"Şəmkirin millət vəkili üçün şəhid maraqlı deyil". DİA.AZ bildirir ki, bu barədə Şəmkirdən göndərilən müraciətdə deyilir.

Müraciət müəllifləri daha sonra etirazlarını belə ifadə edirlər: "Son günlər dövlət sərhəddində yaşanan gərginlik, bu günə olan rəsmi rəqəmə əsasən 71 şəhidimizin olması hər bir Azərbaycanlını dərin matəm hisslərinə qərq etməkdədir.
Lakin 99 saylı Şəmkir kənd seçki dairəsindən millət vəkili "təyin olunmuş", Şəmkir əhalisi arasında heç bir nüfuzu olmayan Nurlan Həsənov çox sevincək halda Almaniyadan gələn qonağımıza öz milli məclisini, öz iş otağını təqdim edir, bununla qürrələnir. Görəsən Nurlan Həsənov bilir Şəmkirin ümumilikdə nə qədər ŞƏHİDİ VAR ?! Bilməz, çünki ona maraqlı olan yayda sərin, qışda isti otağıdır. Nurlan Həsənovu 2 il ərzində bir şəhid dəfnində görmədik. Sonradan gizlin gizlin gəlib şəkil çəkdirib qaçdı".

Vətəndaşlarda qıcıq yaradan olayın görüntülərini təqdim edirik:

DİA.AZ

“Günay Sığorta” Şirkəti Açıq Səhmdar Cəmiyyəti məhkəməyə verilib.

DİA.AZ Banker.az-a istinadən xəbər verir ki, iddiaya səbəb sığorta müqaviləsi üzrə mübahisələrdir.

İddiaçı Həsənov Yalçın Rəşid oğludur. Hakim Rəna Qafarovadır.

Xatırladaq ki, “Günay Sığorta” 1992-ci ildə yaradılıb.

Bu gün saat 11:00-da Mənzil İnşaatı Dövlət Agentliyi (MİDA) tərəfindən sosial evlərin satışı başlamalı idi. Satış prosesinin başlamasına 2 dəqiqə qalanda məlum oldu ki, sistemdə problemlər yaranıb, sistemə qeyri-legitim daxilolmalar var və potensial müştərilərin bir hissəsi sistemə daxil ola bilmir. Ona görə də satış prosesi baş tutmadı.

DİA.AZ-ın məlumatına görə, mövzu ilə bağlı Azərbaycan Qiymətləndiricilər Cəmiyyətinin sədri Vüqar Oruc Yenicag.az-a açıqlamasında bildirib ki, onlayn satış prosesinin istiqamətini dəyişmək lazımdır:

“Əvvəllər olduğu kimi, müəyyən mənzil növbəsi yaradılmalıdır. Proqramda ehtiyacı olan və eyni zamanda, irəli sürülən standartlara uyğun olan vətəndaşlar iştirak etməlidir. Onlayn satışda kiber təhlükəsizlik hər nə qədər təmin olunsa da, hücumlardan qorunmaq asan deyil. Çünki kim məlumatlar bazasını daha tez ötürə bilsə, məhz onların şansı artır. Sanki bir yarış təyin olunub. Təbii ki, bu yarışda qalib olmaq üçün vətəndaşlarımız müxtəlif xidmətlərə müraciət edəcəklər. Proqramların təkmilləşdirilməsinə baxmayaraq, müdaxilələr qaçılmazdır. Bu baxımdan, ictimaiyyətin iştirakı ilə satış mexanizmində dəyişiklik edilməli və qanunazidd addımların təkrarlanmaması üçün MİDA yanında şura yaradılmalıdır. Prosesin şəffaf baş tutmasına əminlik yaradılmalıdır. Çünki bu gün prosesin şəffaf olmaması ilə bağlı fikirlər səsləndirilir. Onlayn müraciətin araşdırılması hansısa komissiya tərəfindən həyata keçirilməli və ictimaiyyətə məlumat verilməlidir. Son arzuolunmaz hadisədən sonra prosesə heç nə olmamış kimi davam etmək düzgün deyil. Çünki son qanunsuzluqdan sonra hüquq-mühafizə orqanları həbslər aparıb və insanların satış prosesinə etimadı itib”.

