Belçika Milli Təhlükəsizlik Şurası Çin TikTok tətbiqinin dövlət rəsmilərinin rəsmi telefonlarında istifadəsinə qadağa qoyub.

Belçikanın baş naziri Aleksandr de Krosun sözlərinə görə, bu qərar şirkətin Çin xüsusi xidmət orqanları ilə guya əməkdaşlıq etməsi fonunda qəbul edilib.

"Biz sadəlövh ola bilmərik: TikTok indi Çin kəşfiyyat agentlikləri ilə əməkdaşlıq etməyə borclu olan Çin şirkətidir" deyə de Cros b ildirib.

Belçika qadağası ölkənin kəşfiyyat xidmətlərinin risk analizinə və milli kibertəhlükəsizlik mərkəzinin tövsiyələrinə əsaslanır. Məhdudiyyətlər altı ay müddətinə tətbiq edilir, bundan sonra səlahiyyətlilər Çin müraciətini yenidən qiymətləndirmək üçün bu məsələyə qayıdacaqlar.

Eyni zamanda, Belçika Milli Təhlükəsizlik Şurası bütün regional hakimiyyət orqanlarını TikTok ilə bağlı oxşar addımlar atmağa çağırdığını vurğulayıb və dövlətin məlumatların qorunması xidmətinə tətbiqin məxfilik siyasətini öyrənməyi tapşırıb.

Azərbaycan İnvestisiya Holdinqinin Müşahidə Şurasının iclası keçirilib.

Nazirlər Kabinetindən verilən xəbərə görə, martın 10-da Azərbaycan Respublikasının Baş naziri, AİH-nin Müşahidə Şurasının sədri Əli Əsədovun sədrliyi ilə keçirilən iclasın gündəliyində Holdinqin idarəetməsinə verilmiş Portfel şirkətlərinin 2022-ci ilin yekunları üzrə Fəaliyyət Hesabatı, o cümlədən maliyyə nəticələri, Portfel şirkətləri üçün əsas səmərəlilik göstəricilərinin müəyyən edilməsi və büdcələmə prosesinin planlaşdırılması qaydaları, “Azərbaycan Xəzər Dəniz Gəmiçiliyi” QSC, “AzerGold” QSC, “Bakı Metropoliteni” QSC, “BakuBus” MMC və “Bakı Beynəlxalq Dəniz Ticarət Limanı” QSC-nin korporativ idarəetmə standartları və digər cari məsələlər ətraflı müzakirə edilib.

Azərbaycan İnvestisiya Holdinqinin İdarə Heyətinin sədri Mətin Eynullayevin və Baş icraçı direktoru Ruslan Əlixanovun məruzələri dinlənilib.

İclasın yekununda müzakirə olunan məsələlər barədə qərarlar qəbul olunub və Holdinqin İdarə Heyətinə müvafiq tapşırıqlar verilib.

Müdafiə Nazirliyinin N saylı hərbi hissəsinin hərbi qulluqçusu, əsgər Məhərrəmov Elnur Ələsgər oğlunun odlu silahdan açılmış atəş nəticəsində yaralanması, təxliyə olunarkən yolda ölməsi barədə Gəncə hərbi prokurorluğuna məlumat daxil olub.

Bu barədə Hərbi Prokurorluqdan bildirilib.

Məlumata görə, fakt üzrə Gəncə hərbi prokurorluğunda Azərbaycan Respublikası Cinayət Məcəlləsinin müvafiq maddəsi ilə cinayət işi başlanılıb və hazırda təxirəsalınmaz zəruri istintaq hərəkətləri həyata keçirilir.

İstintaq davam etdirilir və qanunvericiliyin tələblərinə uyğun olaraq bütün tədbirlərin görülməsi təmin olunacaq.

Müdafiə Nazirliyinin N saylı hərbi hissəsinin hərbi qulluqçusu, əsgər Məhərrəmov Elnur Ələsgər oğlunun odlu silahdan açılmış atəş nəticəsində yaralanması, təxliyə olunarkən yolda ölməsi barədə Gəncə hərbi prokurorluğuna məlumat daxil olub.

Bu barədə Hərbi Prokurorluqdan bildirilib.

