Yasamal rayonu ərazisində səkilərin zəbt edilməsi davam edir. Rayonun Ələsgər Ələkbərov və Məmməd Rahim küçələrinin kəsişməsində piyada səkisini zəbt edib iaşə obyekti qururlar.

Tribunainfo.az xəbər verir ki, sakinlərin sözlərinə görə, zəbt edilən ərazi yaşıllıq, ağaclarla zəngin olan geniş piyada səkisidir. Ağaclıqların arasında piyada səkisinin zəbt edilməsi hesabına ərazidə iaşə obyekti qurulur.
Sakinlər bildirib ki, ötən il bu yerdə kənarda sadəcə çətir qoyulduğu halda, indi piyada yolunun da 80 faizi tutulub. Ərazidə yaşayanlar bildirir ki, bu, həm piyadaların hərəkətinə maneə yaradır, həm də obyektdəki səs-küy ətrafda yaşayan sakinləri narahat edir.
Obyekt sahibinə bununla bağlı sakinlər bir neçə dəfə narazılıqlarını bildiriblər. Lakin aidiyyəti qurumlar işə laqeyid yanaşdığı üçün, icazəni də məhz o qurumlar verdiyi üçün heç bir tədbir görülmür.

Masallı rayonu, Təklə kənd sakinləri tərəfindən Hurriyyet.az saytının redaksiyasına şikayət məktubu daxil olub. Şikayətçilər kəndin kuçələrinin baxımsız halda olduğunu, rayon İcra Hakimiyyətinin onların müraciətinə baxmadığını bildirir:
“Biz, sakinlər, bilmirik ki, daha kimlərə, hansı qurumlara şikayət edək.

Masallının bir çox kəndlərində küçələr, yollar baxımsız vəziyyətdədir. 8 minə yaxın əhalisi olan Təklə kəndi ən ucqar kəndlərdən belə, bərbad vəziyyətdədir. Hansı qurumdan Prezident Administrasiyasına şikayət etsək, işə baxılması üçün məktubu həmin quruma göndərirlər.

Sizin sayt vasitəilə Prezident Administrasiyasında oturanlara səslənirik, əgər işimizə burdakı qurum baxsaydı, niyə birdə sizə şikayət yazırdıq?! Və yaxud da yazdığımız məktubu şikayət olunan qurumun üstünə göndərdikdə heç maraqlanırsınız ki, iş nə yerdədir?!

Cənab Prezident çıxışlarında qeyd edir ki, "əziz xalqım, mənə bir siqnal göndərin". Cənab Prezident, aparatdakı işçiləriniz imkan verir ki, o məktublar sizə çatsın?! Xalqı fikirləşən yoxdur, ölkədə işsizlik baş alıb gedir. Şikayətimizi etməyə adam tapmırıq.

İcra Hakimiyyəti deyir ki, balansda yeterincə pul yoxdur. İcra Hakimiyyəti xalqı, vətəndaşın şikayətini təmin etmirsə, bu qurum nəyimizə lazımdır?

Kəndin qəbiristanlığında işıq yoxdur. Bura işıq çəkilməyi üçün ölülər pul yığıb verməlidirlər?!"

Qeyd edək ki, şikayətçilərin redaksiyamıza göndərdiyi video müraciəti də olduğu kimi oxuculara təqdim edirik:

Baş Prokurorluğun Mətbuat Xidməti tərəfindən 14 martda yayılmış məlumatda Qaçqınların və Məcburi Köçkünlərin İşləri üzrə Dövlət Komitəsinin Mənzil İstismar Departamentinin Ağdam rayon Mənzil Kommunal İstismar Sahəsinin rəisi Valeh Abdullayevin qanunsuz hərəkətləri ilə bağlı keçirilmiş təxirəsalınmaz əməliyyat-axtarış tədbirləri nəticəsində Baş prokuror yanında Korrupsiyaya qarşı Mübarizə Baş İdarəsində cinayət işinin başlanıldığı göstərilirdi.

Məlumatda həmçinin qeyd edilir ki, əməliyyat-istintaq tədbirləri ilə Valeh Abdullayevin müxtəlif şəxslərin işlə təmin olunması, təqaüd yaşına çatanların işdən çıxarılmaması, faktiki olaraq işə gəlməyən şəxslərə əməkhaqqı verilməsinə şərait yaradılması, təmsil etdiyi qurumun balansında olan mənzillərin başqa şəxslərin istifadəsinə verilməsi və digər bu kimi qanunsuzluqlar müqabilində onlardan təkrarən rüşvət istəməsinə əsaslı şübhələr müəyyən edilib. Valeh Abdullayev tələb etdiyi pul vəsaitlərini vətəndaşlardan alarkən cinayət başında yaxalanıb.Sadalanan qanunsuz əməllər əməliyyat-axtarış tədbirləri zamanı qeydə alınan videogörüntülər, Valeh Abdullayevin xidməti otağına keçirilmiş baxış nəticəsində götürülmüş sənədlər və digər sübutlarla təsdiqini tapıb. Hazırda qeyd edilən qanunsuz əməllərin törədilməsində hər hansı formada iştirak etmiş şəxslərin müəyyən edilərək məsuliyyətə cəlb edilməsi və digər halların yoxlanılması istiqamətində əməliyyat-istintaq tədbirlərinin həyata keçirilməsi davam etdirilir.