Son zamanlar Azərbaycanda kitab sərgiləri tez-tez keçirilsə də, bəzi kitab evləri sərginin keçiriləcəyi yerlərin qiyməti ilə razılaşmır və nəticədə bir çox kitab evləri sərgilərə qatılmaqdan imtina edirlər. Sərgilərin keçirilməsində təşkilatçılıq edən“Caspian Event Organisers” (CEO) adlı şirkət təşkil etdiyi kitab festivallarına bir çox kitab evlərini dəvət edir və qeyd edir ki, keçiriləcək sərgidə hər 1 kv.metr yer üçün 100 azn ödənilməlidir. Bu da minimum 6 kv.metr stend olan yer üçün 600 manat pul deməkdir.
Məsələ ilə bağlı “Ovod” kitab evinin nümayəndəsi Əşrəf Vəliyev problemlə əlaqədar öz şəxsi sosial şəbəkə hesabında bildirib ki, bu, kitab yox, pulyığma festivalıdır: “Deməli, “Caspian Event Organisers” şirkətindən zəng edib, Mədəniyyət Nazirliyinin təşkil etdiyi kitab festivalına dəvət edirlər və qeyd edirlər ki hər kv.m üçün 100 azn ödəməliyik. Yəni minimum 6kv.m olan stend üçün bir kitab mağazası 600 azn ödəməlidir. BƏH!

Əziz Mədəniyyət Nazirliyi, Azərbaycanda kitabçılara və kitaba verdiyiniz dəyəri birdaha bizə göstərdiyiniz üçün sizə minnətdarlığımızı bildiririk. Əgər səhvim varsa, üzrlü sayın, ama bizdən başqa bu biabırçılığa nəsə yazan kitab mağazası da görmədik.

Nədir axı bu?! Məqsəd onsuz da heç nə qazanmayan kitab mağazalarını soymaqdır?! 600 azn iki Azərbaycan vətəndaşının minimum əmək haqqıdır. 3 günə 6kv.m yer qarşılığında bu məbləği tələb edirsiniz. Onsuz da o mağazalar orada kitabları dəhşət endirimlərlə satır. Çoxumuz da sırf reklam ve məhsullarımızı yeniləmək, oxucularla kontakt qurmaq üçün qatılırıq. Siz də gözünüzü dikibsiniz bizim cibimizə. Əhsən!”

Məlumat üçün bildirək ki, kitab sərgiləri iki il əvvələ qədər Mədəniyyət Nazirliyinin nəzdində keçirilirdi. Son iki ildir ki, kitab sərgisi və başqa bu kimi festival və tədbirləri yuxarıda adını qeyd etdiyimiz “CEO” adlı şirkət təşkil edir. Şirkətin sərgilərə təşkilatçılıq etməsi və kitab evindən yerhaqqı olaraq yüksək məbləğ tələb etməsi bir çox kitab evlərinin növbəti sərgilərə qatılmama ehtimalını gücləndirir. Bu isə Azərbaycanda oxucu kütləsinin artırılması üçün aparılan təşviqata və ümumiyyətlə kitab mədəniyyətinə qarşı ciddi problemlər yarada bilər.

Vaxtilə Mədəniyyət Nazirliyinin öz nəzdində keçirdiyi kitab sərgilərinə təşkilatçılığın birdən birə bu adda şirkətə ötürülməsi və kitab evlərinə qarşı yüksək məbləğdə yerhaqqı istənilməsi anlaşılan hal deyil və bu maraqlı məqam yəqin ki, Nazirliyin özünün məlumatı və göstərişi əsasında baş tutur.
Bizimyol.info

“Azərsu” ASC tərəfindən keçirilən tender müsabiqəsinin (Açıq tender) qalibi “Kaspi-Yıldız” MMC (VÖEN-1600582521) olub.

DİA.AZ yeniavaz.com-a istinadla xəbər verir ki, “Kaspi-Yıldız” MMC “Azərsu” ASC-yə 43 min 801 manat 60 qəpik dəyərində yüksək təzyiqli şlanqlar satacaq.

Məlumat üçün bildirək ki, nizamnamə kapitalı 10 manat olan “Kaspi-Yıldız” MMC 07.09.2005-ci ildə dövlət qeydiyyaytına alınıb. Qanuni təmsilçisi Əliyev Cəmaləddin Məzahir oğlu olan “Kaspi-Yıldız” MMC-nin hüquqi ünvanı “Nizami rayon, Özbəkistan, ev 24”-də yerləşir.