Məlumata görə, fakt üzrə Gəncə hərbi prokurorluğunda Azərbaycan Respublikası Cinayət Məcəlləsinin müvafiq maddəsi ilə cinayət işi başlanılıb və hazırda təxirəsalınmaz zəruri istintaq hərəkətləri həyata keçirilir.

İstintaq davam etdirilir və qanunvericiliyin tələblərinə uyğun olaraq bütün tədbirlərin görülməsi təmin olunacaq.

Sosial şəbəkələrdə Bakı Metropolitenində terror aktının törədiləcəyi ilə bağlı yayılmış və vətəndaşlar arasında ciddi narahatlığa səbəb olmuş səs yazısı barədə dərhal Dövlət Təhlükəsizliyi Xidməti tərəfindən zəruri istintaq-əməliyyat tədbirləri həyata keçirilib.

Bu barədə Dövlət Təhlükəsizliyi Xidmətinin Mətbuat xidməti məlumat yayıb.

Xəbərə görə, faktla bağlı başlanılmış cinayət işi üzrə aparılan ibtidai araşdırma zamanı müvafiq səs yazısının Azərbaycan Respublikasının vətəndaşı, 2001-ci il təvəllüdlü Butayev Fərid Fərhad oğluna məxsus olduğu və sözügedən materialın həmin şəxs tərəfindən “WhatsApp” tətbiqi vasitəsilə paylaşıldığı müəyyən edilib.

Fərid Butayev saxlanılaraq Azərbaycan Respublikası Cinayət Məcəlləsinin 216-cı (terrorçuluq barədə bilə-bilə yalan məlumat vermə) maddəsi ilə təqsirləndirilən şəxs qismində məsuliyyətə cəlb edilib.

Əhali arasında vahimə yaratmaq məqsədi güdən analoji əməllərin qanunla müəyyən olunmuş qaydada ciddi hüquqi məsuliyyət yaratdığı barədə bir daha xəbərdarlıq edilir.

Bolqarıstan Respublikasının Prezidenti Rumen Radev X Qlobal Bakı Forumunda iştirak etmək üçün martın 10-da Azərbaycan Respublikasına işgüzar səfərə gəlib.

Hər iki ölkənin Dövlət bayraqlarının dalğalandığı Heydər Əliyev Beynəlxalq Aeroportunda Bolqarıstan Prezidentini Azərbaycanın kənd təsərrüfatı naziri İnam Kərimov və digər rəsmi şəxslər qarşılayıblar.

Daxili İşlər Nazirliyi bu gün Bakının Nəsimi rayonu, Səməd Vurğun küçəsində baş vermiş silahlı insidentlə bağlı yeni məlumat yayıb.

DİN-in Mətbuat xidmətindən verilən məlumata görə, cinayət əməlini törətməkdə şübhəli bilinən 3 nəfər polis əməkdaşları tərəfindən saxlanılıb:

“Əməliyyat-axtarış tədbirləri davam etdiyi üçün onların adları açıqlanmır.

Onlardan cinayətdə istifadə olunan tapança aşkar olunaraq götürülüb. Sosial şəbəkələrdə cinayət hadisəsi ilə bağlı olan iddialar əsassızıdır.
Əməliyyat-axtarış tədbirləri yekunlaşdıqdan sona əlavə məlumat veriləcək”.

Bir neçə gün əvvəl DİA.AZ olaraq "“Qobu Park-2” yaşayış kompleksində 17-ci binanın uçmaq təhlükəsi var" deyə bir xəbər yaydıq.
Qeyd edək ki, bu barədə Bakupost.az -a yerli sakinlər şikayət etmişdilər.
Sakinlərin dediyinə görə, "Kristal Abşeron" tikinti şirkətinin inşa etdiyi bina artıq əyilib.
"Məsələdən "Kristal Abşeron" şirkətinin rəhbərliyinin də xəbəri var. Əraziyə traktor gətiriblər. Divarlarda deşik açırlar ki, bərkitmə işi aparsınlar. Amma bunu savadsızcasına edirlər. Əyilən binanı bu üsulla saxlamaq, bərkitmək mümkün deyil. O bina mütləq sökülməlidir", - deyə sakinlərdən biri bildirib.

