Yeni tədris ilində valideynlərin məktəbə hazırlıq xərcləri artıb. Ancaq burada təəccüblənəcək bir şey yoxdur, çünki hər şeyin qiyməti artır. Amma ailələrin böyük əksəriyyətinin real gəlirləri aşağı düşür və müntəzəm xərclər bəzən dözülməz yükə çevrilir.

Bəzi məlumatlara görə, azərbaycanlıların məktəb ödənişlərinə orta hesabla xərcləmələri builki yaşayış minimumunu üstələyib - 210 manat (hər uşağa 193 manat) müəyyən edilib.

Birinci sinif şagirdinin anası deyir: “Məktəbə çəkilən xərclər 250 manatdır. Aşağı büdcəli bazarlıq etsək də, ailəmizin gəliri xərclər standartlarına görə az deyil. Gödəkçə, ayaqqabı, məktəbli forması, bel çantası, müxtəlif dəftərxana ləvazimatları - pozandan tutmuş dəftərlərə qədər. Bunlar xırda kimi görünür, amma sonda iri bir məbləğ çıxır”.

Xərclər bununla bitmir - hələ də məktəb ləvazimatları, iş dəftərləri və bir çox başqa kiçik şeylər almalısınız.

Kiçik şagirdlərdən fərqli olaraq, yuxarı sinif uşaqları çox vaxt keçənilki məktəbli forması geyinir və portfel istifadə edirlər. Buna görə də onların xərcləri daha azdır. Ancaq, bu, bir tərəfdən baxanda belə görünür.

Səkkizinci sinif şagirdinin nənəsi deyir: “Biz bu il nəvəmizə forma almamışıq. Keçən ildən kifayət qədər ağ köynək və bel çantası var, amma məktəb şalvarı və iki cüt ayaqqabı, həmçinin dəftərxana ləvazimatları almalı idim. Silgi, xətkeşlər, qələm qutusu, albom və dəftərlər bir-birindən fərqlidir... İlk baxışdan bütün bunlar bahalı olmasa da, yalnız müxtəlif dəftərxana ləvazimatlarına əlli manat xərclənib. Hər şeyə bir yerdə 190 manat lazımdır.vAncaq məsələ bununla məhdudlaşmayacaq - hələ də bir payız gödəkçəsi götürməliyik”.

Valideynlər arasında səthi sorğular belə, göstərir ki, uşağı məktəbə hazırlamaq indiki qiymətlərlə 200-300 manata başa gəlir. Amma bunlar təxmini hesablamalardır, çünki paltar və mallar qiymət və keyfiyyət baxımından çox dəyişir, ailələr isə maddi imkanlarına görə fərqlənirlər. DİA.AZ-ın məlumatına görə, Azad İstehlakçılar Birliyinin rəhbəri Eyyub Hüseynovun AYNA-ya dediyinə görə, uşağı məktəbə hazırlamaq üçün minimum xərc 120 manatdır. Qiymətlərin geniş diapazonunu nəzərə alaraq xərclərin yuxarı həddini müəyyən etmək çətindir. AİB hesablayıb ki, ötən illə müqayisədə məktəb ləvazimatları 10-15% bahalaşıb.

Yeni dərs ili köhnə problemlərdən də xali keçmir və hüquq müdafiə təşkilatının telefonuna zənglər dayanmır: “Alıcılar mənə hər gün zəng edirlər. Onların müraciətləri daha çox məktəb malları ilə bağlıdır - söhbət dəftərxana ləvazimatlarının keyfiyyəti və qiymətindən gedir”.

“Ənənəvi olaraq ən çox tənqid və şikayətlər məktəbli forması ilə bağlı olur. Bu il Elm və Təhsil Nazirliyinin səhvi, daha doğrusu, yeni məktəbli geyimlərinin istehsalı və tətbiqi ilə bağlı qurumun dəqiq planının olmaması səbəbindən vəziyyət bir qədər gərginləşib. Tikiş müəssisələri ilə bağlı heç bir aydınlıq yox idi. Amma ölkədə sovet dövründən qalan ixtisaslaşmış fabriklər var”, - deyə Hüseynov bildirib.

