Şəmkirdə intihar qohumunu xəstəxayana aparan şəxs yolda qəzaya düşüb. Zamantv.az “Qafqazinfo”ya istinadla xəbər verir ki, hadisə Bakı-Qazax magistralında, rayonun Əliyaqublu kəndindən keçən hissəsində qeydə alınıb. “VAZ 2106” və “VAZ 2107” markalı avtomobillər toqquşub.

Araşdırmalarla məlum olub ki, Namiq Qədirov idarə etdiyi "VAZ 2106" ilə sirkə tursuşu içən qohumu Sübhan Qədirovu xəstəxanaya aparırmış. Qəza zamanı Namiq Qədirov eləcə də "VAZ 2107"nin sürücüsü Eldar Orucov xəsarət alıb. Onlar və sirkə turşusu içən Sübhan Qədirov xəstəxanaya yerləşdirilib. Hər üçünün vəziyyəti kafi qiymətləndirilir.

İlkin məlumata görə, S. Qədirov sirkəni intihar məqsədilə içib.

Hadisə yerinə DYP əməkdaşları cəlb olunub. Faktla bağlı araşdırma aparılır.

Bakı İstintaq təcridxanasına və 3 saylı İstintaq təcridxanasına qadağan olunmuş əşyaların keçirilməsi cəhdlərinin qarşısı alınıb.

Penitensiar xidmətdən Zamantv.az-a verilən məlumata görə, Cinayət Məcəlləsinin 228.1-ci maddəsi ilə təqsirli bilinərək həbs edilmiş və hazırda Bakı İstintaq təcridxanasında saxlanılan Azad Azər oğlu Novruzova poçt vasitəsilə göndərilmiş banderola baxış keçiriib. Bu zaman orada olan şalvarın cibinə xüsusi üsulla hopdurularaq gizlədilmiş ümumi çəkisi 1,130 qram olan narkotik maddə - heroin aşkar edilib.

Cinayət Məcəlləsinin 234.4.3-cü maddəsi ilə təqsirli bilinərək həbs edilən və hazırda 3 saylı İstintaq təcridxanasında saxlanılan Kamran Rasim oğlu Zeynalovla qısamüddətli görüşə gəlmiş anası Saatlı rayon sakini Laləzar Dövlət qızı Zeynalovanın əşyalarına və üzərinə baxış keçirilib. Bu zaman alt paltarında gizlətdiyi 1 ədəd “KGTEL” markalı mobil telefon aparatı aşkar edilib.

Bakının Nərimanov rayonunda yol-nəqliyyat hadisəsi baş verib.

Zamantv.az-ın APA-ya istinadla xəbərinə görə, qəza Ziya Bünyadov prospektində baş verib.

“Mercedes” markalı kiçik mikroavtobus eyni istiqamətdə hərəkətdə olan “Hyundai” markalı avtomobilə çırpılıb. Hər iki avtomobilə ciddi ziyan dəyib.
Faktla bağlı araşdırma aparılır.

Bakının Sabunçu rayonunda yol qəzası zamanı bir nəfər ağır xəsarət alıb.

Zamantv.az-ın APA-ya istinadla xəbərinə görə, hadisə Komsomol dairəsi kimi tanınan ərazidə baş verib.
1995-ci il təvəllüdlü Əhmədova Arzu Tariyel qızı yolu keçərkən onu minik avtomobili vurub. Yaralı ağır vəziyyətdə xəstəxanaya çatdırılıb.
Faktla bağlı Sabunçu Rayon Polis İdarəsində araşdırma aparılır.

Astarada 57 yaşlı kişinin meyiti meşədən tapılıb.

Zamantv.az-ın APA-ya istinadən verdiyi məlumata görə, rayonun Maşxan kəndində yerləşən meşəlik ərazidə 1965-ci il təvəllüdlü Natiq Mirzəhəsən oğlu Qasımovun meyiti ağacdan asılmış vəziyyətdə tapılıb.

Meyit müayinə olunmaqdan ötrü aidiyyəti üzrə təhvil verilib.
Kənd sakinlərinin bildirdiyinə görə, mərhum əsəb xəstəliyindən əziyyət çəkirmiş.

Faktla bağlı araşdırma aparılır.

Krasnoyarsk diyarında 11 yaşlı məktəbli qızın hamiləliyi ilə bağlı cinayət işi açılıb.

Zamantv.az Rusiya mediasına istinadla bildirir ki, məktəbli qızın qarnında kəskin ağrılardan şikayət etməsindən sonra hamilə qaldığı məlum olub. Həkimlər qızın hamiləliyin 30-cu həftəsində olduğunu müəyyən ediblər.

