Baş verən hadisə ilə əlaqədar TƏBİB-in tabeliyindəki Kliniki Tibbi Mərkəzə yerləşdirilən iki nəfərin müayinə və müalicəsi davam etdirilir.

TƏBİB-dən verilən məlumata görə, 1983-cü il təvəllüdlü Tamerlan Hüseynov sol baldırın aşağı üçdə bir hissəsini dəlib keçən güllə yarası diaqnozu ilə hazırda Kliniki Tibbi Mərkəzin Travmatologiya şöbəsinə köçürülüb, vəziyyəti stabildir.


Sağ baldırın aşağı üçdə bir hissəsini dəlib keçən güllə yarası diaqnozu qoyulan 2002-ci il təvəllüdlü Fəqan Rəhimlinin cərrahi əməliyyat edilməsi qərara alınıb. Vəziyyəti orta ağır qiymətləndirilir.

***15:34

Bu gün Bakıda baş verən silahlı atışma nəticəsində xəsarət alan iki nəfər TƏBİB-in tabeliyindəki Kliniki Tibbi Mərkəzin Təcili tibbi yardım şöbəsinə yerləşdirilib.

Bu barədə Tibbi Ərazi Bölmələrini İdarəetmə Birliyi (TƏBİB) məlumat yayıb.

Bildirilib ki, hazırda onlara zəruri tibbi xidmətlər göstərilir.

Prezident İlham Əliyev “Qiymətli metallar və qiymətli daşlar haqqında” Azərbaycan Respublikası Qanununun tətbiqi ilə əlaqədar bəzi tədbirlər barədə” Azərbaycan Respublikası Prezidentinin 2007-ci il 19 mart tarixli 555 nömrəli Fərmanında dəyişiklik edilməsi haqqında Fərman imzalayıb.

Fərmanla “Qiymətli metallar və qiymətli daşlar haqqında” Azərbaycan Respublikası Qanununun tətbiqi ilə əlaqədar bəzi tədbirlər barədə” Azərbaycan Respublikası Prezidentinin 2007-ci il 19 mart tarixli 555 nömrəli Fərmanının 1.2-ci bəndində “Energetika Nazirliyi” sözləri “İqtisadiyyat Nazirliyi” sözləri ilə əvəz edilir.

Bundan əvvəl sözügedən sənədin 1.2-ci bəndinə əsasən, "müvafiq dövlət orqanları"nın səlahiyyətlərini öz səlahiyyətləri daxilində Azərbaycan Respublikasının Maliyyə Nazirliyi, Azərbaycan Respublikasının Energetika Nazirliyi və Azərbaycan Respublikasının Mərkəzi Bankı həyata keçirirlər. Bundan sonra Energetika Nazirliyinin səlayihhətini İqtisadiyyat Nazirliyi icra edəcək.

Bərdə rayonu, Samux kənd sakini Veysəlli Pərviz Kamil oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi bildirir ki, müharibədə iştirakçısı olaraq Prezident tərəfindən medalla təltif olunsa da, indiyədək veteranlıq statusu ala bilmir:

“Mən, Veysəlli Pərviz Kamil oğlu, sentyabr ayının 21-də, 2020-ci ildə səfərbərliyə çağırılmışam və 27 sentyabrda döyüşlərə qatılaraq Talış kənd Suqovuşan qəsəbəsi və Murovdağ döyüşlərində iştrak etmişəm. Yanvarın 1-də təxris olmuşam. Prezidentin sərəncamı ilə Suqovuşanın azad olunması medalı ilə təltif olunmuşam. Amma 2 ildən çoxdur ki, veteranlıq ala bilmirəm. Nazirliyə müraciət etdim, bütün sənədlərimi göstərdim. Mənə “sənədlərində səhvlik var” dedilər.

N saylı hərbi hissədən bir daha sənədlərimi yığıb, yenidən nazirliyə təqdim etdim. Mənə imtina raporu gəldi. İmtinaya səbəb olaraq mənə bildirdilər ki, döyüş əmri olmadığı üçün sizə veteranlıq təyin etmək olmur.

Amma mənimlə eyni xidmət edənlərin hamısnaı veteranlıq verilib. Çünki döyüş əmrində olduğumu sübüt edən sənəddə səhvlik var, bizi siyahıya almayıblar, kompüterdə qeydiyyat aparmayıblar. Bu səbəbdəndə veteranlıq verilmir.