“Birincisi, bunlar Bakı Tekstil Fabriki və daha məşhur Bakı Tikiş Evidir (BTE). Düşünürəm ki, birincisi məktəbli geyimlərinin və uşaq ayaqqabılarının istehsalında uzun və zəngin təcrübəyə malik olduğundan məktəbli formalarının kütləvi tikilməsi üçün daha uyğundur. Şirkətin yaxşı bazası var. Lakin bizə məlumat daxil olur ki, Təhsil Nazirliyi BTE-yə lobbiçilik edir və onlar da, görünür, bu işin öhdəsindən gəlmir. Bu, yolverilməzdir, çünki bu, məktəbli geyimlərinin qıtlığına və onların qiymətlərinin artmasına gətirib çıxarır”, - deyə AİB rəhbəri vurğulayıb.

Hüquq müdafiəçisinin fikrincə, bu məsələ yeni tədris ilinin başlanmasına 6 ay qalmış valideyn komitələrinin, Elm və Təhsil Nazirliyi yanında ictimai təşkilatların və mətbuatın iştirakı ilə həll edilməli idi: “Lakin bunu etmədilər, ona görə də məktəbə getməzdən əvvəl biz xaos vəziyyətində olduq. Məktəbli formamız təkcə yerli deyil, xaricdən gətirilir, idxal isə heç də həmişə qəbul olunmuş tələblərə cavab vermir. Başqa problemlər də var. Məktəbli geyimlərinin istehsalında ölkənin regionlarının iqlim xüsusiyyətləri nəzərə alınmalıdır. Respublikanın soyuq bölgələrində yaşayan uşaqlar üçün isti paltar, isti olan yerdə isə daha yüngül geyim lazımdır. Yeri gəlmişkən, nazirliyin əvvəlki qərarı ilə məktəb direktorları tabeliyində olan təhsil müəssisələri üçün forma seçmək səlahiyyəti almışdılar. Bu yanaşmanın nəticə verməməsi, şübhəsiz ki, yaxşı haldır. Əks halda, məktəb rəhbərliyi tekstil sənayemizin korrupsioner elementlərinin təsiri altına düşə bilər”.

“Ayrı bir mövzu məktəb çantalarının keyfiyyəti və qiymətidir. Qiymətlərin diapazonu heyranedicidir - onların qiyməti 15 manatdan 200 manata qədərdir. Bel çantalarının və məktəb ləvazimatlarının keyfiyyəti ilə bağlı çoxlu şikayətlər daxil olur. Məsələn, müştərilər karandaşların həddindən artıq kövrəkliyindən narazıdırlar. Bütün bunlar Standartlaşdırma İnstitutunun fəaliyyətsizliyindən xəbər verir. Malların keyfiyyət standartlarına uyğunluğu yoxlanılmır. Bundan əlavə, tipoqrafik tipli istehsalda qurğuşun da daxil olmaqla metalların bir ərintisindən istifadə edildiyi məlumdur. Buna görə də standartlara uyğunluq həyati əhəmiyyət kəsb edir. Amma məlumatlar var ki, məktəblər üçün digər çap məhsulları keyfiyyətsizdir, yazılar silinir. Bu, aşağı keyfiyyətli çap məhsulunun sübutudur”, - deyə həmsöhbətimiz fikrini yekunlaşdırıb.

Azərbaycanda “Mgaks şirketi hər kəsə qazandirir” adı ilə yüz minlərlə vətəndaşın etibarından sui-istifadə etmək yolu ilə külli miqdar pul vəsaitini mənimsəməklə “dələduzluq” cinayətinə imza atıb.

DİA.AZ xəbər verir ki, bu haqda Dünyanınsəsi.Az saytına çoxlu sayda şikayətlər daxil olmaqda davam edir.

Belə ki, şikayətçilər qeyd edərək bildirilər ki, 2-3 ay olar ki, biz “Mgaks şirkəti “ tərəfindən aldadılaraq bu şirkətə xeyli miqdar vəsaitlər köçürmüşük. Bu vəsaitlər müxtəlif bank hesablarından ödənildiyi də qeyd edilir..Bir neçə şikayətçi isə qeyd edir ki, Unibank-ın 5243754441421169 nömrəli hesabına 400-500 hətta 4000-5000 manat pul ödəmişik.Əvəzində isə gün ərzində 10-20 hətta 30-40 tapşırıqlar verilirdi ki, müştərilərdə verilən tapşırığı həll edərək cavabları “skrinşot” edərək şirkətə göndərirmişlər.Bu cavablamdan sonra nüxtəlif kart hesablarından da vətəndaşlara ödənişlər edilirmiş.

