“Optimal” mağazalar şəbəkəsi müflis olmaqdadır. Tribunainfo.az-ın xəbərinə görə, firma fəaliyyətini dayandırmağa qərar verib. Ona görə mağazalar şəbəkəsində elektronika, mebel və digər məhsullar dəyər-dəyməz qiymətinə satışa qoyulub. Şirkətin dükanlarını başqa adda firma əvəzləyəcək. “Optimal”ın çöküşünə səbəb üzləşdiyi ciddi maliyyə problemi, biznesin rentabelli olmamasıdır. Qeyd edək ki, “Optimal Elektronika” MMC hələ 2022-ci ilin ilk yarısında 9 mağazasını (filialını) ləğv edib.

20 yanvar”, “Ağdam”, “Bakıxanov 1”, “Beyləqan Mebel”, “Masazır”, “Mərdəkan”, “Nizami”, “Sabunçu” və “Xırdalan 2” filialları ləğv edilib, heç bir filial yaradılmayıb.

Qeyd edək ki, 2021-ci il ərzində “28 May-2”, “28 May-3”, “Göyçay mebel” və “Şabran mebel” filialları ləğv edilmişdi. Əvəzində isə “Ağdam” və “Lerik” filialı açılmışdı.

Şirkətin 1 aprel 2022-ci il tarixində işçi sayı 1 192 nəfər olduğu halda, 1 iyul 2022-ci il tarixində 1 097 nəfərə düşüb.

Mağazalar şəbəkəsi Əhəd Əsgərovundur. Şirkətin 11.49 milyon manatlıq nizamnamə kapitalında onun payı 100 faizdir. Bir müddət əvvəl onun ölkədən çıxışına qadağa qoyulması xəbəri yayılmışdı, lakin özü təkzib etmişdi. Tribunainfo.az

Sabiq SOCAR şefi və hazırda İqtisadiyyat naziri Mikayıl Cabbarovun altı (6) müavinindən biri olan Rövnəq Abdullayevin biznes şəbəkəsi hörümçək toru kimi şaxələnir. 17 il SOCAR şefi olan nazir müavini əldə etdiyi gəlirləri Azərbaycanda və Avropa ölkələrində şirkətlər qurmağa istifadə edib. Bu şirkətləri isə yaxın qohumlarına həvalə edən R.Abdullayevin oğlu Rəşad Abdullayev Avropadakı şirkətlərə başçılıq edir.
Kommersant.az sabiq şefin ailə biznesi haqqında araşdırmasını oxuculara təqdim edir:

R.Abdullayevə bağlı olan şirkətlər əsasən tikinti, energetika, sənaye və kənd təsərrüfatı istehsalı sahəsində çalışır.

1.3 milyon dollarlıq (2 milyon 210 min manat) saatını itirərək gündəmə gələn Rövnəq Abdullayevin oğlu Rəşad Abdullayev yəni, Abdullayev ailəsinin 29 yaşlı fərdi İngiltərənin London şəhərində təsis etdiyi şirkətlərdən birinin ilk bəyənatını fevral ayının 10-da təqdim edəcək. Şirkətə aid olan əsas sənədlər toplusunu təqdim edirik:











Bakı şəhəri, Nəsimi rayonu, Dilarə Əliyeva, ev 237/14, 3 ünvanında isə Rəşad Abdullayevin Türkiyədə qurduğu “Alpha Roger Proje İnşaat ve Gayrimenkul Danışmanlık Sanayi ve Ticaret Anonim Şirketi”nin filialı qeydiyyatdan keçib.

Rövnəq Abdullayevin şirkətlərini rəhbər şəxslər və təkrarlanan qeydiyyat ünvanları ilə müəyyən etmək mümkündür. Amma bu şirkətlərin əksəriyəti haqda vergilərin elektron qəzetində məlumat olmadığından fəaliyyətləri barədə ictimaiyyətə açıq məlumat yoxdur.