Onu da qeyd edək ki, 1996-cı ildə “Nizami rayon, Özbəkistan, ev 24E” ünvanında bənzər adda daha bir şirkət - “Kaspi Yıldız” Azərbaycan-Türkiyə Müştərək Müəssisəsi də dövlət qeydiyyatına alınıb. Bu şirkətin təsisçisi 78 saylı Lerik seçki dairəsindən millət vəkili seçilən İqbal Məmmədovdur. Nizamnamə kapitalı 45 000 dollar olan MMC-nin qanuni təmsilçisi isə Məmmədov Ramiz Fərman oğludur.

2019-cu ildə mətbuata verdiyi açıqlamada İqbal Məmmədov bildirib ki, o, 2010-cu ildə deputat seçildikdən sonra müəssisəyə rəhbərliyi qardaşına həvalə edib. Bir müddət “Kaspi Yıldız” Azərbaycan-Türkiyə Müştərək Müəssisəsinə rəhbərlik edən İqbal Məmmədovun qardaşı Asif Məmmədov isə 2006-2013-cü illərdə Balakən və Şamaxı rayonlarının İcra Hakimiyyətinin başçısı vəzifəsində işləyib.


Onu da bildirək ki, bu ilin yanvar ayında “Kaspi Yıldız” Azərbaycan-Türkiyə Müştərək Müəssisəsinin Türkiyə vətəndaşı olan təsisçilərindən biri Rafet Ekmekçioğlu özünə məxsus 50% payı İqbal Məmmədova verib. Nəticədə “Kaspi Yıldız” Azərbaycan-Türkiyə Müştərək Müəssisəsinin təsisçisi 100% pay ilə millət vəkili İqbal Məmmədov olub.

İqbal Məmmədovun təsis etdiyi şirkət uzun zamandır dövlət büdcəsinə olan böyük miqdarda vergi borcuna görə mətbuatda müzakirə olunur. Hazırda “Kaspi Yıldız” Azərbaycan-Türkiyə Müştərək Müəssisəsinin dövlət büdcəsinə 9 milyon 399 min 623 manat 41 qəpik vergi borcu var.

İqtisadiyyat Nazirliyi yanında Dövlət Vergi Xidməti də ötən ilin fevral ayında “Kaspi Yıldız” Azərbaycan-Türkiyə Müştərək Müəssisəsinə qarşı məhkəmə iddiası qaldırıb. Amma görünən odur ki, müəssisənin vergi borcu bu günə kimi ödənilməyib.

“Azərsu” ASC-nin tenderində qalib olan “Kaspi Yıldız” MMC isə ötən il “Azel Group” MMC tərəfindən məhkəməyə verilib.

Bundan başqa ötən il Azərbaycanın ən böyük bankı hesab olunan “Kapital Bank” da (Səhmlərinin 99,87%-i “Paşa Holdinq”ə məxsusdur) borc müqaviləsi üzrə mübahisələrlə əlaqəli olaraq millət vəkili İqbal Məmmədova, həmçinin Məmmədov Nəriman Qədir oğluna (deputatın atası), Məmmədov Çingiz Nəriman oğluna (deputatın qardaşı) və “Kaspi Yıldız” Azərbaycan-Türkiyə Birgə Müəssisəsinə qarşı məhkəmə iddiası qaldırıb.

Xatırladaq ki, İqbal Məmmədov 1982-88-ci illərdə Xalq Təsərrüfatı İnstitutunda İqtisadiyyat nazirinin müavini, SOCAR-ın sabiq prezidenti Rövnəq Abdullayev və “Azərsu” ASC-nin sabiq sədri Qorxmaz Hüseynovla birgə təhsil alıb.

Azərbaycan Hava Yolları (AZAL) Sentyabrın 1-dən Bakı-İstanbul və İstanbul-Bakı marşrutu üzrə onlayn aviabilet bron edərkən “Economy Lite” tarifini təqdim edib. Qeyd edilmişdi ki, bu tarifə yalnız əl yükü (çəkisi 10 kq və ölçüləri 55x40x23 sm qədər) daxildir, tarif qısamüddətli işgüzar səfərə yollananlar üçün mükəmməldir.