Hazırda “Mgaks şirkəti” vətəndaşlardan toplamış olduğu vəsaitləri yığaraq aradan çıxıb.Şikayətçilər şirkətlə əlaqə saxlaya bilmirlər.

Məlumat üçün onu da qeyd edək ki, sözügedən şirkət Azərbaycan vətəndaşlarına bildiriblər ki, bu şirkət İngiltərədən idarə olunur.Amma müştərilərə şirkət tərəfindən edilmiş olan ödəmələr ölkə daxilində olan vətəndaşlarımızın kart hesablarından köçürülürmüş.

Sonda redaksiya olaraq inaırıq ki, ölkə vətəndaşlarına qarşı külli miqdar “dələduzluq” etmiş “Mgaks şirkəti” haqqında Dövlət Təhlükəsizlik Xidməti qanunamüvafiq formada arşdırma aprıb bu çetenin yaramaz hərəkətlərini ifşa edəcəkdir.

Redaksiya olaraq qarşı tərəfin də mövqeyini dərc edə bilərik.

Dövlət Gömrük Komitəsinin İnsan Resursları İdarəsinin rəisi vəzifəsindən çıxarılıb.

Qaynarinfo-nun əldə etdiyi məlumata görə, Dövlət Gömrük Komitəsi sədrinin birinci müavini, sədr vəzifəsini müvəqqəti icra edən, gömrük xidməti general-leytenantı Şahin Bağırovun dünən verdiyi müvafiq əmrlə idarənin rəisi, gömrük xidməti polkovniki Fərhad Fərrux oğlu Babayev öz xahişi ilə vəzifəsindən azad olunub.

Dövlət Gömrük Xidmətinin mətbuat xidməti xəbəri təsdiqləyib.

Qeyd edək ki, Fərhad Babayev DGK-nın sabiq sədri Səfər Mehdiyevin tələbə yoldaşı olub. 2018-ci ildə komitənin İnsan Resursları İdarəsinin rəisi vəzifəsinə təyin olunan Fərhad Babayev uzun illər ləğv edilən Vergilər Nazirliyində yüksək vəzifələrdə çalışıb.

