Bakının Suraxanı rayonunda dava zamanı bir nəfər bıçaqlanıb.

Zamantv.az APA-ya istinadla xəbər verir ki, hadisə Suraxanı qəsəbəsində qeydə alınıb.

1982-ci il təvəllüdlü Novruzov Dünyamalı Əlirza oğlu tanışı ilə əlbıyaxa dava zamanı bıçaqlanıb. Onun qol, ayaq və qarın nahiyəsinə ümumilikdə 4 bıçaq zərbəsi vurulub.
Faktla bağlı Suraxanı Rayon Polis İdarəsində araşdırma aparılır.

Bakının Sabunçu rayonunda bıçaqlanma hadisəsi baş verib.

Zamantv.az APA-ya istinadla xəbər verir ki, hadisə Maştağa qəsəbəsində qonşular arasında dava zamanı qeydə alınıb.

Albalılıq yaşayış sahəsində 1988-ci il təvəllüdlü Qəhrəmanov Muraz Təhməz oğlu qonşusu ilə əlbəyaxa dava zamanı bıçaqlanıb.
Yaralı xəstəxanaya yerləşdirilib.
Faktla bağlı araşdırma aparılır.

Ukrayna Rusiya Silahlı Qüvvələrinin indiyədək itirdiyi canlı qüvvə və texnikanın sayını açıqlayıb.

Zamantv.az xəbər verir ki, bu barədə məlumatı Ukrayna Silahlı Qüvvələrinin Baş Qərargahı verib.

Məlumatda qeyd olunur ki, bu günə qədər Rusiyanın 19 100-ə yaxın hərbçisinin zərərsizləşdirilib.
Bundan başqa, hücum edən tərəfin 705 ədəd tankı, 1 895 ədəd zirehli döyüş maşını, 333 ədəd artilleriya sistemi, 108 ədəd RYAS (reaktiv yaylım atəş sistemi), 55 hava hücumundan müdafiə sistemi, 151 ədəd hərbi təyyarəsi, 136 ədəd helikopteri, 1 363 ədəd nəqliyyat vasitəsi, 7 ədəd gəmi/kater, 76 ədəd yanacaq çəni, 112 ədəd dronu, 25 ədəd xüsusi texnikası və 4 operativ-taktiki raket kompleksi məhv edilib.

Abşeron rayonunun Novxanı kəndi ərazisində evlərin birindən 10.000 manat pul, sənəd olan seyf və 1 ədəd “Winchester” markalı ov tüfəngi oğurlanıb.

DİN-dən Zamantv.az-a verilən məlumata görə, bununla bağlı Abşeron Rayon Polis İdarəsinə müraciət edilib.

Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini, əvvəllər məhkum olunmuş C.Əhmədov müəyyən edilərək saxlanılmış, digər bir nəfərin isə şəxsiyyəti müəyyən edilmişdir.

İsmayıllıda ağır yol-nəqliyyat hadisəsi olub.

Zamantv.az-ın məlumatına görə, hadisə ötən gün saat 16 radələrində Qaraməryəm-İsmayıllı-Şəki yolunun 16-cı kilometrliyində qeydə alınıb. Murad Əkbərovun idarə etdiyi “VAZ-2106” markalı avtomobil qarşıdan gələn “VAZ-21011” markalı avtomobillə toqquşub. Nəticədə 3 nəfər sürücü M. Əkbərov, onun sərnişini Emin Əsədov və “VAZ-21011”in sərnişini Cəmilə Abulova müxtəlif dərəcəli bədən xəsarətləri alıblar.

Hər 3 yaralı İsmayıllı rayon xəstəxanasına yerləşdirilib. İlkin tibbi yardımdan sonra yaralılar evə buraxılıb.

Sumqayıtda bıçaqlanma hadisəsi olub.

Zamantv.az xəbər verir ki, şəhər sakini 62 yaşlı Kifayət Nurməmmədova ilə bacısı 48 yaşlı Aygün Nurməmmədova arasında ailədaxili münaqişə yaranıb. Münaqişə sonda qanla nəticələnib. K. Nurməmmədovanı bacısını başından bıçaqlayıb.

A. Nurməmmədova ağır xəsarətlə xəstəxanaya yerləşdirilib.
Polis əməkdaşlarının keçirdikləri əməliyyat tədbirləri zamanı K. Nurməmmədova saxlanılıb.

Hadisə ilə bağlı Sumqayıt şəhər Prokurorluğunda cinayət işi başlanıb, araşdırma aparılır.