Məktəbli qız uşaq gözlədiyini başa düşübmü, yoxsa qəsdən "maraqlı" vəziyyətini böyüklərdən gizlədib? İndi hüquq-mühafizə orqanlarının əməkdaşları bu suala cavab tapmalı olacaqlar.
Artıq “zorlama” maddəsi ilə cinayət işi açılıb, uşağın atası tez bir zamanda müəyyən edilib. Məktəbli qızın 15 yaşlı oğlan dostu olduğu ortaya çıxıb, yeniyetmələr bir müddət görüşüblər.

İstintaqla müəyyən edilib ki, yeniyetmə evdə olarkən yaşına görə köməksiz vəziyyətdə olan və törətdiyi əməllərin mahiyyətini və əhəmiyyətini dərk etməyən 11 yaşlı qızla könüllü cinsi əlaqədə olub.

Müstəntiqlər hadisənin başvermə şəraitini müəyyənləşdirir, yeniyetmə artıq etirafedici ifadə verib.

Şəkinin kəndində geyim mağazası yanıb.

Zamantv.az-ın APA-ya istinadla məlumatına görə, hadisə bu gün günorta saatlarında rayonun İkinci Biləcik kəndində baş verib. Kənd sakini, Əbülfəz Süleyman oğlu Kərimova məxus, ümumi sahəsi 12 kv/m olan, hazırda istifadə edilməyən geyim mağazasında yanğın baş verib.

Yanğının söndürülməsi üçün əraziyə Fövqaladə Hallar Nazirliyinin (FHN) Qax və Şəki rayonlarının Dövlət Yanğından Mühafizə Hissələrinin yanğınsöndürən maşınları və şəxsi heyətləri cəlb edilib. Yanğın nəticəsində mağazanın yanar konstruksiyaları içərisində olan avadanlıqlarla birlikdə yanıb. Yanğın zamanı xəsarət alan olmayıb.
Faktla bağlı araşdırma aparılır.

Şəkidə üç minik avtomobilinin toqquşması nəticəsində bir nəfər ağır xəsarət alıb.

Zamantv.az-ın APA-ya istinadla məlumatına görə, hadisə günorta saatlarında Şəki şəhərinin Fuad Abdurəhmanov küçəsində baş verib.

Hərəkətdə olan, 1990-cı il təvəllüdlü Hafiz Əfəndizadənin idarə etdiyi "Niva" markalı 90 RY 039 dövlət nömrə nişanlı minik avtomobili 1995-ci il təvəllüdlü Sərxan Arif oğlu Xəlilovun idarə etdiyi "Mersedes" markalı 10 MN 810 dövlət nömrə nişanlı minik avtomobili ilə toqquşub. Qəzadan sonra avtomobillər yolun kənarında dayanan Vidadi Qeysər oğlu Əfəndiyevə məxsus "Hundai" markalı 55 CC 111 dövlət nömrə nişanlı minik avtomobilinə çırpılıb. Qəza nəticəsində “Niva”nın sükanı arxasında sıxılmış vəziyyətdə qalan sürücü Hafiz Əfəndizadə Fövqaladə Hallar Nazirliyinin (FHN) Şəki rayon Dövlət Yanğından Mühafizə Hissəsinin yanğınsöndürən-xilasediciləri tərəfindən çıxarılaraq Təcili Yardım Stansiyasının həkim briqadasına təhvil verilib. Hafiz Əfəndizadə Şəki Rayon Mərkəzi Xəstəxanasında əməliyyat edildikdən sonra reanimasiya şöbəsinə yerləşdirilib, vəziyyəti orta-ağır qiymətləndirilir.

Səbail rayonu, Dənizkənarı Milli Park ərazisində intihara cəhd olub.

Zamantv.az-ın APA-ya istinadla məlumatına görə, bir neçə dəqiqə əvvəl bir nəfər kişi özünü dənizə ataraq intihara cəhd edib.

Hadisə yerinə cəlb olunan Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidmətinin müvafiq xilasetmə qüvvələri vətəndaşı xilas edərək aidiyyəti üzrə təhvil veriblər.

Dövlət Gömrük Komitəsinin (DGK) Şimal Ərazi Baş Gömrük İdarəsinin Əməliyyat və təhqiqat şöbəsinə daxil olan məlumat əsasında Rusiya istiqamətindən ölkəmizə gələn "Volvo" markalı nəqliyyat vasitəsi "Şirvanlı" gömrük postunun idxal gömrük nəzarəti zonasında saxlanılıb.

Zamantv.az xəbər verir ki, bu barədə DGK məlumat yayıb.

Bildirilir ki, yoxlama zamanı avtomobilin gizli saxlanc yerlərində gömrük nəzarətindən gizlədilən müxtəlif markalı dərman vasitələri - 9 600 ədəd həb və 1 020 ampul aşkar edilib.