Qaynarinfo

Yayılan xəbərdən bəlli olur ki, MİDA yenə üzərinə düşən işi yerinə yetirməyi bacarmayıb və quruma məxsus sistem çöküb. Hadisə Mənzil İnşaatı Dövlət Agentliyinin (MİDA) Yasamal Yaşayış Kompleksinin ikinci mərhələsi üzrə 18 binada 815 güzəştli mənzili satışa çıxarılan zaman baş verib. Belə ki, yayılan xəbərdən bəlli olur ki, MİDA rəsmisinin məlumatına görə, satış hüquq-mühafizə orqanlarının nəzarəti altında olub.
Birincisi, MİDA mənzillərin satışında o qədər saxtakarlığa, maxinasiyalara yol verib ki, artıq hüquq-mühafizə orqanları müdaxilə etməyə məcbur olublar.
Yeri gəlmişkən, Tələbə Qəbulu üzrə Dövlət Komissiyasına ( indiki DİM ) da hüquq-mühafizə orqanları nəzarət edib. Amma DİM-də baş verən neqativ hallar barədə mediada xeyli yazılıb.
Bəzi çoxbilmişlər cəmiyyətimizi sadəlövh yerinə qoyub deyirlər ki, kompüterin qohumu yox, dostu yox, kompüter rüşvət almır-filan... Az-çox bu sahəni bilənlər bilir ki, kompüterin arxasında insan oturub və orada hər cürə maxinasiyaları həyata keçirmək mümkündür.
Nə isə əsas mövzudan yayınmayaq. Bəli, bu gün MİDA 815 güzəştli mənzili satışa çıxarmalı idi. Oxcucular üçün aydın olsun deyə GÜZƏŞTLİ mənzil satışına...bir az aydınlıq gətirək. Bəzilər izi itirmək üçün qəsdən bu layihəni məcburi köçkün, qaçqın, müharibə veteranı və s kateqoriyaya aid etməyə çalışırlar. Məqsəd bulanıq suda balıq tutmaq məsələsidir.
Biz bir media orqanı olaraq birmənalı şəkildə qeyd edirik ki, GÜZƏŞTLİ MƏNZİL məsələsi hörmətli Prezidentimiz İlham Əliyev cənablarının SOSİAL EVLƏR LAYİHƏSİDİR.
Bir az da aydınlıq gətirək. Sovet dövləti dağılandan sonra, yaranan bütün müstəqil respublikalarda olduğu kimi Azərbaycanda da ciddi mənzil problemi yarandı, mənzil növbələri ləğv olundu.
Minlərlə gənc evi olmadığı üçün ailə qura bilmədi. Bütün bunları nəzərə alan cənab Prezidentimiz İlham Əliyev imkansız, az təminatlı insanların mənzil problemini həll etmək üçün Prezident yanında Mənzil İnşaatı Dövlət Agentliyi yaratdı. Və Agentliyin tabeliyində fəaliyyət göstərən “MİDA” MMC yaradıldı. Direktoru da Fərhad Təhməzov oldu. Lap loru, sadə dildə desək, digər MTK-lar özləri şəxsi pulu ilə torpaq sahəsi alır, özü pul qoyaraq bina tikirlər və mənzillər baha başa gəlir, az təminatlı ailələr ev ala bilmir.
Ancaq cənab Prezidentin sosial evlər layihəsində isə MİDA-ya torpaq sahəsini dövlət pulsuz verir, hələ üstəlik tikinti üçün büdcədən külli miqdarda vəsaiti ayırır. Ki, mənzilləri az təminatlı ailələrə ucuz, güzəştli qiymətə satmaq mümkün olsun.
Hətta MİDA-nın ilk binasının açılışında Prezident İlham Əliyev və Birinci Vitse Prezident xanım Mehriban Əliyeva iştirak etdilər. Bütün bu işlərdə məqsəd az təminatlı insanların mənzillə təminatı idi. Etiraf edək ki, digər MTK-lardan icra başçıları, digər məmurlar xeyli miqdarda rüşvət tələb edirlər, bu da mənzillərin qiymətinə təsir edir.
Amma, MİDA-ya bir məmur yaxın düşə bilməz, üstəlik torpaq da dövlət hesabına verilir, özü də 20-30 hektar... Bəs belə olan halda niyə hər dəfə mənzillərin satışı zamanı MİDA çökür, daha doğrusu MİDA-nın kompüter sistemi çökür, vətəndaşlar arasında ciddi narazılıq yaranır, ortaya hakerlər söhbəti çıxır və daha nələr.
Əsas səbəblərdən biri odur ki, bəzi məmurlar villaları, mülkləri olmasına baxmayaraq, hətta sosial mənzillərə də tamah salırlar. Əlbəttə, məmurun tamahı dibsiz quyu kimidir və üstəlik UCUZ aldığı mənzilləri kirayə verib pul qazanır.
Nə isə, son nəticə odur ki, Fərhad Təhməzov və onun “komandası” Perzidentin xoşməramlı layihəsini gözdən salır, insanlarda inamsızlıq yaradır.
Təsəvvür edirsiniz MİDA-ya məxsus sistemin başına nə oyun açırlarsa, vətəndaşlar girə bilmir, seçim edə bilmirlər. Adını da qoyurlar ki, guya kənardan haker hücumu olub.
Bütün bunlar hamısı boş əfsanədir, bütün bu əməlləri törədən MİDA-nın rəhbərliyidir.
Bir neçə ay əvvəl MİDA-nın mənzil satışı prosesində 500 mənzil 5-6 saniyəyə satılmışdı və sonra sistem bloklanmışdı. Bu sahə üzrə mütəxəssislər açıqlama verdilər ki, 5-6 saniyədə 500 mənzili satmaq mümkün deyil. Oxşar proseslər yenidən təkrarlanır.
Görünən odur ki, MİDA-nı, Fərhad Təhməzovu düzəltmək mümkün deyil. Yeri gəlmişkən, Fərhad Təhməzov eyni maxinasiya və korrupsiya hallarını “Qaçqınkom”da da tətbiq etmişdi. Belə ki, vaxtilə Qaçqınların və Məcburi Köçkünlərin İşləri üzrə Dövlət Komitəsinin tabeçiliyində olan Məcburi Köçkünlərin Sosial İnkişafı Fondunun direktoru olan Fərhad Təhməzov dövlətin ayırdığı pulların hesabına milyonçuya çevrildi. Və yığdığı milyonları qardaşı Qoşqara ( hazırda QİDA-nın rəhbəridir) və Ataş Təhməzova verərək Dubaya qədər uzanan biznes imperiyası yaratdı. Bu gün MİDA-ya rəhbərlik edən şəxs məhz həmin Fərhad Təhməzovdur.
Uzun illər məcburi köçkünlərin başına açdığı oyunları indi imkansız vətəndaşların başına açır. Sosial evlər layihəsinə görə, vətəndaşlar müəyyən məbləğ pul ödəyir, mənzil sahibi olur və sonradan qalan pulu hissə-hissə ödəyirlər.
Yeri gəlmişkən, MİDA haqqında bu qədər yazırlar, amma MİDA-nın İdarə Heyətinin sədri Sadıq Sadıqovun adını çəkən də yoxdur.
Ümumiyyətlə, növbəti yazıların birində MİDA rəhbərliyinin cinayətkar tikinti maklerləri əlaqəsindən, hətta xarici biznesmeni aldatmasından bəhs edəcəyik. Bizi izləyin. //gundelik-baku.com//