Bakıda intihara cəhd hadisəsi olub.

Fövqəladə Hallar Nazirliyindən Zamantv.az-a verilən xəbərə görə, paytaxtın Xəzər rayonunda nəzarətsiz ərazidə, 1 nəfər intihar məqsədilə özünü dənizə atıb.

Dərhal hadisə yerinə cəlb olunan FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin xilasedicilərinin çevik müdaxiləsi nəticəsində vətəndaş xilas edilərək aidiyyəti üzrə təhvil verilib.

Üzərində narkotik və odlu silah gəzdirən şəxslərə qarşı əməliyyat keçirilib.

Daxili İşlər Nazirliyindən Zamantv.az-a verilən məlumata görə, Baş Mütəşəkkil Cinayətkarlıqla Mübarizə İdarəsinin əməkdaşları üzərlərində və yaşadıqları evlərdə qanunsuz olaraq odlu silah-sursat, eləcə də narkotik vasitələr saxlayan şəxslərə qarşı əməliyyatlar keçirib.

Əməliyyat məlumatı əsasında keçirilən ilk tədbir zamanı narkotik vasitələrin ölkə ərazisinə qaçaqmalçılıq yolu ilə gətirilməsini təşkil edən Saatlı rayon sakinləri Yaşar Cəfərov və tanışı Gülnarə Nəsirova saxlanılıblar. Onlardan ümumilikdə 10 kiloqrama yaxın yüksək təsiredici narkotik maddə heroin aşkar edilərək götürülüb. Saxlanılan şəxslər narkotik vasitələri satmaq məqsədi ilə ölkə ərazisinə gətirdiklərini bildiriblər.
Baş İdarə əməkdaşları tərəfindən Suraxanı rayonu ərazisində keçirilən daha bir tədbir zamanı üzərində qanunsuz olaraq odlu silah-sursat saxlanmaqda şübhəli bilinən Bəhmən İbrahimov saxlanılıb. Onun üzərində şəxsi axtarış zamanı 1 ədəd "TT" markalı tapança, 8 ədəd patron və patron darağı aşkar olunub.

Qeyd olunan faktlarla əlaqədar saxlanılanların hər biri barəsində Cinayət Məcəlləsinin müvafiq maddəsi ilə cinayət işi başlanılıb. Adları sadalanan şəxslər barəsində həbs-qətimkan tədbirləri seçilib. Saxlanılanların cinayət əlaqələrinin aşkar edilməsi istiqamətində əməliyyat tədbirləri davam etdirilir.

Sumqayıtda güllələnmə hadisəsi olub.

"Qafqazinfo"nun məlumatına görə, Corat qəsəbəsində M.M. bacısı R.Ə.-yə odlu silahdan atəş açıb.

Döş qəfəsi nahiyəsindən xəsarət alan qadın xəstəxanaya çatdırılıb. Həkimlər onun vəziyyətinin ağır olduğunu bildirib.

İlkin məlumata görə, hadisə ailə-məişət münaqişəsi üstündə olub. Belə ki, bir müddət əvvəl R.Ə. həyat yoldaşından ayrılaraq başqası ilə yaşamağa başlayıb.

Bundan xəbər tutan qardaşı onu öldürmək qərarına gəlib və məlum hadisə baş verib.

Faktla bağlı araşdırma aparılır.

Daşkəsən rayonunda toy mərasimində qohumunu öldürən Tahir Tağıyevin cinayət işi üzrə məhkəmə iclası başa çatıb.

Tahir Tağıyevin hansı səbəbdən tanışlarının toyunda qohumunu öldürməsinin təfərrüatları açıqlanmamışdı.

Zamant.vaz həmin cinayət işi üzrə materialları əldə edib.
İttihama görə, hadisə 2021-ci il iyulun 25-də Daşkəsən şəhərində baş verib.

Rayonun Alaxançallı kənd sakini, 1997-ci il təvəllüdlü Tağıyev Tahir Şükür oğlu şəxsi münasibətlər zəminində həmyerlisi və qohumu, 1998-ci il təvəllüdlü Namazov Eldəniz Mustafa oğlunu qətlə yetirib.