Maraqlıdır görəsən bu cinayət işində Valeh Abdullayevin qanunsuz əməlləri törətməsinə hər hansı formada iştirak etmiş rəhbəri, Qaçqınların və Məcburi Köçkünlərin İşləri üzrə Dövlət Komitəsinin Mənzil İstismar Departamentinin rəisi Səbuhi Əhmədovun da adı keçirmi? Təbii ki, rüşvət verməkdə yox, mənzillərin başqa şəxslərin istifadəsinə verilməsinə şərait yaratdığına görə, rüşvət almağa təhrik etməyə görə.

Qeyd edək ki, Valeh Abdullayevin məhkəmənin qərarı ilə vəzifəsindən azad edilərək ev dustaqlığına buraxılması xəbərindən sonra bu günlərdə Qaçqınların və Məcburi Köçkünlərin İşləri üzrə Dövlət Komitəsinin Mənzil İstismar Departamentinin direktoru Səbuhi Əhmədovun özü də gündəmə gəldi.

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti Səbuhi Əhmədova İnzibati Xətalar Məcəlləsinin 192.4-cü maddəsi ilə cərimə yazıb. Bu maddə işçinin əmək və məzuniyyət haqlarının, ezamiyyə xərclərinin, əmək qanunvericiliyində nəzərdə tutulmuş müavinət və digər ödənişlərin hesablanmasında və ödənilməsində, riyazi hesablamalar nəticəsində yol verilən nöqsanlar istisna olmaqla, qanun pozuntularına yol verilməsi ilə bağlıdır. Buna görə də vəzifəli şəxslər 700 manatdan 1500 manatadək məbləğdə cərimə edilir.

Göründüyü kimi təzad təşkil edir. Kim daha çox rüşvət ala bilər, bir İstismar Sahəsinin rəisi, yoxsa sərəncamında onlarla istismar sahəsi olan Departament direktoru?

Qeyd edək ki, Səbuhi Əhmədov 2003-2006-cı illərdə “Azneft” İstehsalat Birliyinin baş direktoru, daha sonra “Balaxanıneft” Neft Qaz Çıxarma İdarəsinin rəisi vəzifəsində çalışıb. Millət vəkili olmuş Rövşən Rzayevin 2018-ci ilin aprel ayında Qaçqınların və Məcburi Köçkünlərin İşləri üzrə Dövlət Komitəsinin sədri təyin edilməsindən az sonra vəzifə başına gətirdiyi şəxslərdən biri də məhz Səbuhi Əhmədov olub.

Məlum olduğu kimi qaçqın və məcburi köçkün ailələrinin problemlərinin həlli daim dövlətimizin başçısı İlham Əliyev cənablarının diqqət mərkəzində olub. Ötən illər ərzində bu sahəyə ayrılan vəsaitləri və görülən işləri burada bir daha sadalamağa zənnimizcə ehtiyac yoxdur. Dövlətimiz artıq torpaqları geri alınmış məcburi köçkün ailələrinin mənzil-məişət şəraitinin yaxşılaşdırılması məqsədilə də kifayət qədər vəsait ayırır. Lakin bu işə birbaşa cavabdeh olan Qaçqınların və Məcburi Köçkünlərin İşləri üzrə Dövlət Komitəsi Mənzil İstismar Departamenti Səbuhi Əhmədovun rəhbərliyi ilə sözügedən işləri həyata keçirmək adı altında dövlətin və qaçqınların malını talan etməklə məşğuldurlar.

Qaçqın və Məcburi Köçkünlərin İşləri üzrə Dövlət Komitəsində Mənzil İstismar Departamentinin direktoru Səbuhi Əhmədov xüsusi təyinatlı yaşayış sahəsinin kirayə müqaviləsi bağlayaraq vətəndaşların pulunu ələ keçirməklə məşğuldur. Bununla bağlı elektron mediada kifayət qədər geniş məlumatlar var. Şikayətçilərdən biri yazır: “Guya Abşeron rayonu, Masazır qəsəbəsi, Zəngilan şəhərciyində 13 nömrəli evdə 51 saylı mənzil mənə ayrıldı. Müqavilə tam rəsmi qaydada, dövlətin rəsmi qurumunun möhürü ilə təsdiqləndiyi üçün heç bir şübhəmiz olmadı. Sonradan belə bir hiylə ilə insanları aldatdıqlarına dair söz-söhbət dolaşdığı üçün sənədlərin kötüyünü yoxlamaq qərarına gəldik. Məlum oldu ki, bu şəxslər əvvəllər də bir neçə belə əməl törədib və barələrində tədbir görülür”. Səbuhi Əhmədov məcburi köçkünlər üçün tikilən binalardakı JEK rəisləri ilə birgə mənzilləri satmaqla, pul alıb kiməsə bağışlamaqla məşğul olur. Mənzillərin bölgüsündə baş verən qanunsuzluqların memarı da Səbuhi müəllimdir.