DİA.AZ Marja.az-a istinadən xəbər verir ki, bu tarifi təqdim etməklə AZAL-ın qiymət artırdığı müşahidə edilir. Əgər 2022-ci ilin iyul ayında ən aşağı qiymət olan "Economy Classic" tarifi ilə gediş-dönüş biletini 743 manata almaq mümkün idisə (şənbə günü 08:50-də uçuş, bazar ertəsi 23:25-də qayıdış ), bu gün eyni tarif üzrə gediş-dönüş biletini 776 manata almaq olur. Qısası, qiymət 33 manat artırılıb. Bu artımı ört-basdır etmək üçün yeni minimal tarif olan "Economy Lite” kəşf edilib. Bu gün "Economy Lite” tarifi üzrə gediş-dönüş biletini 725 manata almaq olar. Düzdür, bu minimal bilet qiyməti əvvəlki minimal bilet qiymətindən 18 manat aşağı olsa da, sərnişin 23 kq pulsuz əl yükü, aviabiletin qaytarılması və uçuş tarixinin dəyişdirilməsi imkanlarını itirib. Keçmiş minimal tarif olan "Economy Classic"ə 23 kq pulsuz əl yükü daxil idi, aviabiletin qaytarılmasına, uçuş tarixinin dəyişdirilməsinə cərimə ilə də olsa icazə verilirdi.

Qeyd edək ki, bilet qiymətləri öncədən alma müddətindən, uçuş gününüdən və saatından asılı olaraq fərqli ola bilər. Buna baxmayaraq, əksər variantlarda qiymətlərin artdığı müşahidə edilir.

Bu günlərdə AZAL-ın yeni “Economy Lite” tarifi bir sıra vətəndaşları ziyana salıb. Türkiyədə təhsil alan azərbaycanlı tələbələr və valideynləri AZAL-dan təxminən bir həftə öncə bilet alıblar. Lakin gözlənilməz şəkildə Türkiyənin bir neçə universiteti tədrisin başlama tarixini dəyişərək oktyabr ayının əvvəlinə keçirib. Bu səbəbdən bəzi tələbələr və valideynləri Türkiyəyə çox tez getməmək üçün uçuş tarixini dəyişmək məcburiyyətində qalıblar. Amma AZAL “Economy Lite” tarifində uçuş tarixinin dəyişdirilməsinə icazə vermədiyindən bu tarif üzrə bilet alanlar yenidən xərcə düşməli olublar.

“Economy Lite” tarifi üzrə bilet almış zərərçəkənlərdən biri Marja-ya bildirdi ki, bu tarifdə uçuş tarixinin dəyişdirilməsinə icazə verilməməsi kobud inhisarçılıqdır:

"Qiyməti "Economy Lite” tarifindən təxminən 20 manat yüksək olan "Economy Classic" tarifi üzrə uçuş tarixinin uçuşdan əvvəl 60 avro cərimə ilə dəyişdirilməsinə icazə verilir. "Economy Lite” tarifində isə bu imkan yoxdur. "Economy Lite” bileti üzrə 80 avro cərimə ilə də olsa uçuş tarixinin dəyişdirilməsinə icazə verilə bilərdi. Vətəndaşın tamamilə pulunu itirməsi nə deməkdir?! Başa düşdük, 18 manat ucuz bilet satmaq üçün 23 kq pulsuz baqaj imkanını vermirsiniz, amma cüzi qiymət fərqinə görə uçuş tarixinin dəyişdirilməsinə icazə verilməməsi ədalətsiz hərəkətdir, bu kobud inhisarçılıq əlamətidir. Bazara nəzarət edən qurumlar daha çox kiçik sexləri, marketləri, mağazaları cərimələməklə məşğuldurlar. İri şirkətlərin haqsız şərtlərinə göz yumurlar".

AZAL bildirir ki, bilet alarkən "Lite" tarifində qaydalar qeyd olunur. Başqa sözlə, özünün ağır şərtini vətəndaşa diqtə edir. İstehlakçıların hüquqlarına cavabdeh olan dövlət qurumu, bir sıra dövlət şirkətinin, o cümlədən AZAL-ın tariflərini araşdırmalı, ədalətsiz, vətəndaşa ziyan vuran şərtlərin ləğvi üçün göstəriş verməlidir.