Məhkəmədə təqsirləndirilən şəxs qismində dindirilən Tahir Tağıyev bildirib ki, ailə üzvləri ilə birlikdə Daşkəsən rayonu Alaxançallı kəndində yaşayır:

“2018-ci ildə ailə qurmuşam, 2 azyaşlı övladım var. Mən mərhum Eldənizlə kənddə birlikdə böyümüşəm. Həm də Eldənizin əmisi mənim bibimin əri idi. Münasibətlərimiz əvvəllər çox yaxın idi, dostluq münasibətlərimiz vardı. Lakin son dövrlər aramızda soyuqluq yaranmışdı. Buna səbəb hadisədən təxminən 2-3 ay əvvəl söhbət zamanı Eldənizin məni təhqir etməsi oldu. Bir gün “Whatsapp” proqramı ilə yazışan vaxt Eldənizdən məni “bazlıq” etmək üçün qadın yanına aparmasını istədim. O da mənə kobud formada kişi olmadığımı dedi. Bu səbəbdən aramız dəydi. Həmin vaxt Eldəniz “Whatsapp”la zəng edərək guya onun anam və bacım Gülnarə ilə “gəzdiyini” deyərək “peysər” olduğumu bildirdi. Eldənizin bu sözü pis təsir etdi. Evdə Eldənizin bu cür söz dediyini bildirdim. Lakin evdəkilər Eldənizin yalan danışdığını dedilər”.

Tahir Tağıyev qeyd edib ki, 2021-ci il tarixdə o, tanışı Rəsmiyyənin toy məclisinə dəvət olunub, toy şənliyinin keçirilməsi Daşkəsən şəhərində yerləşən “Elnur” restoranında nəzərdə tutulub:

“Toy şənliyinə valideynlərim və həyat yoldaşımla gəldim. Hər ehtimala qarşı, Gəncədən aldığım bıçağı da maşında gizlətdim. Bıçağı götürdüyümdən ailədən heç kimin xəbəri yox idi. Bıçağı götürməkdə məqsədim Eldənizin toyda mənə qarşı bir neçə gün əvvəl davrandığı kimi, yəni anamla və bacımla “gəzməsi” barədə ifadələr işlədəcəyi halda onu vurmaq idi. Toyda masada həmkəndlilərim Mayis, Dilqəm, atası Şükür, yeznəsi Samir, əmisi oğlanları Asif, Aqşin, qonşusu Elvin, Elçin adlı şəxslərlə birlikdə oturdum. Toyda Eldənizi gördüm və onunla söhbət etmək qərarına gəldim. Mən maşından bıçağı götürüb, Eldənizi çölə çıxartdım. Restoranın arxasında tualet vardı. Ora getdik, Eldənizdən anam və bacımla bağlı dediklərini sübut etməsini tələb etdim. O, yenidən nalayiq söyüşlər işlədərək, anam və bacımla gəzdiyini təkidlə sübut edə biləcəyini, onlarla cinsi əlaqədə olduğunu dedi. Bundan sonra əlbəyaxa olduq. O, mənim boğazımdan tutaraq burnuma yumruq zərbəsi vurdu. Həmin vaxt yanımızda heç
kim yox idi. Səs-küyə adamlar gəldi. Bizi ayırdılar. Eldənizə gücüm çatmayacağını görüb, anam və bacımla intim münasibətdə olmasını dediyinə, həmçinin, məni yumruqla vurduğuna görə qisas almaq üçün qəsdən öldürmək qərarına gəldim. Cibimdən bıçağı çıxardaraq onun ürək nahiyəsinə bir neçə zərbə vurdum. Həmin vaxt birdən ayıldım. Qırağa çəkildim, dərindən nəfəs aldım. Daha sonra atam yanıma gəldi və məni danlayaraq nə üçün belə bir hadisə törətdiyimi soruşdu. Eldənizin yaxınlarının məni öldürəcəklərindən qorxub oradan yaxınlıqda yerləşən dağlıq-meşəlik əraziyə tərəf gedərək uzaqlaşdım. Atamın xalası oğlu Elmana zəng edərək bir nəfəri bıçaqladığımı, həmin şəxsin yaxınlarının məni öldürəcəklərindən qorxduğum üçün dağlıq ərazidə olduğunu bildirdim. Polisə könüllü təslim olmaq üçün ondan kömək etməsini xahiş etdim. Elmana dağ yolu ilə Daşkəsən rayonu, Yuxarı Daşkəsən qəsəbəsinə gedəcəyimi, oradan məni götürməsini xahiş etdim. O gələrək məni götürdü və polisə təslim oldum. Törətdiyim əməldən çox peşmanam”.

Gəncə Ağır Cinayətlər Məhkəməsində hakim Dadaş İmanovun sədrliyi ilə prosesdə Tahir Tağıyev 10 il müddətə azadlıqdan məhrum edilib.