Bütün bunlar azmış kimi, Səbuhi Əhmədov qaçqınların hesabına daha çox qazanmaq üçün yollar arayıb. Və tapıb.
Belə ki, məcburi köçkünlər üçün tikilən binaların, şəhərciklərin ətrafını kənardan gələn, məcburi köçkün olmayan şəxslərə satıb. Yəni ticarət obyekti kimi işlətmək üçün kənar şəxslərə verib. Və həmin şəhərciklərdə ayaq basmağa yer qoymayıb. Şuşa şəhərciyində vətəndaşdan 40 kv metr bir yerdə iaşə obyektinin tikintisinə rəsmi qurumun möhürü ilə təsdiqlənmiş, Səbuhi Əhmədovun imzası ilə saxta sənəd verən vətəndaş ödədiyi 13 min manatı hələ ala bilmir. Səbuhi Əhmədov qaçqınlara yaşadıqları mənzillərin guya mülkiyyət kağızını düzəltmək adı ilə dövlət rüsumu kimi 5-10 min manat pul alıb. Yəni qaçqınları aldadıblar ki, mənzillər sizə qalacaq. Ancaq indi məlum olur ki, həmin mənzillər dövlət fonduna aiddir.
Qaçqın və Məcburi Köçkünlərin İşləri üzrə Dövlət Komitəsində Mənzil İstismar Departamentinində büdcə pulları da direktor Səbuhi Əhmədovun ixtiyarındadır. Satınalmalar yolu ilə istədiyi istiqamə yönəldir, istədiyi şirkətlərə formal müqavilələr bağlayıb büdcə pullarını təyinatından kənarlaşdırır.

Dövlət Komitəsinin Mənzil İstismar Departamenti 2023-cü ildə 33 açıq tender daxil edib. Onlardan 31 açıq tenderin nəticələri barədə dövlət satınalmalarının vahid internet portalında məlumat yerləşdirilib. Bu tenderlərin böyük əksəriyyəti Sumqayıt şəhəri, Qaradağ, Abşeron, Ağdam, Füzuli, Bərdə, Goranboy, Şabran, Qaradağ, Qəbələ, Zaqatala, Balakən və Qazax rayonlarında salınmış məcburi köçkün qəsəbələrində fərdi yaşayış evlərinin və mənzillərinin təmiri, binaların fasad üzlük daşları və dam örtüklərinin təmiri, fərdi yaşayış evlərinin, mənzillərin, blokların və dam örtüklərinin təmiri işləri, qəsəbədaxili küçələrin,həyətyani sahələrin,park ərazisinin və ətraf yaşıllıq sahələrinin işıqlandırılmasının təmiri işlərini görmək üçün keçirilib.Nədənsə bu sifarişləri də bir neçə ildir eyni şirkətlər, “Qarabağ Təmir-Tikinti”, “Tunel-Metro İnşaat”, “Turan.İ.O”, “Simmetriya”, “Baku Building” kimi MMC -lər görür.

Keçirilmiş tenderlərdən də göründüyü kimi dövlətimiz artıq torpaqları geri alınmış məcburi köçkün ailələrinin mənzil-məişət şəraitinin yaxşılaşdırılması məqsədilə kifayət qədər vəsait ayırır. Lakin bu işə birbaşa cavabdeh olan Qaçqınların və Məcburi Köçkünlərin İşləri üzrə Dövlət Komitəsi Mənzil İstismar Departamenti sözügedən işləri həyata keçirmək adı altında dövlətin və qaçqınların malını talan etməklə məşğuldurlar. Ötən yazılarımızın birində bu movzuya toxunmuşduq. Keçirilən tenderlərdə təmir olunacaq fərdi yaşayış evlərinin hansı qəsəbələrdə aparılması, evlərdə nə kimi təmir işlərinin görülməsi ictimaiyyətə nə üçün açıqlanmayıb,tenderlərin əsas şərtlər toplusunda qanunda göstərildiyi kimi niyə hər şey açıq göstərilməyib. Qanun isə görülən işlərin ünvanının və həcminin açıq şəkildə göstərilməsini tələb edir. Bunlardan əlavə, təmirin kimin evində aparıldığı, konkret ünvanı nə üçün ictimaiyyətə açıqlanmayıb? Kim zəmanət verə bilər ki, ayrılan bu vəsaitlər təmirli evlərin yenidən təmir olunmasına yönəldilərək silinməyib?

