Azərbaycanda daha bir kişi arvadını bıçaqlayaraq intihar edib.

Zamantv.az-ın əldə etdiyi məlumata görə, hadisə Abşeron rayonu Güzdək qəsəbəsində qeydə alınıb.

Eldar adlı kişi həyat yoldaşı S.H-nı (şərti ad) bıçaqlayıb. Arvadının öldüyünü zənn edən kişi daha sonra özünü asaraq intihar edib.
Bıçaqlanan qadın isə ağır vəziyyətdə xəstəxanaya yerləşdirilib.

Faktla bağlı araşdırma aparılır.

Lənkəran Dövlət Universitetinin müəllimi tələbələrə qiymət yazmaq üçün əxlaqsız təklif edib.

Bununla bağlı jurnalist Amil Xəlili sosial şəbəkədə paylaşım edib.

O bildirib ki, həmin universitetin müəllimi Elşad Rəhimov qızlara görüntülü zəng edərək seksual xarakterli hərəkət edib və onlardan da eynisini tələb edib.

Jurnalist qeyd edib ki, bir neçə tələbə qız buna razı olsa da, etiraz edənlər də olub. Hətta sonradan müəllimin həmin qızları şantaj etdiyi də iddia olunur.

Tanınmış iş adamı Bəxtiyar Əzizli ilə bağlı polisə müraciət daxil olub. Zamantv.az xəbər verir ki, “Qafqazinfo”nun əldə etdiyi məlumata görə, Bakı Şəhər Baş Polis İdarəsinə müraciət edən 1983-cü il təvəllüdlü İqrar İsgəndərov ərizəsində Bəxtiyar Əzizlinin ona məxsus 200 min manat pulu ələ keçirdiyini bildirib.

Şikayətçi qeyd edib ki, 1984-cü il təvəllüdlü Bəxtiyar Kamal oğlu Əzizli 2021-ci ilin dekabr ayında onu aldadaraq pulu alıb və daha sonra geri qaytarmayıb.

Toplanmış materiallar Bakı Şəhər Baş Polis İdarəsindən ərazi üzrə Binəqədi Rayon Polis İdarəsinə göndərilib. Araşdırmalar davam etdirilir.

Qeyd edək ki, B.Əzizli 2016-cı ildə neft sektorunda ixtisaslaşan “TOBOİL” və “Neftgen” şirkətlərini təsis edib. O, 2020-ci ildə “Baxmedia” şirkətini yaradıb.

Obyektindən oğurluq edilən market sahibi Abşeron Rayon Polis İdarəsinin Qobu Polis Bölməsinə müraciət edib.

Daxili İşlər Nazirliyinin mətbuat xidmətindən verilən xəbərə görə, obyekt sahibi bildirib ki, həmin gün marketdən dəyəri 15 min manat olan tütün və ərzaq məhsulları, eləcə də kassadakı nağd pul oğurlanıb.

Ətraf ərazidəki daha bir neçə obyektdən polis bölməsinə eyni məzmunlu şikayətlər daxil olub.
Hadisə yerlərinə baxış keçirilən zaman müəyyən edilib ki, oğurluqlar eyni şəxs tərəfindən törədilib.

Bölmənin əməkdaşlarının həyata keçirdikləri əməliyyat tədbiri nəticəsində hadisələri törətməkdə şübhəli bilinən, əvvəllər məhkum olunmuş Qobu qəsəbəsində yaşayan Polad Piyamı saxlanılıb.

O, ifadəsində qəsəbə ərazisində yerləşən ümumilikdə 9 marketdən oğurluqlar etdiyini bildirib.

Polad Piyamınin evinə baxış zamanı onun oğurluq yolu ilə ələ keçirdiyi məhsulların bir qismi qazaraq torpağın altında gizlətdiyi yerdən aşkar edilib.

Faktlarla bağlı toplanan materiallar Abşeron Rayon Polis İdarəsinin İstintaq Şöbəsinə göndərilib.
Saxlanılan şəxsin ətrafında əməliyyat-istintaq tədbirləri davam etdirilir.

Ermənistanda “National Geographic” üçün aparılan sənədli film çəkilişləri böyük etiraz yaradıb.

Belə ki, buna səbəb erməni prodüser Anna Zakaryanın sosial şəbəkədəki qalmaqal yaradan paylaşımı olub.

A.Zakaryanın iddialarına görə, çəkilişlər azərbaycanlı rejissor və aparıcı tərəfindən icra olunur. Bunun üçün Ermənistan Xarici İşlər Nazirliyi və Milli Təhlükəsizlik Xidməti tərəfindən müvafiq icazələr də verilib.

A.Zakaryanın riyakar iddialarından bəlli olur ki, sənədli filmdə erməniləri qane etməyən tarixi həqiqətlərə də toxunulacaq.

Mənbə: Sputnik Ermənistan

Şirvanda tikinti malları bazasında xəsarət alan fəhlə xəstəxanada ölüb

Zamantv.az xəbər verir ki, aprelin 26-sı şəhər ərazisində yerləşən tikinti materiallarının satışı mağazasında fəhlə işləyən Sabirabad rayonunun Qaragüney kənd sakini, 1984-cü il təvəllüdlü Vüqar Nurəhmədov iş prosesində kranın qarmağının onun baş nahiyəsinə dəyməsi nəticəsində ağır kəllə-beyin travması alıb.
Paytaxt xəstəxanalarından birinə yerləşdirilən 38 yaşlı rayon sakini aldığı xəsarətlərdən orada ölüb.
Faktla bağlı Şirvan şəhər prokurorluğunda Cinayət Məcəlləsinin 162.1-ci (əmək mühafizəsi qaydalarını pozma) maddəsi ilə cinayət işi başlanılıb.