Hər zaman "DogruXeber.az" informasiya portalı olaraq, istər qurumların, istər məmurların, istərsə də sahibkarların qanunlarımıza zidd əməllərindən, yaxud davranışlarından yazırıq.

Bu dəfə toxunduğumuz məsələ isə həm qanunlarımıza ziddir, həm də əxlaq normalarına (milli mentalitetimizə) zidd fəaliyyəti ilə "şöhrət" qazanan "Miracle" Ailəvi istirahət mərkəzidir.

Əslində, biz təqribən bir ay əvvəl də bu barədə məlumat yayımlamışdıq. Həmçinin, Məkan Sabunçu rayonu Pirşağı qəsəbəsində yerləşdiyindən, Sabunçu rayon İcra Hakimiyyəti ilə də əlaqə saxlamışdıq və oradan 10-15 dəqiqəyə geri - bizə zəng edəcəkləri bildirilmişdi. Lakin, az qala bir aydır ki, nəinki redaksiyamıza zəng, heç məsələyə hər hansı bir müdaxilə, yaxud reaksiya belə yoxdur.

Eyni zamanda biz bu barədə Daxili İşlər Nazirliyinin də elektron ünvanına rəsmi müraciət göndərmişdik və cavab olaraq, araşdırma aparılacağı bildirilmişdi.

Burda söhbət nədən gedir?

Təqribən bir ay yarım bundan əvvəl istirahət etmək üçün sözügedən məkanda olan və adının çəkilməsini istəməyən bir vətəndaş tərəfindən "DogruXeber.az"a bildirildiyinə görə "Türk abinin məkanı" adı ilə tanınan "Miracle" ailəvi istirahət mərkəzində Azərbaycan və Türkiyə bayrağına hörmətsizlik edilir. Belə ki, elə məkanın girişində asılmış cırıq və rəngləri solmuş bayraqlar məkana gələnlərin diqqətini ilk baxışdan cəlb etsə də məkanı işlədən türk abinin bununla bağlı heç "tükü də tərpənmir".

Özünün də başı qarışıb yataq otaqlarından istifadə edən cütlüklərdən hər saata görə 40 (qırx) manatdan pul yığmağa.

Məkanın adındakı "Ailəvi" sözü hara - saata görə 40 (qırx) manatdan yataq otaqları kirayə vermək hara.

Türk abimiz də özünə belə haqq qazandırır ki, "Abi, gəlib havuzda çimirlər, sonra deyirlər "mənə otaq ver, istirahət edim", mən o zaman nə etməliyəm?!"
Hələ üstəlik, türk abimiz onu da vurğuladı ki, "Gələn -gedən çox olur, hamısını da necə lazımdır yola salıram, şəkillərini də çəkib göndərirəm konsolluğa"...
Abimiz gələn-gedən deyərkən, aidiyyatı qurumların əməkdaşlarını nəzərdə tutur.

Burdan da belə aydın olur ki, Azərbaycanda "ailəvi istirahət mərkəzi" adı altında "əxlaqsızlıq yuvası" fəaliyyəti göstərən "Miracle"ın işlətməçisi olan türk abimizin arxasında elə Türkiyə səfirliyi dayanır, özü də "sapı özümüzdən olan baltalar"la əlbir olaraq.

Bu əməlinə də "Mən sizin ölkənizdə məkan işlədirəm və filan qədər işçi işlədirəm, filan qədər adam burdan evinə çörəkpulu aparır " deyə söhbətdə "üstün tərəf " olmağa çalışması da arxalandıqlarına arxayın olaraq əməlindən nə qədər razı olduğunun göstəricisi idi. Necə deyərlər, elə özləri demişkən "həm suçlu, həm güclü"...

Azərbaycanda azərbaycanlılardan pul qazanıb, ölkəsinə ailəsinə göndərən, burda işçilərinə öz əməyi qarşılığında verdiyi 3-5 manatı üzümüzə çəkir türk abimiz.

Qazansıne, halal xoşu olsun, sözümüz onda deyil. Deyirik ki, madam çörəyi burdan çıxır, buranın da milli dəyərlərinə hörmət etsin.