Qeyd edək ki, bu hadisənin üstündən bir həftəlik vaxt keçib və bu müddət ərzində "kristal Abşeron" şirkəti az qala hər gün yayılan məlumatı təkzib edir. Tamam, hansısa şirkətin baş vermiş olaya belə bir həssaslıq nümayiş etdirməsi gözəl nümunədir. Yəni ortada BİR MƏSULİYYƏT VAR...

Ekə anlamalı idi. Amma anlaşılanı odur ki, yanlış anlamışıq. Ortada hansısa MƏSULİYYƏT HİSSİ yoxdur. Sadəcə olaraq MƏSULİYYƏÖTDƏN YAYINMA NİYYƏTİ VAR...

Yəni Allah eləməmiş sabah, hansısa faciə baş verərsə, şirkət boynundan ata bilsin...

Şirkətin izahatına gəlincə isə sadəcə olaraq "Kristal Abşçeron" adından yayılmış son açıqlamanın sonuncu abzasını təqdim edirik:

"Binanın inşaasında Rusiya istehsalı olan A500 markalı armaturlardan və M400 markalı betondan istifadə edilib. Binanın memarlığında da hər hansı bir dəyişiklik yoxdur. Son olaraq məlumat vermək istəyirik ki, bina tam təhlükəsizdir və sakinlərin istifadəsinə tam yararlıdır. Vətəndaşları yayılan dezinformasiyalara inanmamağa çağırırıq".

"Kristal Abşeron" adından deyirlər ki, ŞAİYƏLƏRƏ İNANMAYIN...

Adamlar, yayılan informasiya şaiyə yox... VƏTƏNDAŞ ŞİKAYƏTİ İDİ... Yəni orda yaşayanlarıln şikayəti... özləri də videosübut çəkib atmışdılar. Bu da həmin video:

Belə görünür, şaiyə qaynaqları daha etibarlı mənbədir... "Kristal Abşeron"a nəzərən...

Məsələ ilə bağlı dia.az olaraq bütün maraqlı tərəfləri dinləməyə hazırıq...

Azərbaycan Beynəlxalq Bankının (ABB) keçmiş rəhbəri, hazırda həbsdə olan Cahangir Hacıyev əfv sərəncamı ilə azadlığa buraxılacağına ümid edir.

DİA.AZ Qaynarinfo-ya istinadla xəbər verir ki, hansısa səbəblərdən Cahangir Hacıyevdə may ayında mərhum prezident Heydər Əliyevin anadan olmasının 100 illiyi münasibəti ilə verilməsi gözlənilən əfv sərəncamının ona da şamil olunacağını düşünür.

Cahangir Hacıyevin yaxınlarının mediaya verdiyi açıqlamardan da sezilir ki, onlar gözlənilən əfv sərəncamına böyük ümid bəsləyirlər.

Qeyd edək ki, Cahangir Hacıyev 2015-ci ildə ABB ilə bağlı kredit qalmaqalı çərçivəsində həbs olunub. Ona qarşı Cinayət Məcəlləsinin 179.3.1, 179.3.2 (mütəşəkkil dəstə tərəfindən külli miqdarda mənimsəmə), 308.2 (vəzifə səlahiyyətlərindən sui-istifadə ağır nəticələrə səbəb olduqda), 309.2 (vəzifə səlahiyyətlərini aşma ağır nəticələrə səbəb olduqda), 313-cü (vəzifə saxtakarlığı), 228.1 və 228.4-cü (qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) maddələri ilə ittiham irəli sürülüb.

Bakı Ağır Cinayətlər Məhkəməsində keçirilən məhkəmə istintaqı zamanı Cahangir Hacıyev bu maddələrlər təqsirli bilinirək 15 il azadlıqdan məhrum edilib.

Bu gün Sumqayıt Şəhər İcra Hakimiyyətinin başçısına yeni müavin təyin olunub.

DİA.AZ Gundelik-baku.com-a istinadla xəbər verir ki, Fərid Ələkbərov müvafiq əmrlə İcra Hakimiyyətinin başçısının müavini təyin olunub.