R.Abdullayevin "Əliyevlər şirkət"i

R.Abdullayevin qayınatası Adəm Əliyevin şirkətlərinin sayı çox olduğu üçün milyonluq şirkətinin üstündən tək imza ilə xətt çəkə bilib. Belə ki, A.Əliyev 5 il əvvəl yəni, 2018-ci ildə 1 milyon 106 min manatlıq “Xincab” MMC şirkətini ləğvi ilə bağlı vergilər qəzetinə elan da verib. Bakı şəhəri, Nizami rayonu, Nəvai küçəsi, 15 ünvanında qeydiyyatdan keçən şirkəti başqa MMC-lərlə bağlayan da sözügedən ünvandır. Belə ki, həmin ünvanda R.Abdullayevə məxsus “Trust Holding” MMC, “Terminal-2A” MMC, “Bakimpeks” MMC də hüquqi ünvan alıb. “SOCAR-Petroleum” QSC-nin ortağı olan “A.P. İnternational LLC” şirkətinin (ABŞ) Azərbaycandakı filialı da bu ünvanda qeydiyyatdan keçib.

A.Əliyevin direktor olduğu şirkətlərdən biri isə “Sərv” MMC-dir. “Sərv” MMC ilə “Eyros” MMC-i isə Bakı şəhəri, Nərimanov rayonu, Sülh döngəsi 2, ev 2, mənzil 16 ünvanı birləşdirir. “Sərv” MMC haqqında vergilər elektron qəzetindən və vergi uçotundan məlumat əldə edə bilməsək də, “Eyros” MMC-nin SOCAR-la ortaq olduğu məlum olub. Bu ortaqlıq isə R.Abdullayevin SOCAR prezidenti olduğu dönəmdə start verilib. Onun direktoru Ramil Cavanşir oğlu Əliyev həm də “Ekol Mühəndislik Xidmətləri” QSC-nin baş direktoru vəzifəsində çalışır.




Bu qapalı səhmdar cəmiyyətinin təsisçiləri SOCAR (51%) və Panamanın “Lancer Services S.A” (49%) şirkətidir. Panama şirkətinin sahibi “Union Grand Energy” şirkəti vasitəsilə Anar Əlizadədir. Bu işadamı ilə R.Abdullayevə bağlı olan şirkətlərin yolu həm də Nəvai küçəsi, 15-də də kəsişir. Bu ünvanda 2004-cü ildə A.Əlizadəyə məxsus “Aztrans” MMC dövlət qeydiyyatına alınıb.




Şəkildən də tanış olduğunuz A.Əlizadə (Əliyev) haqqında geniş məlumatı isə daha sonra təqdim edəcəyik.

Adəm Əliyevdən çox da uzaq qalmamaq üçün onunla davam edirik.

2007-ci ildə Türkiyənin “DHT Holding” şirkətlər qrupuna bağlı olan “A.S.M Metal Uluslararası Dış Ticarət Şirkəti” ilə “SOCAR-ASM” MMC qurulub. Şirkətdə SOCAR-ın iştirak payı 30 faiz, Türkiyə tərəfinin payı isə 40 faizdir. Üçüncü təsisçi isə 30 faizlik payla “Eyros” MMC-dir. “SOCAR-ASM” şirkətinin əsas funksiyası Xəzər dənizində və quruda istifadəsiz metal qurğuların sökülməsi, batmış gəmilərin, istismar müddəti bitmiş boru xətlərinin kəsilərək çıxarılmasından ibarətdir. 2010-cu ildə bu birgə müəssisə 2,3 milyon manat mənfəət qazanıb.

Turanlılar ailəsinə məxsus “DHT Holding”lə Adəm Əliyev arasında işgüzar əməkdaşlıq bununla məhdudlaşmır. Holdinqlə ortaq qurulan bir çox şirkətdə (“Azər Toxum” MMC, “Azər Aqro” MMC, “AST Beynəlxalq Tikinti” MMC, “Azər Yem Sənaye” MMC) A.Əliyev rəsmi təsisçilər arasındadır.