Göründüyü kimi Ağdamda kiçik bir İstismar Sahəsinin rəisi məbləği bəlli olmayan rüşvət üstündə həbs edilir, amma Qaçqın və Məcburi Köçkünlərin İşləri üzrə Dövlət Komitəsində Mənzil İstismar Departamentinində hər cür qanun pozuntularına yol verən Səbuhi Əhmədov isə cərimələnir. Nəyə görə? İşçinin əmək və məzuniyyət haqlarının, ezamiyyə xərclərinin hesablanmasında və ödənilməsində yol verdiyi qanun pozuntularına görə. Səbuhi Əhmədovdan bəs talanan milyonların hesabı nə vaxt sorulacaq?
Aktualinfo.org

Bir qurup Ağdam və Ağcəbədi sakinləri redaksiyamıza müraciət edərək ökənin adiyyatı qurumlardan kömək istəyir sakinlər müraciət edərək bildirir ki onlar rəsmi məktubla rəsmi qurumlara müraciət etdiklərini və lakin müraciətlərinin cavabini hələdə almamişlar onlara müraciətlərində sözü gedən məsələ ilə bağlı heçbir köməklik olunmamşdır.

Ağdam və Ağcəbədi rayonunun bir qurup sakinləri onlarin məktublarinin adiyyatı qurumların rəhbərliklərinə göstərilməməsi və bu baxımdan onlara kömək olunmamasını düşünərək arx.az xəbər portalının vastəsi ilə adiyyatı qurumlardan kömək istəyirlər.

Vətəndaşlarin müraciətlərini təqdim edirik.

Ağdam rayonu Qaradağlı kənd Uşaq Musiqisi Məktəbinin və Ağcəbədi rayonu Boyat kənd Uşaq Musiqi Məktəbinin bir qurup müəllim və digər şəxslər tərəfindən
ŞİKAYƏT ƏRİZƏSİ.
Hörmətli Prezident və köməkçiləri! Bildiririk ki,2 ilə yaxindir ki, Qarabağ Regiyonal Mədəniyyət idarəsi nin rəisi Qalib Həsənovun rəhbərliyi altında idarənin tabeliyində olan uşaq musiqi məktəblərində və digər incəsənət və rəhbərliyi altında idarənin tabeliyində olan uşaq musiqi məktəblərinin və digər incəsənət və digər sahələrə aid tədris müəssisələrində ciddi qanun pozuntulari ilə müşayət olunan hərəkətlərə ( və ya hərəkətsiliyə ) yol verilir,Bu barədə Prezident Aparatına, şəxsən sizə ünvanladğimiz yüzlərlə şikayət dolu ərizələrimiz və teleqramlarimiz məqsədli şəkildə gizlədilir və Sizə məruzə edilməsi təmin edilmir. Qanunun pozulmasini əks etdirən təqdim etdiyimiz bütün sübutlar, hətta video çəkilişlər Prezident Aparatından Mədəniyyət Nazirliyinə və oradan da haqqinda şikayətci olduğumuz Qarabağ Regional Mədəniyyət idarəsinə "tədbir görülmək "adi altinda göndərilir!
Hörmətli cənab Prezident! Bu hal Korrupsiya deyilsə, başqa adi nədir? Bununla bağlı uzun süründüməçiliyə məruz qaldğimizi nəzərə alib şəxsən siz ölkə rəhbəri İlham Əliyev cənabları ilə görüşmək istəyirik.Xaiş edirik yuxarıda qeyd etdiklərimizi və əlimizdə olan təksib edilməz sübutlari şəxsi qəbulunuzda təqdim etmək arzusu ilə bizə şəxsi qəbul keçirəsiniz və bundan ötrü fəaliyyətlərindən narazi qaldğimiz aidiyyəti şəxslərə bizim qəbulumuzun təşkili üçün göstərişlər verəsiniz!Bu ərizəmizin araşdırma və yaxudda tədbir görülmək adi altinda hər hansı bir Nazirliyə və yaxud Dövlət orqanlarina göndərilməsinə bəri başdan etrazimizi bildiririk və ciddi qanun pozuntusu kimi qəbul edəcəyik!