Azərbaycan daha 6 şəhid verib və bununla da sərhəddəki erməni təxribatlarının layiqli cavabının verilməsi nəticəsində 77 şəhidimiz var...

Ölkənin belə gərgin və həssas günlərində isə bəzi şirkətlər xal qazanmaq, özlərini piar və reklam etmək üçün hətta şəhid adı üzərindən də siyasət qururlar.

Bu xüsusda “Azərlotereya” ASC olduqca ikrah hissi doğuran bir kampaniyaya imza atıb. Belə ki, gecə-gündüz qumarla gəlir əldə edən şirkət “Əmanətə sədaqət” devizinə əsaslanaraq vətən uğrunda canlarından keçmiş şəhidlərimizin bizə yadigar qalan ailə üzvləri üçün təhsil təqaüdü proqramını davam etdirmək adı ilə özünə alqış qazanmağa çalışır.

Şirkət belə bir gündə təqaüd ayırdığı Qarabağ müharibəsi şəhidlərinin ailə üzvləri ilə görüş keçirib. Bu addımı da sosial şəbəkə platformalarında etiraz və ictimai qınaqla qarşılanıb. Cəmiyyət ölkə boyu qumarxanalar açan şirkətin belə bir gündə tədbir keçirib özünü gözə soxmaq istəmək cəhdini pisləyib.
Çünki xalq şəhidləri ilə vidalaşır, ayrı-ayrı bölgələrdə şəhidlərin dəfn mərasimləri davam edir, elə sentyabrın 16-da da Müdafiə Nazirliyi daha 6 şəhidimiz olduğunu açıqladı, bu həssas zamanda isə “Azərlotereya” ASC özünü göstərir, reklam qurur.
PİA.AZ

Astara-Lerik meşələrində olan qanunsuz ağac kəsimi birbaşa Elşad Şükürovun diqtəsi ilə aparılır. DİA.AZ bildirir ki, bu barədə rayondakı mənbədən məlumat verilir.

Halbuki ETSN nümayəndəsi olaraq Elşad Şükürovun başlıca vəzifəsi məhz yaşıllığın qorunmasıdır.

İddia olunur ki, Lerik meşəbəyliyin

Vizəzəmin;
Gürdeser;
Əsxənəkaran və
Təngərüd mesələrində külli miqdarda ağacları qanunsuz kəsib Masallı sexlərinə daşınması da məhz Elşad Şükürovun nəzarəti altında həyata keçirilir.

Hər halda, Ekologiya və Təbi Sərvətlər Naziri Muxtar Babayev üçün bu fakt əhəmiyyət kəsb edə bilər.

Məsələ ilə bağlı dia.az olaraq qarşı tərəfi də dinləməyə hazırıq...

Gundem.media-ın məlumatına görə, Şəmkir rayonunun Düzqışlaq kənd sakini İsmayılov Şükür Rasim oğlu Hurriyyet.az-a müraciət edərək bildirib ki, kənd camaatı iki ildir susuzluqdan əziyyət çəkir:

“Bu kəndin sakinlərinin problemləri danışmaqla qurtarmır, zavallı əhali problemlərini sadalamaqda da çətinlik çəkir. Kənddə su problemi o qədər ciddidir ki, əhali artıq üsyan həddinə çatıb”.