Qeyd olunan şirkətlər əsasən kommersiya hüquqi şəxslərin təsisçilərinin adlarının kommersiya sirri kimi gizli saxlanılmayan dövrdə yaradılıb. Bu şirkətlər Türkiyənin “DHT Holding” şirkətlər qrupuna daxildir. Qrup Azərbaycanda daha bir neçə şirkətlə təmsil olunur.

Adəm Əliyevin xariciləri “yemləməsi”

Dağıstan Turanlıya məxsus olan “DHT Holding”in Azərbaycana 2010-cu ildə 80 milyon ABŞ dolları (136 milyon manat) sərmayə yatıraraq həmin ildə 400 milyon ABŞ dolları (680 milyon manat) gəlir əldə edib. Mətbuata açıqlamasında "ana yurdumuz Türkiyə, ata yurdumuz Azərbaycandır" deyən D.Turanlı bildirib ki, holdinqə daxil olan DHT Metal şirkəti Xəzər dənizindən çıxarılan dəmir qırıntılarını armatura çevirir. O bildirib ki, dənizdən hətta tank da çıxarıblar.



Çıxardığı tankı, dəmiri sataraq sərvətinə sərvət qatan Turanlı qazandığı pulları Afrika ölkəsinə yatırıb.

Türkiyəli iş adamı D.Turanlı Cənubi Afrikanın ən əhəmiyyətli polad zavodlarından biri olan “CİSKO” polad fabrikini alıb və 2020-ci ildə etdiyi yeni investisiyalarla polad istehsalını artırıb.

D.Turanlıya məxsus Azərbaycanın ən böyük ağır sənaye şirkəti olan “DHT Holding” hazırda Cənubi Afrikadakı investisiyalarını davam etdirir. Xüsusilə metal qırıntılarına investisiyaları ilə tanınan DHT Holdinq Cənubi Afrikada Murray & Roberts tərəfindən 1967-ci ildə qurulan və 2010-cu ildə bağlanan Cape Town Dəmir və Polad İşləri (Cisco) zavodunu aldıqdan sonra yeni investisiyalarla istehsala başlayıb və 42 milyon dollar investisiya yatırıb.

“Azər Yem Sənaye” MMC-nin təsisçiləri Turanlı Oğuzhan Əli oğlu və Adəm Əliyevdir. Balakən rayonunda illik 80 min yem istehsal etmək gücündə olan şirkətə 2007-ci ildə 2 milyon 684 min ABŞ dolları investisiya qoyulub.

“Azər Toxum” MMC və “Azər Aqro” MMC 2008-ci ildə Adəm Bayram oğlu Əliyev və Türkiyə vətəndaşı Emin Fahrettin Baburşahın təsisçiliyi ilə yaradılıb. Bir müddət sonra “Azər Toxum” MMC-də təsisçilərin strukturu dəyişib. Onların arasına “Azər Aqro” MMC (payların 19,78 faizi) və dövlətə məxsus “Azərbaycan İnvestisiya Şirkəti” ASC (AİŞ – 17,46%) daxil olub. “Azər Toxum” MMC nizamnamə kapitalı 100 manatdan 18,9 milyon manata, “Azər Aqro” MMC-nin – 4,4 milyon manata qaldırılıb.

Söz verdiyimiz kimi qayıdaq Anar Əlizadəyə (Əliyevə). Rövnəq Abdullayevin dayısı oğlu olan A.Əlizadənin İsveçrə bankındakı hesabında 100 milyon ABŞ dolları olduğu iddia edilir. O, hələ 2020-ci ildə Azərbaycanda Silahlı Qüvvələrə Yardım Fonduna 2 milyon manatlıq ianə də etmişdi. Bu da onu fonda ən çox ianə edən şəxs kimi siyahıya salıb.