arx.az/

"AMEA akademik İsa Həbibbəylinin çıxışlarında sürətlə inkişaf edir: kitablar, monoqrafiyalar, elmi məcmuələr, lüğətlər, toplular, biblioqrafik ədəbiyyat, əyani doktorantın qiyabiyə, qiyabinin əyaniyə çevrilməsi... İnkişaf əndazədən çıxıb, ara qarışıb, məssəb itib, töhfələrin sayı - hesabı bilinmir". Dia-az.info bildirir ki, bunu öz açıqlamasında dilçi-alim İdris Abbasov qeeyd edib.
"Görkəmli və möhtərəm akademik çap məhsullarının elmi keyfiyyətsizliyi, saxtalığı, başdasovduluğu, bütün bunların gözə kül üfürmə məqsədilə edilməsi, alim-akademik məsuliyyətsizliyi, ortada yeyib qıraqda gəzmək, kitab nəşri adı altında dövlətə vurulan milyonlarla zərər haqqında, təssüf ki, bir kəlmə də demir" deyə itihamlarını inkişaf etdirən gənc alim daha sonra əlavə edib:
"Bir də ki, niyə desin ki?! Baş alıb gedən yolsuzluqları, elmi saxtakarlıqları, dövlətə vurulan ziyanları, elmi-mənəvi deqradasiyaya fəsadlarıni deyib niyə qanını qaraltsın ki?! Gül kimi istirahət edir də. Odur e, onun yaşıdları, hətta ondan yaşca kiçik alimlər küçələrdə qaliblar. İndi adam "min bir əziyyətlə" vəzifələrə gəlib ki, pensiya yaşında qanını qaraltsın?! Kef çəkmək lazımdır, kef!! Kefin çox sadə yolu var Azərbaycanda: yalan-yapalaq mədhiyyədən güpəyirsən, iş göruntusu yaradırsan, vəssalam, pulları cibinə doldurub kef çəkirsən, kef. Akademikanə kefin ləzzəti bambaşqadır.
Əlbəttə, adam vəzifələr tutub bütün nöqsanlara göz yumar, kef edər, kef! Ölkənin mövcudluğu harda dayanar, dayansın! Mənəvi tənəzzül bir millətin sonunun başlanğıcıdır, mənə nə, ee?!
Çəkilin yolumdan, yoxsa əyləncə qatarımın polad relsləri üzərində qalıb xıncım-xıncım olarsınız!
Dövlətin iliyini kəsən, daxili ədavəti tətikləyən qanunsuzluqlara, özbaşınalıqlara göz yum, təriflərlə, yalanlarla xəstəliyin ağrı simptomlarını keyləşdir, terapiyadan qaç, xəstəlikləri maksimum ört-basdır et ki, xəstə ölsün, yəni cəmiyyət bir orqanizm kimi məhv olsun...
Dəhşət və rəzaləti şərtləndirən təfəkkür tərzi, bədbəxtlikdən, gəlib ilişib bir xalq kimi bizim bogazımıza... Boğazımı arıtlamağa da ərinirik. Belə ərincək olduqca boğazımızin tıxanmaq təhlükəsi ilə üz-üzə qalacağıq. Əfsus!"

Bakı şəhəri, Binəqədi rayon Biləcəri qəsəbəsi Xudadat Məlikaslanov 22 ünvanında qanunsuz obyekt tikildiyi iddia edilir...

AzFakt.com-a verilən məlumatda bildirilir ki, ərazidə inşa edilən obyektin heç bir rəsmi sənədi yoxdu və obyekt gizli şəkildə inşa edilir. İddia edilir ki, obyektin tikinitisinə icazə Binəqədi rayon İcra Hakimiyyəti tərəfindən verilib.

Məsələ ilə bağlı araşdırmalarımız davam edir.

Bakı şəhəri, Sabunçu rayonu, Muxtar qəsəbəsi, Əmir Bağırov küçəsi 25-də yaşayan Əliyev Xalid Paşa oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi deyir ki, 2012-ci ildə 12 min dollarA (köhnə məzənnə ilə təxminən 9360 manat) birinci əl “Chevrolet Aveo” markalı avtomobil alıb. Bu zaman ilkin ödəniş olaraq 4500 manat ödəyib, qalan məbləği hissə-hissə ödəmək üçün avtomobili “Bank VTB”-nin İsmayıllı rayon filialında girov qoyub.

Hər ay 502 manat olmaqla, təxminən 8 ay müddətində kredit borcunu davamlı olaraq və vaxtında ödəyib. Sonradan ailəvi problemləri yarandığından 2 ay krediti ödəyə bilməyib. Bu zaman ona bank tərəfindən xəbərdarlıq gəlib: “Getdim, dedim ki, imkanım yoxdur, gələn aydan ödəyəm. Dedilər artıq lazım deyil, avtomobil hərraca çıxarılacaq”, - deyən Xalid Əliyevin sözlərinə görə, sonradan avtoservisdə maşının yağını dəyişdirərkən, “Bank VTB”-nin İcra şöbəsinin “qoluzorlu əməkdaşları” güc tətbiq edərək avtomobili əlindən alıblar.

X.Əliyev deyir ki, bu hadisədən sonra avtomobilinin harada saxlanıldığından xəbərsiz olub. 2017-ci ildə isə, ona xəbərdarlıq edilmədən, maşının hərraca çıxarıldığı və dəyərindən bir neçə dəfə aşağı qiymətə - 4 min manata satıldığı haqda məlumat əldə edib. Şikayətçinin sözlərinə əsasən, avtomobil ondan alındıqdan sonra həm naməlum şəxslər tərəfindən sürülərək yararsız hala salınıb, həm də guya “qəza keçirdiyi” görüntüsü yaratmaqla müəyyən detalları sökülüb. Burada isə məqsəd avtomobili hərracda dəyərdindən aşağı qiymətə öz yaxın adamlarına satmaq olub. Beləliklə, ona məlumat verilmədən, avtomobil dəyərindən çox aşağı qiymətə bank rəhbərliyinə yaxın şəxsə satılıb. Ən maraqlısı isə odur ki, hərrac zamanı avtomobilin buraxılış ili 2012 deyil, 2007 kimi göstərilib.