Şikayətçi deyir ki, aidiyyəti qurumların hər birinə müraciət etsələr də, şikayətlərinə əhəmiyyət verilmir:

"Bütün kənd camaatı ayağa qalxıb. Müraciət etiyimiz orqanların heç biri gəlib subartezian quyusunu təmir etdirmir. Həmin subartezian quyusundan 120 ev, 40-50 hektara yaxın əkin sahəsi və bir çox həyətyanı məhlələr istifadə edirdilər. Parniklərdə əkdiyimiz məhsullar zay olur. İki ildir bu zülmlə qarşı-qarşıyayıq. 20-gündür ki, subartezian quyusu bir damcı su vermir. Adi çirkli suyu belə əldə edə bilmirik, təmiz dəyanıb".

Şikayətçi onu da deyir ki, kənd əhalisi suvarma idarəsinin rəisi Tahir Xəlilovun vədlərinə inanaraq, aylardır gözləyir: "Rayonun suvarma idarəsinin müdiri Tahir Xəlilova müraciət ünvanlamışıq. O bildirdi ki, narahat olmayın, bir aya kimi şikayətinizi təmin edəcəm. Aylardır gözləyirik, heç bir tədbir görülmür. Biz müraciət etdiyimiz vaxtlarda subartezian quyusu təmir olunsaydı, bu gün tamamilə dayanmazdı. Subartezianın gözünü gil tutub, təmizlənməsə, dəyişilməsə mümkün deyil. Bütün kənd adından müraciət edirəm, şikayətimi işıqlandırın”.

Şəmkir rayon Düzqışlaq kəndinin suvarma idarəsinin Müdiri T.Xəlilovla əlaqə saxlamağa çalışsaq da, zəngimizə cavab verilmədi. Mövzunu diqqətdə saxlayacağıq.

Ermənistan silahlı qüvvələrinin törətdiyi təxribatların qarşısının alınması zamanı şəhid olan hərbi qulluqçuların yeni siyahısı açıqlanıb.

Siyahıda 77 şəhidin adı göstərilib.

Daha əvvəl bu rəqəm 71 idi.

Avqustun 2-də Qida Təhlükəsizliyi Agentliyi “Qazax rayonu Qırmızı Körpü qida təhlükəsizliyinə nəzarət keçid məntəqəsinin tikintisi işləri”nin satın alınması üzrə keçirdiyi tenderdə “EL-SEYM İNŞAAT” Qapalı Səhmdar Cəmiyyəti ilə 4 268 884.59 manat məbləğində satınalma müqaviləsi bağladığını açıqlayıb.

Qeyd edək ki, “EL-SEYM İNŞAAT” Qapalı Səhmdar Cəmiyyəti artıq Azərbaycan Cəmiyyətinə tanış şirkətdir. Şirkətin məşhurlaşması heç də gördüyü işlərlə bağlı deyil. “Azərxalça” Açıq Səhmdar Cəmiyyətinin mərhum sədri Vidadi Muradovun ətrafında yaşananlar olmasıydı “EL-SEYM İNŞAAT” adlı şirkətin mövcudluğu barədə heç kimi təsəvvürü belə olmazdı.

Belə ki, şirkət regionlarda yeni iş yerlərinin yaradılması məqsədi ilə “Azərxalça” Açıq Səhmdar Cəmiyyəti tərəfindən 2018-ci ildən başlayaraq rayonlarda xalça istehsalı emalatxanalarının tikinti işlərini həyata keçirib. Şirkətin Qobustan şəhərində, Lənkəranda və Ağstafada yaradılan xalça istehsalı emalatxanalarını neçəyə tikdiyi bəlli deyil. Çünki “Azərxalça” Açıq Səhmdar Cəmiyyəti bu məqsədlə keçirilən tenderin nəticələri və ayrılan vəsaitlər barədə ictimaiyyətə məlumamt verməyib.

Amma “Azərxalça” Açıq Səhmdar Cəmiyyətinin Goranboy filialı üçün Prezident İlham Əliyevin 2018-ci ilin may ayında imzaladığı Sərəncamla isə Goranboy rayonunda xalça istehsalı emalatxanasının tikintisi, təchizatı və infrastrukturunun yaradılması üçün 2 milyon manat vəsait ayrılıb.