A.Əlizadə azərbaycanlı iş adamı, Union Grand Energy Şirkətlər Qrupunun sahibi və Baş İcraçı Direktoru, “Baku Business Factory”nin təsisçisi, “Socar Trading”-nin təsisçisi (digər təsisçilər: SOCAR, Valeri Qolovuşkin) və keçmiş prezidentidir. Hazırda A.Əlizadə dünyanın bir çox ölkələrində, o cümlədən Azərbaycan, BƏƏ, Türkiyə və Sinqapurda neft, tikinti, ticarət və sənaye sahələrində uğurlu fəaliyyət göstərən bir sıra şirkətləri idarə edir.

Onun qardaşı Nihad Əliyev isə SOCAR-da yüksək vəzifədə idi. 2021-ci ilin mart ayında isə o İstanbuldakı otellərin birində dostları ilə (üç kişi, üç qadın) istirahət edərkən dünyasını dəyişib. Belə ki, N.Əliyev istirahət zamanı belindən tapançasını çıxarıb və zarafatla başına dayayıb. Daha sonra isə atəş açılıb və N.Əliyev ehtiyyatsızlığın qurbanı olub.

A.Əlizadənin digər qardaşı Bədəl Əliyev isə SOCAR İT departamentində satınalma meneceri olaraq işləyir. Atası Nüsrət Əliyev Neft Emalı Zavodu Qaz sektorunun müdiri, əmisi Azad Əliyev isə Neft Emalı Zavodu Kislorod sektorunun müdiridir.

Qeyd edək ki, “Ekol Mühəndislik Xidmətləri” QSC-nin baş direktoru vəzifəsini icra edən Ramil Cavanşir oğlu Əliyev də A.Əlizadənin əmisi nəvəsidir. Digər əmisi nəvəsi Nail Əliyev isə Neft-Yağ Emalı Zavodunun baş direktorudur.

R.Abdullayevə məxsus “Trust Holding” MMC-nin maliyyə nəzarətçisi isə Rüfət Əliyevdir.



Bunlardan başqa Rövnəq Abdullayevin “Rabitə Bankla” da yaxından əlaqəsi var. Belə ki, bankın müşahidə şurasının üzvü Rauf Əliyevin 30 yaşı olmasına baxmayaraq 2 ildir ki, sözügedən bankda yüksək vəzifədədir. Həmçinin R.Əliyev “Rabitə Bank”ın 40,6 faizlə ən böyük səhmdarıdır. Onun üzvü olduğu şuranın sədri Zakir Nuriyevin bankdakı səhmləri isə 11,48 faiz təşkil edir.




Rauf Əliyevin 2014-cü ildən çalışdığı “Z-Commerz” MMC və Rövnəq Abdullayevin oğlu Rəşad Abdullayevin təsis etdiyi “AR Construction” MMC eyni ünvandan qeydiyyatdan keçiblər.

Rauf Əliyev, Rövnəq Abdullayev və “Rabitə Bank” haqqında daha geniş və təfərrüatlı məlumat həftə içi video və yazılı formada Kommersant.az saytı tərəfindən təqdim olunacaq. Yazıda SOCAR yanacaq doldurma mərkəzlərindəki “Rabitə Bank”ın POS cihazları, sözügedən bankın audit hesablamaları, Abdullayev bağları, səhmdarları və səhmdarın pay sahibi olduğu “Meqa Sığorta” haqqında geniş məlumatlar veriləcək.

Yanvarın 16-da Birləşmiş Ərəb Əmirliklərinin paytaxtında Əbu-Dabi Dayanıqlılıq Həftəsinin rəsmi açılış mərasimi keçirilir.

APA xəbər verir ki, Azərbaycan Respublikasının Prezidenti İlham Əliyev tədbirdə iştirak edib.

Dövlət başçısı açılış mərasimində çıxış edib.

Prezident İlham Əliyevin çıxışı

- Birləşmiş Ərəb Əmirliklərinin Prezidenti Zati-aliləri Şeyx Məhəmməd bin Zayed Al Nəhyan.

Dövlət və hökumət başçıları.