Xalid Əliyev bildirir ki, avtomobil hərraca çıxarılan günədək başqa şəxslər tərəfindən idarə olunduğundan, onun adına 2 min manata yaxın cərimə gəlib. Bütün bunlarla bağlı Dövlət Yol Polisinə müraciət etdikdən sonra həmin cərimələri sildirməyə nail olub.

Ən maraqlısı isə odur ki, “Bank VTB” X.Əliyevin avtomobilini zorla əlindən aldıqdan sonra “banka dəyən zərərin” ödənilməsi tələbi ilə məhkəməyə müraciət edib. 03.09.2014-cü ildə İsmayıll rayon Məhkəməsinin hakimi Azad Əliyevin qərarı ilə Xalid Əliyevin üzərinə belə bir öhdəlik qoyulub: “Əliyev Xalid Paşa oğlundan 9710.87 ABŞ dolları məbləğində əsas borc, 120.21 ABŞ dolları məbləğində faiz borcu və 1,40 ABŞ dolları məbləğində cərimə olmaqla, cəmi 9832.48 ABŞ dolları 48 sent Azərbaycan Respublikası Mərkəzi bankının ödəniş gününə müəyyən edilmiş məzənnəsinə uyğun olaraq manat ekvivalentində hesablanmaqla və ödənilmiş dövlət rüsumunun əvəzi kimi 30 manat tutularaq Bank VTB (Azərbaycan) ASC-nə ödənilməsi, 9832.48 ABŞ dolları 48 sent və 30 manat məbləğinin tutulması ipoteka qoyulmuş Əliyev Xalid Paşa oğlunun adına AR DİN-nin Baş Dövlət Yol Polis İdarəsi QİS tərəfindən qeydiyyata alınmış “Chevrolet Aveo” minik markalı 99 DL 306 dövlət qeydiyyat nişanlı, buraxılış ili 2012-ci il olan, sedan tipli mühərrik A14XER19YTC025 və ban KLİTF69F9CB135575 olan avtomobilə hərrac vasitəsi ilə satılmaqla yönəldilməsi qət edilmişdir”.

Bundan sonra “Bank VTB” (Azərbaycan) ASC-nin İsmayıllı rayon icra şöbəsinə ünvanlanmış 09.08.2016-cı il tarixli 15440 saylı məktubuna əsasən, Əliyev Xalid Paşa oğluna məxsus və ipotekaya qoyulmuş “Chevrolet Aveo” minik markalı 99 DL 306 dövlət qeydiyyat nişanlı avtomobil “Bank VTB” (Azərbaycan) ASC-nin Sabunçu rayon ərazisində yerləşən dayanacaqda yerləşdiyi üçün Sabunçu İcra şöbəsi tərəfindən həmin avtomobilin qiymətləndirilməsi məqsədilə “Daşınar və Daşınmaz Əmlakların Qiymətləndirilməsi Xidməti” MMC-nə 1002-16340/8 saylı 06.02.2017-ci il tarixdə məktubla müraciət edilmiş həmin iş üzrə əmlakın qiymətləndirilməsi nəticələri haqqında hesabata əsasən mübahisələndirilən daşınar əmlakın ilkin qiyməti “Daşınar və Daşınmaz Əmlakların Qiymətləndirilməsi Xidməti” MMC-si tərəfindən avtomobilə 4000 manat qiymət qoyulmuşdur. İddia ilunur ki, sənədlər Daşınar və Daşınmaz Əmlakın Hərrac mərkəzinə göndərilmişdir: “Daşınar və Daşınmaz Əmlakın Hərrac mərkəzi tərəfindən tərəflərə gondərilmiş 19.05.2017-ci il 01/1867 saylı və 02.06.2017-ci il tarixli 01/2008 saylı açıq hərracın keçirilməsinə dair bildirişlərə əsasən, Əliyev Xalid Paşa oğluna məxsus və ipotekaya qoyulmuş “Chevrolet Aveo” minik markalı 99 DL 306 dövlət qeydiyyat nişanlı avtomobilin açıq hərracda satılması 19.06.2017-ci il tarixə təyin edilmişdir.

İcra predmeti olan yuxarıda göstərilən avtomobilin açıq hərracının nəticələri haqqında 19.06.2017-ci il tarixli 3702 saylı protokoluna əsasən Əliyev Xalid Paşa oğluna məxsus və ipotekaya qoyulmuş “Chevrolet Aveo” minik markalı 99 DL 306 dövlət qeydiyyat nişanlı avtomobil qalib alıcı İsmayılov Məmməd Şahin oğlu tərəfindən 6400 manata alınmışdır. Bundan sonra icra işinə Sabunçu rayon məhkəməsinin İcra şöbəsi tərəfindən 22.08.2019-cu il tarixli qərarı ilə xitam verilmişdir”.

