tikib. Müxtəlif yerlərdə fəhlə kimi çalışaraq, ailəsini dolandırıb. 2019-cu ilin avqust ayında Sanaraya Kərbəla şəhərinə getməyi təklif edib. Amma arvadı getməyib. Arvadı ayın 22-də geri qayıdandan sonra əri ilə soyuq davranmağa başlayıb. Rafiq bundan bir-iki həftə sonra, Sanaranın kiminləsə telefonda yazışdığını görüb. Bu səbəblərlə aralarında yaranan mübahisələrdən sonra arvadı telefonunda Rafiqin mobil nömrəsini bloklayıb. Günlərin bir günü ailəvi Böyükşor parkında olarkən qonşuları Nüsrət Bəkirov da ora gəlib. Rafiqin sözlərinə görə, sanki Sanara Nüsrətlə tək qalmaq üçün bəhanə axtarıb. Arvadından onun nömrəsini blokladığı halda, niyə qonşunun nömrəsini də bloklamadığını soruşub. Bu zaman qadın “yaxşı edirəm” deyib. 2020-ci ilin may ayında Sanara ondan Mehdiabad Polis Bölməsinə şikayət edib, lakin aralarında barışıq olduğu üçün işə xitam verilib.

Rafiq oktyabrın 30-u saat 10 radələrində yataq otağında olanda arvadına intim əlaqədə olmaq istədiyini söyləyib. Amma qadın bundan imtina edib. Rafiq daha sonra Sanaradan telefonunda kişi nömrələrinin olub-olmadığını soruşub. Yoldaşı kişi nömrələrinin olduğunu bildirib. Ər-arvad problemlərinin həll etmək məqsədi ilə onunla söhbət etməyə çalışsa da, Sanara onu polisə verəcəyini və boşanacağını deyib. Bundan əsəbiləşən Rafiq mətbəxə gedib və bıçaq götürərək, otağa qayıdıb. Dəhlizdə dayanan oğlunun yanından keçib, qapını örtüb və içəridən bağlayıb.

Paltar şkafının yanında dayanan Sanaranı bıçaqlayaraq, onu yerə yıxıb. Arvadı “vurma, səndən boşanmayacam” deyərək, ona müqavimət göstərib. Sanara ayağa qalxıb, amma müvazinətini itirərək, çarpayının üzərinə yıxılıb. Rafiq dəqiq neçə zərbə vurduğunu xatırlamır. Hadisə zamanı oğlu qapının şüşə hissəsini sındırıb, vəziyyəti görüb və qorxaraq küçəyə qaçıb. Daha sonra Rafiq də evdən çölə qaçaraq qonşulara arvadını bıçaqladığını və ona kömək lazım olduğunu söyləyib.

Hadisə yerindən uzaqlaşaraq Aslan adlı Mehdiabad Polis Bölməsinin əməkdaşına zəng etsə də, o, telefona cavab verməyib. Saat 11 radələrində bölmənin başqa bir əməkdaşı onunla əlaqə saxlayıb, harada olduğunu soruşanda ona Digah qəsəbəsində, mərkəzi yolun kənarında dayandığını deyib. Orda saxlanılaraq bölməyə gətirilib.

Zərərçəkmiş şəxsin hüquqi varisi Müqəddəs Əyyubov ifadəsində göstərib ki, vaxtı ilə bacısı Sanaranın Rafiqlə ailə həyatı qurmasına doğmalarının çoxu razı olmayıb. Müqəddəsin sözlərinə əsasən, 2019-cu ilin sentyabr ayında Rafiq arvadını Kərbəla şəhərinə göndərdikdən sonra, onun qohumları Sanaraya müəyyən təzyiqlər ediblər. Belə ki, qadın ordan qayıdandan sonra Rafiq onu tez-tez döyüb və təhqir edib. Ailələrindəki münaqişənin həll olunması üçün Müəqddəs də öz səylərini göstərərək, hər ikisini tənbeh edib. 2020-ci ilin sentyabr ayında Rafiqin qardaşı Rizvan Hüseynov zəng edərək qardaşı ilə Sanara arasında yenidən münaqişənin kəskinləşdiyini deyib. Buna görə Müqəddəs atası ilə birlikdə Rafiqgilə gedib. Rafiq atasına daha heç bir problem yaratmayacağını söz versə də, Müqəddəs onun səmimiyyətinə inanmayıb.

Oktyabrın 30-da Şamaxı rayonunda olan qardaşı Müqəddin zəng edərək Rafiqin evdə dava saldığını deyərək Müqəddəsə özünü ora çatdırmağını xahiş edib. Təxminən 20 dəqiqə sonra “Koroğlu” metrostansiyası yaxınlığında olarkən qardaşı yenidən zəng edərək, Rafiqin Sanaranı bıçaqladığını və qonşuların onu 3 saylı xəstəxanaya apardıqlarını deyib. Müqəddəs bacısını xəstəxanaya gətirən qadına zəng edəndə, o ağlayaraq Sanaranın öldüyünü bildirib.