Xanımlar və cənablar.

Əvvəlcə, bu mühüm toplantıda iştirak etmək üçün məni dəvət etdiyinə görə Birləşmiş Ərəb Əmirliklərinin Prezidentinə təşəkkürümü bildirmək istəyirəm. Bu auditoriya qarşısında çıxış etməkdən böyük şərəf hissi duyuram. Dünən bizim cənab Prezidentlə əla görüşümüz oldu. Bu, Azərbaycan ilə Birləşmiş Ərəb Əmirlikləri arasında münasibətlərin bir çox sahədə strateji əhəmiyyətini bir daha təsdiqlədi. Bu fürsətdən istifadə edərək, bizi qəbul edən bütün tərəflərə minnətdarlığımı bildirirəm.
Mən çox böyük nailiyyətlər və sürətli inkişaf münasibətilə Birləşmiş Ərəb Əmirliklərinin Prezidentini və xalqını təbrik etmək istəyirəm. Cənab Prezident, Sizin rəhbərliyinizlə Birləşmiş Ərəb Əmirlikləri dünyanın ən sabit, inkişaf etmiş və uğurlu ölkələrindən birinə çevrilib. Biz - Sizin Azərbaycandakı qardaşlarınız olaraq, gördüyünüz işlərdən çox fərəhlənirik.

Biz Azərbaycanda bərpaolunan enerji mənbələrini öz enerji təhlükəsizliyimizin təmin olunması üçün inkişaf etdirmirik. Enerji təhlükəsizliyimizi hələ bir neçə il əvvəl təmin etmişik. Bu gün Azərbaycan nəinki öz enerji tələbatlarını təmin edir, o cümlədən xam nefti, neft məhsullarını, təbii qazı, neft-kimya məhsullarını və elektrik enerjisini ixrac edir. Bərpaolunan enerji ilə bağlı proqramımız tamamilə fərqli gündəliyə malikdir. Birincisi, bu onunla bağlıdır ki, nəhəng potensial var. İkincisi, biz onun sayəsində ixracımızı şaxələndirəcəyik. Əlbəttə ki, nəticədə iqtisadiyyatımızın yeni ekoloji təmiz sektoru yaranacaq.

Cəmi iki il əvvəl Azərbaycan Cənub Qaz Dəhlizi meqa enerji layihəsini öz tərəfdaşları ilə başa çatdırıb, Azərbaycandan Cənubi Avropaya gedən inteqrasiya edilmiş boru kəmərləri sistemini qurub. Həmin boru kəmərinin uzunluğu 3500 kilometrdir.

Təbii qaz ixracımız artır – ötən il 19 milyard kubmetr idisə, bu il 24 milyard kubmetrə çatacaq. O, artmaqda davam edəcək. Buna görə mən bir daha söyləmək istərdim ki, Azərbaycanın bərpaolunan enerji mərkəzlərindən birinə çevrilməsi planlarımız Azərbaycanın öz enerji təhlükəsizliyi ilə bağlı deyil, belə ki, biz həmin işləri artıq söylədiyim başqa səbəblərə görə aparırıq.

Potensialımıza gəldikdə, bəzi rəqəmləri diqqətinizə çatdırım. Quruda 27 qiqavatlıq külək və günəş enerjisi, 2020-ci ildə Vətən müharibəsi zamanı azad edilmiş ərazilərdə 10 qiqavatlıq külək və günəş enerjisi, həmçinin Xəzər dənizinin Azərbaycan sektorunda 157 qiqavatlıq külək enerjisi imkanları mövcuddur. Yəni, 200 qiqavata yaxın potensial var. Əlbəttə ki, bizə kifayət qədər ixrac marşrutları lazımdır. Təbii ki, biz bütün bu layihələri mərhələli şəkildə icra edirik.