Nazirlikdən və sizdən xahiş edirəm ki, mənə veteranlıq almaq üçün köməklik göstərəsiniz. Müharibədə iştirak etmiş vətəndaş kimi mənim bu problemimi işıqlandırın”.

Azərbaycanın qeyri-neft sektorunun ən böyük vergi ödəyicisi olan Azercell ötən ilin yekun hesabatını açıqlayıb.

DİA.AZ Azpost.info-a istinadla bildirir ki, Azərbaycan İnternet Fondunun prezidenti Osman Gündüz hesabatı şərh edib.

Onun sözlərinə görə, açıqlamaya, təqdim edilən statistikaya, infrastruktura və texnologiyalara, investisiya xərclərinə diqqət yetirdikdə, Azercell dövlət şirkətinə çevriləndən sonra ilk dəfə olaraq vəziyyətin müsbətə doğru dəyişməsi müşahidə edib.

“Amma mobil sektorda ən yüksək bazar payına-48%-dən çox paya sahib olan Azercell maraqlıdır ki, yenə də gəlirlərini açıqlamayıb. Hesabatla bağlı açıqlamadan anlaşılmır ki, qurum ötən ili zərərlə başa vurub, yoxsa mənfəət əldə edib . Ümumiyyətlə, diqqət cəlb edir ki, Azercell “dövlətləşəndən” sonra gəlirləri və xərclərini açıqlamaqda xəsislik edir. Hansı ki, bu, normalda əksinə olmalıydı, “dövlətləşəndən” sonra cəmiyyətin daha çox marağında olan qurumun hesabatlılığı, şəffaflığı daha da artmalıydı”-deyə ekspert bildirib.

O.Gündüz deyib ki, əvvəlki Hesabatlara nisbətən bu açıqlama daha dolğun olsa da, görülən işlər, layihələr və tədbirlər daha çox gözə çarpsa da, digər bir çox əhəmiyyətli məqamlara da aydınlıq gətirilməyib.

“Açıqlanan geniş məlumatda abonent bazasındakı dəyişiklik(açıqlanan faizdən görünür ki azalma olub), hər mobil istifadəçiyə görə orta gəlirlər, səs danışığından və mobil internetdən əldə olunan gəlirlər, datanın dinamikası, istifadə olunan trafik həcminin 4G/3G/2G arasında bölgüsü , rouminqlə bağlı gəlirlər, xidmətlərlə – məsələn Asan imzadan əldə olunan gəlirlər və s. bu tip ictimai faydalı məlumatlar yoxdur“- deyə O.Gündüz vurğulayıb.

Xatırladıram ki, 2018-ci ilin martında RİNN yanında “AzInTelecom” MMC Maliyyə Nazirliyinin ayırdığı 450 milyon manat vəsaitlə Azercell-in səhmlərinin 51.3%-ni satın alıb. Bundan sonra Azercell AzİnTelecom daxilində olmaqla dövlət şirkətlərinin reyestrinə daxil edilib.

Bu gün Bakının Nəsimi rayonu, Səməd Vurğun küçəsində (Bakı Dövlət Sirkinin yaxınlığı) 2 nəfəri güllələyən şəxs tutulub.

“Qafqazinfo”nun əldə etdiyi məlumata görə, polis əməkdaşları tərəfindən keçirilən əməliyyatla hadisəni törətməkdə şübhəli bilinən bir nəfər şəxs saxlanılıb.

Əlavə məlumat veriləcək.

Qeyd edək ki, hadisə nəticəsində 2002-ci il təvəllüdlü Fəqan Rəhimli və 1983-cü təvəllüdlü Tamerlan Hüseynov xəsarət alıb. Onlar Kliniki Tibbi Mərkəzin Təcili tibbi yardım şöbəsinə yerləşdirilib.

“İçməli su maya dəyərindən ucuz qiymətə satılır. Bu da “Azərsu” ASC-nin rentabelli işləməsinə maneə törədir”.

Bu barədə “Azərsu” ASC-nin sədr müavini Etibar Məmmədov ölkədə su qıtlığının səbəbləri və mövcud vəziyyətlə bağlı keçirilən tədbirdə bildirib.

O qeyd edib ki, gələcəkdə su tariflərinin artırılması ilə bağlı Tarif Şurası qərar verə bilər: “Lakin biz də bununla bağlı belə bir proqram hazırlayırıq ki, su qiymətlərinə yenidən baxılsın”.