Şahid qismində dindirilən yetkinlik yaşına çatmayan 10 yaşlı Rəhman Hüseynzadə ifadəsində göstərib ki, 2018-ci ildən atası anasını əsassız qısqanmağa və münaqişə yaratmağa başlayıb. Bu münaqişələr vaxtı bacısı Nərminlə birlikdə anasının tərəfini saxlayıblar. Onun sözlərinə görə, çünki atası anasını haqsız yerə döyüb. 2019-cu ildə anası bacısının nişanlısı ilə birlikdə Kərbəla ziyarətinə gedib. Ordan qaydandan 2 həftə sonra anası ilə bacısı dini məclisdə olublar. Evə qayıdandan sonra həmin məclisi təşkil edən qadınla çəkdirdiyi şəkli telefonla ona göndərəndə atası “öz şəklini başqa qadına niyə göndərirsən, bəlkə onun əri sənin şəklini gördü” deyə, problem yaradıb. Mətbəxdə anasının qabağına keçib münaqişənin qarşısını almağa çalışanda atası Rəhmanı döyüb.

Hadisə baş verən gün mətbəxin qapısının açıq qalan yerindən atasına baxıb. Rəhman görüb ki, atası mətbəx mebelinin çəngəl-bıçaq qoyulan siyirməsini açıb, nəsə götürüb. Sonra yenidən yataq otağına qayıdıb. Qapı bağlandıqdan dərhal sonra anası qışqırmağa başlayıb. Bunu eşidən Rəhman özünü yataq otağının qapısına vuraraq açmağa çalışıb, amma qapı açılmayıb. Sağ əli ilə zərbə vurub, şüşəni sındırıb. Hadisə zamanı bıçaq atasının sol əlində olub. Anası ona “səndən boşanmayacam, uşaq baxır, öldürmə məni” sözlərini deyib. Uşağın sözlərinə əsasən, atası anasının sinə nahiyəsinə zərbə endirib. Gördüklərindən çox qorxan Rəhman küçəyə qaçıb. Qonşulara xəbər verib, geri qayıdarkən atasının evdən uzaqlaşdığını, anasını isə çarpayının yanında uzanıqlı və qana bulaşmış vəziyyətdə görüb. Anasının telefonu ilə “102” xidmətinə və bacısına zəng edərək məlumat verib. Evə Samirə adlı qonşuları gəlib, anasının yaralarından axan qanı kəsməyə çalışıb. Ona su veriblər. Təcili tibbi yardım briqadası gec gəldiyi üçün anasını Samirənin qardaşının maşını ilə xəstəxanaya yola salıblar. Bir müddətdən sonra anasının meyiti evə gətirilib.

Şahid Nüsrət Bəkirov bildirib ki, qonşusu Rafiq və onun həyat yoldaşı ilə münasibəti yaxşı olub. Hadisədən 1 ay əvvəl Rafiqin xahişi ilə onları özünü “Mercedes” markalı maşını ilə Böyükşor parkına aparıb. Şahidin sözlərinə görə, həmin gəzintidə onunla Sanaranın arasında heç bir yaxınlıq olmayıb. Oktyabrın 30-da işdə olarkən arvadı ona zəng edərək, Rafiqin Sanaranı öldürdüyünü deyib. Şahid qeyd edib ki, Sanara Əyyubova ilə heç bir yaxın münasibəti olmayıb.

Şahid Tamara Nəsirova ifadəsində göstərib ki, qızı ilə Rafiqin 2001-ci ildə ailə həyatı qurmalarına bir valideyn kimi etiraz edib. 2019-cu ilin sentyabr ayında Sanara Kərbəla şəhərindən qayıtdıqdan sonra onların ailəsində söz-söhbət yaranıb. Belə ki, Rafiqin doğmaları ona nəyə görə arvadını yad bir kişi ilə, yəni qızının nişanlısı ilə ziyarətə göndərməsinə görə təzyiq etməyə başlayıblar. 2020-ci il oktyabrın 30-da böyük qızı Tamara Nəsirovaya zəng edərək Rafiqin Sanaranı bıçaqladığını deyib. Evlərinə çatanda qızının meyitini 1-ci mərtəbədə, arxası üstə qoyulmuş vəziyyətdə görüb. T. Nəsirova həmçinin ifadəsində bildirib ki, qızı Sanara dini təhsil aldığından hicablı olub və heç vaxt ərinə xəyanət etməyib.

Bakı Ağır Cinayətlər Məhkəməsinin hökmü ilə Rafiq Hüseynov cəzasını ciddi rejimli cəzaçəkmə müəssisəsində çəkməklə 15 il müddətinə azadlıqdan məhrum olunub.

Füzuli rayonunda traktor minaya düşüb. Zamantv.az xəbər verir ki, bu barədə Baş Prokurorluğun Mətbuat Xidmətindən bildirilib.

Bildirilib ki, rayonun işğaldan azad edilmiş Üçbulaq kəndində əkin işləri aparılan zaman traktorun mina düşməsi ilə bağlı rayon prokurorluğuna məlumat daxil olub.

Nəticədə traktora ziyan dəyib və hər hansı bir şəxs xəsarət almayıb.

Faktla bağlı Füzuli Rayon Prokurorluğunda araşdırma aparılır.