Dünən “Masdar” və Azərbaycan Dövlət Neft Şirkəti 4 qiqavatlıq külək və günəş enerjisi stansiyalarının yaradılmasına dair razılaşma imzaladılar. Bu, hələ qısamüddətli bir layihədir. Ortamüddətli layihələr nəticəsində güclər 10 qiqavata qədər artırılacaq. Bu, tamamilə icra olunandır, bununla bağlı yol xəritəmiz var. Yalnız həmin layihə nəticəsində “Masdar” ilə apardığımız əməkdaşlıq Azərbaycanı yaşıl enerjinin çox mühüm ixrac mənbəyinə çevirəcəkdir.

Bütövlükdə, Azərbaycanın beynəlxalq enerji şirkətləri ilə imzaladığı anlaşma memorandumları və sazişlər bizə 22 qiqavata qədər külək və günəş enerjisini istehsal etmək imkanını yaradacaq.

Əlbəttə ki, bu məqsəd üçün, artıq qeyd etdiyim kimi, bizə ixrac marşrutları lazımdır. Elə ötən ay - dekabrın 17-də Azərbaycan, Gürcüstan, Macarıstan və Rumıniya Gürcüstanın Qara dəniz sahilindən Rumıniyanın Qara dəniz sahilinə qədər “Qara dənizin dibi ilə elektrik kabelinin çəkilməsinə dair” Saziş imzaladılar. Bu Saziş Avropa Komissiyası Prezidentinin şahidliyi ilə imzalanmışdır. Planımız Azərbaycandan 4 qiqavatlıq yaşıl enerjini nəql etmək imkanını yaradacaq kabeli çəkməkdir. Lakin bu, kifayət etməyə bilər. Burada söhbət artıq razılaşdırılmış həcmlər barədə gedir. Lakin planlarımız daha genişdir.

Azərbaycanda investisiya mühiti çox müsbətdir. Biz neft və qaz sektoruna böyük sərmayələr cəlb etmişik. İndi isə hədəfimiz bərpaolunan enerjidir. Digər sözlə, planlarımız böyükdür və əminəm ki, işlərin öhdəsindən gələcəyik.

Çox sağ olun.

Bu mühüm toplantıda iştirak etmək üçün məni dəvət etdiyinə görə Birləşmiş Ərəb Əmirliklərinin Prezidentinə təşəkkürümü bildirmək istəyirəm. Bu auditoriya qarşısında çıxış etməkdən böyük şərəf hissi duyuram. Dünən bizim cənab Prezidentlə əla görüşümüz oldu. Bu, Azərbaycan ilə Birləşmiş Ərəb Əmirlikləri arasında münasibətlərin bir çox sahədə strateji əhəmiyyətini bir daha təsdiqlədi.

Bu sözləri Birləşmiş Ərəb Əmirliklərinin paytaxtında keçirilən Əbu-Dabi Dayanıqlılıq Həftəsinin rəsmi açılışında çıxışı zamanı Azərbaycan Prezidenti İlham Əliyev söyləyib.

Qazandığı böyük nailiyyətlər və sürətli inkişaf münasibətilə Birləşmiş Ərəb Əmirliklərinin Prezidentini və xalqını təbrik edən dövlətimizin başçısı Birləşmiş Ərəb Əmirlikləri dünyanın ən sabit, inkişaf etmiş və uğurlu ölkələrindən birinə çevrildiyini bildirərək deyib: “Biz Sizin Azərbaycandakı qardaşlarınız olaraq, gördüyünüz işlərdən çox fərəhlənirik”.

Azərbaycan Respublikasının Prezidenti İlham Əliyevin Birləşmiş Ərəb Əmirliklərinə işgüzar səfəri yanvarın 16-da başa çatıb.

Əbu-Dabi Prezident Hava Limanında dövlətimizin başçısının şərəfinə fəxri qarovul dəstəsi düzülüb.

Prezident İlham Əliyevi rəsmi şəxslər yola salıblar.

"Təbii qaz ixracımız artmaqda davam edəcək".