Amma, bir acı həqiqət də var ki, abimizin bu cür qanuna və əxlaq normalarına zidd fəaliyyətində biraz da özümüzün - aidiyyatı qurumların payı var.

Mövzuya qayıdacağıq.

Redaksiyamız hər kəsin söz haqqını tanıyır.

Ermənistanın təxribatı nəticəsində Azərbaycan Silahlı Qüvvələrinin daha 21 hərbçisi şəhid olub.

Bu barədə MN məlumat yayıb.

Ermənistan silahlı qüvvələrinin törətdiyi təxribatların qarşısının alınması zamanı şəhid olan hərbi qulluqçuların siyahısı

Xatırladaq ki, sentyabrın 12-dən başlayaraq Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilib. Müdafiə Nazirliyinin daha əvvəl açıqladığı məlumata görə, genişmiqyaslı təxribatın qarşısı alınarkən Azərbaycan Ordusundan 42, Dövlət Sərhəd Xidmətindən isə 8 hərbi qulluqçu olmaqla ümumilikdə Silahlı Qüvvələrin 50 hərbi qulluqçusu şəhid olub.

Beləliklə, Ermənistanın son təxribatları zamanı şəhid olan hərbçilərimizin sayı 71-ə çatıb.

Azərbaycan və Ermənistan arasında atəşkəs elan olunub.

“Qafqazinfo” erməni KİV-inə istinadən xəbər verir ki, bunu Ermənistan Təhlükəsizlik Şurasının katibi Armen Qriqorya ölkəsinin İctimai Televiziyasına müsahibəsində deyib.

Məlumata görə, tərəflər sentyabrın 14-də saat 20:00-dan etibarən sərhəddə atəşkəs barədə razılığa gəliblər.

O qeyd edib ki, bu razılaşma beynəlxalq ictimaiyyətin iştirakı sayəsində əldə olun

Sentyabrın 15-16-da Özbəkistanın Səmərqənd şəhərində Şanxay Əməkdaşlıq Təşkilatına (ŞƏT) üzv olan dövlət başçılarının assosiasiyanın genişləndirilməsi ilə bağlı bir sıra qərarların qəbul ediləcəyi sammiti keçiriləcək.

“Report” xəbər verir ki, təşkilatın liderləri İran tərəfinin ŞƏT-ə qoşulması ilə bağlı öhdəlikləri haqqında memorandum imzalayacaq, bundan sonra İslam Respublikası müvafiq öhdəlikləri yerinə yetirəcək və rəsmi giriş prosedurunu başa çatdıracaq.

Sammitdə həmçinin Belarusun təşkilata üzvlüyünün qeydiyyatı prosesi başlayacaq və Misir, Qətər və Səudiyyə Ərəbistanı ilə dialoq üzrə tərəfdaşlıq memorandumları imzalanacaq. Səmərqənddə eləcə də Bəhreyn, Küveyt, Maldiv adaları, Myanma və Birləşmiş Ərəb Əmirliklərinə dialoq üzrə tərəfdaş statusunun verilməsi prosedurunun başlanması barədə qərar qəbul ediləcək.

ŞƏT-in baş katibi Çjan Min bildirib ki, çoxlu sayda ölkə ŞƏT-ə üzv, müşahidəçi və ya dialoq tərəfdaşı olmaq arzusunu ifadə edib. O, təşkilatın yeni üzvlərin qəbulu ilə “regional təhlükəsizliyin və sabitliyin qorunmasında, ŞƏT-ə üzv dövlətlərin ümumi maraqlarının dairəsinin genişləndirilməsində, eləcə də qlobal idarəetmənin sistemi ədalətli və ağlabatan istiqamətdə inkişafının təşviqində getdikcə daha mühüm rol oynayacağına ümid etdiyini bildirib.

Son üç ildə ilk dəfə əyani keçiriləcək budəfəki sammitdə ŞƏT-ə üzv dövlətlərin liderlərindən əlavə, üç müşahidəçi ölkə, Belarus, İran və Monqolustan, həmçinin üç ölkə Azərbaycan, Türkmənistan və Türkiyə dəvət olunub. Ermənistanın Baş naziri Nikol Paşinyanın da iştirakı gözlənilirdi, lakin çərşənbə günü axşam onun səfəri ləğv etdiyi məlum olub.