Bu isə o deməkdir ki, digər rayonlardakı xalça istehsalı emalatxanasının tikintisi, təchizatı və infrastrukturunun yaradılması üçün minimum 2 milyon manat vəsait ayrılıb. Amma dəmir konstruksiyalarla quraşdırılmış bu emalatxanaların real qiymətləri bəlli deyil. Bəlli olan odur ki, regionlarda xalça istehsalı emalatxanasının tikintisi, təchizatı və infrastrukturunun yaradılmasına 10 milyonlarla dövlət vəsaiti xərclənib və bunun da çoxu “EL-SEYM İnşaat” Qapalı Səhmdar Cəmiyyəti qanuni təmsilçisi, sədri Yaşar Ələkbərov vasitəsi ilə “Azərxalça” Açıq Səhmdar Cəmiyyətinin mərhum sədri Vidadi Muradova qaytarılıb.

Bunu Yaşar Ələkbərovun özü Bakı Ağır Cinayətlər Məhkəməsində “Azərxalça” ASC-nin İdarə Heyətinin sabiq sədri, ev dustaqlığında vəfat edən Vidadi Muradovun cinayət işi üzrə məhkəmə prosesində ifadə verərkən etiraf edib. Şirkətin direktoru məhkəmədə etiraf edib ki, 4.2 milyonluq tenderi udub. Lakin bu tender necə keçirilib ki, bununla bağlı dövlət satınalmalarının vahid internet portalında heç bir məlumat yoxdu.

Məsələn “EL-SEYM İnşaat” QSC-nin Ədliyyə Nazirliyinin, Şamaxı rayon İcra Hakimiyyəti başçısının Şamaxı şəhəri üzrə Nümayəndəliyinin keçirdiyi tenderlərin qalibi olması barədə məlumatlar var. Amma “Azərxalça” ASC-nin keçirdiyi tenderlərin qallibi olması barədə heç bir məlumat yoxdur. Yəni, “EL-SEYM İnşaat” QSC-nin direktoru Yaşar Ələkbərovun dediyi 4.2 milyon absurd bir rəqəmdir. Bu söylədiyindən qat-qat çoxdur.

Qeyd edək ki, şirkətin icraçı direktoru Yaşar Ələkbərov Vidadi Muradovun həbsindən sonra məhkəmədə şahid qismində ifadə verərkən deyib ki, Vidadi Muradovun Həsən Əliyev küçəsində yerləşən evində təmir işləri aparıblar və buna görə də 800 min manatdan artıq vəsait xərcləyiblər. Belə çıxır ki, “EL-SEYM İnşaat” QSC rayonlarda xalça istehsalı emalatxanasının tikintisi və təchizatı üçün udduğu 4.2 milyonluq tenderin 800 mindən çoxunu “otkat” kimi Vidadi Muradovun evinin təmirinə sərf edib.Yəni, xalça istehsalı emalatxanalarının tikinti işlərinə cəmi 3,2 milyon manat vəsit xərclənib.

Maraqlıdır “EL-SEYM İnşaat” Qida Təhlükəsizliyi Agentliyinin sədri Qoşqar Təhməzliyə “otkatı” hansı şəkildə və qədər qaytaracaq? Elə 4,2 milyon da Qida Təhlükəsizliyi Agentliyindən udub axı…

Dia.az

44 Günlük Vətən savaşının iştirakçısı Quliyev Samit Samir oğlu sosial problemlər ucbatından Bakı şəhərində dilənir.

Gununsesi.info-nun xəbərinə görə, paytaxt küçələrinin birində əlil arabasında oturan qazi bacısı ilə birlikdə yol kənarında dayanaraq insanlardan kömək istəyir.

Onların sözlərinə görə, Ağdaş Rayon İcra Hakimiyyətinin başçısı və digər aidiyyatı orqanlardan heç biri onlarla maraqlanmayıb, problemlərini öyrənməyib. Müharibədən sonra ayaqlarında ciddi problemlər olan Samit bildirib ki, əksər zamanlar əlil arabasında hərəkət edir. Onu bu vəziyyətdə görən sakinlər qaziyə maddi yardım ediblər.

Gununsesi.info olaraq, dövlətimiz adına utanc gətirən bu hadisəni ictimailəşdirməyi özümüzə borc bildik.

Ümid edirik, Əmək və Əhalinin Sosial Müdafiəsi Nazirliyi, Müdafiə Nazirliyi və digər aidiyyati orqanlar qazimizin problemi ilə məşğul olacaq.

Onu da bildirək ki, Samit Quliyev Prezident İlham Əliyev tərəfindən Xocavəndin azad olunmasına görə medalı ilə təltif olunub.

Gununsesi.info