Bunu Birləşmiş Ərəb Əmirliklərinin paytaxtında keçirilən Əbu-Dabi Dayanıqlılıq Həftəsinin rəsmi açılışında çıxışı zamanı Azərbaycan Prezidenti İlham Əliyev söyləyib.

Dövlət başçısı bildirib ki. cəmi iki il əvvəl Azərbaycan Cənub Qaz Dəhlizi meqaenerji layihəsini öz tərəfdaşları ilə başa çatdırıb, Azərbaycandan Cənubi Avropaya gedən inteqrasiya edilmiş boru kəmərləri sistemini qurub: "Həmin boru kəmərinin uzunluğu 3500 kilometrdən çoxdur. Təbii qaz ixracımız artır - ötən il 19 milyard kubmetr idisə, bu il 24 milyard kubmetrə çatacaq. Bu rəqəm artmaqda davam edəcək. Buna görə mən bir daha söyləmək istərdim ki, Azərbaycanın bərpaolunan enerji mərkəzlərindən birinə çevrilməsi planlarımız Azərbaycanın öz enerji təhlükəsizliyi ilə bağlı deyil. Belə ki, biz həmin işləri artıq söylədiyim başqa səbəblərə görə aparırıq”.

Yanvarın 16-da Birləşmiş Ərəb Əmirliklərinin paytaxtında Əbu-Dabi Dayanıqlılıq Həftəsinin rəsmi açılış mərasimi keçirilir.

Azərbaycan Respublikasının Prezidenti İlham Əliyev tədbirdə iştirak edib.

Dövlət başçısı açılış mərasimində çıxış edib.

Müqəddəs Taxt-Tac ilə Heydər Əliyev Fondu arasında səmərəli əməkdaşlıq mövcuddur. Fond tərəfindən Vatikanda bərpası həyata keçirilən və bəşəri əhəmiyyət daşıyan bir sıra tarixi abidələr mədəni irsin qorunması sahəsində böyük işlərdir.

Bu fikirləri Roma Katolik Kilsəsinin rəhbəri Papa Fransisk Azərbaycanın Müqəddəs Taxt-Tacdakı səfiri İlqar Muxtarovla görüşündə səsləndirib.

Roma Papası qeyd edib ki, həmin layihələr dünya mədəni, tarixi və dini irsinin qorunmasına, mədəniyyətlər və dinlərarası əlaqələrin inkişafına xidmət edir.

Yanvarın 13-də Almaniya Federativ Respublikasının Prezidenti Frank-Valter Ştaynmayer Azərbaycan Prezidenti İlham Əliyevə zəng edib.

Prezidentlərin görüşündə müzakirə edilən məsələlər:

- Regional təhlükəsizlik;

- Avropa İttifaqının vasitəçiliyi ilə aparılan Azərbaycan-Ermənistan danışıqlarının əhəmiyyəti;

- Laçın-Xankəndi yolundakı vəziyyət;

- İkitərəfli əlaqələrin perspektivi.

Almaniya Azərbaycan-Ermənistan münasibətlərinin tənzimlənməsi prosesində özünü neytral mövqedə dayanan dövlət kimi göstərsə də, ölkədəki dairələrdən Bakı əleyhinə tozanaq qaldırılması adi hal alıb.

Ancaq Azərbaycanın Cənubi Qafqaz ölkələri içərisindəki hakim mövqeyi, ölkənin Avropanın enerji, təhlükəsizlik və iqtisadi maraqları üçün getdikcə artan əhəmiyyəti Almaniyanı düşündürür. Buna görə də Almaniya özünəməxsus məsuliyyəti üzərinə götürməklə Azərbaycanla əlaqədar əlavə dəyər siyasətini formalaşdırmalıdır.

Almaniya Avropa İttifaqının gücü olaraq Azərbaycanın könlünü almaq üçün üç istiqamətdə məsafə qət etməlidir.

Birincisi, Almaniya beynəlxalq təşkilatlarda Azərbaycan-Ermənistan münasibətləri ilə əlaqədar neytrallığını qorumalı və prosesə xələl gətirə biləcək bəyanatlardan yayınmalıdır.