Qeyd edək ki, Əliyev Xalid Paşa oğlu məhkəmənin bu qərarından apellyasiya şikayəti verib. O, hesab edir ki, qiymətləndirmə hesabatı və açıq hərracın nəticələri barədə 19.06.2017-ci il tarixli 3702 saylı protokol və onun əsasında bağlanmış alqı-satqı müqaviləsi etibarsız hesab edilməlidir: “Belə ki, mən kredit götürdüyüm zaman işləyirdim. Daha sonra, işimi itirdiyim üçün maddi vəziyyətimdə problemlər yaranmışdır. İmkanım olmadığına görə, banka olan borcumu ödəyə bilməmişəm. Bildirirəm ki, 2012-ci ilin avtomobili “2007-ci il” kimi yazılaraq saxtakarlıq edilmişdir. Daha sonra qiymətləndirmə düzgün aparılmamış, sənədlərə müdaxilə olunmuşdur.

Fotoda göstərilən avtomobil mənim deyildir, başqa avtomobil qoyulmuşdur. Avtomobil yeni, real bazar qiyməti 16 min manat olduğu halda 4 min manata satılmışdır. Buna mənim razılığım olmamışdır. Avtomobilin yağını dəyişdirdiyim zaman məcbur əlimdən alınmışdır. Halbuki ilkin ödəniş etmişəm. Mənim ilkin ödənişim verilsin, ya da maşınım qaytarılsın. Cavabdeh - “Bank VTB” (Azərbaycan) ASC bu günə kimi pulunu tələb etməmişdir və mənim pulumu mənimsəmək niyyətindədir.

Belə ki, qiymətləndirmə hesabatı, hərracın nəticəsini və avtomobili “Bank VTB” (Azərbaycan) ASC qəbul etmişdir. Sabunçu icra şöbəsinin xitam qərarı ləğv olunduğu halda X.Əliyevin mülkiyyətində olan sözügedən avtomobilin qaytarılması üçün axtarışını tələb edirik”.

Qeyd edək ki, bütün bunlara baxmayaraq məhkəmə qərarı Əliyev Xalid Paşa oğlunun əleyhinə, “Bank VTB”-ın lehinə olub. Üstəlik, hazırda ondan “banka olan 6 min manat borcunun” ödənilməsi tələb edilir. X.Əliyevin sözlərinə görə, İsmayıllı rayon İcra şöbəsində ona deyiblər ki, 1500 manat qarşılığında bütün borcu silə bilərlər: “Əlavə olaraq 6 min manat ödəməli olduğumu deyirlər. Yaşar adlı əməkdaş deyir ki, 1500 manat ver, hamısını siləcəm, sənə kağız verəcəm ki, borcunu yoxdur”.(Hurriyyet)

Qeyd edək ki, neçə müddətdir “Bank VTB” (Azərbaycan) adını dəyişərək "Yelo Bank" kimi fəaliyyətini davam etdirir.

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti Nizami rayon bələdiyyəsinin sədri Vüqar Quliyev barəsində inzibati iş başlayıb.
Əldə etdiyimiz məlumata görə, dövlət xidməti bələdiyyə sədrinə İnzibati Xətalar Məcəlləsinin 192.1-ci maddəsi ilə ittiham irəli sürüb və onun cərimələnməsini qərara alıb.
192.1-ci maddə Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsi ilə bağlıdır. Bu maddəyə əsasən, fiziki şəxslər 1000 manatdan 2000 manatadək, vəzifəli şəxslər 3000 manatdan 5000 manatadək, hüquqi şəxslər isə 20 000 manatdan 25 000 manatadək məbləğdə cərimə edilir.
Vüqar Quliyevin konkret hansı məbləğdə cərimələnməsi bəlli deyil. Məlum olan odur ki, bələdiyyə sədri dövlət xidmətinin qərarından narazıdır.
Məlumatda bildirilir ki, Vüqar Quliyev cərimə qərarı ilə bağlı məhkəməyə şikayət ərizəsi ilə müraciət edib. Onun şikayətinə Nizami Rayon Məhkəməsində baxılacaq. İş hakim Nigar Qədirlinin icraatındadır.(Qaynarinfo)

Ötən ilin dekabr ayında Hacıbaba Əliyev adına Quba şəhər 1 saylı tam orta məktəbinə direktor təyin edilmək üçün Quba-Xaçmaz Regional Təhsil İdarəsinin hazırda həbsdə olan keçmiş müdiri Rüfət Haciyevə 30 min manat rüşvət verməkdə adı hallanan Sevil Allahverdiyeva Quba rayonu Rəhman Məmmədov adına Alekseyevka kənd tam orta məktəbinə direktor təyin edilib.
Məlumata görə, əvvəllər, indi direktor təyin edildiyi Alekseyevka kənd tam orta məktəbində ibtidai sinif müəllimi olan Sevil Allahverdiyevanın Quba şəhər 1 saylı tam orta məktəbinə direktor təyin edilmək üçün Quba-Xaçmaz Regional Təhsil İdarəsinin keçmiş müdiri, hazırda həbsdə olan Rüfət Haciyevə bu təyinat üçün 30 min manat vəsait verdiyi iddia edilirdi.Bu iddiaların nə dərəcədə həqiqətə uyğun olub-olmadığını dəqiq deyə bilməsək də o zaman onun sözügedən məktəbə direktor təyin edilməsi baş tutmamışdı.