***

Etibar Məmmədov əlavə edib ki, su təchizatı ilə bağlı hələ ki, hər hansı qorxu yoxdur: “Kürün quruması yox, suyunun azalması müşahidə olunur. Bu da qlobal iqlim dəyişmələri ilə bağlıdır.
Suyun qiymətinə gəlincə isə, bu qərarı hökumət verir. Azərbaycanda suyun tarifi digər ölkələrlə müqayisədə çox aşağıdır”.

Bakıda atışma olub.

“Qafqazinfo” APA-ya istinadən xəbər verir ki, hadisə Bakı Dövlət Sirkinin yaxınlığında qeydə alınıb.

Silahlı insidentlə bağlı əraziyə hüquq-mühafizə orqanlarının əməkdaşları cəlb edilib. Hadisə nəticəsində 3 nəfərin xəsarət aldığı bildirilir.

Daxili İşlər Nazirliyinin mətbuat xidmətindən "Qafqazinfo"ya bildirilib ki, Nəsimi rayonu ərazisində 3 nəfərin odlu silahdan açılan atəş nəticəsində xəsarət alması ilə bağlı polisə məlumat daxil olub: "Hadisə ilə bağlı ictimaiyyətə əlavə məlumat veriləcək".

***

Tibbi Ərazi Bölmələrini İdarəetmə Birliyi (TƏBİB) Bakıdakı atışma ilə bağlı məlumat yayıb.

Bildirilib ki, Bakı Dövlət Sirkinin yaxınlığında baş verən hadisə ilə əlaqədar TƏBİB-in tabeliyindəki Bakı Şəhəri Təcili və Təxirəsalınmaz Tibbi Yardım Stansiyasının briqadaları əraziyə cəlb edilib.

Əlavə məlumat veriləcək.

"Zəfər Qurbanov ADAU-nuin tələbə və müəllimlərin fevral ayı üçün nəzərdə tutulan əməkhaqqını niyə vermir? Artıq mart ayının 10-dur, hələ də fevral ayının əməkhaqqını ala bilməyən müəllim və tələbə heyəti illərdir görmədiyi günə düşüb".

Bu barədə DİA.AZ-a göndərilən məlumatda deyilir.

Məlumat müəllifləri daha sonra yazır: "Rektor əvəzi əməkhaqqı ödənişini öz dövriyyəsinə buraxaraq pul qazanır. Artıq bütün müəssələr Novruz bayramı münasibəti ilə əməkhaqlarını Cənab Prezidentin yanvar ayında verdiyi sərəncamında nəzərdə tutulan artımla verilir, amma ADAU-da heç bir müəllim, hansısa tələbə belə fevral ayının maaşını və təqaüdlərin ala bilməyib".

Əlavə bilgilərimiz olacaq.

İddia olunanlarla bağlı dia.az olaraq bütün maraqlı tərəfləri dinləməyə hazırıq...

“Bakı Qlobal Forumunun İslam dünyası üçün xüsusi yeri var. Burada önəmli insanlar bir sıra problemli məsələləri həll etmək üçün müzakirələr aparırlar”.

Bunu AZƏRTAC-a müsahibəsində İslam Əməkdaşlıq Təşkilatının sabiq baş katibi Ekmeleddin İhsanoğlu deyib.

Türkiyənin Azərbaycanın Qarabağ məsələsində mövqeyini daim dəstəklədiyini vurğulayan sabiq baş katib qeyd edib:

“İnanırıq ki, yurd-yuvasından didərgin düşmüş insanlar tezlikdə öz evlərinə qayıdacaqlar. Fikrimcə, hər kəs bu məsələlərdə Azərbaycanın yanında olmalıdır, çünki gələcəkdə onlar Azərbaycanın köməyinə möhtac olacaqlar”.

Yasamal Rayon Polis İdarəsinin Mühafizə Bölməsinin rəisi, polkovnik Hikmət Usubov yeni vəzifəyə təyin edilib.

Bununla bağlı daxili işlər naziri Vilayət Eyvazov əmr imzalayıb. Nazirin əmri ilə Hikmət Usubov tutduğu vəzifədən azad edilərək Sabunçu Rayon Polis İdarəsinin Mühafizə Bölməsinin rəisi təyin edilib.

Nazirin digər əmri ilə Sabunçu Rayon Polis İdarəsinin Mühafizə Bölməsinin rəisi , polkovnik Əşrəf Allahyarov tutduğu vəzifədən azad edilərək Yasamal Rayon Polis İdarəsinin Mühafizə Bölməsinin rəisi təyin edilib.

Məlumatı Daxili İşlər Nazirliyinin Mətbuat xidməti Trend-ə təsdiqləyib.