Daxili İşlər Nazirliyi (DİN) Lənkəran Dövlət Universitetinin müəlliminin tələbələrə qiymət yazmaq üçün əxlaqsız təklif etməsi ilə bağlı yayılan iddialara münasibət bildirib.

DİN-in Mətbuat Xidmətinin Lənkəran regional qrupunun baş inspektoru polis baş leytenantı Məhəmməd Rzayev cavab olaraq bildirib ki, nazirlik yayılan görüntülərdən məlumatlıdır.

O qeyd edilib ki, yayılan iddialar Lənkəran Şəhər Rayon Polis Şöbəsində araşdırılır: "Təfərrüatlar ətraflı araşdırmadan sonra məlum olacaqdı".
Xatırladaq ki, sosial şəbəkədə Lənkəran Dövlət Universitetinin müəllimi Elşad Rəhimovun tələbələrə qiymət yazmaq üçün əxlaqsız təklif etdiyi barədə iddialar yayılıb.

Bakıda məktəbli intihar edib.

Zamantv.az xəbər verir ki, hadisə paytaxtın Xətai rayonu, Qədir Məmmədov küçəsində qeydə alınıb.

İlkin məlumata görə, orta məktəbdə oxuyan qız özünü yaşadığı binadan atıb. Nəticədə o yol keçən kişinin üstünə düşüb. Qızın öldüyü, kişinin isə vəziyyətinin ağır olduğu bildirilir.

Zimbabvedə qab-qacaq yuduqdan sonra çayda çimmək qərarına gələn 13 yaşlı qıza timsah hücum edərək öldürüb.

Zamantv.az xarici mediaya istinadla xəbər verir ki, Nomatter Raymond səkkiz yaşlı bacısı ilə birlikdə qabları yumaq üçün çaya gedib.

Onlar işini bitirdikdən sonra Raymond bacısına təmiz qabları götürüb evə aparmasını söyləyib, o isə özü çimmək qərarına gəlib.
Qız çaya girəndən bir neçə dəqiqə sonra timsah ona hücum edib: o, qurbanı suyun altına sürükləyib. Raymondun yaxınlıqda balıq tutan iki dostu, 14 yaşlı Linett Mazove və 12 yaşlı Anjela Çiedza hadisənin şahidi olub və kömək çağırıblar.

Kənd sakinləri hadisə yerinə qaçaraq axtarışlara başlayıblar, lakin nəticəsiz qalıb. Sonra polisə müraciət ediblər. Maşonalend polisinin müfəttişi Milton Mundembenin sözlərinə görə, qızın cəsədi iki gün sonra suya girdiyi yerdən təxminən 70 metr aralıda tapılıb.

Daxili İşlər Nazirliyi Baş Narkotiklərlə Mübarizə İdarəsinə qaçaqmalçılıq yolu ilə gətirilmiş külli miqdarda narkotik vasitələri 2 nəfərin satmaq məqsədi ilə əldə etdiyi barədə əməliyyat məlumatı daxil olub.

Nazirlikdən verilən xəbərə görə, həmin şəxslərin saxlanılması istiqamətində Baş İdarənin əməkdaşları tərəfindən xüsusi əməliyyat tədbiri hazırlanaraq həyata keçirilib.

Onlardan biri əvvəllər də narkotiklərin qanunsuz dövriyyəsi ilə məşğul olduğu üçün məhkum edilmiş Vüqar Cəfərov polisin keçirdiyi əməliyyat nəticəsində tutulub. Onun əlindəki bağlamaya baxış zamanı ümumilikdə 32 kiloqram, o cümlədən 22 kiloqram marixuana, 4 kiloqram heroin, 6 kiloqram psixotrop maddə metamfetamin və 1600 ədəd metadon həbi aşkar edilib.
Vüqar Cəfərovla birlikdə narkotik vasitələrin qanunsuz dövriyyəsində əlbir olan Rövşən Qasımov saxlanılan zaman polis əməkdaşlarına müqavimət göstərərək idarə etdiyi “Opel” markalı avtomobillə qaçmağa cəhd göstərsə də polislər buna imkan verməyib.

Polisə tabe olmayan həmin şəxs üzərində olan odlu silahla polis əməkdaşlarına atəş açaraq onların həyat və sağlamlığına böyük təhlükə yaradıb. Polislər xidməti silahdan havaya xəbərdarlıq atəşi açaraq Rövşən Qasımovdan könüllü təslim olmasını tələb ediblər.

Buna baxmayaraq həmin şəxs müqaviməti davam etdirdiyindən və yenidən qaçmağa cəhd göstərdiyindən o, xidməti silahdan açılan atəş nəticəsində saxlanılıb. Rövşən Qasımova ilkin tibbi yardım edilib və o, xəstəxanaya yerləşdirilib. Ondan 1 ədəd “Makarov” marakalı tapança, patronlar, patron darağı, 500 qram metamfetamin, narkotik vasitələrin satışı zamanı pul dövriyyəsində istifadə olunan plastik kartlar və elektron tərəzi aşkar edilərək götürülüb.

Faktla bağlı Cinayət Məcəlləsinin müvafiq maddələri ilə cinayət işi başlanılıb, araşdırmalar davam etdirilir.