Məktəbin pedaqoji kollektivi Sevil Allahverdiyevanın təhsil ocağına rəhbər təyin edilməsinə etiraz edərək bu təyinatın həyata keçiriləcəyi halda dərslərə girməkdən imtina edəcəyini bildirmiş, məsələ barəsində aidiyyatı strukturlara öz etirazlarını çatdırmışdılar. Daha sonra Quba-Xaçmaz Regional Təhsil İdarəsinin rəhbər şəxsləri məktəbə gələrək pedaqoji kollektivlə görüşüb və onlara bu təyinatın baş tutmayacağı haqda söz vermişdilər.
Ötən ay bu qalmaqallarda adı hallanan Sevil Allahverdiyeva müvafiq əmrlə Quba rayonu Rəhman Məmmədov adına Alekseyevka kənd tam orta məktəbinə direktor təyin edilib.

Məlumata görə, onun bu təyinatı Azərbaycan Respublikasının Təhsil İnstitutunun rəhbər şəxslərindən birinin sayəsində baş tutub.(7times.az)

Külli miqdarda dələduzluqda ittiham olunan “Gerlift Group” MMC-nin təsisçisi və direktoru Tural Nəcəfovun cinayət işi üzrə məhkəmə istintaqı başlayıb.

“Qafqazinfo”nun məlumatına görə, Bakı Ağır Cinayətlər Məhkəməsində keçirilən iclasda ittiham aktı elan edilib.

Bu iş üzrə zərərçəkmişlərdən biri keçmiş deputat Hacı Salayevdir. O, hazırda bizneslə məşğuldur. İttihamda deyilir ki, müttəhim Tural Nəcəfov özünü tikinti sahəsində fasad şüşələrinə xidmət avadanlığının, turniketlərin xarici ölkələrdən gətizdirməklə quraşdırılması sahəsində çalışan geniş təcrübəyə, işgüzar əlaqələrə malik etibarlı iş adamı kimi təqdim edib.

O, Dövlət Gömrük Komitəsinin İnfrastrukturun İnkişafı İdarəsinin rəisi Abuzər Məmmədovun, sabiq deputat Hacı Salayevin və digərlərinin inam və etibarını qazana bilib. Nəticədə fasad xidmət avadanlığının alınaraq “Azərterminalkompleks” Birliyinə verilməsi ilə bağlı 265 min manatlıq müqavilə imzalayıb. Bundan başqa T.Nəcəfov Dövlət Gömrük Komitəsinin (DGK) inşası davam edən yeni inzibati binasına turneketlər quraşdıracağını da vəd edib. “Gerlift Group” MMC ilə Dövlət Gömrük Komitəsinin (DGK) “Azərterminalkompleks” Birliyi arasında 146 min manat civarında kommersiya müqaviləsi bağlanılıb. T.Nəcəfov sözügedən vəsaiti təyinatı üzrə xərcləməyib, öz şəxsi ehtiyaclarına sərf edib. Bununla da “Azərterminalkompleks”ə 390 min manat ziyan vurub.

Digər zərərçəkmişlər də eyni üsulla aldadılıb.

Təqsirləndirilən şəxs eks-deputat Hacı Salayevin Yasamal rayonu, H.Cavid küçəsində yerləşən beşmərtəbəli fərdi yaşayış evinə Almaniya istehsalı olan liftin xaricdən sifarişi üçün 157 min 916 manatlıq müqavilə imzalayıb. Lakin vədinə əməl etməyib, eks-deputatın pulu ələ keçirib.

Qeyd olunan əməllərinə görə, T.Nəcəfova Cinayət Məcəlləsinin 178.3.2-ci (dələduzluq-təkrar törədildikdə) maddəsi ilə ittiham verilib, barəsində həbs qətimkan tədbiri seçilib. Müttəhim Nəcəfov özünü təqsirli bilməyib.

Prosesin davamında Hacı Salayevə hüquq xidməti göstərən Balağa Zərbəliyev şahid qismində ifadə verib.

Şahid ifadəsində Hacı Salayevlə birlikdə çalışdıqlarını deyib. Hüquqşünas deyib ki, sabiq deputata məxsus H.Cavid küçəsindəki fərdi yaşayış evinə Almaniya istehsalı olan 630 kq lift quraşdırması ilə bağlı “Gerlift Group” MMC-nin direktoru Tural Nəcəfovla müqavilə bağlanılıb. O, pulların verilməsində özünün də iştirak etdiyini deyib.

B.Zərbəliyev sabiq millət vəkilinin hazırda ölkə xaricində olduğunu əlavə edib. Prosesə sədrlik edən hakim Rasim Sadıxov zərərçəkmişin məhkəmədə iştirakının vacib olduğunu şahidin diqqətinə çatdırıb.

Proses aprelin 23-də davam edəcək.

Qeyd edək ki, zərərçəkmiş Hacı Salayevin qardaşı general-mayor Baba Salayev FHN Akademiyasının rəisi, oğlu Turqut Salayev isə FHN-in əməliyyat- istintaq idarəsinin rəisidir.(“Qafqazinfo”)