İkincisi, Almaniya ölkədə erməni lobbisinin əlində kuklaya çevrilən siyasətçilərin leksikonunu öz dövlət siyasətinin tərkib hissəsinə qatmamalıdır.

Üçüncüsü, Azərbaycanın Türkiyə ilə strateji müttəfiqliyini həzm etməyi bacarmalıdır.

Bunlar Almaniyanın Cənubi Qafqazda sabitliyə verə biləcəyi töhfə payıdır.

Cənubi Qafqazdakı sabitlik Avropa İttifaqının Qara dəniz cinahı boyunca təhlükəsizlik prinsiplərinə birbaşa təsir edir.

Bu səbəbdən də Avropa İttifaqı Cənubi Qafqazdakı dəyişikliklərə, o cümlədən Azərbaycanın qüdrətinin artması, gündəlik formalaşdırmasına sürətlə uyğunlaşmalı və regionla bağlı ümumi siyasət hazırlamalıdır.

İttifaq həmin istiqamətlərdə mühüm addımlar atır, amma Birliyə üzv olan Fransanın və ona yaxın mövqedə duran dövlətlərin Ermənistan sevgisi Avropanın daxilində mübahisələri alovlandırır.

Bir tərəfdən Avropa İttifaqı Şurasının Prezidenti Şarl Mişel etibarlı moderator kimi Azərbaycan-Ermənistan ali səviyyəli danışıqlarını təşkil edərkən, digər tərəfdən Fransa bu prosesi korlayan addımlara gedir.

Parisin siyasəti Avropa İttifaqının vahid yanaşmasının həyata keçməsini ləngidir, buna görə də dövriyyəyə Almaniya salınır. Çünki Berlinin mövqeyi Fransa qədər qərəzli deyil.

Şarl Mişel və Almaniya Fransanın Cənubi Qafqaz siyasətindəki avantüraya getmək istəmirlər, buna görə də mümkündür ki, Avropa İttifaqı səylərini Berlinin vasitəsilə yenidən sınamağı qərara alıb.

Ştaynmayerin Əliyevə zəngi Avropa İttifaqının Almaniyanı “Azərbaycanın nəbzini sən yoxla” təlimatına uyğun çalarlara malikdir.

Ola bilər ki, cənab Ştaynmayer Əliyevə Avropa İttifaqının moderatorluğu ilə keçirilən görüşlərin pozitiv nəticələrin əldə edilməsi üçün əhəmiyyətindən danışıb.

Avropa İttifaqı yenidən İlham Əliyevlə Ermənistanın baş naziri Nikol Paşinyanın görüşünü təşkil etməkdə inadkar görünür.

Azərbaycan Avropa İttifaqı formatındakı danışıqlardan qaçmır, o şərtlə ki, dialoqa avantürist maraqlar ürcah edilməsin.

Bu baxımdan Almaniya Fransanın axarına qoşulmamaq şərtilə İttifaqın qüdrətli üzvü kimi prosesi qabağa aparmaq gücünə sahibdir.


Oxu.az

Prezident İlham Əliyev “Azərbaycan Ali Məhkəməsinin 100 illiyi (1923–2023)” yubiley medalının təsis edilməsi ilə bağlı qanunu təsdiqləyib.

“Azərbaycan Ali Məhkəməsinin 100 illiyi (1923–2023)” yubiley medalı ilə öz vəzifələrini nümunəvi yerinə yetirən, qüsursuz fəaliyyəti ilə fərqlənən hakimlər, məhkəmələrin aparatlarında qulluq keçən dövlət qulluqçuları, məhkəmə sisteminin inkişafına töhfə vermiş şəxslər, habelə beynəlxalq tərəfdaşlar təltif edilirlər.

Qeyd edək ki, yubiley medalı döşün sol tərəfinə, Azərbaycanın digər orden və medalları olduqda isə onlardan sonra taxılır.